صباح/ مسا / ضهر الخير جميعا حسب محلاتكن ومطارحكن وحسب قعداتكن ونوماتكن وفيقاتكن
خيو نحنا اللف والدوران ما منحبو لهيك رح نفوت بالموضوع من النص (يعني ما في داعي تتعزبو وتقومو تعملو قهوة وتجيبو موالح وضيافة مو خرج والله هني كلمتين (بالاسم كلمتين هني بيطلع شي موضوع صفحتين ) جايين نحكيهن ورايحين )
طبعا الموضوع رح حاول اختصرو قدر المستطاع لانو اسا معي نص ساعة لقوم نام (الساعة وحدة ونص بالليل وبكرا الصبح عندي جامعة وعندي الفحص النهائي بالانكليزي وبعدها عندي شغل فلازم قوم نام)
خيو القصة وما فيها
ايام ما كنت بسوريا (الله يرحم ايام التحشيش ) كان بيتنا طابقين وكان تقريبا اعلى بيت بالضيعة يعني بتطلع على السطح بتشوف الضيعة كلياتها وبتشوف الضيعة الشرقية كمان (الضيعة الشرقية : هيي الضيعة اللي كانو عايشين فيها اهل المشرفة من شي عشرين سنة وبعدين انتقلو على الضيعة الجديدة لانو الضيعة الشرقية لقو تحتها قلعة اثرية وصار في بعثات عم تنقب ما علينا من كل هالحكي )
المهم كنت انا هيك كل ما داقت خلاقي اطلع على هالسطح اتفرج على هالضيعة بس كل مرة اطلع حس بنفس الشعور وقت اطلع على البيوت وكيف مرتبة حد بعضها انو ارجع اتزكر كيف كانت هالمنطقة على ايام "تابت" (تابت هوي الاقطاعي اللي كان مستلم الضيعة قبل ما تصير الانتفاضة وينتهي زمن الاقطاع ) هلأ انا ما كنت عايش ايام تابت بس بسمع الحكي انو كانت المنطقة شجر تين ولوز يعني شجر من كل الانواع وكانت طبيعتها حلوة
هلا بعد ما انتقلت العالم على هالمنطقة اضطرو يقصو الشجر كلو مشان يعمرو بيوتن
بس لما بتطلع على سطح بيتنا وبتتفرج على الضيعة انا متاكد انو نفس الشعور بدو ينتابك لانو طريقة ترتيب البيوت بتحسسك انو في فن يعني اكيد هيي انبنت بعشوائية بدون ما واحد يطلع بطيارة هلكوبتر بالجو ويقلن عمرو هالبيت هادا هون وهالبيت هادا هون بس البيوت ترتيبها بخليك تفكرة بروعة العمارة عند الانسان وانو كيف قادر يخلق ولو بشكل عشوائي شي جميل طبعا هالشي بيخليني فكر باشياء تانية ....................................

هادا الجزء الاول يتبع بالجزء التاني
بكرا قولو انشالله

ملاحظة : ما يغركن المقطع الاول لانو فكرة الموضوع ما رح تجي لاخر رد

اهلين بالشبيبة :D

مابعرف ....يمكن :?

:D

جاد وهاني .....صفناتكن شغلة ... :?...

جاد وهاني .....صفناتكن شغلة ... :?...
:lol:اول ماقريت الموضوع فكرت بنفس الرد وكنت بدي اكتبو بس شفتك سبقتيني عليه

بكل الاحوال هاني ناطرين انو تتابع بالموضوع :D

هلا أنا بعرف قصدك .. كاتب هل موضوع و اللف و الدوران كللو .. مشان تقللنا بيتكون أعلى بيت بالضيعة

ضهر الخير


ضهر الخيرو لا اجر الخير

ايه ناطرين لكن:?

اهلين هاني ...

بلكي تزودنا بصورة الضيعة من بيتكم حتى ينتابنا نفس الشعور!

وساندريلا شو صار فيها ؟:?

دخيل رب الضيع كلون
أنا بس شوف هالمناطق الحلوة يعني مناطقنا مو بس بينتابني شعور حلو
والله بحس انو الروح رجعتلي

الله يحمي الضيع كلها وادي النصارة والمشتى والكفرون والمشرفة وكلون

:D

هلا أنا بعرف قصدك .. كاتب هل موضوع و اللف و الدوران كللو .. مشان تقللنا بيتكون أعلى بيت بالضيعة
:pos: هوي هيك دايما .... :frown:

اي هنهنات ..وبعدين؟؟؟؟ :shock::?

عمنستنا .. :frown:

لك معلم هاني من كتر ماقلت انو بيتكن اطول بيت بالضيعة يازلمة ليقوم شي حدا يدخل يصبلك بيتكن بالعين
وتصيبو شي طرطوشة شي صارو شي شغلة ويصير بدال اطول بيت بالضيعة يصير اكتر بيت مهدم بالضيعة (لاسمح الله) :lol::lol:



يازلمة بشرفي شهيتني اشوف هالاطول بيت بالضيعة :p

اي وبعدنا ناطرين

:?:?
ما فهمت شي:oops:

تابع لما سبق ذكره في (فقيش )

خيو بعد ما كنت اطلع على هالسطح وشوف منظر الضيعة اللي بخليك تسرح كنت اسرح انا بافكار تانية
كنت اسرح بالكمبيوتر خيو هلأ ما تجو تسالوني شو جاب هاي لهاي انا هالمنظر ما كان يزكرني غير بالكمبيوتر بجوز لانو دراستي بمجال الكمبيوتر بجوز لانو انا مهووس بالقعدة على الكمبيوتر بس هالمنظر وانو يصير شي من لا شي كان يزكرني بالكمبيوتر (اقصد بكلمة يصير شي من لا شي انو يصير منظر فني حلو من مجموعة بيوت متناثرة عشوائيا ) خيو انو قليلة هالكمبيوتر كم مكثفة على كم كبل على كم قطعة بلاستيك ومعدن عملولك كائن قدامك بيخليك تعمل اللي بدك يا وبيوفر عليك جهد ووقت خيرات الله بحيث انو انتي مثلا يصير عندك وقت فراغ تزيد في اختراعاتك المعباي الدنيا او مثلا ترسملك شي لوحة فنية تغلب فيها دافنشي او تالفلك شي كتاب تاخد علي جائزة نوبل للسلام بس يا هل ترى هل فكرت شي مرة كيف هالكمبيوتر عم يشتغل ؟ انو يبا هالكم قطعة بلاستيك اللي قدامي كيف عم تستجيب لحركاتي واوامري وتعمل اللي بدي يا (هلأ طبعا احيان كتير بيحرن هادا الماخود وما بقى بيستجيب لشي وبيعمل عكس ما بدك بس اذا فكرت فيها هاي كمان بتسحق التفكير )
انو خيو كيف انا بس اكبس حرف ال " ك " مثلا بيطلع قدامي على الشاشة " ك "
انو عنجد يبا فكر فيها مجموعة مكثفات اذا كانت المكثفة مشحونة بتعني شي واذا كانت مو مشحونة بتعني شي
مجموعة مكثفات مصفوفة حد بعضها
ولنفترض ترتيبها بهالشكل
مشحونة - غير مشحونة - غير مشحونة - مشحونة - مشحونة - مشحونة - مشحونة - غير مشحونة

