العمل التطوعي

[ِAbu Alzooz]

كيفكون اخواتي


اليوم حابب انو اخود رئيكون بشي اسمو العمل التطوعي

هلق كتعريف بسيط العمل التطوعي

هو ايا عمل دون مقابل مادي شخصي يهدف لمصلحة المجتمع

متل ((( حملة التشجير , الهلال و الصليب الحمر , حملات التنضيف للسواحل ))

طيب انو هالشي كتير حلو

بس انو ليش معدومين بمجتمعاتنا

يعني ولا مرة حسيت بواجبي انو قوم بعمل تطوعي


انا عما احكي عن حالي انو ايا ابو وليام بذاتو ولا مرة حس انو عندو واجب

القيام بعمل تطوعي (( انو شو يابا بدي ضوع وقتي المهم على شي فاضي ))


طيب هالحالة طبيعية و بتمنى من الشباب و الصبابا

المشاركين بشي جمعيات فيها عمل تطوعي يخبرونا عليها

بركي هيك يمكن لأنو

نتحسوس على حالنا و نفكر نتطوع بشي شغلة

[homam85]

بس لنلحّق اعمالنا المأجورة وحياتك ما منقصّر بس مين عندو وقت؟؟
هاد الحكي باوربا بأمريكا.......بالبلاد الشبعانة

[فسحة أمل]

أنو العمل التطوعي ببلادنا متل الضحك على اللحى (( وهاد ما انتقاص من قيمتو لا بالعكس العمل التطوعي كتير مهم وكتير اخلاقي )) بس للاسف يا أبو وليم ما عنا وعي اجتماعي مرافق لهيك عمل يعني عملنا مرة عمل تطوعي لتنضيف حي من الاحياء , أنو نحنا مبسوطين حاملين هالمكانس وهل الرفوشة ومازلين تنضيف بهل الشارع بيجو واذ ما منشوف غير ابن حلال بيجي لمحل ما منضفين وبكب زبالة بيتو وببابتسامه منتصرة يعني هاد بحد ذاتو ما بخليك تكره رب العمل على رب التطوع.
شغلة تانية بحملة التشجير (( عمل تطوعي )) بتكون شي زارع الشتلة بيجيك ولد صغير البرائة عم تشرشر منو بيشلع هالشتلة من محلها ليشبع ثقالتو وبيركد ورا رفيقو ليضربو فيها , حرام بدن يلعبو الولاد واسا بتقلي عمل تطوعي

[Abu ToNi]

انا
مع وأؤيد
وشخصيا مشترك باحدى الحركات التطوعية وصرلي سنة كاملة على هاي الحالة

مافي احلا من العطاء المجاني .. صدقوني ما في احلى منه

[ظل جيفارا]

انا يا شباب كنت بأكتر من جمعية تطوعية
شيلوهن كلهن وخليني احكي تجربتي مع أهم جمعية وهي كتير مشهورة ...
إنتسبنا بعجقة هالأفكار بالراس ...
وخدمت لأكتر من تلات سنين متل الشطور
بالنهاية تفاجات إنو إنتا بتشتغل مشان الإنسان وبالتراتبية الطبيعية اللي فوقك بيكون عم يشتغل مشان قصص تانية ...
ع أساس حياد بتتفاجئ يعني ..
ما عدت لاقي سبب للعمل ..ببلادنا حتى العمل التطوعي صار مقرف
تحياتي الحارة
ظل جيفارا

[فسحة أمل]

كاتب النص الأصلي : Abu ToNi

انا
مع وأؤيد
وشخصيا مشترك باحدى الحركات التطوعية وصرلي سنة كاملة على هاي الحالة

مافي احلا من العطاء المجاني .. صدقوني ما في احلى منه

أنا معك ما في أحلى من العطاء المجاني الي نابع من القلب بس لعالم بتستاهل, أو على القليلة تحترم هالشي الي بتعملو , مو انت تشتغل كرمالن وهنن يخربولك شغلك بأرضو وقدام عيونك


هاموش مو على بنا حكينا بالموضوع مبارح المسا

[رجل من ورق]

كاتب النص الأصلي : ظل جيفارا

انا يا شباب كنت بأكتر من جمعية تطوعية
شيلوهن كلهن وخليني احكي تجربتي مع أهم جمعية وهي كتير مشهورة ...
إنتسبنا بعجقة هالأفكار بالراس ...
وخدمت لأكتر من تلات سنين متل الشطور
بالنهاية تفاجات إنو إنتا بتشتغل مشان الإنسان وبالتراتبية الطبيعية اللي فوقك بيكون عم يشتغل مشان قصص تانية ...
ع أساس حياد بتتفاجئ يعني ..
ما عدت لاقي سبب للعمل ..ببلادنا حتى العمل التطوعي صار مقرف
تحياتي الحارة
ظل جيفارا

