أكذوبة مكافحة الفساد في سوريا

[ayhamm26]

يتحدث السوريون اليوم عمّا أسماه بعضهم "أكذوبة مكافحة الفساد في سوريا"، مؤكدين "أن مدير عام إدارة الجمارك نبيل السيوري أُعفي من منصبه، بعد 4 ساعات من قرار له بإقصاء عدد من المخلصين الجمركيين عن العمل"، وطالب محمد، وهو مخلص جمركي، في حديث لإيلاف الرئيس السوري بشار الأسد بالتأكيد على الوزراء والمسؤولين السوريبن بتنفيذ توجيهاته بمحاربة الفساد ومكافحته.



وقال نحتاج من المسؤولين إلى محاربة جدية للفساد، مطالباً بإعادة السيوري إلى منصبه، مضيفاً "لقد فتح على نفسه عش الدبابير عندما حارب الفساد في الجمارك".

إعلامي سوري، فضل عدم الكشف عن اسمه، أوضح لإيلاف أن "هذا السيناريو أراه يتكرر باستمرار في سوريا، وزير يقصي فاسدين، ثم يتغير، ليأتي وزير جديد، ويعيد الفاسدين، ويخضع للوساطات التي تنهال عليهم لعودتهم"، وطالب "رئيس الحكومة السورية بإعادة النظر في أسماء الموظفين، الذين أعادهم وزير الصحة الجديد الدكتور رضا سعيد إلى أعمالهم، ومراجعة سجلاتهم الوظيفية، والتساؤل لماذا قام بإقصائهم وزير الصحة السابق، ولماذا أعادهم الوزير الجديد إلى أعمالهم". وقال "هذا ما سيجري في الجمارك، عندما يعُين مدير جديد".

وأشار إلى أنه تم سحب خبر إنهاء تكليف نبيل السيوري من بعض المواقع السورية الإلكترونية، رغم أن المصدر هو صحيفة تشرين، وهي صحيفة رسمية. وكانت "تشرين" أشارت إلى صدور قرار بإنهاء تكليف مدير عام إدارة الجمارك العامة نبيل السيوري، ومدير القضايا في المديرية العامة للجمارك سامي إبراهيم، من مهامهما، ووضعهما تحت تصرف وزير المالية، كما صدر القرار بتكليف إلياس حكيم معاون مدير عام الجمارك بتسيير أمور إدارة الجمارك.

يذكر أن المدير العام السابق، قام بسحب بطاقات مزاولة المهنة من 71 مخلصاً جمركياً، وهو إجراء يتخذ عادة بحق المخالفين. ‏
وكان وزير المالية السوري أصدر قراراً أخيراً، بناء على اقتراح مدير عام الجمارك نبيل السيوري، بتسمية حسن حمدو أميناً لجمارك عدرا. وذكرت مصادر الجمارك أن الأمين السابق لعدرا وموظفين اثنين آخرين يخضعون للتحقيقات لمخالفتهم الأنظمة المعمول بها. ‏

وكانت تحقيقات موسعة شهدها قطاع الجمارك بداية العام الحالي، أسفرت عن اعتقال شبكة فساد في هذا القطاع، كان على رأسها آمر الضابطة الجمركية في سوريا، إلا أن هذا لا يعني، كما يرى مراقبون، انتهاء الفساد في هذا القطاع.



بهية مارديني.موقع ايلاف

[انا مروان]

بشارة حلوة كتير
حطو كمستشار لوزير المالية السيوري
على ما يبدو هددهم بانو بدو يفضح الخميرة والفطيرة وينشر الغسيل الوسخ

[عطر سوريا]

يا عمي نحن شعب لا يمكن نعيش بلا فسااااد والفاسدينن

[انا مروان]

كاتب النص الأصلي : عطر سوريا

يا عمي نحن شعب لا يمكن نعيش بلا فسااااد والفاسدينن

طبعا بعدين جسمنا بيصير يحكنا وبنصير عصبيين يعني الفساد متلو متل المخدرات معشعش فينا

[توم و جيري]

الله يساعد

[المحارب العتيق]

بصراحة كتير تفاجئت وأنا عم أقرا موضوعك لسببين اولهم انو من لحظات وانا بعدماكتبت رد بموقع سيريانيوز على الخبر ( لأنو لساتو upباكتر المواضيع قرأة ) . أتفاجئت وأنا عم أرجع دور على الخبر أنو طار فجأة وماعدلو أثر بكل الموقع

تانيا . كنا عم نحكي على القصة مع صديق عندو اطلاع تام على الموضوع . خبرني انو قرار أيقاف المخلصين تسرب لألهم قبل بيوم . قامو وعدوه بانو مارح يتركوه بمنصبو ولو مين من كان وراه . وبالفعل تاني يوم طيرهم وطار . وبما انو صديق وزير المالية وهو داعمو ( لانهم من مدينة وحدة ) أنشألو منصب مستشار وزير المالية لشؤون الجمارك وعينو فيه

انا بتمنى انو كل المعلومات تصل لسيادة الرئيس . مشان يعرف مين يلي بدو الفساد يستمر رغم كل منادة سيادتو بمكافحة الفساد ويحاسبو . وبتمنى من الكل مايسكتو ويحكو هلأء . مشان ماتتكرر قصة خدام . كلو بيعرف وكلو ساكت

