انو [الأرشيـــــف] - صفحة 2

يمان Rooooonaldo

26/05/2007, 12:01

تالت شي يمان كيفك حجي

اهلين حجي مشتقلك:larg:

اول سؤال سالتك ياه ما جاوبتو :D

خيو الاستنساخ بالوقت الحالي بصيغتو الحالية يعني ما رح يعطيك فكرة كاملة عن اللي براسي واللي انا عم فكر في على المنظور البعيد
يعني اذا دمجت محاولات العلماء هلأ لخلق خلية بدائية وبعدها طوروها لانسان بعد عشرة عشرين تلاتين مية سنة رح يقدرو يكونو خلقو انسان وهني ماشيين على هالطريق

انا ما هان كانت نقطتي... انت ما فهمت عليي.. انا يللي عم قلك ياه
انو انت ما بتعرف شو ممكن يصير لقدام هلا انت متفائل انو بيجوز بس هي ما ماشية هلا كلمة بيجوز
يعني .. هنن لهلا ما في شي بيبشرك انو والله ممكن صلو لهاد الشي انو يساوو انسان
هلا عم نشوف هنن كيف انلطقو من شي مخلوق من قبل الله
يعني شي حي.. ما بداو من العدم
هيك كان قصدي
يعني انت عم تقول شغلة الاستنساخ هي البداية
وانا هون حكيي بدايتهم كانت من خلية حية وخلوقة معناها مهما طورو فيها هي بالاصل حية ومخلوقة

وبالنسبة لسؤالك عن شو دخل الرجل بالنطفة والانقسامات والبويضة و و و هادا من طبيعة تركيب جسم الانسان انو يصير هيك وبس نتفق اذا الله خلق الانسان او لاء وقتها منتفق على هالقصص هاي

طيب خيو... انا ما عم قلك انو انت امن بالله او لا
بس لح قلك شغغلة انت بما انو نظرتك عم تدور حول انو الانسان هو يللي عمل الانسان انا حكيي
انو الانسان ... قادر على ضبط العمليات يللي عم تصير
يعني بالاحرى... مين بعد دخول النطفة ممكن يظبط الوضع جوا يعني من تعشيش لغذاء لولادة لتقلص
ل ل ل ل لاخره
بيقدر هاد الانسان بعد هاد الخلق انو يمنع اختلاط دم الام مع دم الولد
انا هون نقطتي انو انت عم تقول الانسان خلق الانسان طيب لح امشي معك بس
كيف عم يقدر يرجع يعمل عمليات البط بعد هاد الشي وفي اكتر من مثال على هي الاشياء
يللي من الاستحالة انو يتدخل فيها الانسان

بالنسبة لقصة ادم وحواء انتي ما جاوبتني من وين اجت هالعالم بعد ادم وحواء ؟
وما حدا جاوبني قصة ايمت تم الخلق ووين ؟

طيب.. ما انا كيف بديي جاوبك كيف اجو يللي بعد ادم وحوا اذا انت ما قلتلي كيف اجو ادم وحوا بالاصل
صح ولا لا.. يعني الاصل كيف اجا بعدين ممكن نحكي على الففروع
بعدين شغلة تانية انت بتعرف ليش قابيل قتل هابيل او هابيل قتل قابيل مالي متذكر بالضبط
بس قصدي انت بتعرف ليش تخانقو وواحد قتل التاني..
اذا عرفت بتوقع انو لح تعرف من وين اجت كل هالبشر

بس بتمنى منك اننو تقلي من وين اجا الاصل لحتى ارجع جاوبك لانو اكيد الاصل هو اولا

يمان ووايت رويز (او اي حدا تاني بيحب يجاوب ) انتو من وين بتعرفو بالله ؟ انو كيف عرفتو انو في الله ؟ ما تقلولي من المناظر والطبيعة و و و و بدي انو كيف سمعتو في مين قلكن علي هاي الكلمة اللي عم دور عليها مين قلكن عن الله ؟

لح قلك... اول شي من وين منعرف الله... الله هو شيئ من الفطرة .. يكون عند الانسان..
يعني هو عبارة عن شي يوجد في العقل البشري ... ليسد الفراغ الموجود الذي يتسائل عن ماهية هاد الكون
ومين يللي ساواه
ولا بد من قوة خارقة وقوة جبارة لانشاء هاد الكون
فمعناها اكيد بدو يكون مسير وقائد لهي الحياة العامة ولوا هيك كان كل واحد على هواه وكانت خربت الدني من زمان
يعني هو شي موجود بالفطرة عند اي واحد مع اختلاف الشي هاد يللي عم يامنو فيو

هلا كيف عرفنا انو في الله قلتلك فوق... انو هو شي ضرروري لاي انسان بيحاول يفكر شوي صغيرة بعقلو
بدو يلاقي انو في شي عم يمشي هاد الكون وفق قاونين وانظمة ولازم الواحد يسد هاد الشي والا بيجن

هلا مين قلنا على الله بتوقع الاهل اكيد .. ومع الكبر بالعمر لحالو الواحد بيصير ببيفكر وبيسمع انو عن وجود الله
وهون بتبلش اول شي الشخصيات تختلف ويللي مامنة فيو بنسبة كبيرة
حسب الوسط يللي عايش فيو

هلا في حالات كتير انو بس يكبر الواحد بيفكر وممكن يغير يللي مامان فيو بس كمان نسبة عالمية قليلة كتير

ما بعرف اذا طولت عليك بس صدقني بيجوز نضل عم نحكي ونحكي ونحكي وما يخلص ولو جزء بسيط بهاد الحكي

بس في شغلة صغيرة.... انا بعرف انو انت من الشرك انك تفكر اصلا او تشكك بوجودية الله
يععني ... انو الواحد بدو يشك بوجودية الله سبحانه وتعالى فهادا من اكبر الذذذذذنوب

خيو اذا كان موجود ياخدني عجهنم (انو صحي بالمناسبة حدا بيعرف جهنم وين صايرة ؟

ما لح رد عليك على هي النقطة لانو كل واحد حر... انا قلت يللي بعرفو انت حبيت تاخد فيو خود ما حبيت تصطفل
بس ابو شريك هاني... اخر جملة ما حبيتها منك لانو هون بيجوز يختلف شوي صيغة الحوار...(الملونة بالاحمر)

سلام هاني:D

دايما كنت اسال حالي هالسؤال .,. بس ارجع قول انو في تسليم بالموضوع ... ما بعرف لان اذا بدو الواحد يضل يفكر فيه رح يكفر اخر شي ..

انا معك بهاد الشي... وهاد يللي حكيتو فوق:D

انو بالشام ..كتير شوب .. هنيك عم يعملوا بروفا لجهنم .. روح التحق

مريومة ... ما بعرف بس برااي كرمال الله شباب لا تخلو محور الحديث يتغير مساره وينقلب...

شكرا شباب وسوري اذا حدا انزعج من كلامي
سوري مريومة ..سوري هاني:D

handsome

26/05/2007, 12:07

كلامك صح
بس أنتي عم تعبدي شيء موجود يلي هو الحجر

وبتقدري تحطميه أنت كبشر بقوتك يلي ما سألتي نفسك مين عطاكي القوة؟

سيدنا ابراهيم عليه السلام
وقت كسر الأصنام كلها وترك صنم واحد بس
السبب
أنو لما الكفرة نادوا ليعرفوا مين يلي حطم وكسر ها الأصنام
قال لهم سيدنا ابراهيم أسالوا ها الصنم الوحيد الغير مكسور

وأنا كيف ممكن أعبد الشمس؟؟؟ بأي منطق أنا ممكن اعبد شيء ممكن يأذيني كبشر
اثبتت الدراسات انو الشمس تؤدي لكتير من الأمراض
ومفروض الخالق لها الوجود يكون مجرد عن كلشي غرائزي
المفروض يلي خلقني يكون بحبني وخلاني أمن فيه ليحميني مو ليأذيني

بهديك الأيام كان مافي علم يلي للأسف عم يستخدموه الملحدين و الكفرة لأثبات أنو الله غير موجود

أنا صدقا ما أمنت بالله غير لأنو موجود ولأني قرأت كتير وصفنت كتير وقكرت كتير
وما أمنت بأسلامي غير لأني اقتنعت من قلبي وعقلي بها الدين

بغض النظر عن أنو الدين يورث

أنا قرأت عن اليهودية والمسيحية ورحت معابد وكنائس
لكن مع احترامي لجميع الديانات
الأسلام هو اللي تربع على عرش قلبي
وتحية ألك وشكرا لتعليقك اللطيف:D

