|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
23/01/2006
|
#1 | ||||||
|
مشرف متقاعد
|
مظاهرة ضد الخطأ
لنجعل هذا الموضوع مساحة حرة للتعبير عن رأيك...لنجعله صرخة بوجه الخطأ و صيحة من أجل الحقيقة .
في هذا الموضوع ادعو الأعضاء للكتابة عن أي شيء يرونه خاطئا في المجتمع السوري , لا يشترط أن يكون على الصعيد السياسي...أي شيء تراه عائقا في وجه التطور و الحضارة اكتبه دون خوف...قد نكتشف أن في أنفسنا أخطاء نحن غافون عنها.... بانتظار آرائكم
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
23/01/2006
|
#2 | ||||||
|
مختار
|
 أول ما سمعت كلمة خطأ في المجتمع السوري تبادر لذهني مسألة الرشاوي و الواسطة هلأ خلي الواسطة على جنب لأنو موجودة في أي مكان و مو سببا اجتماعي أبدا منجي للرشاوي : مبررها عند البعض انو الموظف بدو يطعمي ولادوا و من هل مبررات بس كمان الزلمة التاني يلي عم يدفع الرشاوي بدو يطعمي ولادوا يعني صارت مسألة فطرية انك تحط مية ليرة و ما فوق بيد الموظف يلي بيحسن يعطلك المعاملة شهور ..... ماهي الحلول يا ترى .. ازا بلشنا بتطبيق النظام اليوم كم سنة بدها نفسيات المواطنين لتتصلح من هيك مسألة ..... موضوع كبير كتير للأسف ما حسنت احصر مخي أكتر من هيك بخاف طق تحياتي
"أوقفوا حجب أخوية في سوريا"
------------------- يا نبع المحبه.... عينك عَ وطنا ------------------- فلتحيا سوريا للأبد واكسيرها للخلود سيكون دماء محبيها .. ------------------- ساعدنا في الاشراف... استخدم زر المشاركة العاطلة |
||||||
|
|
![post[field7]](images/gender/undisclosed.gif)
... خلص ولو 
|
23/01/2006
|
#4 | ||||
|
عضو
-- مستشــــــــــار --
|
برأيي , الخطأ هو النظام نفسه , هل هم خطئ أم أنا خطأ ,
شلون الأقلية بتحكم الأكترية , الخطأ انو عدد من الأشحاص يقودون شعب بأكمله , ,و الخطأ الأكبر انو هل أشخاص نفسهمم على خطأ ,,,, تحياتي ,
أن خدعونا مرة .. تباً لهم , أن خدعونا مرتين .. تباً لنا
Amarta <3 ܒܪܠܝܒ |
||||
|
|
|
23/01/2006
|
#5 | ||||||||
|
مشرف
    |
اقتباس:
الحق علينا نحنا كمان والله كنت بالمشفى عند ابي وحالتي حالة وانا طالع من باب القسم الاذان بيمد ايدوا وبيسلم علي بجي ل اسحب ايدي بيصير يعصوص عليها بدور مصاري هلق ليش ماعرفت مع انو ماعملي اي شي بيستاهل عليه انو ياخد اي فرنك اقتباس:
هلق انا شو بشوف خطاء بشوف خطاء كبير اول شي النظافة عنا عدم يعني الحاوية قدام العالم وبتلاقيون بيحطوا كياس زبالتهون قدام الحاوية وكمان الدخان تبع مكاري 86والسيارات والطرقات الضيقة يعني التخطيط بالدولة عنا عدم وكمان المشاكل الي ما الها حلول عنا بالدولة يعني مثلا الواحد بيكون عندوا محل وبدو يفتحوا بيروح ليجيب الترخيص ليفتح بيقلولوا محللك مانو مطوب لازم تطوبوا بيقلون ماشي لعيونكون ماشي منطوب بيروح ليطوب بيقلولا مافي تطويب هلق بدو مرسوم واذا فتح بيختمولوا المحل يعني مشكلة بلا حل وعنا مشكلة انو البواب على شي هيئة حكومية بيفكر حالوا رئيس وبيحل وبيربط يعني الله وكليلكون شي بيقصر العمر SYRIA
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
"حسام*عاشق من فلسطين*ناطرك" We Ask The Syrian Government to STOP Banning Akhawia"
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||||
|
|
|
23/01/2006
|
#6 | |||||||
|
عضو
-- قبضاي --
|
اقتباس:
أنو الله يا مجود حرقوا ربو له شعب وبيطلع رئيس العصابة الأسدية وبيقول سوريا لله حاميها يكملها أبو الفهم يكملها بشار ويقول الله حمايها وبشار حرميها
هؤلاء لا يزالون خلف القضبان (سجناء رأي)
الحرية لحسام ملحم (عاشق من فلسطين) الحرية لعلي العلي (To live is to die) الحرية لطارق الغوراني ( Tarek 007) الحرية لماهر أسبر الحرية لأيهم صقر الحرية لعلام فخور الحرية لجميع سجناء الرأي و المعتقلين السياسين في سوريا الحرية لسوريا |
|||||||
|
|
|
23/01/2006
|
#8 | ||||||
|
عضو
-- أخ لهلوب --
|
لو كل واحد بيبدى من حالو كانت البلد شوي بخير وهية لو خليت خربت بس شبه خليت
يعني مرة قصة تذكر بالمعنى المفقود عنا صارت معي مع صغر هالقصة بس كانت بتدل عكتير شغلات واحد رفيقي رسام كاريكاتور طولان ومهبول كان يوم جمعة وطالعين من الملعب المهم الزلمة بلا طول سيرة ودعنا وبدو يروح وهوه زلمة شبه منتوف وبعد شي مية متر منشوفو انا ورفقاتي مطوبز عالأرض وعم يلم شغلة طلعت دريدة انا اول واحد فيهون قلت اة شو جن هاد شو صرلو فكرتو بدو يقراها هادا بيرجع شي خمسين متر لورا وهو حامل الجريدة الوسخة وبيلحشها بحاوية العامود الصغيرة وبيكمل بيرجع بطريقو على بيتو انا عن جد فلجني وقلت ياريتنا كلنا نكون متلو وانا اول واحد كون متلو بس عن جد الفن واهلو بيحبو بلدهون وغيرتهون كبيرة عالغالي الوطن
..........Silent Cries & Mighty Echoes.............
