لعبة الصراحة(ممنوع دخول الكذابين) [الأرشيـــــف] - صفحة 2

Placebo

02/07/2007, 22:07

أوووبس آسف خربطت بالجواب مع أنك يللي فوقي سبقتيني بالجواب

عموماً :

ما بعمل شي .. بس بفرجيها إني زعلان وإذا فهمت بتكون حبابة وعالعين والراس .. وإذا ما فهمت فهمعناها علاقتنا بلشت تنتهي ..

إيمتى أول مرة بست فيها حبيبك = حبيبتك ؟

demax

02/07/2007, 22:10

حبيت قبل بمرة بس ما بستو لانو تربياتو مستوايي اعلى من هيك

السؤال هوي شو اخر كذبه كذبتها؟؟

.. Yaso

02/07/2007, 22:17

خخخ آآآآآخ شو بدي اتذكر ؟؟!! أنا آخرر مرة كذبت مع رفيقتي على ما اظن وكانت بـــ 1/7 /2007
بسس ... طيب سؤالي رح يكون ........ شو اسمك دي ماكس ؟

demax

02/07/2007, 22:20

اسمي ديما

سؤالي ليه كذبتي على صاحبيتك وشو الكذبه؟؟

تالين

02/07/2007, 23:00

وينك ياسمينو ردي منشان نكمل الاسئلة لانو السؤال الك:D

demax

02/07/2007, 23:03

شكلها ياسمنيه ما بتقدر تجاوب ;-)

تالين

02/07/2007, 23:06

انا بجاوب
يا ستي انا ماني متزكرة اخر كذبة كذبتها على رفيئتي بصراحة
سؤال يلي بعدي
اخر فكرة خاطرة على بالك و حابة تساويها شو هي ؟

Placebo

02/07/2007, 23:08

إنتحر

سؤالي : شو أول مشروع لازم تساويه بكرا .. طبعاً خارج المنزل !

demax

02/07/2007, 23:08

هههههههه

حلو هالسؤال كان جايي ع بالي قبل شوي نطلع انا واختي ناكل بوظه

بس للاسف ممنوع خروج تنتين صبايل لوحده بالسيارة الساعه 10 :pos:

سؤالي شي دائما بتتمني ودايما بتقولي لو هالشي يصير بيغير حياتك؟؟

demax

02/07/2007, 23:09

انا بجاوب

اول مشروح اكيد الجاااامعه

كمان بكرر سؤالي وبقول شي دائما بتتمني ودايما بتقولي لو هالشي يصير بيغير حياتك؟؟

تالين

02/07/2007, 23:11

اذا شتغلت

احلى فصل من السنة عندك؟

Syrian Gay

02/07/2007, 23:14

فصل الصيف

شو المشروب يلي بتحبو؟

demax

02/07/2007, 23:14

اكيييييييييييييد الصيف

شي حابه بأهلك انو يتغير؟

demax

02/07/2007, 23:15

اكيد الكووووووووولا
كمان السؤال نفسو شي حابو بأهلك انو يتغير؟

Placebo

02/07/2007, 23:16

العادات والتقاليد

مين بتحب أبوك ولا أمك ؟

demax

02/07/2007, 23:22

الصراحه بابا

مع انو البنت شي طبيعي تكون مقربه من امها

بس بابا بحسو بيفهمني اكتر

السؤال شو هوي الشي يلي ضايقك من رفيقك/تك اخر مرة حاكيت/ها؟؟

Placebo

02/07/2007, 23:28

أنو ما عزمتني على حفلة عيد ميلادها .. وبتعرفني أني بحبها .. حسيت حالي رح موت من القهر !!

أية أحلى سنة عشتيها بحياتك لحد هلأ ؟

demax

02/07/2007, 23:30

السنه يلي مرقت 2006 يعني

مممممممممم السؤال هوي شو اخر كذبه كذبتها على رفيقتك؟؟

was616im

02/07/2007, 23:37

السنه يلي مرقت 2006 يعني

مممممممممم السؤال هوي شو اخر كذبه كذبتها على رفيقتك؟؟
هممم اخر كذبة كانت اني قلتلهتا اذا منترك بعض لا تتأمل اني رح اركض وراها على اساس انو مو فارقة معي
اللي بعدي
شةو اكتر شي بتحب تعملو بالليل بدل النوم؟؟؟

demax

02/07/2007, 23:42

اكيد اسهر ع النت ما بدها سؤال

سؤالي شو بتحس حالك لما تكون عم تكذب؟؟

Placebo

02/07/2007, 23:44

بحس أنو جسمي عرق وعم حاول ركب الكزبة على نظرتي للزلمة أو البنت ..