مشان نوفر عليكم شوي جهد وتركيز رح رمزهن متل ما رمزوهن العلماء

1 - 0 - 0- 1 - 1 - 1 -1 -0 (طبعا كلكن استنتجو انو مكثفة مشحونة بتعني 1 ومكثفة غير مشحونة بتعني 0)
انو معقولة هالترتيب هادا الهن بيخلي المعنى تبعهن يختلف عن المكثفات اللي مرتبة بالشكل
1 - 1 -0 - 1 - 1- 1 - 1 - 1

طيب فكرو فيها انو هالانسان بشو فكر حتى قدر يتوصل لهالنتيجة ويصنع كمبيوتر ويخلي يمشي حسب نظرية معينة هيي مشحونة او غير مشحونة (طبعا هادا ما دخلنا بالتفاصيل المعقدة اسا )
انو خيو هات لنشوف انتي كم حركة بتعمل على الكمبيوتر انو معقولة كل حركة بتعني شي معين وبتظهر نتيجة معينة
انو شو هالاختراع الذكي هاد او بالاصح شو هالانسان الاذكى اللي قدر يخلق شيء من لا شيء

هلأ شو وصلنا لنتيجة لوحة فنية رائعة من مجموعة بيوت متناثرة انسان بناها
واله عجيبة قادرة على كل شيء وتستجيب حسب الاوامر من مجموعة من القطع البلاستيكية والمعدنية وشوية كهربا انسان صنعها
يعني شيء من لا شيء............................................... .........

يتبع.............................................. ..............

انت شكلك رح تفوتني بالحيط
وانا اساسا هالشغلة ما عم تدخل مخي
شغلة الاكترون يعني
ناطر لشوف بركي بيطلع معي نتيجة وبستوعب

صحيح أن أيام المعلم تابت كان عصر الإقطاع (متل ما منسميه) بس الله وكيلك من وقت ما إجا الإصلاح الزراعي ومد إيدو ع الأراضي وما عاد حدا اهتم فيها... ومن وقتها صارت المشرفة أرض بور بعد ما كانت جنة من الجنات حسب حكي الوالد!!

هلىء الموضوع حلو
وأن تقريبا قهمت الزبدة

بس مشكلة هاني أنو ماعم يعرف يربط الأفكار بالجمل

المهم أنا سمعت كتييييييييييييير عن ضيع حمص
سمعت أنها فعلاً بتشبه الريف الأوربي كتير
بالنظافة والرتابة

وان شاء الله رح اعمل مشوار لهنيك هي الصيفية:yahoo:

أما تعليقي عن الموضوع
أذا بدنا نفكر يا هاني بالأختراعات العظيمة يلي اكتشفها الأنسان
بدك ترجع شي الف سنة لورا واكتر

مثلا انت عم تحكي عن تنظيم عمار البيوت بضيعتك

طيب قبل ما تحكي عن التنظيم احكي عن يلي اخترع العمار
وفكَر انو منحط مي على التراب بصيرو وحل منحط الحجر فوق الحجر بيناتهم وحل ومنعمل حيط
هاد بحد ذاتو اختراع مهم لولاه ماكنت انت هلىء قاعد ببيت

هاد ابسط الأختراعات بالنسبة للقرن هاد
لولاه كانت العالم بالشوارع
وعد على ها المثل مثايل

علم البرمجة علم قائم بحد ذاتو
مثل الموبايل مثلا بقولوا لك كيف بسمع صوتي؟؟؟
بقلك العالم يلي اخترعه ببساطة هو عالم ذبذبات واشعاعات لاترى بالعين المجردة
يعني
بلغة العلم 1+1= 2

واسفة على طول السيرة:D

بلغة العلم 1+1= 2

بس مو اي علم:frown:

بس مو اي علم:frown:

عود عاقل يمان
بأي علم 1+1=2

يا بكالوريا علمي:x

وايت روز انتي ما فهمتي شو بدي الموضوع
نطرو لاخر رد بالموضوع لانو هادا الموضوع اخد في اسلوب اني اخدكن على الصين الشعبية وبعدين فجأة طالعكن باميركا
وانا قلت من اول رد انو الفكرة الرئيسية للموضوع ما رح تتوضح لاخر رد (بعد شي تسع ساعات )


خيو فارس المشرفة كانت جنة على ايام تابت واسعتها جنة لهلأ
بس اللي عم يصير فيها انو عم تكبر شوي شوي والعالم فيها عم يزيدو (طبعا في عالم عم تهاجر كمان ) بس الزيادة عم تكون اسرع وبالتالي عم يتوسع العمران على حساب الارض الخضرا
بس اذا بتطلع صوب الاراضي والكروم بينشرح قلبك وبتحس حالك بجنة كتر الارض مانها حلوة

طيب عم نستنى
وبعدين يعني

ضروري ها السسبينس:x

تابع لما جرى ذكره في (فقيش)

خيو وقت اللي كنت اقعد فكر بهالبناء او بهالكمبيوتر و طبعا مع كل هالتعقيدات اللي كانت تضرب على التفكير اللي عندي كنت فوت على موضوع اعقد شوي من فكرة الكمبيوتر واروع كتير من فكرة البناء بجوز كتير منكن فكر فيها من قبل او قري عنها وبجوز كتير منكن رح يبلش يفكر فيها بعد ما يقرا هالموضوع فكرة تكوين جسم الانسان شبكن سطلتو انو قليلة يبا كيف هالانسان عايش كيف بيتحرك كيف بيحكي كيف بيشوف كيف بيفكر انو كنت بلش بتفكيري من اعضاء الانسان يعني اطلع على الانسان كراس واجرين وايدين و رئتين وقلب ومعدة ومخ قادر بواسطتن يعمل كل شي (متل الكمبيوتر شاشة وكيبورد وفارة ومعالج ) بعدين صير فكر بكل عضو لحال انو يبا هادا القلب اللي هوي مسؤول عن كل شي بالجسم او هالمخ اللي مسؤول عن تنظيم هالاعضاء صير فكر بتكوينن كل واحد منن مكون من خلايا ومو اي خلايا خلايا مختلفة عن بعضها كمان يا حبيبي هادا اللي ناقص يعني مشان يزيد التعقيد طبعا ما بيخلص التعقيد هون لما بتفكر شو في بقلب كل خلية اعتبارا من سيتوبلاسما لنواة لجسيمات كوندري (ما بعرف شو في اسا نسيت كل العلوم تبع البكالوريا ) غمق اسا لجوا شوي بيجيك هادا اللي اسمو ال DNA يعني كل جسم الانسان كوم وهادا اللي اسمو DNA كوم تاني لما كانو يمثلولنا يا بالبكالوريا كانو يحطو شي الف حرف حد بعضن وكل حرف الو حرف مقابيلو ولازم يكونو متطابقين مع بعضن لانو اذا ما كانو متطابقين بيطلع عنا تشوه بشكل البني ادم واللي بيعجبك اكتر شي انو ترتيب هالحروف بيغير شكل الانسان وبيخلي كل انسان يتميز عن التاني
هلا انا ماني متزكر شو هني الحروف (هني اربع حروف) بس خلينا نقول هني a, p , r , s ولنقول a و p بيتوافقو مع بعضن والتنين البقية بيتوافقو مع بعضن

