هل الغربة هي حل ام هروب

[DARKNESS]

حبيت افتح هالنقاش

يا ترا الواحد احسن يضل بالبلد و يشتغل فيها و يرضى بالنصيب

او انو يسافر و يتغرب و يشوف الحياة برا و يبني مستقبلو احسنلو يعني انت مع او ضد الغربة؟

و برأيكن الغربة هي حل لمشكلة العمل ام هروب من الواقع العايش في الواحد

و كمان الواحد اذا تغرب و طلع و عاش و شاف الحياة بالدول المتقدمة و الغنية في يستوعب الرجعة عالبلد متل ما كان بعد ما شاف اخر الصيحات

بتمنى يكون نقاش بناء و انا رح حاول ضيف مجموعة اسئلة كل فترة من شان تتوضح الصورة العايشين فيها الشباب المتغربين و مشاعرن و نشوف رأي الشباب القاعدي بالبلد

[Black Orchid]

بصير تكون هزوب لايجاد أكتر من حل

[DARKNESS]

كاتب النص الأصلي : Black Orchid

بصير تكون هزوب لايجاد أكتر من حل

بيصير ليش ما بيصير بس شو الحلول برايك

[Maher 4x4]

الغربة حلوة بتعلمك أشياء جديدة و بتقوي من قلبك ومن قراراتك ، رح تصادف مشاكل كتير فيها و مشاعرك رح تكون حسّاسة بالبداية و رح تحن لوطنك

بس من أول ما ترجع أول مرة لبلدك رح تحس أنك حابب ترجع تسافر " ليش " ؟ لأنّك حسيت أنك حابب تستكشف أكتر و قلبك صار مفتوح أكتر لتقبّل الجديد ... هي من الناحية المعيشية ..

أما من ناحية العمل فالعمل في بلدك أذا كان بيكفيك من الناحية المعيشية و بيشبع رغباتك المعقولة و ممكن أن يحقق لك مخططات على المستوى القريب على الأقل فهو الأنسب من العمل خارج البلاد ....

[Najm]

للغربة أكثر من معنى فغربة الإبتعاد عن الوطن ومسقط الرأس غربة جغرافية والتي يقصدها الإنسان سعيا وراء العيش بكرامة وفي سبيل تأمين لقمة عيش تقيه العوز والحاجة أو يقصدها للدراسة والتكوين ومن ثم بناء مستقبله وما كان يحلم به. فهذه الغربة رغم ما يعانيه بها الإنسان من حنين للموطن والأهل والأحباب..فهي تعود عليه بالخير الكبير ليس ماديا فقط بل معناويا،فكريا وشخصيا فهو يكتسب تجربة في الحياة ربما لا يدركها سوى بعد مرور السنين.
هناك غربة قاتلة وتفوق بكثير الغربة الجغرافية وهي الغربة داخل الوطن..
كأن ترى الظلم والديكتاتورية والنظام المتمثل في الفوضى والقهر وإعدام حرية التعبير عندها تشعر بالغربة داخل الوطن..
وعندما ترى الإنحلال وعدم التفاهم حتى في الأوساط العائلية عندها تحس بالغربة بين أهلك وأصحابك..
عندما ترى أحلامك ـ البسيطة ـ تتبخر أمام عينيك حينها تحس بالغربة
فالإبتعاد عن الوطن في نظري ليس هروبا من الواقع أو من الوطن أكثر منه هروبا من الغربة في معناها العميق¨
وصدق من قال: الفقر في الوطن غربة، والغنى في الغربة وطن
والفقر والغنى لهما أكثر من بعد في هذه القولة..

