من هم الEMO ? موضوع ضروري للنقاش

[SAD_EMO]

هاااي

أنا حبيت اطرح هالموضوع هون بالصالون لشوف شو آرائكون في
انا بصراحة قرات كتير عن جماعة اسمها الايمو وكتير عجبتني افكارهم وطريقتهم بالحياة
بس لما كنت ابحث عنهم قرات بمنتديات كتير عنهم
وكتيييييييييير كانو ضد هالموضوع و بحكولك وين الدين ومش عارفة شو
انا برأيي انو ما في شي غلط بهالموضوع وممش عارفة ليش هالأد الناس مدايقين منو او من انتشارهم بين العرب
انا بقول انو مالو علاقة بتقليد الغرب يعني نسيو كلشي هالناس من اللي منقلد الغرب في وما لقيو الا اليمو؟
وبعدين انا بشوف انو الايمو هو تعبير عن الشخصية ولقيت انو شخصيتي قريبة منهم وانا هلأ ستايل لبسي وشعراتي عملتهم خصوصي متلهم وطلع كتير كوووول لهيك انا دايمن بوقع ب ساد ايمو
cuz i realy love them

سو اقرأو الموضوع وياريت تحكولي شو رأيكم فيهم


من هم الإيمو؟

إذا نظرنا إلى تاريخ ثقافة "الإيمو" ، فقد أتت كلمة Emo اختصاراً لـEmotion الانكليزية والتي تعني الانفعال والإحساس. بدأت كتيار موسيقي في موسيقى الهارد روك في أوائل الثمانينات، لتتحول في بداية الألفية الثالثة إلى Life Style لجماعات معينة. بدأت تظهر هذه الجماعات في واشنطن، ويعتبر علماء الاجتماع أنهم تطور طبيعي لجماعات البانكس punk الشبه منقرضة :

تتميز جماعة الإيمو أولاً بأن معظم أفرادها من المراهقين الذين لا يتجاوز عمرهم الـ17 سنة.
لهم طريقة معيشة خاصة بهم، ولباس معين وموسيقى يتميزون بها.


طريقة معيشتم:

يتسكع الإيمو في شوارع المدن الغربية (ليلاً)، بمفرده أو بصحبة أحد أفراد جماعته، بوجه كئيب. غالباً ما تراه باكياً.

مظهرهم:

من مميزات مظهر إيمو أنه يصعب التفريق بين الإيمو الفتاة والإيمو الصبي. فكلهم Emo-kids ولا يفرقون بين الجنسين.يتميزون كذلك باللونين الأسود والزهري، وتخطيط أسود حول العيون، لتظهر كبيرة (كما في أفلام الأنيمي).
الشعر الأسود، الذي ينساب على طرفي الرأس بموديل آسيوي حديث. ومن الخلف غالباً ما يُثبّت في الهواء. وقد يحتوي على خصلات زهرية.



لباسهم:

الجينز الضيّق والقميص الضيّق يحمل علامة الإيمو أو أحد شعارات فرق الروك-إيمو. غالباً ما يكون أسوداً ذو مربعات بيضاء وعلامات زهرية. وكذلك الجواكيت ذات الزر السفلي الوحيد المزرور. الحلق في كافة أعضاء الجسد. الكثير من الأساور. والنظارة ذات الأطراف العريضة السوداء.



شخصية الإيمو:

كما سبق أن ذكرت ، أن الإيمو عاطفيون وحساسون بطبعهم، يميلون إلى الكآبة والبكاء، مكسوري القلب، ويميلون إلى الحب الغير متبادل و يقولون أننا دائما منبوذين من مجتمعنا لأن لا أحد يستطيعون فهمنا .

خشي علماء النفس في بداية ظهور هذه الحركة على المراهقين من الضرر النفسي أو الجسدي الذي قد يلحق بهم نتيجة كآبتهم الدائمة، والخشية من ميلهم للانتحار. لكن الإيمو يصفون أنفسهم بأنهم طيّبون من الداخل، لا يميلون إلى العنف ، ويبتسمون كثيراً، بابتسامتهم الحزينة تلك. ولا زال الجدل قائماً حول حقيقة نفسيتهم النزاعة للحزن.


