هل الفتاة أو المتزوجة التي تطالب بورثتها عاهرة

[lostman1]

- بالصدفة استمعت لحديث تلفوني بين شخص و أمه .. .. قال لها بعد كل ما عملت و ضحيت به من أجل أخوتي جايي تطالب بورثة و حصة بالأرض .. اطرديها برات البيت للشوارع - هذا مكانها الطبيعي ، خليها برا .. هي مجرمة و مو أخت .. صدمني هذا الحديث و لا أريد أن أطيل كثيراً - لكن بكثير من المناطق في الساحل و الجنوب و السويداء و حمص و غيرها ترغم المراة على ترك حصتها تحت عوامل اجتماعية عديدة فما رأيكم ؟؟

[روعة1]

طبعا هاد كلام فاضي و كلام ناتج عن الجهل تبع العالم اللي بفكروا هيك..
فالمرأة الها الحق بانو تورث و تاخد حقها و هيك المنطق و حتى الشرع بقول..

ان كنت مرأة لا يعني بان ليس لي كيان او وجود او حقوق..!!

[boy freind]

شو جاب الورثة عالعهر

هاد شي و هاد شي تاني

عن جد ضحكتوني

[whiterose]

فعلاً هي شغلة موجودة وبلشت تنحسر تدريجيا
وهي موجودة بالأرياف والضيّع

وعند أخواننا العلويين والشيعة
يلي بيحرموا البنت من الميراث


وفي أمرأة متزوجة علوية صديقة من تاريخ وفاة والدها للآن
تمت مقاطعتها من اخوتها الذكور لرفع قضية عليهم لحرمانها من الميراث
وحكمت لها المحكمة بميراثها بالكامل


موضوع مهم

[W.E.G.A]

كانك تقلت على البنات شوي

عاهرة

لا بس هي خصلة جديدة من خصل الشرق

[yass]

هاي عادة موجودة بكل المناطق و بكل الطوائف على ما اعتقد.. و منتشرة جدا..

الحجة دائما تكون انو و الله الزلمة ما اشتغل و تعب لحتى الأرث تبعو يروح لزوج بنتو (طبعا لأنو بالفكر المتخلف بنتو مانها كيان و لا انها بني آدم.. هي زوجة زلمة غريب عن العيلة.. و من تزوجت ما عادت من العيلة و لا عادو مجبورين فيها انما صارت تنتمي لعيلة زوجها)

طبعا هالفكرة لا يقبلو منطق و لا حتى يقبلو دين....

[وشم الجمال]

في جزءين بالموضوع اول شي انو حق البنت بالورث انا يللي بعرفو انو البنت متل الشب يعني بحقلها ترث وفق القواعد يللي بتبعها البلد او الدين للميت ...فيعني انا ما رح احكي انو ما عادت موجودة قصة انو البنت ما بحقلها ترث لانو لا يخلو مجتمعنا وغير مجتمعات من هالنظرة الدونية للبنت ...
وفي كمان شغلة وهيي لجوء الاهل من البداية لتزويج البنت حدا من العيلة بهدف انو مصاري العيلة ما تروح لحدا غريب وكأنو في قريب او غريب هالايام وكأنو مو كلو بيضحك عكلو

بس الجزء التاني يللي كتير استغربتو ربط العهر بمطالبة البنت بالورث يعني اولا واخرا شو الذنب يللي اقترفتو ووين الشي يللي بنص انها اذنبت لما تطالب بحقها...

عالهامش...المطالبة باي حق من حقوق الانسان صفت عهر
...

[bki]

إنت شو رأيك باللي عم تحكيه؟. بتعتقد إنو في داعي تطرح السؤال؟
1+1=2 وإنت عيني

[almurtaja]

كاتب النص الأصلي : whiterose

فعلاً هي شغلة موجودة وبلشت تنحسر تدريجيا

وهي موجودة بالأرياف والضيّع

وعند أخواننا العلويين والشيعة
يلي بيحرموا البنت من الميراث

وفي أمرأة متزوجة علوية صديقة من تاريخ وفاة والدها للآن
تمت مقاطعتها من اخوتها الذكور لرفع قضية عليهم لحرمانها من الميراث
وحكمت لها المحكمة بميراثها بالكامل

موضوع مهم

كلامك صحيح انو موجودة هالشغلة بالأرياف والضيع

بس والله انك تجي وتقلي انو هي الشغلة موجودة عند العلويين والشيعة فأنا بقلك لاتحكي شغلة مانك متأكد منا أو ما بتعرفا

انا بعرف حالات صايرة متل ما قلت انت بالنسبة للميراث بس هادا سببو الجهل وليس الدين يا حبيبي

[ارسلان]

بدءا
للفتاة كامل الحق بأن ترث

ربما يا سادتي يكون للرجل وجهة نظر أخرى
قد يقول بان الثروة التي ورثها عن أبيه أضاع عمره وشبابه في انمائها وتوسعتها وزيادتها لتأتي أخته على حين نظرة حسد من زوجها مثلا لتطالبه بالمجموع الكلي للثروة حتى بالارباح التي حققها

ربما يعز على الرجل جهده و تعبه

لا تخلو النفس البشرية من طمع

[whiterose]

كاتب النص الأصلي : almurtaja

كلامك صحيح انو موجودة هالشغلة بالأرياف والضيع

بس والله انك تجي وتقلي انو هي الشغلة موجودة عند العلويين والشيعة فأنا بقلك لاتحكي شغلة مانك متأكد منا أو ما بتعرفا

انا بعرف حالات صايرة متل ما قلت انت بالنسبة للميراث بس هادا سببو الجهل وليس الدين يا حبيبي

