ما هو رأيك بحكم بشار الأسد

والله يا صاحبي هو بالنسبة لغيرو من العرب لك بيييييييييييطير العقل مو أحسن من أنو نتصالح مع إسرائيل :evil: :evil:

والله هو من ناح انو ما عطينا فرصة لاء عطينا خمس سنين
بس الوضع من سيء لأسوأ
شال الكولبات من قدام بيوت السؤولين....... ع راصي
سحب السلاح من إيد الشبيحة ......كمان ع راصي
لغى محكمة الأمن الاقتصادي ........فضل ع نافوخي
بس شو استفدنا اذا 80% من الإقتصاد السوري بإيد ابن خالو و الباقي بإيد قرايبينو
و كل موارد الدولة من مطارات و مواني و نفط تحت أمرة ابن خالو.... هادا وضع ما بينسكت عليه بنوب
خمس سنين
خمس سنين
لك رئيس اميركا عمل حربين بأربع سنين
خمس سنين ما طلع بإيدو غير يشيل الكولبات و حكي مصدي
يمكن يكون قصدو شريف بس مانو قد المسؤولية
فأنا ما رح كون استبدادي و رح خيرو هوي ينقي
هو قاصد يلي عملو بخمس سنين
واللا مو قاصد
اذا قاصد معناتا مستبد و ستين مستبد
اذا مو قاصد معناتا يترك مطرحو لييللي بيستاهل
ع العموم هو طالب مهلة للمؤتمر (مع انو نحنا ما دخلنا بالمؤتمر) بس ماشي الحال
و يلي بيشرب البحر ما بيغص بساقية

و دمتم

والله يا صاحبي هو بالنسبة لغيرو من العرب لك بيييييييييييطير العقل مو أحسن من أنو نتصالح مع إسرائيل
لا (مو أحسن)..

والله يا صاحبي هو بالنسبة لغيرو من العرب لك بيييييييييييطير العقل مو أحسن من أنو نتصالح مع إسرائيل :evil: :evil:
لأ يا حبيب أنا ما بدي أنو نتصالح مع إسرائيل
يعني في بسوريا معارضة وطنيي بترفض إسرائيل و بترفض أميركا و بترفض بشار الأسد

يعني في بسوريا معارضة وطنيي بترفض إسرائيل و بترفض أميركا و بترفض بشار الأسد

وينها مو شايفها انا بالمرة
:confo: :confo: :confo: :confo:
انا رائي بحك الرئيش بشار انو بالوضع الحالي ماشي الحال
ولو الوضع الدولي احسن راح يكون احسن
ومين قال انو عطيتوا وقت وين الوقت اربع سنين مناح لاصلاح دولة شو الشغلة لعبة
والله شي بيضحك
انا برائي انو بشار احسن رئيس عربي وعالمي حتى
ودمتم
:D :D :D :D :D :D :D :D

انا كمان والله مو شايفها بالمرة
بيجوز ما في غيرك يا حسون انت وكم واحد معارضين صالحين (شرفاء )
وانا عم احكي جد وما تاخد الكلام مسخرة
وبالنسبة لرائي بحك الرئيس بشار
انا شايف انو حكم بالوضع الي نحنا في منيح او ماشي حالوا متل مو قايل
وانا متفائل خير بعض ما تخلص هالفترة
وانا بعقد انو ستصبح سوريا الدولة الاولي عربيا بالديمقراطية
لان التغير حاجة اساسية ليس فقط للشعب
بل حتى للحكومة وللرئيس بذاته
وانا قلبي وروحي وكلني مع الرئيس بشار لاخر المشوار
:D :D :D :D :D :D :D :D :D :D :D :D

ومين قال انو عطيتوا وقت وين الوقت اربع سنين مناح لاصلاح دولة شو الشغلة لعبة

والله يمكن اننتو شايفينا لعبة
يعني قديش بدها وقت ليوقف ابن خالو عند حدو
قديش صعبة يطالع قانون أحزاب متل العالم والناس
شو بتكلف أنو يكون في عنا انتخابات ديمقراطية
انا ما بفهم شي و بعملون بساعة
خمس سنين حبيبي هدول خمس عمري
شو استنا ليصير عمري 300 سنة لحتى قول بعدين (أي والله طول و ما صار شي)
اذا بدك انت استنا
انا ما عاد بدي

ودمتم :D

والله يمكن اننتو شايفينا لعبة
يعني قديش بدها وقت ليوقف ابن خالو عند حدو
قديش صعبة يطالع قانون أحزاب متل العالم والناس
شو بتكلف أنو يكون في عنا انتخابات ديمقراطية
انا ما بفهم شي و بعملون بساعة
خمس سنين حبيبي هدول خمس عمري
شو استنا ليصير عمري 300 سنة لحتى قول بعدين (أي والله طول و ما صار شي)
اذا بدك انت استنا
انا ما عاد بدي

ودمتم

والله بيجوز انت مفكر انو الرئيس عم يتسلى
يعني وكيف ما بدو بيطلع القرارات
والله على حسب رائي انتو الي بتعارضو الحكم
بتعرفوا انو في شي اسمو اكل هوى قديم
والي تهدم بسنين ما بيرجع باربع سنين
يعني انا ولالله ما شفت اصلاح باي دولة
اسرع من الاصلاع عنا هون بسوريا
مو معقول انتو لازم برائيكون انو بوكرة يطلع قرار ت
متل ما بدكون وكانوا الشغلة لعبة سوني
:D :D :D :D

وينها مو شايفها انا بالمرة

وين بدك تشوفا اذا كل اللينكات محجوبة وكل الجرايد ممنوعة
بعدين يعني انت من كل عقلك انو الناس مبسوطة بالوضع

