اليوفي العظيم

[fady juventus]

كشر فريق يوفنتوس عن أنيابه كمرشح قوي للفوز بلقب الدوري الإيطالي لكرة القدم بتغلبه على ضيفه ليفورنو 5/1 مساء أمس السبت في المرحلة الأولى من الموسم الجديد من المسابقة .

وتصدر يوفنتوس الصاعد حديثا لدوري الدرجة الأولى جدول الدوري برصيد ثلاث نقاط ليوجه تهديدا قويا للفرق الإيطالية بأنه ليس بالخصم الهين.

وأحرز المهاجم الفرنسي ديفيد تريزيجيه ثلاثة أهداف (هاتريك) ليوفنتوس في الدقائق 28 و85 و89 بينما سجل المهاجم الإيطالي فينتشينزو ياكوينتا الهدفين الآخرين للفريق في الدقيقتين 70 و83 وجاء ثانيهما من ضربة جزاء.

وجاء الهدف الوحيد لليفورنو في الثواني الأخيرة من المباراة وسجله ماسيمو لوفيسو.

وكان يوفنتوس قد عوقب بالهبوط لدوري الدرجة الثانية في الموسم الماضي مع تجريده من لقب الدوري في الموسمين السابقين لتورطه في فضيحة التلاعب بنتائج المباريات الإيطالية الشهيرة.

وسنحت الفرصة الأولى لتريزيجيه في الدقيقة 13 إثر تمريره من قائد فريقه أليساندرو ديل بييرو ولكنها خرجت بجوار مارك اميليا حارس مرمى تورينو.

وفي الدقيقة 28 افتتح الفرنسي الدولي تريزيجيه التسجيل ليوفنتوس من تمريره جديدة لديل بييرو.

وتصدى اميليا لتسديدة خطرة من تريزيجيه ثم أفسد هجمة أخرى لجورجيو كيليني مدافع يوفنتوس قبل أن ينقذ هدفا مؤكدا في الدقيقة 39 من ضربة حرة مباشرة سددها ديل بييرو.

وكاد فاوستو روسيني أن يدرك التعادل لليفورنو في الدقيقة 69 ولكن تسديدته ضلت طريقها للمرمى.

وفي الدقيقة 70 نجح ياكوينتا في إحراز الهدف الثاني ليوفنتوس مستغلا تمريره لزميله أليساندرو جراندوني.

وأضاف ياكوينتا الهدف الثاني له والثالث لفريقه في الدقيقة 84 من تسديدة قوية إثر تمريره لزميله بافل نيديفيد وبعد الهدف بدقيقة واحدة عزز تريزيجيه من فوز فريقه محرزا الهدف الرابع ليوفنتوس والثاني له بمساعدة زميله انطونيو نوسيرينو ثم اختتم الفرنسي الدولي سلسلة أهداف فريقه في الدقيقة 89 محرزا الهدف الخامس ليوفنتوس قبل أن يسجل لوفيسو هدف ليفورنو الوحيد في الدقيقة الأخيرة من المباراة التي انتهت بفوز يوفنتوس 5/1 .


موقع كووورة.

[بسومة]

اي مبروك لليوفي

الحمد لله صار بالدرجة الاولى


وبالتوفيق بالدوري الإيطالي بس ترى في فرق منافسة قوية كميلان والأنتر وروما.....

:c lap::cla p:

[verocchio]

وعاد الأسد الى الغابة ...

لا بد في الكورة الايطالية اليوفي مشان ما تتكرر روتينية الموسم الفارط

[fady juventus]

مبروك صدارة الدوري من المرحلة الأولى لليوفي العظيم

[souri to the bone]

GREAT JUVI
Juvi will win serie A + Champions league this season

[يمان Rooooonaldo]

خخخخخخخخخخخ شليفة ميلانو وبس بايطاليا

[blanco]

الدوري للرومانيستا لو بتضلو تحكو ميت سنة
يوفنتوس كم مرحلة وبيفرط

[fady juventus]

مبروك الفوز التاني عالتوالي لليوفي العظيم هالمرة على حساب كالياري بأرضه

الشي الحلو إنو الشباب فاتوا بجو السيريا A فوراً و بسلاسة

[ِAbu Alzooz]

كاتب النص الأصلي : يمان Rooooonaldo

خخخخخخخخخخخ شليفة ميلانو وبس بايطاليا

لو بس شليفة ميلانو بايطاليا بيكفو بكل رياحة :ya hoo:

[fady juventus]

نسينا نقول إنو النتيجة كانت / 2 - 3 / و إنو تريغول حط هدفو الرابع بالدوري معتلياً و بقوة صدارة الهدافين
و انشالله تضل الهمة هيك لأبطال إيطاليا المغيبين ظلماً السنة الماضية

[يمان Rooooonaldo]

ونسينا نخبرك انو الظاهر عادت حليمة لعادتا القديمة


"90"

[fady juventus]

كاتب النص الأصلي : يمان Rooooonaldo

ونسينا نخبرك انو الظاهر عادت حليمة لعادتا القديمة


"90"

و نسيت خبرك إنو عنا عادة قديمة هيي إنو نمرغ أنف ريال مدريد تبعك بالوحل
ولا نسيت يا حبوب
بس لظروف قاهرة راحت للموسم الجاي

[يمان Rooooonaldo]

كاتب النص الأصلي : fady juventus

و نسيت خبرك إنو عنا عادة قديمة هيي إنو نمرغ أنف ريال مدريد تبعك بالوحل
ولا نسيت يا حبوب
بس لظروف قاهرة راحت للموسم الجاي

