. . . أتساءل وَ أتساءل

[اللامنتمي]

هل الخلود عقوبة ؟

هل الأبدية عذاب ؟

.

.


أتساءل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[sandra]

سؤال حلو
كون الإنسان بشكل عام بيخاف من الموت وبيخشاه ... فبيميل أكتر لتمني الخلود
هلا هل الخلود عقوبة والأبدية عذاب ... بقول أي ممكن

أول الشي البشع بكونك خالد أنك رح تشوف كل احبائك عم يموتوا وتفقدهم ... المشكلة ليست بالموت بحد ذاتو وإنما بفكرة انعدام وجود الكائن مع اصدقائو وأحباؤو ومحيطو ... فهون ما استفدنا شي من الخلود

مدري ليش عم اتذكرهلا كتير فيلم "غرين ميل" لما جون بيرفض الهرب وبيقبل بالاعدام مع أنو بريء ... لأنو تعب من وجود الشر بالعالم

لكن ومن جهة تانية حسب الفلسفة الوجودية ... مصدر قلق الإنسان هو شعورو بأنتهاء طاقتو وسيرو الحاد نحو الفناء والموت وبيزداد هالقلق مع التقدم بالعمر ... وبما أني قلقانة عالدوام فإي يمكن فكرة الخلود تريحني شوي من هالقلق ... بس بشرط ما أنصاب بأمراض الشيخوخة

حاسة حالي حكيت كتير برا الموضوع وميرسي عالموسيقى الرايقة عند هالمسا

[almurtaja]

الخلود والأبدية بالنسبة لي عذاب وعقوبة لأني سوف افقد أقربائي و أصدقائي و أحبائي وأبقى وحيدا متألما على فراقهم و أنا متأكد بأني سوف أتمنى الموت على الخلود .

لكن بالخلود أستطيع أن أرى كل ماسيحصل في المستقبل من تطور وعلم واكتشافات وتغير في خرائط العالم والدول والدمار الذي سيحصل في هذا العالم .

و أستطيع أن أرى الى أين ستصل سوريا !!؟

[suryoyo]

الانسان ظل يفكر بالخلود كراحة و انتعاش و طلب الخلود دائما ...


بس آخر شي .. توصل اذا بقا وحيدا بلا اهل و اصدقاء ,,, ما تفيد الشغلة ...


كثير مسلسلات غربية تحاول تخلي الخلود شي رائع .... بس الناس تظل تشعر بلوزمية استمرارية الحياة و من يخلص وقتنا ... يجي وقت غيرنا .. و هلم جرا !

[اسبيرانزا]

ساخذ الخلود كخلود للعامة ,,يعنى لن اتخيل نفسى فقط المخلدة انما كل البشر اللى فى هذه اللحظة مخلدون
ماذا سيحدث؟؟ اما انتحار كل هؤلاء عند سن الثمانين او المئة بالاكثر او اعدام الدولة لهم
هم سينتحروا لانهم سيتجرعون مرارة الروتين القاسى لانى بعتقد ان الفرد عن الثمانين او المئة بالاكثر يكون قد مر بكل التجارب الممكنة اكثر من مرة ...حب واتحب اكثر من مرة خانق واتخانق اكثر من مرة نجح وفشل اكثر من مرة يعنى بقى عندو اكتفاء مما يمكن ان تعطيه له الحياة.....لو عاش للابد اية الشئ الجديد اللى ممكن يعيشوا سوى شقاء ابدى؟
بالنسبة لاعدام الدولة للافراد الاكثر من مائة هيكون بسبب تكدس سكانى ونقص غذاء وايواء لان العالم راح يزيد وما بينقص ,,,فاللى عاش بيكفى اللى عاشوا

[بيلساان]

برايي ..

الخلود و الابدية عذاب بالطبع

انو فكرة كل البشر يبقوا مخلدين ع هالدنيا ما بتزبط !! انا بعتقد انو الانسان بوصل لدرجة معينة مش انو ما بيقدر يعطي لاء يمكن بالعكس بس الانسان لما يتقدم بالعمر هو زات نفسو بمل من الحياة و بنتظر انو ينتهي اجلو او عمله من هالحياة .. يعني الحياة مرحلة بمرؤ فيها الناس (مؤقتة) ,, و ليست دائمة لانو ببساطة هيك الحياة و ما بتزبط تكوون غير هيك !!


يمكن ما فهمت منيح بس هاد اللي طلع معي



سلام ..

[blakvenus]

انا برأيي فكرة الخلود او الابدية رح تسبب مشكلة يعني......
1ـ رح يصير في تكدس سكاني كبير
2ـ رح تزيد نسبة المشاكل والجرائم بين الناس بسبب نقص الغذاء والمأوى لانو موارد الكرة الارضية بعد فترة ما رح تكفي كل الناس يلي عايشة
3ـ الانسان بطبيعتو رح يكره الحياة ورح يصير يتمنى الموت لانو ما صفي شي جديد لحتى يتعلمو
شكرا الك اخي اللامنتمي على الموضوع الحلو والمسيقى الرائعة

[يا نااااس]

انا اكيدي انو اختياري ما رح يكون افضل من اللي اختارلي اياه ربي
بس انا هيكي بحب الاختلاف-يعني خالف تعرف-
انا بشوف انو الخلود مانو عذاب على الاقل بالنسبة لإلي
لأني على طول بستفيد من كل ثانية وبطمع انو العمر يطول لأني ما بظن انو المعرفة ممكن تنتهي
وانا في بحث دائم عنها
ويسلمو عالموسيقى

[SUPER EAGLE]

الخلود هو شيء إيجابي للذي يبقى خالد بشبابه " أي بقوة إندفاعه نحو معرفة المجهول و متعة الحياة و . . . . ."
أما الخلود بالنسبة إلي أتمناه بسبب شعور في دخلي الذي يدفعني إلى البقاء و الإستمرار في الحياة . . . . . .
ولكن هذا الشعور يذبل ويتقلص بوجود المعرفة لدي بأن الخلود شيء مستحيل فيبقى هذا الشعور في أبواب النسيان
أما الأسئلة التي تواجهني عند مجرد التفكير والتأمل بالخلود تكون غامضة بالنسبة إلي ولا أجد أية أجوبة لها :
-كيف يستطيع الإنسان أن يصل إلى الجنة بوجود الخلود في حياته و أين سينتهي ؟
-هل ينتهي عند إنتهاء عمر الأرض أم أنه يحيا مجرد حياة فانيية منتظرا . . . . . إلى أن يشاهد حربا نووية ؟
-هل الأمراض الخطيرة التي ليس لها علاج ستعيش الخلود معه أو كيف سيتحمل الحياة إذا أصيب بشلل أو عمى أو حتى بأبسط الأمراض ؟
- أما سؤالي الأهم هل الشخص الخالد يستطيع الموت ؟
فالموت هو توقف عمل أعضاء الجسم الأساسية للحياة أما الخلود عندما يحصل عليه الإنسان سيجعل من جسمه مناعة ضد جميع أساليب الموت
الإنتحار هو طريق للموت الإنسان وهذا ليس خالدا فبوجود الخلود حتى الإتنحار ليس له تأثير على حياة الإنسان الخالد
أما السجين أو العبد سيبقى في هذه الحال للأبد فلا سبيل له للموت بوجود الخلود

وأهم ما يخيفني من الخلود هو البقاء وحيدا فكيف ستكون الحياة مع هذا الواقع الأبدي ؟

و مع هذا يظل شعور البقاء والخلود في الحياة في أعماقي لا أعرف أين ولكني أعرف أنه موجود . . . .