والله بيجوز انت مفكر انو الرئيس عم يتسلى
يعني وكيف ما بدو بيطلع القرارات
والله على حسب رائي انتو الي بتعارضو الحكم
بتعرفوا انو في شي اسمو اكل هوى قديم
والي تهدم بسنين ما بيرجع باربع سنين

انا معك انو في شي قديم
بس كان ع القليله يوقفون عند حدون
نعني القديم حرامي قبل ما يجي الرئيس ع الحكم مزبوط
بس كان فينو يوقفو و مايخلي يزيدا
بعدين وينو هاد الإصلاح اللي عم تحكوا في
بدو الواحد يضرب بالمندل ليلاقي

وين بدك تشوفا اذا كل اللينكات محجوبة وكل الجرايد ممنوعة
بعدين يعني انت من كل عقلك انو الناس مبسوطة بالوضع


_________________

يا كيمبو يا حبيبي
انا معك كلون ممنوعين
بس انا ما قلت انو الناس مبسوطين
يعني انا ماني مبسوط بس مقدر الوضع الحالي كتير
وشايف امل كبير
وانشالله عن قريب الكل بيشوفوا

:D :D :D :D :D :D :D

و الله خايف هل ابو البيش يعمي الكل يا معلم

انا معك انو في شي قديم
بس كان ع القليله يوقفون عند حدون
نعني القديم حرامي قبل ما يجي الرئيس ع الحكم مزبوط
بس كان فينو يوقفو و مايخلي يزيدا
بعدين وينو هاد الإصلاح اللي عم تحكوا في
بدو الواحد يضرب بالمندل ليلاقي

ليك كريمبوا
حتى انو يوقفون كان صعب
ولهلاء صعب
وبيجوز ما بدك اشرحللك كيف يعني
ليك انا بشوف ببشار كاشخصية
انو انسان رائع ومتحصر ومثال الانسان المحترم
وانو لو بيضل حاكم سوريا كل الدهر راح نكون بالف خير
بس عنجد بدنا وقت
يعني الساسة الخارجية
ما بتخلي للسياسة الداخلية شي
عم تاكل كل الوقت
مع انو حققنا تقدم بالسياسة الداخلية
:D :D :D :D :D :D :D :D :D

انا باول رسالة قلت رح انطر لبعد المؤتمر
يا سيدي انشالله يخيبلي آمالي ويطلع منيح
فكرك بزعل
والله ما بزعل
بس نحنا بلد بدو كتير اصلاح و من وين مابدك
ع المنوال اللي ماشي في بدنا مليون سنة لنصير متل لبنان بس
و ضروب ب500 لنصير متل قبرص
لبنان طلعت من حرب اكلت الأخضر و اليابس و بعد 10 سنين صارت قطعة من الجنة
و فوق هاد كنا مستعمرينو
يعني لو كنا برا كان صار متل فرنسا ب5 سنين
نحنا شو ناقصنا لنكون متلون
ليش لازم نستنا 70 سنة لنشوف بلدنا شوي منيح
بخمس سنين ما عرف يحاكم غير الوزير الوحيد يلي طلع شوي قادمي
و طلع آخر شي براءة
بس لأنو هالوزير ما بيقربو قام حاكمو
اما الحرامية الكبار بيعطيون امتيازات و بيعفيون من الضرايب
اذا رح يصير خير بحكم الرئيس بشار فمو ع سواد عيوننا
لأنو في أميركا حالفة يمين بدا تمصع رقبتو
الشي فعلا بخجل وبيوطي الراس انو يجي الاصلاح بسبب ضغوط خارجية
بس برجع بقول
سلام على كفر يوحد بيننا
ودمتم (انتو دمتم مو البعث)

لبنان طلعت من حرب اكلت الأخضر و اليابس و بعد 10 سنين صارت قطعة من الجنة
و فوق هاد كنا مستعمرينو

ما حبيتها منك
لبنان مو للبنانين
لبنان صار خاص
لانو كلو خصخصة

اما الحرامية الكبار بيعطيون امتيازات و بيعفيون من الضرايب
اذا رح يصير خير بحكم الرئيس بشار فمو ع سواد عيوننا
لأنو في أميركا حالفة يمين بدا تمصع رقبتو

لا وحياتك بس الظروف شائت انو تكون اميركا تكون غاضبة علينا
مع انو طول عمرها غضبانة ولصباطي ما بيهمني

الشي فعلا بخجل وبيوطي الراس انو يجي الاصلاح بسبب ضغوط خارجية
بس برجع بقول

متل ما قلتلك انو الصفة لعبت دور مو اكتر
الاصلاح مبلس من الاول
بس بخطى بطيئة
بسبب اليلسة الخارجيةالعاطلة
:D :D :D :D :D :D :D

ما حبيتها منك
لبنان مو للبنانين
لبنان صار خاص
لانو كلو خصخصة

هاد رأيك و أنا بحترمو
و مع ذلك مو غلط نصير متلون و يمشي عنا الإصلاح بسرعة أكبر

لا وحياتك بس الظروف شائت انو تكون اميركا تكون غاضبة علينا
مع انو طول عمرها غضبانة ولصباطي ما بيهمني

غضبانة و اللا رضيانة
آخر همي

متل ما قلتلك انو الصفة لعبت دور مو اكتر
الاصلاح مبلس من الاول
بس بخطى بطيئة
بسبب اليلسة الخارجيةالعاطلة

هــــــــــــــــــــــــ ـــــه
المشكلة يا زين أنو هاد الواقع المر
أنا مو طايق حالي كيف أنو رح يجي الاصلاح لأنو أميركا هيك بدا
المشكلة أنو تأخير الاصلاح هوي اللي و صلنا لهون
يعني لو بلش بالصلاح من الأول كنا هلأ عم نتبارى مين بسب أميركا اكتر

