صور من فرنسا

[Sedrec]

مرحبا شباب وصبايا
عادة لما الواحد منا بيسمع "فرنسا" بيخطر على بالو فورا، برج ايفيل، نوتردام دو باريس ، قوس النصر، اللوفر...
بس الحقيقة انا حبيت شارككم بصور من ريف فرنسا ومن المدينة يلي عم ادرس فيها واسمها nantes وبتأمل انون ينالو اعجابكون

بالمناسبة الطبيعة هون شي رائع ومخيف، والالوان غير الالوان يلي عنا، كأنها طالعة من دفتر رسم، يمكن نحنا ألواننا طالعة من المداخن والغبرة

وبدي ضيف شغلة: أنو تم اختيار Nantes العام الماضي كأفضل مدينة للعيش في أوروبا (يعني مو احسن وحدة)
بالمناسبة فيها فريق كرة قدم كتير مشهور FC Nantes لمحبي كرة القدم
وكما هدول الصور واللقطات أنا يلي مصورهم من كاميرتي المتواضعة ، يعني الحقيقة غير هيك والالوان غير هيك

وشكرا لتوقفك هون ورؤيتك للصور

[philip]

يعطيك العافية ونيالك على هالعيشة

[ملك الهكرز]

لك شو عايش بالجنة

[layla]

الله يطعمني شوف نص هالشوفة
نيالك

[nana]

شكرن كتير كتير حلوين متلك
( للتوضيح: سيدريك كان احلى افلام كرتون عندي :P )

[blue eyes]

شكرا عيوني ع الصور الحلوة ويعطيكي الف عافية والطبيعة بتجنن عندك الله يطعمنا ونروح نزور فرنسا...

[Sedrec]

كاتب النص الأصلي : philip

يعطيك العافية ونيالك على هالعيشة

شكرا للجميع philip, layla, nana, blue eyes, وملك الهكرز بس كمان صدقوني بلادنا حلوة (مو متل هيك) بس كل هالجمال بالطبيعة وبالناس هون ما بيعوض الغربة عن البلد ،
يا ريت فينا نعتني ببلادنا هيك، ونعتني بالطبيعة وببعضنا، والله ما كان حدا سافر إلا للسياحة

[Sedrec]

كاتب النص الأصلي : blue eyes

شكرا عيوني ع الصور الحلوة ويعطيكي الف عافية والطبيعة بتجنن عندك الله يطعمنا ونروح نزور فرنسا...

كاتب النص الأصلي : layla

الله يطعمني شوف نص هالشوفة
نيالك

.................................................. .آمين للجميع

[Sedrec]

كاتب النص الأصلي : nana

شكرن كتير كتير حلوين متلك
( للتوضيح: سيدريك كان احلى افلام كرتون عندي :P )

شكرا إلك، والحقيقة من أول مرة انعرض المسلسل على التلفزيون، صار لقبي سيدرك حتى رفقاتي بيختصرو لـ سيدي Sedi ، على اسم سيدرك بأفلام الكرتون لأنو كمان أنا عندي ياه أحلى مسلسل، كنت احلم انو يوما ما رح يجو أهلي وبعترفولي انو انا مو ابنن، أنا ابن عائلة شي دوق بانكلترا ، وإني الوريث الوحيد لقصر باكنغهام ، وإنو طائر اللقلق جابني بالغلط على سوريا.

بس بالنهاية لا طلعت دوق ولا حتى سير سيدرك، طلعت حمصي بحق وحقيقي ، وما بقيلي من الذكريات إلا هالاسم يلي بذكرني انو الطموح والحلم من أحلى الاشياء للإنسان، وانو من حقنا نحلم شو ما كان هالحلم

وشكرا لإلك لأنك متذكرة هالمسلسل والأكتر أنو يكون أحلى مسلسل عندك، أنا ما كنت متخيل أنو في حدا رح يربط الاسم فيه
وأحلى وردة من سيدريك، لأحلى nana

[aboalzeik]

الطبيعة حلوة كتير تتهنى

بس و الله عنا مناطق حلوة بسوريا لو الواحد اعتنى فيها ممكن تكون حلوة متل هي و يمكن أكتر


مشكور Sedi

[sweetbaby]

حلوين كتير الصور
شكرا سيدريك
بس ما بتذكر افلام الكرتون

[nana]

كاتب النص الأصلي : Sedrec

شكرا إلك، والحقيقة من أول مرة انعرض المسلسل على التلفزيون، صار لقبي سيدرك حتى رفقاتي بيختصرو لـ سيدي Sedi ، على اسم سيدرك بأفلام الكرتون لأنو كمان أنا عندي ياه أحلى مسلسل، كنت احلم انو يوما ما رح يجو أهلي وبعترفولي انو انا مو ابنن، أنا ابن عائلة شي دوق بانكلترا ، وإني الوريث الوحيد لقصر باكنغهام ، وإنو طائر اللقلق جابني بالغلط على سوريا.

بس بالنهاية لا طلعت دوق ولا حتى سير سيدرك، طلعت حمصي بحق وحقيقي

ما تفقد الامل ما حدن بيعرف
انا كنت قلدو لسيدريك و ما كنت طيق جدو :P

كاتب النص الأصلي : Sedrec

وشكرا لإلك لأنك متذكرة هالمسلسل والأكتر أنو يكون أحلى مسلسل عندك، أنا ما كنت متخيل أنو في حدا رح يربط الاسم فيه
وأحلى وردة من سيدريك، لأحلى nana

شكرنن

[zen]

فرنسا احلى بلد بالعالم
طبعا بعد سوريا
شكرا ونيالك سيدرك
(انا بحبوا للفتى النبيل (سيدرك)

[هلبا]

يعطيك العافية
والله سبحان الله شو هالمناظر الخلابة لا اله الا الله
وانا بممموت بفرنسا ونفسي اروحححها وهلاء انت زدت تشوقي الها
يلا الله يهنيك فيها بس كمان سوريا حلوة وسيدرك كتير حلوو وانا كمان بحبووووو

[Syria Man]

الله يعطيك العافية عالصور الحلوة

[Melessa]

بيجننو يسلمووووووووووووووووووو

[Sedrec]

شكرا شباب وصبايا (zen, syrian man, melessa وهلبا) وانشاء الله بتزوروها عن قريب

[ريري]

شكراسيدريك ع الموضوع كتير حلو
بيجنن بالجنة انت عايش