هل تؤمن بالحظ ؟

[المحارب العتيق]

هل تؤمن بالحظ؟

مواضيع للحوار

في الوقت الذي يعتقد فيه البعض أنه قد كتبت عليهم التعاسة، لأن الحظ مفارق لهم دوماً، وأن نظراء لهم سعداء لأن الفرص الجيدة تأتي إليهم بنفسها، في حين يكدّ آخرون بجهد كبير دون أن يحصلوا لقمة العيش، وآخرون ينعمون بالكثير من النعم، في حين يحظى آخرون بالكثير من المصائب والتي عادة ما تتتالى عليهم بصورة متوالية....




كل ذلك نتاج الحظ...فإن كان الشخص سعيد الحظ فليس عليه أن يحمل همّ شيء، والعكس صحيح تماماً، وبناء على ذلك تداول أجدادنا المثل الشعبي الشهير "حظ عطيني وبالبحر ارميني".

في المقابل يعارض آخرون هذه النظرية، ويعتقدون أن الإنسان وحده من يصنع حظه، وهو وحده من يجلب على نفسه الحظ التعيس، فالمتواكلون المستسلمون من أول محنة تواجههم، لن يتمكنوا يوماً من تحقيق ما يحققه أولئك الذين تواجههم الصعاب المتتالية فيتجاوزنها بثبات وإرادة الواحدة تلو الأخرى فيكونوا من الناجحين، فالقضية قضية إرادات وعمل حثيث، وليست قضية مقدرات محسومة سلفاً، إلا في الحالات الخارجة عن إرادة البشر.

فما رأيك فيما سبق؟
هل حقاً هناك أناس محظوظون وآخرون "منحوسون"؟
هل تؤمن بالحظ؟ أم تعتقد أنه مقولة للتواكل والاستسلام؟

[المحارب العتيق]

من فترة كنا عم نتناقش أنا وصديقي جاد 81 بموضوع اشمل شوي . وتوقفنا عند نقطة الحظ وأنو في اشخاص محظوظين ولا لاء؟ . وقديش الحظ ممكن يلعب دور بنجاح الانسان ؟ . وكتير من الشغلات يلي ممكن تطلع بقلي النقاش

[homam85]

الحظ ضروري بكتير أشياء بس مو بكل شي..في أمور ما بتحتمل انتظار الحظ

[mmafia]

أنا أؤمن بالقدر لكن أيضا الحظ لا يأتي إلا بالجهد والتعب .

[المحارب العتيق]

كاتب النص الأصلي : homam85

الحظ ضروري بكتير أشياء بس مو بكل شي..في أمور ما بتحتمل انتظار الحظ

صح . بس مابتاشاركني الرأي أنو الناجحين كان في دور كتير كبير بحياتهم للحظ بالاضافة لمجهودهم . وهو الشي يلي ميزهم عن من يملك المجهود فقط ؟

[المحارب العتيق]

كاتب النص الأصلي : mmafia

أنا أؤمن بالقدر لكن أيضا الحظ لا يأتي إلا بالجهد والتعب .

مافهمت . كيف فيني أتعب لأحصل على الحظ ؟

[mary belle]

كاتب النص الأصلي : المحارب العتيق

مافهمت . كيف فيني أتعب لأحصل على الحظ ؟

انا رح رد..
انو لو انت بدك يسير معك مصاري او حابب تسير مهندس (مثلا) اوكي: لو ضليت تدعي من هلأ لمدري قديش و انتي قاعد اكيد ما رح يسير معك مصاري و ما تحلم تسير مهندس
يعني بهالحاله لتحقق هالشي لازم تتلحلح و تدرس و تشتغل (هون التعب ) و بعدين بقدرتك و تعبك بتحقق يلي بدك ياه..(المهم ما تضل قاعد)

مم هلأ وين الحظ من الموضوع؟ سألت انت :

بما انو الواحد قاعد لا شغله و لا عمله بحس انو ما في حظ وانو ما في شي بيحلم فيه بيتحقق,,,اما ازا الواحد سعى ليحقق طموحه و احلامه فهون بقى هو و شطارته ..و ازا مصّر انو يوصل للي بدو يا رح يوصل (ساعتها بسير الحظ حلو )



احم احم اتمنى تكون وضحت الرؤيا




بالنسبه الي بؤمن بوجود الحظ

[المحارب العتيق]

كاتب النص الأصلي : mary belle

انا رح رد..
انو لو انت بدك يسير معك مصاري او حابب تسير مهندس (مثلا) اوكي: لو ضليت تدعي من هلأ لمدري قديش و انتي قاعد اكيد ما رح يسير معك مصاري و ما تحلم تسير مهندس
يعني بهالحاله لتحقق هالشي لازم تتلحلح و تدرس و تشتغل (هون التعب ) و بعدين بقدرتك و تعبك بتحقق يلي بدك ياه..(المهم ما تضل قاعد)

مم هلأ وين الحظ من الموضوع؟ سألت انت :

