قمة الوقاحة..اعلان يصور السيد المسيح كزير نساء!!

[*Marwa*]

قمّة الوقاحة.. إعلان يصوِّر السيد المسيح كزير نساء!!!!

بالرغم من استياء الملايين حول العالم واعتراضهم ورفضهم لاستغلال الأديان أيا كانت، لكسب الشهرة أو المال أو غيرهما.. مازال بعض المعتوهين يلجئون لهذه الطريقة ليصلوا إلى مبتغاهم، فلا يراعون شعور البشر ولا يخافون الله.. وقد صدمنا في موقع فرفش من الاعلان التلفزيوني الذي يظهر المسيح وكأنه من "الهيبيز" يتعرّف على نساء نصف عاريات في أحد الملاهي الليليًّة. وقد احتج الأساقفة الكاثوليك في بلجيكا ضد الإعلان التلفزيوني، وتقول الكنيسة الكاثوليكيًّة إن مثل هذا النوع من التصوير للمسيح لا يبدي أي نوع من الاحترام للمؤمنين، وبالتالي من الخطأ استخدامه في الإعلان. لكن محطة تلفزيون "بلوج" تنفي أن يكون الإعلان المذكور نوعا من التجديف أو الكفر.
يُظهر الإعلان التلفزيوني المسيح شخصا فوضويا طويل الشعر يتسكّع وقد راح يحاول دخول ملهى ليلي فيمنعه حرّاس الملهى من الدخول. بعد ذلك يُبدي المسيح إشارة الصليب ويدفع بالحرّاس جانبا، فيقلِّصهم ليتركهم وقد تحوًّلوا إلى أقزام طوال السهرة.
كما تًظهر هذه الطبعة من شخصيًّة المسيح في إعلان تلفزيون "بلوج" وهو يشرب الويسكي في الحانة ليحوًّل بعدها بشكل ساحر امرأتين سمراوين رثًّتي الملبس إلى فتاتين شقراوين ترتديان لباس السباحة (البكيني) وقد ظهرتا بقرون حمراء كالشياطين.
بعدئذ يتوارى الشخص الذي يظهر في الإعلان عن الأنظار عندما يركب في سيًّارة ليموزين برفقة الفتاتين، ولكن إعلانا لتلفزيون بلوج يحوِّل انتباهه قبل أن يستدعيه الربُّ الواقف فوق غيمة والمرتدي قميصا (تي شيرت) مكتوب عليه "الأب رقم واحد". ويوبِّخ الربُّ المسيح بسبب نزوعه لمشاهدة إعلان تلفزيون "بلوج" وأي شيء آخر، قائلا له: "لا زلت تريد المزيد."
وقد عبًّرت الكنيسة الكاثوليكيًّة عن عدم موافقتها على الإعلان قائلة إن صناعة الإعلان ليست كالصحافة ويتعيًّن ألاًّ تتقاسم معها هموم حرية التعبير ذاتها. وتعتقد الكنيسة بأن هذا الإعلان يتخطًّى حدود الاحترام. وتجادل محطة تلفزيون "بلوج"، على أي حال، بأنًّ الإعلان ليس تكفيريًّا ولكنًّه يتضمًّن رسالة حول شخصيًّة المسيح الهادئة المسترخية التي تخاطب الشباب.
نؤكد في موقع فرفش للمرة الألف أننا نرفض الإساءة إلى أي عقيدة دينية أو شخصية دينية. فهذا المجال يجب أن يكون محترما، على الأقل لمراعاة مشاعر الملايين من البشر. ونأمل في فرفش أن تصل رسالتنا ورسالة قراء ومتابعي الموقع إلى كل مكان..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[cuty]

ناس ما بتفهم

مو لاقيين غير الرسل و الانبياء ليتمسخرو عليهم...

فعلا قمة الوقاحة...


يسلموو عالموضوع مروة

[*Marwa*]

كاتب النص الأصلي : cuty

ناس ما بتفهم

مو لاقيين غير الرسل و الانبياء ليتمسخرو عليهم...

فعلا قمة الوقاحة...