[sandra]

بعتقد لكل واحد بيفكر بالغربة ظروفو الخاصة وأسبابو لهيك ما فينا نقول الغربة حل أو الغربة هروب للكل

مع انو حاسة هنن وجهين لعملة واحدة

[mblue]

برايي الغربة هي وسيلة وليست حل فكل انسان في النهاية رح يرجع لوطنه سواء على اقدامه او على الأكتاف
لذلك الغربة هي وسيلة لحتى يتعلم الانسان ويكتشف ثقافة جديدة وطرق جديدة وينمي افكاره وامكانياته لحتى يقدر في النهاية انه يرجع لوطنه ويحاول ينفع غيره بخبرته اللي اكتسبها من غربته ، أما اذا كان الانسان عم يعيش حالة من الفقر او انعدام الذات بوطنه فبتصير الغربة ضرورة لحتى يحاول الشخص انه يطلع من الحالة اللي هو فيها ، اما هل كان لازم يرضى بالنصيب متل ما عم تقول وما يحاول يعمل شي لتغيير هالنصيب فهيك بكون الانسان عم يتعامل بسلبية مع نفسه وهاد الشي فيه ضرر اكتر ما يكون فيه نفع .
وعلى قولة المثل :
الفقر بالوطن غربة والغنى بالغربة وطن
وكل انسان مغترب اذا كان مسافر على بلد احسن من بلده الام لازم يحط بباله شغلة انه اذا رجع لبلده لازم هو يحاول يعمل التغيير مو يرجع ويصير ينتقد على الفاضي ويعمل مقارنات بين ما كان وما لازم يصير لانه بهي الطريقة هو ما بكون عمل شي بغربته الا انه بعد عن اهله و اصحابه وجمع هالكم قرش اذا جمعهن وبالنهاية كله رح يروح بمجرد انه يحط حاله بقبره ويسلمها
وبالاخير بذكر بقول الشاعر

تغرب عن الأوطان في طلب العلى***وسافر ففي الأسفار خمس فوائد

تفرج هم واكتساب معيشة***وعلم وآداب وصحبة ماجد

فإن قيل في الأسفار ذل ومحنة***وقطع الفيافي وارتكاب الشدائد

فموت الفتى خير له من معاشه***بدار هوان بين واش وحاسد

[mary belle]

اصلا ازا الواحد خلق و تربا ببلد غير بلدو اكيد ما رح يفرء بين بلدو الاصلي و البلد يللي خلق و عاش فيها..
الواحد بيسمع انو في النا اهل وكل سنه او سنتين لازم نسافر نشوفن..
بس هالشي ما بطول يعني انا بنزل عالبلد ان كترت كل سنتين ازا مش تلاته و انجأ اقعد شهر ونص الا..
(متل السياح )
ليش؟
لأنو الواحد خلص اتعود عجو و عبلد و على عيشه غير
اوكي الواحد بيتأقلم و لبنان حلو العيشه فيه..بس كلنا معرف انو تلات ارباع الناس عايشين هونيك من القله و لو بصحلن يسافرو ما بقولو لأ..
يللا ..
فخلي الواحد بغربتو مرتاح و متكيف مع الجو ,ان كان بالدرس او الشغل ..

[DARKNESS]

كاتب النص الأصلي : Najm

للغربة أكثر من معنى فغربة الإبتعاد عن الوطن ومسقط الرأس غربة جغرافية والتي يقصدها الإنسان سعيا وراء العيش بكرامة وفي سبيل تأمين لقمة عيش تقيه العوز والحاجة أو يقصدها للدراسة والتكوين ومن ثم بناء مستقبله وما كان يحلم به. فهذه الغربة رغم ما يعانيه بها الإنسان من حنين للموطن والأهل والأحباب..فهي تعود عليه بالخير الكبير ليس ماديا فقط بل معناويا،فكريا وشخصيا فهو يكتسب تجربة في الحياة ربما لا يدركها سوى بعد مرور السنين.
هناك غربة قاتلة وتفوق بكثير الغربة الجغرافية وهي الغربة داخل الوطن..
كأن ترى الظلم والديكتاتورية والنظام المتمثل في الفوضى والقهر وإعدام حرية التعبير عندها تشعر بالغربة داخل الوطن..
وعندما ترى الإنحلال وعدم التفاهم حتى في الأوساط العائلية عندها تحس بالغربة بين أهلك وأصحابك..
عندما ترى أحلامك ـ البسيطة ـ تتبخر أمام عينيك حينها تحس بالغربة
فالإبتعاد عن الوطن في نظري ليس هروبا من الواقع أو من الوطن أكثر منه هروبا من الغربة في معناها العميق¨
وصدق من قال: الفقر في الوطن غربة، والغنى في الغربة وطن
والفقر والغنى لهما أكثر من بعد في هذه القولة..

