Akhawia Magazine Discussion

[..AHMAD]

اولا ما لقيت قسم مناسب اكتر من هون لحط الموضوع
المهم:

هلئ بما انو كل شي نضيف وبما انو شفنا عفيف ...... منفوت بالموضوع دغري ووو ..... يا لطيف

هاد يا سيدي ملا انتو
وبعد جلسة تحشيشية بحتة منفردة
قررت اطلع بهالشغلة
بجوز تلاقي اقبال
بجوز ما تلاقي اقبال
بس يعني انا رح اطرحها
وازا مشي حالها منفبرك القصة كاملةً
وازا ما مشي حالها .. فـ منكون حششنا شوي ... بس مو عالفاضي

المهم هلئ :

انا صممت صفحة PDF هية عبارة عن متل غلاف مجلة ( اقرب ما يمكن التشبيه الو ) وهالمجلة مثلاً
رح نعتبرها اخوية ... ومواد هالمجلة هية مواضيع اخوية

وبلا طول سيرة

فهاي الصفحة اللي صممتها انا ..... حابب تكون مرتبطة بموضوع موجز اخبار اخوية .. الموجود بالملخص ... اللي عمتشتغلو مرسيل ( Butterfly )

فانو هلئ انا ما اعتمدت عاخر عدد من موضوع الموجز ... انما حطيت مواضيع شلف لشوف كيف رح يطلع الشكل النهائي لهالصفحة

وممكن بالمستقبل ازا كان في عدد منيح متقبل الفكرة وموافق عليها ولاقت نجاح واقبال من عدد كبير

حوّل هالصفحة هي لمجلة كاملة متضمنة اهم المواضيع المطروحة بموضوع الموجز

وهالعدد هاد اللي رح حطو هلئ متل ما قلت سابقاً :
ما هوي الا مجرد نسخة تجريبية

يعني الموضوع مفتوح للنقاش والاقتراحات والنقد البناء لـ شكل ومضمون والوان وخطوط والصور وكل شي بيتعلق بهالصفحة هالصفحة


وباب المشاركة بالاقتراحات والنقد والنقاش مفتوح للجميع


وبالاخير ما بتمنى الا اني كون عمقدم شي يسير باخوية لمراكز متقدمة
تحياتي

--------------------------------------------------------------------------------------------

هي صورة للمجلة JPG بس مو واضحة كتير ... بنصحكن تحملو ملف ال PDF

فقيش هون لتشوف الصورة

ملف ال PDF موجود بالمرفقات
وبالنسبة للي ما بيقدر يحمل من المرفقات

فقيش هون ... رابط خارجي على Megaupload

[المحارب العتيق]

شووووووووووووووووووو

شو هالمجهود الرائع .

[اممي]

بالفعل شي حلو
عنجد حسيت حالي عم اتعامل مع نتاج احترافي مبدع
برافو رفيقي

[The morning]

راااائـــــــع جــدا الـشغل ..

[..AHMAD]

شووووووووووووووووووو

شو هالمجهود الرائع .

على عيني محارب

بالفعل شي حلو
عنجد حسيت حالي عم اتعامل مع نتاج احترافي مبدع
برافو رفيقي

أهلين رفيق هوي بالحقيقة انا بشتغل مخرج فني ببلدنا

راااائـــــــع جــدا الـشغل ..

أهلين شوش


يعني بشكل عام ... ما طلع معكن ولا شي بدو تعديل لون فونت شي قصة والله المفروض خربط متل عوايدي ... ما في بالعادة طلع شي زابط فوراً

يستر على عرضكن انتقدوني

تحياتي

[The morning]

كاتب النص الأصلي : M i i i D O

يستر على عرضكن انتقدوني

هلئ مـستعجله لمـحه سـريعه طلع معي حلو بـس ارجع بـطلعلك لـيستا اشـيا ..

[اممي]

هلق انا ماحبيت علق بس في كتير شغلات ناقصة
اول شي شعار الحزب وثاني العلم الوطني وبالاضافة الي صورة لجنابي مرفقة بشي موضوع من المواصيع القيمة تبع سيادتنا

[suryoyo]

رائع جدا .....

اهنيك على الشغل ...


بس لازم تختار هيئة التحرير

[sandra]

برافو برافو ميدو
فكرة المجلة كتير حلوة
واسمي طالع فيا

[souriana]

ليش اسمي مو طالع

[..AHMAD]

هلئ مـستعجله لمـحه سـريعه طلع معي حلو بـس ارجع بـطلعلك لـيستا اشـيا ..

اي هوي هيك حسيت ...

