لما عم نحكي عن "الاصلاح" ليش عم نعتبر أنو الاصلاح أجا مع بشار الأسد؟؟ يعني عهد أبوه عم بتقولو أنو فاسد مثلا؟

هوي اذا بدنا ننظر من وجهة نظر كموالي .. فعهد حافظ الأسد كان أحسن من عهد ابنو .. بس اذا بدنا ننظر كمعارضين فعهد بشار الأسد أحسن بالشعارات بس .. يعني غير شوية شعارات (يعني عمل تطوير وتحديث بالحكي) ومعو معو بعد شي 3000 سنة ضوئية بيبلش الأسد التاسع عشر التحديث بالفعل ..

لا ماحدا قال انو فاسد
انت يلي عم تعتبر انو فاسد
بس في بعض الثغرات يلي في الوقت الحاضر يجب تغيررها
والرئيس حفظه الله يقوم بما يجب

بس في بعض الثغرات يلي في الوقت الحاضر يجب تغيررها
والرئيس حفظه الله يقوم بما يجب

بما يجب وأكثر حفظه الله لمحبيه .. حبيب حابب قلك شغلة واقعية صايرة بالشعب السوري .. نحنا صرنا عم نشوف العمل اللي أقل من الواجب انجاز تاريخي .. نتيجة القمع والاستبداد والتجويع .. ليك أنا بدي تعطيني عمل واحد تاريخي قام فيه حافظ الأسد .. غير التعليم المجاني ومشافي الدولة اللي متل المقابر .. والجوامع .. وما بعرف شو .. لأنو هدول بالصحرا صار في منون ..

لا ماحدا قال انو فاسد
انت يلي عم تعتبر انو فاسد
بس في بعض الثغرات يلي في الوقت الحاضر يجب تغيررها
والرئيس حفظه الله يقوم بما يجب

هلأ انو يعطي قرايبينو 80% من الاقتصاد السوري و كل مصادر الدخل بسوريا هاد شو اسمو بالله
وطنية ؟ ولا شرف ؟
يعني ما بيصير نحنا نقول انو الرئيس فاسد إلا اذا جبنا وقائع بتثبت هالشي
بس انت كمان ما بيصير تقول انو منيح إلا لتجيب وقائع بتثبت هالشي

لا ماحدا قال انو فاسد
انت يلي عم تعتبر انو فاسد

لغويا الاصلاح معناه تحويل شي خاطئ الى مساره الصحيح

البعث يتحدث عن الاصلاح, يؤدي, في شي غلط.....ممكن تحددلي وين الغلط؟



بالنسبة لأعتباراتي...............طبعا اعتبرو فاسد

والله ياشباب
انتو ممكن تقولو شوبدكن
يعني بدكن ايانا في يوم وليلة نصير على القمر
هيدا الشي بعيد كتير
بعدين هلق ماعادت تعجبكن الانجازات يلي قام بها الرئيس الراحل حافظ الاسد
والله بتحيروا شو ماعمل الواحد مابيخلص معكم
كل النجازات واولها التعليم المجاني
شو هيدا الشي ماعاد ينفع معكم
لك صحيح انا شعب مو لابقلوا الديمقراطية
هي الديمقراطية يلي عم تحكي عنها
بدكن تنسوا كل شي \وبدكن تخلقوا شي جديد بيوم وليلة

يعني بدكن ايانا في يوم وليلة نصير على القمر
هيدا الشي بعيد كتير

ما حدا قال بدنا نطلع ع القمر كل يللي بدنا ياه أنو نرجع ع سوريا بدون ما يكون في بالمطار مخابرات عاملتلنا استقبال حافل

بعدين هلق ماعادت تعجبكن الانجازات يلي قام بها الرئيس الراحل حافظ الاسد
والله بتحيروا شو ماعمل الواحد مابيخلص معكم
كل النجازات واولها التعليم المجاني

لك وين ما كان في تعليم مجاني، بعدين شو هالتعليم يللي لهلأ في عنا أميين
لك صحيح انا شعب مو لابقلوا الديمقراطية
هي الديمقراطية يلي عم تحكي عنها
بدكن تنسوا كل شي \وبدكن تخلقوا شي جديد بيوم وليلة

