انت ..والماورائيات..شنو موقفك..؟

[saba n]

انتشر هذه الايام الكلام عن علوم الماورائيات ..
(علم الحرف،علم الارقام،علم الاسماء،علم الابراج الغربية،الصينية،....)وكثيرون هم المهتمين بها ..وكثيرون المنددين بها...
البعض يدعي انه يقرأها على سبيل التسلية والبعض على سبيل الاطلاع فقط..والبعض..والبعض فمن ايهم انت ؟..ولماذا..
ويرجى الالتزام بعدم توجيه الكلام الجارح..والاساءات..
وتسلمولي ..

[ماغنوم56]

تسلايه فقط لاغير

[blueriver]

ما بامن فيهم ولا بقراهم خاصة لما يحكو حرف اسم بدل على شخصية ولا رقمك وحتى الاسم
الابراج كنا ايام المدرسة نقرأهم تسلاية برضو بس هلا لا بحسها قلة عقل وتضييع وقت عالفاضي
وشكرا

[..AHMAD]

انو ازا منجي لعلم الفلك كـــ / علم / ايه بآمن فيه وكتير ........ بس مو بهالطريقة اللي 80 بالمية من العالم عندها علم الفلك هوي الأبراج والحظ وهالقصص ........ بطلع كتير عهالشغلة هي ...... وعلم الفلك اكبر بكتير من اللي شايفينو العالم

بالنسبة لعلم الارقام والاسماء وما الى ذلك ......... كتير بحبو .... ما بعتبرو نمط من التسلية .... قد ما بعتبر عملية تنشيط مخ لانو اعتمادو الاساسي على مسائل حسابية معينة بعدة درجات

تحياتي

[W.E.G.A]

علاك بعلاك بعلاك بعلاااااااااااااااااااااا ااااااااااااااااااك

[مالك الحلبي]

كاتب النص الأصلي : ويجا

علاك بعلاك بعلاك بعلاااااااااااااااااااااا ااااااااااااااااااك

لا يا ويحا أسمحلي أقلك أني الموضوع مو علاك
بتقدر تقول عليه صف حكي
وطبعا مستعد أنا أحلل بس حطوا أول أسم وقياس الحذاء ونوع العلكة
وبكشف كل شي مستور
بأيد الموضوع على أن أكون المحلل

[..AHMAD]

(علم الحرف،علم الارقام،علم الاسماء،علم الابراج الغربية،الصينية،....)

وطبعا مستعد أنا أحلل بس حطوا أول أسم وقياس الحذاء ونوع العلكة
وبكشف كل شي مستور
بأيد الموضوع على أن أكون المحلل

بظن نحنا هون عمنحكي على شي اسمو علم ...... متل مو مذكور

ما عمنحكي على نمط الــ خزعبلات والشعوذة والضرب بالمندل وهالكزب هاد كلو

[رز بحليب]

بظن نحنا هون عمنحكي على شي اسمو علم ...... متل مو مذكور

ما عمنحكي على نمط الــ خزعبلات والشعوذة والضرب بالمندل وهالكزب هاد كلو

[مالك الحلبي]

كاتب النص الأصلي : رز بحليب

مبسوط أكل رز بحليب
ومقشط الطنجرة
هههههههههههه

[W.E.G.A]

كاتب النص الأصلي : مالك الحلبي

لا يا ويحا أسمحلي أقلك أني الموضوع مو علاك
بتقدر تقول عليه صف حكي
وطبعا مستعد أنا أحلل بس حطوا أول أسم وقياس الحذاء ونوع العلكة
وبكشف كل شي مستور
بأيد الموضوع على أن أكون المحلل

ليش وين الفرق ههههههههه

سيدي متل مابدك

اختلفت الاسباب والموت واحد

صف حكي صف حكي

[باشق مجروح]

هلق بالنسبة للصينيين بحس انو عندهون علوم خفية وحقيقية وعمق روحاني غريب نحنا ما وصلنالو.
موقفي منها الاطلاع والذهول وخصوصاً أمام العلوم الصينية.
بالنسبة للأبراج سيطر الدجل على الوضع أكيد بس علم الفلك موجود وقائم رغم انو مو قدران اقتنع او بالاحرى عقلي مو قدران يستوعب فكرة تأثير الكواكب على ظروف حياتنا.

