ب بلدي ش شعبي ا أرضي ر روحي ... بشار

[VivaSyria]

شعار رنان من الذي أطلق بالإستفتاء الأخير للقائد المفدى:

ب بلدي
ش شعبي
ا أرضي
ر روحي

بشار

الأحرف الأولى لإسم القائد العظيم كونوا بها هذه الجملة...

لكن ماذا حملت لنا الأيام من نتائج؟؟

بلد يسرق كل يوم
شعب يظلم ويقهر كل يوم
أرضي بيعت وأخرى أجرت
روح حزينة

حكومة فاسدة.. مؤسسات خارج الخدمة ... تعليم فاشل... مستقبل غامض... قمع بلا حدود

اليوم وبعد الإجراءات القمعية الجديدة التي تضمنت حجب هذا المنتدى "الخطير عليهم" وبعد كل الإعتقالات المستمره وبعد المفاوضات مع إسرائيل وبعد الإنفتاح على فرنسا وبعد الإعتراف بلبنان ... طبعاً قد يسأل أحدكم مالرابط بين هذه الأمور؟ الرابط هو هذه السلطة التي امتهنت الديكتاتورية والكذب والتسويف...

مللنا كذبة أنه لايعلم وكل الأغلاط التي تحصل تحصل من وراء ضهره.. وأن كل الفساد والقمع لا يعلم به... فإن كان يعلم فهي مصيبة أن هذاه الأشياء تحصل بعلمه وتدبيره وإن كان لايعلم فهي كارثة لأنه يكون مثل "رجل كرسي" وليس رئيساً...

ولكوني لا أريده أن يكون بموقف "الأطرش بالزفة باعتبار مو حلوة بحقنا كشعب" فإني أحمله مسؤولية كل ما يحصل في سوريا...

بوضوح:

بشار الأسد اليوم أين يأخذ سوريا؟؟

بشار الأسد اليوم ماذا سيفعل بعد؟؟

[souriana]

اي ********* هالدولة اللي بالمواصفات اللي حضرتك حاطتها واساتها قايمة لهلق

[The morning]

حكومة فاسدة.. مؤسسات خارج الخدمة ... تعليم فاشل... مستقبل غامض... قمع بلا حدود

اي و بعدين ؟ هاد الحكي يندرج تحت نطاق النق ! يعني في شي نحنا ما عم نقدر نفهمه تماما انو سوريا هي دوله عالم تااااالت و بنضل بنقارنها بدول العالم الاوّل و بنلومها و بنعاقبها كونها ما عم تقدر تجاريهم .. حلو نحلم لكن الاحلى نطلع عالدرج خطوه خطوه , نحلم ضمن قدرتنا عالالتزام . نحنا شعب ما عندو القدره عالالتزام للاسف , لا يحترم القانون و لا يحترم الرأي الاخر. انتبه لشغله اني هون انا ما عم اتفق مع تصرفات الحكومه الداخليه خاصّه لكن اذا بدي احكي بضمير لازم اطلع عالصوره كامله و اعترف بجميع الاغلاط اللي فيها ..

مللنا كذبة أنه لايعلم وكل الأغلاط التي تحصل تحصل من وراء ضهره.. وأن كل الفساد والقمع لا يعلم به... فإن كان يعلم فهي مصيبة أن هذاه الأشياء تحصل بعلمه وتدبيره وإن كان لايعلم فهي كارثة لأنه يكون مثل "رجل كرسي" وليس رئيساً...