ما حدا قال بيوم و ليلة بس الرئيس بشار صارلو خمس سنين مو يوم و ليلة ولساتنا عم نرجع لورا
و قبلو حافظ قعد 30 سنة ما عمل 1% من يللي عملو جيراننا اللبنانيين ب 10 سنين و هنين تحت الاحتلال

والله ياشباب
انتو ممكن تقولو شوبدكن

مشكور و الله, بس الشباب بفرع فلسطين مو هيك رأيهون

يعني بدكن ايانا في يوم وليلة نصير على القمر
هيدا الشي بعيد كتير

مين حكى عن يوم و ليلة....عم نحكي عن مدى متوسط, عن خمس - عشر سنين....بس مافي حركة , ليش؟؟

بعدين هلق ماعادت تعجبكن الانجازات يلي قام بها الرئيس الراحل حافظ الاسد
والله بتحيروا شو ماعمل الواحد مابيخلص معكم
كل النجازات واولها التعليم المجاني
شو هيدا الشي ماعاد ينفع معكم

لمعلوماتك....التعليم المجاني ما جابو حافظ الأسد.....بعدين شو منجزات و عطاءات و حكي فاضي....حاطط من جيبتو شي هوي؟؟ حكومة دولة واجبها الأساسي تبني و تمشي هالدولة...يعني حتى لو اشتغلت صح, بتكون قامت بواجبها فقط....فكيف لو لسا فوقها الشغل غلط !!!!


لك صحيح انا شعب مو لابقلوا الديمقراطية
بفضل التربية العسكرية و التربية القومية الاشتراكية و معسكرات الصاعقة و الانتاجي

هي الديمقراطية يلي عم تحكي عنها
لسا ما شفت شي, الديمقراطية تعني قناعتي بمن يحكمني
الديمقراطية تعني أنو اللي قاعد فوق بيعرف أنو الشعب حطو, الشعب يقدر يشيله,و أنو شغلو هوي اللي حاطو فوق, أنو مانو اله منزل, أنو عم بيقوم بواجبو, عم بيخدم الناس, ماعم بيوزع عطاءات

بدكن تنسوا كل شي \وبدكن تخلقوا شي جديد بيوم وليلة

والله ياريت.......
بس ما فينا ننسى حماه و حلب
مافينا ننسى تدمر, ولا صيدنايا
مافينا ننسى السوريين اللي تشردوا بهالدنيا لأنهون قالو لأ
مافينا ننسى شباب ما شافو آباءهون, ولا هالآباء اللي راح نص عمرهون حبس
مافينا ننسى حريتنا المسروقة....كرامتنا السليبة
مافينا ننسى سوريتنا المنهوبة....


تحياتي

والله شوف لقلك
مدارس الصاعقة يلي عم تنتقدها وغيرها من مصانع الرجال
هو يلي مخليين سوريا معقل القومية العربية
هو يلي مخليين سوريا كابوس على اسرائيل وتوابعها

مدارس الصاعقة يلي عم تنتقدها وغيرها من مصانع الرجال

هلأ يللي ما دخل هالمصانع برأيك صار طنط؟؟؟؟؟؟؟

هو يلي مخليين سوريا معقل القومية العربية

ما نحنا مشان هيك بدنا نسكر هالمصانع لأنو ما عاد بدنا القومية من أساسا

هو يلي مخليين سوريا كابوس على اسرائيل وتوابعها

أنا يللي بعرفو انو اسرائيل من شي سنتين ضربت مخيم حد منين
و من شي سنة قتلت جندي سوري بالجولان
و نحنا من كتر ماننا قبضايات ما ردينا عليون بنوب

حبيب ....
مصانع الرجال يللي حكيت عنها كان صدام عندو أكتر منها بشي 20 مرة
بتعرف شو علمتون للرجال........ الهريبة تلتين المراجل

مدارس الصاعقة يلي عم تنتقدها وغيرها من مصانع الرجال

هلأ يللي ما دخل هالمصانع برأيك صار طنط؟؟؟؟؟؟؟

هو يلي مخليين سوريا معقل القومية العربية

ما نحنا مشان هيك بدنا نسكر هالمصانع لأنو ما عاد بدنا القومية من أساسا

هو يلي مخليين سوريا كابوس على اسرائيل وتوابعها

أنا يللي بعرفو انو اسرائيل من شي سنتين ضربت مخيم حد منين
و من شي سنة قتلت جندي سوري بالجولان
و نحنا من كتر ماننا قبضايات ما ردينا عليون بنوب

