كلّ مسيحيي وادي النصارى

[Ghiath]

كلما تجولت في الوادي الأخضر .. وكلما تنقلت بين طرقاته وزواريبه .. لفتني شيء جديد مفرح .. فأحياناً ألعب مع أطفال الكرنفال المرمريتاوي الرائع .. وأحياناً أنحني لعظمة قلعة الحصن الشامخة .. وأحياناً أركع على مذابح الدير المقدس .. وأحياناً وأحياناً ..
خلال جولتي هذه المرة طالعتني مجموعة من اللوحات المنتشرة في قرى الوادي المتجاورة .. ما لفتني أن هذه اللوحات البيضاء اللون ذات القياس الكبير ( 1 × 2 متر تقريباً ) والتي خطّت عليها كلماتها بأحرف حمراء كبيرة :

( كلّ مسيحيي وادي النصاري
يستنكرون الإساءات التي وجهتها الصحف الغربية للنبي محمد صلّى الله عليه وسلّم )



هذه اللوحات كانت معلقة في أماكن تمكّن كل عابر من قراءتها حتى من نافذة سيارته المسرعة ، وأنها جميعها كانت نظيفة جداّ لم تقترب منها يدٌ مخربة أو عابثة ، على الرغم من كونها جميعاً تقف على جدرانها وحيدة ليلاً دون حماية ودون رقيب ..
تساءلت .. لماذا لم أرَ هذه اللوحات على شاشات التلفزة العربية والعالمية التي نقلت بكثافة مميزة مشاهد حرق السفارات الأجنبية في دمشق وبيروت ؟.. أنا طبعاً لا أدافع عن عما حدث للسفارتين من تخريب لأنني على قناعة تامة بأن الذين قاموا بهذا الفعل ومهما كانت دوافعهم ودوافع من ورائهم وقدامهم لا يمثلون أبداً الإسلام ولا المسلمين بوجههم الحضاري الثقافي المتسامح ..
حين قرأت هذه الكلمات البسيطة الواضحة المفهومة للجميع أرجعتني ذاكرتني إلى العديد من الحوارات والندوات التي تابعتها في العديد من البرامج المحلية والعربية والعالمية حول مسيحيي الشرق .. دورهم .. تاريخهم ومستقبلهم .. وإلى آخر هذه الدويخة التي ستبقى تدور في ذهن من يريد لها الدوران ..
ما أريد قوله أن هذه الكلمات القليلة أوصلت الفكرة الحقيقة التي تقول أن مسيحيي هذا البلد هم أهل بلد .. كما هم المسلمون أهل بلد .. وأن كل تفاصيل الحياة بصغيرها وكبيرها بحلوها ومرّها معقودة بينهم منذ أربعة عشر قرناً ونيّف .. وعلى كل من لا يريد أن يفهم هذه الفكرة الحقيقة أن يفهمها ..
أنا هنا لست بصدد الحديث عن الرسوم التافهة التي حاولت المساس بشخص الرسول الكريم لأن الرسوم بحد ذاتها لم تعد المشكلة، بل المشكلة غدت أعمق وأوسع .. المشكلة باتت صراع مفهومين حضاريين مختلفين وعلى الطرفين التوصل إلى حلّ شاؤوا أم أبوا لأنهم إن لم يفعلوا فالجميع سيخسر ..
ربما في هذه اللوحات مكمن الحل .. فبساطتها حل وتلقائيتها حل وتعبيريتها حل ..
أنا طبعاً لا أطلب من مسلمي ومسيحيي الشرق المُساء إليهم وإلى أحد أعظم مقدساتهم أن يحصروا المطالبة بحقوقهم بلوحات تعلق على جدران .. على العكس تماماً أطالبهم أن يكونوا أكثر وعياً في إيصال مطالبهم المحقة ..
أحدهم أذنب علينا إذن أن نطالب بمعاقبة الفاعل والمحرض والمستفيد، هذا طبعاً بعد أن نتفق فيما بيننا من المحرض ومن المستفيد لأن اللفاعل معروف للجميع .. هكذا ببساطة وتلقائية ومتابعة ومثابرة إلى نصل إلى ما نريد .. هذا طبعاً بعد أن نتفق على ما نريد .

ناجي درويش.
.
.
.
.
منقــــــــــــــــــــــ ــول
و دمتــــــــــــــــم

[الدبور]

لا علاقة لرسامي الكريكاتير بالمسيحية ...
نرجو عدم الربط بينهما .............

