Betta Fish

[The morning]

من فـتره كـم شـهر كنت جـدا disappointed من الـبشر فقررت جرب الانخراط بعالم الحيوان و شوف شو بيطلع معي فاشتريت , كبـدايه , سـمكه صـغيره و حوض قزاز صـغير لـحط السمـكه فيـه و حطها عندي عالمـكتب نتسـاير انا و ياها و ندرس نفـسيات بعض .. بـعد فـتره بـلّشت لاحظ حركات معينه هالـسمكه بـتعملها وقت بـغيرلها المـي و حـركات تانيه وقت بحـطلها اكـل بـعد ما بـكون نـسيانه طـعميها شـي يومين .. لذلك قررت اني اعرف اكتر و اقرى اكتر عن هالنوع من الـسمك و بلّش يطلع معي هالمعلومات ..
بـالمنـاسبه اسـم سـمكتي ســـام , ذكـر عمرو اقـل من سـنه لونـو نــيلــي غـااامق ..

بـدايه ,
Betta fish هي احد انواع السمـك المنـزلي , الاكـثر انتـشارا بالمـنازل و غالبا الناس اللي ما عندهم تجربه سابقه مع الحيوانات عامه و الحيوانات البحر بيقتنو هي السمكـه كـبدايه لـسهوله العنايه بـها و لمـقدرتها على العيش في ظـروف مـختلفه بالاضافه الى منظرها الـجميل و الملّون الاسم Betta يلفظ بـ T واحده الّا انه يـكتب بـاثنين .. ايـضا يـطلق عليها اسـم Siamese Fighting Fish
تعيش هذه الـسمكه في المـياه النـقيه , موطنها الاصـلي هو الجـنوب الشـرقي لاسيـه
تـقوم هذه الـسمكه بpuff-outـ يـعني بـتنفش زعانفها و بتصـير متل الطاووس , و المـضحك بـالموضوع انـهم يـقومون بـعمل ذلك لـلفت انتـباه السـمكه الانـثى ..
من الاشـياء المـزهله الاخـرى اللي بـيقوم هالـنوع من الـسمك بـعملها هو الانـتباه الـشديد لما يدور حـوله , حيـث انو لما بـجي لـطعمي سـمكتي , بس جيب علـبه الاكل و اجي قرّب ايدي من الـحوض بتلاقي الـسمكه صـارت ناطرتني على سـطح المـي لـزتلها الاكل .. بس انا احيـانا بـجاكرو و ما بـحطلو اكل ..
تـنمو هذه الـسمكه حتى يـصبح طولها حوالي الـ 6 سـم و تـعيش بـعمر الاربـع سـنين لـ ست سـنين
احـدى اهـم النـصايح اللي تـعطى وقت بـتشتري الـ betta fish انو ما تحطها مع betta fish تانيه لانهم بـيتقاتلو و و هنن بالواقع عندهم نزعه لـعنف بدمـهم , ما بـيقدرو ما يتقاتلو . لـهيك بـيأذو بـعض و قـد يـقتلو الواحد الاخـر بـخناقاتون و انت ممكن ما تكون فاضي كل يوم و التاني تفك بيناتهم .. و على هاد اخد محايه هاد و هاد سرق برايه هاد .. الغـريب ايـضا انو لو كان في مـجموعه كـبيره مجموعين مع بعض و علـقت بيناتهم و مات واحد منـهم فانهم بيـتوقفو عن الـقتال !!
بيـقدر الـ Betta fish يـتعايش مع انواع تانيه متل algae eaters, guppies, or corydorus catfish safelyبنفس الحوض بدون ما يعمل مشاكل ..
مبدئيا حاج .. و كل ما بـقرى شـي مـعلومه جـديده و مفـيده بـحاول خلـيكم updated عنها

هي صـوره الbetta fish و هو نافش حالو و عامل سبايكي ..



و هيك وقت ما بكون نافش حالو :



.

[خالدسالم الحربي]

موضوع مممممميز ومفيــــــــــــــــــد ...............الى المزيد

[ماغنوم56]

شكرا ع الموضوع الحلو
بس كتجربه حاولي تحطيلو مرايه
بالحوض وشوفي شو رح يصير


تحياتي

[ابو ريتا]

كاتب النص الأصلي : The morning

من فـتره كـم شـهر كنت جـدا disappointed من الـبشر فقررت جرب الانخراط بعالم الحيوان .

العما لي لي لي ؟

شكرا وميرسي عالموضوع و الله طيبين هالسمكات متل الفستق

[ارسلان]

ِ صديقك
ِلمن "ينفش" نفسه في وحدة الحوض؟

, ما يلفت نظري فعلا هو هذا التشابه الكبير بين طريقة مغازلته لأنثاه هي نفس طريقة الطاوس, ويفاجئنا هذا التشابه حين نصادفه بين الكثير من الحيوانات البرية والبحرية ,
فعلا

الارض و البحر احدهما مرآة للآخر
أو لعلي أقول بأن الارض ذاكرة مستقبل البحر
*

صداقتك له ستعلمك التنفس تحت الماء
ربما القدر يعدك لأن تصبحي
عروس البحر

[The morning]

