تحذيرات شديدة عليا : الفيس بووك خط أحمر في سورية !!,

[ayhamm26]

كشف بيان صادر عن المركز السوري للإعلام وحرية التعبير اليوم أن العدد العدد 49 - تموز من مجلة شبابلك انضم إلى قائمة الإعداد الثلاثة السابقة التي كانت وزارة الإعلام قد قامت بمنع توزيعها من نفس المجلة الشهرية . ونقل المركز عن مصادر مطلعة أن منع التوزيع يرجع إلى سبب طرح موضوع حجب موقع الفيس بوك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

في سوريا على صفحات المجلة التي أوردت في سياق طرح الموضوع وجهة النظر الحكومية و التي عبرت عنها المستشارة الإعلامية للسيد رئيس الجمهورية د. بثينة شعبان (بأن بعضاً من الشباب السوري يقوم بفتح قنوات حوار مع شبان اسرائيليين و هو ما لاترضى عنه الحكومة السورية) .
و موقع فيس بوك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هو موقع تواصل اجتماعي مجاني تم حجبه في سورية بتاريخ 26/11/2007 و على الرغم من ذلك يشترك فيه آلاف السوريين الذين يجدون فيه مساحة حرة للتعبير عن آرائهم و قد أطلق في الأيام الأخيرة على صفحاته مجموعة من الشباب السوري مجموعة تتضمن نداء إلى السيد رئيس الجمهورية من اجل رفع الحجب عن الموقع بلغ عدد المنضمين إليها حتى الآن 752 مشترك و هي بعنوان :
( بيان لتحرير موقع الفيس بوك من الحجب في سوريا - موجه للسيد الرئيس بشار الأسد )

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

.


وقال بيان المركز الذي وصل كلنا شركاء نسخة منه أن منع العدد 49 من مجلة شباب لك يعيد التأكيد على السياسة المنهجية التي تمارسها وزارة الإعلام السورية بهدف إجهاض تجربة الإعلام الخاص السوري التي انطلقت في العام 2001 بعد عقود طويلة من أحادية الإعلام الحكومي في سوريا.
وأضاف أن هذه السياسة المنهجية يشكل أحد أهم تجلياتها منع توزيع المطبوعات الخاصة بإيعازات شفهية - ضاربة بعرض الحائط كافة القوانين و التشريعات النافذة - تصدر من وزارة الإعلام إلى المؤسسة العامة لتوزيع المطبوعات التي أنشأت بالمرسوم التشريعي رقم (42 لعام 1975 ) . و الذي منحها حق احتكار توزيع المطبوعات في الجمهورية العربية السورية .

وشدد المركز في نهاية بيانه على ضرورة تحرير الإعلام من سيطرة الدولة بعد إدانته هذا "السلوك الذي دأبت عليه وزارة الإعلام السورية في السنتين الماضيتين في معاقبة المطبوعات الخاصة و ترهيبها في سبيل خنق أي هامش متاح من الحريات الصحفية مهما كان بسيطا و استنزاف الإعلام السوري الخاص ماديا و معنويا" وتساءل المركز عن المصلحة الوطنية التي تبتغيها وزارة الإعلام في سوريا من هذا السلوك و عمن هو المستفيد من وراء ذلك ؟!!!


نشرة كلنا شركاء.

[ayhamm26]

خليكن لقلكن عم تحجبوا و تحجبوا, لنشوف لوين رح توصلوا هالبلد.

مسخرة.

[انا مروان]

كاتب النص الأصلي : ayhamm26

خليكن لقلكن عم تحجبوا و تحجبوا, لنشوف لوين رح توصلوا هالبلد.

مسخرة.

يا زلمة حكين فاضي بالمية مية بقا لشو الحجب اذا البروكسيات بتفتح شو ما بدك وبلاها البروكسيات برنامج متل الترا سورف حجمه 500 كيلو بايت بيفتحلك اي موقع وبيعمل اي بي تبعك امريكي يعني فل اوبشن

الغريب كمان في موقع تبع ارسال الرسال المجانية والتعارف اسمه

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

كمان ما عم يفتح بسوريا قلتلو لصاحبي شغل البروكسي بيفتحو قلي اخديني هويتي لما دخلت عالكافية نت وممنوع البروكسيات
ويا سيدي على قولتك لنشوف وين بدها توصل معن

[يمان Rooooonaldo]

حكي فاضي .. تلت رباع شعبك عالفيس بوك موجود وعم يفتحو ويفتح غيرو ..

ما الكل عم يدقق ..

[Abu ToNi]

ما صار وسمعنا انه في عالم اعتقلوا لنشاطن الزائد على الفايس بوك
حتى في رفيق الي عم يخبرني من فترة أنه عامل غروب للحفلات على الفايس بوك بنزل فيه اعلانات الحفلات والتوقيت والمواعيد والاسعار
تحولت هلخطوة لمصدر رزق اله .. صاروا العالم يبعتلوه مصاري مقابل انه يرسل رسائل للـ 5000 مشترك عنده بالغروب

[zen]

يحجبو ونحنا منفط عووودس لك خيو عوودي

هاموش
غابي دلني عرفيقك
بلكي منعمل متلو

[المحارب العتيق]

من كم يوم سمعت أنو نسبة يلي بيلعبو بوكر على الفيس بوك من السوريين 70% . معقول ؟

أما بالنسبة لقصة البروكسي . فمافيك تشغلو لأانو ممنوع بالكافي نت يلي صار اصلا على الهوية

[saman]

كاتب النص الأصلي : المحارب العتيق

أما بالنسبة لقصة البروكسي . فمافيك تشغلو لأانو ممنوع بالكافي نت يلي صار اصلا على الهوية

هيهيهيهيهي .. اصلاً اول ما عطيني ابو طوني البروكسي .. انا نشرتو بنص كافينهات الشام وبالاخص الشام القديمة
وعندي هاد الكافي يلي بقعد فيه اغلب الاوقات .. علمت كل يلي بيجوا وصاحب المحل عالفيس بوك

طــــــــــــــنّــــــــ ـــش

[انا مروان]

كاتب النص الأصلي : المحارب العتيق

من كم يوم سمعت أنو نسبة يلي بيلعبو بوكر على الفيس بوك من السوريين 70% . معقول ؟

أما بالنسبة لقصة البروكسي . فمافيك تشغلو لأانو ممنوع بالكافي نت يلي صار اصلا على الهوية

لك سيدي حط بالخرج حتى البروكسي ما عاد خليت حدا من صحابي يشغلو خاصة من جوا سوريا
اول ما بيكون الواحد منن بدو يحكي عن الحجب بدغري بعطي رابط الالترا سورف غير شكل بلا دعايات بلا قصص معتة
بيفتح شو ما بدو وبيدعيلي كمان

[jovia]

كاتب النص الأصلي : يمان Rooooonaldo

حكي فاضي .. تلت رباع شعبك عالفيس بوك موجود وعم يفتحو ويفتح غيرو ..

ما الكل عم يدقق ..

بصف معك

[Government]

حكي فاضي بدقيقة بفتحلك ياها وبلا برنامج ازا بدك .. بس انو متل قلتو
ع هيك نت بهووي بسوريا فماخرجنا فيس بوك بدو نص ساعة ليفتح ونص ساعة لينتقلك من صفحة لتانية
بقة مابدا هالائرررح .. والكافيات شغال فيا وماشي حالا ماناقصنا شي


تسالي

[رجل من ورق]

عبقول لحالي ليش عدد شبابلك هالمرة ما لقيته بولا محل
خير ان شالله

[LiOnHeArT.3LA2]

ههههههههههههههه

احلى حلقة بالوجود .. انو انا عم اكتب رد عالموضوع .. بيجيني رسالة من الفيس بوك عالايميل ..

فا انو .. بطاطا ..
بلا شديدة عليا .. وبلا عليا شديدة ..

واحلى شي انو كلو صاير خطوط حمر ..

[ayhamm26]

طيب اذا الكل بيقدر يكسر البروكسي لكن ليش عاملين هالحجب؟؟ فوق ما الانترنت بطيء ومتخلف ولسا الواحد كمان بدو ساعة لتفتح الصفحة معو لبين ما ينكسر البروكسي؟

لاء والالعن من هدا كلو, انو ممنوع حتى اي حدا يسأل او يناقش ليش الفيسبوك وغيرو محجوب, يعني في تطور عنا سياسة نفذ ثم اعترض صارت نفذ و كول هوا.

[العيثوب]

كاتب النص الأصلي : انا مروان

لك سيدي حط بالخرج حتى البروكسي ما عاد خليت حدا من صحابي يشغلو خاصة من جوا سوريا
اول ما بيكون الواحد منن بدو يحكي عن الحجب بدغري بعطي رابط الالترا سورف غير شكل بلا دعايات بلا قصص معتة
بيفتح شو ما بدو وبيدعيلي كمان

لك ياسباب هنه ماعم يمنعوكن تحكو مع الإسرائلين عالفيسبوك منشان شى عاطل هنه بدهم ياكم تحكو معن عالمكشوف لأنو العلاقات بتحسن وبشكل صاروخى إصبرو كمان شهرين و السفاره سوف تفتح أبوابها لتقديم التأشيرات وزياره الأراضى الإسرائليه فلا تفهمو الموضوع غلط والصبر مفتاح الفرج و حلو اللعب عالمكشوف بقا وصلت الرساله (ابوحاتم)

[انا مروان]

كاتب النص الأصلي : العيثوب

لك ياسباب هنه ماعم يمنعوكن تحكو مع الإسرائلين عالفيسبوك منشان شى عاطل هنه بدهم ياكم تحكو معن عالمكشوف لأنو العلاقات بتحسن وبشكل صاروخى إصبرو كمان شهرين و السفاره سوف تفتح أبوابها لتقديم التأشيرات وزياره الأراضى الإسرائليه فلا تفهمو الموضوع غلط والصبر مفتاح الفرج و حلو اللعب عالمكشوف بقا وصلت الرساله (ابوحاتم)

المشكلة مو مشكلة فيس بوك وبس في كتير مواقع محجوبة وفي اوسخ منها مفتوح
خود اقرب مثال اليوتيوب محجوب بيهما الديلي موشن وميتا كافية مفتوحات
الله يسمع منك بكرا بنعمل اصطياف بالاراضي السرائيلية ((الفسلطينية سابقا)) وبنهكه يهودية رائعة

[رجل من ورق]

الرئيس الأسد على الـ فيس بووك....

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

خاص - كلنا شركاء 10/ 07/ 2009 ظهرت في الأيام القليلة الماضية على الموقع الاجتماعي العالمي (فيس بوك) صفحة جديدة خاصة باسم السيد الرئيس بشار الأسد، وقارب عدد أصدقائه بعد بضعة أيام فقط من إطلاق الصفحة 800 صديق رغم حجب الموقع رسمياً في سورية.





ورغم أن لا إعلانا رسميا يؤكد أو ينفي أن هذه الصفحة تعود فعلاً إلى الرئيس السوري، إلا أن عددا من المشاركين في الصفحة (بصفة صديق) ينتمون إلى الشخصيات العامة في المجتمع السوري ومنها ما هو قريب من النظام وبالتالي لا بد ان يكون قد اخذ موافقة قبل الاشتراك بمثل هذه الصفحة .

ويذكر أنه منذ أسابيع معدودة ظهرت صفحة على فيس بووك باسم السيدة الأولى أسماء الأسد ويبلغ عدد أصدقائها اليوم 270 صديقاً

ويتضمن موقع الـ فيس بوك صفحات شخصية ينشؤها أفراد ويضعون فيها معلومات عن أنفسهم ولا يقبلون صديقاً جديداً إلا بموافقة شخصية منهم، كما يتضمن صفحات إعجاب يؤسسها معجبو شخصية عامة ما ويدعون الآخرين للتسجيل كمعجبين بتلك الشخصية العامة، وهنا لا يشترط بتلك الشخصية قبول المعجبين بل يمكن أن يسجلون إعجابهم تلقائياً.
وفي هذا السياق نذكر أن للسيد الرئيس الأسد، كما للسيدة أسماء، أكثر من صفحة أسسها المعجبون ويبلغ عدد الأعضاء المسجلين في إحداها قرابة 10 آلاف معجب، فيما تجاوز عدد معجبي السيدة أسماء الأسد في صفحة (المعجبين) 11 ألف معجب ومعجبة.
ويذكر أن موقع فيس بوك محجوب في سورية منذ فترة طويلة، كما يذكر أن مستشارة الرئيس السوري الدكتورة بثينة شعبان قد أفصحت في نيسان الماضي عن أن أسباب أمنية تقف خلف حجبه موضحة أن الموقع حجب بعد اكتشاف محاولات "لجماعات إسرائيلية بفتح حوار مع مستخدمي الفيس بوك من السوريين" وقالت شعبان: وهذا ما لا نسمح به لأننا نرفض الخوض في حوار مباشر معهم وهم يحاولون من خلال هذه المواقع جعل الحوارات وكأنها أمر طبيعي وهذا ما لا نقبله ولن نقبله".

روابط ذات علاقة:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[jovia]

ازا هو نفسو بجلالة قدرو وقيمتو مشترك بئى شو قصة المنع والحظر