هل الشخص الأخلاقي هو الشخص المتدين حكماً

[عياش]

[FONT='Arial','sans-serif']عادة ما يولف سائقي باصات النقل الداخلي في الفترة الصباحية خصوصا الراديو على إذاعة القدس ومن فترة استمعت مكرهاً لخطبة لأحد الشيوخ تتكلم عن الأخلاق والتدين وأن الإنسان الصادق هو الإنسان المؤمن الصادق وليس المارق لأن هنالك رادعا دينيا قويا يعزز صدقه ويلزمه به (نار جهنم بالمختصر).[/font]



[FONT='Arial','sans-serif']فهل الأخلاق هي التي تنبع من الدين أم أن الدين هو من ينبع من الأخلاق كونه ربط تنفيذها بالثواب وعصيانها بالعقاب بينما الأخلاق بحد ذاتها التزام طوعي إنساني ومشتركة بين أديان عديدة سابقة (مع الأخذ بعين الاعتبار التغيرات الاجتماعية والبيئية والزمنية).[/font]



[FONT='Arial','sans-serif']هل الشخص الأخلاقي هو الشخص المتدين حكماً والأخلاق الحميدة هي المذكورة حصرا في الإطار التشريعي للدين أم أن من حق الإنسان الملحد مثلا أو غير المتدين أن يكون أخلاقياً بشكل يفوق المتدين حتى، خصوصاً أن دافعه للتخلق(التمسك بالأخلاق) دافع إنساني أولاً وأخيرا لن ينبه منه لا ثواب ولا عقاب.[/font]



[FONT='Arial','sans-serif']أليس اعتبار الدين قمة الرقي الخلقي وضع الأخلاق الاجتماعية تحت سقف واطئ فالدين لم يشمل أخلاقيات التصرف في جميع المجالات (لم يشرع مثلا الصعود للحافلة بالرتل ولم ينهى عن التدفيش ولم يذكر حكم الباصق من شباك نافذة سيارته ولم يحدد الضوابط الأخلاقية لقيادة السيارة....الخ) خصوصا في مجتمع يلتزم يلتزم بالدين كمعيار لتقيم الفرد يتدخل حتى في طريقة تحيته للآخرين.[/font]



[FONT='Arial','sans-serif']ألم يتعارض الدين في عدد من تشريعاته مع الأخلاقيات الإنسانية (تحريم الدين للتبني مثلا وهو عمل إنساني أخلاقي محمود، القتل بداعي الردة والتكفير وهو بتعارض مع شرعة حقوق الإنسان...الخ)[/font]



[FONT='Arial','sans-serif']هذه الأفكار خطرت لي بعد أن نزلت من الباص في ذلك الصباح دونتها واعتبرت نفسي المستفيد الأكبر من تلك الخطبة المسجلة التي كانت تبث على الإذاعة وسمعتها مكرهاً.[/font]

[أم الجود]

وعينا على فكرة انو الأديان هي مصدر شريعة الحياة السوية .. لهيك ارتبط بمفهومنا الدين بالأخلاق و هالشي طبعاً مو دايماً صحيح ..

- عندك الناس اللي بتمارس تعاليم الدين و مرات بتبالغ بهالشي لأنو إما بتكون عليها العين متل رجال السياسة و الفن و هيك بتكسب شعبية و تأييد و إما بيكون الها مصالح و بدها تحافظ عليها ، متل التاجر اللي بدو يورجي زباينو انو بيخاف الله و ما بياكول حرام (و هون بتذكر من فلم عمارة يعقوبيان شخصية نور الشريف لما بيكون تاجر متدّين و مكتّر و بيطلع بالأخير تاجر مخدرات !) طبعاً كلامي ما بيعني انو كل سياسي أو فنان متديّن ّهو منافق ولا كل تاجر متدّين هو حرامي أو تاجر مخدرات بس الفكرة اللي حابة وصلها انو في كتير ناس بتتغطى بستار الدين لتعمل أشيا مو مقبولة بولا دين أو شريعة ...

- و بالمقابل عندك ناس ما عندها دين بنوب بس عندها مثل و قيم عليا بتلتزم فيها و بتعيشها .. هدول الناس ممكن يكونوا صالحين أكتر بكتير من ناس مو فهمانة شي من دينها و متدينة هيك عالبيعة كرمال تمشي مع التيار و تنفد من انتقادات المجتمع اللي مرات بيكون عبارة عن أقرب المقربين : أهلنا و قرايبينا و جيراننا و رفقاتنا ...