|
||||||
|
|
|
23/01/2006
|
#9 | ||||||
|
مشرف متقاعد
|
برأيي هاي كلمة سوريا الله حاميها
لحالها مشكلة كبيرة يعني بيلهو المواطن بشعارات دينية وبخرسوه فيها وبيقعدو بيسرقو على راحتهون
مافي امل
يلعن ابو التخلف ضاع الهدف ابرة ليساعد هلق لصلاح وعدتو بقى رئيدة زدير, اسيرا فهيم رايح |
||||||
|
|
|
23/01/2006
|
#10 | |||||||
|
عضو
-- قبضاي --
|
اقتباس:
مادام يا سيادة الرئيس الموقر والفهمان مادام سوريا الله حاميها ليش كان الرئيس والقيادية لح يموتوا من الرعبة والخوف على رؤسهم وكراسيهم وقت لي أمريكا حطت السباط على روسهم ليش عم تقول الله حاميها (شوفوا الأيمان والخوفة من الله والشعب ) مادام الله حاميها سكوت وروح نام وأنت مطمن بس للأسف شعب غبي ما بيعرف راسوا من دك البستان دغري بكم كلمة بيطنبر وبيسير راسوا لعند الله بدون زعل ولح قول هل الكلمة وقلبي عم يبكي شعبنا بيستاهل هيك رئيس وهيك حكم أستبدادي لأنو شعبنا الذل ماشي بدموا من أيام محمد لو الخلفاء الراشدين والقاصرين الذل ماشي بدم الشعب العربي المسلم أولا و المسيحي تانيا ودمتم |
|||||||
|
|
|
26/01/2006
|
#11 | |||||||
|
عضو
|
اقتباس:
بعدين يا اخي الشعب العربي انواع كتير انا بقلك في فئة ذليلة بس صدقني وقت بيحكولك عن الشهامة العربية صدق هالحكي ولساتا موجودة لهق وعند كتير عالم عالقليلة اكتر من كتير شعوب غربية
أبو عضل
|
|||||||
|
|
|
26/01/2006
|
#12 | ||||||
|
عضو
-- مستشــــــــــار --
|
شباب خلونا بالموضوع الرئيسي أحسن من الدخلة بمتاهات ما ألها مخرج ..
أنا الي بيزعلني كتير لما بشوفوا بسوريا هو الأهمال الكبير للمناطق السياحية والمناطق الأثرية .. يعني لما بتشوف كيف التعامل بالمناطق الأثرية ... ولما بتشوف الوسخ بكل مكان .. ولما بتشوف كيف بعض الناس بستملك على منطقة أثرية .( بمنطقة قلعة دير سمعان بحلب عدة أبنية تحولت لأسطبلات للحيوانات وحتى مستملكينها حطولها بواب وكأنها ملك الي خلفهم ) يعني الأهمال بهالأمور ما ألو مبرر .. وخاصة أنو نحنا عم نشتغل من كم سنة على تقوية السياحة
ســــــــــــــــــوريا قلعة الصمود العربي
|
||||||
|
|
|
26/01/2006
|
#13 | |||||||
|
عضو
-- مستشــــــــــار --
|
اقتباس:
و هاد الموضوع فتحوا " ياس " لحتى الواحد يعرف الصح من الخطأ بكتر أمور أغلب الناس بتعملها و مفكرا حالها عم تعمل شغلة منيحة
عـــــــــــــــــــــــــــــبـــــــــــــــايــــــــــــــــــــــــــــــــــــــــــــــــــــة
زورو موقع الدومري : http://aldomari.blogspot.com |
|||||||
|
|
|
26/01/2006
|
#14 | |||||||
|
عضو
-- مستشــــــــــار --
|
اقتباس:
موضوع الآثار بشكل عام زوروا هاد الموقع و شوفوا شو اشتغلوا الشباب لحماية " عمريت "
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
من جهة ما لو مبرر الو مبرر فســـــــــــــــــــــــ ــــــــــــــــــــــاد و على مستوى عالي |
|||||||
|
|
|
26/01/2006
|
#15 | ||||||
|
عضو
-- أخ لهلوب --
|