كاتب النص الأصلي : ماغنوم56

شكرا ع الموضوع الحلو
بس كتجربه حاولي تحطيلو مرايه
بالحوض وشوفي شو رح يصير


تحياتي

جـربت , بالـصدفه حـصلت اني كنت عم غيرلو المـي عالـمغسله و حـطيتو بدون ما انتبه او فكـّر بالقصه جنب المرايه قام صار يفتل يفتل يفتل و اسـتعد و صار بوضعيـّه الاسـتنفار و بعدها شي ساعه و هو مرعوب ..
و عـسيره المـرايه من شـي كم سـنه كان عنـدي عـصفور كنـار حـطيتو مرّه جـنب المرايه و صـار معـو تقريباا نفـس حـاله الاسـتفنار الّا انو هـداك صـرع الدنـيا صـريخ و يـصرخ اكتر وقت يـشوف الرفلكشن تبعو عم يلحقو ..
الـحيوانات بـتخاف من حـالها و بتـعترف بهالقـصّه جهـرا ..

[The morning]

أو لعلي أقول بأن الارض ذاكرة مستقبل البحر

رائــــع الـوصـف !!

صداقتك له ستعلمك التنفس تحت الماء
ربما القدر يعدك لأن تصبحي
عروس البحر

رائــع , رائـع !

[ماغنوم56]

كاتب النص الأصلي : The morning

جـربت , بالـصدفه حـصلت اني كنت عم غيرلو المـي عالـمغسله و حـطيتو بدون ما انتبه او فكـّر بالقصه جنب المرايه قام صار يفتل يفتل يفتل و اسـتعد و صار بوضعيـّه الاسـتنفار و بعدها شي ساعه و هو مرعوب ..
و عـسيره المـرايه من شـي كم سـنه كان عنـدي عـصفور كنـار حـطيتو مرّه جـنب المرايه و صـار معـو تقريباا نفـس حـاله الاسـتفنار الّا انو هـداك صـرع الدنـيا صـريخ و يـصرخ اكتر وقت يـشوف الرفلكشن تبعو عم يلحقو ..
الـحيوانات بـتخاف من حـالها و بتـعترف بهالقـصّه جهـرا ..

لا حياتو مو شغلة ان الحيوانات بتخاف من حالها
بالنسبه Betta fish هي فعلا سمكة عدائيه للبني
جنسها وخصوصا اذا كان دكر +دكر او انثى+انثى
وهاد الشي اكتشفتو من ملاحظتي الشخصيه
اما بالنسبه للكنار فا الي بعرفو عنهم ان الذكور
بيتقاتلو مع بعضهم بفترة التكاثر فقط
وكمان معرفتي لهل الشي من ملا حظتي الشخصيه

برجع بأكد ان موضوعك حلو ومفيد

[The morning]

العما لي لي لي ؟

مقدمه بـوليسيه لـتشد القارئ

شكرا وميرسي عالموضوع و الله طيبين هالسمكات متل الفستق

سمكـتي مش للاكل

[The morning]

كاتب النص الأصلي : خالدسالم الحربي

موضوع مممممميز ومفيــــــــــــــــــد ...............الى المزيد

بـــرافو

[Raw]

طي سؤال إذا كل هالئد بيتئاتلو شللللللللللللللللون بدهن يتزوجو يعني عاجلاً أم آجلاً بدهن ينخرطووو بعض
بئا يلا يا أصحاب التجارب احكولنا

®

[ماغنوم56]

كاتب النص الأصلي : Raw

طي سؤال إذا كل هالئد بيتئاتلو شللللللللللللللللون بدهن يتزوجو يعني عاجلاً أم آجلاً بدهن ينخرطووو بعض
بئا يلا يا أصحاب التجارب احكولنا

®

الزواج الو طقوس غريبه عند هل النوع من السمك
موضوع يطول شرحو
الي عوده

[Reemi]

انا بخاف بركي ماتت عندي بموت حزن وراها

[ماغنوم56]

اذا ماتت اشتري غيرها
هي عمرها اصلا مع زود
الأهتمام من سنتين لأربع سنين

[The morning]

كاتب النص الأصلي : ماغنوم56

اذا ماتت اشتري غيرها

هالحـكي نـظريا مـعقول بـس فعلـيا ما بـيمشي الحال ..

[ماغنوم56]

بيمشي ليش ما يمشي
بالأخر كلهم متل بعض
اسرين حريتهم
كرمال نرضي رغبتنا بالحب الأجواف

[achelious]

ماعندي هالهواية!!.. بس مرة انهديت سمكة زينة -وصلتني بالقدموس- وعطت سمكتك عمرا بعد 3 شهور..
بس حبيت اسألك شو بتقولي لحيوان-سمكة أو قط- إذا خاب ظنة بفصيلتة..وقرر ينخرط بحياة البشر!؟!

[The morning]

كاتب النص الأصلي : achelious

بس حبيت اسألك شو بتقولي لحيوان-سمكة أو قط- إذا خاب ظنة بفصيلتة..وقرر ينخرط بحياة البشر!؟!

بقلو اهـلا و سـهلا

عفكره انا من زمان , لما كان عندي كنار , اخي كان عندو سمك و كان كل شي شهرين تلاته يبدل الفريق لانون يموتو فلا تزعل على سمكه القدموس تبعك لانو هنن عمرون شي تلات اشهر بس