و مو سهل علينا نحن الشرقيين نطلع من هي النظرة : بلا دين = بلا أخلاق ، و ما بنكر انو عيشتي بأوروبا ساعدتني أتقبل هالموضوع ...

[عياش]

كاتب النص الأصلي : أم الجود

وعينا على فكرة انو الأديان هي مصدر شريعة الحياة السوية .. لهيك ارتبط بمفهومنا الدين بالأخلاق و هالشي طبعاً مو دايماً صحيح ..

-


و مو سهل علينا نحن الشرقيين نطلع من هي النظرة : بلا دين = بلا أخلاق ، و ما بنكر انو عيشتي بأوروبا ساعدتني أتقبل هالموضوع ...

صديقتي أم الجود :
المشكلة إنو الدين ليس بالضرورة قمة الأخلاق الإنسانية ولما منقول الحياة السوية فيمكن منقصد فيها إنو الواحد لا يعتدي ع حدا ولا يسرق ولا يقتل وهاد الحد الأدنى المقبول للحياة الانسانية المشتركة وبالتالي الأشخاص يلي عم يعتبروا الدين قمة الأخلاق عم يحددو الأخلاق الاجتماعية بسقف واطئ جدا.

بلا دين = بلا أخلاق
لا شك أن هذه المساواة التي قمت بطرحها مساواة خطيرة جداً....والمصيبة أنها في تفاقم مستمر... ويمكن هذه المساواة هي التي تدفع الناس للتدين أو التمسك بأهداب الدين للهروب من التقيمات الاجتماعية التي طرحتها.

[wile]

هلأ مشان شغلة إنه المتدين قد لا يكون خلوقا وأن الخلوق قد لا يكون متدين فمعك حق بهي وصراحة أنا شفت من المتدينين السيئين الخلق لشبعت ولكن هادا لا ينفي إنه في كثير من الأحيان يكون الملتزم خلوقا ولكن مع وجود حالات شواذ (إنتشرت في الآونة الأخيرة)

أما إنه الدين لما إعتنقه الناس صارو خلوقين فهادا خطأ لأنه العرب في الجاهلية كان لديهم من الأخلاق الفاضلة الكثير وحتى الرسول -صلى الله عليه وسلم- قال (إنما بعثت لأتمم مكارك الأخلاق) أو كما قال

أما إنه الدين سقف الأخلاق عنده منخفض فما بصير تنسى دعوة الرسول للإلتزام بالأخلاق الفاضلة ونهيه عن إيذاء المسلمين مثل قال صلى الله عليه وسلم(والتبسم في وجه أخيك صدقة)أو كما قال و قوله(المسلم من سلم المسلمون من لسانه ويده) و أحاديث كثيرة تدعو إلى ترك الغيبة والنميمة والتعصب للعرق هذا عدا عن دعوته للتعامل العادل مع الوالدين والزوجة والعدل بين الأولاد و.. و....إلخ

[Nay]

من فترة مو بعيدة حكينا بهادا الموضوع بالاخوية..
على كل حال.. انا بعتقد انو علاقة الانسان مع ربو على اساس مبدأ المنفعة وانو لاتكذب مشان تفوت على الجنة هوي اللي بيحط من قدر الدين نفسو مو من قدر الاخلاق فقط..
ومنشوف دارجة كتير بالباصات العدادات اللي بيكون قاعد الواحد وعم يعد "الله اكبر" بواسطة جهاز صغير بيساعدو على احصاء عدد مرات تكرار هي الجملة.. وكأنو يوم القيامة رح يقعد على البازار مع الرب ويحصي هوي وياه كم مرة "الله اكبر " وكم مرة "لا اله الا الله" هي الثقافة بتحط وبتمسخ علاقة الانسان بدينو وبأخلاقو بنفس الوقت...
وشكرا عياش

[حنين.]

في حديث شريف يقول "ادا اتاكم من ترضون دينه وخلقه فزوجوه"
معناها ممكن يكون المتدين سيء الاخلاق واكيد بيكون تدينو ناقص جدا
المسلم ليس بالسباب ولا للعان ولا الفاحش ولا البذيء
ولا تجسسو ولا يغتب بعضكم بعضا
في كتير ايات واحاديث تحث على الاخلاق الحميدة ملخصها ان نبينا من اعظم بني البشر اخلاقا وهو قدوتنا
اللي بيقتدي ظاهريا بس بيكون العيب فيه
بالنسبة لقضية الترغيب والترهيب ليش دائما تتسى ان الناس مو كلهم على نفس القدر من الانسانية ومختلفين نفسيا حتى داخل اسرة واحدة
اللي تفكيرو راقي بيفهم برقي واللي ...
نقطة اخيرة اكيد طبعا ممكن بكون لاديني او ملحد في قمة الاخلاق
شكرا للجميع