رح حاول جاوب على كل مقطع لحال وبحاول ما طول الاجابة كتير

متل ما قال هاني ما قدرت لاقي كتير ربط بين المثالين تبعوت سيدنا ابراهيم والشمس !!! بس مع هيك رح حاول احكي فكرتي عن الموضوع .
انو قصة ابراهيم . لو اخدناها وطبقناها اليوم علينا واجا واحد هدم كل الجواكع والكنايس والمعابد الا واحد من كل نوع . واجا الي هدمون وقلون شو وينو هادا الله الي عما تحكي عنو انو بيساعدكون ..
بجوز المثال غبي شوي طلع بس انو قصدي كان وقت قلون ابراهيم روحو سالو الصنم الي بقيان كان بيعرف انو ما رح يقدر يجاوب عليون او ما رح يقدرو ياخجو منو لا حق ولا باطل .. وهلق نفس الشي . اذا نحنا طلبنا شي من الله بطريقة مباشرة او غير مباشرة ما رح يوصلنا منو ولا رد .. يعني فكري انو شو الفرق بين رد فعل هالصنم الي عما كانو عما يحكو معو هدول الكفار وبين الله الي عما يحكي مع المؤمنين ؟ ( عفوا عالتشبيه بس ما قدرت ظبطة اكتر من هيك:D)

ما بعرف ليش هيك شكلك بتكرهي الشمس وانتي بتعرفي تماما انو بلا الشمس ما فينا نضل على هاي المعمورة تلت اربع اسابيع . ووقت كانو الفراعنة عما يعبدوا ما كانو عما يتتطلعو فيا كل الوقت .. بالعكس كانو يخافو منا مشان ما تأذيون مشان هيك معد بيتطلعوا فيا .. والايمان القائم هلق تلت ارباعو هيك مان يعما احكي عن الكل بس في كتير عالم بتامن بالله لانو بتفكر انو اذا ما امنت فيه فالله رح بعزبة وبحطة بالنار ويا ويلنا من عزاب الاخرة .

العلم كل عمرو بيحارب كلشي الو علاقة بالدين . انو فيكي تعتبر العلم عبارة عن سلسلة كل قطعة مترابطة مع البعدا ومع القبلة .. واي خلل بحلقة وحدي بينتوع كلشي مشان هيك بتلاقي كل الحلقات مترابطة مع بعضا وما بتنضاف حلقة عهاي السلسلة الا بعد ما تكون بمحلة تماما . بس الدين بتلاقي كل مرة وقت بيعجز عن تعريف شغلو او بيعجز عن اثباتة بيحط حلقة الي هيي الله ( الله هيك ساوا , الله هيك بدو , هاي ارادة رب العالمين ما فينا نغير فيا ) وهاي هيي الشغلة الي بيكرها العلم بالدين مشان هيك ما بينطبقوا سوا .. وبتشوفي انو عطول في مشاكل بين العلم وبين الايمان من ايام زمان ورح يضل الوضع هيك للايام الجاي .

ومتل ما قال عمي هاني انو نحنا هون ما بصدد الحكي عن ايمانك او ارشادك لطريق الضلال بس نحنا هون عما نحكي بشكل عام كيف كل واحد منا بيفكر بهاي القصة . بعيد اكبر البعد عن دعوات التبشير او دعوات التكفير .
وانا شخصيا بعتقد شغلة الدين الي انتي بتامني فيه شغلة شخصية مافيني اجبرك على انك تغيرية .

وميرسي كتير عالحكي الرايق:D

BL@CK

26/05/2007, 12:12

متابع معكون .. و رح رد بس لأقرا الردود .. بس بتمنا ما ينخرب الموضوع و يبقا هيك على هالمستوا من الحوار الراقي ..

بس جملة جذبتني

يمان كاتب بأحد ردودوه

‎‎ فدلت الآيات على حاجة المخلوق إلى خالق ضرورة.

معلم في حال بدك تأقنع واحد ما بيعرف الله .. ما بتجبلو آيات .. لأني هوي ما بآمن بالله ليأمن بالآيات

لنا عودة ..

marioma alghzayala

26/05/2007, 12:13

وما حدا جاوبني قصة ايمت تم الخلق ووين ؟

بس بتمنى منك اننو تقلي من وين اجا الاصل لحتى ارجع جاوبك لانو اكيد الاصل هو اولا
هللأ .. بالنسبة لقصة الخلق ... يعني دايما بقولولنا ..انو الله خلق الانسان على صورته ومثاله ..... يعني انو الله عندو طبيعة الهية وبشرية ... خلق اول شي ادم ..بعدين اخد ضلع منو .. وهاي قصة الخلق معروفة انو اجت حوا من ضلعو لادم ... بس بالنسبة للفروع .. انو فعلا ..من وين اجت هالخلق ... اي كيف كان الزواج بهداك الوقت ما بعرف .. :?

marioma alghzayala

26/05/2007, 12:15

خلق اول شي ادم ..

لا تقللي من وين اجا ادم ... :shock:

handsome

26/05/2007, 12:20

..

بس جملة جذبتني

يمان كاتب بأحد ردودوه

معلم في حال بدك تأقنع واحد ما بيعرف الله .. ما بتجبلو آيات .. لأني هوي ما بآمن بالله ليأمن بالآيات

لنا عودة ..

انا هاي الشغلة كمان كنت ناوي احكية . بس اسا ما قريت الرد التاني تبع يمان مشان هيك ما بعرف شلون صار الحكي ..

بس هلق صار لازم روح وبرجع بعدين
:D

وعالسيري في شي اسمو اول انسان

butterfly

26/05/2007, 12:34

بدي احكي مشان ما شتت النقط اللي ببالي واللي رح حاول خوض فين بأقل قدر ممكن من مسيحيتي ..
1- حبيت ضيعتكون والمقطع اللي كتبتو عنا ... وما حسيتو متوافق مع كمالة التعقيد بالمقاطع التانية
2- لويس باستور الله يذكرو بالخير بيقول : " القليل من العلم يبعدنا عن الله والكثير منه يعيدنا أليه "
3- ادم وحواء ... الجنة والنار ( ما هي المفهوم اللي عم نجادلو بظن ... لأنو في كتير تفسيرات .. :) وأحداهن انو الكنيسة " الأرثوذكسية " - يعني هي المتأكدة منها- بتعترف انن اساطيروقصص ذات مغزى )
4 - مع أنو فرويد اجى لغى الحب كعاطفة وربطو بالليبيدو والطاقة الجنسية .
ومع انو البعض اعتبرو الحب هرمونات ...
ومع أنو العلماء اكتشفو وتأكدو أنو الأنسان هوي نطفة هبلة ... من كوشة نطاف اتحدت مع بويضة لتعطي بيضة ملقحة .....
وأنو وقت بيموت بتجي الدودات بتاكلو لما تترك منو شي ..
أنا أومن بالحب .. والروح .. وبالأنسان ..
وبالمجموع بآمن ..( بالله )

* :D / وقت انا بقدر جيب ولاد .. ما معناتا انو اهلي ما جابوني ..

BL@CK

26/05/2007, 12:45

يمان ووايت رويز (او اي حدا تاني بيحب يجاوب ) انتو من وين بتعرفو بالله ؟ انو كيف عرفتو انو في الله ؟ ما تقلولي من المناظر والطبيعة و و و و بدي انو كيف سمعتو في مين قلكن علي هاي الكلمة اللي عم دور عليها مين قلكن عن الله ؟ :D

سمحلي جاوب أنا هاني ..

أنا رح أحكي عن حالي و أعمم ..

يعني كلمة الله رافقتنا من الصغر

للأسف الله بالنسبة النا عبارة عن كلمة ضبابية مطاطة واسعة .. منرمي كل شي عليها ..

طيب ما لازم نحن إذا منعبد شي .. يكون في احترام لهالشي ..

يا رجل شو بصير في الدنيا مشاكل .. ما بتشوف الا و بتسأل البني آدم ليش هيك صاير معك بقلك من الله ..

يعني الله صاير متل العلاقة اللي منرمي عليا كل مشاكلنا و ذنوبنا

هالشي ممكن يوصل فينا لفكرة ..

أنو الله عبارة عن كيف بدي قلك يعني شغلة منرمي كل مشاكلنا عليها ..

يعني بأحد الردود فوق انذكرت فكرة كتير حلوة

انو الانسان من يوم يومو بخترع آلهة .. يعني بعد كل هاللعي القصد

طبيعة الإنسان بحاجة لقوة عظمى يقدسّـا .. يعني الإنسان قدّس حجر و قدّس الشمس و قدس أشيا كتيرة

يعني بالأخير أنا مع الأسف عبصل لاستنتاج الله هو عبارة عن النتيجة الفكرية الي و الك و لفلان

يعني الله عبارة عن فكرة ابتكرناها مفادها ( السوبر مان القادر على عمل كل شيء )

أنا يمكن لهلق ما عندي فكرة كاملة عن هالموضوع يعني الموضوع ضبابي و لسا قيد الدراسة ..