يسلموو عاموضوع مروة

شفتي بالله؟!
مرة بطلعولك كارياتيرات على الرسول محمد عليه السلام واسى على سيدنا المسيح عليه السلام!!
كفى تجريحا بالديانات..كفى تجريحا بالمؤمنين!

شكرا لمرورك كيوتي

[Damask Rose]

جد لا حول ولا قوة الا بالله
بطلت الناس تعرف شو تساوي والله فاضيين
هاد الي كان ضايل؟
توصل معهم لهالدرجة؟
الله يعافينا من هيك نماذج ويبعدههم عنا
ويسلمو مروة عالموضوع

[*Marwa*]

كاتب النص الأصلي : سميه

جد لا حول ولا قوة الا بالله
بطلت الناس تعرف شو تساوي والله فاضيين
هاد الي كان ضايل؟
توصل معهم لهالدرجة؟
الله يعافينا من هيك نماذج ويبعدههم عنا
ويسلمو مروة عالموضوع

اي بتوصل..ما دام الانسان بقوللو عقلو انو هو اعلى تفكيرا من المؤمنين وانو من حقو يسخر منهن بوصل لاكتر من هيك كمان!

شكرا لمرورك

[امرأة من ورق]

مابعرف وين المشكلة
انو الكبير بيضل كبير حتى لو تهجم عليه حدا او صورو بشكل كاريكاتوري فلما المؤمن مقتنع انو الانبياء بالفعل كبار ليش لحتى يتأثر بهيك تصاوير للانبياء

[mey]

فعلا قمة التخلف يعنى مو ملاقين غير الرسل و الانبياء يتمسخرو عليهم وين احترام الاخر؟؟؟؟؟
يسلمو عالموضوع

[*Marwa*]

كاتب النص الأصلي : امرأة من ورق

مابعرف وين المشكلة
انو الكبير بيضل كبير حتى لو تهجم عليه حدا او صورو بشكل كاريكاتوري فلما المؤمن مقتنع انو الانبياء بالفعل كبار ليش لحتى يتأثر بهيك تصاوير للانبياء

الكبير كبير ما اختلفنا..بس لما كلشي بدنا نقول وين المشكلة..هالشي بصير عنا عادي وبصير التجريح والتحقير بالناس عادي جدا!!
بعدين انتي كانسانة ما بتحبي انو حدا ييجي يجرح فيكي او يعطي صورة مشوهة عنك وبتلجأي يمكن للقانون!
طيب كيف بتسمحي (ما تاخديها بشكل شخصي انا بعطي مثال) انو الرسل والانبياء العظماء يتصوروا بهالطريقة؟!!

تحياتي وشكرا لمرورك

[*Marwa*]

كاتب النص الأصلي : mey

فعلا قمة التخلف يعنى مو ملاقين غير الرسل و الانبياء يتمسخرو عليهم وين احترام الاخر؟؟؟؟؟
يسلمو عالموضوع

شكرا عالمرور ميوش ومعك حق

[امرأة من ورق]

كاتب النص الأصلي : *Marwa*

الكبير كبير ما اختلفنا..بس لما كلشي بدنا نقول وين المشكلة..هالشي بصير عنا عادي وبصير التجريح والتحقير بالناس عادي جدا!!
بعدين انتي كانسانة ما بتحبي انو حدا ييجي يجرح فيكي او يعطي صورة مشوهة عنك وبتلجأي يمكن للقانون!
طيب كيف بتسمحي (ما تاخديها بشكل شخصي انا بعطي مثال) انو الرسل والانبياء العظماء يتصوروا بهالطريقة؟!!