[nour333]

كل الاديان من دون استثناءات دعت الى الاخلاق وحثت عليها
بس في كتير من الاخلاقيات بتتناقض مع مصالحنا الشخصية والانسان بطبعو اناني وبحب نفسو
من الاخلاقيات الصدق ومرات الصدق بحطنا بمواقف صعبه
لهيك بنلاقي الشخص اللي عندو اخلاق شخص كتير نادر ولما انزكر حديث اذا جاءكم من ترضون دينه وخلقه هاد الحديث دليل انو الخلق مفصول عن الدين ولو كل واحد متدين عندو اخلاق كان قال ص اذا جاءكم من ترضون دينه
بس متل ما قالت ام الجود في ناس بتاخد ستار الدين الظاهري حتى تخدع الناس انو عندا خلق يعني بنلاقي البعض مربي لحيه وبيضحك عناس ممكن تاجر نفوت على محلو بكون حاط على قنوات دينيه ومعلي الصوت وبس نشتري منو بنكتشف بعدين انو غشنا بالجودة او السعر...........الخ
نقطه اخيرة الناس صارت كمان عندها ردة فعل عكسية انو المتدين ما عندو خلق وهاد كمان غلط لهيك لازم التدين ما يكون مقياس للخلق او عدمو

[jovia]

موضوعك مثير للاهتمام وبهنيك عن جد على اسئلتك لانو كلها بتحمل تساؤلات بتدور بخاطر اغلب الناس يلي منون متبنيين دين وبحب اني رد عليك بكم بند اولهون
1- الدين الاسلامي او غيره كان ينبع من الاخلاق لان الاخلاق وجدت قبل ان يتواجد الدني بالتالي الانسان بطبعو فيه بذرة خير وفيه نازع الشر وكل من هدول التنين بيتغذى وبيكبر على اثر المحيط للي عم بيعيشو
2- متلما 1كرت سابقا انو الاخلاق موجودة بالبني ادم قبلما يتواجد الدين صدقني بتلاقي انسان ما عندو دين يمكن بيكون عم بيطبئ مبادئ الاخلاء وعم بيطبئ ما يامر به الدين بتشوفو بتقول يا خسارتو ما يسلم
3- بدي عقب على هي العبارات(لم يشرع مثلا الصعود للحافلة بالرتل ولم ينهى عن التدفيش ولم يذكر حكم الباصق من شباك نافذة سيارته ولم يحدد الضوابط الأخلاقية لقيادة السيارة....الخ) الدين بينهي عن فعل اي شي بيضر وبيادي للاساءة للاخرين او لذات الشخص يلي عم بيقوم بالاساءة ((لا ضرر ولا ضرار))
4- كوني انا مو متعمقة كتير بالدين وكوني عم بعطيك اللي بعرفو لح عقب على هي الجملة (تحريم الدين للتبني مثلا وهو عمل إنساني أخلاقي محمود، القتل بداعي الردة والتكفير وهو بتعارض مع شرعة حقوق الإنسان...الخ)هلا في شي بالدين بيقابل التبني واللي هو كفالة اليتيم وفي قول عن النبي بيقول (انا وكافل اليتيم في الجنة كهاتين (اشار الى السبابة والوسطى) وعلى فكرة تكفير البني ادميين قمة الخطا لانو بيكرهو بالدين بزيادة الا ازا كان عم بيشوه بمعالم الدين متلا او عم بيحرفو او هيك شي ، في كمان قتل بداعي الردة هي بصراحة ما بقدر فيدك فيها لانو انا مو معها مابعرف ما بدي اغلط بشي انا ما بعرفو
5- مشكور عالموضوع

[sandra]

أنا صاير عندي ردة فعل من الناس المتدينين، بحسهم فاقدي الأخلاق وعم يغطو هالننقص بادعاء التدين
صحيح كلامي ما بيطبق عالكل وغير قابل للتعميم لكن من ورا يلي عم نشوفو من جماعة التدين وكيف عم يتسعملوه كستار لأفعالهم القبيحة، صارت عندي هالفكرة

[wile]