[mhsen77]

يا سيدي القصة هيي هيي

دايما بتوقع براس الحلقة الاضعف

و القوي و المدعوم بيطلع هوي النضيف

[ayhamm26]

كاتب النص الأصلي : المحارب العتيق

انا بتمنى انو كل المعلومات تصل لسيادة الرئيس . مشان يعرف مين يلي بدو الفساد يستمر رغم كل منادة سيادتو بمكافحة الفساد ويحاسبو . وبتمنى من الكل مايسكتو ويحكو هلأء . مشان ماتتكرر قصة خدام . كلو بيعرف وكلو ساكت

طيب انت برأيك هالمعلومات ما عم توصل "للسيد" الرئيس ؟؟ طيب ولو وصلت شو يعني, شو رح يعمل ؟

ما هو نفسو مشارك بالفساد كمان , شلون بدك يصير حاميها حراميها؟

بعدين بدي اسألك لو واحد من هالفاسدين فكر يعمل مؤامرة لقلب الحكم, شلون بيقدروا يكشفوا وهو لساتو عم يفكر بالمؤامرة؟ معناتها عم يراقبوا كل شي عم يصير بالدولة, وما في قرش عم ينسرق الا بعلم المخابرات.

عبد الحليم خدام هو اعلن من هون التمرد, بلشوا يردحولوا, يعني كانوا عرفانين بكل شي عملوا وكانوا تاركينو, ليش؟؟ وبتعرف على هالحالة كم خدام باقي بهالدولة؟؟

[انا مروان]

كاتب النص الأصلي : ayhamm26

طيب انت برأيك هالمعلومات ما عم توصل "للسيد" الرئيس ؟؟ طيب ولو وصلت شو يعني, شو رح يعمل ؟

ما هو نفسو مشارك بالفساد كمان , شلون بدك يصير حاميها حراميها؟

بعدين بدي اسألك لو واحد من هالفاسدين فكر يعمل مؤامرة لقلب الحكم, شلون بيقدروا يكشفوا وهو لساتو عم يفكر بالمؤامرة؟ معناتها عم يراقبوا كل شي عم يصير بالدولة, وما في قرش عم ينسرق الا بعلم المخابرات.

عبد الحليم خدام هو اعلن من هون التمرد, بلشوا يردحولوا, يعني كانوا عرفانين بكل شي عملوا وكانوا تاركينو, ليش؟؟ وبتعرف على هالحالة كم خدام باقي بهالدولة؟؟

كلامك واقعي تماما يعني الكل مشتركين باللعبة وما عم يصير شي مع حدا منن الا بيكون الكل عندو علم
واذا واحد منن فكر يلعب لحالو بيلزقوا تهمة فيه وبيطلعو برا

[عطر المغرب]

انشاء الله يحاربو الفساد بكل اقطار العالم
لانه كتراااااااااااااااااان

[عطر المغرب]

كاتب النص الأصلي : عطر سوريا

يا عمي نحن شعب لا يمكن نعيش بلا فسااااد والفاسدينن

له يا عطر سوريا معقول الكلام الي بتحكيه
مش كل الناس هيك
بس للاسف الاغلبية هيك

[المحارب العتيق]

بعد خمسة أيام فقط...الحسين يطوي قرار تعيين السيوري مستشارا له

الاخبار المحلية

صرح مصدر مطلع في وزارة المالية لسيريانيوز بانه "صدر البارحة 28/7/2009 قرارا عن وزير المالية السيد محمد الحسين تضمن طي القرار السابق(صدر قبل خمسة ايام) والذي تمّ بموجبه تعيين السيد نبيل السيوري مستشارا لوزير المالية لشؤون الجمارك العامة".


نشير إلى ان السيوري شغل منصب مدير عام الجمارك منذ نحو سنتين، وتمت إقالته من منصبه في وقت سابق من هذا الشهر، وتحديدا بتاريخ 19/7/2009 بقرار صادر عن رئيس مجلس الوزراء، دون ذكر الأسباب، حيث وضع بتصرف وزير المالية.
ثم قام وزير المالية بتاريخ 23/7/2009 وبالقرار رقم (1970/و) بتعينه مستشارا له لشؤون الجمارك العامة، رغم أن السيوري لم يداوم في منصبه الجديد(وفقا للمصدر بوزارة المالية) إلا أن الحسين عاد اليوم ليطوي قراره السابق بتعيينه مستشارا له، دون ذكر الأسباب أيضا.
وبهذه الحالة وفقا للمصدر فإن السيوري "يبقى موظفا من الفئة الأولى في وزارة المالية لكن دون ان يكون له اية صفة وظيفية".
نشير إلى انه لغاية تاريخه لم يتم تعيين مديرا عاما للجمارك خلفا للسيوري، إنما يقوم معاونه الياس الحكيم بتسيير الأعمال.

[المحارب العتيق]

العمى شكلو رفيقو وزير المالية شال أيدو عنو . القصة كبرت ولسا ماخلصت . ومدير الجمارك المؤقت ماعم يوقع على شي . خايف يلبسوه شي مالو فيه .

الغبي هددوه التجار . ومعروف كل واحد فيهم زلمة مين ليش ليكبر راس

الله يرحمو راحت عليه