محكمة أمن الدولة تصدر أحكاما على 7 أشخاص بالسجن بين 7 و5 سنوات

[chefadi]

أصدرت محكمة أمن الدولة العليا بدمشق أحكاما على سبعة معتقلين معظمهم من الشباب تراوحت بين السجن سبع سنوات والسجن خمس سنوات بتهمة "تعريض سورية إلى أعمال عدائية".

وأفادت المنظمة الوطنية لحقوق الإنسان في بيان تلقت "سيريانيوز" نسخة منه أن محكمة أمن الدولة العليا أصدر أحكاما بالسجن سبع سنوات على طارق غوراني (25 سنة) و ماهر إبراهيم اسبر (26 سنة ).
كما حكمت على حسام ملحم و ايهم صقر وعلام فاخور ودياب سرية وعمر العبد الله بالسجن خمس سنوات.
واعتقل هؤلاء في شهري شباط وآذار من عام 2006 لمحاولتهم تأسيس تجمع شبابي.
واعتبرت المنظمة الوطنية في بيانها أن "هذه الأحكام لم تصدر عن جهة قضائيّة مختصّة, بل صدرت عن محكمة استثنائية استنادا لحالة الطوارئ" مطالبة "بإلغاء محكمة امن الدولة العليا وإحالة موقوفيها الى القضاء العادي المختص".

سيريانيوز

[chefadi]

يعني الشباب طلعوا أخطر من البني و كيلو و كل المعارضين الكبار
فعلا ماعم يطلع معي حكي لاني لساتني تحت الصدمة
عوجاااااااااااااااااااااا اااااااااااااااااااااا

[Reemi]

[Majood]

[Echo]

بصراحة...ما لقيت تعريف أفضل للعهر...هذا الحكم هو العهر بعينه...العهر السياسي ومن ثم العهر الاخلاقي ومن ثم العهر الانساني....

وصمة عار أخرى برقم مليون ع جبين شامنا التي صنعها العاهرون...

[امرأة من ورق]

[BL@CK]

يلعن ربّ هالزمن .. اللي بيتهم هيك شباب بـ "تعريض سورية إلى أعمال عدائية"

أنو الشي اللي ما عمأستوعبو في ألف ابن حرام لاعن رب البلد نصب و سرقة و رشوة و على عينك يا تاجر .. و ماحد حاكي معوه شي

و شباب مجرد كونون عبيطالبو بحياة أفضل .. عبطالبو بـ سوريا أفضل ينحكم عليوّن بالسجن .. و سبع سنين لك البني اللي هوي البني انحكم خمس سنين

لك تفي في هيك زمن عاطل ..

[فوضوي]

الحرية للسبعة
liberity for the sevn
lefteria stous efta

[سدير المعاني]

كاتب النص الأصلي : فوضوي

الحرية للسبعة
liberity for the sevn
lefteria stous efta

ايضا لا اوافق,

و ان كان يوما نريد ان نطالب بحرية, فلنطلبها من انفسنا,, الحرية لك و لي من ثوب حيواني نرتديه و نحن شامخون رافعون الرأس و كأننا اعز بني البشر.. فلنكن انسانيين اولا و من ثم نطالب بالمساوات و الحريات الجسدية.. و و و الخ...
اريد حريتي في عدم تكفير اخي المواطن, ب ((( ان لم تكفر من يكفرون فانت زنديق -هكذا يقولون فما رايكم يرعاكم الله ))) اريد حرية اخي المواطن في اعتناق ارائه لطالما العقل هو الحكم بيننا.. اريد ان يتحرر شبعنا من التكفيرين اريد ان نحررهم من ما اقتنعوا به, اريد اريد اريد..... ان اكون انسانا..

شكرا

[BL@CK]

بس حبيت أرجع أقول تفي في هيك زمن

لإني و للأسف قالتلي ريمي أنو الفترة اللي قضوا ما بتنحسب من مدة الحكم ..

[BL@CK]

كاتب النص الأصلي : سدير المعاني

ايضا لا اوافق,

و ان كان يوما نريد ان نطالب بحرية, فلنطلبها من انفسنا,, الحرية لك و لي من ثوب حيواني نرتديه و نحن شامخون رافعون الرأس و كأننا اعز بني البشر.. فلنكن انسانيين اولا و من ثم نطالب بالمساوات و الحريات الجسدية.. و و و الخ...
اريد حريتي في عدم تكفير اخي المواطن, ب ((( ان لم تكفر من يكفرون فانت زنديق -هكذا يقولون فما رايكم يرعاكم الله ))) اريد حرية اخي المواطن في اعتناق ارائه لطالما العقل هو الحكم بيننا.. اريد ان يتحرر شبعنا من التكفيرين اريد ان نحررهم من ما اقتنعوا به, اريد اريد اريد..... ان اكون انسانا..

شكرا

يا ترا لو كنت انت مكان أي واحد من السبعة و أجيت أنا و كتبتلك لا أوافق ..

لو راحت زهرة عمرك بالسجن ما لإنك سرقت .. ما لإنك ارتشيت ..

بس لذنب وحيد إنك حبيت وطنك .. و إجا متفزلك متلي و قال لا أوافق ..