يا جماعة ما بصير نقول على الدين ناقص أو مانو شامل أو بيضع معايير منخفضة للأخلاق لأنه الدين الله الي فرضه علينا فما بصير هيك نحكي ويا أخي الي بيشوف ناس ظاهرهم التدين مو يعني خلص هدول بمثلو الدين أو عم يطبقو الدين بحذافيرو وبعدين المجتمع ليش رأيه إنه المتدين منيح؟؟ ما لأنه عايشهم وشافهم يعني شغلة إنه المتدين منيح ما إجت من العدم أما إذا شفت متدين مانو منيح فما بصير دينه مو منيح ولكن الزلمة مانو منيح وبعدين المنافقين موجودين من زمن الرسول فمعقولة ما رح يكونو موجودين هلأ؟؟؟؟؟؟؟؟؟؟؟

[باشق مجروح]

يا جماعة ما بصير نقول على الدين ناقص أو مانو شامل أو بيضع معايير منخفضة للأخلاق لأنه الدين الله الي فرضه علينا فما بصير هيك نحكي ويا أخي الي بيشوف ناس ظاهرهم التدين مو يعني خلص هدول بمثلو الدين أو عم يطبقو الدين بحذافيرو وبعدين المجتمع ليش رأيه إنه المتدين منيح؟؟ ما لأنه عايشهم وشافهم يعني شغلة إنه المتدين منيح ما إجت من العدم أما إذا شفت متدين مانو منيح فما بصير دينه مو منيح ولكن الزلمة مانو منيح وبعدين المنافقين موجودين من زمن الرسول فمعقولة ما رح يكونو موجودين هلأ؟؟؟؟؟؟؟؟؟؟؟

الأخذ دائماً بالمسلّمات و تقييد العقل عن اثارة الجدل بخصوص اي شئ هو السبب في عدم التقدم الى الامام .
اليوم ما فيك تجي تقلي عن اي شئ ممنوع الاقتراب بدون بيان الاسباب المقنعة للعقل وما فيك تلغي العقل أبداً وطاقاته و اسئلتو الي بيضل يبحث الها عن اجابات .

منرجع للموضوع :

الدين ثورة سياسية ( برأيي الشخصي ) ان كانت مرتبطة باصلاح اجتماعي او اخلاقي أو لم تكن مرتبطة . للصراحة ما بشوف رابط قوي و متين بين التدين والاخلاق رغم انو كثير من الاديان دعت ببعض تعاليمها الى المثاليات و الاخلاق .
الاخلاق الفضيلة ممكن تكون موجودة عن الانسان المتدين و عند الانسان الغير متدين بنفس السوية و عدم وجودها كمان بيخضع لنفس المعيار .
على الرغم من ان الدين فكرة ممكن تهذب نفسيات بعض البشر لكن بشوف في كتير افكار غير دينية ممكن تعطي النتيجة نفسها والدليل المقارنة بين المجتمعات المتدينة و غير المتدينة اخلاقياً .

وشكراً عياش ع موضوعك الغني كالعادة

[مجنون يحكي وعاقل يسمع]

كاتب النص الأصلي : wile

أما إنه الدين سقف الأخلاق عنده منخفض فما بصير تنسى دعوة الرسول للإلتزام بالأخلاق الفاضلة ونهيه عن إيذاء المسلمين مثل قال صلى الله عليه وسلم(والتبسم في وجه أخيك صدقة)أو كما قال و قوله(المسلم من سلم المسلمون من لسانه ويده) و أحاديث كثيرة تدعو إلى ترك الغيبة والنميمة والتعصب للعرق هذا عدا عن دعوته للتعامل العادل مع الوالدين والزوجة والعدل بين الأولاد و.. و....إلخ

ملاحظة بسيطة بس:
يعني إيذاء غير المسلمين مو ناهي عنّو الإسلام واللا كيف يعني
وكمان غير المسلم لازم ما يسلم من لسان المسلم
وهاد الكلام مو شايف معي أنّو بيقطر تعصب ونازية وطائفية وفيك تقلي عن أي عدل بالنسبة للزوجة تتحدث الأديان وشلون ممكن يكون في عدل إذا قي أكتر من زوجة
وسلملي عليه وبوسلي عينيه وقلو إني بسلم عليه

[nour333]

