لعبة الصراحة(ممنوع دخول الكذابين) [الأرشيـــــف] - صفحة 7

تالين

04/07/2007, 22:06

طيب الأخ ما جاوب عالطلب تبعنا .. خلينا نكمل اللعبة :

بتحب تاكل بيتزا ؟
اي بحب اكول بيتزا

isy123

04/07/2007, 22:08

نعم لما بيكون في صديق صادق وعم يحترمك ويقدرك ويكون هالشي متبادل طبعاً ..

أي البنات أفضل عندك ؟ البرازيليات ولا الفرنسيات ؟

طبعااا الفرنسيات
السؤال شو هي الفاكهة اللي تعجبك

isy123

04/07/2007, 22:10

اي بحب اكول بيتزا
طبعا اموت على البيزاااا واو

تالين

04/07/2007, 22:11

الخوخ
السؤال هو.....اذا طلعتي بلمرايا شو بتشوفي؟

isy123

04/07/2007, 22:15

الخوخ
السؤال هو.....اذا طلعتي بلمرايا شو بتشوفي؟

بشوف قصة شعري ههههههههه

Placebo

04/07/2007, 22:16

بشوف سعدان :lol:

طيب كم ساعة بتقعد بتقعد بالنت ؟

Ashley

04/07/2007, 22:18

باليوم 5
شو أبيخ سؤال سمعته لهلق ؟

isy123

04/07/2007, 22:19

من الصبح

Syrian Gay

04/07/2007, 22:20

شو أبيخ سؤال سمعته لهلق ؟

وين ساكن بالضبط:frown:

انتو سألو ما عندي سؤال

Ashley

04/07/2007, 22:22

طيب جاوب...

تالين

04/07/2007, 22:22

شو رايك بلقتل الرحيم؟

wesam_ra2

04/07/2007, 22:27

بشوف سعدان :lol:

طيب كم ساعة بتقعد بتقعد بالنت ؟
يعني بحدو ثلاث ساعات كل يوم

السؤال هو

متى حسيت حالك غلطت مع واحد عزيز عليك ومين هو ؟

تالين

04/07/2007, 22:30

لهلا ما جرحت حدى لاني من النوع يلي افضل الو انو ينجرح احسن ما يجرح
شو رايك بلقتل الرحيم؟

wesam_ra2

04/07/2007, 22:38

لهلا ما جرحت حدى لاني من النوع يلي افضل الو انو ينجرح احسن ما يجرح
شو رايك بلقتل الرحيم؟
انا بعتقد انو ما في اشي اسمة قتل رحيم او قتل تحت التعذيب
كلة بالاخر قتــــــــــــل

لو صار موقف قدامك وكان مع واحد عزيز عليك و الموضوع بينتهي اذا قدمت تنازلات تمس قيمك
بتكوم مستعد تضحي عشان هذا الشخص

Placebo

04/07/2007, 22:42

مافيها شي .. أحسن ما يتعذب يللي عم يعاني من مرض مؤذي كتير وعم يوجعوا كثير ..

شو رأيك بالعادات والتقاليد ؟

تالين

04/07/2007, 22:42

انا بعتقد انو ما في اشي اسمة قتل رحيم او قتل تحت التعذيب
كلة بالاخر قتــــــــــــل

لو صار موقف قدامك وكان مع واحد عزيز عليك و الموضوع بينتهي اذا قدمت تنازلات تمس قيمك
بتكوم مستعد تضحي عشان هذا الشخص

يلي بيتنازل مرة ..... رح يتنزل مرة و مرتين و الف
لا ما بتنازل اذا رح تمس قيمي لانو لو فعلا غالي كان ما خلاني اتنازل على شي بيمس قيمي صح؟
السؤال هو ..... شو مبدئك بلحياة ؟ يلي عم تمشي عليه؟ او خلينا نئول مبادء

Placebo

04/07/2007, 22:42

لو صار موقف قدامك وكان مع واحد عزيز عليك و الموضوع بينتهي اذا قدمت تنازلات تمس قيمك
بتكوم مستعد تضحي عشان هذا الشخص

اي بكون مستعد إذا كانت أشياء مقنعة طبعاً ..

تالين

04/07/2007, 22:45

مافيها شي .. أحسن ما يتعذب يللي عم يعاني من مرض مؤذي كتير وعم يوجعوا كثير ..