سؤالي : بتاخد أدوية تنويم لما تحس حالك معم تحسن تنام ؟

demax

02/07/2007, 23:47

لالالالالالالالالالالالا

سؤالي ليه بتكذب ؟

Placebo

02/07/2007, 23:55

مشان فرجي الناس أنو أنا مهم ومشان يحترموني وما يفكروني شغل أية كلام ..

طيب إنتي ليش بتكذبي ؟

ناتالي1976

02/07/2007, 23:57

لالالالالالالالالالالالا

سؤالي ليه بتكذب ؟
الكذب وسيلة لإخفاء العيوب وأرضاء الآخر أو أقناعه بشيء لن يحصل أبداااااااااااااااااااااا ااااااااااااااااااا

demax

02/07/2007, 23:59

was616im

03/07/2007, 00:02

لالالالالالالالالالالالا

سؤالي ليه بتكذب ؟
لانو احيانا بينجي و احيانا بضطر اكذب مشان احصل على شي اللي بدون الكذب ما بحسن احصل عليه
سؤال : شو بتعمل لما بتكون حزنان؟؟

ناتالي1976

03/07/2007, 00:03

اول شي انا اكيد ما بكذب لانو فرجي الناس اني مهمه لانو الناس اولا واخيرا بتعرفني مين انا ادا ما بيعرفوني اخرتهم رح يعرفوني

انا اغلبيه الاوقات بكذب ع اهلي من شان ما اتبهدل ع الطالعه والنازله

هلئ سؤالي بتحب انك تكون محط انظار؟
ومين مابيحب يكون متل نجوم هوليود والكاميرات عم تلاحقه ...
بس السؤال اللي صعب حدن يجاوب عنه هو
من أين أتيت ؟أين تتجه؟كيف تحقق طموحك ؟ومتى تحققه؟

demax

03/07/2007, 00:06

من اين اتيت من امي وابي اكيد ههههههههههه

اين تتجه ليكنا عم نعيش يوم بيومو ومع الايام منكتشف

طموحي صير دكتورة وليكني عم ادرس

ومتي بحققه بعد شي 3 سنين لآتخرج

سؤالي بتعتبر حالك من النوع المتشائم؟؟

Placebo

03/07/2007, 00:07

نعم متشائم بدرجة إمتياز

شو طموحك تصير بالمستقبل ؟

demax

03/07/2007, 00:08

انا دكتورة نشالله وليكنا عم ندرس

سؤالي شو السبب يلي مخليك متشائم؟

Placebo

03/07/2007, 00:10

شغلات كتير .. هموم عم تاخدني وتجيبني .. بدي صفحات لقولها .. خليني مسكر عالموضوع أحسن ..

دكتورة شو بدك تصيري ؟

demax

03/07/2007, 00:12

منقول طب اطفال احسن شي

سؤالي من شان شو عايش؟؟ وين مكانك بالمجتمع؟

Placebo

03/07/2007, 00:19

صدقيني لحد الآن ما لقيت حالي .. مجتمعي ماعم يخليني إظهر شخصيتي .. يمكن طفولتي لعبت دور بضعف شخصيتي .. بدي حدا يكون متابع لحالتي وأنا متأكد أنو بهالشي أنا رح إتحسن كتير .. عقلي مالو ثابت بشيء واحد ..

عندي كفائات الحمد لله ولغتي الإنكليزي صارت تامة وكمان عم إتعلم لغة تانية .. ودرست من صغري برامج التصميم الصحفي كلها ويلي لحالها في مستقبل فيها .. بس أنا طموحي أكبر من هيك

سؤالي : كم أخ - إخت عندك ؟

demax

03/07/2007, 00:21

نحنا 3 بنات وشبين

سؤالي هوي حلم بدك يتحقق بهالدقيقه؟

Placebo

03/07/2007, 00:26

أنو يللي ببالي تبطل تتجاهلني وترجع تسأل عني .. صرلا يومين ما سألت عني ورح إنفجر من القهر ..