حبيب ....
مصانع الرجال يللي حكيت عنها كان صدام عندو أكتر منها بشي 20 مرة
بتعرف شو علمتون للرجال........ الهريبة تلتين المراجل
معك للعضم :D

مصانع كلاب هي مو رجال :aah: :aah: :aah: :aah: :aah: :aah: :aah: :aah:


لعمى آخر شغلة كنت متوقع اسمع مدح إلا :aah: :aah: :aah:

الخوف
هو الورقة الرابحة دائما من يعرف أن يستغلها جيدا هو المنتصر
لقد خوفونا بالبداية وحكمونا متل القطعان وعملونا متل البهايم
حقهن لأننا خفنا
وبصراحة ما كان فينا ما نخاف لأنن بيخوفو
بس اليوم أمريكا مخوفي كل الرؤساء العرب وكل واحد فيهن عبيلمس على راسو خايف يجي الدور
صدام كبر راس وما ساوى غير الي براسو قامت أمريكا كسرت راسو
الأمير عبدالله بطل يفارق من عند بوش مصبح ممسي
ومبارك قلن عملو الي بدكن اياه بس خلوني اورث هالبلد
وعنا كمان لولا الخوف ما كان هالتغيرات يعني
لازم نتعلم درس انو ما نخاف من حدا لأنو القوة ما بتدوم غير لله

يعني يلي بفهمو منكم انكم ضد الحكم في سوريا
في شغلة لازم تفهموها اننا في سوريا مع الرئيس بشار الاسد
وسنظل معه
هيدا الشي فهمو منيح

يعني يلي بفهمو منكم انكم ضد الحكم في سوريا
في شغلة لازم تفهموها اننا في سوريا مع الرئيس بشار الاسد
وسنظل معه
هيدا الشي فهمو منيح


مين قللك أنو نحنا برات البلد
نحنا كمان بسوريا و ضد الرئيس
ياريت انتوا تفهموا انو هاد حقنا و مانو مخالف لا للشرع و لا للقوانين العادلة

و دمتم :D

مصانع الرجال يللي حكيت عنها كان صدام عندو أكتر منها بشي 20 مرة
بتعرف شو علمتون للرجال........ الهريبة تلتين المراجل


الهريبة تلتين المراجل يلي اكيد تفكيرون كان وقت صدام متل تفكيرك وحكيك هلق
ماهيك حبيب
بس للاسف يلي متلك عم يهزوا الاستقرار بسوريا وحاج تقلي ديمقراطية وحرية الحرية والديمقراطية موجودين في سوريا

حبيبي ما صارلك بالقصر من مبارح العصر وجاي تحكي بإسم النظام
يا حكي بإسمك انت يا بلاها
الاستقار بسوريا
عبتحكي عن الاستقرار الي بيثبت الحكم بس ما حكيت عن الاستقرار الي في انتهاكات للحريات
لازم تفكر منيح قبل ما تجاوب والا بترسب بالفحص حبيبي

الهريبة تلتين المراجل يلي اكيد تفكيرون كان وقت صدام متل تفكيرك وحكيك هلق
ماهيك حبيب

لأ مو هيك حبيب الهريبة تلتين المواجل يلي أكيد دخلوا ع مصانع الرجال تبعك

بس للاسف يلي متلك عم يهزوا الاستقرار بسوريا وحاج تقلي ديمقراطية وحرية الحرية والديمقراطية موجودين في سوريا

