انا مريضة نفسية .. مصابة بالبيبلومانيا ..

[butterfly]

عن جد يا جماعة ... حسب التعريف تبع البيبلومانيا ... بطلع أنا بكل تأكيد .. لازم تخبو كتبكن مني ... وقت اجي اعمللكن زيارة .. ممكن لأنو حسب الويكبيديا تتطور حالتي لسرقة الكتب

ببلومانيا تسمية متخصصة لـ( حالة متطرفة من حب الكتب ) ؛ وقد تبدأ أعراضه الأولى منذ الصغر دون أي ملاحظة. والإشارات الأولى لهذا المرض تبدأ بالشعور بالبهجة والسرور عند مشاهدة أي كتاب، وسرعان ما ينقلب الأمر إلى الرغبة في اقتناء ومطالعة أي كتاب من أي نوع.. أما المرحلة المتقدمة منه فتتميز بالرغبة في تجميع أكبر قدر من الكتب لمجرد التجميع على افتراض إمكانية الاستفادة منها يوماً ما...
أعراض الببليومانيا:
* الببليوماني إن أحترق بيته فإن أول ما يفكر بإنقاذه كتبه الخاصة.
* الببليوماني يكون في قمة بهجته حين يحضر أحد معارض الكتب، أو حتى يسمع بإقامتها في مدينة اخرى.
* الببليوماني إنسان يرتدي بالضرورة نظارة طبية ويصاب بصداع مزمن لعدم قدرته على ترك الكتاب الجيد في الوقت المناسب.
* الببليوماني لا يملك حساباً في البنك لأنه لا يستطيع كف يده عن أي كتاب جديد ــ حتى وإن كان بلغة لا يعرفها!!
* بناءعلى النقطة السابقة تجده دائماً يحاول إقناع نفسه بأنه عند الضرورة سيبيع الفائض منها... ولكنه في الحقيقة لا يقبل حتى إعارتها.
* الببليوماني الحقيقي لا يتذكر تاريخ زواجه أو في أي المراحل يدرس ابنه، ولكنه يتذكر تاريخ وظروف شراء أي كتاب يملكه...
ومع ذلك فالببليومانيا مرض لذيذ وكفيل بتوسيع المدارك والاطلاع على كل جديد... ومن المهم التفريق بين الببليوماني ومن يضطر للقراءة بغرض الدراسة أو لأي أمر آخر غير حب المطالعة.. فالشخص الأول تنقطع علاقته بالكتب وقد يسارع للتخلص منها بمجرد انتفاء حاجته إليها.. أما الببليوماني الأصيل فعلاقته مع الكتب لا تنقطع إلا بدخوله القبر ..
والتاريخ يقول أنه لايكاد عبقري أو مثقف يسلم من هذا الداء بداءاً بالشاعر اليوناني يوريبيديز في القرن الخامس قبل الميلاد وحتى المبدع الروسي باسترناك في هذا العصر..

biblioklepto-1.gif
من الويكبيديا

ibliomania is an obsessive-compulsive disorder involving the collecting or hoarding of books to the point where social relations or health are damaged. One of several psychological disorders associated with books, bibliomania is characterized by the collecting of books which have no use to the collector nor any great intrinsic value to a genuine book collector. The purchase of multiple copies of the same book and edition and the accumulation of books beyond possible capacity of use or enjoyment are frequent symptoms of bibliomania. Bibliomania is not to be confused with bibliophily, which is the legitimate love of books and is not considered a clinical psychological disorder.
Other abnormal behaviours involving books include book-eating (bibliophagy), compulsive book-stealing (bibliokleptomania), book-burying (bibliotaphy), book burning (bibliocaust), etc.

[باشق مجروح]

البيبليومانيا
يا عيوني أنا عندي عكس هالشي شو بيتسما
تعالي دخيلك زوريني بلكي بتسرئي هالآفات من وشي

[black_iris]

والتاريخ يقول أنه لايكاد عبقري أو مثقف يسلم من هذا الداء بداءاً بالشاعر اليوناني يوريبيديز في القرن الخامس قبل الميلاد وحتى المبدع الروسي باسترناك في هذا العصر..

