|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
19/05/2008
|
#1 | |||||||
|
منسّق
|
/ الــــــــــ ع ـــــــــــصفوريـــــه /
اقتباس:
تلبيه لمتطلبات العصر...ولدعوة ابو سليمان وتجنبا لتــهمــة و تكاليف التحشيش افتتحنا الجمهوريه العصفوريه هون ما بيحكمكـ الزمان والمكان العتب مرفوع .. ســـــنعود مع *نبلاء اخر موضه* في حلقات حرية المشاركه للجميــع
/ . / الـــــ ح ــــــريــه لــــصــوت الـضــمـيــر / . /
|
|||||||
|
|
20/05/2008
|
#3 | ||||||
|
عضو
-- مستشــــــــــار --
|
كان الملك يجلس مع مستشاريه ومعاونيه في حارتهم الصغيرة .. يناقشون أحوال البلاد والعباد في تلك الحارة.. وكان أخر مايناقشونه .. هو مايجري في منزل جار لهم .. من أقتتال بين الأشقاء .. حيث كان الأشقاء يستقوون على بعضهم كل بصديقه .. وصديق كل واحد من الأخوة كان من حارة مختلفة .. لم يكن يخفى على أحد .. أن الأخ الصغير في ذلك المنزل .. والذي لم يكن له أي دور في مشاكل المنزل الماضية . الا في أخر مشكلة حيث كان حديث الولادة .. قد أصبح كبيرا وقويا .. ومستفيدا من قوى صديقه التي باتت منتشرة في جميع الحواري القريبة .. أخذ المستشاريين يناقشو الأمور بين بعضهم .. بعد أن أمرهم الملك بذلك .. كان أغلب المستشارين فرحين بأنتصار الشقيق الصغير . لأنه قريب منهم .. لكن عندما عاكس البعض وجهة النظر تلك .. ورأو بأن النقاش يجب أن يكون من جميع الزوايا .. ويجب أن ندرس مستقبل الأخ الصغير أن أستمر هكذا .. خاصة أنه لايزال مراهقا .. وماقد يحصل من نقمة عند باقي الأشقاء وحتى باقي الحارات أن أعلنا كامل دعمنا للشقيق الصغير ضد أخوته .. فثارت حمية باقي المستشارين .. وثارت حمية المعاونين .. وبدأو بالشتم .. كل طرف يتهم الطرف الأخر .. أنت عميل بل أنت حقير.. وأنت وأنت وأنت ..
وأنا كنت أجلس هنا بالعصفورية .. أراقبهم وأقول في نفسي .. ماحاجة الملك لهم ان كانو على رأي واحد ؟.. ولماذا جمعهم الملك أن كانو على رأي واحد ؟ .. فالرأي الواحد لايحتاج الى معاونين ومستشارين لأنه واحد .. وان كانت تلك مهنتهم .. وكل واحد منهم يحب حارته ويتمنى السعادة والأزدهار لها .. فلما يسبون ويهاجمون بعضهم ؟ .. متى كان أختلاف وجهات النظر خطأ . أو يفسد للود قضية ؟ .. أم أن المفروض لكل أجتماع ونقاش أن ينتهي بالتصفيق ؟ .. بعد أن أخذوا يصفقو لبعضهم .. كلهم ينتمون لتلك الحارة . وكلهم يحبونها ويتمنون خيرها . ولكل واحد منهم تجربته ورأيه ووجهة نظره ... فلماذا يتناقشون هكذا ؟ فكرت كثيرا .. فلم أجد جوابا . غير أن ماتعلموه من مشكلة البيت المجاور .. هو الشجار فقط...... عجبي
الفهيم بيريح
لك تاري الحمار لو شو ماسلموه بيصدق حالو وبدك تناديلو سيد حمار |
||||||
|
|
|
20/05/2008
|
#4 | ||||
|
عضو
-- أخ لهلوب --
|
ايش العزف المنفرد هاد....رائع
تحياتي... 
