لن اسميه ساترك لكم اختيار الاسم

وائل 76 · 17/09/2006

حينما يتغير الوجه الملائكي لترى الشيطان يطل عليك باقذر وجه
حينما تختزل كل معني الحياة ليصبح الموت هو المعنى الوحيد الذي تراه
حينما تنقلب المعادلة ليصبح الناتج صفر
حينما تتنازل عن حقوق كثيرة شرعها الله لك لتجد انك انت وحقوقك لا تساوي شيئ
حينما تتغير كل المعاني الجميلة التي عشت عليها الي معنى واحد يتجسد بكلمة الشقاء
حينما تضطر الى التنازل عن حلمك البسيط لتعيش واقعا بأس لا تملك به شيئ
حينما يفرض عليك ان تعيش كما اراد الاخرون لك ان تعيش
حينما تخلص بكل ما للكلمة من معنى لتقابل بكل اجحاد وتنكر
حينما تكفر بكل شيئ امنت به
حينما تجد نفسك امام مصير قذر
حينما تتنازل عن جزء من كبريائك وكرامتك في سبيل حلم ولا تجد من يقدر ذلك

تصبح للحياة مفاهيم اخرى غير تلك التي ندركها ونضحك بها على انفسنا
اصبح اليوم مفهوم الحياة كل ماقذر ودنيئ
لكنها ارادة الله ان نحيا كما يشاء وان نلقى مصائرنا كما يشاء لا نملك الا ان نقبل ونرضى ونامل بغد افضل
لكني لا املك الان ان انتظر ذلك الغد المشرق
لانني فقدت كل تلك الشموع التي تضاء بها الطريق

اشكركم جميعا والى لقاء قريب باذن الله
لن ارد على مشاركاتكم لانني سانقطع من الان عن الاخوية

تحياتي لكم جميعا

maro18 · 17/09/2006

كلنا بلحظات يأسنا بنشوف الحياة هيك واكتر
بس لازم يكون عندنا الامل انه الاتى قد يكون افضل بيضل جوانا حلم بدنا نحققة ونعيشوا
صدقنى ما فى حدا راح ينظلم يعنى اذا كانت الحياة هيك اكيد راح تتغير اكيد ربنا هيعوضك لان هو العدل
(ولا تقنطوا من رحمة الله)
بس لية يا وائل راح تنقطع عن الاخوية

أسير التشرد · 17/09/2006

وين يا وائل ليش رح تنقطع عن الاخوية....
مين رح يتابع قصائد مظفر النواب ...

ارجوك لا تنقطع ولا تتركنا من دون حبيب

وائل 76 · 17/09/2006

بعتذر منكم جميعا
اتخذت قرارا متسرع بسب ظروف قاسية شوي كانت
لكن ادركت سريعا انه ما زال عندي اشخاص لهم عليا حق ان ابقى واستمر
انتم من تعلمت منهم الكثير وحلمت معكم بالكثير
لكم عليا حق ان ابقى واستمر وان انتظر ذلك الغد المشرق
حتى وان كنت اخدع نفسي بتلك الكلمات لكن ان اخدع نفسي اهون بكثير من ان اترك الاخرين يخدعوني
تحياتي لكم احبتي
واقبلوا مني كل الحب والتقدير لانكم انتم فقط من يدرك تلك المعاني العظيمة

وائل 76 · 17/09/2006

اقتباس:

كاتب النص الأصلي : maro18

كلنا بلحظات يأسنا بنشوف الحياة هيك واكتر
بس لازم يكون عندنا الامل انه الاتى قد يكون افضل بيضل جوانا حلم بدنا نحققة ونعيشوا
صدقنى ما فى حدا راح ينظلم يعنى اذا كانت الحياة هيك اكيد راح تتغير اكيد ربنا هيعوضك لان هو العدل
(ولا تقنطوا من رحمة الله)
بس لية يا وائل راح تنقطع عن الاخوية

بشكرك اختي مارو لكنك تدركي معاني تلك الكلمات
اتنمى ان لا اصدق ما حدث وان ابقى في ذلك الحلم
وبنتظر من العدل العدل

مرسي الك ماروا

وائل 76 · 17/09/2006

اقتباس:

كاتب النص الأصلي : أسير التشرد

وين يا وائل ليش رح تنقطع عن الاخوية....
مين رح يتابع قصائد مظفر النواب ...

ارجوك لا تنقطع ولا تتركنا من دون حبيب

شكرا كتير اخي العزيز اسير التشرد
كلماتك كتير صعبة عليا
لكن يلي بقلك ياه مر علينا كتير اوقات صعبة وما حنينا هاماتنا
لكن يلي مر عليا امبارح كان كتير صعب
واكيد ما راح يحني هامتي هو كمان
قراري الان هو ان ابقى ةاستمر لانكم تستحقون مني اكثر من ذلك

كل الحب والاحترام اخي اسير وبننتظر الغد المشرق حتى ولو ما بلغنا بيكفينا انو يكون حلم
تحياتي الك حبيب

RaNaA · 17/09/2006

اقتباس:

كاتب النص الأصلي : وائل 76

بعتذر منكم جميعا
اتخذت قرارا متسرع بسب ظروف قاسية شوي كانت
لكن ادركت سريعا انه ما زال عندي اشخاص لهم عليا حق ان ابقى واستمر
انتم من تعلمت منهم الكثير وحلمت معكم بالكثير
لكم عليا حق ان ابقى واستمر وان انتظر ذلك الغد المشرق
حتى وان كنت اخدع نفسي بتلك الكلمات لكن ان اخدع نفسي اهون بكثير من ان اترك الاخرين يخدعوني
تحياتي لكم احبتي
واقبلوا مني كل الحب والتقدير لانكم انتم فقط من يدرك تلك المعاني العظيمة

ليش يا وائل والله المنتدى من دونك موش حلو
وعلى كل حال
يا رب تكون بخير والاوضاع عندك تهدى

Reemi · 17/09/2006

بزمناتو محمد ابراهيم قلي...اني
صاحبة الوجه الملائكي والروح العفريتيه... ذكرتني فيه...