مين قال لا يعلم ؟؟ اذا هو شخصيا قال انو يعلم فشلون هي بقى لا يعلم ؟
ااذكر باحدى كلماته قال بما معناه انو هو بيعرف بوجود الفساد بمؤسسات الدوله و حكي عنّو و عن كيفيه مكافحته لكن هو للاسف ما بيقدر ينزل بنفسو يعمل كبسات كل يوم و التاني يعني حتّى بالمنطق مش معقوله .. اعترافه بوجود الفساد و عدم انكاره بيخليني اعرف انّه رايد يشتغل على هالنقطه بعرف جيدا انو لليوم ما تغيّر شي تقريبا و الوضع كل ماله لورا لكن لما بطلع على وضع سوريا الخارجي بشعر ببعض الطمئنينه و انّو هو مش نايم بالعسل و تارك البلد تشعل انما عم يشتغل عليها خارجيا و للاسف فالتواجد بأكثر من مكان من الصفات اللي الانسان لسّا ما قدر يتوصّل ليتغلب عليها و يمتلك القدره على انو يكون متواجد بمكانين سوا ..
اتخيل سوريا خارجيا اليوم مأثبته مواقف يُفـتخر فيها .. سواء كنت مع او ضد الحكومه بتخيّل فيك تنكر هالشي ..
غلط او صح يهتم بالوضع الخارجي على حساب الوضع الداخلي هي نقطه يكثر الحديث عنها و اكيد ما بأيدها ..
برجع بذكّر انو حكي مش معناه اني بتفق مع القرارات الحكوميه و سياستها الداخليه لكن اذا بدي اطلع بوضوع على ما يجري فلازم ما انسى اني اذكر الصوره كامله و ليس من الجانب اللي بيجعل موقف يظهر على حساب بعض المواقف التانيه

[مالي خايف]

كاتب النص الأصلي : The morning

اي و بعدين ؟ هاد الحكي يندرج تحت نطاق النق ! يعني في شي نحنا ما عم نقدر نفهمه تماما انو سوريا هي دوله عالم تااااالت و بنضل بنقارنها بدول العالم الاوّل و بنلومها و بنعاقبها كونها ما عم تقدر تجاريهم ..

بهي النقطة بدك تسمحيلي لأنو انتي عم تقولي ما بيصير نقارن سوريا بدول العالم الأول بإعتبارنا دول عالم تالت طب هل تعلمي إنو الإمكانات الي كانت موجودة عنا خلينا نقول قبل خمس سنين أو أكتر كانت بتسمحلنا نكون من دول العالم التاني ما بدي بالغ كتير والي هلأ ما صفي شي منها بس للأسف عدم استغلالها بالطريقة الصحيحة خلى الحلم مستحيل والي ما صفي منهن شي هلأ خليني أعطيكي مثال من دول العالم الأول ألمانيا طلعت من الحرب منهارة هتلر لعن أبو أنفاسها الألمانيتي رجعو اتحدو بسنة التسعين شو عندون موارد عندون شوية حديد وخشب وملح وزنك وغاز طبيعي بس الفرق بينا وبينهم انو عرفوا يستغلوهون منيح ومشي ضمن منهج ممعين حتى صاروا من أقوى إقتصاديات العالم فهاد موضوع المقارنة لازم يصير وإذا دائما بدنا نقارن حالنا بدول العالم الثالث بحياتنا ما بنصير ودائما لازم نطلع لفوق والي بيطلع لتحت مدري شو بيصير برقبتو

[The morning]

كاتب النص الأصلي : مالي خايف

بهي النقطة بدك تسمحيلي لأنو انتي عم تقولي ما بيصير نقارن سوريا بدول العالم الأول بإعتبارنا دول عالم تالت طب هل تعلمي إنو الإمكانات الي كانت موجودة عنا خلينا نقول قبل خمس سنين أو أكتر كانت بتسمحلنا نكون من دول العالم التاني ما بدي بالغ كتير والي هلأ ما صفي شي منها بس للأسف عدم استغلالها بالطريقة الصحيحة خلى الحلم مستحيل والي ما صفي منهن شي هلأ خليني أعطيكي مثال من دول العالم الأول ألمانيا طلعت من الحرب منهارة هتلر لعن أبو أنفاسها الألمانيتي رجعو اتحدو بسنة التسعين شو عندون موارد عندون شوية حديد وخشب وملح وزنك وغاز طبيعي بس الفرق بينا وبينهم انو عرفوا يستغلوهون منيح ومشي ضمن منهج ممعين حتى صاروا من أقوى إقتصاديات العالم فهاد موضوع المقارنة لازم يصير وإذا دائما بدنا نقارن حالنا بدول العالم الثالث بحياتنا ما بنصير ودائما لازم نطلع لفوق والي بيطلع لتحت مدري شو بيصير برقبتو