فاذا عنا هالسلسلة هاي

a p r s s s p r a p s r والسلسلة المقابلة الها
p a s r r r a s p a r s شايف كيف كل حرفين تقابلو مع بعضهن طبعا اي خلل بهالتقابل هادا بيطالع الشخص مشوه بعيد العنكن بس خلينا نقول انو هيك تريتيبها صح وطلع عنا ولد عيونو خضر واشقر
بس شو رايك انو نخربط شوي بهالسلسلة ونغير ترتيب حرف واحد بس يعني مثلا تصير السلسلة

a p r s r s p r a p s r والسلسلة المقابلة
p a s r s r a s p a r s

رح يطلع عنا شخص تاني مختلف تماما ومن المحتمل انو يكون واحد لونو اسود مثلا وعيونو عسليات بس بسبب هالحرف هادا

هلأ هالشي ما بيزكركن بقصة الصفار والواحدات تبعيت الكمبيوتر طيب رح نوقف هون لحظة وارجع استرجع التلت ردود بالموضوع

منظر فني من بيوت عشوائية بناها الانسان
الة عجيبة من مجموعة دارات كهربائية صنعها الانسان

وهون المهم
سلسلة احرف بتخلق انسان بس ما خلقها الانسان
خليك معي لا تضيع

طيب كيف خلقت هالحروف لتخلق انسان ؟
سؤال سريع جدا اليس هذا دليل كافي على وجود الله
الانسان قوة عظيمة قدرت تخلق فن وقدرت تخلق صناعات ما الها حدود بالرغم من تعقيداتها
الله قوة عظيمة قدرت تخلق انسان بالرغم من تعقيداتو

طيب انا رح اسال سؤال تاني
لنفترض انتي مثلا يا شيخ الشباب او يا ست الصبايا ما بتعرفو شي عن الكمبيوتر حلو الكلام طيب ولسبب ما دراسة او هواي او حب استطلاع حبيتو تعرفو عن هالكمبيوتر وتبحرتو بمجال الكمبيوتر وعرفتو كيف بيشتغل الكمبيوتر بالضبط وصرتو تعرفو كل شاردة وواردة و عن طريق الصدفة صارتلكن فرصة لتصنعو كمبيوتر
طيب انتو عندكن المعلومات الرئيسية اللي تشبعتو منها مسبقا وعندكن ادوات تساعدكن بهالمجال
هل انتم قادرين على صنع كمبيوتر ؟ الجواب طبعا نعم لانو ما رح تحتاجو لشي اكتر من معلومات رئيسية وادوات قد لا يكون الكمبيوتر مثالي وقد ينتزع من بعد استخدامين او تلاتة بس بيضل عندكن امل انو طالما عملتو اول مرة بتقدرو تعملو تاني مرة وتاني مرة بيطلع معكن ازبط من اول مرة وهيك لتوصلو لكمبيوتر مثالي حتى لو انتو ما صنعتو اول كمبيوتر

طيب مننتقل للطرف التاني هالعلماء اللي درسو جسم الانسان و تبحرو في بجسم الانسان وعرفو الحروف شو بتعني وعرفو كيف جسم الانسان بيشتغل اذا توفرلهن ادوات لخلق انسان هل رح يقدرو يخلقو ؟ بجوز ما يقدرو يخلقو انسان كامل من اول مرة بجوز هالانسان يطلع احول واخرس ومفشكل تفشكل ويموت بعد يومين بس طالما قدرو يخلقو اول مرة بيضل عندن امل انو بيقدرو يخلقو تاني مرة وتاني مرة بتزبط اكتر من اول مرة هيك ليوصلو لانسان كامل وحتى لو هني ما خلقو اول انسان

بجوز الفكرة مفشكلة شوي وضبابية بس هالفكرة هاي ما بتخليكن تفكرو ولو بشكل بسيط انو طالما انسان قدر يخلق انسان معناتا في احتمال كبير على عدم وجودية الله ومعناتا لازم نرجع نفكر اكتر باصل الانسان الاول او على اقل تقدير بوجودية الله في الوقت الحالي ؟

فكرو فيها شباب وردو عليي خبر

تم

الموضوع غير منقول وغير مترجم نتاج فكري بحت
حياكم جميعا :D

بالله انك حشاش
خيو على كلن بس يقدر انسان يخلق انسان من الادوات المخلوق منها الانسان
بنبقى ساعتها بنشوف إذا الله موجود ولا مو موجود

I dont know what to say.and I dont think you know what your talking about,and I dont see the connection between God and your PC.all what I see is that you want to show off about your knowledge about PC and that you got the tallest house in your town.also I want to ask who was the first one to put our DNA together ,another human you think.

منيح اني ما قريت الموضوع لليوم .. لانو كنت قتلت هاني لو قريانو من قبل .

