شكوى لوزير من مواطن لوزير المالية بخصوص الرشاوي

[secular]

دمشق..
بعد أن تقدم المواطن السوري خالد سيف الدين بشكوى للدكتور محمد الحسين وزير المالية يخبره فيها وجود طلب علني للرشوة من قبل موظفي الجمارك السورية في مراكز الحدود وان سعر ليتر المازوت في المحطات التي تلي الحدود السورية يصل إلى 15 ليرة سورية
وبشكل عاجل وردا ً و ردا ً على شكوى المواطن خالد سيف الدين فقد وجه الدكتور محمد الحسين وزير المالية إلى مديري منفذي حدود نصيب وباب الهوى باتخاذ الإجراءات اللازمة لمنع أي رشوة قد تحصل ومعاقبة مرتكبيها بأشد العقوبات القانونية ...
نص الرسالة التي وجهها المواطن خالد سيف الدين للدكتور وزير المالية كما أوردها موقع وزارة المالية


السيد وزير المالية الموقر.

أنا مواطن سوري مقيم في تركيا ،في هذه السنة ذهبت للحج براً عبر الأردن ،وعند دخولنا الجمارك السورية رأيت ما لا يليق لبلدنا الحبيب سورية، وهو ما يتصرف به موظفو الجمارك من طلب الرشوة علناً وبكل شجاعة دون خوف من احد والله على ما أقول شهيد . علماً أنه كان بين المسافرين أجانب وكانوا ينظرون بذهول لما يجري في هذا الجمرك فهل يعقل لبلدنا الحبيب أن يتحكم بواجهته مثل هؤلاء ....
هذا ما حصل في الحدود عند باب الهوى ،وعند الخروج من الحدود كان هناك محطة وقود دخلت الباصات لشراء المازوت من تلك المحطة وفي المحطة سعر لتر المازوت 7 ليرات سورية فطلب صاحب المحطة سعر 15 ليرة وعند سؤاله لماذا تطلب سعر المازوت دبل قال السعر هيك إذا ما عجبك روح اشتكي وعندالاستفسار ظهر أن موظفي الجمرك شركاء في هذا العمل.
عندما وصلنا الحدود السورية في درعا طلب موظف الحدود من كل باص 20 دولار و عندما سألته عن سبب دفع هذه العشرين دولار قال بالحرف الواحد هيك بدك تدفع قلت له ما بدي ادفع . والله ضرب جواز السفر في وجهي وقال ما بدي اختملك روح اشتكي .
هذا ما حصل وما يحصل و إن لم تصدقوا راقبوا الوضع بنفسكم.
ارجوا منكم سيدي وضع حد لما يجري ومحاسبة المسؤولين عما يجري وما يخزنوه هؤلاء من مال على حساب سمعة الوطن الغالي سورية.
ودمتم للوطن

خالد سيف الدين تركيا



ملاحظة اشرافية
تم تعديل عنوان الموضوع

[ماغنوم56]

احلا وردة لأحلا مواطن

[yamoon]

صدقو يا شباب في مرة كنت على الحدود بجديدة يابوس موظف الجمارك كاتب عبارة بمكتبو لسيارات التكسي لانو بيختمو الدفتر من عندو
والجملة كانت
(000 ام يلي ما يدفع)

[مايسترو]

مو احلى 10000000000 وردة لهل شريف


مايسترو

[VivaSyria]

وقد أسمعت إن ناديت حياً..

[Without name]

والله هالمواطن شغلة وأبضاي

[معرف]

في متل هيك مواطنين كتير بس هلق رايحين برحله

[sezar]

مرة صديقي قلتلو الحمد الله عل سلامة كيف كانت السفرة قلي سكون مو دفعوني بالمطار .. قلتلو مين دفعك بالمطار بحياتي ما حدى قلي غير أهلا و سهلا بالصدفة ليشووفو الشنتة .. قلي إي كان زحمة وو .. قلتلو "مقاطعا" انت رحت لعندو يعني .. قلي إي .. قلتلو اي خرجك الله لا يقيمك و لا تقول دفعوني قول دفعت مشان الزحمة "هاد عند ختم الجوازات" ...
فأمثال صاحبي هاد ممكن مع الزمن يكونو هنن سبب وجود هيك ظواهر لو كل مواطن فعلا ما بيدفع لما ينطلب منو ساعتا الموظف بدو يمشي متل الليرة ..
لكن لما كل مواطن بقول ياله بس خلينا نخلص .. على هل كلمة "و هي كلمة انهزامية بعتبرا لأنها خوف من المواجة"على هل كلمة بيتعود الموظف بصير موضوع تلقائي و بصير النشاز يلي ما بيدفع..
اي فوجب التنويه

[yass]

كاتب النص الأصلي : sezar

مرة صديقي قلتلو الحمد الله عل سلامة كيف كانت السفرة قلي سكون مو دفعوني بالمطار .. قلتلو مين دفعك بالمطار بحياتي ما حدى قلي غير أهلا و سهلا بالصدفة ليشووفو الشنتة .. قلي إي كان زحمة وو .. قلتلو "مقاطعا" انت رحت لعندو يعني .. قلي إي .. قلتلو اي خرجك الله لا يقيمك و لا تقول دفعوني قول دفعت مشان الزحمة "هاد عند ختم الجوازات" ...
فأمثال صاحبي هاد ممكن مع الزمن يكونو هنن سبب وجود هيك ظواهر لو كل مواطن فعلا ما بيدفع لما ينطلب منو ساعتا الموظف بدو يمشي متل الليرة ..
لكن لما كل مواطن بقول ياله بس خلينا نخلص .. على هل كلمة "و هي كلمة انهزامية بعتبرا لأنها خوف من المواجة"على هل كلمة بيتعود الموظف بصير موضوع تلقائي و بصير النشاز يلي ما بيدفع..
اي فوجب التنويه

كلامك درر أبو السيز... يعني يوم وقفة العيد بالبلد ماشي بأمان ألله بالشارع و شوفة عيني السيارات توقف لحالها جنب شرطي المرور "تعايدو"... لك ما صفّرلك و لا وقفك و لا شي ليش لتعطيه؟


بس صارت اسلوب حياة... تعودنا خيو.. يعني تكون بالهجرة و الجوازات مثلا و في زحمة ليوم الزحمة .. بدل ما تقعد تستنى متل هالخلق أو تروح و ترجع بعدين (انو أمرنا لألله... زحمة.. شو بدنا نساوي) تشوف العالم لاحقة العنصر و هي شايلة الجواز و المعلوم بلكي يمشيهون هلأ... تعودنا ينحل كل شي بالمصاري .. انو أوكي العنصر اللي يقبل منك رشوة فاسد و ستين مليون فاسد.. أوكي .. بس لما عم تعطيه انت كمان فاسد

تفرق لما تضطر غصبا عنك انت المعتر تعطيه المعلوم لأنو غير هيك ما يمشي شغلك النظامي و انت ما عندك وسيلة تدافع عن حالك أو تطالب بحقوقك أو ملهوف و عايف حالك... هالحالة تفرق كتير عن لما تدفع لما شغلك مو نظامي.. أو نظامي بس ما جاي ع بالك تستنى أو تزعج حالك بالفتلة بالمكاتب.. بالحالة التانية انت فاسد متلك متل اللي عم يقبض منك


سلامات