بقا هاد اللي طلع معي هلق .. و برجع

يمان Rooooonaldo

26/05/2007, 12:55

معلم في حال بدك تأقنع واحد ما بيعرف الله .. ما بتجبلو آيات .. لأني هوي ما بآمن بالله ليأمن بالآيات

لنا عودة ..

لا شريك القصة مو هيك...انا الي عودة المسا والله ما عاد خليتوني اعرف ادرس وانا عم فكر فيكم:p

الي عودة المسا بركي بيكون صار في ردود اكتر باذن لله:D

سلامي للكل:D

hanny dagher

26/05/2007, 12:56

ههههههههههههههههه

بلاك و هاندسوم عم تحكو اللي بقلبي تحياتي الكن :D

طبعا التحيات للجميع

عجبني بالموضوع انو فتح باب للشباب تشطح بالحكي ههههههههههه والحلو انو ما في تجريح
مع اني اسا ناطر اعضاء كتار يفوتو على الموضوع وكان يستهوين هيك مواضيع نقاش من اول يللا قريبا

ما رح اقدر رد كتير لاني قايم على النوم بس الي رجعة قريبة اكيد

مية وردة شباب :D

يمان Rooooonaldo

26/05/2007, 12:58

احلا هاني... وفعلا هلا كنت عم قلها لمرريومة انو عنجد هيك مواضيع حلوة لانو بتحكي
وبتفسر وبيصير نقاش
بس الاهم انو ما حدا بيجرح بالتاني
انا قايم ادرس كمان ومنرجع المسويات باذن الله

سلام للكل:D

BL@CK

26/05/2007, 13:03

اي شايف يا هاند سوم عمري أطول من عمرك .. :p

يمان يلا خود راحتك و قعود فكر أنا رايح كمل نومتي .. :lol:

هاني على راسي تحياتك :D..

النا زمان ما دخلنا هيك حوار نضيف و بلا تجريح و مسبات و فتوة من هاد وفتوة من هاد ..

يقا يستر عرضكون .. اللي م عاجبتو الفكرة يناقش برواء و اللي م خرج يناقش برواء

يستر على كل شي بعزو ما يفوت ينزع الموضوع

100 :D للشباب

abosleman

26/05/2007, 13:44

اووووووووووف شكلي وصلت متأخر كتيييييير

الصراحه ما قرأت كل الردود انو مشكلة إذا بدي أقرئن
بس الحلو انو مافي خناق كالعادة بأي موضوع بمس الله والاديان
بس طريقة هاني بطرح الموضوع بعيدا عن كل الاديان وبفكر حر عجبتني كتير
انو هلئ بنجي للزبدة اول شي ولو انو الافكار بموضوع هاني خلت البعض يفوت بالحيط
وانا اولهن انو شو بدو هاد من هالحديث ضيعة وكمبيوتر وآخر شي بيوصل للانسان ول الله
بس طريقة الافكار وطرح الموضوع رائعة بنظري
هلئ هون خلونا ننسى الأديان والتاريخ تبعن
وانسوولنا شغلة آدم وحوا وحكاية التفاحة وشجرة الحياة
احنا هون هلئ وموجودين بالعالم الحالي ومع وجود هالعلم والتطور اللي احنا فيه
هلئ بيقول انو الملحدين عم يستخدمو العلم لإثبات عدمية وجود الله أو خالق لهاد الكون
بس شغلة ببالي بدي قولها هون اول شي الملحد مانو انسان بيكفر بوجود الله
الملحد انسان بيأمن بالعلم لاثبات الوقائع العايشين فيها وعندو إيمان بشي - طلعت شوي لبرا لاموضوع -
خلونا بالمفيد وبلا اللت والعجن يلي صرعتكن فيه
هلئ السؤال اللي طرحو هاني انو هل ممكن الانسان يعمل انسان انو يخلق انسان
مع تطور العلم والتطورات اللي بتصير كل يوم
بس هون بدو يخطرلي سؤال شو هي المواد اللي مصنوع منها الانسان :shock:
هلئ لتعرف خصائص المادة لازم تحللها لهيك خلونا نجيب انسان ونحللو ونشوف شو رح يطلع معنا :deal:
بعد التحليل والاختبارات ماني متذكر كتير دروس التحليل بس بالنتيجه رح يطلع معنا المواد الاساسية للانسان
وبعدين بنتعمق بكل مادة وتركيبها وطبعا كل مادة هي عبارة عن الكترونات على صيغة معينة
وعنا هي الصيغة وعنا كل هالمواد الاولية لصنع انسان ياترى بكون فينا نخلق انسان وقتها :?
يمكن الافكار يلي عم اطرحها كتير ضبابية ومو واضحة
بس هون بدي اتحدى العلم مو انو يخلق انسان لاء بس يعملي عضو من جسم الانسان
يا سيدي وإذا قدر يخلق ايد او رجل او او ... ساعتها شو بقلك انو مافي الله

تحياتي للكل:D واسف عالاطالة بالرد بس انشاالله توصل الفكرة متل موب براسي

yamen_h

27/05/2007, 03:26

بعتقد انك ما اريتي ردي لانو كان طويل شوي وممل وفايت ببعضو كتير:oops:

بس انو فكرة كتير صغيري كنت كاتبة هنيك, هلق قبل ما يجو الانبياء والرسل عليهم جميعا السلام كانو الكفار او عبدة الاصنام يعبدو صنم على شكل حيوان او انسان او شو ما كان وكانو يعبدو ويقولو انو هادا هوي الله الي خلق الدني كلى .. وما كان حدي يسترجي يعارض هالشي لانو بيكون كفر بالاله تبعون .. وكمان الفراعنة عملو نفس الشي بالشمس .. ووقت حدي بيسترجي يحكي شي غلط عن الشمس بيكون حكمو الموت ..
طب هلق اذا قارنة هديك الاديان بالاديان الحالية ما منشوف انو كلى نفس الفكرة .. يعني تأليه شي ما معروف شو هوي ومبهم عالاخر وما حدي بيعرف عنو شي غير بالحكي ...
ووقت بيجي حدي ليحكي بشي غير الدين مشان يعارض هادا الدين بيطلع مرتد وبيتحلل دمو ..
واكيد ما معقول الواحد يلاقي بالتورات او بالانجيل او بالقرأن شي بيقول انو مافي شي اسمو الله وانو هادا الله هوي بس عبارة عن شي الواحد فينو يعتبرو موجود مشان بس يواجه شي مشكلي يقول يالله ساعدني او بس يوصل لطريق مسدود يقول اي هيك الله بدو ..

وشكرا:D
نقطة .
يعني انا مارح احكي شي من بعد ماحكيت ..لانو انا معك 100%:D

هللأ .. بالنسبة لقصة الخلق ... يعني دايما بقولولنا ..انو الله خلق الانسان على صورته ومثاله ..... يعني انو الله عندو طبيعة الهية وبشرية ... خلق اول شي ادم ..بعدين اخد ضلع منو .. وهاي قصة الخلق معروفة انو اجت حوا من ضلعو لادم ... بس بالنسبة للفروع .. انو فعلا ..من وين اجت هالخلق ... اي كيف كان الزواج بهداك الوقت ما بعرف .. :?
رح قللك النظرية اللي طلعت فيها انا ..
هلق بدكن تعتبروها تجريح للمؤمنين ..اعتبروها شو بعمل يعني ..

المهم انو انا كنت صافن هيك ...بقصة ادم وحوا قام تخيل لي انو الله كان عم يتمشى بين هالشجر ...وقام بزق بزقة عالتراب ...صارت وحل اجا خطرلو انو ينفخا ...قام طلع ادم ...
قلو لعما انته من وين جيت .؟؟:?
بعدين قال يالله مو مشكلة منتسلا ..
وقللو لسيدنا آدم انو بدك حدا يسليك ؟؟
ادم قللو اي اي دخيلك ...
اجا الله قرصلك ادم هالقرصة وشال منو شقفة وحطا قدام تمو (تخيلي كيف الواحد بينفخ البالونة )
والله كان عم ينفخ ونسي حالو قام نفخلا لحوا شي زيادة عن ادم ...;-);-)
المهم بالنتيجة نحنا جينا نتيجة غلطة ..او تجربة مخبرية ...:lol:

yamen_h

27/05/2007, 03:45

ردي السابق كان تخويت ...:p
وهلق منجي للجد ..

هاني موضوعك كتير حلو ..وطريقة توصيل الفكرة خيلة ...
انا معك بكتير نقط ...وحكينا عالمسنجر بهالموضوع ...
هاندسم كلامك كتير حلو ...انا معك 100%

هلق انا فكرتي انو لنفترض انو الله موجود وهو خلقنا ..طيب انا عندي كم سؤال ...
اول شي الله ليش خلقنا ؟؟؟ اكيد لأنو احب الله الانسان فخلقه على صورته ومثاله ..وخلق الانسان من علق ..المهم
اذا بيحبنا ليش خلق الشر ؟؟
او بمعنى اخر انا سألت واكتر من شخص قالولي انو في شيطان ...
طيب هال الله مالو سلطة على الشيطان ؟؟
اللي قاعد عم يحركش بين البشر ؟؟؟
او الله عم بيجربنا ؟؟اذا عم بيجربنا ..معناها بدو يعرف شو بدنا نعمل (يعني الله بدو يعرف )
اي ان الله ما بيعرف كل شي ..وعم يتعرف على شي جديد ...