وإيمو شخصية شاعرية نزّاعة لكتابة الشعر وسماعه، يعالج شعرهم ارتباكهم والكآبة والشعور بالوحدة والغضب الناتج عن عدم قدرة الأشخاص العاديين لفهم مشاعرهم. والقاسم المشترك بين المؤلفين هو الشعور بأن الحياة هي الألم.
مع أن النقاد يعتبرون شعرهم رديء . وكل ما يفعلونه مضيعة للوقت.


لكنهم الآن في تطور كبير وأعداد كثيرة وبأعمار مختلفة كبار وصغار
ولهم شعارات مختلفة وغريبة جدا

ورح نزل صور الهن انشالله

[RaNaA]

موضوع جدا مهم ومثير.

وانا بعتقد انو الايمو ناس عادين من البنيه العقليه والهون حياه وتفكير ونمط بتكوين الذات وهايا بعد اختيار الشخصيه وحريه التصرف والاختيار .

وانا ما بشوف اي اشي مختلف عن الايمو من الناس الطبيعين الا بعض الاستثناءات , وبصراحه تفكيرهون كتير حلو وسليم ولو كل الناس يمشو عليه رح يعرفوا ئديش الانسان جزئ بسيط من الحياه الي هو بعيشا .
وانا كتير بصادف هايا النوعيه من الناس( ايمو) وبحكي معون وكتير على فكره عندهون اراء جدا انا لحديت اسا بتقيد فيها.

وشكرا الك على طرح الموضوع الجميل والحلو

تحياتي
رنا

[SAD_EMO]

شكرا كتير رنا عالرد السريع

وفعلا انو كتيير حياتهم بسيطة وتفكيرهم حلو
بس جد كتير نفسي اعرف انو ليش الناس معارضين هاي الفكرة
حتى اني مش لاقية والله ولا سبب للمعارضة بس ازادخلتي بمنتدى ديني واسلامي بيبدو يحكو عن التقليد وعن انو هادة حكي فاضي
ما بعرف ليش
ع كلن يسلمو عالرد الحلو
ومنيح اني لقيت مين معي يحب الايمو

[W.E.G.A]

بصراحة اول مرة بسمع بهيك شي

بس يبدو اني من الايمو من دون ما اعرف

ياريت تدعمي الموضوع بالصور لنقدر نتعرف عليهن اكتر

[SAD_EMO]

والله ما بعرف كيف حط صور
لأني هلأ فتحت المرفقات وضفت صورهم بس ما طلع شي

رح حاول مرة تانة هلأ
وشكرا عالرد ويجا ومو غريب انو تطلع منهم لأنو كشحصية عنا كتييييير منهم

بس فيك تعمل بحث صوري بجووجل باسم emo وبتأدر تشوفهم

[SAD_EMO]

والله عم حاول نزل الصور بس ما بعرف عم يعطي انو في خطأ بالمرفقات.

[Placebo]

وقت كنت صغير .. كنت EMOOOOOO وهلأ وقت كبرت وبلش يهر شعر راسي وراح الشعر الطويل وبلشت ربي دقني عالخفيف هيك واسمن والبس طقوم رسمية .. صرت OMEEEEEE

[L.A.]

[SAD_EMO]

ههههههههه قلتلي صرت ome
ههه

بس انو فعلا حلوة فكرة الايموو وكان لازم لهلأ تبقى عليها

والله اللي بسمعك بقول ختيرت يا جدوو

يسلموو عالمرور الحلوو

[Placebo]

آخ يا معدتي .. حاسس حالي رح راجع !!