هلق انا ماحبيت علق بس في كتير شغلات ناقصة
اول شي شعار الحزب وثاني العلم الوطني وبالاضافة الي صورة لجنابي مرفقة بشي موضوع من المواصيع القيمة تبع سيادتنا

هي هية شغلتك .......... انو خلصو ... ولا في يتبع

رائع جدا .....

اهنيك على الشغل ...


بس لازم تختار هيئة التحرير

حبيبو لحبيبنا سوريويو ....
هاد يا معلم مشان شغلة هيئة التحرير
انو هلئ مطالع رخصة مجلة اسمها اخوية بس لضعف السيولة ما قدرنا ناصدرها ..... وقلال جدا جدا اللي عرفو فيها ... وكنت النقطة الاساسية لي حاططها براسي انو محتوى هالمجلة يكون من المنتدى نفسو ... والمواد الي بالمجلة هنن بالحقيقة مواضيع للاعضاء ... وبيتم اختيار المواد تبعاً لمشرفين ومنسقين الاقسام باللي بشوفوه مناسب......... لكن!!!! ما زبطت القصة ... بدها فت عملة كتير
وضلت الفكرة معلقة براسي
فطلعنا بهالفكرة الجهنمية هي .... ونفذناها ... ولنشوط شو بصير معنا

واحلى سوريويو

برافو برافو ميدو
فكرة المجلة كتير حلوة
واسمي طالع فيا

الله وكيلك بالغلط .. يعني ما كان في غيرك بخلقتي

ليش اسمي مو طالع

بلشنا ننق ابو بصلة محروقة رح يطلع اسمك ... بس انو طولي بالك لتمشي القصة ( اشتغلت الوسايط من هلق )

[shymaa]

عجبتنى اوى
شى رائع

[sandra]

الله وكيلك بالغلط .. يعني ما كان في غيرك بخلقتي

اي هاد من حسن حظك وحظ المجلة

[souriana]

بدي اسمي بالعدد الاول مادخلني

[وشم الجمال]

ما لقيت ولا انتقاد شكل الغلاف كتير حلو وراكز

بانتظار المجلة لانو الفكرة روعة

[Roaa]

شفتا عالسريع ..

بس انو حسيتا كتير كبيره .. انو دبشه يمكن شوي ..

بس جد هلأ انو بتعطي انها من العصور القديمه .. خصوصي اللون الاصفر مدري انا شفتو بني ..

اننو لو يكون هالاصفر مشع ومتلالئ .. وبعمي العين على قد مانو فاقع

بظن بتطلع احلى وشي مودرن.. + زيد عليها شفه اورنج ..

بتصير اخويه 100%

بس فكره خطيره ..

[butterfly]

والله للصراحة حبيتا ( انو بس بدا تطلع صفحات وهيك ... لأنو هيك كبيرة وما بتشمل كل اقسام اخوية )
وحبيت الفكرة كتير
الموجز رح جهزو هلق ..
وببعتلك ياه ..
بتعمللنا نسخة وبكرة مننشر بالموجز ..
النسخة مع الصورة ..

يعني بيصير الموجز هو مهمتنا المشتركة
ديل ؟

[..AHMAD]

شفتا عالسريع ..

بس انو حسيتا كتير كبيره .. انو دبشه يمكن شوي ..

بس جد هلأ انو بتعطي انها من العصور القديمه .. خصوصي اللون الاصفر مدري انا شفتو بني ..

اننو لو يكون هالاصفر مشع ومتلالئ .. وبعمي العين على قد مانو فاقع

بظن بتطلع احلى وشي مودرن.. + زيد عليها شفه اورنج ..

بتصير اخويه 100%

بس فكره خطيره ..

اول شي يسلمو عرأيك رئروء

بس انو في كزا نقطة رح وضحهن

اول نقطة اني هالشغل مشتغلو بالبيت ... والبرنامج المستخدمو هوي Indesign بقا لما بدي اعمل Export للصفحة في عندي خيارين لجودة الصفحة
1- Press : وهي بتكون فخامة
2- ebook : وهي بتكون دقة اقل من عادية

والشغلة اللي بدي اوصلها ... انو انا بالبيت متل ما سبق وذكرت ... و dial up فلزالك كان صعب عليي شوي اني صدرها بدقة press لهيك طالعة الالوان سيئة

كمان في نئطة تانية .. هالشغل كلو مشتغلو على لابتوب ... فلزالك ما بيعطي الالوان الحقيقية المفترض تطلع ..

بس انو هلئ رح ارجع اشتغلها على جهاز عادي .... ومنرجع منطرح هالموضوع للنقاش بعد ما يتم تزبيط الالوان
كمان اقتراحك رح يتم الاخذ فيه ... ورح حاول اعمل كزا ديزاين ... ومنشوف الافضل ومنزبط فيه



وثانكيو مرة تانية رئروء