هي نقطه كتير حلوه !
كل دوله و اعظم دول العالم الاوّل اليوم هنن دول كانو بيوم من الايام بوضع يرثى له و حققو نجاحات هائله لكن لو بتنتبه بشكل جيد اكتر بتشوف انو مش عن طريق الحكام انما عن طريق الشعب و الشعب عنا مشكلتو مش متقبّل حالو و ما بيقدر يلتزم و يغار على مصلحه اكبر من مصلحتو الشخصيه ولا بشوي - طبعا بقصد نسبه كبيره من الشعب و ليس كل الشعب -
لو بترجع لردّي بتشوف اني قلت انو حلو نحلم و نطمح لكن خلينا نكون واقعين و منطقين شوي كرمال ما نضيّع الواقع الاصلي .. بدنا نبلش من تحت الصفر و نحط اهداف مبدئيه و اهداف على المدى البعيد لنقدر نوصل بشكل صحي .. يعني و نحنا خلينا نقول عند العشره تحت الصفر صعب فورا نطلع عالميّه فوق الصفر و نقول بدنا نصير متلهون .. بنقدر و نحنا عند العشره تحت الصفر نحط الصفر كـهدف - اللي هو الهدف المبدئي -و بس نوصل عالصفر بنحط الخطوه البعدها الرقم عشره فوق الصفر و بس نوصللو بنطمح بالعشرين و هيـــييك لنوصل للميـه و المـيتين - اللي هنن اهداف عالمدى البعيد - لكن عشوائيّه الحديث بانو ننط فورا للميه هي مش واقعيه ..

[مالي خايف]

كاتب النص الأصلي : The morning

وأنا ما عم قول نطلع كل عشرين درجة سوا لاء أنا من جماعة طلاع السلم درجة درجة
بس انتي عم ترجعي وتقولي انو الشعب الي عمل هالشي هاد كلو طيب خلينا نعمل مقارنة بين الشعب قبل خمسين سنة والشعب هلأ قديش في فرق بالتصرفات وقديش في فرق بالتعامل بينات بعضون طب مين السبب بإختلاف طريقة تصرف هالشعب خلينا ناخد مثال إذا عمرك راقبتي شوفير مكرو هو وعم يسوق بتلاقيه من حاجتو للمصاري بيشوف الراكب خمس ليرات وبتلاقيه عم يطحش وبيوقف بنص الشارع وماهمو الي وراه ليش لأنو بحاجة هالخمسة لحتى يعيش ويعيش ولادو نفس هالمثال هاد خلينا نحولوا لواقع أكبر الي هو الشعب الشعب من الحالة الإقتصادية الي وصلونا الها صار ما بيفكر انو أنا لازم اعمل شي ينهض بإقتصاد بلدي أنا لازم اعمل شي لحتى آكل يعني كل الهم والتفكير برغيف هالخبز الي بيخلينا عايشين...
وبالتالي مين الي خلق سياسة التجويع هي ومين الي خلَى الشعب يكون همو الوحيد التفكير بلقمة عيشو بخلي جواب هالسؤال لإلك...
وشي تاني مسؤولية التطوير الإقتصادي الشعب مو لوحدو مسؤول عنها الدولة كمان شوفي قديش بيطلع عنا عجز بالموازنة تبعنا وشوفيقديش في سرقات عم تصير عنا بالبلد قليلة الزعبي قديش سارق وقليلة خدام وقليلة وقليلة

[The morning]

يمكن انت ما فهمت وجهه نظري تمام ... انا معك باللي عم تحكيه او اساسا انا ما اطرقت اله لكن قلت خلينا نشوف الصوره بواقعيه اكتر و ما بس نلجأ لانو نلقي التهم يمين و يسار بدون ما نحمل بعض من هالتهم و المسؤوليات ..

[مالي خايف]

كاتب النص الأصلي : The morning

يمكن انت ما فهمت وجهه نظري تمام ... انا معك باللي عم تحكيه او اساسا انا ما اطرقت اله لكن قلت خلينا نشوف الصوره بواقعيه اكتر و ما بس نلجأ لانو نلقي التهم يمين و يسار بدون ما نحمل بعض من هالتهم و المسؤوليات ..

أنا ماعم أنكر انو الشعب ما بيتحمل مسؤولية لاء الشعب عليه مسؤوليه بس مو الجزء الأكبر عليه

[Sun Shine Art]

انا عندي طلب وحيد من الحكومه ومن الرئيس ......