[SAD_EMO]

اييوة هيك الصور الحلوة

بس انو لي رح تراجع!!!!!!!!!!!!!!!!؟؟؟

وشكرا عالمرور LA AND PLACEBO

[المحارب العتيق]

يعني مابيقبلوني معهم أذا ماكنت كئيب ؟ . روح أعملي شي عملة أندم عليها لصير كئيب ؟ .
مالي غير أقتل أبي لصير كئيب . بس يمكن ماصير كئيب بس أخد الورتة . شو أعمل ؟

[Placebo]

كاتب النص الأصلي : SAD_EMO

ههههههههه قلتلي صرت ome

كاتب النص الأصلي : SAD_EMO

ههه

بس انو فعلا حلوة فكرة الايموو وكان لازم لهلأ تبقى عليها

والله اللي بسمعك بقول ختيرت يا جدوو

يسلموو عالمرور الحلوو

والله من الحكي يللي سمعتو من الناس اضطريت اني غير هالستايل وكمان مع الظروف يللي صارت معي ..

بعدين الستايل الجديد تبعي هيك رجالي أكتر يعني عضلات وجسم ضخم ودقن خفيفة والحمد لله مالنا بشعين ولامضطرين نحلي حالنا بهي الإيمو وما بعرف شو ..

تحية!

[SAD_EMO]

ههههه بسيطة
ولك مو ضروري تقتل ابوك لتصير كئيب
تزكر هالدنيا وهمومها ومشاكلها وانو عايشين بدون فائدة وتزكر كلشي مش منيح
وتزكر الأشياء اللي فشلت فيها
وتزكر وتزكر ........
......
آآآآخ في كتير اشياء بتخليك كئيب

وميغسي عالمرور والتعقيب خيو المحارب

[SAD_EMO]

كاتب النص الأصلي : Placebo

والله من الحكي يللي سمعتو من الناس اضطريت اني غير هالستايل وكمان مع الظروف يللي صارت معي ..

بعدين الستايل الجديد تبعي هيك رجالي أكتر يعني عضلات وجسم ضخم ودقن خفيفة والحمد لله مالنا بشعين ولامضطرين نحلي حالنا بهي الإيمو وما بعرف شو ..

تحية!

الحمدلله

بس

انو ليش لازم الواحد يكون بشع ليحلي حالو بالايمو؟

[المحارب العتيق]

كاتب النص الأصلي : SAD_EMO

ههههه بسيطة
ولك مو ضروري تقتل ابوك لتصير كئيب
تزكر هالدنيا وهمومها ومشاكلها وانو عايشين بدون فائدة وتزكر كلشي مش منيح
وتزكر الأشياء اللي فشلت فيها
وتزكر وتزكر ........
......
آآآآخ في كتير اشياء بتخليك كئيب

وميغسي عالمرور والتعقيب خيو المحارب

الله يسامحك شو عاملك أنا
أتزكر كلشي فشلت فيه . وأتذكر أني عليش بدون فائدة . بدل ماتقليلي أنسى كل همومك وأنسى الماضي يلي فشلت فيه . وأبني لبوكرة لأنو بوكرة أحسن , والفشل هو أول خطوة بطريق النجاح
مابيكفيني أني مولود بسورية . أفضل مكان بالوجود لدفن الشباب

[Government]

ايوااااا .. هلأ فهمت
بااالله عندي ناس صرعوني بهالكلمة وبهالشغلة وخاصة ع الماسنجر
وكل مرة بدي اسالن عليها وبنسى
ومنيح هلأ عرفت ..
يعنبي مابعرف


بس باختصار رأيي بهالقصة انو مجرد موضة كم شهر وبتروح .. وبتنتسى

[SAD_EMO]

كاتب النص الأصلي : المحارب العتيق

الله يسامحك شو عاملك أنا
أتزكر كلشي فشلت فيه . وأتذكر أني عليش بدون فائدة . بدل ماتقليلي أنسى كل همومك وأنسى الماضي يلي فشلت فيه . وأبني لبوكرة لأنو بوكرة أحسن , والفشل هو أول خطوة بطريق النجاح
مابيكفيني أني مولود بسورية . أفضل مكان بالوجود لدفن الشباب

im realy sorry
عنجد سوري لأني زكرتك بأشيا بتخلي الواحد متشائم

أنا بالنسبة الي متشائمة كتييييييير وما رح شوف شي بكل حياتي اسمو تفاؤل

وخلص ولا يهمك رح قلك كلشي انساه
وانساه الأشياء اللي فشلت فيها
والفشل متل ما قلت اول طريقة للنجاح
وانساك من شي اسمو ايمو