اللجنة السورية لحقوق الإنسان-سبعة شهور على اعتقال كريم عربجي

[فاوست]

اللجنة السورية لحقوق الإنسان-سبعة شهور على اعتقال كريم عربجي

مر أكثر من سبعة شهور على اختفاء الشاب كريم عربجي في أقبية المخابرات العسكرية السورية دون أن يعرف عنه الكثير أو يسمح لأهله بزيارته. اعتقل في السابع من حزيران/ يونيو 2007 من داخل "فرع المنطقة" التابع لها إثر استدعاءات متكررة على خلفية مشاركته في الحوار على شبكة الانترنت وما تردد من مشاركته في إدارة "منتدى حوار أخوية"، ثم نقلته إلى "فرع فلسطين للتحقيق العسكري" حيث التعذيب الوحشي والمعاملة المهينة، وأخيراً أشارت بعض المصادر إلى تحويله مؤخراً إلى "سجن صيدنايا العسكري" سئ السمعة تمهيداً لتقديمه للمحاكمة أمام "محكمة أمن الدولة" الاستثنائية.

الشاب كريم عربجي (30 سنة) من دمشق، متخرج من كلية الاقتصاد – اختصاص محاسبة، يدير مكتباً يقدم من خلاله الخدمات والاستشارات للشركات التجارية. إن اللجنة السورية لحقوق الإنسان إذ تبدي قلقها البالغ على استمرار اعتقال الناشط الديمقراطي السلمي كريم عربجي تطالب السلطات السورية بالإفراج عنه فوراً ، وإن كانت تعتقد أنه ارتكب مخالفة قانونية فلتقدمه إلى المحاكمة أمام القضاء العادي المحايد وهو يتمتع بحريته وبحقه في الدفاع عن نفسه.

وتطالب اللجنة أيضاً السلطات السورية برفع الرقابة عن استخدام شبكة الانترنت وعن التعبير السلمي عن الرأي.

وتناشد اللجنة السورية لحقوق الإنسان المنظمات الإنسانية المحلية والعالمية للتدخل من أجل إطلاق سراح كريم عربجي وكافة معتقلي الرأي والضمير والسجناء السياسيين في معتقلات النظام السوري.

اللجنة السورية لحقوق الإنسان

SHRC-Seven Months elapsed since Kareem Arbaji was arrestedٍٍ





Seven months have elapsed since the youth Kareem Arbaji vanished in the cellars of the Syrian Military Intelligence, and neither has his family been given permission to visit him, nor has anybody heard from him. Kareem Arbaji was arrested on 7/6/2007, in “Al-Mantiqa Branch”, after being summoned there several times due to his taking part in an internet discussion, and what has been related of his participation in the “Akawia Discussion Forum”. He was later transferred to the “Palestine Branch for Military Interrogation”, a branch notorious for the inhumane torture and humiliating treatment that occurs within its walls. Some sources have related that he was recently moved to the ill-reputed “Sednaya Military Prison” in order to prepare him for his trial at the Supreme State Security Court (SSSC).
The youth Kareem Arbaji (30 years) from Damascus is a graduate from the Faculty of Economics, department of Accountancy. He directs an office that runs consultation and other services to trading companies.
The Syrian Human Rights Committee (SHRC) expresses its deep concern at the on-going detention of the peaceful democratic activist Kareem Arbaji, and calls upon the Syrian Authorities to release him immediately. SHRC also points out that in the case of him having committed an illegal offence, he should be trialled in a normal and neutral court in which he enjoys his freedom and full rights as well as the right to defend himself.
SHRC also calls for the monitoring of Internet use to be lifted and for the practice of peaceful expression of one’s views to be allowed. Finally, SHRC calls upon local and international Human Rights Organisations to intervene in this issue and work for the release of Kareem Arbaji and all prisoners of conscience and political prisoners in the detention centres of the Syrian Regime.
Syrian Human Rights Committee
20/1/2008
.................................................. ..............