والله يا شباب أنا شايف أنو كلكن شايفينا لعبة
لأنو كـأنكن مو عايشين بالبلد و ما تعرفو أنو بعض الناس يللي الكل بيعرفن مسيطرين ع كلشي و انو مو بالساهل نشيلن
الامور بدا شوية وقت
الوضع بالبلد برأيي الشخصي عم يتحسن شوي شوي وأنا برأيي أنو اليوم الوضع أحسن كتير من قبل
و لازم نعطي الرئيس شوية وقت زيادة و بدنا ما ننسى انو كل ما بدو يشتغل بشي جوا فجأة و بدون مقدمات أمريكا و اسرائيل و فريد الغادري و أمين الجميل و ما شاكلهم بيهبو وما عاد ينطفو ليشغلوه عن الداخل و إصلاحه
نحنا لازم نكون متعاونين مع الرئيس مو نعطل الخطة الإصلاحية يلللي بدو يطبقها
دمتم و دامت سوريا عزيزة قوية

والله يا شباب أنا شايف أنو كلكن شايفينا لعبة
لأنو كـأنكن مو عايشين بالبلد و ما تعرفو أنو بعض الناس يللي الكل بيعرفن مسيطرين ع كلشي و انو مو بالساهل نشيلن
الامور بدا شوية وقت
الوضع بالبلد برأيي الشخصي عم يتحسن شوي شوي وأنا برأيي أنو اليوم الوضع أحسن كتير من قبل
و لازم نعطي الرئيس شوية وقت زيادة و بدنا ما ننسى انو كل ما بدو يشتغل بشي جوا فجأة و بدون مقدمات أمريكا و اسرائيل و فريد الغادري و أمين الجميل و ما شاكلهم بيهبو وما عاد ينطفو ليشغلوه عن الداخل و إصلاحه
نحنا لازم نكون متعاونين مع الرئيس مو نعطل الخطة الإصلاحية يلللي بدو يطبقها
دمتم و دامت سوريا عزيزة قوية


_________________

اناة عايش بالبلد وحاسس نفس الاحساس
:D :D :D :D :D :D :D :D :D :D

والله يمكن اننتو شايفينا لعبة
يعني قديش بدها وقت ليوقف ابن خالو عند حدو
قديش صعبة يطالع قانون أحزاب متل العالم والناس
شو بتكلف أنو يكون في عنا انتخابات ديمقراطية
انا ما بفهم شي و بعملون بساعة
خمس سنين حبيبي هدول خمس عمري
شو استنا ليصير عمري 300 سنة لحتى قول بعدين (أي والله طول و ما صار شي)
اذا بدك انت استنا
انا ما عاد بدي

ودمتم

والله بيجوز انت مفكر انو الرئيس عم يتسلى
يعني وكيف ما بدو بيطلع القرارات
والله على حسب رائي انتو الي بتعارضو الحكم
بتعرفوا انو في شي اسمو اكل هوى قديم
والي تهدم بسنين ما بيرجع باربع سنين
يعني انا ولالله ما شفت اصلاح باي دولة
اسرع من الاصلاع عنا هون بسوريا
مو معقول انتو لازم برائيكون انو بوكرة يطلع قرار ت
متل ما بدكون وكانوا الشغلة لعبة سوني
:D :D :D :D
كلام حلو و انا بوفقك عليه 100%
و بحب اقول انو المشكلة هيي بالمعارضين يلي ما بطلعو الا على نص الكاسة الفاضي و يلي ما بفكرو الا بحالون بدل ما يفكرو بالمستقبل وللنتائج يلي راح يعيشوا الاجيال الجاي انا كمواطن بحب بلدي و بغير عليه عندي استعداد بانو اعيش على الرصيف طول عمري اذا بعرف انو بالاخر راح يتعمر البلد و يزدهر و... و انا شايف انو البلد والمعيشة والاقتصادكل مالو لقدام
:D :D :D :D

انا رائي بحك الرئيش بشار انو بالوضع الحالي ماشي الحال
ولو الوضع الدولي احسن راح يكون احسن
ومين قال انو عطيتوا وقت وين الوقت اربع سنين مناح لاصلاح دولة شو الشغلة لعبة
والله شي بيضحك
انا برائي انو بشار احسن رئيس عربي وعالمي حتى
ودمتم

:gem: :gem: :gem: :gem: :gem: :gem: :gem: :gem: :gem: :gem: :gem:

انا ما بدي احكي شي بس بدي اعطي مثال:
تخيل حالك عندك بيت قديم و عم يدايقك اكتر ما عم يفيدك و بدك تهدو و تخلص منو بخمس دقايق و تبقى بالشارع على القليلة سنتين (اذا طبعا معك مصاري بتطمك) بس اذا هديت اول غرفة و عمرت مكانها وحدة جديدة و سكنت فيها و عملت كل غرفة بغرفتها لحتى تخلص هيك ما بتحس و بتدرى الا انو البيت خلص و انت لساتك فيه و عين الله عليك
:wink: :wink: :wink: :wink: :wink: :wink: :wink: :wink: :wink:

انا ما بدي احكي شي بس بدي اعطي مثال:
تخيل حالك عندك بيت قديم و عم يدايقك اكتر ما عم يفيدك و بدك تهدو و تخلص منو بخمس دقايق و تبقى بالشارع على القليلة سنتين (اذا طبعا معك مصاري بتطمك) بس اذا هديت اول غرفة و عمرت مكانها وحدة جديدة و سكنت فيها و عملت كل غرفة بغرفتها لحتى تخلص هيك ما بتحس و بتدرى الا انو البيت خلص و انت لساتك فيه و عين الله عليك
:wink:k:

اي ما بيمشي الحال يا انسة ليلى... اذا البيت مهرر و على اساسات تعبانة ما فيكي تبني عليه شي... كيف بدك تصلحي خطوط الكهربا و تمديدات المي... لما منضل على الاساسات القديمة المعفنة؟