هلق عمي هاني انو شو دخل هاي بهاي بهاي .. انا ما كتير استوعبت .. انو انتي استخدمت طريقة لبرهان شي هي عبارة عن شي تاني بيشبهو كتير للاول بس ما هوي نفسو .. انو يعني باعتبارك شبهت الارقام 1 و 0 لال A T G C... هادا بنوب ما يعني انو فينك تشبه طريقة عملون لبعض ..
مثال كتير صغير . انو متل ما انتي تعلمت انو هاي شغلة 1 وال 0 انو هيي بتبين كتير صعبة بس بالحقيقة هيي شغلي كتير بسيطة وسخيفة . لما بتعمل لكل رقم معين معنى معين والكمبيوتر وقتا بيصير عطول يفهم هادا الرقم على انو هادا المعنى ..بس الكمبيوتر مافينو يعرف لحالو انو مثلا بوقت من الاوقات لزم رمز او رقم جديد مافينو لحالو يخترع هادا الرمز . رح يضل عما يستنا ليجي هادا البني ادم ويقلو انو خود تعلم في هادا رمز جديد واسمو هادا الرقم ...
الحلو بالكمبيوتر انو بيكفي تقلو مرة وحدة لحتى يتعلم .. بس لحتى تغير صيغة ال دي ان ايه بدك الاف السنين لانو الجسم بيتعلم لحالو مع مرور الوقت الطويل كتير وبيصير بيعرف انو هادا الشي لازم يغيرو لحتى يقدر يضلو عايش مع هاي البيقة الجديد الي عما تتغير كل يوم .. ومثال كتير صغار عن الموضوع ... انو لما انتي بتخاف بيوقف شعر جسمك كلو . لانو ايام زمان كان الجسم كلو معبا بالشعر ووقت بيوقف الشعر بيبين الجسم اكبر وبيصير الحيوان او الفريسة الي ادامك تخاف منك .. هلق لانو الانسان معدو محتاج لهادا الشعر راح ومعد طلع متل قبل .. لانو صار يعرف انو هادا الشعر معد يخوف حدي هالايام ...
انو يعني ببساطة قصدي انو شغلة ال دي ان ايه اسا اكبر بكتير بكتير من ال 1 وال 0

طب منرجع هلق عالانسان .. انو الانسان متل ما وقت بلش اول الشي بالكمبيوتر بالة كتير بسيطة وسخيفة كتير وما بتعمل غير عملية الجمع وكان وزنا حوالي ال 500 طن ومحطوطة بمخبر كبرو شي 200 متر مربع .. بس مع الوقت عرف يطور حالو شوي شوي .. وصار يشوف شو الاغلاط الي مساوية ومعد ساواها وشاف شو هي الشغلات الي فينو يحسنة وحسنا .. ومتل ما هلق جماعة النازا او جماعة البحوث العسكرية بالعالم بتعرف و بتستخدم شغلات اكبر بكتير ومتطورة اكتر بكتير من الشغلات العادية الي نحنا منستخدمة .. يعني متل ما تتطورت ايام زمان الكيميا من ورا العلماء الي كانو عما يدورو على طريقة مشان يصنعو الذهب فيا من مواد ارخص .. هلق هيك عما يصير بمختبرات التطور العسكري وغزو الفضاء..
وهادا الانسان الي انتي عما تقول انو بس العالم يقدرو يصنعو من العدم وقتا بيكون هادا البرهان على عدم وجود الله . هاي ما كتير ظابطة ... لانو الانسان من هلق بلش بس عالصغر انو يبني خلية .. يعني شوية بروتينات وشوية فيتامينات بيجمعون مع بعض وبيساويلون شغلات انا ما بفهم فيا بس بطريقة او باخرة بتصير عبارة عن شي حي .. هلق اساتو لهلق عالصغير كتير كتير .. بس انو الشغلة مانا كتير مطورة لتصير على انسان كامل .. بس شو بيصير حزرك وقتا .. بيجو اهل الدين وبيقولو انو هوي الله الي عطانا هاي القدرة واكيد في الو هدف من وراه هالشي ...
يعني ببساطة انو الاشخاص المتدينين ما بيقتنعو لا بالشي النظري ولا بالشي العملي انو هادا الشي الي صاير هلق والي نحنا منسمي كوكب الارض وكلشي عليه من كائنات حية .. هاي ما دخلو الله فيا ... وبعد كام سنة بيصير العالم ما يقدرو يستوعبو كيف كان الانسان هالقد غبي لحتى فكر انو هالشغلات كلى هوي الله الي ساواها .. متل ما نحنا منتضحك هلق عالفراعنة الي عبدو الشمس على اساس هيي الي ساوت كلشي او على عبادي الاصنام الي نحنا منقول كيف عبدو شي هني صنعو بايدون ونحنا هلق عما نعبد شي صنعوا كام شخص وخلونا نقتنع بحكيون مع انو ابعد ما يكون عن المنطق .. بس وقت الواحد بيفكر بالموضوع بمنطق بيصير كافر .. يعني الفكرة لحالة هاي اسا احلى بكتير بكتير من كيف الانسان قدر يبني شي حلو متل المشرفة او شي خيالي متل الكمبيوتر او الكائنات الحي تتطور حالة عن طريق ال دي ان ايه الي اسا بدنا كتير لتعرف عنو شوي ..

سوري عال لت والعجن .. بس الفكرة كانت حلوي وعجبتني
ميرسي مسيو هاني:D

هلأ الموضوع كلو كان عبارة عن طرح للافكار اللي بفكرها وقت بطلع بوقف وبشوف منظر الضيعة بجوز ما في ترابط انو شو جاب الكمبيوتر للمشرفة لجسم الانسان بس في اوقات ما فيك تتحكم بشو عم تفكر بس هدول الافكار كانت تخطرلي كل مرة اطلع فيها على السطح

شو الرابط بين الكمبيوتر وجسم الانسان بجوز ما يكون في رابط ملموس
بس فكر فيها كشكل انو انتي شايف الكمبيوتر من برا كمجموعة قطع بلاستيكية ومعدنية بس لما بتتعمق بالبنية الداخلية للكمبيوتر وقصص التعقيد
ولما بتشوف الانسان كمجموعة اعضاء عم تتحرك وبتتعمق بالبنية الداخلية تبعو وقصص التعقيد
الا وما تلمح ولو بشكل بسيط انو في شي تشابه بالعمل بيناتن انا ماني عم قول انو الكمبيوتر صار متل الانسان عم قول انو في تشابه كتعقيد في البنية الداخلية للاعضاء عم يكون هالكائن (انسان او كمبيوتر ) اللي عم نشوفو قدامنا

بالموضوع طرحت عبارة عن فكرتين
فكرة مناظر حلوة مستوحاة من سؤال كان "الملحدين" يسالو للمؤمنين انو وين الله يبا يكونو المؤمنين جاوبوهن انو طلع بهالمناظر الطبيعية طلع بهالشجرة الحلوة سماع صوت هالعصفور بتلاقي وجود الله فيهن بالفكرة اللي طرحتا هون انو له الانسان في يعمل كمان مناظر حلوة

وفكرة انو تعقيد جسم الانسان واللي فكرة بتمخول بس الانسان قدر يفهما وقدر يخلق شي ومتل ما قال هاندسوم انو هلأ بلشو بالخلية ومع الوقت رح يخلقو انسان كامل

بس فكرة انو الانسان قادر على خلق انسان هاي عم تناقض كل شي تعلمنا من نحنا وصغار عن فكرة وجود الله الخالق اللي لا مثيل له

قد يكون الله موجود من قبل (مع انو اشك بوجودو قبل وحاسس انو العلم رح ياثبت عدم وجوديتو ) وخلق الانسان لكن شو دليلك على وجودو هلأ ؟