الله يخليكون حدا يوصل الطلب ....ياريت تدهنو واجهه المطار ....وتنضفوا ....من جوى ان كان من الوسخ او من البشر الموجودين فيه وفي حرف ناقص بكلمه المطار الموجود ع الحيط امانه صلحوها ...........واذا الميزانيه ما بتسمح انا بعمول جمعيه تبرعات .........

ولا قلكون حطولنا خيمه بدل هل المطار بكون احسن ...............

يعني انا بعدت شوي عن الموضوع بس كون الموضوع بخص الشباب الطيبه حبيت فش خلق وصل رساله

[yass]

اي و بعدين ؟ هاد الحكي يندرج تحت نطاق النق !

أي شو عليه.. النق يندرج ضمن الحقوق الدستورية للمواطن السوري

يعني في شي نحنا ما عم نقدر نفهمه تماما انو سوريا هي دوله عالم تااااالت و بنضل بنقارنها بدول العالم الاوّل و بنلومها و بنعاقبها كونها ما عم تقدر تجاريهم ..

هذا كلام حق يراد به باطل .. لأنو بدون ما نقارن بالعالم الأول كمان المعادلة مو لمصلحتنا, و اذا بدنا نعد خلينا نبلش بدول أميركا اللاتينية.. اللي هنن دول عالم ثالث و لسى أفقر منا حتى, و عندون هيبة دولة (لاحظي ما عم احكي عن تطور مادي أو اقتصادي.. مفهوم الدولة بس .. مفهوم المواطنة) نحنا ما نحلم فيه هلأ

حلو نحلم لكن الاحلى نطلع عالدرج خطوه خطوه , نحلم ضمن قدرتنا عالالتزام . نحنا شعب ما عندو القدره عالالتزام للاسف , لا يحترم القانون و لا يحترم الرأي الاخر. انتبه لشغله اني هون انا ما عم اتفق مع تصرفات الحكومه الداخليه خاصّه لكن اذا بدي احكي بضمير لازم اطلع عالصوره كامله و اعترف بجميع الاغلاط اللي فيها ..

لأ هون بدك تسمحيلي..

القدرة على الالتزام هي وليدة تربية.. و 60% أو أكثر حتى من أفراد الشعب السوري تربو في عهد البعث الميمون.. بهالعهد شوية.. شوية هيبة الدولة اللي كانت موجودة راحت .. و هيبة الدولة تعني هيبة القانون.. هالهيبة مو موجودة. الفساد صار أسلوب حياة و صرنا نعرف انو القانون ينشرى بالمصاري, و مقابلو صار في مفهوم النظام و مفهوم الولاء للنظام اللي بيحكي انو معليه تكون فاسد و حرامي لكن اذا انت عندك وفاء و ولاء لصنّاع القرار انت امورك ماشي.. و خليك شريف مكة لكن اذا انت مشاغب -بمنظورهم- مكانك بأحسن الأحوال انو تتعذب بحياتك و بأسوءو انو ولادك يكبرو بدون أب


في مثل جزراوي بيقلك :" اللي تعرف وديتو اقتلو" .. بعتقد هالمثل كتير نافع لمثالنا...

كيف بدك اللي من جيلي و جيلك يحترم القانون لما أول من يخالفو هو اللي يفترض رح يسهر حرصا على احترام القانون؟

كيف بدهون الشوفيرية يلتزمو لما أوائل المشفطين و المفّحطين و المخالفين هنن المسؤولين و أبنائهم و عناصر الشرطة؟

كيف بدك الناس ما تشتري تهريب.. اذا المهرّب ضابط بالجمارك؟

لو مافي حدا يقبل الرشوة.. مافي حدا يرشي.. مزبوط؟


كيف الجيل الجديد ما رح يكون فاسد؟ لما من نحنا صغار نشوف و نتعلم انو الفاسد هو اللي ماشية أمورو.. مو بس هيك عم يطلع من منصب لمنصب أعلى... كيف ما رح نشوف انو هو الصح (بمنظورنا)..


