جروب اخوية سورية .. Akhawia.net ..

[يمان Rooooonaldo]

مرحبا جميعا ..


هادا يا سيدي .. وانا عم افتل بين هالمواقع .. لقطنا الموقع التالي ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هلا شو هاد الموقع هاد الموقع يا سيدي بييعطي ميزة .. انو ممكن جروب من الشلل .. وجماعات معينة عبالها تعمل متل .. تشات .. موجود .. ولكن عالمسنجر بدون مواقع وهاكزا اشياء ..

هلا حلاوة هاد الموقع .. انو بيعملك جروب معين .. للشي اللي انت بدك ياه .. وبعدين بصير ايا حدا بيضيف هاد الايميل التالي .. بيطلع على صفحة التشات .. على المسنجر .. هلا بجوز لهلا ما الكل فهم .. بس القصة بسيطة وما بدا كتير حرك مخك معي بفرنكين ..

حاليا بما انو دردشة اخوية " طق الحنك " واقفة .. عملت جروب .. لاخوية .. اسمو Akhawia.net ..

وبهيك ممكن كل حدا بكون اون لاين عالمسنجر او شي .. يقدر يفوت ويدردرش مع الشبيبة جوا ..

**هلا بجوز عالم ما يحبو القصة كرمال انو ايميلي وايملك ما حدا يلطشن .. بس تسؤ .. غلطان ..

لانو حلاوة هي الشغلة انو ما حدا بيقدر لا يعرف ايميل التاني .. ولا حتى صورتو ولا ايا شي ..

يعني بس .. فعلا كأنك فايت على صفحة تشات .. وبالاسم المستعار تبعك اللي بدك ياه ..

يعني ال .. privacy .. جدا جزيلا عالية .. وبنفس الوقت ممكن انك تفوت وترق بلوكات عكيفك منشان ازا حدا تسائل عليك ..


طريقة الفوتة عالجروب :

اي .. المهز حاليا .. العملية مانا كتير صعبة .. الايميل تبع الجروب تبعنا هوة عالشكل التالي :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بتروح بوشك عالمسنجر وبتضيفو .. اللي حابب .. ولح يطلعلك نافذة .. كتوب فيها كلمة او كلمتين ..
بيقوم بيطلب منك .. انو accept .. لحتى يفتحلك التطبيق ..

بيطلعلك عاليسار بقا .. مين موجود اون لاين من الاعضاء .. " بأسمائن المستعارة بس " .. + شوية شغلات انت ازا بدك تساويا عن شوية information .. عن حالك وهاكزا ..

متل ما قلت .. اللي بحب اهلا وسهلا .. واللي ما بحب .. يزحط الله معو .. والقلب داعيلو ..


ازا حدا عندو ايا استفسار .. يسالني .. وانا جاهز ..

[LiOnHeArT.3LA2]

ابو اليمن ..

هلا ليك انا مخي سميك شوي .. بدك تشرحلي

انا عملت ادد عالمسنجر لهادا الايميل صح الحكي؟

ما طلعلي شي ..

[يمان Rooooonaldo]

سماع علاؤووو .. هلا انت عميل ال add

وانطرلك شوي ليطلع اسم الجروب عندك كأنو contact عادي ..

بعدين فتاح عليه كانو بدك تحكي مع ايا حدا عالمسنجر ..

لح تلاقي حالك صرت موجود معنا ..

فوفو من اول الزوار كانت ..

[LiOnHeArT.3LA2]

هلأ ما هون الصواب ..

انو عملت آد .. واززززززز

ما صار شي ..

والايميل لساتو اوف لاين..

شو الطرنيييييييب

انا حرقصت :S

[يمان Rooooonaldo]

هممممم علاء قصتو قصة ..

[..AHMAD]

علاء فصيل مسنجرك .. وروح دخنلك باكيت حمرا .. وابريق متة .. وارجاع شغلو بيمشي الحال

[سوا ربينا]

انضمينا ....
اول مرة بحياتك بتعمل شي منيح يمان ...

[يمان Rooooonaldo]

اي اي .. لهلا تمام الوضع .. كلّو فات ..

اب سارة واب سمرة وفوفو ومثنى وكرم .. يلا .. ولسا ..

[يمان Rooooonaldo]

يعدمني ياك علاء ..

[واحد_سوري]

انا عندي استفسار............

[يمان Rooooonaldo]

انت صرت جوا لسا عندك استفسار ؟

[واحد_سوري]

انت سألت ... مين عندو استفسار

و أنا قلتلك أنو عندي ..

بس..

[fernanda bachchan kfoury]

كاتب النص الأصلي : يمان Rooooonaldo

متل ما قلت .. اللي بحب اهلا وسهلا .. واللي ما بحب .. يزحط الله معو .. والقلب داعيلو ..

اي مابدي زحط انا بدي بلط هون وعمول اللي بدك ياه

ازا حدا عندو ايا استفسار .. يسالني .. وانا جاهز ..

لح روح هلاء ضيفو للايميل وازا ماصار شي ببقى بفوت لاستفسر لانو انا التانية مخي سميك

[يمان Rooooonaldo]

شكلو مخّك سوبر سميك .. 5 ساعات ..

[بسومة]

Good Idea yemoon

[marioma alghzayala]

اي اي انا عملت اد ..... ثانكس يمون

[satoman]

ياعمي الحكي بضل حكي جربو مابتندمو

[فسحة أمل]

كاتب النص الأصلي : satoman

ياعمي الحكي بضل حكي جربو مابتندمو

شو عم تبيع بطاطا