بجوز الافكار ما كانت واضحة بسبب اسلوب الكتابة يعني لو كنت عم احكي حكي كنت وضحت اكتر بس يا ست moon انا عرفان تماما عن شو عم احكي وعرفان تماما شو عم فكر وعرفان انو كل واحد بيطلع من قوقعة الدين اللي مغلف حالو فيها ويفكر شوي بمنطق وعلم رح يتفاجأ بالتناقض الرهيب بين العلم والاديان ( اذا ما بدكن تقولو الله مع انو انا بقولا بين العلم والله )
الموضوع ما كان لقول انو بيتنا اعلى بيت بالضيعة لانو انتو ما رح يهمكن هالشي ولا لفرجي معلوماتي بالكمبيوتر وبجسم الانسان لانو في ناس افهم مني بهيك شغلات وقادرين يحكو احسن مني بهيك مواضيع الموضوع كان مجرد طرح تساؤل (قد يكون موجود بس براسي ) حول وجودية الله بس استخدمت هالاسلوب القصصي هادا

حياكم جميعا :D

انت شكلك رح تفوتني بالحيط
وانا اساسا هالشغلة ما عم تدخل مخي
شغلة الاكترون يعني
ناطر لشوف بركي بيطلع معي نتيجة وبستوعب
هاااني شو بنا ؟يعني شو هوي المغزى من هيدا كلو ؟:oممممم ايييي يمكن ما فهمت :larg:

can you give me an example .

can you give me an example .

طيب فكري من بداية الخلق

مين هوي الانسان الاول ؟ ادم وحوا
كم ولد كان عندن ؟ 2 قابيل وهابيل وبعدين اجاهن صبي تالت
قابيل قتل هابيل
شو صار عنا ادم حوا قابيل وهابيل من وين اجت بقية هالعالم ؟

فكرة تانية متل ما علمونا بالانجيل او بالقرآن او او او ادم وحوا خلقو بالجنة واكلو التفاحة ونزلو على الارض ( المسيحيين الاميركان بيآمنو انو ادم وحوا خلقو على الارض بعكس ما تعلمنا نحنا المسيحيين العرب )
طيب ايمت صار الخلق وايمت نزلو على الارض ؟

بس روح قرا تكوين اصحاح 5 السطر الرابع والخامس
وتكوين اصحاح 2
السطر15

الابداع والانتاج شي حلو
بس مهما وصل ابداع الانسان وانتاجو مابعتقد انو رح يقدر يكون متقن بقدر اتقان الخالق

برأيك انو الانسان ازا قدر يصنع انسان اخر
رح يقدر يخلق فيو روح كمان ..
يعني يعمل انسان متكامل ...شكلا ومضمونا ..

بعدين ليش كتير شاغلتكن فكرة وجود الله او عدمو
خلينا نبدع وننتج وطلعو من هالفكرة بقى

بس روح قرا تكوين اصحاح 5 السطر الرابع والخامس
وتكوين اصحاح 2
السطر15

اول شي الانترنت رح يجنني اليوم كتر مو بطيء
تاني شي

الإصحاح الخامس

5: 1 هذا كتاب مواليد ادم يوم خلق الله الانسان على شبه الله عمله
5: 2 ذكرا و انثى خلقه و باركه و دعا اسمه ادم يوم خلق
5: 3 و عاش ادم مئة و ثلاثين سنة و ولد ولدا على شبهه كصورته و دعا اسمه شيثا
5: 4 و كانت ايام ادم بعدما ولد شيثا ثماني مئة سنة و ولد بنين و بنات
5: 5 فكانت كل ايام ادم التي عاشها تسع مئة و ثلاثين سنة و مات
5: 6 و عاش شيث مئة و خمس سنين و ولد انوش

الإصحاح الثاني
2-15 و اخذ الرب الاله ادم و وضعه في جنة عدن ليعملها و يحفظها

الاصحاح الثالث

3-23 فاخرجه الرب الاله من جنة عدن ليعمل الارض التي اخذ منها
3-24 فطرد الانسان واقام شرقي جنة عدن الكروبيم ولهيب سيف متقلب لحراسة طريق شجرة الحياة

طيب الاصحاح الخامس كل العالم اللي انزكرت هني ادم وولادو كيف تم التكاثر لحتى طلعت هالعالم كلياتها

الاصحاح التاني والتالت خلقه في جنة عدن واخرجه من جنة عدن اين موجودة هالجنة هل هيي موجودة على الارض كيف لكن بيقول اخرجه من جنة عدن (اللي افترضناها على الارض) الى الارض التي يعمل بها كيف طلع من الارض على الارض ؟ واين هو السيف لهيب السيف المتقلب ؟ اين هيي شجرة الحياة ؟

مستر مذهول
مستر مصدوم +عم يبكي

هلىء هيك صرنا بموضوع ديني بحت

وبالأخص عم تحكي عن الكتاب المقدس المسيحي

في آية بتقول بالقرأن الكريم

أعوذ بالله من الشيطان الرجيم
بسم الله الرحمن الرحيم

((بأنفسكم أفلا تبصرون))

أنا مابعرف كيف ممكن انسان يشك بوجود خالق عظيم لهاد الكون

أذا انت قلن أنو الله غير موجود لأنو ممكن انسان يخلق انسان

طيب هيك صرنا متل قصة البيضا و الدجاجة!!!!

طيب الحيوانات والأرض والسما الكواكب النجوم
الشجر الأكل

هاد كلو من وين اجى؟؟؟

لاتقلي قوة طبيعة لأنو رح قلك مين خلق الطببيعة؟؟؟

هلىء هيك صرنا بموضوع ديني بحت

وبالأخص عم تحكي عن الكتاب المقدس المسيحي

في آية بتقول بالقرأن الكريم

أعوذ بالله من الشيطان الرجيم
بسم الله الرحمن الرحيم

((بأنفسكم أفلا تبصرون))

أنا مابعرف كيف ممكن انسان يشك بوجود خالق عظيم لهاد الكون

أذا انت قلن أنو الله غير موجود لأنو ممكن انسان يخلق انسان

طيب هيك صرنا متل قصة البيضا و الدجاجة!!!!

طيب الحيوانات والأرض والسما الكواكب النجوم
الشجر الأكل

هاد كلو من وين اجى؟؟؟

لاتقلي قوة طبيعة لأنو رح قلك مين خلق الطببيعة؟؟؟

هل هالحكي هادا بيعني انو الله اللي خلقن؟ :?

you know what,I would love to talk to you about this but it is taking me long time to write in arabic and english is not my first language,but i ask you to oppen your mind and DONT skip lines

you know what,I would love to talk to you about this but it is taking me long time to write in arabic and english is not my first language,but i ask you to oppen your mind and DONT skip lines

IT WASN'T ME WHO SKIPPED LINES

YOU SAID READ CHAPTER 5 LINES 4 AND 5 BUT IF YOU GO FURTHERMORE TO READ MORE LINES YOU WILL SEE THAT ALL WHAT THE BIBBLE TALK ABOUT ARE ADAM'S CHILDREN
SO WHERE THE OTHER PEOPLE CAME FROM ?

