سليمان "البهيم"، ثري عربي خليجي... وبامتياز!

[oliver68]

مرحبا شباب، كنت عمبتفرج على مرايا 2006 على قناة إنفينيتي الفضائية، وبالفاصل حطوا دعاية لبرنامج مسابقات، وفكرة هالبرنامج 16 متسابق بيتنافسوا بالامارت ويللي بفوز بيتمول مشروعو، يللي طير عقلي بالموضوع إنو الممول إماراتي اسمو سليمان الفهيم، بس مو هون المشكلة، المشكلة إنو ال 16 متسابق هنن 8 أميركان و8بريطانيين!!!!!! إي لا تستغربوا!!!!! يعني السيد "فهيم" أو بالأحرى السيد "بهيم" شاف إنو الشباب العربي من المحيط للخليج مو ناقصهن مصاري، وفاتحين مشاريعهن الخاصة ومو بحاجة لدعم الأثرياء العرب!!!! طبعا دورت على سيرة هالبهيم العظيم، ولاحظت إنو داعم المنتخب الإماراتي وشركتو شركة هيدرا العقارية رأس مالها ضخم ومشاريعها كبيرة، بس خيرو طلع لبرا!!!!!!

يا ترى بصير نقول إنو الزلمي حر بمالو وما بينلام حتى لو إنو الغلاء بالوطن العربي عمبزيد ودول متل مصر وسوريا واليمن...الخ عمبتعاني من الفقر الشديد!!!!! أم لازم ينلام لأنو ثري "عربي" ولازم يوقف مع الشعب العربي بهالمحن يللي بالنهاية رح تخللي الناس تخاف تطلع عالشارع بسبب انتشار أكلة لحوم البشر والعصابات في شوارع الوطن العربي نتيجة الفقر الشديد!!!!!
النتيجة إني بعد ما شفت فكرة هالبهيم العبقرية، عرفت ليش شعار الامارات بالفضائيات "اماراتي وافتخر"!!!!!!

وبالآخر مافيني قول إلا متل ما قال نزار قباني "يا صديقي... رحم الله العرب"
العوض بسلامتكن شباب.

[ظل جيفارا]

مرحبا صديقي ...
طبعا برأيي انا ما فينا ابدا نلوم الشخص لإنو اولا متل ما حكيت هنيك بالخليج كله ما عندهن فكر قومي وهيدا ما غلط ابدا وبتعرف انو بالأردن كمان نفس الشي الأردن اولا ....
هلأ الفكرة انو هو مو مجبور يشتغل مشان العرب في كتير اشخاص طلعوا بإسم " العروبة " عفسوا وراحوا ما عاد حدا مجبور يشتغل مشان العروبة .
بس كان من الأجدر به ان يدعم ابناء الأمارات في تمويل مشاريعهم احسن ما يدعم اللي بره
وتحياتي الحارة
ظل جيفارا

[oliver68]

كاتب النص الأصلي : ظل جيفارا

مرحبا صديقي ...
طبعا برأيي انا ما فينا ابدا نلوم الشخص لإنو اولا متل ما حكيت هنيك بالخليج كله ما عندهن فكر قومي وهيدا ما غلط ابدا وبتعرف انو بالأردن كمان نفس الشي الأردن اولا ....
هلأ الفكرة انو هو مو مجبور يشتغل مشان العرب في كتير اشخاص طلعوا بإسم " العروبة " عفسوا وراحوا ما عاد حدا مجبور يشتغل مشان العروبة .
بس كان من الأجدر به ان يدعم ابناء الأمارات في تمويل مشاريعهم احسن ما يدعم اللي بره
وتحياتي الحارة
ظل جيفارا

بس بالأردن؟؟ ما الوطن العربي كل دولة إلها شعار عنصري، يعني متل ما تفضلت "الأردن أولا"، "أنا سوري أه يا نياللي" و"مصر أم الدنيا" والله يعلم شوفي بالدول التانية، هي ظاهرة متعمقة بال"عروبة" العربية!!!!
أما مشان هالثري، أولا كل الإماراتيين مدعومين بوظائف الحكومة، ونفس الشي أهل الخليج، ومعدل دخل الفرد بالخليج أكتر من بريطانيا وأميركا، وبالتالي مو بحاجة لدعم مشاريع، بعدين حتى لو ناس طلعوا باسم العروبة وعفسوا، ضروري كل واحد يطلع يكون معفس؟؟ يعني ليش ما هوي يكون منيح؟؟ بس أنا ما بلومو مو لأن هوي حر، بس لأن مين داعم الخليج غير أميركا وبريطانيا؟؟ لحم كتاف أهل الخليج من خير الأميركان وأوروبا، غرقوهن بالمصاري مقابل النفط، مع إنو برا مليان نفط، بس ليستهلكوا يللي عند العرب بصيروا يستخدموا يللي عندهن، وهي حقيقة الكل متفق عليها، فمشان هيك يعني إزا هز دنب للغرب حقو، إزا مول واحد عربي شو رح يستفيد؟؟؟ بس لما يدعم الغرب بيجيه الدعم الغربي بالمقابل، يعني بفوز بمناقصات وعطاءات وبزيد غناه، بس شو بدنا نقول غير يا حيف، والله بيعطي الجوز ليللي ما لو سنان!!!!!

[pioneer]

وقفت على هالفهيم
في متله متايل
ليش الامراء السعوديين انظم
فكرك انو بالامارات والسعودية ما في معدمين
انسي سوريا والبلاد العربية ما حدا عم يموت من الجوع (تقريبا)
شو مشان الدارفور والمجاعة الافريقيه ما حدا بيفكر فيهن هدول مالن بشر يعني
والله مناظرن بتقطع القلب غير الامراض يلي عم تفتك فيهن
شو مشان اطفال غزة والعراق يلي عم يتقتلوا
النتيجة انو ما في ضمير

[ظل جيفارا]

كاتب النص الأصلي : أبو طريق

بس بالأردن؟؟ ما الوطن العربي كل دولة إلها شعار عنصري، يعني متل ما تفضلت "الأردن أولا"، "أنا سوري أه يا نياللي" و"مصر أم الدنيا" والله يعلم شوفي بالدول التانية، هي ظاهرة متعمقة بال"عروبة" العربية!!!!
أما مشان هالثري، أولا كل الإماراتيين مدعومين بوظائف الحكومة، ونفس الشي أهل الخليج، ومعدل دخل الفرد بالخليج أكتر من بريطانيا وأميركا، وبالتالي مو بحاجة لدعم مشاريع، بعدين حتى لو ناس طلعوا باسم العروبة وعفسوا، ضروري كل واحد يطلع يكون معفس؟؟ يعني ليش ما هوي يكون منيح؟؟ بس أنا ما بلومو مو لأن هوي حر، بس لأن مين داعم الخليج غير أميركا وبريطانيا؟؟ لحم كتاف أهل الخليج من خير الأميركان وأوروبا، غرقوهن بالمصاري مقابل النفط، مع إنو برا مليان نفط، بس ليستهلكوا يللي عند العرب بصيروا يستخدموا يللي عندهن، وهي حقيقة الكل متفق عليها، فمشان هيك يعني إزا هز دنب للغرب حقو، إزا مول واحد عربي شو رح يستفيد؟؟؟ بس لما يدعم الغرب بيجيه الدعم الغربي بالمقابل، يعني بفوز بمناقصات وعطاءات وبزيد غناه، بس شو بدنا نقول غير يا حيف، والله بيعطي الجوز ليللي ما لو سنان!!!!!

صديقي انا برأيي الزلمة حر بمصاريه بالنهاية ......
والموضوع لا تفكر تمويل مجاني صدقني الموضوع بيكون فيه تجاره بدها سعدو ...
يعني زلمة ومعه مصاري وعم يستثمرها يعني علقت عليه ما تلات ارباع استثمارات الاثرياء العرب بالخارج
بس ع كل الموضوع لفتة حلوة منك مشان نشوف وين صارت " العروبة "
تحياتي الحارة
ظل جيفارا

[pioneer]

كاتب النص الأصلي : ظل جيفارا

صديقي انا برأيي الزلمة حر بمصاريه بالنهاية ......

ظل جيفارا

حر ما اختلفنا كل يلي طالبينو منه ومن رفقاتو الاثرياء
انو يحسو شوي ببلادن واخواتن يعني معه مليون يعمل مشروع لهالشباب بالف ليرة مو اكتر
ولو كان مردوده قليل لانه الف فوق الف تخيل شو ممكن تعمل
وما بدنا ننسى التسهيلات يلي بتقدما الدول الغربيه للمستثمرين العرب والارباح الخيالية يلي عم يحققوها
هي يلي عم تخلي خيرن لبرا
شويه حس قومي من هالناس وشوية احساس للحكومات العربية بوجعنا يكمن يمشي الحال
ولو انه العروبة كلمه مهددة بالانقراض

[bboobb]

من وجهة نظره عنده حق لأنو اللي متله مابيحط القرش الا بمطرحه يعني مو عن عبث وفهمكن كفاية

[ظل جيفارا]

كاتب النص الأصلي : pioneer

حر ما اختلفنا كل يلي طالبينو منه ومن رفقاتو الاثرياء
انو يحسو شوي ببلادن واخواتن يعني معه مليون يعمل مشروع لهالشباب بالف ليرة مو اكتر
ولو كان مردوده قليل لانه الف فوق الف تخيل شو ممكن تعمل
وما بدنا ننسى التسهيلات يلي بتقدما الدول الغربيه للمستثمرين العرب والارباح الخيالية يلي عم يحققوها
هي يلي عم تخلي خيرن لبرا
شويه حس قومي من هالناس وشوية احساس للحكومات العربية بوجعنا يكمن يمشي الحال
ولو انه العروبة كلمه مهددة بالانقراض

صديقي ما فيك تجبر حدا او تطلب من حدا انو يكون قومي بالنهاية القومية شيء مفترض .
تحياتي الحارة
ظل جيفارا

[باشق مجروح]

شي بيضحك وبيبكي

[كهربجي]

مرحبا

المشاركات الخارجة عن الموضوع انحذفت

الرجاء التقيد بمسار الموضوع

وسلام للشباب

[oliver68]

كاتب النص الأصلي : كهربجي

مرحبا

المشاركات الخارجة عن الموضوع انحذفت

الرجاء التقيد بمسار الموضوع

وسلام للشباب

شكرا كهربجي، يعطيك ألف عافية، بس ما قلتلي رأيك بالموضوع؟؟

[ابو ريتا]

سليمان البهيم ماختلفنا عليها بس الزلمي حر شو مابدو بيعمل

[oliver68]

كاتب النص الأصلي : pioneer

وقفت على هالفهيم
في متله متايل
ليش الامراء السعوديين انظم
فكرك انو بالامارات والسعودية ما في معدمين
انسي سوريا والبلاد العربية ما حدا عم يموت من الجوع (تقريبا)
شو مشان الدارفور والمجاعة الافريقيه ما حدا بيفكر فيهن هدول مالن بشر يعني
والله مناظرن بتقطع القلب غير الامراض يلي عم تفتك فيهن
شو مشان اطفال غزة والعراق يلي عم يتقتلوا
النتيجة انو ما في ضمير

أكيد ما وقفت عليه، وكلنا منعرف إنو أثرياء العرب سواء خليجيين أو غيرو خيرن طالع لبرا، يعني مثلا أي حاكم عربي لما يمرض مرض بسيط أو تنكسر إيدو حتى، ما بروح على مشفى عربي، بس بكل بساطة بجهز طيارتو الخاصة بروح يا عأميركا أو على أوروبا.
أما مشان المجاعات العالمية، يا صديقي هي ما بتنحل بكام غني، هي مسألة عالمية، على مستوى الأمم المتحدة، وأنا معك إنو الغني العربي ملزم بإنو يساعد قد ما بيقدر، بس إنك تعلم ابنك الصيد أحسن من إنو تجبلو السمك جاهز عالبيت، يعني بمثالنا على سليمان "البهيم"، منعرف إنو مصاري التمويل ما بتنقص من ثروتو ولا شي، لو عاطيها لشباب العرب يفتحوا فيها مشاريع، والوليد بن طلال لو بدل ما يفتح روتانا أو الرسالة، لو فتح قناة علمية أو تثقيفية، لشفت هالشباب يللي اندعموا بيصرفوا مصاريهن يللي ربحوها من هالمشروع، بيصرفوها على قضايا إنسانية مهمة.
بس فالج لا تعالج!!!!!

[oliver68]

كاتب النص الأصلي : ظل جيفارا

صديقي انا برأيي الزلمة حر بمصاريه بالنهاية ......
والموضوع لا تفكر تمويل مجاني صدقني الموضوع بيكون فيه تجاره بدها سعدو ...
يعني زلمة ومعه مصاري وعم يستثمرها يعني علقت عليه ما تلات ارباع استثمارات الاثرياء العرب بالخارج
بس ع كل الموضوع لفتة حلوة منك مشان نشوف وين صارت " العروبة "
تحياتي الحارة
ظل جيفارا

أنا علقت عليه شخصيا لسبب واحد، إنو عميعلن عن هالشي بكل صفاقة ووقاحة، وبوسيلة إعلام عربية!!!! بعرف إنو كل الأثرياء العرب خيرهن لبرا، بس يا أخي ما بجاهروا لهالدرجة!!! يعني خلي شوية احترام لمشاعر العرب!!!! بدك تموللن مشاريعهن للأجانب روح لبرا عميل مسابقة وبالآخر جيب الفايز عبلدك خليه يساوي المشروع يللي بدو ياه!!!!! مو إنو تجاكر الشباب العربي يللي مو ملاقي اللقمة!!! يعني اتخيل حالك بكرا لما يطلع البرنامج، صبايا وشباب أجانب عميتسابقوا بدولة عربية مشان يتمول مشروعهن من ممول عربي!!!!!!!!! وكل هالشي قدام عيونك ومحدا سائل بكل أحلامك أو حتى مدرك لهالطاقة القوية يللي جواك، يعني إلا ما ينقهر الواحد، وبظن إنو أضعف الإيمان إنو نحكي ونلعن هالإنسان هوي وأموالو، لأن بكل بساطة ما فيك تمنع البرنامج إنو يطلع، يعني البرنامج رح يطلع غصب عنك ولو بلطت البحر.
وفي نقطة تانية، عمرك سمعت عن ممول أجنبي، جاب 16 عربي لبلدو، وبلش يعمل بيناتهن مسابقات؟؟ أو حتى عمرك شفت أميركي عمل برنامج وجاب فرنسيين حصرا ليشاركوا فيه؟؟ أو عمرك شفت ألماني جاب أوروبي غير ألماني مشان يساعدو؟؟ أكيد لأ، لأن لا الشعب الأميركي أو الألماني أو أي شعب أوروبي بيرضى بهالشي، ولو صار، صدقني رح تسمع إنو هالبرنامج توقف نتيجة قيام الشعب بمظاهرات ضد هالبرنامج!!!!!!!!!!
بس معروف إنو هالحركة هز دنب لأسيادو الأجانب.
سيدي... الله الغني.

[Syrian__Angel]

هاد بظنّ متل برنامج دونالد ترامب ، نسيت شو اسمو ، بس نفس الفكرة ..

المهم ..
خطرلي تعليق صغير ( بغضّ النظر عن النتيجة الحاليــّة بانو المتسابقين كلــّون اجانب ) .. بس نظام الاختيار شلون بيصير ؟! يعني الممول هو اللي بيختارون ؟ ولا نظام تقديم طلبات ؟! ولا بتتصل وبتسجّل - متل اغلب المسابقات بالعالم - ؟ ولا انت بتروح لهديك الدولة وبتعلن عن المسابقة الفلانيـّة اللي هيي هيك وهيك ( لهيك ما طلع في عرب ) !؟

انــّو ما زابطة القصة ، شلون هيك ما طلع ولا واحد عربي ؟!؟ لك ولا حتى هندي - بما انو بالامارات -


ونقطة تانية ( معلش ولو برّا الموضوع ) ..

ومعدل دخل الفرد بالخليج أكتر من بريطانيا وأميركا،

هو حتى يمكن ما يكون اكتر ... بس مافي ضرائب تقصــّلون شي من الراتب ..




بكل الاحوال ... معك حق باللي قلتو ، وصدق من قال " اللي استحو ماتو " ...

[oliver68]

كاتب النص الأصلي : Syrian__Angel

هاد بظنّ متل برنامج دونالد ترامب ، نسيت شو اسمو ، بس نفس الفكرة ..

المهم ..
خطرلي تعليق صغير ( بغضّ النظر عن النتيجة الحاليــّة بانو المتسابقين كلــّون اجانب ) .. بس نظام الاختيار شلون بيصير ؟! يعني الممول هو اللي بيختارون ؟ ولا نظام تقديم طلبات ؟! ولا بتتصل وبتسجّل - متل اغلب المسابقات بالعالم - ؟ ولا انت بتروح لهديك الدولة وبتعلن عن المسابقة الفلانيـّة اللي هيي هيك وهيك ( لهيك ما طلع في عرب ) !؟

انــّو ما زابطة القصة ، شلون هيك ما طلع ولا واحد عربي ؟!؟ لك ولا حتى هندي - بما انو بالامارات -


ونقطة تانية ( معلش ولو برّا الموضوع ) ..


هو حتى يمكن ما يكون اكتر ... بس مافي ضرائب تقصــّلون شي من الراتب ..




بكل الاحوال ... معك حق باللي قلتو ، وصدق من قال " اللي استحو ماتو " ...

والله ما بعرف، بس بالدعاية كان المذيع عمبقول 8 أميركان و8 بريطانيين، فبالظاهر رايحيين على أميركا وبريطانيا وحاطين إعلانات بشي جريدة واختاروا بالآخر 8 من كل بلد، وإزا كانوا كل المتسابقين بنات، معناتا بكون نايم مع كل وحدي منهن لما كان هنيك، وجابهن هلأ مشان يعطيهن مصاري ويتسلى فين.

[Syrian__Angel]

ابو طريق !! شو مشان !!؟!

[oliver68]

كاتب النص الأصلي : Syrian__Angel

ابو طريق !! شو مشان !!؟!

مو مشان شي!! شو مشان شو!!!؟؟