يحرقون مساجدهم بأيديهم !!! ويلومون الدنمارك !

السورية المشتاقة · 25/02/2006

والله يا جماعة اعتقد انها لعنة نزلت علينا من السماء

خلال 24 ساعة الماضية تم الهجوم على 200 مسجد للمسلمين في العراق
وتم احراق المصحف الشريف ....... وقتل اكثر من 100 شخص من المسلمين

وبعد هذه الاحداث :
صرح احد مسؤولين الدنمارك وهو يقول ..... المسلمين يلوموننا ويقاطعوننا على الاساءة التي خرجت من احدى صحفنا لهم وبعدها يقتلون بعضهم ويحرقون مساجدهم

انا بدي افهم انو المسلمين ما بيتخيلو لو الرسول كان عايش بهالوقت شو رح يكون موقفو منهن

انا رح قللكن ...

الرسول ما كان رح يقاطع الدنمارك
ولا رح يسبهن
ولا رح يردلهن اسائتهن
لانو الرسول اهين واعتدي عليه كتير و هو عايش
لكن مارد الاسائة بمثلها
بل صبر ...وكنت احيانا لم اقرا عن قصص صبرو كنت اتمنى كون مكانو
لنتفهن لهدول الي اعتدوا عليه

والمسلمين بيثوروا عالدنمارك بدون ما يفكروا انو لو الرسول كان معنا هلق
هل رح تعز عليه نفسو اكتر من الرسالة الي اجا فيها ؟؟؟
لا مستحيل

وقاعدين عم يقتلوا ببعض بدم بارد
متناسين انهن قبل ما يكونوا مسلمين وعرب
هنه بشر

متناسين انو دم الانسان اغلا من هدم الكعبة

ما بقول الا
يا رب يهدي الاوضاع لانو هي حرب اهلية مو اكتر ولا اقل
وهيي ةمو من صالح اي مسلم سواء شيعي او سني
ولا من صالح اي عربي مسلم او مسيحي او ملحد ...

وبرجع بعيد الي قالو البطل حسن نصر الله وبزيد عليه كمان ...

لانريد من بوش ان يعمر لنا قبة مسجد الامام علي الهادي
ولا نريد منه هدمها !!

لانو

بنى المسيح على صخر كنيسته
وانا ابني دولتي على حجر

منبني المسجد بايدينا
سنة وشيعة مسلمين ومسيحين

وبالفعل تصريح الدنمارك اضحكني عل حالتنا

بالفعل

نقتل بعضنا ونقاطع الدنمارك

تحياتي

**zen** · 25/02/2006

لا تقاطعوا الدنمارك

السورية المشتاقة · 25/02/2006

يا زين ههي مو قصة مقاطعة
انو نقاطع او لا

المهم مقاطعة الذنوب

ومقاطعة العداوة ...

**zen** · 25/02/2006

والله بعرف
بس خلص
بعد الي صار
المقاطعة ما بتنفع
مع هيك ناس
هني احسن منا ومحترمينا اكتر ما نحترم حالنا
لازم نقاطع حالنا
مو نقاطعون
هني ما العتب عليون
العتب علينا

SIR RORO · 25/02/2006

شو بدك تعملي عم يلعبو بالعالم لعب بالعراق
مافي وعي مافي مين يوجه مافي قائد

بيفجرو بتهجم العالم بينط واحد بيقول هدول السنة بيهجمو على السنة

بقا عم يلعبو بالشعب لعب

Daiski · 25/02/2006

اختي السورية نحنا يلي علينا انو ندعوا لله يساعدون و من ناحية تانية صاروا السنة و الشيعة يعرفوا مين يلي عم يحرق المساجد

و بيدّعي انو الارهاب عم يحرقون مشان ما يصير في حرية بالعراق

fady juventus · 25/02/2006

صدقاً تدايقت على التفجيرين ... والله عيب

Barleb · 25/02/2006

العراق بيتألف من ,
شيعة
سنة
أكراد
تركمان
مسيحيين ,
(قال يعني مافي بـ العراق ولا عراقي ؟ ) هيهي
أمريكا بدا تفرق بينون و تعمل ميليشيات , و هل طوائف بيعرفو هل شي تمام ,
بس الشعب العربي عامةً ,
دقلو بيرقص
عـ الطنة و الرنة بينط

السورية المشتاقة · 25/02/2006

انا رايي من راي نسر السريان ...

آية اللطف · 25/02/2006

لا حول ولا قوة إلا بالله العلي العظيم
السبب برأيي أختي العزيزة عدم وجود قيادة عليا للمسلمين تتكلم باسمهم حيث نجد كل من هب ودب يتكلم باسم الإسلام وينسب هذه العمليات لهم ولكن لا أحد يعلم الحقيقة
وباعتقادي كل هذه العمليات تقوم بها أيدي مغرضة همها الوحيد هو إثارة الفتن بين الناس والإسلام بريء منها
ولنسأل الله السلامة

me2 · 25/02/2006

يحرق حريشنا ...

Barleb · 25/02/2006

ولك نحنا شعب نحنا ,؟ نحنا أمة عدد سكانها 300 مليون نسمة نحنا ؟
ولك الله لا يرحمنا ,

السورية المشتاقة · 25/02/2006

ليش عم تغيرو الموضوع ؟؟؟

me2 · 25/02/2006

اقتباس:

كاتب النص الأصلي : نسر السريان

ولك نحنا شعب نحنا ,؟ نحنا أمة عدد سكانها 300 مليون نسمة نحنا ؟
ولك الله لا يرحمنا ,

ملاحظة 1 :

" الأمة ليست عنصراً من العناصر البشرية ولا مجموعة عنصرية واحدة. والحقيقة التي لا جدال فيها هي أن كل أمة مؤلفة من مجموعات عنصرية متنوعة أي أنها مزيج من سلالات بشرية مختلفة. "

الزعيم انطوان سعادة ....

ملاحظة 2 :

ماتوصي حريص .. مارح يفكر برحمتنا .

كريم ايوب · 26/02/2006

انا معاكي في كل حرف كتبتي

نحنو قوم لا ناْكل حتى نجوع واذا اكلنا لا نشبع

السورية المشتاقة · 26/02/2006

اقتباس:

نحنو قوم لا ناْكل حتى نجوع واذا اكلنا لا نشبع

اي هاد الحديث الشريف ما لو دخل بالموضوع ؟؟؟

me2 · 26/02/2006

اقتباس:

كاتب النص الأصلي : السورية المشتاقة

ليش عم تغيرو الموضوع ؟؟؟

الاستطراد أحد عناوين اللغة العربية .... بس معك حق ... و على كل حال كان في موضوع مشابه ياريتك استكملتي ضمنو.....

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

بس الموضوع مهم و خطير و محرز موضوعين ..

شكرا ألك

Prowed · 26/02/2006

اخت السوريه المشتاقه

موضوع التذكير هذا جميل جداً..

فالأنسان في هذه الدنيا صنفان

اما أخٌ لك في الدين أو أخٌ لك في الخلق..

لماذا يدب هذا الظلم الأجرامي في شرايين الأنسانيه

لماذا اصبحنا كالوحووش الضاريه.. والله قد أوصانا بالعدل والمحبه واحترام الحقوق

مشكوره عالموضوع

أرق تحيه