إغلاق التلفاز لخمسة عشر يوماً

[ابو ريتا]

هل يجرؤ أحدكم على إغلاق التلفاز في منزله والامتناع عنه هو وأسرته لخمسة عشر يوماً؟


ولو قدّر له ونجح في ذلك ماذا تتوقع أن يحدث؟

بعض الدراسات والبحوث المتخصصة في علوم النفس والاجتماع تحمّل التلفاز مسؤولية الكثير من الأمراض الاجتماعية والنفسية السائدة في مجتمعاتنا الراهنة، من قبيل ضعف التواصل الاجتماعي حتى داخل الأسرة الواحدة، وتردي العلاقات الاجتماعية خارج الأسرة، وانحدار قدرات الأفراد على التأمل والتخيّل مما يؤثّر على قدراتهم الإبداعية، إلى جانب ما يسرقه التلفاز من أوقات ثمينة قد تستغلّ في أعمال أكثر إنتاجية.

وذهبت بعض الدراسات إلى أن الامتناع عن التلفاز لمدة خمسة عشر يوماً في بيت من بيوت مجتمعاتنا الراهنة سيؤدي إلى نتائج مذهلة من قبيل ارتفاع وتيرة التواصل بين أفراد الأسرة، وميل هؤلاء الأفراد لإعادة إحياء صلاتهم الاجتماعية المقطوعة خارج الأسرة وتعزيز تلك القائمة، إلى جانب زيادة إنتاجية الأفراد في العمل أو التحصيل العلمي، وميل الأفراد لقراءة الكتب، وارتفاع معدل الاهتمام بالجانب الروحي، وتزايد القدرات على التأمل والتخيّل.

لكن في المقابل، يعتقد بعض المختصين أن تلك الدراسات آنفة الذكر تبالغ في الآثار السلبية للتلفاز، كما أنها تراهن على قدرة أفراد مجتمعاتنا الراهنة على الاستغناء عنه، وهي قضية محل شك، فبعض المختصين يعتقدون أن الامتناع عن التلفاز أمر مستحيل، كما أنه، لو تم، فهو مضرّ، لأنه يفصل الفرد عن تطورات العصر، كما أن البعض يعتقد أن إغلاق التلفاز والامتناع عنه في منزل ما، بعد دهر من التعوّد عليه، سيؤدي إلى تفاقم الخلافات والمشاجرات العائلية، وربما الاكتئاب، نتيجة زيادة هامش الوقت المتاح للتفكير بالمشكلات الحياتية، إلى جانب تراجع ثقافة الأفراد وعجزهم عن الإطلاع على آخر تطورات وأحداث عصرهم.

فما رأيك فيما سبق؟
أياً من الرأيين تؤيد؟
وماذا تتوقع أن يحدث في بيتك لو نجحت في إغلاق التلفاز لخمسة عشر يوماً؟

[satoman]

والله بترتفع حرارتي انا شو اغلاق ماغلاق اكتر من 3 ايام صعب

[هشام ابو شرار]

يمكن انا اسعد انسان بهالكون لاني بمر شهر علي بدون ما افتح التلفزيون....كانه بالبيت متله متل المزهرية

[sona78]

اوؤيد جدا
بلا تلفزيون بلا طق الحنك

بس ما لازم ننتبه
انو النت اخد محلو!!!
اتخيلو 15 يوم بلا نت
ملاحظة
ضلينا سنتين بلا تلفزون ها !!!!
اكتر شي كان سيء انو فترتها طلع ع التفزين الليدي اوسكار وكنت رح طق انو ما اقدرت احضرها

[غيديون]

امتناع كامل.....يعني حجب نفسك عن العالم الخارجي....
ولكن انا اؤيد ان يكون هناك تصفية.....وانتقاء الاشياء الهامة فقط...
ومحاولة التخلي عن الهوامش....
ولكن هذا لا ينطبق على التلفاز فقط ولكن اضف اليه الانترنت.......

ولكن سؤال خطر لي لماذا 15 يوما تحديدا....