تحياتي وشكرا لمرورك

طيب نحنا كل يوم بحياتنا عم نحقر ناس ونتمسخرون سواء عنا بالجرايد او بحياتنا اليومية بين صحابنا ليش مابنبلش نصلح من حالنا ونبطل تحقير بالناس بعدين نطالب الناس انو يبطلوها

واذا منشان قصة القداسة في كتير مقدسات نحنا كمان عم نحقرها بدون مانحسب حساب نفسية المؤمنين فيها..... يعني ليش بس بدنا نسب شي وحدة بنقول عنها بقرة مو البقرة بحد علمي كمان مقدسة عند جزء من الناس وليش تم هدم تماثيل بوذا وماانحسب حساب قدسيتها عند كتير ناس
او انو المقدسات والامور والشخصيات العظيمة هيي مقدساتنا نحنا وبس

بكل الاحوال برجع وبقول رأيي الكبير كبير ومارح تغبر عليه هيك اشياء بس اللي بيغبر عليه انو لما نحنا بنحس السخرية عليه و كأنه بالفعل تصغير الو لانو انا بفهم هيك شغلة انو نحنا مو واثقين بعظمته بما فيه الكفاية لحتى نترفع عن التعليق على هي القصص

[*Marwa*]

كاتب النص الأصلي : امرأة من ورق

طيب نحنا كل يوم بحياتنا عم نحقر ناس ونتمسخرون سواء عنا بالجرايد او بحياتنا اليومية بين صحابنا ليش مابنبلش نصلح من حالنا ونبطل تحقير بالناس بعدين نطالب الناس انو يبطلوها

واذا منشان قصة القداسة في كتير مقدسات نحنا كمان عم نحقرها بدون مانحسب حساب نفسية المؤمنين فيها..... يعني ليش بس بدنا نسب شي وحدة بنقول عنها بقرة مو البقرة بحد علمي كمان مقدسة عند جزء من الناس وليش تم هدم تماثيل بوذا وماانحسب حساب قدسيتها عند كتير ناس
او انو المقدسات والامور والشخصيات العظيمة هيي مقدساتنا نحنا وبس

بكل الاحوال برجع وبقول رأيي الكبير كبير ومارح تغبر عليه هيك اشياء بس اللي بيغبر عليه انو لما نحنا بنحس السخرية عليه و كأنه بالفعل تصغير الو لانو انا بفهم هيك شغلة انو نحنا مو واثقين بعظمته بما فيه الكفاية لحتى نترفع عن التعليق على هي القصص

وانا معك انو لازم بالاول نبلش بانفسنا ونبطل تحقير ببعضنا..وانا ضد تحقير مقدسات وانبياء اي مؤمن بغض النظر عن ديانته!
بس انو انا ما بشوف انو عدم التعليق على متل هالاشيا هو الحل! بالعكس لازم كل انسان يوقف ويفرجي حقو بالايمان او حتى الالحاد! وحق البشر في التحرر من الدين يجب ان لا يتعارض مع حق غيرهم في التدين!

تحياتي

[امرأة من ورق]

كاتب النص الأصلي : *Marwa*

وانا معك انو لازم بالاول نبلش بانفسنا ونبطل تحقير ببعضنا..وانا ضد تحقير مقدسات وانبياء اي مؤمن بغض النظر عن ديانته!
بس انو انا ما بشوف انو عدم التعليق على متل هالاشيا هو الحل! بالعكس لازم كل انسان يوقف ويفرجي حقو بالايمان او حتى الالحاد! وحق البشر في التحرر من الدين يجب ان لا يتعارض مع حق غيرهم في التدين!

تحياتي

اول شي شكرا كتير عالردود اللطيفة والمحترمة
بس انا مابشوف بالسخرية على دين معين او نبي معين حرمان للمؤمنين بهاد الدين من حقو بالايمان

[*Marwa*]

كاتب النص الأصلي : امرأة من ورق

اول شي شكرا كتير عالردود اللطيفة والمحترمة
بس انا مابشوف بالسخرية على دين معين او نبي معين حرمان للمؤمنين بهاد الدين من حقو بالايمان

مش حرمان بحق الايمان..بس كمان متل ما انا حقي انو ما يتم التجريح فيي او التشهير او الاهانة بالكرامة..كمان بحقللي اطالب انو يحافظوا على هالحق لرسولي وألهي (اللي هني بالنسبة للمؤمن اهم شي) ..يعني انا مش ضد حرية التعبير او انك تعبر عن رايك او تنتقد دين معين ازا كان هالشي باطار حضاري وواعي وبدون تحريف للحقائق والتاريخ..لكن انا ضد انو نعبر وننتقد بهدف الاساءة والتقليل والتجريح!

