مقلاية أخوية (6) بحلتها الجديدة

[boy freind]

المقلاية شغلة معروفة بأخوية

انو منختار عضو و منحطو بالمقلاية يعني بيصيرو الاعضاء يسألوه اسئلة شو ما بدهن

بس كل عضو بيحقلو يسأل 5 اسئلة كحد اقصى ( مو تحقيق بالمخابرات الشغلة )

و كمان في اعضاء تم قليهون كتير بالمقالي السابقة يعني حاجتهن احترقو و هنن
Reemi
Willi
sweetbaby
Syrian Gay
yass
كهربجي
The morning
Governmen
COSTAphoenixbird
TheLight
handsome
dimozi
سرسورة
Raw
بالاضافة لناس تانية مو متزكرهن لذلك حاولو تبعدو عن الاعضاء المخضرمين اللي صرلون زمان

و تبدأو بالاعضاء يلي سجلو هديك السنة عالاقل

يلا منبدأ مع

Viva Syria

و أسئلتي هي

مين مطربك المفضل ؟

اديش عمرك و شو برجك ؟

أديش راتبك ؟

يلا أكشن

[Abu Guzef]

بس كل عضو بيحقلو يسأل 5 اسئلة كحد اقصى

اي ماشي نشالله بحكيلك معو

حلو حلو

زمان ما قلينا

يلا لنستفتح بالحجي فادي

طلاع عالمقلاية وشغل النار بطريقك




تسلى شوي ::
=============

هات لنشوف عطيني رأيك بالتالي :
-----------------
الحيوان

الجراثيم

الإنسان

الله


-------------------
الدين

الطائفية

الإلحاد

العلمانية
---------------------------
السياسة

الحروب الإقتصادية

امريكا

روسيا

سوريا

العراق

الجولان

كوبا
--------------

مين اقرب واحد الك هون

مين ابعد واحد

معك 5 وردات لمين بتهديهون

وخمس شوكات لمين

معك 200 الف دولار لمين بتعطيهون \ مو لئلك لازم تعطيون لحدا \

شو سيارتك

وكم حادث سويت

شو اول سيارة كانت عندك

-------------------


كلمتين منك لاخوية

شو عطتك اخوية

شو اخدت منك ( غير الوقت )

-------------
تكنولوجيا:
_________
شو نوع موبايلك

شو اخر رقم بموبايلك

كمبيوترك مواصفاتو عالماشي

شو سرعة النت عندك

--------------
عالماشي
__________
شو نظريتك بالحياة

شو بتعنيلك الحياة

قديش معك بالبنك

شو أحلا اغنية للتالي :: لفيروز , ام كلثوم , عبد الحليم , وديع الصافي , جورج وسوف , ابوجوزيف
مممم

بس بيكفوكي هدول راجعلك

رجعت

مقارناتتت.
‏
شاي أخضر ولا أحمر‏

قهوة ولا نسكافه

ميلو ولا كاكاو

عرق ولافودكا

نبيد مز ولا حلو

فوكس ولا هنكن

ريد لابل ولابلاك لابل

ويسكي ولا كونياك

وينستون ولا لوكي

مرسيدس ولا بي ام

لوس انجلس ولا لاس فيغاس

ماي سبيس ولا هاي فايف

دودج ولا فورد

انا ولا هوي

لاب توب ولا كمبيوتر مكتب

نوكيا ولا سوني اركسون

كيا ولا سابا !

سبور ولا رسمي

باريس ولا روما

سوفييت ولا أمريكا




انا مساويلك شي؟
انت بتكرهني شي؟
ليش آخر مرة تخانقنا؟
‏
شو بتقرأ أكتر شي بأخوية
‏
وإزا طلع في جنةونار
وقالولك لازم تاخد معك7 من أخوية
مين بتاخد
إزا عالنار مين وإزا عالجنة مين


‏
شو تعريف الروح؟
‏
إزا صرلك شي وماعاد تفوت ع أخوية بعيد الشر يعني شو بتوصينا
‏
شوتعريف الحشيش
وكيف يتم تمييز النظامي عن المروكب

إزا شي يوم ندق باب بيتك وقلت مين ونقال انا ابوجوزيف شو بتكون ردة فعلك


اخر شي

شو مشان وبعدين مع دكتاتوريتك وقفنا الثورة شوي قام وقفت المفاوضات

[VivaSyria]

ما لقيت غيري تبلش فيه بهالبلد؟؟؟

كاتب النص الأصلي : boy freind

مين مطربك المفضل ؟

اديش عمرك و شو برجك ؟

أديش راتبك ؟

مطربتي المفضلة هاليومين لينا شماميان عم اسمعلا كتير صاير...