كيف ما رح نغش بالتاسع و البكلوريا و بتشجيع أهالينا لما أول واحد يتغشش و يتهافتو عليه المراقبين هو ابن المسؤول عن حسن سير العملية التربوية.. حاميها حراميها... فاجباري بدنا نتعلم نعيش بشريعة الغاب و بلا ضمير و بلا بطيخ مبسمر

أما عن قبول الرأي الآخر... هيهي.. حدّث و لا حرج.. كيف بدنا نتقبّل الرأي الآخر لما بالمدرسة بدل ما يربونا على مفهوم المواطنة عم نتعلم من الابتدائي تربية الفكر الأوحد و الحزب الأوحد و القائد الأوحد.. لما عم نتعلم نقول كلمة خاين بدون ما يرفلنا جفن.. لما من عمرك ست سنين و سبع سنين عم تتعلم تقول بالروح بالدم.. قبول الرأي الآخر تربية و تعليم...



الوضع الحالي للشعب السوري هو الوضع اللي اشتغل الحكم من أجل يصير و يترسخ... المواطن الصالح هو المواطن الساكت.. الجاهل و الفخور بجهله و الحريص على جهله.. هاد مفهوم موروث من الناصرية و مطوّر على ايد الأنظمة العربية... انت يا مواطن لا تحشر حالك (فيما لا يعنيك.. تسالي هاي فيما لا يعنيك) و خليك ساكت و بدون حركات و انت بأمان.. نخليك تاكل خبز و مسموحلك تشكرنا.. لكن قول لأ.. أو قول ليش.. و أشباح الليل رح تلاحقك لو وين ما تروح...

[VivaSyria]

اي و بعدين ؟ هاد الحكي يندرج تحت نطاق النق ! يعني في شي نحنا ما عم نقدر نفهمه تماما انو سوريا هي دوله عالم تااااالت و بنضل بنقارنها بدول العالم الاوّل و بنلومها و بنعاقبها كونها ما عم تقدر تجاريهم ..

شوبدك تعملي أنا نقاق.. ولعلمك النق مو عيب ولا حرام اذا كنت عم نق على مطالب عادلة وحقيقية وماعم طالب بشي شخصي.. عم طالب بأبسط حقوق بلدي.. بقا كون نقاق أحسن ما اسكت وصفق وأهتف... هلأ مشان قصة انو نحنا دولة عالم تالت أنا ما فهمت عليكي.. هل من شروط الانتساب لدول العالم التالت يكون فيها ابن خال الرئيس بالع موارد البلد "كلها"؟؟ هل من هالشروط انو كل واحد يحكي كلمة ينحط بالسجن؟؟ عالم تالت ماحكينا شي بس حالتنا اليوم حالة نادرة ما بتندرج تحت أي تصنيف... عطيني دولة من دول العالم التالت بيصير فيها يلي عم يصير بسوريا "ما بعرف أديش عند اطلاع بالوضع الداخلي اليوم" عطيني دولة من دول العالم التالت ماعندها جريدة وحدة مستقلة... عطيني دولة من دول العالم التالت ممنوع حدا يستثمر فيها بدون ما يشارك حدا من الشباب... عطيني دولة من دول العالم كله "محجوب فيها اليوتيوب والويكيبديا والفيس بوك و الهوتميل" حتى وصلنا لمرحلة اذا منتدى متل أخوية بينحجب... شو رأيك؟؟ طبعاً مشان مايكون نقاشنا حوار طرشان أنا لما عم اطلب منك تعطيني دولة أكيد فيكي تجيبي مثال " كوبا مصر..." بس ياريت تتحلي بالموضوعية وانتي عم تعطي المثال... يعني لإيمتى بدنا نقارن حالنا ببلدين بالكوكب وننسا كل الدول؟؟

حلو نحلم لكن الاحلى نطلع عالدرج خطوه خطوه , نحلم ضمن قدرتنا عالالتزام . نحنا شعب ما عندو القدره عالالتزام للاسف , لا يحترم القانون و لا يحترم الرأي الاخر. انتبه لشغله اني هون انا ما عم اتفق مع تصرفات الحكومه الداخليه خاصّه لكن اذا بدي احكي بضمير لازم اطلع عالصوره كامله و اعترف بجميع الاغلاط اللي فيها ..

