باب الحارة تعلق الشباب به

[ظل جيفارا]

مرحبا يا جماعة
مبارح كنت بالسكن الجامعي فكرت إنو في بيان خطابي يعلن عن قيام الحرب بين طرفين كتير قراب من بعضهن لأنو كان في بالغرفة اللي بيحطوا فيها التلفزيون لجموع المتجمهرين مليون بني أدم عيونهن على الشاشة
هلأ برأيكن ليش هالتعلق الشديد بباب الحارة
رح قلكن شغلات سمعتها وشوفوا تعليقي صحيح ولا لأ
لما الأخ ضرب أخته سمعت صيحات متفاوتة بين هون وهنيك : رجال ...برافو عليك ......زكرت ..... إي بتستاهل والله العظيم
لما صارت علقة بالحارة القديمة الكل اتحمس وكأنه الدم اللي عم يسيل هو عبارة عن قناني بيرة نزلت عليه من السما وما كأنه هالمنظر الدموي من عادة البشر إستهجانه
العالم وقفت ضد البنت اللي كانت عم تحكي مع الشب من ورا الباب
هيدا الحكي أستغربته أنا لأنه انا كنت باللادقية واللادقية نسبيا اكثر تحرر من باقي المناطق يعني مستحيل كان حدا يوقف مع الشب اللي عم يضرب اخته او يعتبر أنه الحجب بين الشب والفتاة بشكل كامل شي محبذ
برأيكن تعلق الجيل بهالمسلسل ما فينا ناخده دليل على أن الشباب ما عاجبو الوضع الإجتماعي القائم حاليا وحابب يرجع للمجتمع الذكوري الكامل ( هيدا مو معناه إنو لحنا مو بمجتمع ذكوري حاليا بس يعني المدري شو أحسن من العمى )
بعدين بدي أحكي نقطة على المسلسل يعني كأنه المؤلف إبن شي حارة من حارات الشام القديمة لأنه عمل الشام القديمة جنة الأرض بما فيها من توادد ورحمة وأخوة وكل الشخصيات في المسلسل كانت شخصيات إن لم تكن مثالية فهي غير خطاءة
فأبو عصام رجل عاقل وكذا أبو شهاب وكذا أبو جاسم - فقد قدم المال الكثير للفقراء والمحتاجين في اول ايام العيد- وكذا أبو النار فقد أرضاه الحل السلمي الذي قدمه أبو عصام لحل المشكل بين الحارتين
حتى ابو غالب يظهر حقده على ابو عصام مبررا وتظهر افعاله كرد فعل طبيعي على شعوره بالوحدة والظلم

يعني كأنو المخرج نسي يحط بين الشخصيات شخصية الإنتهازي وشخصية الطماع وشخصية الفساد وشخصية الحرامي وشخصية الحشاش يعني بكل مجتمع في أناس خطائين فيني إسأل سؤال بيضل بعهدة المؤلف وين الشخصيات المجرمة إذا فينا نسميها بمسلسل باب الحارة ؟
يعني اكيد ما بدكن إياني صدق إنو الحارة هي جنة الفردوس الموعودة ؟
والسلام على من اتبع العقل
ظل جيفارا

[Barleb]

اغلب يلي عم يتتحمسو لـ باب الحارة .. بيكون عما يشوفو نقصون فيه ..

[Government]

مابعرف ..
هالمسلسل حلو هو ..
بس باستثناء انو حلو فيو شغلات يعني كتير مبهورة وزايدة وعليها بهارات
ومالا طعمة يعني ومزودين شوي ..