و الله كلام حلو و موزون عمي نجم انك وضحت جوانب الغربة و ابعادها المآساوية و الفكرية كمان .....

و بالفعل الغربة احيانا بتحسها هروب من الغربة بالوطن لان للاسف بالوطن في ناس عايشة فوق الريح و ناس عايشة داخل نواة الارض ..

فاحيانا الواحد هو و بي بلدو بيحس بالغربة .....

[DARKNESS]

كاتب النص الأصلي : sandra

بعتقد لكل واحد بيفكر بالغربة ظروفو الخاصة وأسبابو لهيك ما فينا نقول الغربة حل أو الغربة هروب للكل

مع انو حاسة هنن وجهين لعملة واحدة

حلو يا ست ساندرا

بس طيب هالظروف بجوز بعضها يكون استثنائي بس انا كان قصدي بالنقاش هو التغرب بسبب البحث عن فرص افضل

و هالشغلة منشوفا دارجة جدا بسوريا ولا شو رايك

[DARKNESS]

كاتب النص الأصلي : mblue

برايي الغربة هي وسيلة وليست حل فكل انسان في النهاية رح يرجع لوطنه سواء على اقدامه او على الأكتاف
لذلك الغربة هي وسيلة لحتى يتعلم الانسان ويكتشف ثقافة جديدة وطرق جديدة وينمي افكاره وامكانياته لحتى يقدر في النهاية انه يرجع لوطنه ويحاول ينفع غيره بخبرته اللي اكتسبها من غربته ، أما اذا كان الانسان عم يعيش حالة من الفقر او انعدام الذات بوطنه فبتصير الغربة ضرورة لحتى يحاول الشخص انه يطلع من الحالة اللي هو فيها ، اما هل كان لازم يرضى بالنصيب متل ما عم تقول وما يحاول يعمل شي لتغيير هالنصيب فهيك بكون الانسان عم يتعامل بسلبية مع نفسه وهاد الشي فيه ضرر اكتر ما يكون فيه نفع .
وعلى قولة المثل :
الفقر بالوطن غربة والغنى بالغربة وطن
وكل انسان مغترب اذا كان مسافر على بلد احسن من بلده الام لازم يحط بباله شغلة انه اذا رجع لبلده لازم هو يحاول يعمل التغيير مو يرجع ويصير ينتقد على الفاضي ويعمل مقارنات بين ما كان وما لازم يصير لانه بهي الطريقة هو ما بكون عمل شي بغربته الا انه بعد عن اهله و اصحابه وجمع هالكم قرش اذا جمعهن وبالنهاية كله رح يروح بمجرد انه يحط حاله بقبره ويسلمها
وبالاخير بذكر بقول الشاعر

تغرب عن الأوطان في طلب العلى***وسافر ففي الأسفار خمس فوائد

تفرج هم واكتساب معيشة***وعلم وآداب وصحبة ماجد

فإن قيل في الأسفار ذل ومحنة***وقطع الفيافي وارتكاب الشدائد

فموت الفتى خير له من معاشه***بدار هوان بين واش وحاسد

حلو
بس انت نسيت انو في نسبة كبيرة من الشباب سواء حاليا او سابقا تركو البلد الى غير رجعة

و بعدين شو بدو يأصلح الواحد ليأصلح ما طالما كل الشعب عم يقول عوجا فما في امل تأصلح الشعوب اليأسانة

