ما هوالسبب الرئيسي في تفرق العرب وتشتتهم عن بعض؟؟؟

[memomando]

السلام عليكم ورحمة الله

لما وجدت ان هذا المنتدي يضم كثيرا من الاعضاء العرب بجنسيات مختلفة وخاصة سوريا ولبنان ومصر ,وددت ان أطرح هذا السؤال راجيا من الجميع التصويت بما هو مكنون في داخله:
ما هوالسبب الرئيسي في تفرق العرب وتشتتهم عن بعض؟؟؟

[LOVEGHOST]

هيك العربي بشكل عام ما بيرضى وما بيتقبل حدا عربي غير يحكمو ليك مثلا بلبنان وغيرا دائما بيلاقو الأجنبي احسن من العربي

[مالك الحلبي2]

تسجيل متابعة

[LOVEGHOST]

ليكو لبنان و العراق و السودان و الصومال واكيد فلسطين و الجزائر؟؟؟؟هل نحن خير امة اخرجت للناس؟؟؟ام امة ضحكت من جهلها الامم؟؟؟

[هدوء البحر]

الزعماء هيك بدهم

[مايسترو]

لا خيو مو الزعماء هيك بدهن وبس

في عوامل سياسية واجتماعية واقتصادية بتمنع

يعني مثلا انت كيف متخيل اذا توحدنا لح يكون شكل الوحدة كحكم؟بتقدر تتخيلو غير فدرالي ؟ما بتوقع لانو الفروقات الاجتماعية بين البلدان كتير صعبة

بعدين الموضوع مو سهل وبدو ثورة فكرية واجتماعية فظيعة

مايسترو

[اسبيرانزا]

بسبب ان كل دولة تقوقعت داخل ذاتها ومعدتش تنظر الا لمصالحها الذاتية ...
وكمان بقينا مسالمين زيادة عن اللزوم ... اظاهر تعبير الدم الحامى اللى اتخلق عشان
العرب تركهم وتاه
و خوفنا ع الثروة كل دولة مستعدة تكون حبيبة اعداءها اذا ما مسو اموالها او اذا ساهمت فى
نمو اقتصادياتها ,, لكن نعطى غيرنا فهذا المحظور المحظور يا ولدى

[اسبيرانزا]

كاتب النص الأصلي : مايسترو

لا خيو مو الزعماء هيك بدهن وبس

في عوامل سياسية واجتماعية واقتصادية بتمنع

يعني مثلا انت كيف متخيل اذا توحدنا لح يكون شكل الوحدة كحكم؟بتقدر تتخيلو غير فدرالي ؟ما بتوقع لانو الفروقات الاجتماعية بين البلدان كتير صعبة

بعدين الموضوع مو سهل وبدو ثورة فكرية واجتماعية فظيعة

مايسترو

كيد اذا بنتخيل وحدة فبنبعد تماما عن وحدة فى الحكم راح نفشل فشل زريع ووحدة مصر وسوريا خير مثال
لكن لو وحدة بالجيوش .. فانتصار اكتوبر شاهد ع كدة كنا دولتين وحطمنا اسطورة اسرائيل فما بالك لو العرب كلهم كانوا مجتمعين ؟؟
بتوقع كمان لو فى وحدة اقتصادية ؟؟؟

[fernanda bachchan kfoury]

الجواب سهل وعندي
بكل بساطة لأنن عرب والعرب بحايتن لا اتفقو ولا رح يتّفقو

[عمرو الحسيني]

لأنو حالياً ما في شي بيجمعنا

لا قومية نفعت ولا لغة عربية نفعت ولا تراث وتاريخ مشترك نفع ولا عرقية وعروبية نفعت

ولا اشتراكية نفعت

حلها لشوف

[معرف]

بس المستقبل مشرق

[VivaSyria]

بإختصار ياصديقي لأنه لايوجد مايدعى (( عروبه )) مجرد دول متجاوره تتكلم لغة شبه واحده.. لكن كفانا كذب على أنفسنا.. صدقني كان حلم جميل و استيقظنا منه..

[suryoyo]

حتى لو تركنا العروبة ....


على الاقل التجاور الاقليمي ..... !

[VivaSyria]

كاتب النص الأصلي : suryoyo

حتى لو تركنا العروبة ....


على الاقل التجاور الاقليمي ..... !

ياعيني عليك أول خطوه هي نسمي الأشياء بأسمائها... تجاور اقليمي و زيادة.. يعني بدون شعارات طنانه و خطب فارغه

[suryoyo]

هو لو ارادوا تشكيل خط تجاري اقليميا فقط كان عملوا الكثير

ياعيني عليك أول خطوه هي نسمي الأشياء بأسمائها... تجاور اقليمي و زيادة.. يعني بدون شعارات طنانه و خطب فارغه

الاحلى نحكي وفق العصر ....... زمن السبعينيات راااااااااح

[مايسترو]

هلق اذا بدنا نعمل وحدة ف بدنا نبلش بوحدة صغيرة بين بلدين مثلا

بس انو مو متل وحدوة مصر وسوريا

وبنفس الوقت بدك تعمل ثورة اجتماعية وفكرية على مستوى الوطن العربي كلو

بحيث انو الشعب وكنتاج لهل ثورة هي هو يصير يطالب بهاد الشي

مايسترو

[وهج البراءة]

لأنو العرب ما في يوم من الأيام رح يتفقوا ابدا

كل واحد بيشوف نفسه ومصالحه الإنسانية والدنيوية

وما بفكر انو بيوم شوف العرب متحدين بما انو العربي بيموت بإيد اخوه العربي

[عمرو الحسيني]

الحقيقة في واقع كتير عم نشوفه بهالأيام بشكل كبير ومتزايد وهو أنو دول متل قطر والبحرين والإمارات صاير عم يطلع حسها وعم تتبجح بالحس الوطني واعتزازها بانتمائها لأوطانها وهالشي ما كنا نسمعه سابقاً بهالصورة يعني لدرجة في الإمارات صاير الواحد بيعتز إنو من إمارة رأس الخيمة وكأننا رجعنا إلى عصر قبل الاتحاد بين هذه الإمارات

فكيف بدك هيك ناس تفكر بأنها تكون مع ناس تانين عم يتقاسموا العيش المشترك

أي الشعب نفسه بالدولة نفسه يا دوبه متفاهم مع بعضه