طيب واذا ماكان هيك ...يعني هو بيعرف كل شي و بيعرف النتائج مسبقا طيب ليش هيك عم يعمل ...؟؟
انو معناها الله اما خلقنا وعم يجرب فينا ...او الله خلقنا ليتسلى ويشمت فينا ...

طبعا كل هالكلام انو نحنا فرضنا انو الله موجود ...
بس اذا بدنا نحكي بوجود الله او عدمو ...فانا رأيي كان نفس رأي هاندسم بالاقتباس بردي السابق
شكرا هاني عالموضوع الحلو
شكرا للجميع وانشالله يبقى النقاش سلمي وحضاري للأخير ...
مع اني متأكد انو ما في نتيجة من الحوار ...بس على الله :p

سلام :D

الحاج متولي

27/05/2007, 03:46

هلا أنا بعرف قصدك .. كاتب هل موضوع و اللف و الدوران كللو .. مشان تقللنا بيتكون أعلى بيت بالضيعة
لا هيك أنا رح أزعل منك أبو الهن ما بيعملها
احلى هاني بالعالم
:D:D:D

الحاج متولي

27/05/2007, 03:56

طيب فكري من بداية الخلق

مين هوي الانسان الاول ؟ ادم وحوا
كم ولد كان عندن ؟ 2 قابيل وهابيل وبعدين اجاهن صبي تالت
قابيل قتل هابيل
شو صار عنا ادم حوا قابيل وهابيل من وين اجت بقية هالعالم ؟

فكرة تانية متل ما علمونا بالانجيل او بالقرآن او او او ادم وحوا خلقو بالجنة واكلو التفاحة ونزلو على الارض ( المسيحيين الاميركان بيآمنو انو ادم وحوا خلقو على الارض بعكس ما تعلمنا نحنا المسيحيين العرب )
طيب ايمت صار الخلق وايمت نزلو على الارض ؟
أبو الهن أنا برأيي إنك تروح تقرا كتاب إسموا قصص الأنبياء وفي رح تلاقي الجواب
بس بليز ما تكون محشش:o
تحياتي يا غالي
على فكرة أنا خدمت بكلية الكيمياء ناح ضيعة المشرفة إسم الله عليها أحلى أيام ومافي أطيب من أهل المشرفة الغاليين

يمان Rooooonaldo

27/05/2007, 07:37

انا بعتذر بس بشرفي ما عم افضى حكك راسي الله وكيلكم...
بيجوز اعملي طلة المسا بس ما شفت هاني هلا
يلا سلامو:D

marioma alghzayala

27/05/2007, 10:47

او الله عم بيجربنا ؟؟اذا عم بيجربنا ..معناها بدو يعرف شو بدنا نعمل (يعني الله بدو يعرف )

يعني كل مرة نحنا منقول .. ولا تدخلنا في التجربة لكن نجنا من الشرير لان لك الملك والقوة والتسبحة .....
بس مع هيك وقت بيمرق الانسان هيك بظرف بكون مانو قدو .. بجوز تخطر ببالو شغلة انو بجوز الله عم يجربني .. او هاي اشارة لحتى ما اعمل هالشغلة .. او يا الله شو بدي اعمل ..

جد كتير احيان الواحد بحس حالو ضايع .. بس كمان بهالاحيان .. بشوف شي بنورلو عقلو ..

يعني لنجي نتساءل .. هاني من وين جاب هالافكار ؟؟ هالصفنات ؟؟؟ (انو هاني حدق وزكي ما اختلفنا ... اي بس خليك عالارض ) ... هههه المهم ... والله يعني الموضوع كتير متشعب .. انا فتت بفكرة طلعت بفكرة ... :?..

مصرة ادبحك هاني .. :frown:

BL@CK

27/05/2007, 21:24

تعلمنا الصفن و مشي الحال

المهم صفنت اليوم الصبح و روحت علي النومة .. بس طلع معي فكرة

لو توفرت الوسائل اللي حكا عنا هاني فوق و قدرو يثبتو وجود الله قبل ما نموت رح نعبدوه كلنا ..

أما في حال م توفرت .. و طلع صحيح في الله

طلعت بهالاستنتاج

رح نفترض في طالب صف سادس و استاذ

هالااستاذ عطاه اختبار للطالب الأسئلة كانت منهاج صف تامن ..

التلميذ حاول يحل الأسئلة .. و ما طلع معو شي

يعني فكّر التلميذ و ما قدر يستنتج ..

لأني المنهاج فوق امكانياتو العقلية

بس كلنا منحيي الطالب لأنو فكر

هلق لو منكبر المثال لنصل لله و المخلوق

هلق المخ البشري ما عبيقدر يستوعب الفكرة أنو الله هوي الموجِد اللي ما حدا أوجدوه

هل ساعاقب بالخلود فى نار جهنم لان إمكانياتي العقلية لم تستطع ادراك انو الله موجود

هل الله لهالدرجة سفاح ( ستالين :p ) ليعاقبني على شي هو ما عطاني يا

هل الله رح يحطني بنار جهنم مع الحرامي و النصاب و هالبشر .. لإني عقلي ما قدر يستوعب

معلش لكل سبب مسبب .. و لكل موجود موجِد .. كيف مثلاً الواحد فينا بدو يعتقد بوجود الله

يعني أبسط مثال

أكيد كل واحد فينا إذا بتقلو أنت أبوك ما معروف قرعتو من وين رح يكفر و يعصب و يعتبرا مسبة بفهما أنو هوي لقيط

و كمان من حق كل واحد فينا يعرف مين اللي خلقو و من وين اجا هالخالق وشلون انخلق

ما هيك ..

يمان Rooooonaldo

27/05/2007, 21:30

شو فقس الموضوع هاني:?

hanny dagher

28/05/2007, 00:19

أبو الهن أنا برأيي إنك تروح تقرا كتاب إسموا قصص الأنبياء وفي رح تلاقي الجواب
بس بليز ما تكون محشش:o
تحياتي يا غالي
على فكرة أنا خدمت بكلية الكيمياء ناح ضيعة المشرفة إسم الله عليها أحلى أيام ومافي أطيب من أهل المشرفة الغاليين

هلا بجوز الاربعة :lol:

اي خيو اذا بتلاقولنا شي نسخة منو لهالكتاب مشان نقرا وتنزلو بالمكتبة ويكون لكم جزيل الشكر
وايه يا معلم زكرتني بكلية الكيميا على طريق حمص المشرفة واللي كنت امرق كل نهار من حدها انا ورايح على الجامعة واحلى الشي كانو البنات بالمدينة الجامعية اللي حد الكلية يوقفو على الشبابيك ونحنا عم نوميلن بايدينا من السرافيس وهني عم يضحكو تسالي :lol:

خيو يمان الله وكيلك وانا ما عم افضى كمان عندي ورقة بحث عم اعملها بتحكي عن الاستنساخ البشري لازم تكون اربع صفحات وانا اسا ما عملت فيها شي واسا تلت تيام مشان قدمها
معظم وقتي بالشغل وعندي تلت كمبيوترات وانترنت بس ما عندي كيبورد عربي غير على كمبيوتر المعلم (وهادا الكمبيوتر خط احمر ممنوع حدا يقرب علي ) بس انا هلأ فايت بالسرقة علي مشان اكتب هالرد ورح حاول احكي شي بالموضوع بالرد التاني

مية وردة شباب :D

الحاج متولي

28/05/2007, 00:34

هلا بجوز الاربعة :lol:

اي خيو اذا بتلاقولنا شي نسخة منو لهالكتاب مشان نقرا وتنزلو بالمكتبة ويكون لكم جزيل الشكر

إنشاء الله بأسرع وقت رح ننزلوا:D

ما عندي كيبورد عربي

مية وردة شباب :D

أبو الهن هي أحلى كيبورد عربي:D
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

hanny dagher

28/05/2007, 03:01

أبو الهن هي أحلى كيبورد عربي:D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

على عيني خيو بس المشكلة اني ما بحب استخدمهن هدول تبعيت الفارة لانو بياخدو وقت طويل
اليوم بس صير بالبيت برجع اكيد على الموضوع :D

يمان Rooooonaldo

28/05/2007, 07:05

اهلين ابو الهن....واهلا وسهلا..
ولا يهمك والله كلو مشغول هدي علي شوي بس لاخلص انا كمان شي 4 اابيع
لافضالك وما حل عنك لسا:o

عالهامش...الحجي عندي دارس كيمياء بحومص الابية:larg::ss:

وعامل ماجستير برا بعدين

رحيق الياسمين

29/05/2007, 00:10

بصراحة... بطلت افهم..:shock:...