انت حاول تتطلع بالبلد كلو بي قلك و الله عم افكر بالسفر

لك كلو بدو يهرب و ياما سمعان ناس بدها تروح بلا رجعة

فالغربة حل او فيك تقول وسيلة للحل بس البقاء بالبلد ما بعرف شو وضعوا

[DARKNESS]

كاتب النص الأصلي : mary belle

اصلا ازا الواحد خلق و تربا ببلد غير بلدو اكيد ما رح يفرء بين بلدو الاصلي و البلد يللي خلق و عاش فيها..
الواحد بيسمع انو في النا اهل وكل سنه او سنتين لازم نسافر نشوفن..
بس هالشي ما بطول يعني انا بنزل عالبلد ان كترت كل سنتين ازا مش تلاته و انجأ اقعد شهر ونص الا..
(متل السياح )
ليش؟
لأنو الواحد خلص اتعود عجو و عبلد و على عيشه غير
اوكي الواحد بيتأقلم و لبنان حلو العيشه فيه..بس كلنا معرف انو تلات ارباع الناس عايشين هونيك من القله و لو بصحلن يسافرو ما بقولو لأ..
يللا ..
فخلي الواحد بغربتو مرتاح و متكيف مع الجو ,ان كان بالدرس او الشغل ..

و الله يا ست ماري بالحالة الجبتيلنا الياها وضحت انو احيانا الغربة هي بتصير الوطن لانو هونيك منتأقلم بس هالحالة اسمها تعايش مو تغرب لان الشخص عاش بهالبلد و تتطبع بطباعها مو انو ولد بي بلد و راح بعدين طلع عا بلد تاني

و بالفعل لاحظت هالشي انا عمي مسافر عا اسبانيا و عايش هنيك من شي ٣٠ سنة و كل ما بيجي عالبلد ما بيقدر يضل اكتر من شهر بالكتيرة و بيحمل حالو و بيهرب عا بلدو ( لاحظي قلت بلدو) لان البلد بسوريا ما ضلت بلدو لانو صارت كل ثقافتو من البلد اللي عاش فيه

[adon]

صراحة يا جماعة انا عايش بقطر وكنت قبل بدبي وانا ما بحسب الموضوع اذا هروب ولا وسيلة اكيد ممكن الانسان يلاقي شغل ببلدو ويقتنع وهيدا وارد بس كمان في ناس بتجي من أوروربا وامريكا بتشتغل هون بالخليج او برات بلدها لان الرواتب احسن او لتتطور بعملها بطريقة اسرع فالموضوع خيار بس المشكلة بسوريا انه الناس بتأخد الموضوع متل الوجبات السريعة
يعني انا بطلع عالخليج بجمع شوية مصاري بعمر بيت وبرجع
او الوجبة الاجبارية تبع عندي جيش وبدي ادفع بدل
فبتلاقي الناس بيقبلوا باي راتب وباي شغل
وانا ع كتر ما بشوف النق هون من متغربين ومذلولين وما بعرف شو
يا عمي اذا كتير متضايقين ببساطة رجعوا عبلدكن وبتشوفهن لما بتصير مشكلة وبدهم يسفرهون بيصيروا رح يبكوا

القصة ببساطة انه الانسان لازم يعرف شو بدوا من هالحياة ولشو عايش ويبطل نق

[مشلف من المدرسة]

برأيي الغربة تحمل المعنيين ... الهروب والحل للمشالكل
وأنا يا جماعة بميل الى انها عملية ارتقاء بالنفس الى مستوى أعلى من الرفاهية .....

[leonardo_dicabreo]

كاتب النص الأصلي : DARKNESS

يا ترا الواحد احسن يضل بالبلد و يشتغل فيها و يرضى بالنصيب

أكيد الواحد أحسن يضل بين اهله وقرايبه وبلده يلي خلق وترعرع فيها , بس بالنّسبه للشّغل ما ظنّيت

انه في بلد عربي تقدر تامّن احتياجات الشّخص , من شغل وراتب متل الخلق , منشان هيك نص

الوطن العربي متغرّب.