[fady juventus]

أول الشي يعطيك العافية...
ما في أحلى من التسامح
بس بما إنو الموضوع إنفتح خلينا نتناقش شوي شو الرد على هالتسامح ؟؟
فيك تقلي ليش الدولة بتسمي الوادي "وادي النضارى" ؟؟؟!!!
فيك تقلي ليش بتسمح ببناء جوامع بنص حارات المسيحيين ؟؟؟!!!
فيك تقلي ليش بتبني مئذنة فوق باب شرقي ؟؟؟!!!

كلمة وادي النصارى ما في أحلى منها ، وأنا شخصياً بستمتع برنة الصاد بإذني ، وبنفس الوقت بقرف من تغيير هالرنة لأخرى ، من عمليات الإستفزاز المستمرة يومياً...
ليش في ناس بتخبي حقدها وبتفرجيك إنها ما بتكرهك، وبلحظة غضب بتبع كل الحقد دفعة وحدة لدرجة بتسببلك ذهول !!!

[sezar]

فيك تقلي ليش الدولة بتسمي الوادي "وادي النضارى" ؟؟؟!!

أكبر مسخرة هل تسمية لا و طلعت عل تلفزيون مهرجان وادي النــضـارى

و في مسألة تانية ( معلولا ) الكل أكيد بيعرفا ( ضيعة مسيحية )
لكن عدولي كم مسجد فيها ! و كم كنيسة !
لا و الدولة كان بدا تعمر جامع جديد و قامت القيامة بالضيعة !!
و بيجو بقولو تسامح ..
مجرد لعبة سياسية تافهة ليس إلا ...

[MarieSou]

ليش غيرو الاسم من شو بتشكي كلمة النصارى اغلب الضيع بهل منطقة (نصارى) يعني اسم على مسمى وين الغلط

[Tony 124]

هلاء المشكله مو ب التسمايه الكل بيعرف شو اصل التسمايه
وانا بدعو الكل يجوا لعنا على المشتايه
لانو هي احلى ضيعه بالدنيه

[السورية المشتاقة]

وأنها جميعها كانت نظيفة جداّ لم تقترب منها يدٌ مخربة أو عابثة

غريبة ...

[MarieSou]

بعرفا كتير حلوة كنت كل ما دق الكوز بالجرة على hotelالوادي ( الخوري) وندور بكل الوادي ولما بتروح بين الضيع تشوف فرق كبير.................??????????

[Ghiath]

كاتب النص الأصلي : Tony 124

وانا بدعو الكل يجوا لعنا على المشتايه
لانو هي احلى ضيعه بالدنيه

لاء تعالو لعنا على حب نمرة أحلى ...
.
.
عم بمزح طبعاً أبو الطون ... و عراسي أهل المشتاية كلهون

[whiterose]

كاتب النص الأصلي : sezar

أكبر مسخرة هل تسمية لا و طلعت عل تلفزيون مهرجان وادي النــضـارى

و في مسألة تانية ( معلولا ) الكل أكيد بيعرفا ( ضيعة مسيحية )
لكن عدولي كم مسجد فيها ! و كم كنيسة !
لا و الدولة كان بدا تعمر جامع جديد و قامت القيامة بالضيعة !!
و بيجو بقولو تسامح ..
مجرد لعبة سياسية تافهة ليس إلا ...

وأنا بعرف قصة
مرة محافظة حمص قررت تعمل لوحة لكل بأسم كل ضيعة ويحطوا معلم أثري بدل على محافظة حمص
يكون موحد لكل الآرمات فأختاروا جامع خالد بن الوليد اللي هم جامع كبير بحمص
وقامت الدنيا وأعدت
كسروا الأخوة المسيحيين الأرمات وحرقوها
وطالبوا البلدية بوضع رسم لأحد الكنائس
وتحديدا دير مار جرجس

عم تقلولي تسامح

أنا بحب هدليك المنطقة ونواحيها
مرمريتا ومشتى الحلو وصافيتا
وبحب وادي النصارى لأنو لما كنت صف حادي عشر
كان عندي استاذي الأنكليزي من وادي النصارى
مالي متذكرة اسمو بس بعرف انو من بيت سعد الدين
وحبيتو لها الأستاذ لأنو حبني وحببني بالغة كنت اكرهها
علمني كيف حبها وادرسها

[whiterose]

كاتب النص الأصلي : sezar

أكبر مسخرة هل تسمية لا و طلعت عل تلفزيون مهرجان وادي النــضـارى

و في مسألة تانية ( معلولا ) الكل أكيد بيعرفا ( ضيعة مسيحية )
لكن عدولي كم مسجد فيها ! و كم كنيسة !
لا و الدولة كان بدا تعمر جامع جديد و قامت القيامة بالضيعة !!
و بيجو بقولو تسامح ..
مجرد لعبة سياسية تافهة ليس إلا ...