كل هاللف والدوران عشان يا ابو الهون تقولي هيك...!؟؟؟!!؟!؟!؟!؟!؟!؟؟!؟!!؟؟!

whiterose

29/05/2007, 02:48

وايت روز ما بعرف شو دخل مثال ابراهيم والاصنام هون

مرحبا هاني عودة بعيدة لكن المهم عودة:D
أنا ضربت مثال الأصنام والشمس لأنو العضو يلي رد على ردي ضربلي مثال أنو من زمان كانوا يعبدو الصنام والشمس وماحدا كان يسترجي يقول ليش أو حتى يفكر يقول ليش
شبه هي الحالة لحالتنا نحنا هلىء أنو منعبد الله لأنو هيك لئينا أهلنا عم يقولولنا
بس أنا وضحتلو أنو ليش مستحيل نحنا نعبد الصنم أو الشمس يوم

الله ما عم ياذيكي وقت بتصير معك شي شغلة (مصيبة شغلة سيئة ) ما بتقولي هادا من الله معناتا الله كمان بياذيكي الله (بفرض انو موجود ) ما عم يتحكم بهالطبيعية وعم يسبب هالطوفانات وهالزلازل وهال وهال اللي عم تسبب باذية البشر كمان

معلش بدون زعل قلك أنو هي قمة الذنب أن تتهم الرب بشي أذية الله
يلي بأمن بالله لازم يعرف أنو الرب مابيجي منه غير الخير والرحمة أما الشر و الأذية مننا نحن البشر
تتذكر مرة جاد حط موضوع عن اذا كان الأنسان مسير ولا مخير؟؟
أنا مابدي طول بالرد
بس رب العالمين لما بيعمل زلزال أو فيضان او اعصار بمنطقة فهو اما عقوبة للكافر أو تكفير سيئات للمؤمن أو زيادة حسنات للمؤمن

شرط الأيمان أنو تكون ثقتنا بالله أكبر من تخيلاتنا بكتير

شغلة تانية مزبوط ما كان في هالعلم الموجود هلأ بهديك الفترة لهيك العالم كانت بحاجة لقوة تنسبلها الاشياء اللي عم تصير معاها فطلع معاهن الله
الله ماطلع مع حدا الله ارسل الكتير من الرسل والأنبياء
من أول البشرية آدم لمحمد صلى الله عليه وسلم
وكل نبي حكى بشيء وبشر بشيء

ما لقو غير تفسير بهداك الوقت لهالظواهر اللي عم يشوفوها بس هلأ العلم فسرلك اغلبية الظواهر الموجودة فسرلك البراكين والزلازل والفياضانات اللي كانت تعتبر في ما مضى غضب من الرب لانو العالم ما قدمتلو ذبيحة

اوكيه ماشي العلماء لقوا تفسير للظواهر الطبيعية بس هاني في سؤال كبييييييييييييير بيطرح حاله؟؟؟
من وين اجت الأرض؟؟مارح قلك البراكين كرمال ما تقلي انها عبارة عن حمم بالأرض
الأرض السماء البحر مين كونهم مين خلقهم مين أوجدهم ؟؟
صدقا وقت بحكي هيك مابقدر غير قول سبحان الخلاق الله سبحانه وتعالى

يعني اذا دمجت محاولات العلماء هلأ لخلق خلية بدائية وبعدها طوروها لانسان بعد عشرة عشرين تلاتين مية سنة رح يقدرو يكونو خلقو انسان وهني ماشيين على هالطريق
طيب ليخلقوا انسان مابدهم خلايا من انسان انت هيك دخلت بقصة البضا والدجاجة!!

وبالنسبة لسؤالك عن شو دخل الرجل بالنطفة والانقسامات والبويضة و و و هادا من طبيعة تركيب جسم الانسان انو يصير هيك
طيب كمان اذا تركيبة جسم الأنسان هيك رح نرجع لمين كون تركيبة ها الأنسان
يعني مابعرف كيف بدي شك بوجود خالق للكون وللبشر وانا كلشي حواليي من خلق الرب
الليل النجوم القمر

بالنسبة لقصة ادم وحواء انتي ما جاوبتني من وين اجت هالعالم بعد ادم وحواء ؟
بستحي قلك :p

بتخيل أنو الأنجيل بيتفق مع القرآن بقصة آدم وانو الرب غضب عليهم ونزلهم على الأرض وتزوجو وجابو اولاد كثر
رح حطلك شجرة اولاد آدم

وما حدا جاوبني قصة ايمت تم الخلق ووين ؟

whiterose

29/05/2007, 02:53

سورة البقرة
أعوذ بالله من الشيطان الرجيم
بسم الله الرحمن الرحيم

هُوَ الَّذِي خَلَقَ لَكُمْ مَا فِي الْأَرْضِ جَمِيعًا ثُمَّ اسْتَوَى إِلَى السَّمَاءِ فَسَوَّاهُنَّ سَبْعَ سَمَوَاتٍ وَهُوَ بِكُلِّ شَيْءٍ عَلِيمٌ (29) وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لَا تَعْلَمُونَ (30) وَعَلَّمَ آَدَمَ الْأَسْمَاءَ كُلَّهَا ثُمَّ عَرَضَهُمْ عَلَى الْمَلَائِكَةِ فَقَالَ أَنْبِئُونِي بِأَسْمَاءِ هَؤُلَاءِ إِنْ كُنْتُمْ صَادِقِينَ (31) قَالُوا سُبْحَانَكَ لَا عِلْمَ لَنَا إِلَّا مَا عَلَّمْتَنَا إِنَّكَ أَنْتَ الْعَلِيمُ الْحَكِيمُ (32) قَالَ يَا آَدَمُ أَنْبِئْهُمْ بِأَسْمَائِهِمْ فَلَمَّا أَنْبَأَهُمْ بِأَسْمَائِهِمْ قَالَ أَلَمْ أَقُلْ لَكُمْ إِنِّي أَعْلَمُ غَيْبَ السَّمَاوَاتِ وَالْأَرْضِ وَأَعْلَمُ مَا تُبْدُونَ وَمَا كُنْتُمْ تَكْتُمُونَ (33) وَإِذْ قُلْنَا لِلْمَلَائِكَةِ اسْجُدُوا لِآَدَمَ فَسَجَدُوا إِلَّا إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ (34) وَقُلْنَا يَا آَدَمُ اسْكُنْ أَنْتَ وَزَوْجُكَ الْجَنَّةَ وَكُلَا مِنْهَا رَغَدًا حَيْثُ شِئْتُمَا وَلَا تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ (35) فَأَزَلَّهُمَا الشَّيْطَانُ عَنْهَا فَأَخْرَجَهُمَا مِمَّا كَانَا فِيهِ وَقُلْنَا اهْبِطُوا بَعْضُكُمْ لِبَعْضٍ عَدُوٌّ وَلَكُمْ فِي الْأَرْضِ مُسْتَقَرٌّ وَمَتَاعٌ إِلَى حِينٍ (36) فَتَلَقَّى آَدَمُ مِنْ رَبِّهِ كَلِمَاتٍ فَتَابَ عَلَيْهِ إِنَّهُ هُوَ التَّوَّابُ الرَّحِيمُ (37) قُلْنَا اهْبِطُوا مِنْهَا جَمِيعًا فَإِمَّا يَأْتِيَنَّكُمْ مِنِّي هُدًى فَمَنْ تَبِعَ هُدَايَ فَلَا خَوْفٌ عَلَيْهِمْ وَلَا هُمْ يَحْزَنُونَ (3 وَالَّذِينَ كَفَرُوا وَكَذَّبُوا بِآَيَاتِنَا أُولَئِكَ أَصْحَابُ النَّارِ هُمْ فِيهَا خَالِدُونَ (39)

whiterose

29/05/2007, 03:13

آدم أبو البشر ؛ فهو أوّلهم

القول الأول : وهو الذي يقول بتزاوج الأولاد الذكور بالبنات وقد كان هذا محلّلا في اول الخليقة ثم حرّمه الاسلام .

القول الثاني : وهو الذي يقول : بأن الله سبحانه لم يجعل نسل الأنبياء من حرام بل انزل الله وخلق للذكور حوريات فتزوج الذكور بها كما خلق الله للبنات حورعين فتزوجوا وكان النسل من هذا التزاوج .