بموضوع سابق لإلي بالمنبر قلت نحنا موافقين انو نطلع درجة درجة... وقلت انو هو يحدد الوقت يلي بدو ياه ومنتظره ومنخرس... بس اليوم السلطة بعد عشر سنين من عهد الحاكم الجديد القديم بشو عم تطلع درجة؟؟ أنا بقلك بشو عم تطلع درجة بال‘عتقلالت.. عم تطلع درجة بالفساد... عم تطلع درجة بالديكتاتورية... عم تطلع درجة بقهر الشعب... مابعرف اذا هي بوجهة نظرك الدرجات ولا يمكن الدرجة هيه انو زفتو شي شارع؟؟؟ ياريت تطلعي على الصورة

مين قال لا يعلم ؟؟ اذا هو شخصيا قال انو يعلم فشلون هي بقى لا يعلم ؟

لاء ياستي دائماً بالبلد في ناس بيقولو انو هو أكيد مابيعرف بالشي يلي عم يصير بمحاولة لمواساة النفس والأمل بأنو ممكن تتحسن الأمور بظل هيك سلطة

ااذكر باحدى كلماته قال بما معناه انو هو بيعرف بوجود الفساد بمؤسسات الدوله و حكي عنّو و عن كيفيه مكافحته لكن هو للاسف ما بيقدر ينزل بنفسو يعمل كبسات كل يوم و التاني يعني حتّى بالمنطق مش معقوله

طبعاً مش معقولة يعمل كبسات على الفساد يلي أساسه قرايبينو وجماعته... عنده شي أهم

.. اعترافه بوجود الفساد و عدم انكاره بيخليني اعرف انّه رايد يشتغل على هالنقطه بعرف جيدا انو لليوم ما تغيّر شي تقريبا و الوضع كل ماله لورا

حلو كتير هالحكي رئيس جمهورية من عشر سنين لهلأ مقضيها اعترافات ومابلش شغل عالأرض... حزري شو ماعد نتحمل اعترافات أكتر من هيك...

لكن لما بطلع على وضع سوريا الخارجي بشعر ببعض الطمئنينه و انّو هو مش نايم بالعسل و تارك البلد تشعل انما عم يشتغل عليها خارجيا

لك خلصنا مشان الملائكه... ياعمي عشر سنين حكم قضا منها 3 سنين مقاطع من كل الأرض أكبر مسؤول يحكي مع الحكومة السورية مدير الزراعة بنواكشوط... أنو ملفات خارجية... عين بس جاوبيني على هالنقطه معقول مهتم بحكومة بتمثل الشعب اللبناني أكتر من حكومة بتمثل الشعب السوري؟؟ معقول وليد المعلم بكل وقاحة بيطلب انو يكون بلبنان رئيس حكومة بيمثل غالبية الشعب وحوحكومة وحدة وطنية وبينس انو حكومتنا مابتمثل أي مواطن إلا رامي مخلوف؟؟؟ معقول ماعد في هم بالدنيا الا لبنان بالنسبة لإلو.. تركو كل شي بسوريا والله علقهون بهالبلد الضعيف "الخاصرة"... غريب عنجد بكل الدنيا بيزبطو أمور بلدهن بعدين بيشتغلو سياسة خارجية أو على الأقل بمساريين متوازيين إلا عنا نسي البلد وعلى أساس عم يشتغل سياسة خارجية

و للاسف فالتواجد بأكثر من مكان من الصفات اللي الانسان لسّا ما قدر يتوصّل ليتغلب عليها و يمتلك القدره على انو يكون متواجد بمكانين سوا ..

هون أنا معك.. ومشان هيك كل الأرض بتعتمد مبدأ توزيع السلطات والمهام بس للأسف لما يكون هو الرئيس وهو قائد الجيش وهو رئيس الحزب ورئيس الجبهه ورئيس كل الهيئات العليا "حتى بالواقع هو رئيس الوزراء والوزراء ومجلس الشعب بغض النظر انو في كم لعبة حاطينهن واجهة" حتى القضاء... معو حق مايلحق... وعلى فكرة عم يلحق على شغلة وحدة بس قمع الشعب وتجويعه..

اتخيل سوريا خارجيا اليوم مأثبته مواقف يُفـتخر فيها .. سواء كنت مع او ضد الحكومه بتخيّل فيك تنكر هالشي ..