114 فرع أمني و انا عم هز الاستقرار بالبلد؟؟؟؟؟
أي هي شهادة بعتز فيها

ودمتم :D

يا زلمي لا تحرق دمك هيدا لساتو طازة :P
وبعدين هوي يمكن خايف
ولا انت شو رايك؟

يا زلمي لا تحرق دمك هيدا لساتو طازة
وبعدين هوي يمكن خايف
ولا انت شو رايك؟

عن مين عم تحكي؟؟؟

عن مين عم تحكي؟؟؟




s1_daoud


-- اخ طازة --



اشترك في: 16 نيسان 2005
مشاركات: 10

يا زلمي لا تحرق دمك هيدا لساتو طازة
وبعدين هوي يمكن خايف


خايف لو خايف كنت مابشارك بهيك موضوع ابدا
بس والله انك بتزعل لك بينشحد عليك كمان
معقول لسا في عالم بهل التفكير
خوف
اي انا خايف
بس خايف على بلدي من ناس متلك

انا قلت خايف تحكي كل شي
لأنك حكيت عن الاستقرار الي بيثبت النظام وما حكيت عن الاستقار الي بينتهك الحريات والاحكام العرفي
وانت يمكن ما بتعرف هي شو اها مساوئ وقديش في ناس راحو ظلم بسببها وقديش رئيسنا بيقدر يشيل الحيف عن الناس وقديش متراخيين بهالموضوع
وبعدين من خمس سنين تقدم المثقفين بورقة للرئيس منشان الأحكام العرفي
بس اليوم كلن اختفو
ياترى بتعرف وينن بأي فرع مخبيين؟
كمان انت حقك تخاف انا ما عبلومك
بعدين انا ما هاجمتك وما بيصير نهاجم بعضنا بهالمنتدى هذا للحوار
وانا ما كنت بقصد الاهانة بس النبرى حادة
نحن شركاء في الوطن وحقك تون مع مين ما بدك
بس هون بتحكي على راحتك
:confo:

بعدين في شغلة مهمة
انا ماني ضد الرئيس بالعكس نحنا معو عالخير بس
موعالشر
يعني ما بنا رئيس غيرو يصلح البلد بدنا ايا هوي يصلحها
ونحنا معو ومنعمرها وما منخلي حدا يقرب عليها ومنموت كرمالها
أصلا نحن كل زعلنا عليها
لكن إذا الرئيس بالفعل مو بالقول بدو يصلح نحنا معو
وبنا النتائج هي الي تحكي
بدون ما حدا يبرر ليش الفشل
فشل يعني واحد ما بدو يشتغل ما في غير هيك
هو رئيس منشان البلد مو البلد منشان الرئيس؟؟؟
يعني هوي الي لازم يخدمنا ويشوف شو محتاجين ويقدملنا الأأفضل
وهيك وقفتنا معو بتصير وقفة مع حالنا ومع بلدنا
ونحن ما رح نظلمو اذا القدر ما ساعدو والضروف ما ساعدتو لكن نحن مامنقبل أبداً حدا يكذب علينا
اذا ماقدرنا نحميها بالشارع منفوت لهون منحكيها ومنخليها بقلبنا ليوم نقدر نحكيها
يعني نحن مع الرئيس بس الرئيس يكون معنا ويعتبرنا مواطنين متل ابن خالتو المواطن
وسلامتكن

بصراحة انا وغيري كتير اول مرة بنسمع بهل الاشخاص يلي تقدموا
بورقة ممكن تحدد اسماء يلي تقدموا

يعني بدك ايانا بخمس سنين نطلع على القمر
صرت حاكي اكترمن مرة انت عم تحكي بأمور دولة
وامور معقدة
والرئيس معنا ولح يظل معنا

اذا عرفت أسمائهن رح تحكيلنا منشان يطيلعوهن؟

ما بيصير تقول انت وغيرك لتبرر عدم معرفتك الشخصية
انا وغيري كمان سمعنا فين
بس سمعنا فيهن مرة وحدة لأنو بتعرف الأمن عنا شو ضعيف
ومنشان التأكد صارتلن هزة إعلامية كبيرة بس عنا الحكم كان ببدايتو والرئيس ما كانلو كم يوم مستلم
يعني نحنا ولاد اليوم
وقلتلك انو نحنا بنا ايا يصلح والناس الي بتحكي ضمن هذا المنتدى كلها سوريين وكلها بسوريا ولكها بتحب سوريا
يعني انا تحسست شوي بس حظرتك قلت بلدنا...
مهيي بلدنا كلنا
وبتهمنا كلنا