تحياتي الك و انا اللي بتشكرك على ردودك اللطيفة

[Abu ToNi]

طب فين المشكلة ؟!؟!

[*Marwa*]

كاتب النص الأصلي : gabriel

طب فين المشكلة ؟!؟!

والله ما بعرف قللي انتي وين المشكلة؟؟!!!!

بتمنى ترجع تقرا حواري مع امراة من ورق بتعرف انا بعترض على شو بالزبط

تحياتي

[•• LEO ••]

كاتب النص الأصلي : امرأة من ورق

مابعرف وين المشكلة
انو الكبير بيضل كبير حتى لو تهجم عليه حدا او صورو بشكل كاريكاتوري فلما المؤمن مقتنع انو الانبياء بالفعل كبار ليش لحتى يتأثر بهيك تصاوير للانبياء

ردك عبثي وواضح شو قصدتي
وبناءا على كلامك ما خليتي حرمة لرب ولا لدين ولا لمعتقد ... وبطّل في اشي اسمو اهانة لدين أو معتقد .. يعني لغيتي كل هالاشياء من قاموس الحياة .. ولغيتي مفهوم ومعنى التقديس .. يعني الي بدو يهين ويسب دين أو نبي ورسول يهين ويسب عادي .. خدو راحتكم يا بشر
لو ضليتي ساكتة كان أحسن
وميت هلا ..

طب فين المشكلة ؟!؟!

ببغاء سريع التعلم وبلقطها ع الطاير ..
وميتين هلا ..

[Abu ToNi]

طيب فكرة تانية


انا كمسيحي ممكن باعتباري مسيحي وعبينحكي على المسيح بس انت مروة شو الهدف انك تحطي هيك موضوع

اذا بدك تقنعيني بمثالياتك كالعادة بانك غيّورة على المسيح ومدري من هاد الحكي فانت للاسف وجهين بلسانين بالاول ما فتي على الاخوية كان عنوانك " بتحداك تدخل لهون " وكان الرابط على موقع بيتهجم بشكل كتير كبير على المسيح فمن امتى صرتي حامية الحمى وجاي اتدافعي على المسيح

المسيح مانه بحاجة لحدا يدافع عنّه وخصوصا شخص متلك

[*Marwa*]

كاتب النص الأصلي : gabriel

طيب فكرة تانية


انا كمسيحي ممكن باعتباري مسيحي وعبينحكي على المسيح بس انت مروة شو الهدف انك تحطي هيك موضوع

اذا بدك تقنعيني بمثالياتك كالعادة بانك غيّورة على المسيح ومدري من هاد الحكي فانت للاسف وجهين بلسانين بالاول ما فتي على الاخوية كان عنوانك " بتحداك تدخل لهون " وكان الرابط على موقع بيتهجم بشكل كتير كبير على المسيح فمن امتى صرتي حامية الحمى وجاي اتدافعي على المسيح

المسيح مانه بحاجة لحدا يدافع عنّه وخصوصا شخص متلك

اولا الله يسامحك ..
تانيا انا اؤمن بالمسيح انو نبي..واؤمن بعيسى كرسول..الموقع اللي كان بيتحدى فهو موقع يدحض ادعاءات الوهية يسوع وانا لا اؤمن باللوهية يسوع! (وانتي قلتها من قبل كل واحد حر بمعتقداته)
وانا لما حطيت هالموضوع هون حطيتوا وتطرقت الو على اساس ايماني و لاني اهتميت بالمسيح كنبي وليس ك الهة!!
يعني الاشي جرحني لاني بعرف انو النبي عيسى ما كان هيك!
بعدين الموضوع انقال فيو اهانة السيد المسيح وليس اهانة الاله المسيح! وانا تعاملت مع هالموضوع من هالناحية! وانا اسفة جدا اني حاولت اقرب وجهات النظر والقلوب بين الاطراف!

وشكرا على تعقيبك في كل الاحوال!