عمري منيح ماشي حالو "بمنتصف العشرينات بلا فضايح" ...

ممممم هاد السؤال خطير... ياسيدي مالي راتب محدد إيرادي فيك تعتبرو جيد..

[boy freind]

علاء ما بيصير قلنالك خمس أسئلة مو درس قراءة

هالمرة رح مرءها بس يا ويلو اللي بيتجاوز القوانين

[Abu Guzef]

طيب ماشي خيو بما انو فادي هون وحسون مو هون ليحط اسئلتو وانا وكيلو الحصري حرف c حواليه دويرة

رح حط سؤال الاعضاء


اي ابو الفود بيسلم عليك حسون شو مين حسون غوفيرمنت ما غيرو وبيقلك رأيك بصراحة بهل أعضاء بكل صراحة ها

هيك يعني

رأيك بهالاعضاء التاليين ..
وبصــــراحة تـــامة ..
وبدون مجاملات

اي اي خالد هاد سؤال واحد متل إملئ الفراغات
Gazita
Reemi
marioma alghzayala
hanny dagher
Willi
layla
sezar
sweetbaby
الحاج متولي
maged-syrian
butterfly
وشم الجمال
Syrian__Angel
أبو شريك,
Hashtnasht
ASH
ٍٍٍSyrian Gay
Fares
Geeny
yass
كهربجي
راديا
SABE
HUS
Barleb
باشق مجروح
the light
سرسورة
محمد ابراهيم
GOVERMENT
صياد الطيور
اسير التشرد
phoenixbird
the morrning
COSTA
handsome
abosleman
LiOnHeArT (سابقا)
betty_palestine
yamen_h
BL@CK
MadMax
وائل76
مسطول ع طول
شامي من طوكيو
أمرأة من ورق
Roaa
مايا*
لبندا
fofo besset syria
Abu Guzef
الموسيقار,
فاوست
ظل جيفارا
ملاك السعودية
محمد السعودي
التقرير الجوال
secular سابقا
Nirvana
sandra

2 سؤال

خيو شو مشان شو صار معنا ولا قلك لاحقك عالمسنجر

[yass]

لازم تحكو مع حسون يعمل أب ديت لليستة ...

[VivaSyria]

خمس أسئلة.. خمسة... 5 .. مو 500 على كل حال رح أعملك سبيشال أوفر وجاوبك على 20 تكرم... بس لابقا حدا يعمل متلو مشان ما نقص من أسئلتو

كاتب النص الأصلي : Abu Guzef

السياسة

جريدة كويتية رئيس تحريرها أحمد جارالله.. بتقرا فيها أي شي إلا الحقيقة

امريكا

حكومة بتحترم شعبها ومابتحترم بقية الشعوب

سوريا

أغلى أرض وأطيب شعب

الجولان

قطعة غالية من وطني نسيوها الشباب من 40 سنة

مين ابعد واحد

مابعرفو

وكم حادث سويت

فيك تعتبرني بطل الجمهورية بالحوادث.. أول حادث كان عمري 14 سنة

شو اول سيارة كانت عندك

أول سيارة ملكي الشخصي كانت رانج روفر... أول سيارة سقتها بيجو 504

شو عطتك اخوية

عطتني المنبر الحر يلي بقدر عبر فيه عن أفكاري.. وعطتني صداقات مع بشر فهمانين...

شو اخدت منك ( غير الوقت )

أخدت شوي من شوفة الحال واللئم يلي عندي...

شو اخر رقم بموبايلك

رقم إمي..

قديش معك بالبنك

بخاف عليك تنصدم..

‏

قهوة ولا نسكافه

قهوة

نبيد مز ولا حلو

مز طبعاً

ريد لابل ولابلاك لابل

بلاك طبعاً ...

مرسيدس ولا بي ام

كان أبي يقلي المرسيدس سيارة مخصصة ليلي بيقعد ورا.. والبي إم مخصصة ليلي بيسوقها.. "أكيد بي إم"

باريس ولا روما

باريس إلها ذكريات حلوة بقلبي..