واما بالنسبة الى زيادة البشرية وتكاثرها فهو أمر ممكن ، لأنه لا يلزم افتراض ان الزيادة قد حصلت مباشرة من آدم وحواء حتى يقال كيف حصل هذا الخلق الكثير من آدم و حواء بل حصل بتوسط ذريتهما

BL@CK

29/05/2007, 03:18

بس رب العالمين لما بيعمل زلزال أو فيضان او اعصار بمنطقة فهو اما عقوبة للكافر أو تكفير سيئات للمؤمن أو زيادة حسنات للمؤمن

:shock: صعقتيني بهالجملة ..

يعني مثلاً هلق إذا صار زلزال و متت أنا عبعاقبني لأني كافر

شو عقلو صغير يعني حط نقرو من نقري ..

طيب مدام بدو ياني آمن فيو .. يعطيني مقدرة عقلية أقدر أفهم أنو هو الخالق غير المخلوق

يعني ليش ليحسابني على شي هوي ما عاطاني يا

أنا حالياً ما عبقدر أفهم أنو في شي اجا من لا شي

هي إذا افترضت وجوده أول شي :frown:

whiterose

29/05/2007, 05:21

يعني مثلاً هلق إذا صار زلزال و متت أنا عبعاقبني لأني كافر
استغفر الله :pos:
فلاتنسى أنو هو يلي خلقك وبعتلك أكتر من طريق وسبيل للهداية وأنت رفضت
أنت هلىء أعد على كمبيوترك أنت حر فيه
ممكن ياكل خبطة منك اذا عصلج معك بشغلة أو اي شيء
ويمكن ها الخبطة تعطلو وتضطر تجيب بدالو او تعطبو

طيب مدام بدو ياني آمن فيو .. يعطيني مقدرة عقلية أقدر أفهم أنو هو الخالق غير المخلوق
عطاك ياها رب العالمين
بس الآية الكريمة بتقول
((أن الله يهدي من يشاء))

أنت حاليا بقمة قدراتك العقلية والدليل انك عم تحكي معي وعم تستخدم جهاز القرن 21 المليان بالعصلجات لكن في ناس بحاولو يديرو عقلون محل مابدهم
لأنك أنت خلص مابدك فرح تفهم الأمور متل مو أنت مسبقا عم تفكر

ممكن طيب أعرف أنت كملحد بوجود الله شو نظريتك؟؟؟
من وين بتعتقد أنك أجيت؟؟

والأرض والسماء و الشمس و القمر والنجوم والكواكب والخضار و الفواكة
....................الخ
من وين أجو؟؟؟؟؟؟

:larg:

hanny dagher

29/05/2007, 06:13

بس الآية الكريمة بتقول
((أن الله يهدي من يشاء))

ممكن طيب أعرف أنت كملحد بوجود الله شو نظريتك؟؟؟
من وين بتعتقد أنك أجيت؟؟

والأرض والسماء و الشمس و القمر والنجوم والكواكب والخضار و الفواكة
....................الخ
من وين أجو؟؟؟؟؟؟

:larg:

انا بقول الشمس او البقرة ساوو كل هالشغل

ممكن تشرحيلي الاية اللي حكيتي عنها لانو ممكن تنفهم بطريقتين

ملحوظة: انا عم حاول رد رد طويل بس المشكلة ما عندي وقت عم فوت بالسرقة الله وكيلكن :D

BL@CK

29/05/2007, 07:13

القول الأول : وهو الذي يقول بتزاوج الأولاد الذكور بالبنات وقد كان هذا محلّلا في اول الخليقة ثم حرّمه الاسلام

يعني كل شي عاشو قبل الإسلام كانت عيشتون حرام و كانو عبتوالدو بالحرام ..

و هالدنيا كلا حرام .. لأني كانت قبل حرام

يعني العالم كلو نشأ عالحرام هيك بفهم من ه القول

استغفر الله :pos:

شايفة شو المشكلة أنا مالي مستعد أجمد مخي بنقاش .. بالنسبة الك نتجيتو الكفر .. لسا ما حكينا كلميتن بديتي تستغفري و تسبحي

عطاك ياها رب العالمين

ويناااا دليني عليااااا ,, ؟؟

عطيني طريقة وحدة بأي دين لإثبات أنو الله خالق غير مخلوق

سواء كان براهماتي أو غير ذلك

لأتبعو لو كان الطوطمية

أنت حاليا بقمة قدراتك العقلية والدليل انك عم تحكي معي وعم تستخدم جهاز القرن 21 المليان بالعصلجات لكن في ناس بحاولو يديرو عقلون محل مابدهم
لأنك أنت خلص مابدك فرح تفهم الأمور متل مو أنت مسبقا عم تفكر

لاء غلطانة سمحيلي فيا ..

هاد الجهاز و للأسف عندي استعمالو أسهل من لعب الطابة ..

يعني كتير بسيط ما معقد ..

و لاحظي انتي اللي فايتة بفكرة مسبّقة عن الموضوع ... و لما وصلنا للشدة و الحزة .. بدي الاستغفار

و كمان نقطة كنا عمنحكي عن وجود الله و عدموه من خلال الـ Dna شو دخل سورة البقرة

هيك نقاش بدو تجرد كامل من أفكارك كلا

ممكن طيب أعرف أنت كملحد بوجود الله شو نظريتك؟؟؟
من وين بتعتقد أنك أجيت؟؟

والأرض والسماء و الشمس و القمر والنجوم والكواكب والخضار و الفواكة
....................الخ
من وين أجو؟؟؟؟؟؟

:7asheesh:

على فكرة أنا م قلت إني ملحد ( و لا نكرت ) بس ناقشت الموضوع متل ما قلت سابقاً بتجرد .. يعني قدرت أناقش الموضوع بدون فكرة مسبّقة ..

و مع ذلك رح أجاوبك

أنا حالياً عبدور عن " الله " و في عنّا فرضتين

الأولى ما يكون موجود فعلاً

رح تقليلي من وين اجو ه الشمس و ه القمر ..

متل ما قبلتي و رضيتي إنك تآمني بالله .. و أنو هوي ما انوجد .. لازم تقبليا كمان أنو الشمس و القمر م حدا خلقون .. يعني انتي هاد الشي بالنسبة الك مبدأ يقبل التطبيق " الوجود من غير موجد "

هي أول فرضية

التانية يكون موجود فعلاً

هلق المخ البشري ما عبيقدر يستوعب الفكرة أنو الله هوي الموجِد اللي ما حدا أوجدوه

هل ساعاقب بالخلود فى نار جهنم لان إمكانياتي العقلية لم تستطع ادراك انو الله موجود

هل الله لهالدرجة سفاح ( ستالين :razz: ) ليعاقبني على شي هو ما عطاني يا

هل الله رح يحطني بنار جهنم مع الحرامي و النصاب و هالبشر .. لإني عقلي ما قدر يستوعب

يمان Rooooonaldo

29/05/2007, 07:43

يعني كل شي عاشو قبل الإسلام كانت عيشتون حرام و كانو عبتوالدو بالحرام ..

و هالدنيا كلا حرام .. لأني كانت قبل حرام

يعني العالم كلو نشأ عالحرام هيك بفهم من ه القول

كلامك فيو شي من الصحة خيو... لح قلك كيف
يعني هلا اي واحد ما وصلو التبليغ الاسلامي...قبل الاسلام يعني بعصور الجاهلية قبل...
الله ما حيحاسبهم اكيد لانو ما اجاهم مين يدلهم على دليل الاسلام
طيب عندي سؤال شفت الكل عم يتهرب منو ليش ما عرفت

انو هي الطبيعة وهي السما..كيف قدر الانسان يخلقها او يساويها ممكن حدا يقلي؟؟؟

هي الجاذبية يللي بالارض مين هاد يللي قدر يفوت ويدحشها جوا مركز الارض
معلش ليش عم تقولو انو خلونا بعاد عن الطبيعة
هاتو لنشوف جاوبو

طيب بدي اسالك...خيو بلاك 100 وردة:D
ممكن اعرف سبب عدم ايمانك بالله عز وجل يعني
انو ليش مالك مامن بوجود الله ..السبب
لانك مالك شايفو ولا ؟؟؟

ناطر ردكم بس بسرعة شوي

BL@CK

29/05/2007, 07:56

كلامك فيو شي من الصحة خيو... لح قلك كيف
يعني هلا اي واحد ما وصلو التبليغ الاسلامي...قبل الاسلام يعني بعصور الجاهلية قبل...
الله ما حيحاسبهم اكيد لانو ما اجاهم مين يدلهم على دليل الاسلام
طيب عندي سؤال شفت الكل عم يتهرب منو ليش ما عرفت

انو هي الطبيعة وهي السما..كيف قدر الانسان يخلقها او يساويها ممكن حدا يقلي؟؟؟

هي الجاذبية يللي بالارض مين هاد يللي قدر يفوت ويدحشها جوا مركز الارض
معلش ليش عم تقولو انو خلونا بعاد عن الطبيعة
هاتو لنشوف جاوبو

ببساطة و من دون طولة حكي .. متل ما انت قبلان أنو الله ما حدا خلقو

أنا من الممكن أني أقبل الطبيعة ما حدا خلقا ..