ذو العقل يشقى في النعيم بعقله........واخو الجهالة في الشقاوة ينعم
|
||||
|
|
|
25/05/2008
|
#5 | |||||||||
|
منسّق
|
اقتباس:
ع الساحه مباشر ..مافي داعي للانتظار اقتباس:
اقتباس:
سلسلة النبلاء /1/ الكـــــذاب /2/ الــــحرامي /3/ النـــــدل /4/ الضـــحيه وتــــطول القائــــمه .... |
|||||||||
|
|
|
25/05/2008
|
#6 | ||||||
|
منسّق
|
*الكذاب * بلشت فيه رغم كان عندي شغف ابلش بالحرامي ..بس ضرورة الحاله ... نحنا هون عم نحكي عن بنيه تحتيه للعصفوريه..ماعم نلعب هاد الانسان الكذاب ..لازم نعطيه اعتذار ...عن كل الي ظلموه ع مرّ العصور .. اسس /علم كبيــر/ ...وصار للكذب الوان ..نكهات ..سلسه للوصول للقمه ..و خدم الوطن ..!! اي خدم الوطن ..بيشكل ماده خام رئيسيه ومتوفر بكل الاحجام ومجانا ..وخدم جبهات الحياه الاقتصاديه والاجتماعيه والسياسيه والعلميه الي بيئلكـ حبل الكذب ئصير... ئلو كان زمان .. صار طويل ..وصرنا نعمل استيراد وتصدير الي بينصحكـ فلان كذاب ..خود واحد بالميه من كلامو وكب البائي...ئلو انته الكذاب .. لانو لو بدك تنصحني كنت ئلتلي هاد كذاب خود الــ 99% من كلامو ..مشان تعرف تتعامل معو وكب الواحد بالميه *الوان الكذب .. ابيض ..هي للمبتدئين ..وباشرو بمرحلة التبرير البريء اسود ..هي بيكون الي عم يكذب مو محترف ..بيحث بيدخل عليك مباشرة بكذبه ضخمه ..وبدون ما يعمل تدرج ..او تمهيد مع لفه ودوره احمر ..هاد بيكون آخد عليه اللون الاحمر زياده.. ومستحمرك زياده... طبعن ادخلو الون جديده ..بس هي محسوسه غير ملموسه .. *نكهات الكذب اهم عنصر ..هوه البهار ..مشان ما تحس بزنخة او شي مو منيح لا قدر الله ..لانو هنن جماعة حنان ..بيخافو عليكـ بس لوهله بتحس جسمكـ صار عباره عن عطّار من كتر البهار كذبه بسكر ...بحيث بحسسك بحلاوة الايمان بالكذب .. كذبه مره..بحسسكـ بكفركـ وضريبة عدم ايمانكـ فيه *سلسة الوصول للقمه المرحله البدائيه ...هيه *فن التئسيم* ...بحيث بتعمل دمج بين الي صار والي ما صار ..وغالبا ما صار ... المرحله التخصصيه ...هون بتكون كتير تعبت ع حالك ..ووصلت للعملقه ..(عملاق ..مو معلاق )...وبيصير كل شي عندكـ عباره عن مسرح بحجم خيالكـ ..بتوزع الادوار ...وبتعلم الكل* فن التمثيل * *خدم الوطن ..لانو بيشكل ماده خام ..ما بدها زكا ... هالماده الخام ..موجوده بكميه ضوخمه ..بحيث عم نصدّر ..كذبه خام ...كذبه نصف مصنعه ...كذبه مصنعه *احجامو ..عندك من الصغيره ..للوسط ..للكبيره ..للــ زائد لا نهايه ومجانا مع كل كذبه ..مية كذبه *خدم جبهات الحياه الاقتصاديه والعلميه /ضرب جبهتين بكذبه وحده/..ماهو مرض ..ومرّض الي حواليه ..وخود ع طب ..وعلم وفت مصاري السياسيه ..بينشرلك الف خطاب كاذب ..وبيحول الاوضاع لفراشات وعصافير ..وانته شايفو ..خفاشات ودبابير الاجتماعيه ..ما رح اشرحلك عم تصادفو كل يوم ..وبدون ضمير ..ولا مره ئلتولو شكــــــرا *الادله على برئتو.. ولا قانون ولا عرف ...بيحاكمو ...معناها ضمنيا الدنيا كلها تناديكـ لتتبع خطاه... *الادله على علمو .. ئد ما انته تعبان ع حالك ..هوه اكتر ..مافي داعي تستنهض التاريخ والعلوم وامجادكـ ...بكذبه بيسبئكـ تحيه الى هكذا نبلاء |
||||||
|
|
|
02/06/2008
|
#8 | ||||||
|
مشرف
|
آه يا بلد
بلدنا احلى بلد ومافي شي احلى من بلدنا بيكفي انها بتواكب كل شي بيصير بالعالم
ارتفاع الاسعار بالعالم صار عنا اسعار مرتفعة دخل الفرد قليل كل البلاد فيها فقر ارتفاع نسبة البطالة .. دول الخليج بتعاني من البطالة متل اغلب دول العالم .. دور بأي شي موجود بالبلد بتلاقي بلدان تانية عندا نفس الحالة كمان شعبنا متل باقي شعوب العالم بحب النق وكتر الحكي .. حتى بهي منتشابهك مو كلنا بني آدمين بقى بدي اعرف شو بيفرق بلدنا عن باقي البلدان غير بمحبتنا وغيرتنا عليه .. بس لولا .. .. .. . . . وتطول القائمة |
||||||
|
|
|
06/06/2008
|
#10 | |||||||
|
عضو
-- مستشــــــــــار --
|
اقتباس:
تعديل للقائمة لتلائم مجتمعنا مافي شي اليوم اسم كذاب لان الكذاب ببلدنا اسم حربوق والحربوق عفكرة هوه الي فيه ينفذ حال من اي مصيبة بطريقة ملتوية حرامي !!! عنا القانون ماعاد خلا حدا حرامي يعني بمعية صاروا الكل مستفيدين وشطار وعم يحاول يحسن وضع الاقتصادي يعني ناس عندون طموح وعفكرة في كتاااااار حرامية بالبلد مومنين انن شغلات كبيرة الندل :كمان هالمرة مامشي الحال لان نحنا بمجتمع الي بيلطش اخت رفيق بيصير جكلو ويقولو عنو ان حلال عليه والبنت الي بترك حبيبها منشان وشخة مع مصاري بتلاقي تاييد فضيع من عيلتها ومجتمعها وبينقال عنها فهيمة اما من كلمة ضحية  فنحنا ماعاد اتخيلنا غير خروف العيد يعني شي بيمعي وكمان فينا نسمي اجدب او غبيلان لو ماكان غبي ماكان صار ضحيةبدي ضيف للقائمة لسا كلمة الكريم:الكريم بمجتمعنا هوه الي بتطول تسمية عنا يعني من خروف لمتخورف او المخووورف يعني هاد اداة للاستغلال والركبة وبعد مابيمشي بيصير للمصخرة اخت هالمجتمع ...شعب بيسوى صرماية 
اسكر اسكر اسكر...فهذا العالم مملوء بالليل
|
|||||||
|
|
|
07/06/2008
|
#11 | ||||||
|
عضو
-- مستشــــــــــار --
|
صدقت . ما أعدت تسميته . هو ما شرحته طفولة . وياريت شفلك شي هون على طول
|
||||||
|
|
|
11/06/2008
|
#12 | ||||||
|
منسّق
|
/ فـــاصــل /
من الــواقـــع ..والملاحــظه..كــ انســان ..بتشــوف بمعــاملتكـ مع الاشــيا الجامده بتعــطي نتـيـجه افضــل من النتايــج المتوقــعه من تــعاملكـ مع الانــسان ..يــؤدي... عنــد الجمــاد صــار فــي اســتجابــه اكبــر ..وعلاقــة الانســان بالاشــيا صــارت أقــوى ..يــعنــي .. صــار في تجــانس بيــن الانســان والآله اذا بدكـ ..بديهي بيخلئ سؤال.. شــو مبــرر الجــهود العلميــه لصنــع الربوت ؟...مانحــنا آلات متحــركه / نئطه / يمكــن الجهــود كــانت لــ غ ـــايــه غـــير مــ ع ــلنه لــ ربــما يــوما ما ..تكــون علاقـــة الربــوت بالــربوت افضــل من علاقــة الانســان بــالانســان . |
||||||
|
|
|
11/06/2008
|
#13 | ||||||
|
مشرف
|
هاد الكلام سليم ... من الواقع اللي عايشينو العلاقات الانسانية انحدرت لاخفض المستويات
والتعامل المادي - مو المقصود المصاري هون - اي شي ممكن تعاملو بمادية بتزايد يعني العلاقة مع الكمبيوتر مثلا اهم من العلاقة مع الاصدقاء .. طبعا هو المثال ممكن بعيد شوي او مانو دقيق بس فينا نقيس على هالنمط كتير هامش : نظرا لاستمرارية الموضوع - ولو انها بطيئة نسبيا - رح يتثبت الموضوع تشجيعيا ولنشوف المزيد من هالابداعات .. تحياتي \د\ طفولة .. |
||||||
|
|
|
12/06/2008
|
#14 | ||||||
|
عضو
-- مستشــــــــــار --
|
ملاحظين قديش في بحيكنا شي بلا طعمة ؟
يعني كيفكن شو اخبارك انشالله بخير الو صباح الخير مساء الخير صحة وهنا وبنرجع بعدها كيفك  وفي اسالة لسا بيجو عالعصب وبيعملو وجع راس مثل فيك شي صاير شي حاسك مكتئب هاد غير اذا بدها العالم يكون مناح معك لما بتكون واقعلك بشي مشكلة ساعتها بتشتي عليك عبارات شد حيلك يجعلها اكبر المصايب الله يكون بعونك ولايهمك ياجبل ميهزك ريح ... ولو طولت عليكن لسا في هي العبارات الالاوييه الي ما لقيتها بكل اللغات العالمية والكونية متل الله وكيلك !!!يعني كيف الله وشو وليش الله وكيلك ومين انت حتا يكون الله وكيلك لو كان وكيلك يعني شو بدو يعملك ما انت والي الله ووكيلوو تنيناتكن عالاغلب مابتعرفوا الله ...روح الله لايوفقك  هاي اكيد سمعانينها او حاكينها وهيك طالعة من قلبكن تمام!!طيب بالعادة الي بيقول هالعبارة هوه الي الله ماوفقوا علي ايد واحد من عباد فكيف لسا بدو الله يرجع مايوفق...يعني معقولة بيكون الرب خوزقك بخازوقوا الارضي ومن ثم بيرجع بينجر لخازوقو خازوق  ؟؟؟القصة بدها منطق ياجماعة  بنهي الحكي بكلمة يمكن هيه الاجمل بالدنية يعني من الصعب كتير ان بتكون في بكل القاموس شي اجمل منها والي هيه بحبك(وهاي بلاسمايلي ) يالله شو بتجنن هيك كلمة صغيرة بس غير شكل وبعد شوي بتصير بدك تسمعها كتير بس ضعانة رغم صغرها نادرا ماتنحكا وعالاغلب اذا ما انحكت فوراها قصائد شعر عامودي ماعم بفهم شو دخل الشعر العامودي ببحبك عفكرة اذا اختصرنا هالعبارات من قاموسنا اليومي بنلاحظ ان نحنا فينا نختصر مالايقل عن 40% من عمرنا ...الفاضي اصلا صحيح كيفكن اليوم |
||||||
|
|
|
13/06/2008
|
#15 | ||||||
|
مشرف
|
بيقولوا انو الحكي ماعليه جمرك ... بس انا عم اعتبرو رفاهية
انك تحكي كتير معناها انك عندك رفاهية الحكي .. وبتقدر تحكي اللي بدك ياه شو ما بيخطر ببالك تحكي بتحكي وبتتمتع برفاهية الحكي .. بتحس حالك طلعت بمشوار على صيدنايا لما بتمارس حرية ..!! قصدي رفاهية الحكي .. كيفك انت .. |
||||||
|
|
|
13/06/2008
|
#16 | ||||||
|
مشرف
|
بتذكر...لما كنت صغير...شوف أمي عم تشرب قهوة...مد ايدي ع الفنجان...أكل كف ع رؤوس اصابعي
(هي مو للصغار!!!) ولما شوف أبي عم يحلق دقنو...أنطرو ليدير ضهرو..حط كرسي لأوصل ع المراية...أرغي معجون حلاقة...وأأأأي..أكل كف ع قفاي.. (هاد مو للصغار!!!) بقا خليني عارف حدودي أحسن ما أكل نعرة من أبو سليمان...وزورة من طفوله... بس كمان تخنتوها... الموضوع كتير مدسم...وأنا سلفا مكرش ووزني دق بالمية وعشرين...كغ.. وبعدني ناطر كمالة نبلاءنا... القعدة بحضرة الكبار بتخوف..لأافركها احسن...ونوضر ع الموضوع من ثقب الباب...بس لا تسدو بمحرمة...
I am quitting...
|
||||||
|
|
|
14/06/2008
|
#17 | |||||||
|
مشرف
|
اقتباس:
معلم حسان انت كبيرنا و لاغنى عن وجودك وانا بعرف انك قادر على انك تدهشنا بقى هالتواضع اللي كتير اكتر من المعقول بدك تشيلو على جنب وتشمر عن ايدك وناطريين منك شي تدهشنا فيه متل ما بعرفك .. وبتعرف كمان انو انو فيك تكتب اي شي بالموضوع نقلا عن صاحبة الموضوع الحرية المشاركة للجميع فكيف إذا كنت انت .. مية لوجودك |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 15:09 (بحسب عمك غرينتش الكبير +3)