[مالك الحلبي]

وهل تتفق معي بأن الصينين هم من أدلجوا العمق الروحاني بمعادلة النفس الصينية المتغيرة ؟
إن وافقتني الرأي ؟
فلي عودة لك ولأدلائك

[باشق مجروح]

والله يا مالك ما كتير بفهم بهالقصص وما بحب احكي بشي ما بفهم فيه.
معرفتي سطحية بهالعلوم بس عاشرت كتير صينيين وفيتناميين وشفت البعد الروحاني بالتعامل والعلاج وطرق التواصل الروحي و الراحة الي عايشين فيها ونظام حياتهون.
طبعاً أعجبت بهالشي وقدرت كتير هالعلوم الروحانية الموجودة عندهون.

[مالك الحلبي]

إلى بأشق مجروح
الصين وصحوة التنين لماذا الصينيين بالذات وعلومهم؟
روى لي من ثقات أنه : منذ أكثر من ثلاثين عاما أبحرت سفينة ضخمة مليئة بالألبسة والأحذية الصينية الصنع وكانت هذه السفينة مجهولة الهوية متجهة إلى الشواطئ الأمريكية وعند وصولها رمت كل ما عليها من أثقال ( الألبسة والأحذية ) على الشواطئ الأميركية معلنة بدأ الحرب الاقتصادية وراح الأميركيون يتسابقون لأخذ هذه الأشياء المجانية الملقاة على الشاطئ واستعمالها ... وبعد أبدوا إعجابهم بهذه السلع فتشوا عن صانعها .. وعند عثورهم على المصدر ( الصين ) راحوا يهرولون إلى شراء البضائع الصينية الجيدة الرخيصة ولم تعي الحكومة الأميركية أن هذه هي استفاقة التنين الصيني الأسطورة التي روى عنها الكثير ولما آلت نسبة تضخم الأسواق الصينية لأميركا سارع الأميركيون إلى فرض تعريفة جمركية جديدة على استيراد البضائع الصينية , وعلت التعريفة الجمركية الأمريكية المفروضة على البضائع الصينية ما يفوق التعريفة الجمركية الأوربية ولكنني أعتقد أنه قد فات الأوان... والتنين لم يجتح الأمريكيتان فقط بل أجتاح الكرة الأرضية . وبما أنه أصبح حديثا متداولا وقوة جديدة بات الجميع بدراسة هذا التنين ( سلوكه , طقوسه ,منهجيته , أسلوبه , علومه , وتقاليده ) ومما أورد عن الطقوس الروحية الصينية فهي نوع من أنواع الرياضة فن التأمل ( اليوغا )أو ماشابه فاعتقادات التنين البوذي أن اندثار الجسد تحت التراب لا يعني موت الإنسان فروحه عائدة ولكنها قد تتقمص جسد أخر ربما جسد حيوان حتى .... وهذه المعتقدات جعلت فيهم من خلال تأملهم الطويل الأمد أن هذه الأرواح تتقاذفها الكواكب فقد تصقلها الكواكب الخيرة وقد تشوهها الكواكب الشريرة مما جعل الصينيون شغلهم الشاغل الأبراج وقراءة الروح ظانين أن التأثيرات الكوكبية عليها ربما تعطى ألهام بعلم المغيبات وكما هو معروف أن عالم الغيب بيد الله عز وجل ولا يعلمه مخلوق قط
نستنتج :
أنه لا يمكن تجنب والتغاضي عن الغازات المنبعثة جراء أكلة البيض المسلوق

[بنفسجة]

مابهتم ابدا ولا بفكر اني احضر او اقرا شي عنها

[بيرلا]

الحقيقة كأنو المفهوم العام عن علم الماوارائيات مغلوط شوي،، علم الماورائيات حسب ما منسميه بالعربي مو بس هو الأبراج واعرف مستقبلك من قبة قميصك، وقلي شو فطرت بقلك شو رح تتغدى!!

علم الماورائيات أوسع وأكبر من هيك بكتير وكلياتنا منأمن فيه وكلياتنا منمارسو بدون ما نحس وبدون ما نعرف،، وطبعا منطلق عليه أسماء مختلفة وأوقات ما منعرف شو ممكن نسميه

علم الماوارئيات هو البحث بالشغلات المجهولة والغامضة يلي بتصير معنا كلياتنا،، هو قدرة العقل انو يتصل بعقل تاني بدون أي واسطة، قدرة االعقل بتخطي المسافات وبالتأثير على يلي حواليه.... هالعلم مبني على نظريات مو ثابتة علميا وانما قائمة وحقيقية

مثلا كم واحد منكون صارت معو انو كان عم يفكر بشخص صرلو مثلا سنين مو شايفو، وفجأة لقاه قدامو او هداك اتصل فيه؟؟