هون بهون كل شي ..
هاد مو مرض ..هاد نعمه ربانيه
عقبالي يا رب

يسلمو اول مره بسمع بالمصطلح

[suryoyo]

الظاهر انا عندي نفس السيندروم !!

بس ما بعرف كيف نقلل الحالة لان الجيب خلص تماما !!!

[LiOnHeArT.3LA2]

البيبلومانيا ...

عجبتني هالكلمة

مع انو ما قدرت احفظها

[L.A.]

يعني بدي اسأل إنو هاد المرض إزا معدي و كيف طرق نقل العدوة ؟

[المحارب العتيق]

معافاية
ياحرام لساكي بأول عمرك

[phoenixbird]

معليه ميمو هاد ما اسمه مرض
اسمه حالة نفسية ما بتوصل لمرحلة المرض

[BnBooN]

ولي شو هالاعراض هي
ما في امل ينشفى المريض

[ارسلان]

ههههههههههههههه

لك وانا كمان بعاني من نفس المرض والله ....

وبعض الكتب في مكتبتي مسروقة

أما الببليوماني الأصيل فعلاقته مع الكتب لا تنقطع إلا بدخوله القبر ..

لا انا اكتر واحد اصيل لاني بوصيتي راح اوصي بدفن الكتب معي ( او اكترها محبة لقلبي )

[butterfly]

كاتب النص الأصلي : باشق مجروح

البيبليومانيا
يا عيوني أنا عندي عكس هالشي شو بيتسما
تعالي دخيلك زوريني بلكي بتسرئي هالآفات من وشي

وافقت .. هاتن

كاتب النص الأصلي : black_iris

هون بهون كل شي ..
هاد مو مرض ..هاد نعمه ربانيه
عقبالي يا رب

يسلمو اول مره بسمع بالمصطلح

هلا ... هلا ...

كاتب النص الأصلي : suryoyo

الظاهر انا عندي نفس السيندروم !!

بس ما بعرف كيف نقلل الحالة لان الجيب خلص تماما !!!

المصاري أحدى المشاكل فعلا ً ...

كاتب النص الأصلي : LiOnHeArT1

البيبلومانيا ...

عجبتني هالكلمة

مع انو ما قدرت احفظها

أهلا نورت

كاتب النص الأصلي : Luay Adam

يعني بدي اسأل إنو هاد المرض إزا معدي و كيف طرق نقل العدوة ؟

لأ ما معدي ... بس بنصحك تقرا هالموضوع إذا ما بتحب تقرا
هون

كاتب النص الأصلي : المحارب العتيق

معافاية
ياحرام لساكي بأول عمرك

بقطع القلب

كاتب النص الأصلي : phoenixbird

معليه ميمو هاد ما اسمه مرض
اسمه حالة نفسية ما بتوصل لمرحلة المرض

اي قريبا ً انشالله ..

كاتب النص الأصلي : Berain

ولي شو هالاعراض هي
ما في امل ينشفى المريض

لأ ما في
أهلي منعو القراية بالحمام ووقت الأكل ..
ورغم هيك عم غش ...

كاتب النص الأصلي : ارسلان

ههههههههههههههه

لك وانا كمان بعاني من نفس المرض والله ....

وبعض الكتب في مكتبتي مسروقة



لا انا اكتر واحد اصيل لاني بوصيتي راح اوصي بدفن الكتب معي ( او اكترها محبة لقلبي )

ابقى قلي بس وين بدن يدفنوك

[nanoosh rose]

هههههههههههههههه والله انا بحب القراءة وحتى ما بعرف نام اذا ما خلصت الكتاب يلي بإيدي
والله فكرت حالي بس انا طلع الي انصار هههههههههههههه

[Odell]

الببليوماني إن أحترق بيته فإن أول ما يفكر بإنقاذه كتبه الخاصة.

كتبي؟؟ لا انا اول من يتلفها



* الببليوماني يكون في قمة بهجته حين يحضر أحد معارض الكتب، أو حتى يسمع بإقامتها في مدينة اخرى.

انه هو ع الكتب الموضوع ؟

* الببليوماني إنسان يرتدي بالضرورة نظارة طبية ويصاب بصداع مزمن لعدم قدرته على ترك الكتاب الجيد في الوقت المناسب.

لك مين هدوول؟


* الببليوماني لا يملك حساباً في البنك لأنه لا يستطيع كف يده عن أي كتاب جديد ــ حتى وإن كان بلغة لا يعرفها!!

الله لا يبلينا .. ويملي حساباتنا بالبنوك.. امين


* بناءعلى النقطة السابقة تجده دائماً يحاول إقناع نفسه بأنه عند الضرورة سيبيع الفائض منها... ولكنه في الحقيقة لا يقبل حتى إعارتها.

اه هاد حدا من اهلي عرفته


* الببليوماني الحقيقي لا يتذكر تاريخ زواجه أو في أي المراحل يدرس ابنه، ولكنه يتذكر تاريخ وظروف شراء أي كتاب يملكه...

انا بلشت افرط ضحك


ومع ذلك فالببليومانيا مرض لذيذ وكفيل بتوسيع المدارك والاطلاع على كل جديد... ومن المهم التفريق بين الببليوماني ومن يضطر للقراءة بغرض الدراسة أو لأي أمر آخر غير حب المطالعة.. فالشخص الأول تنقطع علاقته بالكتب وقد يسارع للتخلص منها بمجرد انتفاء حاجته إليها.. أما الببليوماني الأصيل فعلاقته مع الكتب لا تنقطع إلا بدخوله القبر ..
والتاريخ يقول أنه لايكاد عبقري أو مثقف يسلم من هذا الداء بداءاً بالشاعر اليوناني يوريبيديز في القرن الخامس قبل الميلاد وحتى المبدع الروسي باسترناك في هذا العصر..



انه ازا ماعندو حسابات بالبنك ع شو سموه عبقري؟؟


لالا عبقرية مابتلزمني هي .. وانتي بترفلاي .. الله يشفيكي .. سلام

[butterfly]

لاقيت سمايلي بيعبر عن حالتي

[صديقة الحزن]

طيب اعدني اذا بتقدري
ههههه
الله يشفيكي

[محمد ابراهيم]

يعني مريضة بمرض الاطلاع ؟؟؟ والقراءة وحب امتلاك الكتب ؟

بتشتري كتب كتير ومفلسة وما عندك مصاري بسبب الكتب الكتير يللي بتشتريها ؟؟؟

لسا ما وصلتي لمرحلة سرقة الكتب ,يعني لهلاء ما سرقتي.

يا سلام على عظمتك عنجد مافي منك (بدك الحق الحمد لله انو مافي)

هو مريت بمرحلة الافلاس من اجل الكتب وقت كان عمري 13و 14و15 بس الحمد لله (ربنا شفاني منها ) بس مع الاسف لازالت مرحلة الافلاس ملازماني ومابعرف شو هالحظ !!!!

[ابو عمير السوري]

هاالحالة بيمر فيها الانسان وقت بيشعر بالوحدة او انعزال عن العالم الخارجي او السفر لمكان ما وعدم الانسجام مع المجتمع
هلئ انا عم بحكي عن حالي وكل انسان الو ظروفه بس هل الأمر بيعطي نتيجة عكسية باالانسان وخاصة اذا اجيت ظروف جعلت من الانسان مالو فاضي يحك راسه وجزء من عمله خدمة انسانية

[maged-syrian]

دخلك مدمن الكتب بيقولو عنو بيبلوماني
بيبلومانيا على حسب فهمي المحدود بأمور علم النفس معناها = bookmania
اذن المدمن عالنت = netomenia او نيتومينيا


اخترعت شغلة مفيدة للبشرية