او انو يسافر و يتغرب و يشوف الحياة برا و يبني مستقبلو احسنلو يعني انت مع او ضد الغربة؟
مع الغربه , الغربه للزلام حبيبي

فكره الغربه كتير حلوه , منّه بتعيش حياه جديده , بتحس بقيمة أهلك , بتتعرق على ناس جداد ,

بتتعرف على ثقافات جديده , بتتعلم كيف تعتمد على نفسك , وكتييييير فوائد عيرها.


و برأيكن الغربة هي حل لمشكلة العمل ام هروب من الواقع العايش في الواحد

حل لمشكلة العمل , وممكن كتير تزبط هروب من الواقع .

و كمان الواحد اذا تغرب و طلع و عاش و شاف الحياة بالدول المتقدمة و الغنية في يستوعب الرجعة عالبلد متل ما كان بعد ما شاف اخر الصيحات

هاي نقطه كبيره , يعني يلي صايرله 20 سنه عايش ببلد عربي (مغلق) ويطلع على بلد متقدّم ,

ويشوف الصيحات الجديده من مجاميعه , رح يواجه صعوبه لمّا يرجع على بلده ويشوف الوضع هناك ,

وعلى فكره سنه وحده كفيله انها تصعّب عالشّخص , انّه يرجع يعيش ببلده .

أنتقاء جميل .

[savage garden]

هلأ الواحد اذا لائى شغل منيح ببلدو ممتاز
ما لائى ما في مشكلة يتغرب منشان لئمة عيشو
المتل بيئول وين ما بترزق الزق
واذا ئدر يتكيف مع الوضع هناك وشاف الحياة افضل يضل
بيزور بلدو واهلو كل فترة بس الوطن شو بدو يعملو لو ما لائى شغل
خصوصي لو كان بلدو لانو حامل جنسيتو مش اكتر

[mblue]

كاتب النص الأصلي : DARKNESS

حلو
بس انت نسيت انو في نسبة كبيرة من الشباب سواء حاليا او سابقا تركو البلد الى غير رجعة

و بعدين شو بدو يأصلح الواحد ليأصلح ما طالما كل الشعب عم يقول عوجا فما في امل تأصلح الشعوب اليأسانة

انت حاول تتطلع بالبلد كلو بي قلك و الله عم افكر بالسفر

لك كلو بدو يهرب و ياما سمعان ناس بدها تروح بلا رجعة

فالغربة حل او فيك تقول وسيلة للحل بس البقاء بالبلد ما بعرف شو وضعوا

هلق انا مالي مختلف معك انه في كتير ناس تركوا البلد لغير رجعة او على الاقل مو ناويين بالوقت الحالي او المستقبل القريب انه يرجعوا ، بس بظن انه بشكل عام ( وعم احكي على الناس اللي تركت بلدها وطلعت وقت شبابها مو يلي انولد برا البلد من اصله) بحن بالاخير وبريد يرجع لوطنه لذلك كنت عم اقترح مبدأ التفكير انه كل واحد يبدا من حاله ويجرب يعمل شي او يقدم شي لانه بالنهاية الوطن هو الأرض وليس من يحكم الأرض
اما بالنسبة للرغبة بالسفر او البقاء بالبلد فاكيد انه الواحد يبقى متل ما هو بدون ما يحاول انه يتطور هاد شي مو مقبول ابدا ، وكل شخص لازم يسعى انه يحسن من نفسه واوضاعه .
بس انه نقول عوجا ونبقى واقفين من غير ما نحاول انه نعمل شي فبرأيي هاد السبب اللي عم يخلينا دائما نرجع لورا
وبرجع بقول انه الوطن هو الارض وليس من يحكم الأرض

[khaliiiil]

الحياة مغامرة
مو غلط الواحد يسافر و يشوف حضارات و ثقافات جديدة

مثلا انا سافرت ل 12 دولة بحثا عن الرزق
بروح عالشرق بلاقي رزقتي بالغرب
و لو بروح عالغرب بلاقيها راحت عالشرق