يعني مثلا هلأ لما شاف معتز مرت اخو بلا غطة عمل قصة لا الله ومدري شلون
يعني شوي مبهور بالموضوع
لا وفي كمان نقطة تانية انو البنت مثلا كلشي الا الغطى عندا وهادا شي يعني خلص
وبالمقابل يتطلع بلا غطى قدام جوز اختا وعادي
يعني شو هالتناقض الغبي


وشوي مودينا يعني انو قصة الحريم والعرض وهالشغلات
وبعدين كل هادا اللي بزعجني بالمسلسل الاضهاد للمرة
يعني المرة بهالمسلسل مهمشة تهميش مو طبيعي
يعني اي حديث ملازم تسمعوا
اي حكي بين الام والاب مالازم تسمعوا
اذا اطلقت مابحقلا تعرف
انو بهالمسلسل مصورين المرة كائن معدوم الشخصية و "خادم" شغلتا بس تطبخ
لا وكل هادا عبدة عند جوزا ومالا اي رأي

مابعرف بس انو شوي مزودينا مو كتير
من ناحية تصويرن للمرا وطريقة التعامل معا واللي هي بصراحة عنجد بتسيى للمجتمع السوري
ومن حيث تصويرن للعرض وماعرض والتناقض الرهيب عندن من طرف تاني

[ما بعرف]

يعني من وجهة نظرك فيك تعتبر انو باب الحارة هو الفردوس المفقود

بالمجمل فيك تعمل منو كتير اسقاطات سياسية وتاخد منها حلول ..... والحديث يطول

[abosleman]

كاتب النص الأصلي : Barleb

اغلب يلي عم يتتحمسو لـ باب الحارة .. بيكون عما يشوفو نقصون فيه ..

انو ممكن جدا
او عم يفتقرا للرجولة بكل معانيها

[MadMax]

في باب الحارة: (أمرك ابن عمي) فتنت المشاهد السعودي

حظي المسلسل السوري (باب الحارة) منذ عرض جزئه الأول في العام الماضي بنسبة مشاهدة عالية وأعتقد أن هذه النسبة هي التي حفزت القائمين على العمل لإنتاج الجزء الثاني، ولن نتحدث عن نقاط القوة والضعف في العمل حيث إن نسبة المتابعة من فئات مختلفة دليل على نجاح العمل رغم أنه لا يناقش قضايا معاصرة وإنما ينقلنا لعصر الحارات والبيوت الدمشقية القديمة التي مازالت تحفظ مكانتها في نفس المشاهد العربي وذلك حسب استطلاعات بعض المواقع الالكترونية المهتمة بالدراما التلفزيونية.


أظن أن من العوامل الرئيسية لانجذاب الرجال لهذا المسلسل طاعة المرأة العمياء لزوجها فقد كان لهذا السلوك وقع عميق ومغر داخل نفس المشاهد السعودي وربما العربي وأصبح هذا العمل متنفسا لأحلامهم خاصة المتزوجون!! أتصور أن مسلسل (باب الحارة) رفع مؤشر أسهم المرأة السورية لأعلى مستوياته وقد سبقه مسلسل (باب الصالحية)، فمن شدة طاعة المرأة لزوجها تناديه (ابن عمي) تكريماً له حتى لا تناديه باسمه، فضلاً على تقبيل يد الزوج عند خروجه من المنزل أو حضوره إليه ودعاءها له في الحالتين وكلمات التدليل (تقبرني، أمرك ابن عمي) ووقوفها عند دخوله وسيرها خلفه عند رغبته للخروج كل هذه التصرفات جعلت المشاهد السعودي يتابع المسلسل وهو يضرب المثل بالمرأة السورية.

هذه الأعمال عززت من انتشار النكتة السعودية التي تقارن بين المرأة السعودية وتصورها بشكل جاف وجلف وأنها دائمة التحطيم لزوجها حتى لو اشترى الخضار والفواكه ونعتها له بالمغفل الجاهل الذي يسهل اللعب عليه لإحضاره خضاراً فاسدة بينما المرأة السورية تأخذ المشتريات وهي تدعو له بطولة العمر ودوام العافية دون النظر لصلاح المشتريات!! والنكتة في العادة تعبير ضاحك عن حالة غير مرضية. يقول الدكتور (زكريا إبراهيم) في الفصل الثاني من كتابه (مشكلة الحب) -وهو من ضمن سلسلة مشكلات فلسفية ناقشها في إصدارات سابقة-: (يحاول مذهب (شوبنهور) استخلاص المحبة من الشفقة فيقرر أننا لا نحب الآخرين إلا بقدر ما نراهم يتألمون وبالتالي بقدر ما نتعاطف معهم ونحنو عليهم ومعنى هذا أن للحب طابع الشفقة والرحمة والإحسان) انتهى.