قصدك الهلال الاحمر ؟
طب رح خبر عن التطوع شوي
هلق كتير حلو وبتحس حالك عم تعمل شي كبير لما تقدم جهد تطوعي من قلبك وما حدا عم يمننك فيه
وافضل محل لهالشي فعليا هو الهلال الاحمر وهالشي بين معون خلال حرب تموز وفيضانات الحسكة ومساعدات العراقيين وغرون كتير
وفي الكشاف كمان ورح اترك لبنفسجة هي تخبر عنه اكتر
هلق غيرون في شي يعني كلو جمعيات خيرية وس وفي منها للاسف مبنية على طابع طائفي
بس برجع بقول انو اي حلو العمل التطوعي وبتحس حالك شغلة كبيري

[butterfly]

اممممممم .. الموضوع جميل ورح حاول اني اختصر
ليش منبحث عن عمل تطوعي ؟ وأيا عمل تطوعي .. بيناسب كل شخص ؟

أول شي الحاجة .. يعني الأنسانية بحاجة لكتير من العمل .. في كتير ألم ومتألمين .. فقر ، حاجة ، جهل ، إلخ إلخ إلخ ..
تاني شي القدرة .. يعني ببساطة الكل " مهما كان طاقتو ووقتو وقدرتو " يمتلك القدرة على مساعدة الآخرين
تلاتة .. الشغلة بتصب بقلب بعضا وبترجع عالشخص بالنفع يعني فرح العطاء + التغيير في المجتمع ككل .. هادا كلو رح يرجع عالزلمي اللي عم يتطوع بنتائج إيجابية . .

تاني شي أيا عمل تطوعي بيناسبك " بيعتمد على شو القضايا اللي بتهمك بحياتك : الشباب الطفل الضعيف ذوي الاحتياجات الفقراء ؟
قدي عندك وقت ؟ وقدي هالجمعية بتتطلب وقت ؟ "

رح حاول ادرج هون بالموضوع المعلومات اللي بقدر جيبا عن التطوع بسوريا

[yass]

موضوع ممتاز بهنّي صاحبو عليه


العمل التطوعي من مقومات أي مجتمع سليم, يعني المجتمعات المتطوعة تلاقي فيها العمل التطوعي للأفراد خارج عملهون ذو المردود المادي تحصيل حاصل, كل واحد حسب وقتو و حسب استطاعتو, بينما عنا لسى هالشي جدا نايم, رغم بوادر مشجعة لنشاطات أهلية اجتماعية و ثقافية.

بعتقد انو العمل التطوعي ما يحتاج انو تكون بجمعية أو بمجموعة و تلتزم فيها, مقوّمها الأساسي انك تعمل شي ايجابي للمجتمع, حسب وقتك و استطاعتك.. و حسب حتى رغبتك و ميولك و هواياتك


طبعا بشجّع الجميع على التفكير بالعمل التطوعي كوسيلة دعم ايجابي للحياة الاجتماعية السليمة


تحياتي

[butterfly]

رح أبدا الجمعيات اللي بتهمني واللي بيعنيلي جدا أني أدعو الاشخاص اللي عندن القدرة والوقت والرغبة أنن يشتغلو معن

أسرة الإخاء السورية
شعارها رائع :

" من أنت هذا لا يعنيني .. أنت تتألم هذا يكفي "

هي جمعية تهتم بمعالجة الأطفال ذوي الاحتياجات الخاصة ، تأسست في عام 1978
http://www.ousratikhaa.org


برجع للموضوع

[Roaa]

يوم عن يوم عم يزيدو الاغنياء .. بس بنفس الوقت ماعم يقلو الفقراء ..

بالعكس عم يكتروو ..

لو كل شخص غني ببلد معين تطوع او طلع جزء من الي معوو لأي عيله محتاجه

ماكان بقي فقراء وحتاجين بهالدنيا ..

يمكن بالنسبه الو شي حقير .. بس لغيرو بتعني كتير ..

أنا أكيد مع التطوع ببلادنا لانوو عدد المقتدرين والمرتاحين مو قليل ..

فيهن يقضوو عالقليله على نص الحالات الي بتحتاج لمساعده ..

