القابنا بالصغر

[..AHMAD]

مدري شو خطر على بالي قاعد هي وعم اصفن انو شو اعمل وشو ساوي ؟

شو بدي اكتب بالمنتدى شي حلو او شي بايخ او شي مدري شو

المهم وبلا طولة سيرة خطر على بالي هل الموضوع

كل واحد فينا كان الو لقب بصغره يمكن بيكرهو ويمكن كان بيحبه

الشغلة ما بدها مستحاااااا ايواااا نحن هون لا نغش ونضحك هع هع

رح بلش انا مو حلوة مشان افتتح الحفلة

امي كانت تعيطي مشقليز

البابا كان يعيطلي عص مص

اخواتي كانو يعيطولي المشواه

بحياتي ما طلع برى البيت ورجعت الا ما كنت اكلها شي صواب صوابين

ما رحت على محل وبكون اول ما غاسلتلي امي تيابي برجع ع البيت موسخ

يا مبخوش البنطلون وما بعرف كيف بدي غطي أثار الجريمة

انو عفزا مافيني اشرح معنا الكللام الي قدر يفهم كلامي كتر خيرو هع هع



هاتو انتو لشوف .......


تحياتي مشقليز

[كذبك حلو]

صباح الخير للجميع بالنسبة ليا كانت ماما تقول عني =المشة= تعني القطة بالمغربي لانو عيوني خضر وكان دايما شعري منكوش مابحب حدى يمشطو ليا
والوالد الحبيب اشتقت اللو كثير كان بسمني محمد وكان يعيط ليا ابني لانو كان يفتخر بقوتي كنت انا هي ابو شهاب الحي وكنت ادب 70 خناقة باليوم والله كنت شريرة وقاطعة طريق
اما هلق صرت طيوبة وحبوبة
تسلملي القطة انا

[Roaa]

كنت وما زلت ما بعترف كتير باسم رؤى بالبيت .. ما زلت رأرووء ..

[Placebo]

عصاية طئي ...طويل هبيل مربع مستطيل ... مصروع .. خواجة .. حمودة .. حمادة ......الخ

[la-vierge]

كاتب النص الأصلي : linato85

صباح الخير للجميع بالنسبة ليا كانت ماما تقول عني =المشة= تعني القطة بالمغربي لانو عيوني خضر وكان دايما شعري منكوش مابحب حدى يمشطو ليا
والوالد الحبيب اشتقت اللو كثير كان بسمني محمد وكان يعيط ليا ابني لانو كان يفتخر بقوتي كنت انا هي ابو شهاب الحي وكنت ادب 70 خناقة باليوم والله كنت شريرة وقاطعة طريق
اما هلق صرت طيوبة وحبوبة
تسلملي القطة انا

أولا مرحبا فيكي بنت بلادي و أكيد انت قطة و طيوبة و مو شريرة بس لازم تدافعي عن حالك أحيانا
لازم تظهريلنا مخالبك مشان نخاف

كاتب النص الأصلي : *.• Roaa •.*

كنت وما زلت ما بعترف كتير باسم رؤى بالبيت .. ما زلت رأرووء ..

اي بعمرك ما تعترفي به لانو رأرووء ألبقلك حبيبتي

كاتب النص الأصلي : romanista

عصاية طئي ...طويل هبيل مربع مستطيل ... مصروع .. خواجة .. حمودة .. حمادة ......الخ

اي شو هاد قاموس ألقاب


[/IMG]

[la-vierge]

اما بالنسبة الي فأنا كانو يلقبوني ميمي و لسى هاللقب ساري
و كمان صفارة الإنذار لانو انا دايما بحذرهم من الخطر

[اممي]

فوفو ,فووءش,فارة المطبخ(طبعا لان كلما كنت بضيع كانوا بيلاقوني بالبراد) وجارنا كان بيسميني حمدي (لاتسالوني ليش ..والله مابعرف لحد هلق )

[khalkhool]

رفقاتي: ليلو, خلولة, خلخول العظيم, يعني تشكيلة!
أهلي: خلاخيلو, أريشة, نونورس Nonorse (يعني دبدوب) و ابو زهير!

[ghassan802]

ام انا كنت امي تناديني (ابو السوسو )ولحدا الان

[..AHMAD]

29/02/2008

7 دقيقة مضت

يا زلمي هالموضوع صار من القوارض

[zerocold hacker]

كاتب النص الأصلي : M i i i D O

يا زلمي هالموضوع صار من القوارض

حتى لو من القوارض بدي رد

انا أخي كان كلما يناديلي كان يغنيلي نورة نورة يا نورة انت وحدة شطورة
هي اذا بدو مني شي

اما اذا بدو يتغالظ كان يناديلي حجة نور بفتح احرف الاسم

وطبعا بين الاهل اللقب هو نورة مع اني ما بحبو

هههههههه

[shasho]

من صغري كانوا أهلي يندهولي شوشو الوحش

وأولادي التلاتة بيندهولي بنفس الاسم

لدرجة صرت فيها بشك انهن بيعرفوا اسمي الحقيقي

وبنتي الصغيرة (سنتين ونص) بتندهلي ثوثو الوحث

[souriana]

اهلي كانو يصيحولي بالقاب حلوة مو موضوعها هلق
بس اخواتي كانو يصيحولي سنبل

مع تحيات سنبل و المظلة

[HONEY BEE]

انا كل اهلي الصغار و الكبار لحد هلأ بنادولي لولو

[وردة حب]

وبنتي الصغيرة (سنتين ونص) بتندهلي ثوثو الوحث
هي نهفة

[باشق مجروح]

كنت ولا زلت صافو / صطيف / صفصف.
بس انو كألقاب كانو يقولولي : بسيط + بطوط + english guy .هلق بيقولولي بعجر.

[saman]

كنت ولا زلت صافو / صطيف / صفصف.
بس انو كألقاب كانو يقولولي : بسيط + بطوط + english guy .هلق بيقولولي بعجر.

اسم صفصف كان اسم رقاصة بأحد المسلسلات المصرية ....
ايوا يا صفصف


انا كانو بينادولي أهلي : قميص - امير البشكير - امير الشرير - ابو بريص - طولان - ميرو - اميرو - صايع - فلتان ...الخ الخ ...
عمران الحمصاني : ميرو
رفقاتي : قميص - اميرو - ميرو - دب (هادا صافو وكم رفيق بيقوليلي ياها )...الخ الخ الخ ...
رفقاتي بالحارة : سميري - اميري - وفي كم كلمة بستحي قولهن هون

[saba n]

لما كنت صغيرةكانوا ينادوني:_اهلي ..(حبيبة ابوها)..
وصديقاتي ..(سالي)و(جورجي).....لاني كنت متأثرة بيهن كثير..
بعد فترة صار..(يالاله_على اغنية الساهر)..
واخيرا (ام الصوص)..