تع دوّن تع دوّن تع - بلوغ سبوت

[Abu ToNi]

مرحبا شبيبة

من فترة طلعلنا حج ياسين بفكرة التدوين وعرفنا على شي اسمه عالم التدوين وكيف بيفتل وكيف بتطلع من الحيطان الفايتة فيك بالموضوع هاد :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

واللي كان السبب الأساسي لأكتر من 10 أشخاص ليفوتوا بعالم التدوين "بيناتن انا "
- بنصح الكل قبل الفوتة بالموضوع هون قراءة الموضوع تبع ياس بالتفصيل الممل لأن اذا ما فهمت شو هية المدونة ما فينك تعمل شي بالموضوع هون -

وكان في حلم او شبه حلم انه ينعمل شبكة أخوية ( واللي على فكرة بديت تنشأ بشكل أو بآخر .. حالياً في أكتر من 15 مدونة جدا راقيين بمجتمع المدونات السورية أصحابن أعضاء عنا بالأخوية والحلو فيها أنه المدونات كلها بتحسها "أخوية " يعني بحكي عن حالي بأن مدونات الاخويين فيها شي مميز من التفكير أو العرض أو حتى البساطة والمتعة )


ومن فترة كمان طلعتنا الحجة مرسيل بفكرة أنه كل شخص مدون لازم يلعب دور فعال بعالم التدوين ويعرف بقية الشعب على هلعالم الرائع لنتساعد كلنا بتطوير الشي اللي اسمه " مجتمع المدونات السورية "

محسوبكم ما بيطلع بأيده يشجع حدا وما بيطلع بأيده يمسك بأيد حدا ويقطعه السكه .. فانه يعني خطرلي غير طريقة بقدر ساعد فيها الأشخاص اللي فعلا حابين يفوتوا بعالم التدوين ، العالم اللي كتير من اللي بعرفن بيترددوا من الفوتة عليه لأسباب تقنية بحته متل انه ما بيعرف كيف يغير القالب ما بيعرف كيف يدير المدونة تقنيا
فخطرلي انه ليش ما بفيد العالم بهلكام معلومة برمجية اخدتها بالجامعة ؟

لأني تذكرت وقت بلشت اعمل مدونتي لاقيت أكتر شي مشاكل تقنية وكفرته لزين لبين ما مشي حالي وعرفت اشتغل بالمدونة
فالموضوع هون هوي مخصص لكل شخص حابب يغير بمدونته ( لون الخط الافتراضي - حجم الخط الافتراضي - محاذاة الأحرف بالمدونة-مكان القوائم - حجم القوائم - أبعاد المدونة ككل - حجم الصورة بالبانار الفوقاني -اضافة غنية بتشتغل من المدونة ذاتها - اضافة ألبوم بصور انت بتنقيها - .. الخ من حشكيل المدونات) أو صاير معه مشكلة تقنية وما عم يلاقي الها حل أو حابب ينسف مدونته عن بكرة أبيها ويغير القالب تبعها فأنا جاهز بالخدمة وبتعديل القوالب وتعريبا .

بتمنى أقدر فيدكن على قدر استطاعتي

هاموش : بدي حاول كل فترة والتانية الطشلي كام فكرة من النت وجبلكن ياها لحتى جماعة المدونات الماشي وضعن تقنيا يطوروا حالن ويطورا مدوناتن .

[رجل من ورق]

اي بدي ارشادات عامة بالورد بريس بالضبط

[kosayka2]

إي خيو مشي الحال

مشكور جدا .........

بس في كم شغلة كمان

أولها أنو كيف بدي ضيف للرسالة كلمة أقرأ المزيد

أبو طوني عطاني مرة طريقة بس ما ظبتت معي لان يمكن في مشكلة بالقالب ......