شو رأيك بالعادات والتقاليد ؟
كل شي عن بيزيد عن حدو بيضر
اذا هي العادات و التقاليد ما رح ضر حياتي بشي ما بشوفها غلط
بس المهم اني ما كون مقيدة بعادات عم تدمر حياتي على حساب عادات و تقاليد

Abu Guzef

04/07/2007, 22:47

باليوم 5
شو أبيخ سؤال سمعته لهلق ؟

ابيخ سؤال انو ليش اسمي ابو جوزيف

Abu Guzef

04/07/2007, 22:48

شو رايك بلقتل الرحيم؟

كلو عند العرب صابون :p

تالين

04/07/2007, 22:50

كلو عند العرب صابون :p
ضبو لسلانك يعدمني حالي:clap:
وحضر حالك لالاسئلة بلمئلاية :clap:
هلا رايحة بشوفكون بعدين :clap:

Abu Guzef

04/07/2007, 22:54

ضبو لسلانك يعدمني حالي:clap:

يارب استجيب لهل الدعوة
وحضر حالك لالاسئلة بلمئلاية :clap:

نحن لها وجاهزون
هلا رايحة بشوفكون بعدين :clap:

الله معا لا تمنعا حلي عنا طلعتي روحنا :o

demax

04/07/2007, 22:57

وينو سؤالك؟؟:clap:

Abu Guzef

04/07/2007, 22:59

سؤالي شو يعني اسمك او ليش هيك نك نيمك (( اسف لانو ماعندي اسئلة ))

wesam_ra2

04/07/2007, 23:00

يلي بيتنازل مرة ..... رح يتنزل مرة و مرتين و الف
لا ما بتنازل اذا رح تمس قيمي لانو لو فعلا غالي كان ما خلاني اتنازل على شي بيمس قيمي صح؟
السؤال هو ..... شو مبدئك بلحياة ؟ يلي عم تمشي عليه؟ او خلينا نئول مبادء
والله حبيت اسمع هيك جواب
بس مبدئي بالحياه
1 خود حقك واعطي الناس حقوقها
2 الدنيا اخذ وعطا يعني بحب اني اخذ منك وكمان بحب انك تعطيني :p

سؤالي هو
متى ترفض طلب شخص بان يصبح صديق لك ؟

demax

04/07/2007, 23:02

اسمي ديما

ونك نيم هوي demax اما ال ء من شان كون مميزة لانو في كتير هوني اسمن ديماا

demax

04/07/2007, 23:03

سؤالي هو
متى ترفض طلب شخص بان يصبح صديق لك ؟[/quote]

اكيد لما يكون شخص شخصيتو مو منيحه والكل بيكون عارفو شو هوي

سؤالي على اي اساس بتختار اصدقائك و صديقاتك؟

Syrian Gay

04/07/2007, 23:05

على اساس اذا تفكيرون بينظبق مع تفكيري

سؤال: بتحب تتجوز بكير؟ وللا تعيش علاقات كتيرة؟

demax

04/07/2007, 23:11

لا اتزوج بكير ولا عيش علاقات كتيرة

لما يتقدملي الشخص يلي ببالي وقتها بوافق انو يصير بيننا شي

سؤالي كم مرة كذبت اليوم؟

.. Yaso

04/07/2007, 23:11

عندي سؤال صريح ل(syrian Gay)
ليش حاطط اسمك هيك؟؟
يمكن سؤال حشور شوي :P:P

Abu Guzef

04/07/2007, 23:15

عندي سؤال صريح ل(syrian Gay)
ليش حاطط اسمك هيك؟؟
يمكن سؤال حشور شوي :P:P

ما بعرف اذا بدي احكي بجوز يزعل
بس بدون ما تزعل ولو

مشان اذا في غاي هون يعرف انو سيريان غاي ويصير بينون شي او تتوافق افكارون سوى

wesam_ra2

04/07/2007, 23:16

اول اشي بتكون البداية اذا كان بيتقبل الاخر ومش متحيز لرئية دايما
ثاني اشي ما تكون نضرتة لكل اشي انو هو الصح وبس والباقيين غلط
بعدين بتبدا نتيجة التعامل معة في الحياة وتجاربها تبني او تهدم علاقة ممكن تكون صاة بينا

سؤالي لو كنت على النت ونعست وعندك شغل تاني يوم بكير بتفضل تكون صريح مع الناس وتحكي
تصبحوا على خير

ولى تروح تنام وتسيبهم بدون رد ؟

:lol::lol:

Placebo

04/07/2007, 23:22

بفضل إشرب وحدة رد بول وتم صحيان ليوم الشغل ..

سؤالي هو .. بتحب تشرب قهوة ولا كاباتشينو ؟

lamya

04/07/2007, 23:25

تنيناتن حلوين

اصعب موقف تعرضت له ؟

demax

04/07/2007, 23:31

الابتعاد عن الي بتحبو ويلي اختارو قلبك من بين الملاينن

سؤالي هوي يلي ما حدن جاوب عليه:كم مرة كذبت اليوم؟؟

.. Yaso

04/07/2007, 23:48

اليوم ولامرة ... انتي كم مرة حبيتي ؟ ( سؤالي مكرر بس لــ دي ماكس )

demax

04/07/2007, 23:53

مرتين

اول شي حب المراهقه "حب التانويه" بعدين الحب التاني يلي ما رح تنسيه ابدب

وانتي ياسمينه؟

تالين

05/07/2007, 00:25

والله حبيت اسمع هيك جواب
بس مبدئي بالحياه
1 خود حقك واعطي الناس حقوقها
2 الدنيا اخذ وعطا يعني بحب اني اخذ منك وكمان بحب انك تعطيني :p

