لاحظ اني حكيت عن الرد بالذات وليس الشخص

اسمحلي .. يعني مافيك تقول عم احكي عن الرد ونقطة، لأنو الرد مابينكتب هيك من حالو، لازم حدا يكتبه، والرأي المكتوب بيكون رأي هالحدا اللي كتبه، الا في حال كان عم يكتب قيل عن قال... نقلا يعني

وانا كمان لما كتبت الرد ماكنت عم اقصدك انت تحديدا، بس اكيد انت لاحظت خلال تجوالك بصفحات المنتدى انو شغلة اطلاق التهم عالطالعة والنازلة دارجة كتير بهالفترة، المعارضة بتتهم الموالاة والموالاة بتتهم المعارضة، وفي ناس المفروض انهم لاهون ولاهون، بس شو ماعملو وشو ماحكو بتلاقيهم بقدرة قادر اتصنفو ياموالاة يامعارضة.
عنجد شغلة:sick:
تحياتي الك وهي وردتين:D:D

بخصوص الاول, سوريا جدا حلوة للاجنبي لما بدو يروح يعمل سياحة. بس نحن ما عم نحكي عن السياحة ما هيك?

هيك ،
وانا ما قصدي عالسياحة وقت اللي حطيت الرد .. لاحظ اني كتبت
كذا واحد كانو كاتبين عم يقولولو
" ? is it safe to go there " ... واحد تاني كتب "
I am Italian American who wants to visit Syria and America makes us all fear to leave America.


القصد كان بالفكرة اللي آخدينها "اللي غامرو بحياتون وزارو سوريا " ..من قد التحذيرات اللي زرعوها بنفسون عن البلد ..

بالنسبة للتاني, فانا من شي 8 سنين او اكتر كنت انا وابي بالسيارة قام اجا ابي وعطا الشرطي 25 ليرة. قام هداك ما قبل. من 8 سنين. وانت فهمي شو قصدي.

شي طبيعي ( ولو انو احتمالية يتكرر معك هالحدث مرتين - بهديك السنين - مو كتير كبيرة ) ..
بس كمان .. اذا ما خليت خربت ! - ان كان بوقتا او هلأ - ..

بكل الاحوال, انا اللي عم شوفو بسوريا هو فساد من كل النواحي عدا كام بناي جديدة عامليهون ليقولو عملنا.

طيب مو لتنزل ع سوريا بالاوّل ؟! ولا هي " رأى " القلبية !؟ :p

اللي عم شوفو انو اللي قادرين يساعدو الدولة سياسيا او ثقافيا هني بالسجون

او مغتربين ...

وعم شوف انو نتخابات مجلس الشعب (الدمقراطية) كانت مثال يضرب فيه بالواسطات والفساد. هاي كمان صارت هالسنة يعني. مو تطوير?? على القليلة انتخابات متل العالم والناس

معك حق ..
بس كمان ، كان في عالم عم تصوّت لا على التعيين ، بس مشان " يبرّو ذمتون " ع اساس .. مع انو الشغلة مو اجبارية .. وكمان بعرف عالم صوتت بدون ما تقارن بين هاد وهداك .. خلص هاد جارنا ، هاد بنعرفو .. واكيد اللي بنعرفو احسن من اللي ما بنعرفو ..

فـ برجع بقول ... وضع البلد مو سببو جهة وحدة بس ..

الشعب السوري متخلف وتلت ارباعو معدوم الثقافة.

له يا زلمة شو هالحكي ؟ :shock:

اذا الشعب السوري تلت ارباعو هيك .. شو تركت لبقية العالم ؟! :?

عدنا لنفس الحلقه المفرغه يلي ناس بتلف فيها من جوا و ناس بتلف فيها من برا بردودهم

يعني انا رأي الشخصي الرئيس عطا الاجوبه الصح و بالمكان الصح ،والاهم يلي بتخدمنا كسورين و بتخدم سوريا

يا اخي ما بعرف شو مخكم انتو يعني مثلا بدكم يحكي اي امريكا هيه ام الحريه و الديمقرطيه بالعالم و شرفو فوتو على بيوتنا و ستبيحو تفكيرنا و اظهرو البطل الامريكي يلي ما بيقهر و خلونا نحطلو صور على قلعة صلاح الدين و على جدران سوق الحمديه خلونا نرفع علامكم ، ولا بتحبو نحط صورة بوش على قبر صلاح الدين الأيوبي او يوسف العظمة ؟؟؟ او بتحبو انو نفوت الجيش الامريكي يعمل عرض عسكري بحواري الشام ، يلي بيوم حاربة الاحتلال الفرنسي ؟؟؟

شو المطلوب من رئيس عم يحاول يخلي شعبو معزز قدام الكل ولو على حساب الشعب بس نحنى الوحيدين يلي صامدين بوجه اكبر قوتين بالعالم يلي هنه امريكا و أسرئيل ، و كل هاد بسبب مين مو من الرئيس و لنحكي القيادة العليا ؟؟

امركم غريب يا ولاد بلدي ولله امركم غريب ، بتنتقدو و انت من داخلكم بتعرفو حتى لو تغير الرئيس مالح نكون بحال افضل ولا واحد بالميه ... ويلي بيعجبني فيكم اكتر يلي بيحكو و بينتقدو و بيعارضو وهنه خارج سوريا هدول يلي بيبعو حكي بالهوا و هنه عايشين حياتهم يمكن بيفكرو بسوريا مره بالاسبوع بس هنه معارضين للحكم
و الاحلا القيادة تبع المعارضه يلي كلهم قوميه او وطينه ، اموالهم كلها من اسرئيل او امريكا ، كيف زبطة معهم القوميه و كيف بدهم يحررو الشعب يا حرام وهنه عايشين من الجزار يلي عم يضغط على هل شعب ؟؟؟

بالنهايه انا مع الدكتور بشار و الحكي مو خوف انا برات البلد من سنين ، بس الدكتور عم يعملو جهدا بكل شي ولا تحكولي شوف الشعب كيف عايش ، رأئيس على ما يزيد عن 27 مليون نسمه كيف بدو يظبط كل شي لحالو ، اي انتو بتكونو عاملين محل فيه شخصين الواحد ما بيحسن يضبط شريكو انو ما يسرق من مصاري المحل لتلومو رئيس عندو مية قصه و قضيه ...

خلو تفكيرنا شوي متفتح و طلعو من هل قوقعه ...

الله يحميك يا دكتور بشار ، و يقويك و ينصرك على كل واحد بيهدد امن سوريا اولا و بيهدد سيادتك ...

روحي اقري المقال.
الاسئلة السياسية كان الا الحيز الاقل بالمقابلة

شلون يعني ويلي ، كان الها الحيز الاقل ، يعني انت برايك كانو عم يسالو عن الطبخ و أسعار النفط مثلا

اذا هيه همها رايو عن الجيش الامريكي و العراق ، وكل هل حديث بتحكيلي السياسة كانت قليله كحديث !!!