كمان صرنا نشعر اننا صغار قدام المصريين واللبنانيين الي عندن المواطن الو مواطنة
وعنا الوطنية قضت على المواطنة
واذا حكيي مو واضح لازملنا قعدة
ماهيك؟؟

يمكن كتير خيالك خصب
سيدي عيش مع خيالك

يعني يلي بفهمو منكم انكم ضد الحكم في سوريا
في شغلة لازم تفهموها اننا في سوريا مع الرئيس بشار الاسد
وسنظل معه
هيدا الشي فهمو منيح

:jakoush: :jakoush: :jakoush:
ازا ملاحظ عم تحكي بالجمع لساتك يا احكي عن حالك يا حدد مين انتو ( 8) )
و ازا عاجبك بشار تبعك خليلك يل شكلة مفاتيح

و بنصحك ترجع بموضيع النتدى شوي لورا بما انك جديد و شوف النقاشات الي انطرحت مشان ما نرجع نلعي البنا مرة تانية :frown:

و ازا عاجبك بشار تبعك خليلك يل شكلة مفاتيح

انت عم تتكلم عن رئيس دولة وياريت يكون عندك شوية احترام
وتفكر شو عم تقول
انت عم تتكلم عن رئيس دولة بغض النظر عن افكارك اليهودية والاميركية

ازا ملاحظ عم تحكي بالجمع لساتك يا احكي عن حالك يا حدد مين انتو

ح قلك مين نحنا
نحنا ولاد سوريا يلي منخاف على سوريا منك ومن امثالك
نحنا ولاد هاد الوطن يلي بدنا نعيش في بسلام بعيد عن ديمقراطية اميركا وعملائها
انت لح تقلي انك كمان خايف على سوريا
بس صدقني ياريت بس تشوف يلي حوليك وتشوفنا
والله لح تلاقي فرق
وانت الك رايك وانا الي راي

مرحبا أخ s1 daoud:

انا حبيبي سوري متلك، عايش بالشام متلك، بشرب من الفيجة و باكل متل ما انت بتاكل تمام
صارلك من أول الحوار عم تتهمنا بالعمالة و الخيانة
مارح كون متلك و قول عنك خاين .... رح خيرك
يا أما انت مجرد مواطن سوري مقتنع بالحكم
يا أما انت مستفيد من الحكم

اذا كنت مجرد مواطن سوري فانت حبيبي و روحي و انا لما بحكي بحكي لمصلحتك و مصلحتي
يعني انا لما بطالب بتغيير قانون الطوارئ بكون عم طالب فيه لمصلحة الكل
انا ما بيهون عليي انو اذا انزعج منك شي ابن مسؤول يقوم يبعتلك مفرزة تجرك من بيتك ادام كل معارفك كأنك شي جاسوس او شي سفاح لمجرد انو يرضوا ابن المسؤول
وما بيهون عليي كمان انو اذا كان عندك محل او مطعم او شركة يتسلبط عليك شي ضابط لمجرد انو بيقدر يخرب بيتك
نحنا منطالب بالغاء قانون الطوارئ لحتى ما يقدر حدا يخرب بيتك غير القانون و اذا ثبتت عليك التهمة بعد محاكمة عادلة
كتير علينا يعني انو يكون في قاضي شريف يحكم معك او ضدك بدل الضابط الجاهل يللي ما بيفهم بالقانون اكتر من ما بتفهم ياباني؟
طالما انت بتحب سوريا لازم تحب السوريين كمان
يعني مابيصير تشتري علبة الكولا لأنو شكلا حلو أو لأنك بتحب صاحب المعمل، لازم تحب الكولا لحتى تشتري علبة
ونفس الشي اذا كنت بتحب سوريا لازم تحب السوريين
و اذا بتحب السوريين لازم تعطيون فرصة انو يدافعوا عن حالون بمحاكمة عادلة
و إلا فالنتيجة متل مانك شايف البلد مين بيعرف مسؤول أكبر بيقدر يمصع راس غيرو و إلا ما يجي يوم و تواجه ابن مسؤول ساعتها الله يساعدك
عرفت ليش نحنا بدنا نلغي قانون الطوارئ