سؤالي هو
متى ترفض طلب شخص بان يصبح صديق لك ؟
انا معك الدنيا اخد و عطا و مستحيل انا اكول حق حدى ..... بس الشغلة اسمها تنازل يعني مو اسمها حق.... يعني وقت بحس هي الشغلة يلي بدو ياها مني الشخص الغالي عليي انو من حقو اكيد ما رح اكول حقو .. بس وقت يكون مبدء و انا مقتنعة فيه او اي شي بيكون رح يمس قيمي او كبريائي فلا .... لانو المفروض هو ما يئبلي ياها.

تالين

05/07/2007, 00:32

اليوم ما كزبت ولا مرة لاني ما شفت حدى لكزب عليه
سؤالي هو
اذا كنت ساكن بحارة و مرتاح فيها كتير و الك زكريات فيها.... و طلع جار من هجيران مو منيح ....و على الطاعلة و النازلة بيسمعك كلام ..... بتترك الحارة و بتمشي ولا بتضل انت و بتئلعو هو؟
لا تؤوولو السؤال بايخ و انو اكيد رح نضل و رح نئلعو..... انا سئلت السؤال لاني كنت رح امشي و و اتركلو الحارة
بدي اسمع اجوبتكون

Placebo

05/07/2007, 00:39

والله بتم عم فرجيه العين الحمرا لحتى هو بالآخير يترك الحارة .. عينك عينك يعني

طيب كيف جيرانكم معكم مناح ولا لأ ؟

تالين

05/07/2007, 00:43

والله بتم عم فرجيه العين الحمرا لحتى هو بالآخير يترك الحارة .. عينك عينك يعني

طيب كيف جيرانكم معكم مناح ولا لأ ؟
ما عنا غير جار واحد
بس كتير ظريفين و مناح كتير
سؤالي هو.... كيف بتحب تئعد.... يعني اذا حدى ئلك زبطلي ئعدة كيف رح تزبطلو ياها؟

.. Yaso

05/07/2007, 00:49

انا مابزبطلوا ياها لان انا بعد على راحتي مو على راحتو

Placebo

05/07/2007, 01:01

أنا بحاول إني جلس وإقعد قعدة وازنة لما بكون عن أبي قاعد بالمكتب ..

وين مفكرة تطلعي عطلتك هالصيفية ؟

.. Yaso

05/07/2007, 01:08

انا مو ناوية لان انا رح اقضي صيفيتي هووون بالكويت

:cry: بس بطلع طلعاااات

بتحب البنت المحجبة ولا البنت الغير محجبة ؟؟

Placebo

05/07/2007, 01:11

بصراحة بحب البنت السبور .. والمحجبة على عيني وراسي بحترمها متل إختي ...

بتحبي الشب يللي مالو شوارب وحليق الوش . ولا الشب يللي إلو دقن ؟

.. Yaso

05/07/2007, 01:13

انا مابحب الشي يلي له دقن .... بس بحب الشب يلي حالق ومزبط شعراتو على الموضة خخخ P:

Placebo

05/07/2007, 01:19

سألت هالسؤال لأنو ربيت سكسوكة .. وشي عم يقللي أنو طالعة حلوة وشي عم يقللي أنو طالع متل المتلجي :lol:

طيب وين سؤالك ؟

تالين

05/07/2007, 01:20

بصراحة بحب البنت السبور .. والمحجبة على عيني وراسي بحترمها متل إختي ...

بتحبي الشب يللي مالو شوارب وحليق الوش . ولا الشب يللي إلو دقن ؟
حلو لو عندو سكسوكة... و مطول شعراتو مع ئصة مرتبة يعني مو بس مطول و رابطهون

تالين

05/07/2007, 01:23

سؤالي
اذا شفت صبية و حبيتها و كانت كاملة و مكملة ..... بس مو دارسة ..... رح يأثر على ئرراك
و نفس السؤال للبنت؟

Placebo

05/07/2007, 01:26

مطول شعراتو مع ئصة مرتبة يعني مو بس مطول و رابطهون

شعراتي عاديين يعني منزلهون لتحت ومربي سكسوكة .. يعني طالع متل ألباتشينو :p

اذا شفت صبية و حبيتها و كانت كاملة و مكملة ..... بس مو دارسة ..... رح يأثر على ئرراك

أكيد .. أنا عندي البنت تكون متعلمة قبل كل شيء .. الجمال عندي بيجي آخر شي .. لأنو البنت بتقعد عالمراية بظرف ساعة بتصير ملكة جمال وكتير هلأ البنات عم يحطوا ماكياج بيعقد الشباب :)

بتحبوا الشب يللي بيلبس زهري ؟