من هو الله؟؟

[VivaSyria]

قبل أن يفاجئ البعض من العنوان و للتوضيح أريد من هذا الموضوع أن يكون نقاش فكري منطقي حضاري بعيد كل البعد عن الغوغائية و الردود الجاهزه و المتعصبه.. نقاش نصل به إلى نقطة تجمعنا لاتفرقنا.. نقاش لا علاقة له بالأديان ولا بالمعتقدات.. نقاش صريح يتخطى الخطوط الحمر دون امتهان لفكر أحد و لا استفزازاً لأحد..

من هو الله؟؟ ماهي وظائفه؟؟ و ما هو هدفه؟؟؟ و ماهي حدود علمه و معرفته؟؟؟ و ماهي حدود تدخلاته بحياتنا و متى يتدخل و كيف ؟؟؟؟

هل هو الإله العادل الذي خلق الدنيا على هذا الأساس لكن البشر خربوها؟؟ هل هذا يعني أن الأمور خرجت عن سيطرته و توقعاته؟؟
هل هو الإله الذي خلق الإنس و الجان فقط حتى يعبدوه؟؟ أوليس هذا قمة الغرور؟؟
هل هو الإله الذي يمكر لعباده و بمكرون له و هو خير الماكريين؟؟؟
هل هو الإله الذي ترك الناس على هواهم حتى يحاسبهم و يحاسب من يشاء و يحرق و يشوي من يشاء؟؟ ماهذه الوظيفة العجيبة؟؟
هل هو الإله المتكبر الرافع الخافض المذل الحارق الخارق؟؟

و ماهي وظائفه؟؟ هل إنتهى تدخله في هذه الأرض أم نساها أصلاً؟؟ أم ارتضى لنفسه موقف المتفرج على مايحصل؟؟
متى يدخل في هذه الدنيا؟؟ أهو نفس الأله الذي خسف الأرض بأقوام لم يفعلو جزءً يسيراً مما يحصل اليوم؟؟ أهو نفس الإله الذي أرسل طيوراً أبابيل لأسباب لاتقارن بما يحصل اليوم على هذه الأرض؟ أين هذه الطيور؟؟ أين هذه القدرات بخسف الأراضي و الطوفانات؟؟

و ماهدفه من خلق هذه البشرية؟؟ هل هدفه إيجاد الملايين من العابديين له و إلا يعدهم بالويل؟؟ أوليس هذا قمة الغرور؟؟
هل هو عالم بكل شيئ و بمن سيكافئ و من سيعاقب؟؟ أوليس في هذا إنتفاء لسبب وجود هذه الحياة التي لانعلم سببها أصلاً؟؟ أم هو تارك الحرية لكل شخص حتى يفعل مايشاء؟؟ ألا يكون حينها ناقص علم؟؟

أليس هو من بعث الأديان التي فرقت الناس و صنعت المشاكل؟؟ أوليس هو الذي قال لبعضهم أنه واحد أجد و قال لبلبعض الأخر أن له ولداً أو أنه تجسد عل الأرض؟؟ أوليس هو من ال لليهود أنهم أحسن الخلق بالنسبة له و قال للمسيجين أنهم الدين الصحيح و ال للإسلام أنهم خير أمة؟؟ و قال للجميع أن دينهم هو الدين الصحيح الوحيد؟؟

ألم يكن من الأجدى له أن يرسل ديناً واحداً كاملاً لايحتاج أن يطوره و يجدده حسب المستجدات.. إلا إذا كان يتابع الأخبار ختى يعرف ما يستجد و يعدل في الدين..

أين أنبيائه من هذا العصر؟؟ أتستحق مشاكل العصور الغابره ألاف الأنبياء و لاتستحق هذه الدنيا التي امتلأت بالظلم و الحروب و الكوارث تدخلاً منه؟؟ لماذا هل كاان موسم تخفيضات على الأنبياء حينها حتى كان يرسل لهم كل يوم نبياً؟؟

و ماهي حدود تدخلاته بحياتنا؟؟ الله الذي اعتدنا أن نقول في أمورنا الكبيرة و الصغيرة ( إن شاء الله) هل له حقاً مشيئة في هذه الأمور؟؟ و من له مشيئة في هذه أمورنا البسيطة أليس من الأولى له أن يتدخل في مصائب هذه الدنيا؟؟

حقي أن أفكر بموضوع بهذا الحجم في حياتنا.. كفانا أن نكون قطيع ماشية لا نتأمل و لانفكر

سؤالي كان من هو الله.. أما الأن فأصبح ماهو الله؟؟!!!

[BL@CK]

بس كـ تنويه ..

