|
Akhawia Magazine Discussion
1 ملف مرفق .
اولا ما لقيت قسم مناسب اكتر من هون لحط الموضوع
المهم: هلئ بما انو كل شي نضيف وبما انو شفنا عفيف ...... منفوت بالموضوع دغري ووو ..... يا لطيف :lol: هاد يا سيدي ملا انتو وبعد جلسة تحشيشية بحتة منفردة قررت اطلع بهالشغلة بجوز تلاقي اقبال بجوز ما تلاقي اقبال بس يعني انا رح اطرحها وازا مشي حالها منفبرك القصة كاملةً وازا ما مشي حالها .. فـ منكون حششنا شوي ... بس مو عالفاضي :lol: المهم هلئ : انا صممت صفحة PDF هية عبارة عن متل غلاف مجلة ( اقرب ما يمكن التشبيه الو ) وهالمجلة مثلاً رح نعتبرها اخوية ... ومواد هالمجلة هية مواضيع اخوية وبلا طول سيرة فهاي الصفحة اللي صممتها انا ..... حابب تكون مرتبطة بموضوع موجز اخبار اخوية .. الموجود بالملخص ... اللي عمتشتغلو مرسيل ( Butterfly ) فانو هلئ انا ما اعتمدت عاخر عدد من موضوع الموجز ... انما حطيت مواضيع شلف لشوف كيف رح يطلع الشكل النهائي لهالصفحة وممكن بالمستقبل ازا كان في عدد منيح متقبل الفكرة وموافق عليها ولاقت نجاح واقبال من عدد كبير حوّل هالصفحة هي لمجلة كاملة متضمنة اهم المواضيع المطروحة بموضوع الموجز وهالعدد هاد اللي رح حطو هلئ متل ما قلت سابقاً : ما هوي الا مجرد نسخة تجريبية يعني الموضوع مفتوح للنقاش والاقتراحات والنقد البناء لـ شكل ومضمون والوان وخطوط والصور وكل شي بيتعلق بهالصفحة هالصفحة وباب المشاركة بالاقتراحات والنقد والنقاش مفتوح للجميع وبالاخير ما بتمنى الا اني كون عمقدم شي يسير باخوية لمراكز متقدمة :D تحياتي :ss: -------------------------------------------------------------------------------------------- هي صورة للمجلة JPG بس مو واضحة كتير ... بنصحكن تحملو ملف ال PDF فقيش هون لتشوف الصورة ملف ال PDF موجود بالمرفقات وبالنسبة للي ما بيقدر يحمل من المرفقات - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ... رابط خارجي على Megaupload |
شووووووووووووووووووو
شو هالمجهود الرائع . |
بالفعل شي حلو
عنجد حسيت حالي عم اتعامل مع نتاج احترافي مبدع برافو رفيقي :deal: |
راااائـــــــع جــدا الـشغل :lol: ..
|
اقتباس:
اقتباس:
اقتباس:
يعني بشكل عام ... ما طلع معكن ولا شي بدو تعديل لون فونت شي قصة :? والله المفروض خربط متل عوايدي ... ما في بالعادة طلع شي زابط فوراً :gem: يستر على عرضكن انتقدوني :lol: تحياتي :ss: |
اقتباس:
|
هلق انا ماحبيت علق بس في كتير شغلات ناقصة
اول شي شعار الحزب وثاني العلم الوطني وبالاضافة الي صورة لجنابي مرفقة بشي موضوع من المواصيع القيمة تبع سيادتنا :lol: |
رائع جدا .....
اهنيك على الشغل ... بس لازم تختار هيئة التحرير :lol: |
برافو برافو ميدو :D
فكرة المجلة كتير حلوة واسمي طالع فيا :o |
ليش اسمي مو طالع :jakoush:
|
اقتباس:
اقتباس:
اقتباس:
هاد يا معلم مشان شغلة هيئة التحرير انو هلئ مطالع رخصة مجلة اسمها اخوية :lol: بس لضعف السيولة ما قدرنا ناصدرها ..... وقلال جدا جدا اللي عرفو فيها ... وكنت النقطة الاساسية لي حاططها براسي انو محتوى هالمجلة يكون من المنتدى نفسو ... والمواد الي بالمجلة هنن بالحقيقة مواضيع للاعضاء ... وبيتم اختيار المواد تبعاً لمشرفين ومنسقين الاقسام باللي بشوفوه مناسب......... لكن!!!! ما زبطت القصة ... بدها فت عملة كتير وضلت الفكرة معلقة براسي فطلعنا بهالفكرة الجهنمية هي .... ونفذناها ... ولنشوط شو بصير معنا :larg: واحلى سوريويو اقتباس:
الله وكيلك بالغلط .. يعني ما كان في غيرك بخلقتي :lol: اقتباس:
|
عجبتنى اوى
شى رائع:D |
اقتباس:
|
بدي اسمي بالعدد الاول مادخلني
|
ما لقيت ولا انتقاد شكل الغلاف كتير حلو وراكز
بانتظار المجلة لانو الفكرة روعة |
شفتا عالسريع ..
بس انو حسيتا كتير كبيره .. انو دبشه يمكن شوي :?.. :p بس جد هلأ انو بتعطي انها من العصور القديمه .. خصوصي اللون الاصفر مدري انا شفتو بني .. اننو لو يكون هالاصفر مشع ومتلالئ .. وبعمي العين على قد مانو فاقع بظن بتطلع احلى وشي مودرن.. + زيد عليها شفه اورنج .. بتصير اخويه 100% :D بس فكره خطيره .. |
والله للصراحة حبيتا ( انو بس بدا تطلع صفحات وهيك ... لأنو هيك كبيرة وما بتشمل كل اقسام اخوية ) وحبيت الفكرة كتير الموجز رح جهزو هلق .. وببعتلك ياه .. بتعمللنا نسخة وبكرة مننشر بالموجز .. النسخة مع الصورة .. :D يعني بيصير الموجز هو مهمتنا المشتركة :deal: ديل ؟ |
اقتباس:
بس انو في كزا نقطة رح وضحهن اول نقطة اني هالشغل مشتغلو بالبيت ... والبرنامج المستخدمو هوي Indesign بقا لما بدي اعمل Export للصفحة في عندي خيارين لجودة الصفحة 1- Press : وهي بتكون فخامة 2- ebook : وهي بتكون دقة اقل من عادية والشغلة اللي بدي اوصلها ... انو انا بالبيت متل ما سبق وذكرت ... و dial up فلزالك كان صعب عليي شوي اني صدرها بدقة press لهيك طالعة الالوان سيئة كمان في نئطة تانية .. هالشغل كلو مشتغلو على لابتوب ... فلزالك ما بيعطي الالوان الحقيقية المفترض تطلع .. بس انو هلئ رح ارجع اشتغلها على جهاز عادي .... ومنرجع منطرح هالموضوع للنقاش بعد ما يتم تزبيط الالوان كمان اقتراحك رح يتم الاخذ فيه ... ورح حاول اعمل كزا ديزاين ... ومنشوف الافضل ومنزبط فيه وثانكيو مرة تانية رئروء  |
| الساعة بإيدك هلق يا سيدي 20:48 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
..
..
.. 