اهلا برجعتك

بنت الاكارم · 17/09/2006

بالرغم من الياس الموجود بكلماتك بس بجد كلمات معبره كتيير

ياريت وائل لا تفكر انك تترك المنتدى مره تانيه لانه المنتدى في اعضاء كتير قديرين متلك ما بدنا نخسرهم

ويا اهلا وسهلا برجعتك

وائل 76 · 17/09/2006

اقتباس:

كاتب النص الأصلي : Reemi

بزمناتو محمد ابراهيم قلي...اني
صاحبة الوجه الملائكي والروح العفريتيه... ذكرتني فيه...

اهلا برجعتك

انتي ممكن تكوني وجه ملائكي وروح عفريتيه
بس اكيد ما راح تكوني وجه الشيطان القذر
انا يلي وجهتله كلامي كان شيطان
على كل حال مرسي الك ريمي على مشاركتك

RaNaA · 17/09/2006

يا وائل انا حبيت ئلك شغله
"الحياه مليئه بالحجاره فلا تتعثر بها بل اجمعها وابني بها سلماً نحو النجاح"

krakish · 17/09/2006

مو لازم تستلم للامر بهذه السرعة

لازم تكابر عشان تصير

وائل 76 · 17/09/2006

اقتباس:

كاتب النص الأصلي : بنت الاكارم

بالرغم من الياس الموجود بكلماتك بس بجد كلمات معبره كتيير

ياريت وائل لا تفكر انك تترك المنتدى مره تانيه لانه المنتدى في اعضاء كتير قديرين متلك ما بدنا نخسرهم

ويا اهلا وسهلا برجعتك

مرسي الك بنت الاكارم
لكن وقت يلي ممكن اترك الاخوية اكيد راح اترك كل شي
بتمنى ما اوصل لهيك مرحلة وبتمنى من الله ان يرحمني برحمته من كل شي ممكن يصير

تحياتي الك اختي العزيزة

بنت الاكارم · 17/09/2006

اقتباس:

كاتب النص الأصلي : RaNaA

يا وائل انا حبيت ئلك شغله
"الحياه مليئه بالحجاره فلا تتعثر بها بل اجمعها وابني بها سلماً نحو النجاح"

يالله شو عجبتني هالجمله منشان هيك حطيتها بتوقيعي

طبعا بعد اذنك رنا

وائل 76 · 17/09/2006

اقتباس:

كاتب النص الأصلي : RaNaA

يا وائل انا حبيت ئلك شغله
"الحياه مليئه بالحجاره فلا تتعثر بها بل اجمعها وابني بها سلماً نحو النجاح"

جمعتها كلها رنا وبنيت فيها معبد
لكن انهدم المعبد عليا
بس اكيد راح اجمعها مرة تانية بمساعتدكم وحبكم وعطفكم

تحياتي الك رنا

وائل 76 · 17/09/2006

اقتباس:

كاتب النص الأصلي : krakish

مو لازم تستلم للامر بهذه السرعة

لازم تكابر عشان تصير

العلم يلي حطاه بصورتك الرمزية بيدل على بشر ما ممكن بتنازلوا بسهولة
لكن لما يوصل الامر للمفاضلة بين الكرامة وشي تاني اكيد راح نختار الكرامة
مع انو الشي التاني كتير عزيز وما ممكن تستقيم بدونه مفهوم الحياة
لكن بيبقى كبرياء وكرامة الانسان اغلى من انه يضحي فيها
هاي الاشياء يلي باقيا عندي ما ممكن اتنازل عنها

تحياتي الك اختي العزيزة ومرسي على المشاركة

msham · 17/09/2006

أول ما عرفت أنك رح تترك المنتدى كتير تضايقت لأنو عن جد يا أخ وائل أنت من الناس يلي شجعوني أكتب كل كلمة كتبتها بهالمنتدى ....
وخاصة وقت عجبك توقيعي ....
وحابة قلك مرة تانية يا أخ وائل أنو الدنيا بتستاهل منا أنو نتفاءل لأنو بدون الأمل والتفاؤل بأنو رب العالمين دائماً معنا بكل خطوة وثانية ولحظة بخلي حياتنا كتير بشعة ......

msham · 17/09/2006

أول ما عرفت أنك رح تترك المنتدى كتير تضايقت لأنو عن جد يا أخ وائل أنت من الناس يلي شجعوني أكتب كل كلمة كتبتها بهالمنتدى ....
وخاصة وقت عجبك توقيعي ....
وحابة قلك مرة تانية يا أخ وائل أنو الدنيا بتستاهل منا أنو نتفاءل لأنو بدون الأمل والتفاؤل بأنو رب العالمين دائماً معنا بكل خطوة وثانية ولحظة بخلي حياتنا كتير بشعة ......