الموضوع أنطرح مسبقا ً بالأخوية , بس بقا إزا بتتكرمو علينا .. تناقشو الموضوع بهدوء و من دون خناق و من دون صوت عالي .. و أهم الشي .. يكون النقاش بعيد شوي صغنونة بقد كف الولد الصغير عن أي معتقد ديني بيآمن فيه حضرة السيد المحاور ..

شوكرن لتفهمكم و تفهمكن َّ

[abosleman]

بس تسجيل متابعة وبرجع لكمل الموضوع

[BL@CK]

"إن الإله، في كلِّ افتراضاته، هو سلوك، لا ذات فقط. فإذا لم يوجد سلوكُ إله فلن توجد ذات إله"

القصيمي

[VivaSyria]

كاتب النص الأصلي : BL@CK

"إن الإله، في كلِّ افتراضاته، هو سلوك، لا ذات فقط. فإذا لم يوجد سلوكُ إله فلن توجد ذات إله"

القصيمي

والسلوك الإيجابي و السلبي معدوم من أكتر من ألف سنه على أقل تقدير..

[MadMax]

كاتب النص الأصلي : VivaSyria

هل هو الإله الذي خلق الإنس و الجان فقط حتى يعبدوه؟؟ أوليس هذا قمة الغرور؟؟

هل هو الإله الذي يمكر لعباده و بمكرون له و هو خير الماكريين؟؟؟
هل هو الإله الذي ترك الناس على هواهم حتى يحاسبهم و يحاسب من يشاء و يحرق و يشوي من يشاء؟؟ ماهذه الوظيفة العجيبة؟؟
هل هو الإله المتكبر الرافع الخافض المذل الحارق الخارق؟؟

هيك شعب .... بدو هيك اله

[sandra]

أنو ما عندي جواب لكل هالأسئلة
لان ربيت عالإيمان بوجود الله وأنو هو بيحبنا وبيرعانا وبيكون معنا بكل خطواتنا وخلص
صحيح أيام هالصورة بتتزعزع وبحس أنو ما بيحبني متل ما تعلمت
لكن بالمقابل أنا أضعف من اني اتخلى عنو يعني لما بكون معصبة متضايقة ولحالي ما بشوف حدا غيرو اشكيلوا وأوقات اتقاتل معو ........ وبيضل عندي الأمل بانو يمشيلي أموري العلقانة بهالحياة بس أوقات بحسو ما عم يسمع

هلا أنا كنت فايتة لسجل متابعة واسترسلت بالحديث
بقا تسجيل متابعة

[boy freind]

الفكرة بسيطة انو الله هو اللي خلقك ( في حال كنت مؤمن بهالفكرة ) و عطاك كتير شغلات

و انت بحكم عادة البشر لازم تشكره بإنك تعبدو و اذا ما بدك يا ريت ترجعلو كل شي عطاك ياه

[MadMax]

كاتب النص الأصلي : boy freind

الفكرة بسيطة انو الله هو اللي خلقك ( في حال كنت مؤمن بهالفكرة ) و عطاك كتير شغلات

و انت بحكم عادة البشر لازم تشكره بإنك تعبدو و اذا ما بدك يا ريت ترجعلو كل شي عطاك ياه

معنى كلامك .....أنو هالاله ما بيعطي شي بدون مقابل
أو ممكن يكون من النوع يللي بحب تمسيح الجوخ ..
و بكلا الحالتين بكون اله مادي نرجسي ...و عندو معايير مزدوجة ..
يعني بيطلب منا شي .....و هو بيعمل شي تاني

[boy freind]

كاتب النص الأصلي : Madmax

معنى كلامك .....أنو هالاله ما بيعطي شي بدون مقابل
أو ممكن يكون من النوع يللي بحب تمسيح الجوخ ..
و بكلا الحالتين بكون اله مادي نرجسي ...و عندو معايير مزدوجة ..
يعني بيطلب منا شي .....و هو بيعمل شي تاني

مسألة الشكر عالنعم راجعة الك و لزوقك

[MadMax]

كاتب النص الأصلي : boy freind

مسألة الشكر عالنعم راجعة الك و لزوقك

لا موصح
هو فرض عليي هالشغلة ......و خمس مرات باليوم كمان

[MadMax]

الله يحب المراقبة
يحب المزاح
يهب الانسان مقدرات فطرية
بالمقابل يسن قوانين
إنها أفضل مزحة علمية
انظر ...... لكن لا تلمس
المس ..... لكن لا تتذوق
تذوق ......لكن لا تبلع
و فيما تحاول .... متعثراً بالقوانين ..
ماذا يفعل ..؟؟
إنه يضحك مطوّلاً
إنه سادي



ال باتشينو - محامي الشيطان

[boy freind]

كاتب النص الأصلي : Madmax

لا موصح
هو فرض عليي هالشغلة ......و خمس مرات باليوم كمان

طيب اذا ما ساويتهن شو رح يصير

رح ياخدلك عيونك و ايديك و ووووووووووو

لأ ما رح يصير شي من هاد

[MadMax]