فأنت عندك شي حل ؟؟؟؟؟؟؟؟؟؟؟؟؟؟؟؟

[kosayka2]

شلونك أبو طويناه

خيو بس سؤال هلق كيف فيني سوي قائمة حطها بأول المدونة و حط فيها روابط لأخر المواضيع النازلة ؟؟؟؟؟

يعني انو سوي متل جدول فيو أخر المواضيع النازلة على المدونة ؟؟؟؟

فيني و لا لا ؟؟؟؟؟؟

[kosayka2]

شباب طيب كمان سؤال

هي




فيتي غيرها شي ؟؟؟؟؟

[jankasanova]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هالموقع فيه حوالي 28 صفحة فيهم مجموعة حلوة من القوالب للمدونات.

[boozy]

بلييييييييييييييييييييييي يس هيلب
عملت مدونة قبل كم يوم
يعني جديدة على هلشغلات وطبعا استندت على موضوعك وتعليماتك بالحرف
بس..........
القالب تبعي من الموقع نفسة
لما نزلت قالب جديد راح عندي الشريط الفوق الي مكتوب في ( تخصيص, تسجيل دخول, لوحة التحكم ) ............ وهلاشياء
وهذي مشكلة كيف فيني اعمل اعدادات اذا راح الشريط؟
رجعت القالب الكلاسيك لان كنت خازنته على الهاردوير " حسب نصيحتك" مشكورا
بس ظل في مشكلة وحدة: وهي اني كيف فيني قسم لصفحات مثل البقية
يعني كل الي بدي صفحتين وحدة لكتاباتي ووحدة لرسوماتي .. بس.
عملني كيف اعمل صفحات

[Abu ToNi]

كاتب النص الأصلي : boozy

بلييييييييييييييييييييييي يس هيلب
عملت مدونة قبل كم يوم
يعني جديدة على هلشغلات وطبعا استندت على موضوعك وتعليماتك بالحرف
بس..........
القالب تبعي من الموقع نفسة
لما نزلت قالب جديد راح عندي الشريط الفوق الي مكتوب في ( تخصيص, تسجيل دخول, لوحة التحكم ) ............ وهلاشياء
وهذي مشكلة كيف فيني اعمل اعدادات اذا راح الشريط؟
رجعت القالب الكلاسيك لان كنت خازنته على الهاردوير " حسب نصيحتك" مشكورا
بس ظل في مشكلة وحدة: وهي اني كيف فيني قسم لصفحات مثل البقية
يعني كل الي بدي صفحتين وحدة لكتاباتي ووحدة لرسوماتي .. بس.
عملني كيف اعمل صفحات

بما انه سؤال عاجل فبده جواب عاجل

بالنسبة للشريط تبع البلوغر نفسه فهاد ممكن استرجاعه عبر التعديل بالكود ومافيها القصة وجع عراس يعني بسيطة كتير
بس ما فهمت عليكي شو قصدك بتقسيم الصفحات ؟
بتعني انه بدك يكون في شريط افقي عرضاني بأول الصفحة فيه روابط لكتاباتك وروابط لصورك ؟
بتمنى توضحي اكتر لاقدر فيدك + شوفي الموقع اللي حطلنا ياه جورج :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

انا تصفحته وشف القوالب اللي فيه .. شي أكتر من رائع ومخدم بطريقة ممتازة
اذا بدك تنقي قالب منه وانا عربلك ياه وزبطلك قصص المحاذاة ليتحول للغة العربية ما عندي مشكلة
انتِ بس اختاري القالب وحطيلي اللينك تبعه وانا بأقرب فرصة بعملك ياه

----------------------------
قصي .. راجعلك

[Abu ToNi]

كاتب النص الأصلي : kosayka2

شباب طيب كمان سؤال

هي




فيتي غيرها شي ؟؟؟؟؟

اي طبعا فينك تغيرها
أول شي بتعمل حجم اللوغو الي بدك تستعمله 16×16 بيكسل أو أصغر ( اذا بتقدر )
الصورة لازم يكون امتدادها من الشكل ico
يعني بدل الـ gif - jpg - png لازم تكون عم تشتغل بالـ ico

في برنامج على النت حجمه تقريبا 1 ميغا وأقل بيقدر يعملك هلشي
اسمه imagicon بحبش عليه لتقدر تحول الامتداد لـلشي اللي بدك ياه


بعد ما تغير لاحقة الصورة وترفعها على النت

بتروح على صفحة تحرير الـ html الخاصة بمدونتك وبتعمل سيرش Ctrl+F على الجملة التالية ( الكود يعني ):

<title><data:blog.pageTitle/></title>

اذا ما شاف المتصفح انه في عندك هلجملة بتحط اشارة صح على " توسيع قوالب عناصر واجهة الاستخدام " وبتعمل السيرش .