[marioma alghzayala]

متابعة ...

[ِAbu Alzooz]

كاتب النص الأصلي : homam85

بس لنلحّق اعمالنا المأجورة وحياتك ما منقصّر بس مين عندو وقت؟؟
هاد الحكي باوربا بأمريكا.......بالبلاد الشبعانة

هلق قصة انو نلحق أعمالنا معك حق صري كذا اسبوع عما اتمنى اليوم يكون 42 ساعة

بس انو هالحكي في الواحد يعملو هون و خصوصي في كتير وقت فاضي بدال ما الواحد يقضي

4 ساعات تلفزيون او 5 ساعات انترنت يقيم ساعتين هيك

كاتب النص الأصلي : فسحة أمل

أنو العمل التطوعي ببلادنا متل الضحك على اللحى (( وهاد ما انتقاص من قيمتو لا بالعكس العمل التطوعي كتير مهم وكتير اخلاقي )) بس للاسف يا أبو وليم ما عنا وعي اجتماعي مرافق لهيك عمل يعني عملنا مرة عمل تطوعي لتنضيف حي من الاحياء , أنو نحنا مبسوطين حاملين هالمكانس وهل الرفوشة ومازلين تنضيف بهل الشارع بيجو واذ ما منشوف غير ابن حلال بيجي لمحل ما منضفين وبكب زبالة بيتو وببابتسامه منتصرة يعني هاد بحد ذاتو ما بخليك تكره رب العمل على رب التطوع.
شغلة تانية بحملة التشجير (( عمل تطوعي )) بتكون شي زارع الشتلة بيجيك ولد صغير البرائة عم تشرشر منو بيشلع هالشتلة من محلها ليشبع ثقالتو وبيركد ورا رفيقو ليضربو فيها , حرام بدن يلعبو الولاد واسا بتقلي عمل تطوعي

طيب شريكي هلق معك حق بس مو من اول ردة فعل فايتة بالحيط
منوقف ما بعرف بس انو هالاحباط الزايد هلق انا بكوني ما جربت اعمل عمل تطوعي
مافيني احكي و نظر

كاتب النص الأصلي : Abu ToNi

انا
مع وأؤيد
وشخصيا مشترك باحدى الحركات التطوعية وصرلي سنة كاملة على هاي الحالة

مافي احلا من العطاء المجاني .. صدقوني ما في احلى منه

طيب غابي شو استفدت من هالسنة شو عطيت و شو اخد منك ؟

كاتب النص الأصلي : ظل جيفارا

انا يا شباب كنت بأكتر من جمعية تطوعية
شيلوهن كلهن وخليني احكي تجربتي مع أهم جمعية وهي كتير مشهورة ...
إنتسبنا بعجقة هالأفكار بالراس ...
وخدمت لأكتر من تلات سنين متل الشطور
بالنهاية تفاجات إنو إنتا بتشتغل مشان الإنسان وبالتراتبية الطبيعية اللي فوقك بيكون عم يشتغل مشان قصص تانية ...
ع أساس حياد بتتفاجئ يعني ..
ما عدت لاقي سبب للعمل ..ببلادنا حتى العمل التطوعي صار مقرف
تحياتي الحارة
ظل جيفارا

بشرتنا بالخير يا غالي بس انو هدول يلي عما تحكي عليون متل الغبرا ما فيك تخلص منون

[ِAbu Alzooz]

كاتب النص الأصلي : butterfly

اممممممم .. الموضوع جميل ورح حاول اني اختصر
ليش منبحث عن عمل تطوعي ؟ وأيا عمل تطوعي .. بيناسب كل شخص ؟

أول شي الحاجة .. يعني الأنسانية بحاجة لكتير من العمل .. في كتير ألم ومتألمين .. فقر ، حاجة ، جهل ، إلخ إلخ إلخ ..
تاني شي القدرة .. يعني ببساطة الكل " مهما كان طاقتو ووقتو وقدرتو " يمتلك القدرة على مساعدة الآخرين
تلاتة .. الشغلة بتصب بقلب بعضا وبترجع عالشخص بالنفع يعني فرح العطاء + التغيير في المجتمع ككل .. هادا كلو رح يرجع عالزلمي اللي عم يتطوع بنتائج إيجابية . .