أنا مع ليلى :D

اي انتبه ما ياكلك الزئب لكن :o

هاهاهاهاها حلوة منك :D :D :D

اي انتبه ما ياكلك الزئب لكن :o

بس ليلى من وين :confo:

إذا كان لا بد إبداء الرأي بحكم الرئيس بشار الأسد، فماذا لا نبدآ بالسؤال من يحكم سوريا؟
أهو الحرس القديم؟ الحرس الجديد؟ مجلس سري؟

إن حكم الرئيس حافظ الأسد لسوريا كان حكم صارم، و لم يكن فيه مكان للراجل رقم اثنين، و هو عمل و باستخدام عبقريته الفذة بإحكام سيطرته على السلطة كإله فرد أحد. و هو عندما أطلق صفة الخالد على نفسه لم يطلقها جزافاً و لم رفع شعار إلى الأبد لم يكن شعاراً فقط.

في الحقيقة الذي يحكم سوريا هو إرداة القائد الراحل و على حد تعبير أحد الأصدقاء "ما زالت سوريا تسير بعطالة الأسد الأب" و من بعده فإن الأبن يسير على خطا الأب تدريجياً و هو أحرز تقدماً كبيراً على هذا الطريق.

إن نظرة متمعنة إلى رجال الحكم وصفوة الدولة في سوريا، ترينا أنه و كما كان في عهد الأسد الأب ليس هناك رجل واحد ذو شخصية متنفذة و صاحب كلمة أو يمكن اعتباره مركز قوة حقيقية، قوة أكبر من قوة الرئيس بشار الأسد في الحكم و أكبر من إرداة والده الراحل.

إنه سر نجاح الأب و سيكون سر نجاح الابن عدم السماح لأحد بتجاوز خطوط معينة حمراء و مقدسة من النفوذ و القوة، و بالرغم من إحساس بعض ممن يتعارف على تسميتهم الحرس القديم بأنهم ذوو نفوذ و لهم كلمتهم في الدولة فإن هذا الإحساس صحيح من ناحية تمرير معاملات بسيطة أو ما شابه أما عند الحديث عن إدراة السياسة في البلد فإن دورهم لايتعدى كونهم ناصحين و مستشارين في أحسن الأحوال، و أدوات للتنفيذ بشكل عام.

مرة أخرى فمن الممكن القول أن رجال السلطة حول الرئيس بشار الأسد هم مجموعة من بعض المستفيدين و بعض المتسلقين و بعض "اللقاليق" و بعض الدروايش و بعض المغلوب على أمرهم. و تبقى الكلمة الفصل للراحل، حتى بعد مماته..

لكن يمكن التأكيد على نضوج تجربة الأسد الابن و خاصة خلال الأزمة اللبنانية، و التي لم تنته تماماً بعد، فقد تم التعامل مع القضية بنهج جديد شكلاً و لكن الجوهر كان واحد، فقد حول الرئيس بشار و في مواقع عدة الموقف من شعور بالهزيمة إلى انتصار سياسي و لو كان على المستوى الداخلي فقط. و هي تكتيك من تكتيكات الأسد الأب المعروفة حيث يمكن تسخير المواقف الحرجة و الهزائم إلى انتصارات (و إن كانت انتصارات معنوية)

و بالعودة إلى الجبهة الداخلية و بالنسبة لموضوع الحكم و النفوذ، و تأكيداً لوجهة النظر بأن البلد سائر بهدي الراحل، فقد يقول قائل إن خال الرئيس "محمد مخلوف" و ابنه "رامي" يسيطران على السلطة أو الاقتصاد، و لكن يمكن النظر إلى الموضوع بطريقة أخرى ، إنها جزء من تحديث أدوات السيطرة و الحكم التي سيجري الحديث عنها لاحقاً، أما باللنسبة لابن الخال فهو كما ذكر سابقاً أداة لا اكثر و لا أقل و يمكن في أي لحظة أن يتحول إلى "محمود الزعبي" ثاني أو قربان التطوير و التحديث المستمر، تطوير حكم الأسد و أساليب استمراره في السلطة. فالأسد الأب و بنظرته الثاقبة رأي أنه لا بد من تطوير أدوات و وسائل الحكم إذا أرد لهذا الحكم أن يستمر و بالفعل فهو قام بمحاولات للتخلص من صفة القمع و السيطرة على الشعب بواسطة الأجهزة الأمنية، و خاصة بعد أن تم تدجين الشعب و تحويله إلى أداة مطياعة و تفهم بالإشارة على حاكمها.

و من هنا كان البدأ بالحديث عن توجيه تهم الفساد لمسؤولين سابقين و رموز للنظام الحاكم مثل الراحل الزعبي و من ثم إطلاق الحريات و ظهور المنتديات و التي لم تطبق قبل أن يكون تجهيز صمام الأمان و الأداة الجديدة في تدعيم السلطة ألا و هو القانون، حيث نرى أن ما يسمى ربيع دمشق انتهى بإلقاء القبض على أهم رموزه و محاكمتهم بما فيهم أعضاء مجلس العشب المستقلين المنتخبين، و الذين تم الحكم عليهم و بالقانون بالسجن.

إن هذا التحديث في الأدوات يظهر مدى براعة الأسد الأب و عبقريته، و قدرته على قراءة التاريخ و حركة تطوره، فالشكل الجديد للحكم أقرب إلى الحكم الديمقراطي المتناهي الشرعية، و الذي يؤكد على سلطة القانون و سيادته، لكن طبعاً هذا القانون مدروس و عباراته الفضفاضة في ما يخص الأمن الوطني و القومي تسمح باستخدامه بالشكل الانسب.