بعدين انا متأكد انو في بسوريا ناس بيطلع بإيدون يحكموا
مو بالضرورة أحسن من الرئيس بشار بس أكيد بيطلع بإيدون
يمكن تكون انت
يمكن أخوك أو أبوك أو صاحبك
هاد الشي لا أنا لحالي و لا انت لحالك بقررو....... الشعب هو يللي بيقرر
يمكن الشعب يقرر انو الرئيس الحالي هو احسن واحد للحكم
ما فينا نعرف غير بانتخابات ديمقراطية
مو تعطينا ورقة يا أي يا لأ لبشار
انتخبات بمعنى الكلمة بيحقلك تختار يللي بتشوفو أصلح
و هاد الشي كمان ما فيو ضرر لألك (باعتبارك مجرد مواطن مقتنع بالحكم)

شغلة تالتة سوريا من أغنى الدول
يمكن أغنى من الإمارات أو ع القليلي متلها
بس المواطن السوري مانو أغنى من المواطن الاماراتي
لانو بسوريا الحرامية كتار و كبار كمان
بقى انا عم طالب بحقي من الثروة الوطنية
ما عم طالب انو الدولة تصرف عليي بس يتركونا نشتغل
مو انا و انت يفرضوا علينا ضريبة بتوصل لل75% و غيري لأنو ابن مسؤول بيعفوا من الضريبة
بدي الضريبة تكون متساوية ع الكل لحتى اقدر نافس بالسوق

هاد اللعي كلو في حال كنت مجرد مواطن سوري مقتنع بالحكم

اما اذا كنت مستفيد من الحكم (ابن مسؤول مثلا) فبحب قلك انك انت الخاين و انت الحرامي و جايي اليوم يللي بتسري عليك العدالة السورية و ساعتها رح تكون هالعدالة قاسية لنعملك عبرة لمن اعتبر انت و غيرك من الحرامية و الخونة والعملاء
و بحب قلك كمان انك مانك ابن سوريا وسوريا متبرية من امثالك
و دمتم :D

و بحب قلك كمان انك مانك ابن سوريا وسوريا متبرية من امثالك

حبيب انا مواطن متلي متلك
وشخص عادي لاابن مسؤول ولا من يحزنزون
وسوريا هي بلدي ومن حقي كمان قول يلي انا شايفوا
هي الشغلات يلي قلتها مزبوطة ومعك حق
بس مالاحظت انو تقريبا ولو شي بسيط انو يهل 4 سنين صاير شوية تغيير
وبرجع وبقلك اني انا متلي متلك
بتقلي ابن مسؤول

وبرجع وبقلك اني انا متلي متلك
بتقلي ابن مسؤول

ع راسي حبيبي و أحلى s1 daoud بالدنيي كمان
مع انو انا ما جزمت انك ابن مسؤول بس انا بعتذر