كاتب النص الأصلي : boy freind

طيب اذا ما ساويتهن شو رح يصير

رح ياخدلك عيونك و ايديك و ووووووووووو

لأ ما رح يصير شي من هاد

مو ع أساس يللي ما بصلي ..... بروح ع النار ...و بيشويه و بيقليه ....و يمكن يعملو شاورما

[The morning]

من هو الله؟؟ ماهي وظائفه؟؟ و ما هو هدفه؟؟؟ و ماهي حدود علمه و معرفته؟؟؟ و ماهي حدود تدخلاته بحياتنا و متى يتدخل و كيف ؟؟؟؟

عفكره بهالسـؤال هاد حسـيتك عم تحكي عن شـي حزب بدو يرشّح حالو عشي انتخابات رئاسه .. وظائفه و اهدافه !؟

و ماهدفه من خلق هذه البشرية؟؟ هل هدفه إيجاد الملايين من العابديين له و إلا يعدهم بالويل؟؟ أوليس هذا قمة الغرور؟؟

عفكره الله ما بـخوّف بس الناس عنا كتير بتخاف من كل شي عندو قدره لذلك حوّلت قدره الاله لـشي مرعب بيتناسب مع طريقه فهمها للامور و طلب تنفيذها ..
يعني هنن بيشوفو انو لو ما بخافو المدير يطب عليهم بنص الدوام ما بيمشو الشغل
لذلك ترجمو انو لو ما بخافو الله يعاقبهم بالاخر كانو ما صلو و لا اقامو شعائر العباده

أليس هو من بعث الأديان التي فرقت الناس و صنعت المشاكل؟؟ أوليس هو الذي قال لبعضهم أنه واحد أجد و قال لبلبعض الأخر أن له ولداً أو أنه تجسد عل الأرض؟؟ أوليس هو من ال لليهود أنهم أحسن الخلق بالنسبة له و قال للمسيجين أنهم الدين الصحيح و ال للإسلام أنهم خير أمة؟؟ و قال للجميع أن دينهم هو الدين الصحيح الوحيد؟؟

هالطرح هون كتير حبيته بتعرف ليش؟
لانو بهي الفكره بالذات بتجاوب انت عسؤالك انو ليش الله اوجد الاديان و فرقت الناس ..بعدين بتجاوب على تساؤولك بالسطر الي بعدو ..دقق اكتر بكلامك بتشوف انو الاديان اللي انت ذكرتها هي الاديان الابراهيميه و اللي بتدعو لعباده الاله نفسه يعني بهالحاله الرب عم يقول للكل انو تعددت الديانات و الاله واحد .. يعني كلكون مناح و دينكم صحيح كل منكم على حد ً ..
اضافه ايضا .. عباره انو الدين الصحيح الوحيد هي ما اعتقد انو الله اللي قالها .. اغلب الظن هي اجت من العوامل المناخيّه للديانات .. يعني كـنوع من الترغيب اللي بيسـتخدموه الناس بسـوق الحميديه - مثلا - لبيـع بـضاعه معينه انو بـيقلك البـياع لو بتفتل البلد كلها ما بتلاقي متل هالقطعه بجودتها و مهاره صناعتها و الخ الخ من حكي التجار اللي بخليك تشتريها و حتى وقت تمشي بالسوق و تشوف نفس القطعه معلقه على واجهات المحلات الاخرى تقول انو انا معي احسن قطعه بالشام كلها .. ( كان عطول يصير معي هيك عفكره )

ألم يكن من الأجدى له أن يرسل ديناً واحداً كاملاً لايحتاج أن يطوره و يجدده حسب المستجدات.. إلا إذا كان يتابع الأخبار ختى يعرف ما يستجد و يعدل في الدين..

هلئ بالله لو مأرسللنا دين واحد عشو كنا بدنا نختلف ؟؟ يعني تخيّل انو بكرى تفيق الصبح تلاقي كل شي صار لون واحد و كل الناس صارت تحكي لغه وحده و كل السيارات و البنايات و الناس كلها شكل واحد ..
اي ما بعود للحياه طعمه .. بتصير مملّه و متل القهوه بلا مي ..

و ماهي حدود تدخلاته بحياتنا؟؟ الله الذي اعتدنا أن نقول في أمورنا الكبيرة و الصغيرة ( إن شاء الله) هل له حقاً مشيئة في هذه الأمور؟؟ و من له مشيئة في هذه أمورنا البسيطة أليس من الأولى له أن يتدخل في مصائب هذه الدنيا؟؟

لو كان الله بدو يتدخل بكـل مشـاكل الحـياه لكـان عقل الانـسان صار عاطل عن العمل

سؤالي كان من هو الله.. أما الأن فأصبح ماهو الله؟؟!!!