شو شباب مو تخنت كتير،يعني صح انو كريم صار بصيدنايا،

ممكن نحط إقتراحات هون مشان كريم
كيف فينا نساعد بحيث أن لايستغل هذا من بعض المواقع الحربائية(حسب تعبير ياس)المعارضة

[yass]

يمكن أنا حتى موقع البيان ممكن أعتبرو شوي حربائي, على كل هاد رأي شخصي.

ما بدي ادخل بموضوع حرب البيانات و صحتها و عدمها, و كمان ما بدي احكي فقط بشخص زميلنا كريم أو شخصية الشباب الآخرين. أنا مؤمن ببراءة كريم من أي تهمة سياسية عاطلة, و ما بدي و ماني بحاجة اسمع كلام فلان و علتان من الناس. هاي قناعة شخصية ما تهزها أي كلمة تخوينية أبدا.

بيهمني انو القانون كمجموعة قواعد دستورية مو ماشي, ما يجوز الاعتقال دون أمر نيابي علني, ما بيجوز شخص معتقل يضل رهن التحقيق دون وضعه تحت تصرّف القضاء المختص. المعتقل حتى لو قاتل مية الو حقوق قانونية مضمونة دستوريا..... هاد اسلوب عصابات, هالأسلوب حتى مع قتّالين القتلة ما بيمشي. و برجع قول انو عندي القناعة النفسية انو كريم برئ,و ولو مو هيك كان من زمان قلعو عيون "علاّكين حقوق الانسان الامريكية" على حد تعبير البعض و حاكموه هو و أمثالو محاكمة علنية دستورية عادلة, مو بأسلوب مخابراتي ظلامي... هاي بفرض كريم عامل شي غلط... غلط بمفهوم الانسان و الوطن مو غلط بمفهوم الشباب الطيبة... أكيد بمفهومهون عمل شي غلط لأنو بيوم من الأيام حلم انو يكون حر, و هالحلم خيانة عظمى بالنسبة الهون, هالحلم جريمة أكبر حتى من الكذب و السرقة و القتل....


بكرا الحلم يصير حقيقة و يرجع كريم.... أنا بعرف انو راجع... واثق من انو راجع هو و ابتسامتو و دمشقيتو و حيويتو ووطنيتو..... و الكابوس راح ينتهي


الحرية لكريم عربجي
الحرية لباقي شبابنا الأسرى
الحرية لكل أحرار الوطن

[BL@CK]

باعتبار انفتح موضوع اعتقال كريم بحب قول شي بهالمناسبة ,

أي شخص يتهم كريم خاصة ً أو أحد معتقلي الأخوّية عامة ً بالخيانة أو بقلة الوطنيّة أو تعريض سوريا لأعمال عدائيّة أو الإتصال بدولة أجنبيّـة .. أو ما إلى ذلك

هذا الشخص مسؤول اخلاقيا عن اثبات كلامو و الا هو مجرد مفتري و كذاب و بلا ما نكمّل صفات لا تليق بأذواق الاخوة القراء

و عندي الإستعداد للإعتذار عن هذا الإتهام و لأني أتحمل مخالفة في حال حدا أي حدا جاب شي عملوه كريم خاصة ً و شباب الأاخوية عامة ً غلط بحق سوريا ..

و لو أي حدا موالي أو معارض عندو الجرأة يتفضل و يقول شو عمل كريم شي غلط لينحبس سبع شهور بدون محاكمة , و بأبشع سجون ..

يشرّف و يحكي ,

أو رجاءا ً بلا تطبيل و تزمير و يشتغل الفدا بأرواح مدري مين و بدم مدري مين و نتفضل و نطالب بحرية كريم عربجي جميعا ً.. مجرّد مطالبة لأني شعبنا عبارة عن خرفان حتى المطالبة صعبة عليه ,

الحرية لكريم عربجي و لكل شباب الأخوية المعتقلين ..

[فاوست]

صديقي ياس اللجنة السورية هي مقربة من الإخوان المسلمين ،لكن من الجيد أن أصدروا بيان عن كريم
من الطبيعي في ظل الجو المريض الذي نعيشه في سوريا من قمع وإستبداد وحكم أشبه بسلطة الإحتلال ،أن يظهر هذا العدد من الحربائيين،فلا يوجد في سوريا قانون يسمح للمنظات الغير حكومية بأن تفعل بشكل محايد وحتى في حال وجود القانون فهو معطل بقوة البسطار العسكري على هيئة نص يسمى قانون الطوارئ
بكلتا الأحوال لا يحق لأحد أن يحاسب أحد على قول أي كان هذا القول،لكريم ولكل إنسان الحق في أن يعبروا عن أرائهم أيا كانت هذه الأراء مازلت في إطار العمل السلمي

لكن هذا النظام الكارتوني القوة يخاف من شاب بعمر كريم وحسام ملحم وطارق لأنهم عبروا عن أرائهم
مما يدل على ضعف هذا النظام وعلى إفتقاره لأي شعبية.
فلو كان النظام قوياً ولديه شعبية لما أعتقل أي شخص أو حجب أي موقع لأمر يتعلق بالرأي
النظام ضعيف وسينهار قريباً وأكبر دليل على هذا خوفه من الشباب السلمي
وسيعود كريم وكل الشباب وسيذهب هذه النظام إلى مزابل التاريخ

[فاوست]

أي شخص يتهم كريم خاصة ً أو أحد معتقلي الأخوّية عامة ً بالخيانة أو بقلة الوطنيّة أو تعريض سوريا لأعمال عدائيّة أو الإتصال بدولة أجنبيّـة .. أو ما إلى ذلك

هذا الشخص مسؤول اخلاقيا عن اثبات كلامو و الا هو مجرد مفتري و كذاب و بلا ما نكمّل صفات لا تليق بأذواق الاخوة القراء

من سيتهم كريم وحسام وبقية الشباب بهذه التهم ليس لديه أخلاق ليسأل عنها وما هو إلى زميرة(تصغير لبوق)مأجورة .

[yass]

هلأ مافي داعي ينقلب الأمر الى معارضة و موالاة (شو بكره هالتصنيف!!!). القضية انسانية اكتر من انها قضية سياسية. مو هيك؟

[طفوله]

كريم...


كريم...



كيف لنا ان نسمعك افعالنا وليس اصواتنا ...



الحريه لشباب في الريـــعــان يقبعون تحت رحمة سجّان



استحي من بعد ما قرأت ان اكمل



" حيث التعذيب الوحشي والمعاملة المهينة

[Willi]

انا جد مليت من الحكي.
ما بعرف شو بيطلع بايدنا نعمل....

بس معقول نحن لهلدرجة عاجزين؟؟؟

[fady juventus]

يا خسارة ويا ميت خسارة

كريم كان الملح بأخوية
بس الملح ما فسد ... الملح انسرق

كان البركان الثائر و اللي ما خمد ولا يمكن يخمد ... بس غير مكانو

إنت كبير يا كريم و اخترت تضل مع الكبار و هلأ عم تدفع الضريبة

رجاع في كتير شغلات بدي اتعلمها منك ... يا كنز أخوية الحقيقي

اشتقتلك ... الله يحميك و يرجعك بالسلامة و بأقرب وقت .

[ظل جيفارا]

شباب عدم المؤاخذة انا ما جاي اعمل شي
انا طبعا ضد اللي صار للشباب ومع انهن ينعرضوا لمحاكمة عادلة خصوصا كريم اللي لسا ما انعرضت عليه تهمة .
بس في هالإقتباس من كلمات كريم بموضوع لكهربجي لازم نركز عليها منيح

كاتب النص الأصلي : krimbow

و ماهر و طارق الوحيدين يللي اتصلوا بالغادري و جماعتو
لما صار مؤتمر المعارضة ببروكسل، كان الاتفاق انو يطلع ماهر و طارق ع المؤتمر لحتى يمثلوا الشباب يللي سموا حالهم "شمس" (شباب من سوريا)
الشباب و بسبب شكهم بنوايا ماهر، رفضوا هالشي و قرروا انو يا بيطلعوا سوا، يا اما يللي بيطلع بيمثل حالو فقط
و اتفقوا انو بيطلع الكل، و الكل حضر بسبوراتو مشان الطلعة
قبل الطلعة بيوم ... طارق لغا كل شي و قرر انو ما يطلع مؤتمر المعارضة، و قطع علاقاتو مع الشباب و اكدلهم انو هوي منسحب و ما عاد الو علاقة بالشباب اكتر من علاقة صداقة
الشباب اتصلوا بالغادري ع النت، تم هالشي

هيدا معناه انو الشباب لازم ينعرضوا لمحاكمة لإنه فيهن ناس ممكن نشك بنواياهن " وهنن كما قال كريم كانو شاكين ببعض "
لهيك بقول المحاكمة لازم يصير فيها قانون واتهامات واضحة
اما موضوع كريم موضوع مختلف تماما كريم لسا ما انعرض عليه تهمة واضحة وهيدا اللي عم طالب فيه
وانو يصير مو بس هالموضوع بكل سوريا نوصل لمرحلة نقول فيها القضاء نزيه حاجة مسخرة بقى وحاجة قضاء مسيس مشترى مرشي ومنباع ومدري كيف ...
وفقت يا وطني البكارة ...
تحياتي الحارة
ظل جيفارا

[phoenixbird]

هاد اللي شاطرين فيه


بغض النظر عن مين كريم وشو صار لكريم


مسالة انو يبقى لهلأ بدون محاكمة هي لحالا قصة

الموضوع انساني اكثر مما هو سياسي

وحلوا عن رب الموالاة والمعارضة لانو بلش يطفح الكيل

[yass]

هاد اللي شاطرين فيه

مين اللي شاطر بشو طارق؟

[sweetyjojo]

عوووووووووووووووووووووووو وووووووووووووجة

[فاوست]

يا صديقي حتى لو أتصلوا بالغادري على النت أو على غير النت،ففي ذلك الوقت لم يكن الغادري قد زار إسرائيل ولم يطالب بتغيير النظام عسكرياً
وحتى يوجد سوريين مثل نبيل فياض زار الغادري وأصدر بيان أعلن فيه إنضمامه لحزب الإصلاح وعاد إلى سوريا ولم يعتقله أحد على خلفيه زيارته للغادري أو نشاطه الإعلامي كعضو في حزب الغادري وهو داخل سوريا

أما الصديق يلي عم يقول أنو الشباب لازم يتعرضوا للمحاكمة بسبب وجود ناس فيهم مشكوك في نواياهم فماهذا التناقض وهل يُحاسب أحد على نيته،القانون لا يحاسب على النيات حتى في جرائم القتل والسرقة فكيف إن كان في موضوع اعتناق فكر سياسي معين ام لا
رجاء بلا مزاودة على الشباب ويلي لازم يتحاكم هو النظام وليس الشباب لأن النظام لم ينوي على قتل وسرقة وقمع الشعب وحسب لا بل فعل هذا ويجب أن يحاكم لأن القانون يحاسب على الأفعال
لكن الدنيا تمشي خلف خلاف

[ظل جيفارا]

كاتب النص الأصلي : فاوست

يا صديقي حتى لو أتصلوا بالغادري على النت أو على غير النت،ففي ذلك الوقت لم يكن الغادري قد زار إسرائيل ولم يطالب بتغيير النظام عسكرياً
وحتى يوجد سوريين مثل نبيل فياض زار الغادري وأصدر بيان أعلن فيه إنضمامه لحزب الإصلاح وعاد إلى سوريا ولم يعتقله أحد على خلفيه زيارته للغادري أو نشاطه الإعلامي كعضو في حزب الغادري وهو داخل سوريا

أما الصديق يلي عم يقول أنو الشباب لازم يتعرضوا للمحاكمة بسبب وجود ناس فيهم مشكوك في نواياهم فماهذا التناقض وهل يُحاسب أحد على نيته،القانون لا يحاسب على النيات حتى في جرائم القتل والسرقة فكيف إن كان في موضوع اعتناق فكر سياسي معين ام لا
رجاء بلا مزاودة على الشباب ويلي لازم يتحاكم هو النظام وليس الشباب لأن النظام لم ينوي على قتل وسرقة وقمع الشعب وحسب لا بل فعل هذا ويجب أن يحاكم لأن القانون يحاسب على الأفعال
لكن الدنيا تمشي خلف خلاف

مشان سعدو حضرتك ما تزاود علينا ....... يعني شغلتنا الشاغلة صارت اخر فترة نطالب النظام انو يعطينا حرية يعني اكبر تناقض بحسه لما حدا يطالب نظام معترف انو ديكتاتوري بالحرية يعني اذا اعطاك اياها بيكون ديكتاتوري برأيك او السؤال الأصح شو بدك تحكي بالحرية لما يعطيك اياها ؟؟
في ببالك موضوع اهم
خيو نظام الحكم ومعروف ولازم نحاول ناخد قد ما فينا ناخد مرحليا لازم نطالب بوقف السياسة الليبرالية الجديدة داخل هذا النظام مشان الشعب ما يموت من الجوع .
اما مشان الشباب يا صاحبي انا ما قلت لازم يتحاكموا لأنو في منهن مشكوك بنواياهن انا قلت انو في منهن مشكوك بنواياهن لهيك لازم ينعرضوا على محاكمة عادلة مشان ينعرف اذا في شي او لأ
فرجاء هيدي الطريقة المستفزة ما حلوة ....اذا بنحكي عن حالنا معارضة وطنية لازم نعرف نشتغل صح
تحياتي الحارة
ظل جيفارا

[فاوست]

مشان سعدو حضرتك ما تزاود علينا ....... يعني شغلتنا الشاغلة صارت اخر فترة نطالب النظام انو يعطينا حرية يعني اكبر تناقض بحسه لما حدا يطالب نظام معترف انو ديكتاتوري بالحرية يعني اذا اعطاك اياها بيكون ديكتاتوري برأيك او السؤال الأصح شو بدك تحكي بالحرية لما يعطيك اياها ؟؟
في ببالك موضوع اهم
خيو نظام الحكم ومعروف ولازم نحاول ناخد قد ما فينا ناخد مرحليا لازم نطالب بوقف السياسة الليبرالية الجديدة داخل هذا النظام مشان الشعب ما يموت من الجوع .
اما مشان الشباب يا صاحبي انا ما قلت لازم يتحاكموا لأنو في منهن مشكوك بنواياهن انا قلت انو في منهن مشكوك بنواياهن لهيك لازم ينعرضوا على محاكمة عادلة مشان ينعرف اذا في شي او لأ
فرجاء هيدي الطريقة المستفزة ما حلوة ....اذا بنحكي عن حالنا معارضة وطنية لازم نعرف نشتغل صح
تحياتي الحارة
ظل جيفارا

أولا شي الحقوق لا تعطى بل تأخذ بالقوة،لهيك انا بحياتي ما طالبت من النظام أن يعطني حرية لأن هذا النظام ديكتاتوري كما قلت ومن الجنون ان نطلب منه الحرية،هذا النظام هو إحتلال والإحتلال لن يعطيك حقوقك إلى حين زواله

يعني أنا ما فهمت شو الفرق بين أنو الشباب لازم يتحاكموا لأنو في منهن مشكوك بنواياهم أو أنو في منهن مشكوك بنواياهم فلهيك لازم يتحاكموا يعني شريك شو الفرق مشان ربو لسعدو شو عامل لغز يعني!!!؟

بعدين أي سياسة ليبرالية هي يلي عم تجكي عنها ،انا اكيد أنك تقصد سياسة الإقتصاد الليبرالي أو بالأحرى بسياسة الإقتصاد الليبرالي
يا سيدي الأنظمة ذات الطابع الليبرالي إقتصادياً ،تعطي حقوق للعمال والفلاحين أكثر من أنظمة رفاقك الشيوعيين او بالأحرى الللينيين والستاليين والتاريخ أثبت هذا أنظر إلى الضمانات المقدمة للعمال من صحية وإجتماعية وتنظيم ساعات العمل في الدول ذات الإقتصاد الليبرالي
بعدين رجاء لا تخرج عن الموضوع لانو موضوعنا الشباب المعتقلين وبلا ما تفوتنا بالبكداشية واللينينة تبعك
ب

[ظل جيفارا]

كاتب النص الأصلي : فاوست

أولا شي الحقوق لا تعطى بل تأخذ بالقوة،لهيك انا بحياتي ما طالبت من النظام أن يعطني حرية لأن هذا النظام ديكتاتوري كما قلت ومن الجنون ان نطلب منه الحرية،هذا النظام هو إحتلال والإحتلال لن يعطيك حقوقك إلى حين زواله

يعني أنا ما فهمت شو الفرق بين أنو الشباب لازم يتحاكموا لأنو في منهن مشكوك بنواياهم أو أنو في منهن مشكوك بنواياهم فلهيك لازم يتحاكموا يعني شريك شو الفرق مشان ربو لسعدو شو عامل لغز يعني!!!؟

بعدين أي سياسة ليبرالية هي يلي عم تجكي عنها ،انا اكيد أنك تقصد سياسة الإقتصاد الليبرالي أو بالأحرى بسياسة الإقتصاد الليبرالي
يا سيدي الأنظمة ذات الطابع الليبرالي إقتصادياً ،تعطي حقوق للعمال والفلاحين أكثر من أنظمة رفاقك الشيوعيين او بالأحرى الللينيين والستاليين والتاريخ أثبت هذا أنظر إلى الضمانات المقدمة للعمال من صحية وإجتماعية وتنظيم ساعات العمل في الدول ذات الإقتصاد الليبرالي
بعدين رجاء لا تخرج عن الموضوع لانو موضوعنا الشباب المعتقلين وبلا ما تفوتنا بالبكداشية واللينينة تبعك
ب

حبيبي انا قلت الشباب ما لازم يتحكموا يعني ما لازم ينسجنوا هيك اعتباطيا بدون محاكمة عادلة بس لازم ينعرضوا لمحكمة تكون نزيهة وحرة
يعني بموضوع الشباب بإستثناء كريم ما بقول لازم يطلعوا هيك ولا لازم ينحبسوا متل الوضع الحالي اللي هنن فيه
يمكن يكون للشباب علاقات وانا ما بعرفهن كلهن لأحكم بس لو في محكمة عادلة بتضمن حقوقهن اكتر من لجان السخافة والإرتباطات الغريبة .بس هيدا اللي ما عنا إياه بنظام الحكم
عفوا انا طول عمري بقول اني ما بحب فوت بنقاشات عقيمة وصرت اعرف مين بأخوية النقاش معه عقيم .
تحياتي الحارة
ظل جيفارا

[phoenixbird]

كاتب النص الأصلي : yass

مين اللي شاطر بشو طارق؟

شاطرين كل ما نفتح موضوع عنهم ينقلب حكي موالاة ومعارضة
وكل منون شاطر بتخوين التاني
مش كلكون سوريين؟