و هكذا كانت دراسة معمقة لكثير من التفاصيل و التكتيكات، و التي أدت إلى الانتقال الناعم للسلطة من الرئيس الراحل إلى الابن، و بدون أي عقبات حقيقية، كما أن انتخاب الرئيس بشار تم بحماس من قبل الكثيرين و الذي كانت الإصلاحات الأخيرة في عهد الرئيس الراحل أعطت الشعب بصيص أمل.

إن ورقة الوقت و لعبة الانتظار هي جزأ مهم من التكتيكات التي تساعد على استخدام هذه الورقة في ربح المزيد من النقاط في هذه اللعبة، و تستمر المنهجية، و يمكن ملاحظة ما حدث الآن من تغييرات، و إصلاحات بما فيها الحل الجزأي لقضية شركة مرسيدس في سوريا، و التي كانت رمزاً شكلياً لتوجيه ضربة إلى ابن الخال العاق و الذي هو في الحقيقة ليس إلا جزأ من أدوات السيطرة الحديثة، السيطرة من خلال الاقتصاد و تحديداً الاقتصاد الحر و من جهة القطاع الخاص، إن الهدف ليس تجميع المال بل السيطرة عليه لأنه جزأ من أدوات السيطرة الحديثة بعد إحالة الأدوات القديمة مثل الأجهزة الأمنية على التقاعد.

و من جهة ثانية يتم الحديث عن انقلاب أبيض، و الذي يمثل الدفعة التي يجتاجها الحكم في الأزمات و المراحل المفصلية لإعطاء دفعة شعبية له.. و حتى ظهور معارضة و نشاطها في الحقيقة محسوب و هناك طرق للتعامل به، و أكبر مثال هو جمهورية مصر العربية، حيث المعارضة موجودة و أصوات صرخاتها تشق السماء، و لكن و بطريقة سحرية فإن الوضع في مصر و إن اختلف عن التفاصيل و الأسلوب في سوريا إلى انه لا يختلف عنه كثيراً في النتائج.

من جهة الجبهة الخارجية فإن الولات المتحدة و في ظل حكم المحافظين و بسبب تجربتها في العراق لا تبدوا ميالة للحرب على سوريا و لكن تستعمل ورقة الضغط السياسي إلى أقصى حد، و هي لا تبتغي أية ديمقراطية أو حطم أغلبية في سوريا لأنها تعرف أن الشعب المفطور على النزعة الدينية و الانتماء الطائفي فإن احتمال وصول سلطة إسلامية إلى الحكم وارد إلى أبعد الحدود و هو ما لا تبتغيه، و يمكن القول أنه لا يوجد تغير جوهري في التعامل مع هذه الورقة، على افتراض بعد احتمال الحرب عن الوقوع، و لكن احتمال وقوع الحرب وارد، و الأسوء هو أن أوروبا و التي ظلت محافظة على الوجه الحكيم للسياسة الدولية، قد تكون مسألة وقت فقط قبل أن يصل إلى الحكم في أوروبا أحزاب متشددة قومية و تريد أن تأكل حصتها من الكعكة بدلاً من تركها للولايات المتحدة الإميركية و بريطانيا لتنفردا بها، و هكذا عودة إلى الاستعمار القديم بشكل تام بعد أن فتحت الولايات المتحدة الباب على مصراعيه، و في حال حدوث هذا الأمر فإن الأمر لن يبقى متوقفاً على الرئيس الأسد أو غيره بل سيكون الاحتلال و الاستعباد لكامل الشعوب ، و التي هي أصلاً شعوب مقهورة و على مر فترة غير قصيرة من الزمن.

أخيراً: ما هي إذاً طبيعة حكم بشار الأسد؟
يمكن القول بأنه حكم شمولي، توتليتاري، يقوم على شخصية فردة فذة هي الآمر الناهي، و التي بالرغم من كل ما تحتويه الشمولية فإنها لا تنفصل عن شعبها، إن كان من خلال القضايا القومية أم الشعور الوجداني كرمز للوطن، و تبقى هذه الصور تتصارع في مخيلة الشعب مخلفة موقف عاطفي من الحكم يتناسب مع تناقضاته، فالمواطن تارة يحب الرئيس و مستعد فعلاً للتضحية من أجله لكونه يمثل الوطن، و تارة يكرهه و يبغضه لشد ما عانا من أخطاءه.
و السؤال الذي يبقى معلقاً ماذا بعد "الآن" و "هنا"؟

انا ما بدي احكي شي بس بدي اعطي مثال:
تخيل حالك عندك بيت قديم و عم يدايقك اكتر ما عم يفيدك و بدك تهدو و تخلص منو بخمس دقايق و تبقى بالشارع على القليلة سنتين (اذا طبعا معك مصاري بتطمك) بس اذا هديت اول غرفة و عمرت مكانها وحدة جديدة و سكنت فيها و عملت كل غرفة بغرفتها لحتى تخلص هيك ما بتحس و بتدرى الا انو البيت خلص و انت لساتك فيه و عين الله عليك
:wink:k:

اي ما بيمشي الحال يا انسة ليلى... اذا البيت مهرر و على اساسات تعبانة ما فيكي تبني عليه شي... كيف بدك تصلحي خطوط الكهربا و تمديدات المي... لما منضل على الاساسات القديمة المعفنة؟
بالاول لازم انا وانت نتفق على نقطة وحدة شو هني الاساسات اللي عم تحكي عنهن
انا برايي الاساسات اللي عليهم بيتعمر كل بلد هني الشعب اللي مستعد يضحي بحياتو فدا للوطن و انا برايي انو هالاساسات الحمدلله عنا من اقوى الاساسات بالعالم بس اذا قصدك بالاساسات الحكم القديم فهدول مانهون اساسات هدول العمال اللي بتسأجرون و بياكلوا دم قلبك على ولا شي بس انت بتعرف انو انت فيك تسوي كل الشغل لوحدك بس بدك مهندس يعلمك شو تساوي و انا برأيي انو الاساسات موجودة و المهندس موجود بس الشغلة بدها شوية وقت