مرحبا للجميع ومشان موضوع الخطأ والصح فالافضل انو كل واحد يصلح حالو اول شي وما يدور على خطأ غيرو لانو الخطأ بيبلش من واحد وبيمتد للي حولية واذا كل واحد صلح حالو كثير شغلات بتتصلح لحالا انا عشت بسوريا وبالشام بالتحديد 6 سنين وكانو من اجمل سنين حياتي وبلا مزح مع كل الاخطاء اللي شفتا بس في شي كمان منيح وانو عطول نردد الاخطاء فكرة مو منيحة كمان في ايجابيات بس اكيد الاخطاء اكثر كونو مجتمع تكون من 400 سنة تحت احتلال وفي كثير رواسب وشغلات بدا وقت لتتصلح لحالا مشان النضام انا مع انو يكون ديموقراطي وبقول انو النضام الحالي خطأ بخطأ من راسو لكعاب جريه ومشان الواسطة انا عايش ببلد غربي وكمان في واسطة هون ومحسوبيات بس بغير طريقة مشان التحيز الديني ملان هون والشخص اللي شكلو عربي شو ما كان دينو في عنصرية ضدو ومشان النضافة هاد موضوع كبير كثير يعني ما في اقرف من شوفة واحد عبيرمي وسخ بالشارح او عبيفصفص بزر بالميكرو ّّّّ!!!!!!!!!! ومشان موضوع تحت الجسر وين الميكرويات واللة انو خجالة ومشان التلطيش عالبنات وعالشباب كمكان شي بخلي الواحد يكرة هالشعب كلو مع انو ممنوع التعميم ولكن ما في دولة بالعالم عندا حضارة متل حضارتكم وما في شعب عندو تاريخ متل تاريخم وينكن انتو من هالتاريخ وينكن انتو من الحضارة واللة عيب عليكن وكل العيب اللي بعدكن ساكتين مشان هيك الغلط منكن بس ومو من حدا 2
وشكرا |
||||||
|
|
|
31/01/2006
|
#16 | ||||||
|
عضو
-- أخ لهلوب --
|
شو الله ما عندو شغلة غير سوريا ............حلو عنو للزلمة مو فاضي بدو يحل قضية الجدار العازل بفلسطين وبدو يحرر العراق ولا بدو يشفي مرض السارس وأنفلونزة الطيور ولا بدو يلقط أسامة بن لادن ولا شو ...حلو عنو لألله خلو بهمو .............هوي عمل خليقة ما نو عم يعرف كيف بدو يهديا ...فرط حبوا للزلمة ...حاجة حرام عليكم ......لك هاد ابوكم........
|
||||||
|
|
|
20/02/2006
|
#17 | |||||||
|
مشرف متقاعد
|
اقتباس:
شباب خلونا بالموضوع الرئيسي أحسن من الدخلة بمتاهات ما ألها مخرج يعني الشباب المافيا اللي موطيبة أبداً لازم ينزلوا كتاب اسموا: كيف تخرج من خانة اليك في كلمتين وسخين بدون معلم!!!!!!!!!! |
|||||||
|
|
|
20/02/2006
|
#18 | ||||||
|
مشرف
|
حابة عقب على شغلتين ؟؟ أنو كيف منفهم كلمة مظاهرة ؟؟؟ فورا صراخ وبالفعل بدينا فيها فورا !!! وبدي أطرح تساؤل عندي ؟ أنو شو يعني خطأ هيك بالمطلق ؟؟؟
إذا كانت المظاهرة أنو كل واحد يكتب اللي بدو ياه ويقول اللي بدو ويطلع يصيح ويعيط .. فما بتعنيني ؟؟ إذا مظاهرة بتسمحلي اتطور وبتسمحلي حقق شي وبتتعدى كونا بيع كلام .. وبتنتقل للفعل .. وقتا معناتا خلينا نسميا مبادرة ضد الخطأ .. هون .. بدي أعرف شو يعني غلط ؟؟ ومين بيحدد شو الغلط ؟؟؟؟ بالنسبة للمتدينين بطلع أنا وكل نمط حياتي غلط وبالنسبة للملحدين القصةعلى اضرب ... وهيك شو يعني خطأ بالمطلق وشو المقياس ؟؟ وشو جملة المقارنة اللي بقول فيها أنو هادا غلط وهادا صح ؟؟؟ شعوري الشخصي أنا شايف هالناس غلط لأنون مانون متلي .. والغلط مو من ناحية المبدأ من ناحية أنون مابيشبهوني  .. إذا ما كانت قيمة الأنسان والجماعة اللي عايش فيا هي مقياسنا رح نضل ندور عناس مختلفين نقول انو هنن غلط وهادا ببساطة لأنو أسهل من أنو نفكر انو نحنا يمكن غلط ...
انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 16:48 (بحسب عمك غرينتش الكبير +3)