بس الفرق البسيط .. انت ما عبتشوف الله .. أنا شايف الطبيعة ;-)

طيب بدي اسالك...خيو بلاك 100 وردة:D
ممكن اعرف سبب عدم ايمانك بالله عز وجل يعني
انو ليش مالك مامن بوجود الله ..السبب
لانك مالك شايفو ولا ؟؟؟

ناطر ردكم بس بسرعة شوي

ليك معلم أنا لسا ما قلت إني ما بآمن بالله

أنا مجرد أني قبلت أتناقش بهالموضوع بتجرد عن أفكاري ..

و أنا لعيت فوق و طلع بلعي و أنا أشرح في حال كان في الله و في حال كان م في الله

بس راجع آخر رد الي فيو الجواب

و أهلين يمان :D

يمان Rooooonaldo

29/05/2007, 08:13

اوك وانا معك...وصلت لشغلة كتير حلوة

بس بتمنى انك ما تزعل ا وتفهم حكي هلا غلط...

:D

ببساطة و من دون طولة حكي .. متل ما انت قبلان أنو الله ما حدا خلقو

أنا من الممكن أني أقبل الطبيعة ما حدا خلقا ..

لا غلطان...لح قلك ليش.. لانو نحنا وعم نتناقش على وجود الخالق وعدم وجوده
هاد معناه انو هي الاشياء يللي هون ما انوجدت لحالها يعني
نحنا عم نحكي انو الله هو يللي خلق هاد الشي ولا البشر ولا لوا الشمس ولا ولا
متل ما كان عم يحكي هاني
معناها هاد الشي اكيد في شي خلقو
انا هون كانت نقطتتي انو بدك تقلي هي البشر الموجودة على سطح الارض مين خلقها

بس النقطة الاهم كانت هون

بس الفرق البسيط .. انت ما عبتشوف الله .. أنا شايف الطبيعة

ابو شريك...لح اسالك سؤال بس ما تزعل
انت شايف عقلك شي؟:?
لا عم احكي جد انت شايف عقلك؟
كيف بتامن انو عندك عقل اذا مانك شايفو؟
صح
و100 وردة:D

يمان Rooooonaldo

29/05/2007, 08:24

شباب هي قصة حلوة اقروها بس...بيجوز تعجبكم بيجوز تفيد بيجوز
تتمسخرو ... بس ما في خسارة

ذهب رجل الى الحلاق لكي يحلق له شعر رأسه و لحيته . . .
و ما أن بدأ الحلاق عمله في حلق رأس هذا الرجل ، حتى بدأ
بالحديث معه في أمور كثيرة . . .الى أن بدأ الحديث حول وجود الله . .

قال الحلاق :-" أنا لاأئمن بوجود الله "

قال الزبون :- " لماذا تقول ذلك ؟ "

قال الحلاق :- " حسنا ، مجرد أن تنزل الى الشارع لتدرك بأن الله
غير موجود ،قل لي ، إذا كان الله موجودا هل ترى أناسا مرضى ؟ وإذا
كان الله موجودا هل ترى هذه الاعداد الغفيرة من الاطفال المشردين ؟ طبعا
إذا كان الله موجودا فلن ترى مثل هذه الالام والمعاناه . أنا
لاأستطيع أن أتصور كيف يسمح ذلك الاله الرحيم مثل هذه الامور.

فكر الزبون للحظات لكنه لم يرد على كلام الحلاق حتى لايحتد النقاش .
وبعد أن إنتهى الحلاق من عمله مع الزبون . . خرج الزبون الى الشارع ...
فشاهد رجل طويل شعر الرأس مثل الليف ، طويل اللحية ،
قذر المنظر ،أشعث أغبر ، فرجع الزبون فورا الى صالون الحلاقة . . ..

قال الزبون للحلاق :- " هل تعلم بأنه لايوجد حلاق أبدا

قال الحلاق متعجبا . . كيف تقول ذلك . . انا هنا وقد حلقت لك الان

قال الزبون " لو كان هناك حلاقين لما وجدت مثل هذا الرجل

قال الحلاق " بل الحلاقين موجودين . . وأنما حدث مثل
هذا الذي تراه عندما لايأتي هؤلاء الناس لي لكي أحلق لهم .

قال الزبون " وهذا بالضبط بالنسبة الى الله . . . فالله موجود
ولكن يحدث ذلك عندما لايذهب الناس اليه عند حاجتهم . .. . ولذلك ترى
الالم والمعاناه في العالم.

BL@CK

29/05/2007, 08:24

ابو شريك...لح اسالك سؤال بس ما تزعل
انت شايف عقلك شي؟:???:
لا عم احكي جد انت شايف عقلك؟
كيف بتامن انو عندك عقل اذا مانك شايفو؟
صح
و100 وردة:سوريا:

معلم .. طال عمرك بس هالطريقة في إثبات وجود الله عفنّت و تخّت ..

اي فيني أقلك شايف عقلي و فيك أنت تشوف عقلك مجرد تصوير بالرنين المغناطيسي أو مدري شو بسمو ..

بتشوف من أصغر خلية عصبية لأكبر خلية كمان عصبية ..

:D

BL@CK

29/05/2007, 08:26

و مشان القصة التانية اللي ذكرتا ..

سمحلي أقلك ما بتجوز المقارنة بين الحلاق و الله

الحلاق مجرد عامل مأجور .. الله يا ترا عامل مأجور و لا شو ..؟

hanny dagher

29/05/2007, 09:22

انو هي الطبيعة وهي السما..كيف قدر الانسان يخلقها او يساويها ممكن حدا يقلي؟؟؟

بجوز ما يكون الانسان هوي اللي خلقها لكن ليس بالضرورة ان يكون الله هو اللي خلقها

على كلن انا اسعتني عم رد ردود متقطعة ما عم افضى رد على كل رد لحالو بس صبرو عليي شي يومين :D

handsome

29/05/2007, 09:50

هلق باعتبار عمي هاني مانو فاضي كتير وانا هلق عندي شوية وقت صغيري كتير وباعتبار لهلق متفقين انا وعمو هاني فرح رد بهالوقت لبين ما يجي ويفضالنا
وبالطريق بحيي المتحاورين الاساسين من الطرفين: من جماعتنا هاني وبلاك ويامن هـ :gem:.. ومن الجماعة الي علينا وايت روز ويمان وابو سليمان :pos:

هلق اول الشي قصة انو نحنا ما منعرف منين اجت الدني وهاي الشغلات .. ببساطة فينا نقول انو اسا ما منعرف .. بس ما ضرورو نقول صبحانو الله هوي الي ساواها ..
متل لما كان المطر ايام زمان اجوبة من عند الله وما حدي بيعرف شلون وكانت العالم تامن بالله كيف المي عما تنزل من السما .. واخر الشي طلعت بس تراكم بخار الماء بطبقات الجو العليا وبتتكسف وبتزل علينا من فوق .. ي
لا تقولوا انو ما بيصير المقارنة بين الشغلتين . لانو الشغلتين كانو ظواهر طبيعية عجز الانسان عن وصفة واثباتة واستقروا العالم على انا اعجوبة من رب العالمين .. وبعدين قدرو يثبتو شغلة والتاني اساتون عالطريق بس رح تصير شوي شوي ...
ومثال صغير كمان عتبع الطالب بصف السادس .. اذا رحنا قلنا لواحد بيعرف بس الاعداد الطبيعية {1,2,3,4,.....} وقلنالو شو هوي جواب 2 ناقص 10 بيعصلج هيك مدري كيف وبيصير يتطلع بالورب وبيقول انو مافي هيك شي وهادا غلط .. هلق اذا الواحد تعلم اكتر وتعرف عمجموعة الاعداد الصحيحة بيصير بيعرف انو بيطلع الجواب ناقص تماني .. والسلسلة كتير كبيري وغير منتهية ..
وبالنسبة للشغلات الي منعرفة والي ما منعرفة اسا كمان هيك يعني لهلق اسا ما منعرفة بس ما يعني هادا اننا رح نضل مانا عرفانينا ورح نعرف بالمستقبل ..