IT WAS NICE TALKING TO YOU
I MEAN THE DIFFERENCE BETWEEN US DOES NOT MEAN THAT WE ARE ENIEMIES
AND I AM GLAD THAT YOU ARE BACK TO WRITE IN AKHAWIA SO WE CAN KNOW MORE ABOUT YOU

ONE HUNDRED ROSES :lol::D

وجب التنويه
الموضوع مانو ديني ولا شي
الموضوع عبارة عن فكرة وتساؤل انطرحو

وان كان ورد القرآن والانجيل والتوراة وارد في هذا الموضوع فهو للضرورة وليس للتجريح :D

وان كان ورد القرآن والانجيل والتوراة وارد في هذا الموضوع فهو للضرورة وليس للتجريح :D

مابشك بها الشي:D

هل هالحكي هادا بيعني انو الله اللي خلقن؟ :?

نعم أكيد:jakoush:

وكمان مابشك بها الشي ولا 0 بـ 100

نعم أكيد:jakoush:

وكمان مابشك بها الشي ولا 0 بـ 100

بعتقد انك ما اريتي ردي لانو كان طويل شوي وممل وفايت ببعضو كتير:oops:

بس انو فكرة كتير صغيري كنت كاتبة هنيك, هلق قبل ما يجو الانبياء والرسل عليهم جميعا السلام كانو الكفار او عبدة الاصنام يعبدو صنم على شكل حيوان او انسان او شو ما كان وكانو يعبدو ويقولو انو هادا هوي الله الي خلق الدني كلى .. وما كان حدي يسترجي يعارض هالشي لانو بيكون كفر بالاله تبعون .. وكمان الفراعنة عملو نفس الشي بالشمس .. ووقت حدي بيسترجي يحكي شي غلط عن الشمس بيكون حكمو الموت ..
طب هلق اذا قارنة هديك الاديان بالاديان الحالية ما منشوف انو كلى نفس الفكرة .. يعني تأليه شي ما معروف شو هوي ومبهم عالاخر وما حدي بيعرف عنو شي غير بالحكي ...
ووقت بيجي حدي ليحكي بشي غير الدين مشان يعارض هادا الدين بيطلع مرتد وبيتحلل دمو ..
واكيد ما معقول الواحد يلاقي بالتورات او بالانجيل او بالقرأن شي بيقول انو مافي شي اسمو الله وانو هادا الله هوي بس عبارة عن شي الواحد فينو يعتبرو موجود مشان بس يواجه شي مشكلي يقول يالله ساعدني او بس يوصل لطريق مسدود يقول اي هيك الله بدو ..

وشكرا:D

متابعة...
قريت الجزء الاول وبترك لاسويت لبكرا
بس عن جد شهيتيني لشوف ضيعتكم

بس انو فكرة كتير صغيري كنت كاتبة هنيك, هلق قبل ما يجو الانبياء والرسل عليهم جميعا السلام كانو الكفار او عبدة الاصنام يعبدو صنم على شكل حيوان او انسان او شو ما كان وكانو يعبدو ويقولو انو هادا هوي الله الي خلق الدني كلى .. وما كان حدي يسترجي يعارض هالشي لانو بيكون كفر بالاله تبعون .. وكمان الفراعنة عملو نفس الشي بالشمس .. ووقت حدي بيسترجي يحكي شي غلط عن الشمس بيكون حكمو الموت ..
طب هلق اذا قارنة هديك الاديان بالاديان الحالية ما منشوف انو كلى نفس الفكرة .. يعني تأليه شي ما معروف شو هوي ومبهم عالاخر وما حدي بيعرف عنو شي غير بالحكي ...
ووقت بيجي حدي ليحكي بشي غير الدين مشان يعارض هادا الدين بيطلع مرتد وبيتحلل دمو ..
واكيد ما معقول الواحد يلاقي بالتورات او بالانجيل او بالقرأن شي بيقول انو مافي شي اسمو الله وانو هادا الله هوي بس عبارة عن شي الواحد فينو يعتبرو موجود مشان بس يواجه شي مشكلي يقول يالله ساعدني او بس يوصل لطريق مسدود يقول اي هيك الله بدو ..

وشكرا:D


كلامك صح
بس أنتي عم تعبدي شيء موجود يلي هو الحجر

وبتقدري تحطميه أنت كبشر بقوتك يلي ما سألتي نفسك مين عطاكي القوة؟

سيدنا ابراهيم عليه السلام
وقت كسر الأصنام كلها وترك صنم واحد بس
السبب
أنو لما الكفرة نادوا ليعرفوا مين يلي حطم وكسر ها الأصنام
قال لهم سيدنا ابراهيم أسالوا ها الصنم الوحيد الغير مكسور

وأنا كيف ممكن أعبد الشمس؟؟؟ بأي منطق أنا ممكن اعبد شيء ممكن يأذيني كبشر
اثبتت الدراسات انو الشمس تؤدي لكتير من الأمراض
ومفروض الخالق لها الوجود يكون مجرد عن كلشي غرائزي
المفروض يلي خلقني يكون بحبني وخلاني أمن فيه ليحميني مو ليأذيني

بهديك الأيام كان مافي علم يلي للأسف عم يستخدموه الملحدين و الكفرة لأثبات أنو الله غير موجود

أنا صدقا ما أمنت بالله غير لأنو موجود ولأني قرأت كتير وصفنت كتير وقكرت كتير
وما أمنت بأسلامي غير لأني اقتنعت من قلبي وعقلي بها الدين

بغض النظر عن أنو الدين يورث

أنا قرأت عن اليهودية والمسيحية ورحت معابد وكنائس
لكن مع احترامي لجميع الديانات
الأسلام هو اللي تربع على عرش قلبي
وتحية ألك وشكرا لتعليقك اللطيف:D

بهديك الأيام كان مافي علم يلي للأسف عم يستخدموه الملحدين و الكفرة لأثبات أنو الله غير موجود




THANK YOU :D

I WILL BE BACK

هلا ,,, صراحة ما بعرف ما اتوقعت ولا 1%
انو يكون الموضوع متجه هيك اتجاه لانو المقدمة ما كانت الها علاقة بنوب

...
مشكور على طرح الفكرة,,,,

اول شي هاني بدي قلك شغلة بيجوز هي الشغلات صراحة بتراودني وبتراود كتير غيري

بس في شغلة صغيرة.... انا بعرف انو انت من الشرك انك تفكر اصلا او تشكك بوجودية الله
يععني ... انو الواحد بدو يشك بوجودية الله سبحانه وتعالى فهادا من اكبر الذذذذذنوب