وقياساً على وضع المرأة في المسلسل فإن سلوك الخضوع والطاعة العمياء هو سلوك المسكين القادر على تحريك الشفقة والرحمة (حتى لو كان صادرا بدافع الاحترام) فهو يعطيك كطرف أول شعور القوة على الطرف الثاني وعدم قدرة الطرف الثاني -المرأة- عن الاستغناء عن الرجل وأظن أن سيكولوجية الرجل ترتاح وتستمتع بهذه الوضعية حتى لو زعم برغبته بامرأة تكون نداً له فهذه الندية يقبلها بحدود تفرضها طبيعته الذكورية وتربيته الاجتماعية ومتى ما تجاوزت هذه الحدود يبدأ الضيق والضجر وأحياناً عدم المبالاة تدخل نفس الرجل!! والخضوع الذي فتن الرجل السعودي ليس فقط طاعتها وتنفيذها للأوامر بل قبولها لهذه الأوامر والكلمات التي تخاطب بها الزوج طوال وقتها فعندما يطلب الشاي بصوت آمر حازم يكون جوابها هادئاً وناعماً (على عيني، على راسي) ومعنى ذلك أن الطاعة ليست فقط هي المطلوبة ولكن الكلمات المقابلة لكلمات ولهجة الآمر -الزوج- ومسلسل (باب الحارة) أظهر المرأة بهذا الوضع سواء الزوجة أو الأخت وقد كانت من ضمن عقد المسلسل عندما طلق أبو عصام (عباس النوري) زوجته لأنها قالت له (فشرت) وهي ما تعني بلهجتنا (تخسى، تعقب) وكيف أن هذه الكلمة هدمت بيتاً عاش أكثر من عشرين سنة، وهي في الحقيقة كلمة تستحق المرأة عليها الجزاء.

والمتابع للعمل يرى توازناً نسبياً فالأب لم يسبق له أن شتم الزوجة أو تطاول عليها بما لا ترضى نفسها حتى وإن كان يصدر أوامره بلهجة حاسمة، كما أن الزوج كان يرسل كلمات طيبة تعادل ما يستقبل من زوجته ولم يلزم الصمت ويهز رأسه!! والحزم والهيبة لم تمنعه من رد الكلمات الطيبة بمثلها وأحسن منها، فما لا يعلمه البعض أن في الضعف تكمن القوة، وهو نوع من الحنكة، ووسيلة من وسائل التملك والسيطرة فالقوي يلزم نفسه بالضعيف بدافع الشفقة الذي ينتج عنه الحب أحياناً. وبدافع الإحساس بضياع الضعيف لو ابتعد عنه القوي، كما أن إحساسك بوجود من يحتاجك يشعرك بقيمتك أي أن هذه الشعور النرجسي حصل عليه القوي بفضل الضعيف وسيفقده لو فقد الضعيف


أمل الحسين
جريدة الرياض

[جان بن جاك الروسوي]

كاتب النص الأصلي : ظل جيفارا

مرحبا يا جماعة



هيدا الحكي أستغربته أنا لأنه انا كنت باللادقية واللادقية نسبيا اكثر تحرر من باقي المناطق
ظل جيفارا

هي انا من اللاذقية لك عايفو لرب حالي لما بيطلع باب الحارة ما بتشوف حدا لا عالنت ولك زحمة الشارع بتخف

((يا رب يخلص رمضان بقا )) بس منشان باب الحارة ما تفكروا شي تاني

[rose91]

ليش انتو هيك عم تفكروا نحنا اشتقنا لايامنا القديمة ومراجلنا ونحنا هيك كنا بس لما نقارن بين هلق ومراجلنا ههههههههههههههههههههه� �ههههههههه منقلب من الضحك:yaho o::yahoo :

[ظل جيفارا]

اغلب يلي عم يتتحمسو لـ باب الحارة .. بيكون عما يشوفو نقصون فيه ..