بما انو الواحد قاعد لا شغله و لا عمله بحس انو ما في حظ وانو ما في شي بيحلم فيه بيتحقق,,,اما ازا الواحد سعى ليحقق طموحه و احلامه فهون بقى هو و شطارته ..و ازا مصّر انو يوصل للي بدو يا رح يوصل (ساعتها بسير الحظ حلو )



احم احم اتمنى تكون وضحت الرؤيا




بالنسبه الي بؤمن بوجود الحظ

أنا معك . بس هاد نتائجو بتكون جاية من عمل وتعب مو من حظ . بركدا وانا قاعد شافني احدهم قاعد وعطاني شي اشتغلو كان فرصة العمري يلي ممكن تنقلني لشغلات بعيدة بعدها

[هدوء البحر]

اي بتعرف ليش بأمن لانو في ناس كتير بعرفها محظوظين

[mary belle]

كاتب النص الأصلي : المحارب العتيق

أنا معك . بس هاد نتائجو بتكون جاية من عمل وتعب مو من حظ . بركدا وانا قاعد شافني احدهم قاعد وعطاني شي اشتغلو كان فرصة العمري يلي ممكن تنقلني لشغلات بعيدة بعدها

ساعتها بكون حظك كتير حلو ..
فبلا نئ
اما ازا مرء من حدك و ما عبرك يا مسكين بترجع لحالة الكأبه و الاحلام

[المحارب العتيق]

كاتب النص الأصلي : هدوء البحر

اي بتعرف ليش بأمن لانو في ناس كتير بعرفها محظوظين

ممكن تحكيلنا أكتر عن حظهم . كيف حسيت أنو هدول محظوظين ؟

[المحارب العتيق]

كاتب النص الأصلي : mary belle

ساعتها بكون حظك كتير حلو ..
فبلا نئ
اما ازا مرء من حدك و ما عبرك يا مسكين بترجع لحالة الكأبه و الاحلام

طيب اذا ماعبرني . بكون طبيعي ولا منحوس ؟

[هدوء البحر]

كاتب النص الأصلي : المحارب العتيق

ممكن تحكيلنا أكتر عن حظهم . كيف حسيت أنو هدول محظوظين ؟

يعني كتير ناس بعرفها كيف كان حظها ولقت شغل ما كان يحلم بربع الشي يلي محصلو وبنفس الوقت ماعندو شي ليعطيه لهاد الشغل بس حظو الحلو وطلعتلو هيك شغلة

[المحارب العتيق]

كاتب النص الأصلي : هدوء البحر

يعني كتير ناس بعرفها كيف كان حظها ولقت شغل ما كان يحلم بربع الشي يلي محصلو وبنفس الوقت ماعندو شي ليعطيه لهاد الشغل بس حظو الحلو وطلعتلو هيك شغلة

أيه الله يطعمنا حظهم

ياترى بالمستقبل لما العالم ممكن تقيمو . رح تقول عنو أنسان ناجح ولا أنسان محظوظ ؟

[mary belle]

كاتب النص الأصلي : المحارب العتيق

طيب اذا ماعبرني . بكون طبيعي ولا منحوس ؟

اكيد بتكون طبيعي
ما في انسان منحوس
الواحد هو بقرر كيف رح يكون يعني ازا من اول حياته ما عرف كيف يبلش صح ساعتها اكيد في اشيا كتير ما رح تكون مفتوحه قدامه بسهوله و هيدا ما بدل انو الشخص منحوس بالعكس
ممكن يكون مخباله لبعدين شي حلو ..


طيب سؤال الك: هلأ انت كتبت هالوضوع نتيجة شي شخصي او لتشوف ازا في حدا عندو نفس وجهة نظرك او لتشوف غيرك كيف بفكر؟؟

حاسه حالي دكتورة نفسيه

[sandra]

قالوا ... حظ عطيني وبالبحر ارميني

[المحارب العتيق]

كاتب النص الأصلي : mary belle

اكيد بتكون طبيعي
ما في انسان منحوس
الواحد هو بقرر كيف رح يكون يعني ازا من اول حياته ما عرف كيف يبلش صح ساعتها اكيد في اشيا كتير ما رح تكون مفتوحه قدامه بسهوله و هيدا ما بدل انو الشخص منحوس بالعكس
ممكن يكون مخباله لبعدين شي حلو ..


طيب سؤال الك: هلأ انت كتبت هالوضوع نتيجة شي شخصي او لتشوف ازا في حدا عندو نفس وجهة نظرك او لتشوف غيرك كيف بفكر؟؟

حاسه حالي دكتورة نفسيه

أنا كتبت لكل هدول سوا . أنا بؤمن بوجود الحظ . وبشكل كبير كمان . بس بحاول كون علمي ومنطقي قد مافيني . ياترى العلم شو وجهة نظرو بهالقصة ؟ عندك معلومات ؟

[المحارب العتيق]

كاتب النص الأصلي : sandra

قالوا ... حظ عطيني وبالبحر ارميني

بسم الله من وين نطيتيلي

كنتي ببالي وأنا عم أكتب أخر رد مشان اسألك علم النفس شو بيقول بالحظ ؟ . مالقيتك غير كاتبة رد