تاني شي أيا عمل تطوعي بيناسبك " بيعتمد على شو القضايا اللي بتهمك بحياتك : الشباب الطفل الضعيف ذوي الاحتياجات الفقراء ؟
قدي عندك وقت ؟ وقدي هالجمعية بتتطلب وقت ؟ "

رح حاول ادرج هون بالموضوع المعلومات اللي بقدر جيبا عن التطوع بسوريا

يعني هلق انا للصراحة بعرف انو في بس الهلال الأحمر في تطوع (( تطوع بمجهود او وقت ))
طبعا غير الجمعيات الخيرية
يلي هي بالاساس قايم على الطايفة او الحارة
انو هي الجمعية لهدول العالم و هي لهدول
و عما انتظر المعلومات

كاتب النص الأصلي : yass

موضوع ممتاز بهنّي صاحبو عليه


العمل التطوعي من مقومات أي مجتمع سليم, يعني المجتمعات المتطوعة تلاقي فيها العمل التطوعي للأفراد خارج عملهون ذو المردود المادي تحصيل حاصل, كل واحد حسب وقتو و حسب استطاعتو, بينما عنا لسى هالشي جدا نايم, رغم بوادر مشجعة لنشاطات أهلية اجتماعية و ثقافية.

بعتقد انو العمل التطوعي ما يحتاج انو تكون بجمعية أو بمجموعة و تلتزم فيها, مقوّمها الأساسي انك تعمل شي ايجابي للمجتمع, حسب وقتك و استطاعتك.. و حسب حتى رغبتك و ميولك و هواياتك


طبعا بشجّع الجميع على التفكير بالعمل التطوعي كوسيلة دعم ايجابي للحياة الاجتماعية السليمة


تحياتي

طيب انو مو الحق بهالضعف على الجمعيات او المنظمات نفسها
أنو مثلا ما بيسوقو فكرت الجمعية بشكل صح ليقدرو يجذبو الشباب
يعني الشباب عنا 3\4 وقتو فاضي بين الشدة و الشوارع
يعني و لما تجي تقلون تطوعو لح يضحكوا انو شو يابا تطوع و شو هالحكي
طيب هالشي ما بدو معالجة بالتربية او حتى بالتدريس و المناهج

كاتب النص الأصلي : butterfly

رح أبدا الجمعيات اللي بتهمني واللي بيعنيلي جدا أني أدعو الاشخاص اللي عندن القدرة والوقت والرغبة أنن يشتغلو معن

أسرة الإخاء السورية
شعارها رائع :

" من أنت هذا لا يعنيني .. أنت تتألم هذا يكفي "

هي جمعية تهتم بمعالجة الأطفال ذوي الاحتياجات الخاصة ، تأسست في عام 1978

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

برجع للموضوع

كمبدئ و شعار بهني هالجمعية

كاتب النص الأصلي : Roaa

يوم عن يوم عم يزيدو الاغنياء .. بس بنفس الوقت ماعم يقلو الفقراء ..

بالعكس عم يكتروو ..

لو كل شخص غني ببلد معين تطوع او طلع جزء من الي معوو لأي عيله محتاجه

ماكان بقي فقراء وحتاجين بهالدنيا ..

يمكن بالنسبه الو شي حقير .. بس لغيرو بتعني كتير ..

أنا أكيد مع التطوع ببلادنا لانوو عدد المقتدرين والمرتاحين مو قليل ..

فيهن يقضوو عالقليله على نص الحالات الي بتحتاج لمساعده ..

هلق ام الروور خلطتي بين التطوع و التبرع

انا عما احكي عن شي ما بينشرى بالمال متل

زيارة لدار المسنين

زيارة لأطفال مصابين بالسرطان .

رحلة ل ذوي احتياجات خاصة


يعني طبعا العامل المادي بهيك حركات كتير مهم بس كمان العامل البشري مو قليل

متابعة ...

[whiterose]

حلو كتير

هاد من فترة قررنا انا واختي ناخد ولادها الى الحديقة
ووقع اختيارنا على حديقة السبكي في العاصمة دمشق


دخلنا واعدنا وعم يلعبو الاولاد ماشفنا غير سيارة على الاغلب للهلال الاحمر
ونزلو منها شباب بنات وصبايا
وفي اجانب كان جايين من بعض السفارات

ليقموا بعمل تطوعي وهو تنظيف جميع الحدائق العامة مع الاطفال الموجودين لنقوي عندهم حس النظافة

هي رقم واحد
ورقم 2
اللعب مع الاطفال بالعاب مختلفة
ودور حديقة السبكي هو اخر يوم سبت من كل شهر
اذا عبالك خيي اب وليم حول

[Marooshe]

زياد... طرحت موضوع كتير مهم..,

العمل التطوعي شي كتير مثري اجتماعيا وخطوه بالغة الاهميه بطريق التطور الاجتماعي
العطاء هو الشي يلي ما مننتظر مقابلو
والعظاء واجب ع يلي بيفكر ياخد
يعني مو معقول انا ضل اتوقع من بلدي ومجتمعي ومؤسساتي اشيا
وانا ما جرب حتى اني كونى جزء منها...

انا صرلي تلات سنين في خدمة التطوع وكتير مرتاحه نفسيا
هشي مابيتطلب مني اكتر من اربع ل- خمس ساعات اسبوعيات
ساعات لي قبل كنت اقضيهن على اتفه الاشيا

الاحساس انك بتعمل شي... بتساهم بشي وبتكون جزء من تقدم ونجاح شي، بيعطي الواحد طاقه ليكفي بغير مجالات... هي هيي الرساله الاجتماعيه يلي بتدق باب كل فرد فينا...

[هشام ابو شرار]

هيدا سيدنا العمل التطوعي شي بيعبر عن حضاااااااارة.....رقي ....تقدم....انتمااااااااء.....ب� � شلون لو قلنا انه كل موظفين الدولة من طبقة الياقات الزرق (وهلأ البيض كمان)بيشتغلو هيك عمل تطوعي شنو الراتب يللي بياخدوه ما بيكفي للخبز والمي والكهربا ....وباقي شغلهن رايح عمل تطوعي...حتى الجمعيات الخيرية بتوفر خبز ومي للمتطوعين..بقى نفس الشي....يارفيق العمل التطوعي شي بيتحقق في مجتمع( الحرية مو الضرورة) يعني الواحد لما يشبع حاجاته الغريزية الاساسية ويحصل على الامان الوظيفي والمستقبلي مستعد يكنّس عواصم الوطن العربي...مجانا!!بس على راي جان جاك روسو(كيف تطلب من انسان الانتماء الى مدينة لم يذق فيها غير الجوع والظلم-كتاب العقد الاجتماعي)

[..AHMAD]

طرح كتير حلو .. منبلش معكن

بس لنلحّق اعمالنا المأجورة وحياتك ما منقصّر بس مين عندو وقت؟؟
هاد الحكي باوربا بأمريكا.......بالبلاد الشبعانة

القصة مابدها نكون مستوفيين أعمالنا المأجورة لنقدر نبادر بعمل تطوعي
رح احكي عن حالي .. انا من الاشخاص اللي بوصل ل 5 الشهر راتبي ولا حبة منو .. وعليي ديون ما هب ودب .. هاد بيعني اني مو مستوفي أعمالي المأجورة .. او بالاحرى أعمالي المأجورة مانها كافية الي ولكن مع ذلك هالشي ما منعني اني قوم بعمل تطوعي .. اولاً واخيراً هالعمل التطوعي ما بيستدعي منك تدفع أي شيئ من جيبك .. إنما يمكن هوي بحاجة أكبر لمجهود شخصي، بحاجة لقدر كافي من الاحساس تجاه هالشيئ اللي عمنتطوع للعمل من أجلو .. الجمعيات الطوعية لما قامت ما كانت بحاجة ابداً لأي دعم مادي من الأفراد، ولو أنها بحاجة كانت اندرجت تحت الجمعية الخيرية قبل ما تدرج تحت تسمية جمعية طوعية.

أنو العمل التطوعي ببلادنا متل الضحك على اللحى (( وهاد ما انتقاص من قيمتو لا بالعكس العمل التطوعي كتير مهم وكتير اخلاقي )) بس للاسف يا أبو وليم ما عنا وعي اجتماعي مرافق لهيك عمل يعني عملنا مرة عمل تطوعي لتنضيف حي من الاحياء , أنو نحنا مبسوطين حاملين هالمكانس وهل الرفوشة ومازلين تنضيف بهل الشارع بيجو واذ ما منشوف غير ابن حلال بيجي لمحل ما منضفين وبكب زبالة بيتو وببابتسامه منتصرة يعني هاد بحد ذاتو ما بخليك تكره رب العمل على رب التطوع.
شغلة تانية بحملة التشجير (( عمل تطوعي )) بتكون شي زارع الشتلة بيجيك ولد صغير البرائة عم تشرشر منو بيشلع هالشتلة من محلها ليشبع ثقالتو وبيركد ورا رفيقو ليضربو فيها , حرام بدن يلعبو الولاد واسا بتقلي عمل تطوعي

فسحة أمل .. هالحكي كلو يدرج ضمن نطاق الأذى الشخصي إذا فيني احكي عنو هيك، انت لما قمت بزرع هالشجرة كرمال هالشجرة تطلع أشجار من وراها، نظفت هالحي من الاحياء كرمال سمعة هالحارة .. وهالحارة بتجر حارة وبتصير كرمال سمعة مدينة وسمعة بلد .
مانها مشكلتك ابداً انو طلع واحد بهيم وكب زبالتو او طلع ولد قليل ترباية خرب اللي انت عملتو، بالنسبة الي هاد الشي صحيح بيدايقني بوقتها لكن هالشي رح يخلي عندي اصرار اكبر انو استمر، واثبت لهالاشخاص الهمجيين ( هيك يفترض تسمايتهن )، انو مو هيك الحضارة.
حابب هون اذكر مثال يمكن بعيد يمكن قريب لكن يفترض ذكرو ..
مرة مرقت معي صورة لمحل "سوبر ماركت" كاتب على الواجهة :
"لا تبصق على الأرض يا مواطن،فأرض وطنك تستحق أن تقبلها."
هالجملة كتير بتحفزني عالاستمرار بالعمل الطوعي، وبتخليني اقتنع بزيادة انو العمل الطوعي كمان مانو بحاجة لجمعيات لتنفيذو، هالبادرة من صاحب هالمحل الي بكنلو أعظم درجات الاحترام بعتبرها عمل طوعي.

مافي احلا من العطاء المجاني .. صدقوني ما في احلى منه

خصوصا لما تلاقي جاب نتيجة

هلئ بدي احكي عن حالي شوي ..
من ناحيتي تطوعت بكتير جمعيات منظمة وغير منظمة ( غير منظمة بقصد فيها انا ورفقاتي ) وبمجالات عديدة ( الطفل - الاسرة - المدينة ... الخ )
كانت البداية بسنة الـ 2000 طلعت انا ورفقاتي ( تقريباً 12 شخص ) بنشر سور على طريق بستاننا بضيعتنا هالشي يمكن تشوفوه عادي كتير لكن مع وجود اسباب كـ ( سرقات للمواسم بشكل كبير يعني عنا بالضيعة معروف .. فوت اهلا وسهلا .. وتاكل من عنا مية اهلا وسهلا .. وخود للحبايب والقرايب قد ما بدك لكن لا تاخد لتتاجر .. ما منحاسبك ازا اشتهيت لقرايبك - رفيقك .. الخ صندوق تنين عشرة تفاح او دراق او كرز مثلاً بالعكس .. مننبسط كتير ... لكن ما مننبسط ابداً ازا اخدت سرقة لتتاجر فيهن وهاد للاسف الي كان يصير من الهجانة "حرس الحدود" ) لهيك بعلم جميع مالكين هالاراضي عالطريق الموجود بين بيتنا وارضنا "طريق طوله حوالي 9 كلم" تم نشر هالسور على طرفي الطريق لمنع هالقصص هي .. او عالقليل لتصعيب المهمة، وبناء هالسور تم بدون أي تكاليف ( عواميد من أشجار الحور ومعروف عن الحور قطاع فرع منو بيطلع عشرة + قشر شجر الحور للوصل بين هالعواميد ) هالحملة اكلت منا شغل بحدود الشهرين، يمكن ما نكون قدمنا شي .. او ممكن نكون قدمنا شيئ بسيط جداً ولا يستحق الذكر، لكن انا بالنسبة الي بعتبرو انجاز عظيم جداً.

اشتركت ب3 حملات لتنظيف نهر بردى بين أعوام 2002 و 2004 بالاتفاق مع السفارة اليابانية - والتانية مع السفارة الفرنسية - والتالتة رجعت مع السفارة اليابانية

وقت حرب تموز بلبنان صار توافد كبير عنا عالضيعة من اللبنانيين كمان تطوعت بتأمين شوية مستلزمات يومية ( خبز - اكل - خضار - ملابس ... الخ ) لأجلهم مع رفقاتي وهالعمل كان بالتنسيق فقط مع مختار الضيعة ولا دخل لاي جمعية او هيئة حكومية بهالشي

بالاضافة لتطوعي حالياً بعدة جمعيات طوعية بتتعلق بالأطفال والعجزة .. كان بودّي اعطيكن عناوين انترنت لهالجمعيات لكن للأسف ما عندهن مواقع، بلكي بحاول بوقت لاحق لأفضى شوي اني نزل نبذة عن هالجمعيات بالاضافة لوسائل الاتصال فيهن