على الأغلب الفكرة صحيحة وعلى هالحالة لازم نوقف ضد هالنوع من المسلسلات لأنه لولا يسيئ إلى صورة المجتمع السوري وتانيا يحرض على العنف النفسي والجسدي ضد المرأة ويقدم صورا مختلفة لكلمة " رجل"
وبالمجمل الكلام اللي حكيته الإستاذة أمل الحسين والوارد برد الأخ ماد ماكس بيظهر وجه واحد من الحقيقة ولا شو رأيكون
وبشكر الجميع على المرور
ظل جيفارا

[Ichigo]

مو على اساس ممنوع تحكو على الدين ولا تتهجمو عليه هون بالمنتدى باب الحارة يحكي عن اشخاص مسلمين يعني راح تحكو عن الدين انا لما نشرت موضوع عن اخطاء في الانجيل عملو علي حرب وسكرو الموضوع وارسلو لي تنويه ....وهلق راح نشوف شو راح يعملو معك انتا هذا اذا عملو لانو ماراح استغرب يكون في عنصرية وتعصب ضد الاسلام.

[وشم الجمال]

انا بالنسبة لالي
حبي لباب الحارة مو نابع من شي عدا افتقادي لهيك مرجلة بالدنيا هاي الايام
افتقادي لكتير معاني وقيم حسسني باب الحارة بروعتها
وما بعرف شو احكي غير الله يدي خلقو ويبعتلنا حدا زي ابو شهاب ومعتز وابو عصام

[Ichigo]

كاتب النص الأصلي : وشم الجمال

انا بالنسبة لالي
حبي لباب الحارة مو نابع من شي عدا افتقادي لهيك مرجلة بالدنيا هاي الايام
افتقادي لكتير معاني وقيم حسسني باب الحارة بروعتها
وما بعرف شو احكي غير الله يدي خلقو ويبعتلنا حدا زي ابو شهاب ومعتز وابو عصام

هيك الحكي يس قولي هيك للبعض الي ما عندهم رجولة ويظلو يوصفوها بالتخلف لانو ما قادرين عليها.

[Midozov]

اذا كنت عم تقصد سكن اللاذقية فكل الشعب هونيك بيحب القصص السعيدة وما بيعرف انو الحزن احلا

[علاء.]

كاتب النص الأصلي : Ichigo

هيك الحكي يس قولي هيك للبعض الي ما عندهم رجولة ويظلو يوصفوها بالتخلف لانو ما قادرين عليها.

أسفي على مفهوم الرجولة يلي بتعتقدو

يلي أشبه ما يكون للحيونة

[Midozov]

خيو احلا من اللاذقية ما صار يللا قرب يخلص رمضان وشوف الزحمة بعدو

[علاء.]

كاتب النص الأصلي : Midozov

اذا كنت عم تقصد سكن اللاذقية فكل الشعب هونيك بيحب القصص السعيدة وما بيعرف انو الحزن احلا

ياعيني عليك

شبدك منن ناس غاويين نكد

[علاء.]

كاتب النص الأصلي : Ichigo

مو على اساس ممنوع تحكو على الدين ولا تتهجمو عليه هون بالمنتدى باب الحارة يحكي عن اشخاص مسلمين يعني راح تحكو عن الدين انا لما نشرت موضوع عن اخطاء في الانجيل عملو علي حرب وسكرو الموضوع وارسلو لي تنويه ....وهلق راح نشوف شو راح يعملو معك انتا هذا اذا عملو لانو ماراح استغرب يكون في عنصرية وتعصب ضد الاسلام.

ليش الحكي عمسلسل صار تدخل بالدين


عــــــــــــــــــــــــ ــــجب

[سفينة البر]

موضوعك رهيب والله يعطيك العافية