[sandra]

من تجربتي مع عيلتي ... لما منسافر عادة ... منستأجر بيت غالباً ما فيو تلفزيون، وفعلاً التواصل بين أفراد العيلة بيزيد ...
من حوالي السنتين كمان سافرنا كالعادة لكن هالمرة الشقة يلي استأجرناها كان فيها تلفزيون ... بصراحة أثر هالشي عالسفرة، ما عملنا نشاطات فيها متل العادة
بس كمان رأيي هاد مو دقيق لأن في عامل السفر وتغيير المكان لعب دور بقدرة العيلة عن الاستغناء عن التلفزيون
أما إذا ببيتنا نفسو صار هالشي ... بعتقد الكل بيتحمل إلا بابا
بدو يشوف شو صاير بالدنيا بدو يحضر الأخبار طول الوقت ... دايماً بيقلي لما بعاتبو من كتر ما بيتابع الأخبار ... يا بنتي حابكة منيح وقايمة القيامة

[ويحد سوري]

خي ابو ريتا
انا ما عندي تلفزيون و بس يصير عندي عيلة بعيد الشر
كمان ما بدي جيب تلفزيون
اصلا ثقافة التلفزيون ان وجدت بتخلص مع نهاية البرنامج

طبعا كمان اوفر للجيبة من حق دش و تلفزيوون وما بعرف شو

[marioma alghzayala]

ياسلام بلا تلفزيوووون ...ما بفطن فيه .. وما بطيقو .. .. بس مو بلا انترنت ..

[بنفسجة]

انا ما في داعي اغلق لان اصلا طول الاسبوع بسكني الجامعي ومابرجع الا جمعة وسبت ومابلحق اتفرج على شي
بالسكن في تلفزيون بس محتل من قبل الحلوات على قنوات روتانا ومازيكا
وبالبيت انا محتلة الحاسب تبعي

[romadiz]

بالله شو هادا التلفزيون ؟
انا سمعان بشي بيقولولو تلفزيون بس ماعاد اذكروا ...@@@
بس مو بلا انترنت الله يخليك ....

[Sarita]

انا شخصيا ما بقدر صراحة
هوي صحيح اني مدمنة انترنت وتلفزيون بس مرات لما بقعد ع النت بزهق بسررعة بصير بدي شوف تيفي
وخصوصا اني بحب احضر Momvies وهالشي سببلي هوس ما فيي انكر
وفعلا انا شخصيا ما بقدر اقعد بلا تي في اسبوع فما بالك اني ضلني ع هي الحالة لمدة 15 يوم شي كتيير

[ِAbu Alzooz]

اخر مرا صارت معنا طلعنا على البحر

بس انو بلا تلفزيون استئجرنا رجعنا على الشام كانت روسيا احتلت جورجيا

و انو انقامت الدنيا و ما انحطت و على شوي الحرب الباردة شعللت

بقا انا بعتذر اذا اسبوع هيك صار

بقا شلون 15 يوم

[homam85]

الفكرة صحيحة 100%
بس شو يللي بيضمن انو هالشخص ما يرجع بشغف اكبر من الاول للتلفاز؟؟
بتمنى لو فيني بلاه بس أنا بحس حالي عم اتواصل مع العالم كلّو من خلالووو

[Odell]

بعد شهور بلا تلفزيون بس بلا انترنت صعب

[yamen_h]

اسرع وسيلة من بعد الدرس لحتى اقدر نام هو التلفزيون ... بحس متل ما بقول زياد رحباني الاشعة اكس فيها يمكن تأثير مخدر عليي ... انا هيك كنت مفكر انو من الاشعة ...بس حاليا كمان على شاشة البلازما الكبيرة نفس الشي بعدني عم بنعس و بسرعة اكبر .... مع انو ما فيها لا أشعة ولا بطيخ ...

فعلا جد عم بحكي كل ما بجي بدي نام وبكون شوي عم عاني من ارق ... دغري بحط عالتلفزيون وبتفرج على اي شي ...
خلال عشر دقايق بكون غفيان ... و بلشت احلم ...

[يمان Rooooonaldo]

قعدت سنة كاملة .. اول فترة شوي صعبة .. بس انو عادي .. ما بتفرق كتير ..

يعني ما بتلاقيها صعبة كتير ..

[Acotas]

انا بصراحة التلفزيون ما بحب اتفرج عليه كتير
يعني ما بتفرء معي
عادي يمرء عليي فترة ما افتحو
يعني ازا شفت حدا فاتحو بعد بتفرج
بس اني انا تابع شغلة
لا ما بظن
حتى لما صارت حمى المسلسلات التركية
انا ما وصلتني العدوى

[Marooshe]

صرلي اكتر من تلات سنين ممتنعه عنو وما نقص من عمري شي...
التلفزيون بيملي فراغ الساعات بصوره جدا سخيفه وسطحيه ومبتذله وتجاريه... وعدا عن هيك مين فاضي؟
يعني العالم اليوم عندا اشيا تعملها بحياتها اهم بكتير من حرق الساعات ع برامج مابتحمل بطياتها شي عليه القيمه،
اديش مثلا الواحد فيو يشوف مسلسلات سخيفه مدبلجه او افلام فاتن حمامه وعمر الشريف او برامج رياليتي او سوبر ستار وولاد خالو... شي بيطقق يعني...