عن سـؤالك من هو الله ..
نـحنا , البشر اقصد , محاوله منا بحمايه الله شـوهنا صـورته .. أ ُدخل بعقولنا ان الله دائما غاضب و صارت كلمه الله مرتبطه ارتباط وثيق بالعقاب و الجنه و النار .. و انو اذا لقينا برتقاله غريبه الشكل فهي معجزه او مثلا شي سمـكه صاير معها برص بنقول انو هي قدره الله على جعل السمكه تنطق بالحق .. و استـخدام وسائل ترويع دلائل على العقوبات اللي انزلها الله بالبشر و بحقيقه الامر بتكون هالمناظر هي عباره عن اعمال فنيّه و منحوتات .. أ ُدخلت هالقصص و هالصور براسنا بطرق جدا ذكيه و غير مخطط لها لدرجه انو صار الموضوع غير قابل للنقاش او التفـكير و صار التفكير فيه مرتبط بالخوف .. لكـــــن الله هـو عـكس هالـصور هي الّا انو فـشل الانـسان بنـعلقه على الله و نـجاح الانـسان بنـرجعه للـعقل .. متـناسين انو العقل هو جزء من ادراك الله ..
انا هون لا اطلب من احد التسليم بوجود او عدم وجود الله .. قـــد يكون الله متواجد فقط مع عدد قليل من الناس

[saman]

هلأ انا بدي قول شغلة .... اني بآمن بوجود شي اسمو الله .... بس بدي اعبدو ع طريقتي انا .. واشكرو ع طريقيتي انا ... وبدي آمن فيه ع طريقتي انا ... مو ع طريقة لا اسلام ولا مسيحية ولا يهودية وولا شي .....
لانو في كتيييير قصص غريبة موجودة بهالاديان العقل ما بيتحملها ...


وانا مع ذا مورنينغ بهالفكرة :

عفكره الله ما بـخوّف بس الناس عنا كتير بتخاف من كل شي عندو قدره لذلك حوّلت قدره الاله لـشي مرعب بيتناسب مع طريقه فهمها للامور و طلب تنفيذها ..
يعني هنن بيشوفو انو لو ما بخافو المدير يطب عليهم بنص الدوام ما بيمشو الشغل
لذلك ترجمو انو لو ما بخافو الله يعاقبهم بالاخر كانو ما صلو و لا اقامو شعائر العباده

الي تكملة ....بزمناتي شاركت بهداك الموضوع الاولاني هيك بتزكر بس وين طار الله اعلم

[zerocold hacker]

انو ما بعرف شو بدي قول بس بدي قول انو شغلة الايمان راجعة للشخص نفسو يا اما بيامن بوجود الله يا اما لا

وهو بيعبدو كيف ما بدو وهالشي بيرجع لتربية الانسان من صغرو

يعني الواحد ما فيو يقول انو ما في الله منوب لانو هاد الشخص لما يكون باوقات صعبة ما رح يلتجئ الا لله

واذا انت بتعتبر انو الله مغرور لانو خلقنا لعبادتو بس منشان يجمع ملايين ليعبدو

اسمحلي قلك انو هالتفكير بقمة الغرور لانو ما في غير المغرور يللي بيحاول يساوي نفسو بربو اللي خلقو

يعني انت لما تعلم شي واحد من رفقاتك قصة او شغلة ما بيعرفها بتشوف حالك عليه لاخر يوم بحياتك انو انت افهم منو بهالقصة

بقا كيف الله ما بيحقلو يكون مغرور وهو اللي خلقك وخلق كل شي بهالدنيا

يعني انا ما بدي كمل اكتر من هيك منشان ما اتخانق مع حدا

وانا بعتذر اذا كنت اسات لاي واحد بهالرد هاد

وتقبلو مروري

[The morning]

كاتب النص الأصلي : zerocold hacker

واذا انت بتعتبر انو الله مغرور لانو خلقنا لعبادتو بس منشان يجمع ملايين ليعبدو

اسمحلي قلك انو هالتفكير بقمة الغرور لانو ما في غير المغرور يللي بيحاول يساوي نفسو بربو اللي خلقو

يعني انت لما تعلم شي واحد من رفقاتك قصة او شغلة ما بيعرفها بتشوف حالك عليه لاخر يوم بحياتك انو انت افهم منو بهالقصة

بقا كيف الله ما بيحقلو يكون مغرور وهو اللي خلقك وخلق كل شي بهالدنيا

انتبهي هـون انتي عم تغلـطي بانك عم تطلبي منو ما يـصرّح بسـؤال بدور بباله ..
الله يـحب الاسئله ما بيرفضها .. لهـيك اوجد الاجوبه
بعدين الله لا يجيب زعل ليش لنزعل من بعض ..