هي من الناحية .. يللي بعرفها انو اذا بدنا نحكي عن الحرام ولا حلال

هلا ااذا بدك نرجع نحكي متل المنطق...بدي اسالك كم سؤال
راودني بعد ما قريت ردك
انو هلا انت عم تقول.. انو بيجوز الانسان يصنع انسان تاني...صح
طيب هلا انت مسيك اي جاهز شو بدك اعقد جهاز او شغلة ساواها الانسان
مين بمشيها؟؟يعني بالاحرى مين بيشغلها؟.؟؟

يعني هلا الكومبوتر مثلا... مو انت يللي لازم تعد وتحركه وتنزله برامج وووو
ومو انت يللي بدك تعد تشتغل عليه بالفارة والماوس

طيب.. بس وقت انت بدك تتحرك كانسان عندك المقدرة الذاتية يللي بتخليك تعمل شو ما بدك بحرية تامة
صح ممكن تعطيني التفسير هون ... بما انك عم تقول انو الانسان قدر يعمل شغلة تقارن ابداع الخالق
بتكوين الانسان



الشغلة التانية... بدي اسالك هلا بما انو عم تقول انو العلم لح ياثبت هاد الشي قريبا

هلا خلينا شوي بشغلة الاستنساخ يللي ساووها العلماء
من وين بدو فيك تقلي؟؟
ما هنن بدو من خلية حية بالاصل كانت مخلوقة... وغير هيك ما كان طلع معهم هاد الكائن الجديد
يعني بكل مشكلاته هنن اعتبروه انو انجاز؟؟؟
بس الحقيقة بتقول انو هنن ما عملو شي غير انو اخدو هي الخلية وحطوها اول شي بوسط مغذي
تكاثرت رجعو زرعوها بمعزة او او ورجعت ولدت من جديد
كانو ما عملو شي بس نقصو من فترة الحمل الطبيعية والولادة بيجوز مو اكتر
يعني ما قدرو يوصلو لهاد الشي يللي عملو الله سبحانه... ولا حتى عملو شي

شغلة تالتة.,,, هلا
ومما يدل على أن وجود الخلق دليل على وجود الله سبحانه عز وجل: {أم خُلقوا من غير شيء أم هم الخالقون * أم خَلقوا السماوات والأرض بل لا يوقنون } [الطور: 34-36]. ‏

‎‎ ‏"هذا تقسيم حاصر، يقول: أخلقوا من غير خالق خلقهم؟ فهذا ممتنع في بدائه العقول، أم هم خلقوا أنفسهم؟ فهذا أشد امتناعاً، فعلم أن لهم خالقاً خلقهم، وهو الله سبحانه. وإنما ذكر الدليل بصيغة استفهام الإنكار ليتبين أن هذه القضية التي استدل بها فطرية بديهية مستقرة في النفوس، لا يمكن إنكارها، فلا يمكن لصحيح الفطرة أن يدعي وجود حادث بدون محدث أحدثه، ولا يمكنه أن يقول: هو أحدث نفسه ". ‏

‎‎ قال عز وجل: {أولا يذكر الإنسان أنا خلقناه من قبل ولم يك شيئاً } [مريم: 67]. ‏

‎‎ فدلت الآيات على حاجة المخلوق إلى خالق ضرورة.

طيب...خلينا نوقف هون شوي...هلا شو رايك انو انت قلت انو اول تنين كانو موجودين هنن قابيل وهابيل
وادم وحوا
طيب قبل ما يجو قابيل وهابيل
ادم وحوا
كيف اجو ممكن تفسرلي ياها...لا تقلي نظرية القرد...لانو لح قلك انو كيف اجا القرد
هون حكينا لا بد من وجود خالق لهاد الكون لانو اول اول اول شي خلق بهاد الكون كيف اجا
هي اذا اخدنا بعين الاعتبار انو عندو المقدرة على صنع هالكمية من البشر
يعني كيف ممكن اجا ادم وحوا ولا صنعو حالن ذاتيا اكيد لا:deal:



‎‎ صور الاستدلال نوعين: ‏

‎‎ ‏1. ‎ في الأنفس. 2. في الآفاق. ‏

‎‎ 1. صور الاستدلال بخلق الإنسان على الخالق (في الأنفس ).‏

‎‎ إن الاستدلال بخلق الإنسان لقي عناية خاصة وبالغة في القرآن، والدليل على هذا أنه ذكر في أول آيه أنزلها الله على نبيه الكريم، فقال عز وجل: {اقرأ باسم ربك الذي خلق خلق الإنسان من علق } [العلق: 1-2]. ‏

‎‎ وقد أنكر الله على من ترك التبصر والتفكر في خلق النفس الإنسانية، فقال عز وجل: {وفي أنفسكم أفلا تبصرون } [الذاريات: 21]. ‏

‎‎ بل قد صرح بعض العلماء بوجوب النظر في خلق الإنسان أخذاً من قوله عز وجل: {فلينظر الإنسان مم خلق } [الطارق: 5]. ‏

‎‎ ويقول العلماء رحمهم الله: "الاستدلال على الخالق بخلق الإنسان في غاية الحسن والاستقامـة، وهي طريقة عقلية صحيحة، وهي شرعية دل القرآن عليها وهدى الناس إليها "، ولعل أكثر ما يلفت النظر في ذكر دلالة خلق الإنسان في القرآن كثرة الاستدلال بأطوار خلقه ومراحل نشأته وحياته إجمالاً وتفصيلاً، فقد جاء ذكرها إجمالاً كما في قوله عز وجل: {خلقكم من نفس واحدة ثم جعل منها زوجها وأنزل لكم من الأنعام ثمانية أزواج يخلقكم في بطون أمهاتكم خلقا من بعد خلق في ظلماتٍ ثلاث ذلكم الله ربكم له الملك لا إله إلا هو فأنى تصرفون } [الزمر: 6]. ‏

‎‎ وقال أيضا: {ما لكم لا ترجون لله وقاراً * وقد خلقكم أطواراً } [نوح: 13-14]. ‏

‎‎ وجاء مفصلاً كما قال عز وجل: {ولقد خلقنا الإنسان من سلالةٍ من طين * ثم جعلناه نطفةً في قرارٍ مكين * ثم خلقنا النطفة علقة فخلقنا العلقة مضغة فخلقنا المضغة عظاماً فكسونا العظام لحماً ثم أنشأناه خلقاً آخر فتبارك الله أحسن الخالقين } [المؤمنون: 12-14]. ‏