[quote]
الشغلة بدها شوية وقت
[/qu
:confo:

شباب .. مشكورين كلكون على تعبكون .. وحوار حلو كتير .. بس يعني أنا بعتبر المنبر الحر هوي خلية اجتماعية .. وممكن تدل على تقييم على المجتمع السوري بشكل عام .. يعني فيه المغترب .. والمقيم .. المسلم والمسيحي .. الملحد والمتصوف .. اليساري واليميني .. المعارض والموالي .. بس اذا بتحبوا شوفوا نتائج التصويت .. يمكن بتدل على شي .. :D :D

شباب .. مشكورين كلكون على تعبكون .. وحوار حلو كتير .. بس يعني أنا بعتبر المنبر الحر هوي خلية اجتماعية .. وممكن تدل على تقييم على المجتمع السوري بشكل عام .. يعني فيه المغترب .. والمقيم .. المسلم والمسيحي .. الملحد والمتصوف .. اليساري واليميني .. المعارض والموالي .. بس اذا بتحبوا شوفوا نتائج التصويت .. يمكن بتدل على شي ..

ما فينك بقيم من خلال 17 بصويت
على الأقل 50
و مع ذلك بيبقى في مجال أنو الواحد يسجل بالمنتدى بكذا اسم و بيضل يصوت (و هي الحركات مو غريبة ع البعثيين)
و حتى بهالوقت بيضل التصويت مانو شفاف ولا حتى 70%
قبل حرب العراق ربح صدام بالانتخابات بنسبة 100%...... ليش يا حزرك :?:

بدكون الرأي ببشار الأسد؟؟؟ ما بعرف , بس هيك حاسس أنو الشغل مو مزبوط, الموضوع أكبر من أنو ينشمل كلو بسؤال واحد...أنا برأيي هالموضوع نوقف هون.... نعمل دقيقة صمت على روح استاذ الوراثة و الأجنة تبعي لأنو عطاكون عمرو....و مع عمرو المكتب تبعو عطانا نجاح عام بالمادة لكل المتقدمين..
نرجع لموضوعنا بعد هالعلاك...... لازم نجزء الموضوع.
أول شي... عم نحكي عن شخص بشار الأسد ؟ أو عن فريقو بشكل عام؟
تاني شي.... لازم نناقش هالأمور التالية الكل لوحدو...وبقترحها للحوارات اللي اقترحتها بموضوع تاني ( دورو عليها...ما بعرف وين صارت )
عندك طريقة وصولو للحكم
عندك سياستو الخارجية
========= الداخلية
========= الاجتماعية ( تعليم, فرص عمل ..... )
========= الاقتصادية
الحقوق و الحريات العامة و السياسية
................الخ


تحياتي

الله يرحم استاذك ....... و مبروك النجاح
بالنسبة لأول شي: الزلمة متزوج يعني شو بدي بشخصيتو .... اصلا اخواتي البنات ما عم يفكروا يتجوزو هلأ (قاعدين بخلقتي)
طبعا عم نحكي عن نظامو او فريقو
بالنسبة لتاني شي: انا معك

ما فينك بقيم من خلال 17 بصويت
على الأقل 50
و مع ذلك بيبقى في مجال أنو الواحد يسجل بالمنتدى بكذا اسم و بيضل يصوت (و هي الحركات مو غريبة ع البعثيين)
و حتى بهالوقت بيضل التصويت مانو شفاف ولا حتى 70%
قبل حرب العراق ربح صدام بالانتخابات بنسبة 100%...... ليش يا حزرك

:shock: :shock: :shock: :shock: :shock:

ما فينك بقيم من خلال 17 بصويت
على الأقل 50
و مع ذلك بيبقى في مجال أنو الواحد يسجل بالمنتدى بكذا اسم و بيضل يصوت (و هي الحركات مو غريبة ع البعثيين)
و حتى بهالوقت بيضل التصويت مانو شفاف ولا حتى 70%
قبل حرب العراق ربح صدام بالانتخابات بنسبة 100%...... ليش يا حزرك

ليش ياكريمبو مدام انت ديمقراطي ما قلت عكس الحكي الي قلتوا
يعني انو ممكن حدا يعمل اسم وبيفوت يصوت ضدوا للزلمة
بتصير
يعني كمان مو ملائكة العالم كلو الا البعثين
:D :D :D :D :D :D :D :D :D :D :D

ليش يا ياس مدام انت ديمقراطي ما قلت عكس الحكي الي قلتوا
يعني انو ممكن حدا يعمل اسم وبيفوت يصوت ضدوا للزلمة
بتصير
يعني كمان مو ملائكة العالم كلو الا البعثين

و ليش عم بتقللي هالحكي لألي؟؟ أنا ما جبت سيرة التصويت :shock: :shock:

و ليش عم بتقللي هالحكي لألي؟؟ أنا ما جبت سيرة التصويت

عفوا قصدي كريمبوا

ليش ياكريمبو مدام انت ديمقراطي ما قلت عكس الحكي الي قلتوا
يعني انو ممكن حدا يعمل اسم وبيفوت يصوت ضدوا للزلمة
بتصير
يعني كمان مو ملائكة العالم كلو الا البعثين

كلامك مزبوط
بكل بساطة أنا قصدت انو التصويت مو شفاف و ما بيعبر عن الواقع

بس إجمالا هي الحركات معروفه عند البعثيين مع أنو مين ما كان بيقدر يعملا

عفوا قصدي كريمبوا

حشاش شوباك .. أنا جبت سيرة التصويت .. 8) 8)

حشاش شوباك .. أنا جبت سيرة التصويت ..