كاتب النص الأصلي : wile

يا جماعة ما بصير نقول على الدين ناقص أو مانو شامل أو بيضع معايير منخفضة للأخلاق لأنه الدين الله الي فرضه علينا فما بصير هيك نحكي ويا أخي الي بيشوف ناس ظاهرهم التدين مو يعني خلص هدول بمثلو الدين أو عم يطبقو الدين بحذافيرو وبعدين المجتمع ليش رأيه إنه المتدين منيح؟؟ ما لأنه عايشهم وشافهم يعني شغلة إنه المتدين منيح ما إجت من العدم أما إذا شفت متدين مانو منيح فما بصير دينه مو منيح ولكن الزلمة مانو منيح وبعدين المنافقين موجودين من زمن الرسول فمعقولة ما رح يكونو موجودين هلأ؟؟؟؟؟؟؟؟؟؟؟

كاتب النص الأصلي : مجنون يحكي وعاقل يسمع

ملاحظة بسيطة بس:
يعني إيذاء غير المسلمين مو ناهي عنّو الإسلام واللا كيف يعني
وكمان غير المسلم لازم ما يسلم من لسان المسلم
وهاد الكلام مو شايف معي أنّو بيقطر تعصب ونازية وطائفية وفيك تقلي عن أي عدل بالنسبة للزوجة تتحدث الأديان وشلون ممكن يكون في عدل إذا قي أكتر من زوجة
وسلملي عليه وبوسلي عينيه وقلو إني بسلم عليه

ما رح رد عليكم غير
قولو ص من آذى ذميا فقد آذاني

[مجنون يحكي وعاقل يسمع]

كاتب النص الأصلي : nour333

ما رح رد عليكم غير
قولو ص من آذى ذميا فقد آذاني

والملحدين والعلمانيين واللا دينيين والسيخيين والكونفوشيوسيين والللللخ
ولا تنسي المغضوب عليهم والضالين اللي هني الذميين تبعك نفسون
وهي دويخة الخروج منها أصعب من الدخول فيها
وبلا ما نبوظ الموضوع

[saman]

كاتب النص الأصلي : مجنون يحكي وعاقل يسمع

والملحدين والعلمانيين واللا دينيين والسيخيين والكونفوشيوسيين والللللخ
ولا تنسي المغضوب عليهم والضالين اللي هني الذميين تبعك نفسون
وهي دويخة الخروج منها أصعب من الدخول فيها
وبلا ما نبوظ الموضوع

ازا من هالناحية .. فيك تقرا الحديث الاول يلي بتوقيعي وبتعرف الجواب

[wile]

كاتب النص الأصلي : nour333

ما رح رد عليكم غير
قولو ص من آذى ذميا فقد آذاني

لك ليش أنا حكيت على شي حدا شي؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟

هو فجأة إنفجر بوجهي من غير مقدمات

[Samer1234]

برايي
الدين = اخلاق
الاخلاق =دين
الدين والاخلاق = عمل
عامل الناس كما تريد ان يعاملوك
البير بينضح بما فيه والشجرة تعرف من تمارها

[wile]

كاتب النص الأصلي : مجنون يحكي وعاقل يسمع

ملاحظة بسيطة بس:
يعني إيذاء غير المسلمين مو ناهي عنّو الإسلام واللا كيف يعني
وكمان غير المسلم لازم ما يسلم من لسان المسلم
وهاد الكلام مو شايف معي أنّو بيقطر تعصب ونازية وطائفية وفيك تقلي عن أي عدل بالنسبة للزوجة تتحدث الأديان وشلون ممكن يكون في عدل إذا قي أكتر من زوجة
وسلملي عليه وبوسلي عينيه وقلو إني بسلم عليه

حبيب إذا مانك مسلم ممكن تقلي شو فهمك بالإسلام؟؟؟؟؟؟؟؟؟

وبعدين إذا كل هلقد متضايق من الإسلام إيه لا تصير مسلم حدا غصبك شي؟؟

وإذا كل هل القد الإسلام ظلم فيك تقلي ليش عم يزداد أعداد الداخلين بالإسلام يوما بعد يوم؟؟؟؟؟

وإذا المسلمين ما بدهم يسلموا عليك سلام الإسلام لازم تغصبهم يعني؟؟؟؟؟

وبعدين حدا قلك تزوج أكثر من زوجة ؟؟؟
لك إذا المسلم بدو يتزوج أكثر من وحدة والنسوان موافقين بصير تقوله لاء؟؟؟
لك يا أخي والله شي عجيب منيح ما غصبناك تصير مسلم شو كنت ساويت؟؟

عالعموم أنا ما قصدي لا إقدح فيك ولا ضايقك بس فوتتك خلتني عصب وإذا حسيت إنه حكيي في إهانة مني فأنا باعتذر عما بدر مني وبإتمنى ما تكون زعلت أو تضايقت وحقك علي