مين أكتر فريق كان بيستاهل يربح المونديال؟؟

[كهربجي]

يا ريت تصوتو...

بحيااااااااادييييييييييية ةةة

[Willi]

ولا واحد بيستاهل يربح المونديال
صحيح في فرق كتيرة لعبت بشكل رائع
بس كل الفرق كان ناقصها
كان ممكن قلك انو البرتغال هو الفريق اللي بيستاهل
بس البرتغال بتنقصو الخبرة
صحيح كان عم يلعب بطريقة رائعة
بس ما كان عم يعرف يستخدم فرصو بقلب منطقة الجزاء

المانيا لعبت لعب حلو بس برأيي وصلت للمركز التالت لانو اللعب على ارضها وبين جمهورها.
فرنسا كمان لعبت لعب حلو ولو عندها حارس اقوى كان ممكن يكون المونديال الها
رغم هيك برأيي هية بتستاهل تربح المبارات النهائية (بس ما كانت بتستاهل تتأهل عليها)

ايطاليا صار رأيي فيها واضح كتير
هلق اذا بدي قول رأيي بيجي مشجع طلياني وببلش يسبني متل ما عملو من قبل..

البرازيل رغم العدد الرهيب من النجوم اللي بهالفريق مع هيك كان ادائهون متواضع بشكل ما كان حدا متوقعو.

انكلترا برأيي لو الحظ ما اجا ضدها (اصابة اوين وعدم مشاركتو بالمونديال, اصابة بيكهام بالمبارات مع البرتغال, وطرد روني كمان بمبارات البرتغال) كان عالاكيد عندها حظوظ اكبر, وليش لاء؟ يمكن كانت ربحت المونديال. (اداء رائع بجد قدمتو)

الارجنتين كمان كان لعبها حلو بس ما قدرت تتخطى المنتخب الالماني رغم انو كمان كانت مرشحة كبيرة للفوز.

المنتخبات البقية قدمو عرض حلو بس كلهون بيفتقدو كتير من الخبرة.

فيني قلك بين التنين اللي لعبو عالنهائي كان اللي بيستاهل اكتر هو فرنسا

[Forever]

ايطاليا ، واول مرة نشاهد منتخب بكاس العالم لا يعتمد على خط الهجوم وهدا ما فعله مدرب ايطاليا مارتشيلو ليبي الدي اوجد طريقة جديدة لحسم المباريات ومن خلال خط الدفاع والاجنحة ويعتبر هده الطريقة السلاح السري لمنتخب ايطاليا ومن خلالها فاز بكأس العالم.

[صياد الطيور]

أنا كان رأيي مختلف عن كل الشباب
لأنو كنت بشوف التشيك هو المنتخب الي بيستحق يكون في المقدمة ... بس الخبرة كان ألها دور افضل

[MR.SAMO]

كاتب النص الأصلي : صياد الطيور

أنا كان رأيي مختلف عن كل الشباب
لأنو كنت بشوف التشيك هو المنتخب الي بيستحق يكون في المقدمة ... بس الخبرة كان ألها دور افضل

انا من رأيك صياد الفريق التشيكي غير شكل

[ابومزيد]

انا كنت حابب الكرامة تاخد الكأس بس للأسف مدري ليش ما لعبت بالمونديال

[كهربجي]

كاتب النص الأصلي : MR.SAMO

انا من رأيك صياد الفريق التشيكي غير شكل

صحيح مليون بالميّة... بس الأرجنتين لعبت أحلى لعب من زمااان واللي شاف غول كامبياسو على صربيا و غول ماكسي رودريغيز على المكسيك بيعرف شو يعني أداء جماعي و مهارات فرديّة

[كهربجي]

كاتب النص الأصلي : صياد الطيور

أنا كان رأيي مختلف عن كل الشباب
لأنو كنت بشوف التشيك هو المنتخب الي بيستحق يكون في المقدمة ... بس الخبرة كان ألها دور افضل

أنا حطّيت الفرق اللي تأهّلت عالدور التاني بس مشان نخفف عدد الإحتمالات

[كهربجي]

كاتب النص الأصلي : Forever

ايطاليا ، واول مرة نشاهد منتخب بكاس العالم لا يعتمد على خط الهجوم وهدا ما فعله مدرب ايطاليا مارتشيلو ليبي الدي اوجد طريقة جديدة لحسم المباريات ومن خلال خط الدفاع والاجنحة ويعتبر هده الطريقة السلاح السري لمنتخب ايطاليا ومن خلالها فاز بكأس العالم.

لأ مو بس إيطاليا اللي لعبت هيك يا عيوني.. في التشيك اللي ظروفها الوسخة طلّعتها

و في انكلنرا.. وطبعاً ربّ هاد اللعب... أرخنتينا

[مجد محمد]

طبعاً ألمانيا شو بدها اتنين يحكو فيها

[نمر سوريا]

كاتب النص الأصلي : كهربجي مثقف

صحيح مليون بالميّة... بس الأرجنتين لعبت أحلى لعب من زمااان واللي شاف غول كامبياسو على صربيا و غول ماكسي رودريغيز على المكسيك بيعرف شو يعني أداء جماعي و مهارات فرديّة

و الله الحق معك ........
و هدف تيفيز لا يقل جمالية و روعة عنهما

[gabo]

هلق أانا كنت الماني من البداية و حتى النهاية بس من حي اللعب اللي لعب منيح هوي اللي أخد الكاس وبيستاهل ومبروك لمشجعي الفرق الإيطالي الكاس
أما فرنسا فبينت الروح الرياضية من تصرف زيدان الوحشي تجاه اللأعب الإيطالي (بيستاهل البطاقة الحمرا) زيدان كنت انا بعتبروا أحسن لاعب حتى آخر عشر دقايق
أما أحسن حارس فهوي حارس البرتغال الذي تألق بصد ثلاث ضربات جزاء ببراعة ( مع أنو ما قدرلنا فوتنا فيه تلات أهداف)


والمانيا انشا الله بال 2010

[ابومزيد]

الارجنتين لعبت لعب بيجنن وهولندا والتشيك والبرتغال وفرنسا وانكلترا وايطاليا والمانيا كللون لعبو حلو بس هاي طابة اولا واخيرا والحكم بالاخير للاهداف وبس

[Nirvana]

الأرجنتيييييييييييييييييييييييييييييييييييييي ن