طب هلق انا وقت بقلكون انو كل هدول الشغلات الي عالارض اجت من ورا التطورات الي حلت عالدني والي بلشت بالبكتريا الي كتير صغيري واحاديات الخلية وهلق صارت هيك متل ما نحنا هلق ..
طب بالنسبة للاديان( على حد علمي) مافي شي كان قبل ما يجو البشر .. يعني ادم وحوا اجو عالارض وقت كانت اساتا طازة وما كان الو الله مخلص من الموضوع الا فترة صغيري بعد ما خلص الدني كلا بس تيام ورتاح باليوم السابع .. طب الديناصورات منين اجت ؟؟؟؟ معقول الله هوي الي خلقة كمان ؟؟؟؟ وليش الانبياء ما جابوا سيتة ؟؟؟

طب ومن ورا ادم وحوا ( على فرض انو هني الي كانو اول الشي عالارض وهني الي جابونا كلياتنا ) كيف صار في اختلاف بين الناس .. يعني كيف في هالبني ادم الي جاي من الصين واليابان شكلو غير البني ادم الي جاي من الشرق الاوسط غير الي من اوروبا غير الي من افريقيا... مع انو هدول كلون بني ادم واحد .. اما شغلات التطور بتصير بعد ما حنا نححدلة نقطة معيني ؟؟؟؟ ومنقبل باللتطور محل ما بدنا ومنرفضو محل ما بدنا ؟؟

ما بعرف اذا اسا عما شعب الموضوع اكتر واكتر بس انو حسيت بالنقط المطروحة قبل صارت بس عما تدور بدائرة مغلقة بدون ما نوصل لنتيجة .. وبتصير الشغلة صعبة بس تصير القصة بتخص المعتقدات الي كل واحد منا صرلو عايش علية مدري كام سنة ..

ملاحظة: شي غريب بالاخوية انو بس يكون في موضوع نقاش جدي بيصيروا كل العالم يحلفوا بعضون بالغالي وبيصيروا يترجوا العالم ما ينزعوا الموضوع.. مع انو نظريا لازم يكونو كل المواضيع هيك ... غريبي انتي يا هالاخوية :?

يمان Rooooonaldo

29/05/2007, 10:29

handsome

29/05/2007, 10:40

الي رجعة شريك هاند سوم....

بس ملاحظة...شريك مو قصة علينا ومعنا;-)

نحنا اكيد كلنا حبايب هون ومتل ما بيقلولك
اخوية اللجميع.. والدين لله:D

سلامي للكل وخص نص الك ولبلاك وهاني بيك:D

الي عودة شي تلت ساعة بس بدي افطر
اتفضلو:p

ولو يا شيخ الله يسامحك .. بس هاي كانت هيك مشان الحماس ما اكتر ..
انتو عطول عالعين والراص...
بس ما يعني هادا انو نحنا هلق مانا بفريقين مختلفين ...يعني متل عمك مايكل شوماخر سابقا واخو رالف .. ونحنا هيك هون بالاخوية كلنا اخوة على اختلاف المذاهب والمعتقدات والطوائف والعقائد والايدولجيات ( هاي بسمعة كتير بالاخوية :oops:)

وعراسي عمي يمان وكل العالم الي علينا ( بس بس بالنقاش الحلو )
سلامات يا باشا:D

يمان Rooooonaldo

29/05/2007, 11:24

و مشان القصة التانية اللي ذكرتا ..

سمحلي أقلك ما بتجوز المقارنة بين الحلاق و الله

الحلاق مجرد عامل مأجور .. الله يا ترا عامل مأجور و لا شو ..؟

اكيد ابو شريك....ما في مقارنة...
بس حابب اعرف شو رايك فيها يعني
بتعنيلك شي؟

بجوز ما يكون الانسان هوي اللي خلقها لكن ليس بالضرورة ان يكون الله هو اللي خلقها

على كلن انا اسعتني عم رد ردود متقطعة ما عم افضى رد على كل رد لحالو بس صبرو عليي شي يومين

طيب هات لشوف عطيني تفسير تالت... مو ضروري هلا ناطر ردك
والشرح اكتر بس تفضى
بس بدي قلك انو ما في شي انخلق لحالو وفي كتير شغلات معقدة بهي العالم بدها شرح كتير
سيدو ناطرن رايك باهد الحكي والحكي من قبل

هلق اول الشي قصة انو نحنا ما منعرف منين اجت الدني وهاي الشغلات .. ببساطة فينا نقول انو اسا ما منعرف .. بس ما ضرورو نقول صبحانو الله هوي الي ساواها ..
متل لما كان المطر ايام زمان اجوبة من عند الله وما حدي بيعرف شلون وكانت العالم تامن بالله كيف المي عما تنزل من السما .. واخر الشي طلعت بس تراكم بخار الماء بطبقات الجو العليا وبتتكسف وبتزل علينا من فوق .. ي
لا تقولوا انو ما بيصير المقارنة بين الشغلتين . لانو الشغلتين كانو ظواهر طبيعية عجز الانسان عن وصفة واثباتة واستقروا العالم على انا اعجوبة من رب العالمين .. وبعدين قدرو يثبتو شغلة والتاني اساتون عالطريق بس رح تصير شوي شوي ...

اوك وما حكينا شي.. بس معلم... لهلا ما في شي اثبت هاد الشي
ولهلا ما قدرو ولا حتى يمشو خطوة وحدة لقدام...(على فكرة هاني انو يعملو انسان)
لنشوف شو لح يطلع مع هالعلم

ومثال صغير كمان عتبع الطالب بصف السادس .. اذا رحنا قلنا لواحد بيعرف بس الاعداد الطبيعية {1,2,3,4,.....} وقلنالو شو هوي جواب 2 ناقص 10 بيعصلج هيك مدري كيف وبيصير يتطلع بالورب وبيقول انو مافي هيك شي وهادا غلط .. هلق اذا الواحد تعلم اكتر وتعرف عمجموعة الاعداد الصحيحة بيصير بيعرف انو بيطلع الجواب ناقص تماني .. والسلسلة كتير كبيري وغير منتهية ..
وبالنسبة للشغلات الي منعرفة والي ما منعرفة اسا كمان هيك يعني لهلق اسا ما منعرفة بس ما يعني هادا اننا رح نضل مانا عرفانينا ورح نعرف بالمستقبل ..

طيب الي عندك سؤال
الولد...مين علمو انو وقت بدك شي لازم تعيط لازم تبكي لازم لازم
يعني مثلا وقت الولد بيولد شو عرفو انو هاد الشي يللي عم يحسو بدو يبكي منشان يردو عليه
؟

طب هلق انا وقت بقلكون انو كل هدول الشغلات الي عالارض اجت من ورا التطورات الي حلت عالدني والي بلشت بالبكتريا الي كتير صغيري واحاديات الخلية وهلق صارت هيك متل ما نحنا هلق ..

ما فهمت عليك...يعني هلا بدك تقلي انو هي الملخوقات الفصعونة...عملت كل هالشي بالدني
؟

طب بالنسبة للاديان( على حد علمي) مافي شي كان قبل ما يجو البشر .. يعني ادم وحوا اجو عالارض وقت كانت اساتا طازة وما كان الو الله مخلص من الموضوع الا فترة صغيري بعد ما خلص الدني كلا بس تيام ورتاح باليوم السابع .. طب الديناصورات منين اجت ؟؟؟؟ معقول الله هوي الي خلقة كمان ؟؟؟؟ وليش الانبياء ما جابوا سيتة ؟؟؟

اول شي ما فهمت شو يعني سيتة
تاني شي شو المشكلة .. يعني شو الغلط من خلق الديناصورات
ما بتعرف بيجوز هي الديناصورات عملت شغل على الارض بأمر او اي شي
بس ما فهمت يللي خلق كل هاد ما ممكن انو يخلق هيك شي؟

طب ومن ورا ادم وحوا ( على فرض انو هني الي كانو اول الشي عالارض وهني الي جابونا كلياتنا ) كيف صار في اختلاف بين الناس .. يعني كيف في هالبني ادم الي جاي من الصين واليابان شكلو غير البني ادم الي جاي من الشرق الاوسط غير الي من اوروبا غير الي من افريقيا... مع انو هدول كلون بني ادم واحد .. اما شغلات التطور بتصير بعد ما حنا نححدلة نقطة معيني ؟؟؟؟ ومنقبل باللتطور محل ما بدنا ومنرفضو محل ما بدنا ؟؟

ارجاع لرد هاني التاني بالمضوعو يللي بين الفكرة منو واقراه كلو بتعرف ليش هي جزء بسيط
ولح قلك انو انت عم تقول ليش الله عمل كافر ومسلم وهيك
غير هيك لو كان الكل مسلمين والكل مع بعض ما كان فسي داعي لخلق هي الدنية اصلا
وما كان في داعي لعيشتنا ولا في حساب ولا شي

ملاحظة: شي غريب بالاخوية انو بس يكون في موضوع نقاش جدي بيصيروا كل العالم يحلفوا بعضون بالغالي وبيصيروا يترجوا العالم ما ينزعوا الموضوع.. مع انو نظريا لازم يكونو كل المواضيع هيك ... غريبي انتي يا هالاخوية

ترجملي يستر عرضك شريك:p

بس الله ياخدو يللي بدو يفوت ينزع الموضوع بدي اشرب من دمو

سلام و102,3 وردات للشباب:D:larg: