جسدٌ قاتلٌ

Geeny · 31/08/2004

جسدٌ قاتلٌ

روحٌ تتلاشى في تفاصيل الجسد
و تسجن داخل أعضاءه المتهاوية
مشاعرٌ عظيمة تسري في عروق ميتة
و تغرق في كآبة قاتمة
أحاسيسٌ يعجز العالم عن ترجمتها
تفوق السّماء جمالاً
و تفوق البحر عطاءً و كرماً
هي الضّوء الوحيد الذي ينير عتمة الحياة
هي حقيقة الأوراق و الكلمات
هي نحن قبل أن نحيا و بعد أن نموت
نحاول دفنها جاهدين
و لكن الله يحيها كي تعذبنا
كي نحررها من شيوعيتها
و نعيدها لعشتار العطاء

Geeny

SABE · 31/08/2004

الله ... بشرفي رائعة ... (( ما تشكيك فيكي )) بس عنجد إنت كاتبتيها ؟؟؟
1000000

Geeny · 31/08/2004

ايه أنا كتبتها

SABE · 31/08/2004

يا شيخة لكن والله عندك موهبة حلوي كتير كتير... و يا ريت نضل نشوف هيك شغلات حلوي منك...

Geeny · 01/09/2004

thx

NEDAL-S · 01/09/2004

حلوة كتير

Anmar · 01/09/2004

عن جد ما عرفان شو بدي احكي عن هالكلام الرائع ... ما بقدر قول غبر رائــــــــــــــــــــــ ــــــــــع ...

dimozi · 01/09/2004

اقتباس:

و لكن الله يحيها كي تعذبنا
كي نحررها من شيوعيتها
و نعيدها لعشتار العطاء

Geeny يا بعد عمري

مية وردة

بس صدقيني , الله بيدفنها و روح عشتار بتحييها

إلي إلي , تعالي إلى ديموزي رب الارباب , لنشعل الدنيا خضارا و ينابيع عطاء

Ghiath · 02/09/2004

philip · 02/09/2004

اي شوهاد يا جيني والله يخليلنا ياكي لهالمنتدى المعطاء

architecturer · 03/09/2004

برافو لجيني

King RORO · 03/09/2004

الواحد يحكي ضميرو.....
هالحكي شي برنجي عالاخر

حلوة منك كتيير Geeny

Geeny · 03/09/2004

شو يعني برنجي

architecturer · 04/09/2004

اقتباس:

كاتب النص الأصلي : Geeny

شو يعني برنجي

والله بدك تسألي king

HashtNasht · 04/09/2004

اقتباس:

شو يعني برنجي

برنجي هي كلمة تركية تعني الأول
و يتداولها العامة في بلاد الشام بمعنى الأفضل أو الممتاز كأن نقول فرش برنجي أو تلميذ برنجي ( يعني الأول ع الصف ) أو سيارة برنجي ..... إلا أن لفظة برنجي لم تستخدم للتعبير عن جودة الشعر أو الأعمال الأدبية حتى القرن الحادي والعشرين للميلاد و كان أول من أدخل هذه اللفظة للقاموس الأدبي kingroro و ذلك في معرض رده وتعليقه على خاطرة للأديبة المعروفة Geeny على صفحات منتدى الأخوية ..... فكان ل kingroro الفضل والسبق في استخدام هذه الكلمة بشهادة كبار النقاد في عصره وعلى رأسهم حشت نشت .

SABE · 04/09/2004

اقتباس:

برنجي هي كلمة تركية تعني الأول
و يتداولها العامة في بلاد الشام بمعنى الأفضل أو الممتاز كأن نقول فرش برنجي أو تلميذ برنجي ( يعني الأول ع الصف ) أو سيارة برنجي ..... إلا أن لفظة برنجي لم تستخدم للتعبير عن جودة الشعر أو الأعمال الأدبية حتى القرن الحادي والعشرين للميلاد و كان أول من أدخل هذه اللفظة للقاموس الأدبي kingroro و ذلك في معرض رده وتعليقه على خاطرة للأديبة المعروفة Geeny على صفحات منتدى الأخوية ..... فكان ل kingroro الفضل والسبق في استخدام هذه الكلمة بشهادة كبار النقاد في عصره وعلى رأسهم حشت نشت .

حسيت حالي عمبقرا تاريخ الحاضر من المستقبل و أنا بالحاضر ومالي خلاق افرا تاريخ الماضي من الحاضر ...

Anmar · 04/09/2004

اقتباس:

فكان ل kingroro الفضل والسبق في استخدام هذه الكلمة

يا أخي والله الكبير بيضل كبير .. ملك والله يا أبو جورج

Geeny · 04/09/2004

أديبة

thank you