كم واحد مننا بيحس بتوتر بمكان ما رغم أنو كل شي بيبين عادي وبعدين بيعرف انو كان في خناقة بهالمكان هاد قبل دقايق؟

كم واحد مننا بيشوف شخص لأول مرة وبيحس حالو بيعرفو من زمان وبيرتاحلو وبيرتاح لوجودو؟

كم واحد مننا كمان بيشوف شغلة مثلا أو عصفور أسود بيقوم يقول الله يجيرنا من هالنهار وبيضل طول نهارو متوتر؟

وكم واحد مننا بيأمن بالتالته الثابتة ولما بيصير معو شغلتين مو حلوين أو العكس بيستنى بالاشعور التالتة؟

وكم وكم وكم،،، يعني هي الشغلات كلياتها مهما حاولنا نفسرها ونلاقيلها أسماء،، بس هي كلياتا جزء من علم الماوارائيات يلي هو متل ما قلتلكون أبعد وأشمل بكتير من مجرد علم الحرف والاسم وما الى ذلك.

[مالك الحلبي]

كاتب النص الأصلي : بيرلا

كم واحد مننا كمان بيشوف شغلة مثلا أو عصفور أسود بيقوم يقول الله يجيرنا من هالنهار وبيضل طول نهارو متوتر؟

وكم واحد مننا بيأمن بالتالته الثابتة ولما بيصير معو شغلتين مو حلوين أو العكس بيستنى بالاشعور التالتة؟

بيجوز كلامك صحيح

لكن هالشطرين مع أحترامي لحضرتك ما بقتنع فيهن

يعني أنا إذا شفت عصفور أسود أو قطة سودة بقوم بينقلب كياني وبخاف من هاليوم لمجرد أنه أسود
لأنه القدر ماله علاقة بالألوان
لاحظي حتى مثلا في عالم بتأمن أني تحط على سياراتها حذاء طفل صغير قال منشان تحمي السيارة
وناس بتحط بدهليز البيت كف نحاس وجواته عين زرقا قال شو منشان تحمي البيت
ولا المصيبتين كمان منقول الله يسترنا من التالتة
وإذا تبرز علي العصفور بيقولو بدا تجيك رزقا
وخدي من هالسوالف وأسمعي
بيصير هاللحكي
ما هو القدر واقع واقع
لكن منطلب من الله عز وجل أني يلطف فينا
تقبلي تحياتي

[بيرلا]

كاتب النص الأصلي : مالك الحلبي

بيجوز كلامك صحيح

لكن هالشطرين مع أحترامي لحضرتك ما بقتنع فيهن

بغض النظر مالك اذا مقتنع بهالكلام أو لأ، بس هاد ما بينفي أنو الأشياء يلي ذكرتها بتدخل تحت إطار هالعلم هاد.. بيجوز أنت مثلا ما بتأمن بهالشي أو ما بتحسو، بينما في كتير ناس بس يصير معها شغلتين مو مناح أو العكس، بتلاقيون عم يستنوا التالتة،، ونفس الشي اذا شافوا عصفور أسود بيتشائموا وأي شي معون سيئ بصير خلال هالنهار هاد بيربطوه بأنون شافوا العصفور...

مو بالضرورة الكل يكون بيصدق هيك شغلات،، بس أغلب الناس بتمارسها بدون ما ينتبهوا وبدون ما يحاولوا يفسروها لأنو بالنسبة ألون ممكن تكون مجرد خرافات أو قصص اتناقلوها عبر الأجيال... وهاد هو بالظبط علم الماوارائيات يلي في أشخاص بيتبحرو فيه أكتر ومن خلالو بيربطوا اسم الشخص أو من أي شجرة هو وما الى ذلك فيه.

هلئ حتى أنت أكيد مارء معك أنو أوقات بتكون عم تحكي مع شخص وقبل ما يجاوبك، بتعرف تماما شو بدو يكون جوابو.... أو ممكن بلحظة معينة تفيق الصبح وتحس أنو مثلا بالك مشغول على شخص عزيز عليك وبتتصل بهالشخص وبالفعل بيكون هالشخص مريض أو واقع بمشكلة

وهالشي بيدل على أنو كلياتنا بدون استنثاء جربنا هالشي بيوم من الأيام وحاولنا نفسرو بطريقة علمية بتناسب عقلنا لأنو أغلبنا بحاجة لتفسير منطقي يفسر أمور كتير بتصير بحياتنا،، بس الحقيقة أنو هالأمور هي مو بالضرورة يكون ألها تفسير منطقي وهاد هو علم الماوارائيات.