محل ما بينقلك المتصفح
بتضيف مباشرة الكود التالي :

<link href=’URL of your uploaded icon file‘ rel=’shortcut
icon’ type=’image/x-icon’/>

وبتستبدل الأحمر بلينك الصورة

بتعمل save ويا دار ما دخلك شر

هاموش : تأكد من تنزيل نسخة من القالب عندك على الجهاز قبل ما تبدا تشتغل مشان ما يروح تعبك علفاضي .

[رجل من ورق]

غابي يا غابي
نزلت بانر لمدونتي بس لسا عم تطلعلي عبارة
manofpaper,s blog
كيف بدي شيلا؟

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

طس

[رجل من ورق]

سؤال تاني للورد بريس كيف فيني ضيف غنية؟

[Abu ToNi]

كاتب النص الأصلي : رجل من ورق

غابي يا غابي
نزلت بانر لمدونتي بس لسا عم تطلعلي عبارة
manofpaper,s blog
كيف بدي شيلا؟

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

طس

واذا ما طسيت ؟
بكل الأحوال حتى لينك الصورة مانك عاطيني ياه صح
انا رجعت بحبشت بصفحتك وشفته للينك :
http://themanofpapers.files.wordpres.../cropped-5.jpg

ما عندي خبرة بالوورد بريس بطاطا بطاطا لهيك بدك تستنى حميدوش ليساعدك
هي اذا كان على باله يطس طبعا

[..AHMAD]

هي اذا كان على باله يطس طبعا

طاسس طاسس ... بس ماني فاضي حتى اني افتح لينك

بدكن ما تواخزونا ... بس لاول الشهر منرجعلكن

[boozy]

ميرسييييييييييييييييييي
كتير ابو طوني
هاد الرابط تبع القالب

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

قصدي علصفحات هي مثل هذا القالب الي فوق:
home
about
posts rss
contact وغيرها
انا مثلا بدي اعمل صفحة للوحاتي وصفحة لكتاباتي وصفحة ميوزيك
كيف اغيرهن؟
واذا مثلا بدي ضيف كيف ذيف او احذف هيك شي.
وميرسي كتييييييير مرة ثانية

[Abu ToNi]

اوكي فهمت عليكي شو بدك منه والقصة محلولة وبسيطة
خلال 28 ساعة بالكتير بكون القالب خالص عندك وجاهز للتركيب

بس ما فهمت طلب الأول تبع البار العلوي
بدك يطلع البار تبع البلوغر على المدونة ؟
بالحالة الطبيعية العالم بتركض لتشوف شي طريقة تحذفه لهاد البار لأنه بيفضح الصفحة بأنها بلوغ وغيابها بيوحي للعالم بالاحترافية وانه موقع نظامي محجوز المساحة
اذا بدك الغيلك الكود تبع اخفاءه بلغيلك ياه ما عندي مشكلة بس أكديلي طلبك

[boozy]

طيب اذا لغيته كيف فيني اعمل تخصيص؟
اذا تشوفه تمام اوك انت ادرى فوت بفالك اخوي
دربك خضر(حسب قول اخوانه الخليجيين)

[zen]

ابو طوني يعني بقدر وسع القالب
يعني مثلا اذا بتشوف مدونتي فوق في عندي اربع فقشات الهوم وماي فيس بوك وصورة وحكاية وبيكتشرز
فيني ضيف شي عليهون
وكيف

[Abu ToNi]

لا صعب شوي بدك تغير ابعاد القالب كله
يعني شدك طماع صورة مع أربع لينكات فوقانية وما عاجبك الوضع