:shock: :shock: :shock: :shock: :shock: :shock: :shock:

(قبل حرب العراق ربح صدام بالانتخابات بنسبة 100%...... ليش يا حزرك :?:[/quote])

1-مو لأنون حزبيين لأنون خونة أو مغلوب على امرون ولا تنسى انو كان في ناس بتحبو لصدام حسين
2-مافيك تشبه وضع العراق بوضع سوريا

3-وبرأيك انو العراق بعد ما راح صدام حسين صار احسن؟؟ا
:confo: :confo: :confo: :confo:

-مو لأنون حزبيين لأنون خونة أو مغلوب على امرون ولا تنسى انو كان في ناس بتحبو لصدام حسين

عال .... قبلنا أنو في...... "فييييي" ناس بتحبو
بس مو كل الناس .... يعني مو 100%

2-مافيك تشبه وضع العراق بوضع سوريا

انا ما شبهت
انا عطيت مثال على نوعية التصويت تحت حكم استبدادي و عدم شفافيتو
بعرف أنو العراق مو متل سوريا بس الاستبداد بيضل استبداد حتى ببلوتو

وبرأيك انو العراق بعد ما راح صدام حسين صار احسن؟؟ا

أكيد لأ بس مو السبب أنو راح صدم قام صار العراق أسوأ
السبب أنو محتل من قبل أسوأ احتلال بالتاريخ (أميركا بحكم بوش)

ودمتم

-عال .... قبلنا أنو في...... "فييييي" ناس بتحبو
بس مو كل الناس .... يعني مو 100%

انا قلت انو في خونة أو مغلوب على امرون



انا ما شبهت
انا عطيت مثال على نوعية التصويت تحت حكم استبدادي و عدم شفافيتو
بعرف أنو العراق مو متل سوريا بس الاستبداد بيضل استبداد حتى ببلوتو


حكم الشعب بقبضة حديدية (من الناحية السياسية بمجتمعاتنا اوقات بكون الو فوائد اكتر من مساؤو يعني مثلأ لو ما القائد حافظ الاسد استخدم هالاسلوب مع الاخوان المسلمين كانت خربت البلد و انا ما بنكر بأنو في ناس واعية (متل حضرتك) اذا انفتحتلا الحرية السياسيي المطلقة راح تشتغل بكل ما فيا لتزيد اعمار البلد بس المشكلة انو الناس يلي ما بهمون الا مصالحون الشخصية عم بغطو عليون لانو عم يعلنو عن حالون باسم المعارضة و هدول الناس اذا انتحلون هالباب راح **** اخت البلد هادا غير انو كل جماعة راح تعمل لحالا حزب وجبهة و لا تستغرب انو يطالبو بتقسيم سوريا (الاكراد,الدروز,السنة,االعل وية ,حتى المسيحية.....) فما عليك الا انو تتخيل النتائج و يمكن هالي قلتو كلو ماراح يصير بس لبين ماتهداالامور و يستقر الحكم راح نكون تأخرنالنا شي 50 سنة لورا و نحنا ما ناقصنا نرجع لورا اكتر من هيك


أكيد لأ بس مو السبب أنو راح صدم قام صار العراق أسوأ
السبب أنو محتل من قبل أسوأ احتلال بالتاريخ (أميركا بحكم بوش)

لا تنسى المستفيدين يلي من الداخل و متل هدول الناس انا قصدت بحديثي فوق

ودمتم

دمنا و دمتم و لا تنسى يا حبيب انو كلنا اخوة و كلنا بنحب و طننا صحي كل واحد بطريقتو بس هلشي ما لازم يفرقنا
:D :D :D :D

بس المشكلة انو الناس يلي ما بهمون الا مصالحون الشخصية عم بغطو عليون لانو عم يعلنو عن حالون باسم المعارضة و هدول الناس اذا انتحلون هالباب راح **** اخت البلد

برأيك اللي مستلمين الحكم هلأ صار معون كل هالمصاري ليش؟
لأنو قلبون ع البلد؟
ما بيجوز تتهم المعارضة بالسرقة و اللي حاكمين هلأ هنين أكبر حرامية
لسا ما شفنا خير المعارضة من شرا بس شفنا خير و شر الحكام الحاليين

حكم الشعب بقبضة حديدية (من الناحية السياسية بمجتمعاتنا اوقات بكون الو فوائد اكتر من مساؤو يعني مثلأ لو ما القائد حافظ الاسد استخدم هالاسلوب مع الاخوان المسلمين كانت خربت البلد

بس حبيت ذكرك بأنو سنة 1860 بعد أحداث جبل لبنان أجوا العثمانيين بدون يقتلوا المسيحيين بدمشق
و يللي وقف بوجههون هنين المسلمين السنة الدمشقيين
هاد الموقف ما لازم ننساه
المسلمين و المسيحيين بسوريا متعايشين مع بعض من زمان (و لو في بعض التجاوزات)
واللي عملو نظام البعث (و من قبلو نظام عبد الناصر )هو تكريس الانقسام بيناتون
عصاية الأخوان المسلمين يلي كل ما دق الكوز بالجرة بترعبونا فيها انسوها بقى لأنو ما عادت تنفع
تمثيل الأخوان بالشارع السوري (حتى لو عطيتو الحرية المطلقة ) محدود جدا
الشارع السني بسوريا أوعى من أنو يتماشى مع هيك حركة أصولية
طالبو بتقسيم سوريا (الاكراد,الدروز,السنة,االعل وية ,حتى المسيحية.....)