وسوريا هي بلدي ومن حقي كمان قول يلي انا شايفوا

و نحنا معارضتنا مشان تقول رأيك و يوصل صوتك (يعني يأثر) و ما يضيع بالهوا

بس مالاحظت انو تقريبا ولو شي بسيط انو يهل 4 سنين صاير شوية تغيير

حبيبي
بهال 4 سنين العالم كلو انقلب فوقاني تحتاني

انا شايف انو بهال 4 سنين رجعنا لورا نسبة للتطور يللي صار عند غيرنا
يعني اذا انت حابب تعمل مشروع (بروكسي انترنت مثلا) مستحيل يسمحولك
بس اذا نزل معك شريك شي ابن مسؤول بتلاقي الدولة عم تطبل و تزمر لمشروعك و تحكي عنو قديش بينفع البلد
اذا عم تحكي مشان الجامعات الخاصة فهاد مو تطور
شوف ترتيب هالجامعات و شوف ترتيب جامعات فتحت بنفس الوقت حتلاقي الموضوع بيخجل فعلا
السيارات؟ بدل ماترخص غليت
الإعاشة؟ شوي تانية بيلغوها ع الآخر
صارلون 4 سنين عم يحكوا عن البورصة و لهلأ ما حطوا آلية تنفيذ ع الأقل
و الألعن انو بوكرا بتفيق الصبح بتفتح الجريدة الرسمية يللي مفروض عليك تشترك فيها بتلاقيون دجولك مرسوم عن البورصة دجني دجتك العافية و بآخر المرسوم بيكتبولك انو الآلية بيحطا الوزير المختص بما يراه مناسبا
و بيصيروا يطبلوا و يزمروا بكل وسائل الإعلام السخيفة يللي عنا ع أهمية القانون شي 3 شهور
و بيروح تلاتين وزير و لا واحد فيون بيحط آلية التنفيذ
و لحتى ما تقول اني عم خرف أو حشش رح أضربلك مثل:
من شي سنتين لغوا المرسوم 24 (المرسوم يلي منع تداول القطع الأجنبي و العملات و انشأ محكمة الأمن الإقتصادي)
و لهلأ لسا ما في قانون بيحدد مهنة الصرافة
يعني من قبل كنت اذا مسكوك عم تصرف عملة بتعرف حالك انو رحت دبلكة
هلأ ما بتعرف اذا صرفت بتكون عم تخالف القانون أو لأ
أما لو كان المرسوم عن شي ضريبة جديدة كنت لقيت آلية التنفيذ تاني نهار
انت بتعرف انو مافي ضريبة بالدنيي ما عنا منا بسوريا
حتى الTVA أجوا ليطبقوها آموا انطعجوا و لقوها مطبقة من سنة 1976
يعني قبل ما تخترعها اميركا

ودمتم :D

وبرجع ويقلك انو انا معك كمان من هل الناحية
بس نحنا في عنا كتير تشديد على هل الامور
وانت كمان على راسي
بس برايك انو الحل هو الحكم
لا صدقني مو لح نلاقي احسن من يلي موجود
لان يلي لح يجي مو احسن وانت بتعرف ليش
وبقلك انت كمان على راسي

على راسي كلكن يا شباب
بس أنا رح قول إنو الظالم حتى لو عدل
ما رح تقدر بيوم تنسى ظلمو
بعدين خيو تعالو لنشوف يعني هي كرسة الي خلفو ؟ ونحنا عمنشلحو اياها؟ طيب هو مواطن متلنا
بس بيشتغل رئيس
يعني هي ما كار محتكر لعيلي معينة
هي شغلة بيقدر يشتغلها غيرو
شوفو مثلاً بلبنان
يعني كل الناس صارو يشوفو لحود راس المشكلة وهو تنح وكبر راس
ومل كان يتحلحل عن هالكرسي
يلعن أبو المناصب شو هيي طمعة... أصلا المنصب ما بيبكون طمعة غير بس يكون باب رزق غير شرعي أما وقت الي بيكون مسؤولية وأمانة (المنصب) بتلاقي أنو ما في مشكلة ينشال مسؤول وينحط غيرو
يعني هي شغل مو مصالح
المنيح والشغيل بيضل
لكن طالما الشغلة مصالح والمنصب وسيلة رزق غير مشروع و (بخلي صاحبو مليونير بسرعة وبدون تعب) فمن المستحيل إنو المسؤول يتركو
كمان بالنسبة للناس الي مش قادرة تصدق إنو ممكن يتغير هالرئيس
هذول ما بيعرفو إنو موظف (طبعاً بمستوى عالٍ) بيعرفو صاحب منشأة (إذا ما قالو ورثانها)
والوظيفة لا تعبر عن شخصها بل عن موقعها
s1_daoud
لا ألومك على محبتك للرئيس
ولكن المحبة شي والشغل شي ثاني ما هيك؟
يعني أنا إذا أخي ما بيعرف يشتغل منيح عندي بشيلو عالمكان الي بيناسبو وبجيب واحد غيرو
وما فيها زعل
يعني هي مصلحة شعب مو لعبة
كرمال شخص واحد بتوقف أمة أو بتتفرق أصلاً هذا عيب
وانت بتقول الي شايفو الي شايفو
إي والله هلكتنا
كل الناس شايفي الفساد والي موشايفو أعمى
معقول عمنكذب لهادرجة؟
والكل شايف إنو الرئيس ما قدر يحل الفساد طيب يا اخي يرتاح هوي ببيتو وخلي غير ويشتغل
لشو تاعب حالو (طبعً إذ اكان موظف مؤتمن) وأنا مارح شكك بها الشي كرمالك