‎‎ إن نفس كون الإنسان حادثاً بعد أن لم يكن، ومولوداً ومخلوقاً من نطفة، ثم من علقة، هذا لم يعلم بمجرد خبر الرسول صلى الله عليه وسلم، بل هذا يعلمه الناس كلهم بعقولهم، سواء أخبر به الرسول صلى الله عليه وسلم أم لم يخبر. وهذا الدليل يعلمه الجاهل والعالم، أنه دليل على وجود خالق لهذا الإنسان ومكوّن له في جميع مراحل نشأته وحياته وهو الله سبحانه. ‏


طيب هلا هي اخر نقطة لح احكي فيها لها ... منشان ما طول كتير
بدي االك وقت الرجال...بعد ما يتجوز...وبيتم الالقاح بينو وبين مرتو...
ممكن تفسرلي كيف ممكن انو الرجال يقدر يتم صنع هالولاد.؟؟؟
يعني بالاحرى شو انت الك علاقة بعد ما تكون النطفة ... اندمجت مع البيضة
وشكلة البيضة الملقحة يللي بتعشش بالرحم وبترجع بتنمو وووو

طيب كيف قدر الانسان انو يفوت لقلب هاد الانسان..,,, ويساوي هاد التنظيم
يعني بالاحرى كيف قدر انو يساوي العروس الذكرية والعروس الانثوية نص العدد الصبغي الموجود
باي خلية اخر بالجسم
كيف قدر انو يامن انو هي البيضة لح تضل بمكانها
كيف قدر يوصل هي البيضة مع الام تبعها كرمال يوصل الغذاء وغيرو

شغلات كتير هاني بتدل على وجود الخالق اكيد

الي عودة ان شاء الله بعد ما شوف ردك
بعتذر على الاطالة بس صدقني هيك مواضيع فيها حكيييييييي كتير وبدها مناقشة كتير
سلام و100 وردة هاني:D

كلامك صح
بس أنتي عم تعبدي شيء موجود يلي هو الحجر

وبتقدري تحطميه أنت كبشر بقوتك يلي ما سألتي نفسك مين عطاكي القوة؟

سيدنا ابراهيم عليه السلام
وقت كسر الأصنام كلها وترك صنم واحد بس
السبب
أنو لما الكفرة نادوا ليعرفوا مين يلي حطم وكسر ها الأصنام
قال لهم سيدنا ابراهيم أسالوا ها الصنم الوحيد الغير مكسور

وأنا كيف ممكن أعبد الشمس؟؟؟ بأي منطق أنا ممكن اعبد شيء ممكن يأذيني كبشر
اثبتت الدراسات انو الشمس تؤدي لكتير من الأمراض
ومفروض الخالق لها الوجود يكون مجرد عن كلشي غرائزي
المفروض يلي خلقني يكون بحبني وخلاني أمن فيه ليحميني مو ليأذيني

بهديك الأيام كان مافي علم يلي للأسف عم يستخدموه الملحدين و الكفرة لأثبات أنو الله غير موجود

أنا صدقا ما أمنت بالله غير لأنو موجود ولأني قرأت كتير وصفنت كتير وقكرت كتير
وما أمنت بأسلامي غير لأني اقتنعت من قلبي وعقلي بها الدين

بغض النظر عن أنو الدين يورث

أنا قرأت عن اليهودية والمسيحية ورحت معابد وكنائس
لكن مع احترامي لجميع الديانات
الأسلام هو اللي تربع على عرش قلبي
وتحية ألك وشكرا لتعليقك اللطيف:D


اول الشي رح قول وسيم خيو انتي الوحيد اللي عم تفهم عليي وكانك عم تحكي اللي بقلبي :D

تاني الشي وايت روز ما بعرف شو دخل مثال ابراهيم والاصنام هون ؟ انو ما لقيتو فاد الفكرة بشي بس على كلن الفكرة اللي داخل احكي فيها هون هيي انو الله ما عم ياذيكي وقت بتصير معك شي شغلة (مصيبة شغلة سيئة ) ما بتقولي هادا من الله معناتا الله كمان بياذيكي الله (بفرض انو موجود ) ما عم يتحكم بهالطبيعية وعم يسبب هالطوفانات وهالزلازل وهال وهال اللي عم تسبب باذية البشر كمان

شغلة تانية مزبوط ما كان في هالعلم الموجود هلأ بهديك الفترة لهيك العالم كانت بحاجة لقوة تنسبلها الاشياء اللي عم تصير معاها فطلع معاهن الله وامنو في لانو ما لقو غير تفسير بهداك الوقت لهالظواهر اللي عم يشوفوها بس هلأ العلم فسرلك اغلبية الظواهر الموجودة فسرلك البراكين والزلازل والفياضانات اللي كانت تعتبر في ما مضى غضب من الرب لانو العالم ما قدمتلو ذبيحة

شغلة تالتة انا ما عم قلك ليش صرتي مسلمة او ليش اسعتك متمسكة بالاسلام (وانا بحترم تمسكك هادا ) نحنا عم ناقش وجود الله :D

تالت شي يمان كيفك حجي
خيو الاستنساخ بالوقت الحالي بصيغتو الحالية يعني ما رح يعطيك فكرة كاملة عن اللي براسي واللي انا عم فكر في على المنظور البعيد
يعني اذا دمجت محاولات العلماء هلأ لخلق خلية بدائية وبعدها طوروها لانسان بعد عشرة عشرين تلاتين مية سنة رح يقدرو يكونو خلقو انسان وهني ماشيين على هالطريق

وبالنسبة لسؤالك عن شو دخل الرجل بالنطفة والانقسامات والبويضة و و و هادا من طبيعة تركيب جسم الانسان انو يصير هيك وبس نتفق اذا الله خلق الانسان او لاء وقتها منتفق على هالقصص هاي

بالنسبة لقصة ادم وحواء انتي ما جاوبتني من وين اجت هالعالم بعد ادم وحواء ؟
وما حدا جاوبني قصة ايمت تم الخلق ووين ؟

اليوم رح وقف عن سؤال للشبيبة
يمان ووايت رويز (او اي حدا تاني بيحب يجاوب ) انتو من وين بتعرفو بالله ؟ انو كيف عرفتو انو في الله ؟ ما تقلولي من المناظر والطبيعة و و و و بدي انو كيف سمعتو في مين قلكن علي هاي الكلمة اللي عم دور عليها مين قلكن عن الله ؟ :D

بس تعليق صغير نهائي على حكي يمان

بس في شغلة صغيرة.... انا بعرف انو انت من الشرك انك تفكر اصلا او تشكك بوجودية الله
يععني ... انو الواحد بدو يشك بوجودية الله سبحانه وتعالى فهادا من اكبر الذذذذذنوب

خيو اذا كان موجود ياخدني عجهنم (انو صحي بالمناسبة حدا بيعرف جهنم وين صايرة ؟ :?)

هاني .. ما في يتبع ؟؟؟:? .. يعني خلص الموضوع ؟؟؟:shock:

ما بدي .. بدي كمان .. :cry: