الإمساك بـ "سعلوة الفرات" في دير الزور

[MadMax]

كثرت الشائعات والأخبار المتناقلة مؤخراً بين سكان دير الزور بعد انتشار مقطع فيديو يُظهر عدداً من الصيادين الذين تمكنوا من رؤية ما يُعتقد بأنه "سعلوة الفرات" وقتله منذ عدة أيام في إحدى الحوايج (الجزر النهرية)، والسعلوة هي حيوان برمائي يُروى عن وجوده في المنطقة منذ القدم دون دليل موثوق يثبت ذلك، ينشط ليلاً في منطقة الحوايج وعلى ضفاف نهر الفرات.




وسرعان ما انتشرت الأقاويل والمخاوف مع انتشار مقطع الفيديو، الأمر الذي منع الكثير سكان دير الزور من الذهاب للسباحة في نهر الفرات أو الجلوس على ضفافه ليلاً كما اعتادوا؛ وذكر شهود عيان لسيريانيوز ممن اعتادوا التواجد حتى ساعة متأخرة من الليل وبشكل مستمر في الحوايج: "نسمع أحياناً أصواتاً مخيفة ومرتفعة تشبه بكاء المرأة، لكننا لم نستطع تحديد مصدرها في أي مرة"؛ وأضافوا: "في إحدى الليالي ظهر حيوان غريب لم نتبين ماهيته من بين أشجار القصب الكثيفة وبدأ بإطلاق نفس الصرخات، فهربنا على الفور ولم نعد إلى ذلك المكان"!! كما أشار أًصحاب المزارع المحاذية للنهر عن تناقص أعداد الأغنام والأبقار لديهم بشكل مستمر ومبهم.




وتروي الأساطير والكتب المختصة بتاريخ المنطقة عن الـ "سعلوة" الشهيرة بأنها تعيش في بلاد الرافدين وبلاد الشام في البيئة النهرية تحديداً، وتصفها بأنها حيوان برمائي من فصيلة المخلبيات لا تمشي على أربعة أرجل لضخامتها، وهي ذات شكل مرعب وقبيح، جسمها مليء بالشعر وتشبه القرد، قوية جداً وتقتات بافتراس الماشية أو ما يتوافر في المسطحات المائية، وقد تعتدي على البشر عند الجوع؛ بينما ذهب عدد من رجال الدين في تأكيد وجود هذه المخلوقات على أنها "جن" تتقمص أشكال حيوانات غريبة أو قد تكون على شكل امرأة حسناء تغوي الرجال وتفتك بهم.
يذكر أنه في العام المنصرم انتشرت عناصر من الشرطة في عدة مناطق على ضفاف نهر الفرات لتحديد مكان تواجد "السعلوة" وقتلها بعد نفوق عدد كبير من الماشية بشكل مفاجئ، إلا أن جميع المحاولات لم تنجح حتى في رؤيتها.



لمشاهدة ملف الفيديو .. اضغط هنا ( الملف بحجم 3 ميغا وبامتداد wmv )





سيريانيوز

[MadMax]

كاتب النص الأصلي : MadMax

بينما ذهب عدد من رجال الدين في تأكيد وجود هذه المخلوقات على أنها "جن" تتقمص أشكال حيوانات غريبة أو قد تكون على شكل امرأة حسناء تغوي الرجال وتفتك بهم.

فظيعين رجال الدين

[jano.]

من شكلو باين عليه أحد انواع الدببة إذا ماني غلطان...
أول مرة بشوف هيك حيوان. بس والله حرام يقتلوه! باين حجمو صغير وما خرج يقدر يقتل أغنام!

في كتير انواع حيوانات انعدم وجودا بسوريا تماماً، واذا استمر الوضع على هالشكل رح تنفقد أنواع تانية كمان.
أنو عنّا كل حيوان ما بيشبه القطة أو الكلب بتتألف حولو الأساطير كأنو جاي من المرّيخ ومصيرو القتل فوراً، وبينعمل حفلة وهيصة وليصة بمناسبة قتلو! بجد حاسس بعد كم سنة ما رح يضل عنّا غير كلاب وقطط!

وهي ذات شكل مرعب وقبيح، جسمها مليء بالشعر وتشبه القرد، قوية جداً وتقتات بافتراس الماشية أو ما يتوافر في المسطحات المائية، وقد تعتدي على البشر عند الجوع

الله يستر الله يستر!!!
شكل مرعب وقبييييييييح وفوق هالشي جسمها مليء بالشعر كمان!

[bacteria]

كاتب النص الأصلي : MadMax

هلا هاد مرعب وقبيح

والله شكلو امور كتير وبريء

لروحو

[HashtNasht]

يا زلمي سيريا نيوز شغل تسالي عالاخر , انو كيف بدي قلك , شغل الله حيك يعني ...المراسلين و الصحفيين ع اساس تبع هاد الموقع بيعطوك انطباع انو هني بحياتهن ما شايفين كلية الصحافة وين , او يمكن حتى ما معهن ابتدائي ...هني بجوز معهن دكتوراه الجماعة الله أعلم يعني , بس بيعطوك هالانطباع.
يعني اسلوبهن بنقل الخبر ما بيختلف عن اسلوب اي وحدة عمرها 70 سنة عم تطق حنك مع رفقاتها ( تخيلو هيك لمة نسوان بالستين و فوق و قاعدين ع يشتغلو صوف بالمرادن مثلاً , و بتطلعلك وحدة منهن بتقلك : قال ماسكين سعلوة الفرات بدير الزور ...بتقلها التانية : يييي يالطيف يا لطيف ....مين خبرك ؟ , بتقلها : و الله شفناه ع الفيديو , ابن بنتي معو موبايل نوكيا و عليه فيديو , و انا شفتو بعيني , لو ما شفتو بعيني ما بصدق

__________________________________________________ _________________________________

يعني بصراحة انا ما احتجت اطلع براة صفحة الموضوع نفسها بسيريا نيوز لاعرف المعلومات التالية من تعليقات القراء :

1- الحيوان اسمو Honey Badger و هو من فصيلة الحيوانات المعروفة بالعربي بالغرير أو الضربان . بتقدرو تجوجلو ع اسمو و تاخدو معلومات عنو للصبح .
2- فيلم الفيديو نفسو اللي جماعة سيريا نيوز عاجقين حالهن فيه و حاطين اسم الموقع عليه ع اساس شغل انو Exclusive يعني , موجود عاليوتيوب من زمان و هي الرابط :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

3- الاحلى من هاد انو الفيلم من العراق , ما الو علاقة بدير الزور
__________________________________________________ ____________________________

طيب , يا اخي انو هالمراسل الصحفي المر اللي حرر هالخبر , ما سمعان بشي اسمو تحقيق صحفي ؟ يعني يا اخي ما ضروري يقوم من ورا طاولتو , يفتح الغوغل بخمس ليرات بتبين معو كل القصة , و كان ريح حالو و ريحنا من انو يتحفنا بهيك مواضيه تافهة , سخيفة , بايخة , مغلوطة , و بتضحك ...بتضحك العالم علينا يعني .
اي والله و الله بموقع حمص نيوز الحماصنة ما عملوها

[مجنون يحكي وعاقل يسمع]

كاتب النص الأصلي : HashtNasht

طيب , يا اخي انو هالمراسل الصحفي المر اللي حرر هالخبر , ما سمعان بشي اسمو تحقيق صحفي ؟ يعني يا اخي ما ضروري يقوم من ورا طاولتو , يفتح الغوغل بخمس ليرات بتبين معو كل القصة , و كان ريح حالو و ريحنا من انو يتحفنا بهيك مواضيه تافهة , سخيفة , بايخة , مغلوطة , و بتضحك ...بتضحك العالم علينا يعني .
اي والله و الله بموقع حمص نيوز الحماصنة ما عملوها ولا بيوم الأربعا

ومين قلك أنو المراسل صحفي أو الموقع صحفي أو حتى الخبر صحفي
خلهم يقرطون

[رجل من ورق]

هاد هوي الظربان اللي بيعملا وبتطلع ريحة منعشة منو
السيرة انو انا بشكل يومي بالدوام بالمشفى ما حدا جاب سيرة
ويوميا الصبح المسبح صاير على ضفة النهر ما شفت اي شي مريب
تسالي هالسيريا نيوز

[khaliiiil]

كاتب النص الأصلي : bacteria

هلا هاد مرعب وقبيح

والله شكلو امور كتير وبريء

لروحو

[سوا ربينا]

كاتب النص الأصلي : bacteria

هلا هاد مرعب وقبيح

والله شكلو امور كتير وبريء

لروحو

بريء اي شكلو بيقرف بس..

[MadMax]

كاتب النص الأصلي : HashtNasht

يا زلمي سيريا نيوز شغل تسالي عالاخر , انو كيف بدي قلك , شغل الله حيك يعني ...المراسلين و الصحفيين ع اساس تبع هاد الموقع بيعطوك انطباع انو هني بحياتهن ما شايفين كلية الصحافة وين , او يمكن حتى ما معهن ابتدائي ...هني بجوز معهن دكتوراه الجماعة الله أعلم يعني , بس بيعطوك هالانطباع.
يعني اسلوبهن بنقل الخبر ما بيختلف عن اسلوب اي وحدة عمرها 70 سنة عم تطق حنك مع رفقاتها ( تخيلو هيك لمة نسوان بالستين و فوق و قاعدين ع يشتغلو صوف بالمرادن مثلاً , و بتطلعلك وحدة منهن بتقلك : قال ماسكين سعلوة الفرات بدير الزور ...بتقلها التانية : يييي يالطيف يا لطيف ....مين خبرك ؟ , بتقلها : و الله شفناه ع الفيديو , ابن بنتي معو موبايل نوكيا و عليه فيديو , و انا شفتو بعيني , لو ما شفتو بعيني ما بصدق

__________________________________________________ _________________________________

يعني بصراحة انا ما احتجت اطلع براة صفحة الموضوع نفسها بسيريا نيوز لاعرف المعلومات التالية من تعليقات القراء :

1- الحيوان اسمو Honey Badger و هو من فصيلة الحيوانات المعروفة بالعربي بالغرير أو الضربان . بتقدرو تجوجلو ع اسمو و تاخدو معلومات عنو للصبح .
2- فيلم الفيديو نفسو اللي جماعة سيريا نيوز عاجقين حالهن فيه و حاطين اسم الموقع عليه ع اساس شغل انو Exclusive يعني , موجود عاليوتيوب من زمان و هي الرابط :
http://www.youtube.com/watch?v=k9zlyvCguXc
3- الاحلى من هاد انو الفيلم من العراق , ما الو علاقة بدير الزور
__________________________________________________ ____________________________

طيب , يا اخي انو هالمراسل الصحفي المر اللي حرر هالخبر , ما سمعان بشي اسمو تحقيق صحفي ؟ يعني يا اخي ما ضروري يقوم من ورا طاولتو , يفتح الغوغل بخمس ليرات بتبين معو كل القصة , و كان ريح حالو و ريحنا من انو يتحفنا بهيك مواضيه تافهة , سخيفة , بايخة , مغلوطة , و بتضحك ...بتضحك العالم علينا يعني .
اي والله و الله بموقع حمص نيوز الحماصنة ما عملوها

اي بالفعل الموقع صاير تسالي عالآخر



تقول أمموه يا زلمي

[saman]

بس انو سمعت هيك حكي عالاورينت كمان مو بس بسيريا نيوز ..
صحيح سمعت آخر الخبر انا
بس كانو عم يحكو مع خبير بشؤون الحيونات المنقرضة من دير الزور .. بس ما عرفت شو اسم الحيوان يلي رح ينقرض وكانوا عم يحكو عليه

[مشاعر]

ظهر الحق وزهق الباطل

بالدليل طلع ذكر حتى الخرافات بتلصقونها في الأنثى.

[whiterose]

كاتب النص الأصلي : MadMax

[/center]

فظيعين رجال الدين

يعني مجنون يحكي وعاقل يسمع

مين هالمجنون يلي بدو يقول

هي الخرافات والاساطير يلي ركبت هالسعلوة بنت الذين هيك قالت عن رجال الدين

مو هنن هيك قالو
ولو بتقرا اكتر وبتشوف بتقرا عنها خرافات رهيبة جدا

[boozy]

احنا نسميها ( كرطة_قرطة)
حيوان موجود فعلا يعيش بالاهوار
بس هو حيوان شرس وخطير
ممكن ياكل الاولاد الصغار احذروا

[ورده بغداد]

سبحان الله

نفس القصه انتشرت هون في العراق وفي نهر الفرات

[boozy]

على فكرة ما الها علاقة بالدين
هم رجال الدين مع احتراماتي
بدهم اي شي يغسلوا بي دماغنا ويخوفونا
شو احنا حمير!!

[المحارب العتيق]

كاتب النص الأصلي : boozy

على فكرة ما الها علاقة بالدين
هم رجال الدين مع احتراماتي
بدهم اي شي يغسلوا بي دماغنا ويخوفونا
شو احنا حمير!!

لا على سلامتك من الحمرنة . بس يعني أنتي شفتي شي رجل دين عم يقول هيك بالموضوع . يعني التقرير صف كلام بخمسة

[MadMax]

كاتب النص الأصلي : whiterose

هي الخرافات والاساطير يلي ركبت هالسعلوة بنت الذين هيك قالت عن رجال الدين

السعلوة .. قالت ..!!