هذا القسم ليس للمواضيع الدينية

[Hus]

سلامااااات ، و ينعاد عليكم يا شباب و يا صبايا ،

..انشاء الله ما تسمنو كتير
وإنشاء الله هيك الله يكون بعونكم كرمال تعرفو تنظمو وقتكون على المظبوط .. وتقدرو تلتهمو اكبر قدر من المسلسلات ، و دعايات العلكي و المحارم (وخاصة انو المنافسة حامية الوطيس بين محارم القطة! ومحارم ديمة ولا ما بعرف شو هاي المعطرة ! ) بعد ما كانت انتصرت بالجولة الأخيرة (هديك السني) علكة السندريلا على علكة سهام ومنطار ورشا واوزون وهديك تبع"كيف حطو شراب جواتا " ، هلق اجا دور المحارم .. (الله يستر سنة الجاي من الفوط -فوط البيبهات -)


أما بعد ، الخيمة الرمضانية، هي خيمي رمضانية شامية ! بالمعنى الدقيق ، ،.. طق حنك ، ثرثرة، احاديث اجتماعية، فطور ، سحور، بلح الشام، قمر الدين الشامي ، قبيوات، سمبوسك بلحمي .. أراغيل ، مسلسلات ، شلي !! .. يعني عادي خيمي رمضانية متل الي بتنزل عليها مع الشلي بحارتك .. مافي شي جديد..

وايضا وايضا ، هذا القسم ليس قسم ديني ، هذا القسم لمواكب الحدث الرمضاني الإحتفالي او المهرجاني ، العام ، وليس لإنشائه اي دلالة دينية، كما ان بإستخدامه سنحافظ على هذا ..

ميت هلا