بعد الاستقلال عن تركيا الشعب السوري عمل شغلة اسمها الجمعية السورية، بتضم فلسطين و لبنان كمان (مو بس سوريا الحالية)
و بأيام الانتدام الفرنسي فعلا تم تقسيم سوريا لدويلات
بس الشعب السوري (رغم الجهل و التخلف) حارب التقسيم
هاد دليل وعي السوريين على أهمية وحدتون
بقى ما تخاف على سوريا من الانقسام
و اذا حيصير انقسام بسوريا فمو المعارضة يللي بتعملو
النظام الحالي المتعامل مع أعداء البلد هنين يلي رح يعملو و بس يفكروا بهالشي رح تكون نهايتون وخيمة

ودمتم

يعني نحنا عايشين احسن عيشة باالنسبة لغيرنا
وحكم بشار الاسد حفظه الله حكم ديمقراطي بكل معنى الكلمة وهو عم يحاول يحسن الاوضاع بس لاتفكروا هيدا الشي لعبة يعني تغيير الاوضاع مو بسرعة لان عم تحكي بامور دولة مو عم تعمل منظمة هي دولة
وبعدين شو بدو الشعب الديمقراطية الديمقراطية على الطريقة الامييركية هي العراق شوف الديمقراطية هي الديمقراطية الاميركية يلي بعض من الناس يريدونها ويجتمهون في واشنطن من اجلها هذا الذي ترديونه الديمقراطية الاميركية تريد ان ترى عراق ثاني امامك يوميا مئات القتلى والجرحى ومئات الالوف من الاسرى هذه هي الديمقراطية الاميركية الذي تريدونها
يااخي نحنا عايشين والله بالف خير عم احكي انا وانا شخص ماني منتسب ولالاي حزب سياسي
بس كفانى حكي وشوف شو عم نواحه من تحديات استعمارية هيدا كلو لهز الاستقرار عنا
انتبهوا شو عم يصير فينا
هي لبنان لح يساووها عراق تاني خلال سنة لح تلاقي لبنان اليوم غير لبنان بكرى يعني باعتقادي لبنان اذا بتظل هيك الاوضاع فيها لح تصير النا دولة معادية جديدة وهي كمان تبعا للديمقراطية الاميركية
وبقلك انو حكم بشار الاسد حكم لم يشهد الوطن العربي مثله ولا حتى العالم


وحكم سوف يشهد به التاريخ واقول واردد اني مع بشار الاسد الى اخر يوم في عمري وسيظل ولائي له الى الابد

يعني نحنا عايشين احسن عيشة باالنسبة لغيرنا

طبعا أحسن من الصومال و اريتيريا

وحكم بشار الاسد حفظه الله حكم ديمقراطي بكل معنى الكلمة وهو عم يحاول يحسن الاوضاع بس لاتفكروا هيدا الشي لعبة يعني تغيير الاوضاع مو بسرعة لان عم تحكي بامور دولة مو عم تعمل منظمة هي دولة

ممكن تشرحلي امتيازات ابن خالو الحبيب, هاي ديمقراطية؟
بعدين يا أخي الكريم هاي حجة مو مقبولة, صارلنا خمس سنين ومافي خطوة بالاتجاه الصحيح... قديش بدك وقت يعني؟


وبعدين شو بدو الشعب الديمقراطية الديمقراطية على الطريقة الامييركية هي العراق شوف الديمقراطية هي الديمقراطية الاميركية يلي بعض من الناس يريدونها ويجتمهون في واشنطن من اجلها هذا الذي ترديونه الديمقراطية الاميركية تريد ان ترى عراق ثاني امامك يوميا مئات القتلى والجرحى ومئات الالوف من الاسرى هذه هي الديمقراطية الاميركية الذي تريدونها
يااخي نحنا عايشين والله بالف خير عم احكي انا وانا شخص ماني منتسب ولالاي حزب سياسي
بس كفانى حكي وشوف شو عم نواحه من تحديات استعمارية هيدا كلو لهز الاستقرار عنا
انتبهوا شو عم يصير فينا

ما حدا طالب ديمقراطية امريكية....و ملينا من هالأسطوانة....التجاوزات الأمريكية بالعراق و غيرها لا تبرر استبدادية النظام البعثي السوري....


هي لبنان لح يساووها عراق تاني خلال سنة لح تلاقي لبنان اليوم غير لبنان بكرى يعني باعتقادي لبنان اذا بتظل هيك الاوضاع فيها لح تصير النا دولة معادية جديدة وهي كمان تبعا للديمقراطية الاميركية

اذا مع الأيام تصير لبنان معادية لألنا ( بستبعد هالشي) راح يكون بسبب الغباء السياسي للنظام السوري, ما احتاج مساعدة امريكية ليعمل هيك تحفة

وبقلك انو حكم بشار الاسد حكم لم يشهد الوطن العربي مثله ولا حتى العالم


وحكم سوف يشهد به التاريخ واقول واردد اني مع بشار الاسد الى اخر يوم في عمري وسيظل ولائي له الى الابد


رأيك الشخصي وحقك الطبيعي يا معلم
تحياتي :D

بس لح رد عليك وقلك انو هيدا الشي معروف
والرئيس عم يحاول يحسن الاوضاع بس برجع وبقلك انك عم تحكي بأمور دولة

بس لح رد عليك وقلك انو هيدا الشي معروف
والرئيس عم يحاول يحسن الاوضاع بس برجع وبقلك انك عم تحكي بأمور دولة

و اذا عم يحكي بأمور دولة؟
شو صار جاسوس يعني؟
الديمقراطية يعني انك تحكي بأمور الدولة مين ما كنت تكون
و بتصور انو الحكومة تبعنا بتعتبر حالا ديمقراطية

بس لح رد عليك وقلك انو هيدا الشي معروف
والرئيس عم يحاول يحسن الاوضاع بس برجع وبقلك انك عم تحكي بأمور دولة

لحظة بس....سؤال للشباب
لما عم نحكي عن "الاصلاح" ليش عم نعتبر أنو الاصلاح أجا مع بشار الأسد؟؟ يعني عهد أبوه عم بتقولو أنو فاسد مثلا؟