إزا صرلك شي وماعاد تفوت ع أخوية بعيد الشر يعني شو بتوصينا

إذا كان السبب جماعة موزمبيق بوصيكن تضلو عم تعملو Up لمواضيعي يلي بالمنبر وبالسياسة مشان يضل قلبهون محروق... اذا كان السبب غير هيك بوصيكن بوصيكن تبقو متل ما انتو وتخلو أخوية متل ماهي...
‏

إزا شي يوم ندق باب بيتك وقلت مين ونقال انا ابوجوزيف شو بتكون ردة فعلك

بقلك فادي مو هون.. أنا شوفيرو وموصيني ما افتح الباب لحدا

شو مشان وبعدين مع دكتاتوريتك وقفنا الثورة شوي قام وقفت المفاوضات

هلأ ماصرلنا كم شهر ما لحق يديق خلقكن من الديكتاتورية.. في ناس صرلها كتييييير وبعدنا مطولين بالنا...

هلا أبو جوزيف

[Abu Guzef]

يا زلمة ورقة الأسئلة اطول من ورقة الأجوبة

يلا سيدي الصباح رباح ع كل

لازم تحكو مع حسون يعمل أب ديت لليستة ...

ٍ

اي بدك تلقطو بلأول حاكم عم يدور ع شغلات بحلب ما لازم يدور عليها بعمرو

[sandra]

مين أبو الفود عم ينقلى يا حرام
من زمان حابة شوفك بهيك وضع

طيب أنا ما بحب ليستا الأسئلة الطويلة متل البعض
كم سؤال خفيف نضيف
شو جابك لأخوية ؟
أكتر قسم بتحبو بأخوية هو...... ؟
القسم اللي ما بيخطرلك تفوت عليه بأخوية هو ...؟
مين أكتر عضو / عضوة بتحب تقرا مواضيعون
العضو الخفيف الدم واللي بيضحكك هو برأيك هو
عضو أو عضوة غلطت بحقن
أكتر عضو بتحبو
أكتر عضوة بتحبا
عضو ما بتحبو أوما بتحب ردودو أو مواضيعو
عضوة ما بتحبا أو ما بتحب ردودا ومواضيعا

وليش مع شرح لكل سؤال بما لا يقل عن 3 اسطر خط صغير لا معلش مارح حددلك الأسطر لأن جاييتك هلا زحمة سير
وموفق

[VivaSyria]

رح قلك رأي بالشباب والصبايا يلي بعرفهون عن قرب وفي اتصال مباشر بيني وبينهون.. الباقي نوعين يا مابعرفهون ومابدي أعطي رأي فيهون من خلال مشاركاتهون بأخوية.. يا أما مابدي أعطي رأي جارح ويزعجهون... اخترت الناس يلي بدي عبرلهون عن رأي فيهون بس من لئمي ماعبرت عنو بشكل مباشر ولا مرة :

كاتب النص الأصلي : Abu Guzef

Reemi

لك ريمي وما أدراك ماريمي اذا زعلتا جريمي...ريمي صبية بتجنن وما بيحلى النهار غير لما احكي معها الصبح بكير...

marioma alghzayala

مرام صبية بتاخد العقل.. يلي ما شاف هالجمال بعدو ما شاف شي... مريوم بتعرف أديش معزتها عندي

hanny dagher

هاني طيوب وأدمي... مكافح وشغيل عن جد بتمنالو التوفيق.

وشم الجمال

سراب بنت حساسة ورقيقة بشكل غريب... الله يحميها

yass

ياس بتنطبق عليه دعاية موبايل I Phone كل ماهو جميل بقطعة واحدة..

محمد ابراهيم

محمد شب واعي ومثقف ولطيف... بورصة بالنهار ونقاشات حامية بالليل

GOVERMENT

حسون صديقي كتير... وعن جد هالصبي محترم جداً... حسون قريباً

phoenixbird

طارق شب محترم ومثقف وبيحب العلاقات العامة.. بس أحياناً بينفهم غلط من طيبتو...

LiOnHeArT (سابقا)

علاء من الشباب الغاليين. قبضاي ومهضوم وسابق عمرو ... الله يحميه ويقملو الخير

BL@CK

عابد قصتو قصة.. غلطت بتقيمو كتير وصار هلأ من أعز الرفقات.. عبود قبضاي

MadMax

سامر رجال وخدوم وبيحب الناس.. أبو سمرة الغالي.