و قعدت أتفلسف عن التكفير و سبع شباب بالسجن و راحت زهرة عمروون ..

و لا أوافق ..

يا ترا شو بكون أنا ..

[BL@CK]

بيكون وضعي تماما مثل ما حكيت ووضعك انت كمان مثل ما حكيت عنك و ها نحن نسمع بهم زجوا و غدا يأتي غيرهم ليزجوا و تستمر انت بما قلت و استمر انا فيما قلت.. يا هل ترى فهمت شي من شي؟؟؟

لأ للأسف قلتلك برد أسبق أنا المفاهيم المثالية مخي ما خرج يستوعبا ..

فينك تعتذر عن الإجابة أو ترد بواقعية نوعا ًما ..

شو رأيك تحاول تنتقد النقاط؟؟ بد\ال ما تاخد الامر شغل هوبرات؟؟ و على فكرة الفزلكة هي بقوم فيها واحد لا انساني مثل شخصك الكريم..

للأسف أنا كنت عبوجهلك سؤال .. ليش فهمتني غلط كنت عبسألك افترض افتراض

كنت عبقلك حط حالك بمطرح هالأشخاص و أنا جيت سويت هيك ..

ليه أخدت حديثي على منحى شخصي .. ليه أخدت حديثي على إني قاصدك

أنا عبسألك عن حالي افترض إني هيك أنا سويت شو دخلك انت بالموضوع

سألتك سؤال إما تجاهل السؤال و لا تجاوب أو فينك تجاوب من دون ما تنفي صفة الإنسانية عني ..

اكرر و اضمك الى مجموعة الشخص اللي متبنى افكار اجرامية (( الماغوط وكلمة الغير مجدية)) اضمك الى مجموعته و بقلك اني اشك في انسانيتك...

بشكرك .. على هالانتماء اللي عطيتني يا و نفيت عني صفة الإنسانية لمجرد إني متبني أفكار الماغوط ..

بالفعل حضارة ..

إلى جميع من قام بتبني فكر الماغوط .. قام " سدير المعاني " بنفي صفة الإنسانية عنك ..

وجب التنويه .. مالي مع فكر الماغوط .. بس إذا تبني فكر الماغوط بينفي صفة الإنسانية عني اسمحلي أقلك تبنيت هالفكر من هاللحظة ..

انتقد او قف بعيدا حيث يتكلم المتكلمون بلا نفع و حيث تسمى التراحيب اراءا و حيث يصفق بناء على الاجماع... سيقط الاجماع و يسقط اهله و يعيش اهل الصواب الذين بحثوا فوجدوا وفق ما علموا انه مطلق ..

للمرة الثانية بتمنا منك ما تملي أفكارك و مفاهيمك عليي .. أنا بتصرف اللي بلاقي مناسب

مية

[chefadi]

كاتب النص الأصلي : BL@CK

بس حبيت أرجع أقول تفي في هيك زمن

لإني و للأسف قالتلي ريمي أنو الفترة اللي قضوا ما بتنحسب من مدة الحكم ..

مبلا مبلا بتنحسب اكيد

[Reemi]

كاتب النص الأصلي : chefadi

مبلا مبلا بتنحسب اكيد

لالالالا...انا سالت عنها قانونيا... بتنحسب بس للجنايات والاشيا الصغيره...بس الامور الي متعلقه بامن الدوله ...لا

[chefadi]

كاتب النص الأصلي : Reemi

لالالالا...انا سالت عنها قانونيا... بتنحسب بس للجنايات والاشيا الصغيره...بس الامور الي متعلقه بامن الدوله ...لا

مبلا مبلا كل اللي حكمتون محكمة امن الدولة انحسبت مدة التوقيف من ضمن فترة محكوميتون

[Reemi]

كاتب النص الأصلي : chefadi

مبلا مبلا كل اللي حكمتون محكمة امن الدولة انحسبت مدة التوقيف من ضمن فترة محكوميتون

بعد تطبيق قانون الطواريء؟؟؟؟ انا هيك امي قالتلي ...وهيي محاميه....

[chefadi]

كاتب النص الأصلي : Reemi

بعد تطبيق قانون الطواريء؟؟؟؟ انا هيك امي قالتلي ...وهيي محاميه....

اي اكيد هالحكي بعد قانون الطوارئ .... انا عم احكي عن اعتقالات منتصف الثمانينات اللي طالت حزب العمل الشيوعي و جماعة رياض الترك و المنظمة الشيوعية العربية و غيرون كتير من بعث العراق و الفلسطينيين و الاخوان

المهم غالبية المعتقلين السياسيين تقدمو للمحاكمات (الشكلية ) بعد ست و سبع سنين من الاعتقال (يعني ليختمروا مزبوط ) و انحكموا احكام متفاوتة اغلبها فوق العشر سنين و احسبت هي الست او السبع سنين من محكوميتون .......
ملاحظة : هدول الست سبع سنين اللي عم احكي عنون غالبيتون كانو بسجن تدمر سيء الزكر يعني بينحسبوا على الاقل على الاقل 25 - 30 سنة

[Government]

الله يفك اسر كل مظلوم ....