وبرجع ويقلك انو انا معك كمان من هل الناحية
بس نحنا في عنا كتير تشديد على هل الامور
وانت كمان على راسي
بس برايك انو الحل هو الحكم
لا صدقني مو لح نلاقي احسن من يلي موجود
لان يلي لح يجي مو احسن وانت بتعرف ليش
وبقلك انت كمان على راسي

ما هوي من أسوأ القناعات والمخاوف التي زرعها البعث في الشعب السوري .. أنو اذا تركناكون مفكرين رح يجي احسن منا .. وأنو القناعة كنز لا يفنى .. وأنو جود من الموجود .. وأنو نحنا أفضل حل ..
أي شو يعني مثلا" معنى كلامك .. هلا البعث أحسن شي لسوريا .. واللي بعدو أسوأ .. أي رح أجي معك .. البعث مانو الله لحتى يستمر للأبد .. هذا يعطي هالأسوأ اللي بعدو رح يجي .. وكمان ما راح يدوم .. وعلى ولايتين تلاتة بتكون سوريا طارت من الكرة الأرضية أرضا" وشعبا" وتاريخا" ..
شو هالسياسة الانهزامية هي ..
يعني رح أجي معك أنو يا أخي الحكومة الحالية منيحة .. ماشي .. بس هون نحنا مننظر لاماكانية بلدنا وطاقاتو .. وثرواتو وموارد .. وشعبو المبدع ( أي المبدع) لا تستغرب .. لأنو وجود عالم بسوريا قادرين على رؤية الحقيقة بعد 40 سنة من قلع أعين البصر والبصيرة وتحطيم النفسيات وزرع الخذلان .. يدل على ابداع وارادة جبارة .. المهم لنرجع وين كنا . أي أنو حكومة البعث منيحة .. أي بس في أحسن .. وهون ما في قناعة كنز لا يفنى .. وما في جود من الموجود .. ولا خلف من المخلوف .. هون لازم نجيب الأحسن .. فيا السلطة بتتعاون مع الشعب ( اللي هنن الدولة والوطنن الحقيقيين) يا أما خيو تتركنا بحالنا .. ونحنا مسامحينها بكل الأموال اللي سرقتها .. وكل شي عملوه معنا .. أخي خدو مصرياتكن وشبحاتكن .. شبكات الخليوي تبعكن .. وافرقونا بريحة .. طيبة يا أما حطوا أيدكون بأيدنا لنعمل الأحسن لهالبلد ..

ولا تواخذنا خيو .. :D :D

هو شباب انا معكم من ناحية الفساد عنا
وهيدا الشي معروف محليا ودوليا
طيب شباب بكل صراحة
لو افترضنا يلي بدكون اياه صار
الحكومة نزلت والبعث تفكك
فيكن تقولولي مين الانسب
بدكن تقولولي انو شي واحد من هل الشعب ماهيك
ولو افترضنا صار
بس قولولي من وين بدنا نبدا لك من وين بدنا نبلش
حبيب الرئيس عم يحاول كل مابيقدر ولا انا ولا انت فينا نشكك بهل الشي
بس بدكن تقولولي وين الشغل الو 4 سنين ماهيك
بس بهل الاربع سنين هو اشتغل وعم يشتغل وعم يحاول بس عنا الاوضاع السورية بتعرفوا كيف
كل واحد بيهمو مصلحتوا وماحدا عم يجي مع التيار يلي ماشي فيه السيد الرئيس
يعني مفكرين انو رئيس يعني هو مرتاح وعم ينبسط بس انا وانتوا بنعرف انو مابينام الليل
يعني مافينا كل اللوم نحطوا على الرئيس
انا عم حاكيك كشخص عادي
انا والله مالي لا باالسياسة ولا باي شي
لحتى انا ماني منتمي ولا لاي حزب
بس متل مابيتهمكن هي البلد ياابناء سوريا كمان انا بتهمني
وبفكر شو بدو يصير فيها

هو شباب انا معكم من ناحية الفساد عنا
وهيدا الشي معروف محليا ودوليا
طيب شباب بكل صراحة
لو افترضنا يلي بدكون اياه صار
الحكومة نزلت والبعث تفكك
فيكن تقولولي مين الانسب

الأنسب هوي الشخص يلي بينتخبو الشعب