لبندا

بنت رايقة كتير ومشتقلا كتير...

Abu Guzef

انت سرده من سردات الزمن... بس بتعرف اني بعزك من قلبي.

ظل جيفارا

محمد مثقف وواعي لأبعد درجة...

Barleb

بارليب من الشباب يلي ماشفت أظرف منون...حشاش من الطراز الرفيع

sandra

ساندرا.. مممم مافي كلام يوصف بنوته طيوبه ورقيقة وحساسة متلها.. معزتها بقلبي كبيرة كتير.. ساندي الله يوفقك

[Abu ToNi]

جاي على باقي اقلي

تعا لهون فادي :

انت فين عايش هلق
شو هوية نوع اتصال الانترنت اللي عبتستعمله
امتى كانت آخر سهرة الك ( طبعا يتخللها مشروب وكحول وماذا ومشاوي و .... )
شو لونك المفضل
لأي مستوى من العلاقة وصلت مع ( ما بدي حط لك اسم العضوة اللي معنا بالأخوية وانا قاصدها لحالك افهم السؤال وجاوب عليه واذا ما قدرت تفهمه خبرني برجع بفهمك ياه )
مواضيعك ( افكارا وصياغة لغوية ) بتستعين باحد الاعضاء ولا بتخليها شخصية بحتة
هل يعتبر تكوين علاقات ( مع كلا الجنسين ) احد اهدافك للانتساب إلى اخوية

مبدئيا خلصت قائمتي
يمكن يكون بعد القلي والغدا ... عصرونية
فانتظروا تعصيرتنا

[was616im]

مو حلوة خمس اسئلة بس

خلي الحد مفتوح يا زلمي

[phoenixbird]

فادي بالمقلاية؟
جيت والله جابك ما قدرنالك بالبرنامج اي بنستلمك هون

راجعلك بس لاكتب كم كلمة

[القلب الدافئ]

احم احم اهاااااااااااااا أبو الفود هنا يا مرحباً يا مرحبا

طيب هات لشوف

انو اكتر موضوع ندمت لانك نزلتو ؟
مين بتحب بهل منتدى ومين بتكره ؟
كم بنت عندك عالمسنجر ؟
كيف امبارح قبل ما تنام بشو كنت عم تفكر ولما بتنام بتشخر ؟
عندك كرش ولا ما عندك ؟

[phoenixbird]

فادي العظيم خود لقلك

1- جميعنا متفقون على ان الوضع الحالي غير مقبول وانه لا بد من التغيير ولكننا نعلم انه لا يحدث بين ليلة وضحاها ما هي الخطوة الاولى التي تراها للبدء بثورة التغيير

2- هل ترى ان استعادة الجولان بالطرق الدبلوماسية ممكنة ام ان المقاومة خيارنا الاول والاخير

3- هل ترى أن احتفالية دمشق عاصمة الثقافة العربية حققت هدفها بنشر الثقافة

4- لو طلبت منك 10 اقتراحات لاخوية ما ذا تقول

5- لو وجه لك سوريو يو وفوينكس بيرد الدعوة لتكون محاورهما في نور القمر هل توافق ؟

[Reemi]

طيب يا جماعه فتحوا المقلايه ..هالمشروع كان لازم ينعمل زمان .. واكتر من حد قلي ارجع افتحها بس كان كتير صعب ... اذا بتريدو لا تهلكو الاعضاء بالاسئله ... يعني خمس اسئله منيح اذا حد بدو اكتر يشوف الي بينقلي اذا بيسمحلو ..والرجاء الالتزام

[Reemi]

لك ريمي وما أدراك ماريمي اذا زعلتا جريمي...ريمي صبية بتجنن وما بيحلى النهار غير لما احكي معها الصبح بكير...

صبيه بتجنن ما اختلفنا يعني انو اكيد

بس الصبح بكير؟؟؟

هون بدي اسئلك ... عرفلنا الصبح بكير لو سمحت !!!

[phoenixbird]

كاتب النص الأصلي : Reemi

صبيه بتجنن ما اختلفنا يعني انو اكيد

بس الصبح بكير؟؟؟

هون بدي اسئلك ... عرفلنا الصبح بكير لو سمحت !!!

انا بعرف عنه
يعني وقت بيفيق هوي الضهر