اي اي تمام.. خلي هالفخر بالمواقف الخارجية بطلع معتقلي الرأي والشباب البريئه المسجونة ويطعمي العالم خبز... خلي الفخر بالمواقف يعطي للشعب حقوقه ويكف أيدي بلطجية السلطة عن بلدنا... خلي الفخر بالمواقف الخارجية يرجع مصاري البلد يلي سرقوها زلمه وحاشيته... خلي الفخر يخلينا نعيش ببلدنا.

سلامات

[راديا]

مو بشار الاسد هوي السبب السبب هوي من قديم الزمان و بشار شو بدو يصلح ليصلح اي الحمدلله بعد في هالحد الادنى و الحمدلله ع نعمة الحياة كيف ما كانت ...

[مالي خايف]

كاتب النص الأصلي : راديا

مو بشار الاسد هوي السبب السبب هوي من قديم الزمان و بشار شو بدو يصلح ليصلح اي الحمدلله بعد في هالحد الادنى و الحمدلله ع نعمة الحياة كيف ما كانت ...

أمثال هالحكي هاد يلي كان ياس حاكيه قبل شوي عن الشي الي نغرس فينا
وبحب قلك من وجهة نظري إنو هاد قمة الضعف وبحب قلك كمان انو هاد الي بدهن ياه هنن وبحب قول ليلَي عم يراقبنا هلأ تهانينا حصلتو عاللي بدكون ياه....
مو المهم رغيف الخبز الي عم تاكليهم في شي اسمو كرامة

[راديا]

مو المهم رغيف الخبز الي عم تاكليهم في شي اسمو كرامة

لك يا اخي عن انو كرامة عبتحكي لك الكرامة خلصو شوالاتا من زماااان كتييير ...
هالمصطلح من ايام جدي و وجدك ..

[مالي خايف]

كاتب النص الأصلي : راديا

لك يا اخي عن انو كرامة عبتحكي لك الكرامة خلصو شوالاتا من زماااان كتييير ...
هالمصطلح من ايام جدي و وجدك ..

هاد الحكي بالنسبة الك خلص اذا بتعتبري كرامتك خلصت من أيام جدك
فبحب قلك انو أنا كرامتي لسا موجودة والي بيقرب صوبها بدعس عليه

[راديا]

هاد الحكي بالنسبة الك خلص اذا بتعتبري كرامتك خلصت من أيام جدك
فبحب قلك انو أنا كرامتي لسا موجودة والي بيقرب صوبها بدعس عليه

دمت

[VivaSyria]

ياريت يلي بدو يناقش هون على القليلة يكون حامل الجنسية السورية لأنو الموضوع داخلي بحت.. أما يلي فايت يوزع سمايلات ويزيد مشاركات يرحلو على شي موضوع تسالي ... الموضوع شأن داخلي بحت يناقش هموم وطنية صرفة وليس للتسلية...

بلدنا هيّ نقطه انتهى

[The morning]

كاتب النص الأصلي : yass

لأ هون بدك تسمحيلي..

ياس , انا ما عم انفي ولا شي من اللي انت عم تحكيه لكن بنفس الوقت اللي عم قوله هاد الشي مافيك تلومه على شخص واحد استلم الحكم من مدّه شي عشر سنين و هالنظام بالبلد ماشي من اكتر من عشرين سنه !؟ لمّا استلم الحكم ما كان وضع البلد 100% و هو اللي خربه لحتّى نعاتبه اله وحده .. انا بتفق معك بمعظم اللي قلته و ما عم ناقش ضدّه او باتجاه مختلف انما في مجموعه كبيره من الناس التانين هي اللي المفروض تتعاتب و تتكمل بعض من مسؤوليه اللي عم تحكي انت عنه لكن نحنا بنلجأ لانو نشيلها من الصوره , و ما بنلوم ايّ شي تاني سوى الرئيس. موقعه بيسمح بذلك لكن انا نقيفه ضميري ما بتسمح - لا تقول تضربي انتي و ضميرك سامعتك -
انا ماني عم قول لا تلوموه و اجي نادي بشعارات و ما عم انفي اغلاط الدوله او او او انا عم قول فقط انو بيوقع بعض من اللوم عأطراف تانيه منها الكبير المتسلّط و منها الصغير متل الشعب ..