وأنا بعرف قصة
مرة محافظة حمص قررت تعمل لوحة لكل بأسم كل ضيعة ويحطوا معلم أثري بدل على محافظة حمص
يكون موحد لكل الآرمات فأختاروا جامع خالد بن الوليد اللي هم جامع كبير بحمص
وقامت الدنيا وأعدت
كسروا الأخوة المسيحيين الأرمات وحرقوها
وطالبوا البلدية بوضع رسم لأحد الكنائس
وتحديدا دير مار جرجس

عم تقلولي تسامح

أنا بحب هدليك المنطقة ونواحيها
مرمريتا ومشتى الحلو وصافيتا
وبحب وادي النصارى لأنو لما كنت صف حادي عشر
كان عندي استاذي الأنكليزي من وادي النصارى
مالي متذكرة اسمو بس بعرف انو من بيت سعد الدين
وحبيتو لها الأستاذ لأنو حبني وحببني بالغة كنت اكرهها
علمني كيف حبها وادرسها وبسببو هلق انا شاطرة فيها
وبتفوق

[Willi]

انا بأييد تغير اسم الوادي من وادي النصارى لوداي النضارى
ومع هالتغيير 100%

نحنا مو نصارى
نحن مسيحيين
بحياتو ما كان اسمنا نصارى وما رح يصير اسمنا نصارى

وانا وقت الواحد بقلي نصارني ما بقبلها منو وبقلو مسيحي
المفروض يعيطولك بالاسم اللي انت بتسمي حالك فيه مو باسم تاني

غريبة ...

ابدا مو غريبة على اهل الوادي

لاء تعالو لعنا على حب نمرة أحلى ...

لك طوني الشب من حب نمرة
لك على راسي شباب الوادي كلها وخصوصي حب نمرة (مدعومين لان) بس من بعد المشتاي

[SAM 1]

كاتب النص الأصلي : Ghiath
هذه اللوحات كانت معلقة في أماكن تمكّن كل عابر من قراءتها حتى من نافذة سيارته المسرعة ، وأنها جميعها كانت نظيفة جداّ لم تقترب منها يدٌ مخربة أو عابثة ، على الرغم من كونها جميعاً تقف على جدرانها وحيدة ليلاً دون حماية ودون رقيب ..

ليش برأيك....
طبعا لأنو الشعب المسيحي شعب راقي
وبعيد كل البعد عن العنف والهمجية ......................

[yamen_h]

الله حيووووووووووووووووووووووو ووووووووووووووووووووووووو ووووووووووووووووووووووووو وووووووووووووو


وحياة الله اني مشتاق لتراب الوادي ...
يا شباب انا من الواااااااااااااااااااااا اااااااااااادي
احلى وادي بالعالم كلو....

والله العظيم انو ارقى من شعبنا نحنا اهل الوادي مارح تلاقوا ..

خطوة بخطوة وأيد بأيد مشينا على درب الفادي ...وقلوب تسبح وزيد الايمان بأرض بلادي ..
والحب يعود من جديد ...اكجاد الأجداد يعيد ...والرب يبارك ويشيد الوادي بشباب الوادي ...


مشكور اخي غياث ....
معلم بدي اسألك ..كيفو الوادي ...اكيد عم يشعشع نور ....
والله عيني عم تدمع انا وعم اكتب الرد ...

انا مشتاااااااااااااااااااااا ااااااااااااااااااق للوااااااااادي ..

[السورية المشتاقة]

ليش برأيك....
طبعا لأنو الشعب المسيحي شعب راقي
وبعيد كل البعد عن العنف والهمجية ......................

التعميم خاطئ حتى عالاسرائيليين

[yamen_h]

انو علواه ما تخلينا نزعل من بعضنا ...اوكي ؟؟

لأنو اذا زعلنا ..مشكلة ها ..

[السورية المشتاقة]

انو علواه ما تخلينا نزعل من بعضنا ...اوكي ؟؟

لأنو اذا زعلنا ..مشكلة ها ..

لمين هالحكي ؟؟؟

ازا الي انا ما بيهون عليي زعلك

بس قصدت انو التعميم خاطئ على اي شعب
او فئة ...لانو دائما فيها الصالح والطالح

[SAM 1]

التعميم خاطئ حتى عالاسرائيليين

التعميم خاطيء مزبوط
بس انا لا عممت ولا خصصت

ياعمي ليش بتفهمو غلط ... انا ماقصدي شي...