متأكدة متأكدة

أنا من ابويين من طائفتين محتلفتين يعني علوي وسني
ومتاكدة تماما
العلويين مابيورثو البنت لا مال ولا عيلة ولا سلطة ولا حتى دين

[Abu ToNi]

وهي موجودة بالأرياف والضيّع

وعند أخواننا العلويين والشيعة
يلي بيحرموا البنت من الميراث

العلويين مابيورثو البنت لا مال ولا عيلة ولا سلطة ولا حتى دين

خالتو
مانك حاسة انك كلما صار موضوع بتقلبيه طائفي

[whiterose]

كاتب النص الأصلي : gabriel

خالتو
مانك حاسة انك كلما صار موضوع بتقلبيه طائفي

لاء ابدا غابي
القصة مو طائفية ابدا ولا قصدت اقلبه طائفي ابدا

هي حقيقة موجودة بالأرياف وللأسف العلويين والشيعة كمان مابيورثوا الأنثى أبدا

لكن مع ازدياد الوعي ومعرفة انو قانون الأحوال الشخصية مبني على نهج الشريعة الأسلامية
يلي بتقضي بتوريث الأمرأة

صارت النساء ترفع قضايا ودعاوي على عائلاتهم لتحصيل ورثتهم

[yass]

ما بعرف شو المغزى من ذكر الشيعة و العلوية بشكل خاص يعني.. ما هالشغلة منتشرة بكل الطوائف و بنفس الدرجات... و مو بس أهل الأرياف يعني..

[VivaSyria]

كاتب النص الأصلي : whiterose

هي حقيقة موجودة بالأرياف وللأسف العلويين والشيعة كمان مابيورثوا الأنثى أبدا

لك عن جد هالقصة صارت مقرفة... عمي حكيلك شي كلمة صح أو حاجتنا هالتخبيصات وزت الحكي المسخرة والرخيص:

الشيعه هنن المذهب الوحيد بالإسلام يلي بيورت البنت متل الشب بالظرف الطبيعي...

ومشان البشر التانيين مو مشانك لإنو انتي أكيد ما بتكتبي شي مشان تفهمي بس بتكتبي مشان تعمليلك شوية نعرات طائفية وتستفزي العالم وتعملي أكشن ولفت نظر رح وضح شوية شغلات بموضوع التوريت عند الشيعه:

أول شي في مقياس يعتمد بالورته من الصفر للعشره.. يعني ممكن البنت تاخد أكتر من الشب وطبعاً هاد الشي مو نقض للأية يلي بتقول "للذكر مثل حظ الأنثيين" بل على العكس هاد تكريس لهالأية.. باعتبار هي الأية تعتبر حد من حدود الله...
يعني من وجهة نظر الشيعة الحد هو للذكر مثل حظ الأنثيين وانت طالع لفوق.. في مقياس بيتحدد على اساس الحاجة والعمر والوضع الاجتماعي والأسري كيف بدون يوصلو لأحسن وأعدل تقسيم للتركه...

مارح وضح أكتر لأنو الموضوع طويل وبدو شرح كتير...

منرجع لحضرتك عمي حاولي تقري شوي تتثقفي شوي تفهمي شوي قبل ماتحكي... حلو الانسان يعرف عن كل الطوائف والأديان قبل ما يناقش فيها... أحسن مايقولو عنوا فاضي وصفات تانيه...

[Ms. J.A]

انو موجودة هاي العادة كتير
عنا هون كمان موجودة وما الها علاقة بدين او طائفة لأنو ما في اشي بيمنع الست من الميراث الا العادات القديمة..
البنت ازا ورثت بنظر كتير من الناس بتنقل ميراث ابوها واخوتها من حدا لحدا وبكتير مناطق بالارياف خصوصا مكانة العيلة بتتحدد بمتلكاتها لهيك بيعتبرو انو البنت تاخد من ورتة اهلها وتعطي لحدا تاني بيأثر ع مكانة اهلها واخوانها الذكور في العيلة..
هاي من جهة ومن جهة تانية المرأة من زمان ما بيعاملوها انها بني ادم عايش والو حقوق وبيعتبرو انو هي بتطلع من بيت ابوها لبيت جوزها للقبر فما الو لزوم تورت وتاخد حصة من مال ابوها لأنو جوزها اللي بيصير مسؤول عنها في حال تجوزت وازا لأ ابوها واخوانها الشباب !!
هاد اللي بعرفو واللي شايفتو

[MadMax]

كاتب النص الأصلي : whiterose

متأكدة متأكدة

أنا من ابويين من طائفتين محتلفتين يعني علوي وسني
ومتاكدة تماما
العلويين مابيورثو البنت لا مال ولا عيلة ولا سلطة ولا حتى دين

يعني عدم المؤاخذة كلامك عاري عن الصحة ( ما بدي احكي عن شو دوافعك )
بس أنو الشغلة بسيطة ... بتقدر تراجعي قانون الاحوال الشخصية عند المذهب الجعفري يللي يتندرج تحتو الطائفة العلوية و الطائفة الشيعية
أما بالنسبة للأعراف .... فبتختلف حسب المناطق و مدى تطورها
يعني يمكن تشوفي هيك كلام بالأرياف بكل المناطق السورية و عند كل الطوائف
و بتقل هالأمور كل ما اتجهتي أكتر باتجاه المدن

[almurtaja]

كاتب النص الأصلي : whiterose

متأكدة متأكدة

أنا من ابويين من طائفتين محتلفتين يعني علوي وسني
ومتاكدة تماما
العلويين مابيورثو البنت لا مال ولا عيلة ولا سلطة ولا حتى دين

الشباب البركة فيهون ماخلولي شي لحتى احكي عن هالموضوع واذا ما اقتنعتي فهي مشكلتك