ههههههههه روق روق ... ما حكينا شي... لساتنا بال 90 وعصبت


عادي عادي... سلم على موجي بس ... وقلو تيك كير

[fady juventus]

تألق البطل المغيب اليوم و سحق ضيفه باليرمو بخماسية نظيفة بقيادة الإمبراطور دل بييرو أفضل لاعب في تاريخ كرة القدم المعاصر
مع العلم أن الإمبراطور شارك كبديل في الدقيقة /70/ لكن هذه الدقائق كانت كافية ليسجل مرتين من ضربتين ثابتتين و يصنع هدفاً ثالثاً من تمريرة عرضية رائعة

الهدف الأول كان لتريزيغيه الذي عزز صدارته ترتيب الهدافين ب /11/ هدف

أما الإمبراطور فسجل هدفه الأول من حرة مباشرة لعبها ملتفة و بمحاذاة القائم الأيسر تماماً مما جعل الحارس يراقبها بحسرة .. و هذا الهدف ماركة مسجلة لعمالقة الكرة فقط , و الهدف الثاني من ضربة جزاء بعد عرقلة السهم الأشقر ندفيد و ليرفع الإمبراطور رصيد أهدافه إلى /5/

من شاهد مباراة اليوم لا بد وأنه استعاد ذكريات الأمجاد التي صنعها هذا الثلاثي لليوفي "تريغول و دل بييرو و ندفيد"

[fady juventus]

مباراة كانت صعبة كتير عاليوفي مع كاتانيا , الفريق العنيد اللي عندو دفاع جهنمي على أرضو (دخل عليه 4 أهداف بأرضو و 15 خارج أرضو)

و زاد من صعوبة المباراة وجود خلل واضح بتنسيق الهجمات بين الوسط و الهجوم , بصراحة الوسط كان ضايع
أما كاتانيا فكان عم يافع بكل اللاعبين لما يهجم اليوفي

بالملخص ... هجمة واحدة و وحيدة لكاتانيا و من تسلل واضح جداً بيسجل "إسبينيزي" هدف حلو كتير اكتفى الأخطبوط بوفون بمراقبة الطابة و هيي رايحة عن يمينو "يمكن لأنو توقع الحكم يرفع الراية"

المهم ... متل العادة كان اليوفي متجه للخسارة التالتة هالموسم و بخطأ تحكيمي مجدداً ومع إنو هدف كاتانيا كان بالدقيقة /15/ بس نقص التركيز أدى لفشل كل المحاولات ...
و مين غير الإمبراطور دل بييرو بيحل هيك مشكلة ؟؟؟
أكيد ما حدا (خصوصاً إنو صنع كتير فرص لندفيد و تريزيغيه بس الشباب كانوا محششين)

دخل الإمبراطور بالدقيقة /90/ لمنطقة الجزاء و راوغ /4/ لاعبين و خلا واحد يضطر يعرقلو لأنو كان رح ينفرد
و بيحسب الحكم ضربة جزاء بيتوجهلا دل بييرو و بثقة الأبطال بيسجل هدف التعادل و هدفو التامن هالموسم لتنتهي المباراة بالتعادل اللي بطعم الخسارة لليوفي.

[MadMax]

بصراحة ...كان اليوفي اليوم عاجز تماماً
و لولا أنو الحظ ابتسملو بضربة جزاء ........ كان مستحيل يتعادل

[fady juventus]

هلأ اليوفي كان عاجز ... صح
المنافس أقل مستوى ... صح
نحنا استلمنا المباراة من الباب للمحراب و ما قدرنا نخترق الدفاع ... كمان صح
بس يا زلمة أنو حظ اللي ابتســـــــــــم هاااااااد ؟؟؟؟؟!!!!!!!1
لك نحنا إلنا علاقة بكلشي إلا شغلتين ... الحظ و الحكام

على كل حال ليس بالإمكان أفضل مما كان
اليوفي حقق معجزة بتصدر المراحل الأولى و من ثم الوصافة و حالياً تواجدو بالمركز التالت المؤهل لدوري الأبطال

يا أخي هاد طالع من السيريا B على دوري العمالقة !!! شو قليلة ؟!
و مع هالشي فات بالجو تمام و حقق أفضل من المتوقع

تحياتي

[MadMax]

كاتب النص الأصلي : fady juventus

هلأ اليوفي كان عاجز ... صح
المنافس أقل مستوى ... صح
نحنا استلمنا المباراة من الباب للمحراب و ما قدرنا نخترق الدفاع ... كمان صح

يمكن كان اليوفي مسيطر بالشوط التاني
بس بالشوط الأول ما قطع نص ملعبو ....و كانت خطوطو بعيدة عن بعضها و هجومو عقيم تماماً

بس يا زلمة أنو حظ اللي ابتســـــــــــم هاااااااد ؟؟؟؟؟!!!!!!!1

بقصد بالحظ ... أنو حصلوا على ضربة جزاء ( صحيحة ) بس بدونها ما بظن كانو قدروا يسجلو مبارح

لك نحنا إلنا علاقة بكلشي إلا شغلتين ... الحظ و الحكام

هلأ بالحظ ما بعرف
بس بالنسبة للحكام ............ بدك تسمحلي فيها







عالهامش : أنا بشجع اليوفي متل ما بشجع اللانتر و الاي سي و روما .. و أنا متعصب للدوري الايطالي جداً

بس برأيك اليوفي هالسنة ...... ما عم يعكس اسمو تماماً ( السيدة العجوز ) ..؟؟
أنا برأيي الفريق كلو بدو نفضة قوية ...و بدو روح جديدة