سؤالي .. إذا في شب أخلاقو حلوة كتير وحباب وما بيغلط بالمرة معك .. بس مشكلتوا بشع وما كل هالقد شخصية .. مستعدة تحبيه إذا هو بحبك ؟

demax

03/07/2007, 00:33

اذا بشع لا مو مستعده

سؤالي صبيه لنفرض بالجامعه وحلوة كتير والكل بيتمنى رضاها اجت عن دون كل الناس اقترحت انو تصيرو رفقه وتصير بينكم علاقه حب

شو بتعمل مع العلم انك عندك رفيقه؟

Placebo

03/07/2007, 00:43

بعتذر إلها .. لأنو الحب مالو قرار ( حب هي وكراه هديك ) .. الحب شعور من الداخل بيخليك تتجه لوحدة شو ما كان شكلها .. أنا يللي بحبها بعترف أنو شكلا عادية بنظر البعض .. بس أنا حبيت تفكيرها وصرت موت بكلامها كل ما إسمعها عم تحكي معي ..

طيب شو رأيك بعمليات التجميل وعم تفكري تعملي عملية تجميل ؟

demax

03/07/2007, 00:47

اعوذ بالله الحمد الله عندي جمال وما بدي اكتر من هيك

شو بتعمل اذا كنت لازم تنام من شي ساعتين لانو بكرا لاوم تصحى شي 6 الصبح ولساتك سهران ع النت؟

Placebo

03/07/2007, 00:52

بحط موسيقى هادية ( بيتهوفن أو موزارت ) .. وبغمض عيوني وبحاول إنسى كل شيء وحاول إعمل تفريغ كل شي تفكير براسي .. وإذا ما مشي الحال .. تنتين ريد بول أو أية مشروب طاقة وبنتم صحيانين لتاني يوم وبلالنا نومة الأربع ساعات لأنو بكره حياتي لما ما بكون شبعان نوم ..

شو أطول فترة تميتي فيها قاعدة بلا نوم ؟

demax

03/07/2007, 00:57

رح قلك فقت الساعه 6 مشيت ع الجامعه رجعت

عملت كم شغله

اجيت ع النت الساعه 10 ضليت سهرانه كل الليل للساعه 6 الصبح ورحت ع ع الجامعه

بعدها للبيت على ال 5 خلصت دوام كان يوم خميس

فتت شي نمت شي 6 ونص

سؤالي لو يرجع العمر لورا كم سنه

شو كنت بتغير بحياتك؟

Placebo

03/07/2007, 01:03

كنت بصحح الأخطاء يللي عم إدفع تمنها بكبرتي هلأ .. خصوصاً حياتي الطفولية يللي أثرت كتير عليي ..

شو أحلا موقف صار بحياتك وخلاكي تبكي من الفرح ومارح تنسيه شو ما كان يكون ؟

Ashley

03/07/2007, 01:21

يوم يلي شفت فيه انسان كتير غالي عاى ئلبي بالصدفة....:cry:
منشان مين بتبكي و بتذل حالك ؟

شوط ياقمر

03/07/2007, 01:28

لسا ماصارت بعمرا . ولا بظنا رح تصير . واذا صارت ف ياويلك ويا سواد ليلك

اذا شفت عجي او بمعنى تاني ولد . جلق كتيييييييييييييييير وسممممممممممج كتير . شو رح تتصرف معو ياتئبشني ؟

Placebo

03/07/2007, 01:30

مشان يللي دورت عليه طول حياتي ولقيتوا بالآخير .. رح إبذل كل شيء كرمالو .. لأنو الفرصة ما بتنعاد دائماً إلا مرة بالعمر .. وهادا يللي كاسرني من جوا :cry:

سؤالي : في مرة من المرات طلعت كلمة بحبك مو من قبلك ؟

Syrian Gay

03/07/2007, 01:40

طبعا طلعت وقلتا لشخص كان بيحبني بس خفت اجرح مشاعرو قام قلتا

سؤال: بتحذف كتير عالم من المسنجر تبعك لو ما حكو معك مدة شهر؟

Placebo

03/07/2007, 01:45

أي كتير بحذف عالم ماعم تحكي معي ومطنشة إني موجود ..

إنته بنيت علاقات من الإنترنت ؟

Darck Jack

03/07/2007, 01:50

مرحبا
كيفكن يا جماعة

Darck Jack

03/07/2007, 01:51

طبعأ مين ما بنى:shock:
شو أكتر شي فاجأك اليوم

Darck Jack

03/07/2007, 01:52

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تالين

03/07/2007, 01:56

تفاجئت من حالي كيف ئدرت ساعة 11 و نص ساوي اكل لحالي و اكول
لاني كسلانة كتير و ما الي خلئ اشرب مي لحالي

شو رايك بعمليات التجميل ؟