هل تفضل من يشبهك ام المختلف عنك..؟ولماذا..

[saba n]

في علاقاتك الانسانية هل تفضل الاشخاص الذين يشبهونك..ام المختلفين عنك..؟
سواءا في اهتماماتهم او خياراتهم او اشكالهم..الخ

[karim94]

كاتب النص الأصلي : saba n

في علاقاتك الانسانية هل تفضل الاشخاص الذين يشبهونك..ام المختلفين عنك..؟
سواءا في اهتماماتهم او خياراتهم او اشكالهم..الخ

من ناحية الشكل ما في حدا بيشبهني هههههههه

أما من ناحية الأفكار أكيد بفضل اللي يشبهني, مشان أرتاح و ما أتعب فالكلام و الشرح و الإقناع و و..........ويكون التعامل أيسر...........

شكرا عالموضوع

[Marooshe]

اكيد يلي بيشبهوني... لاني اشعر بارتياح اكبر في التعامل معهم...
واحياناً احب التعامل نع المختلفين عني, اولا لكسر الروتين.. وثانيا لان علاقاتي معهم تشعرتي بنوع من التحدي الذي يشدني لهذة العلاقة...

مشكورة

[باشق مجروح]

الشبه المطلق يولد الملل .. والاختلاف المطلق يولد النفور.
أنا مؤمن بإنو الاعجاب لا يولد لا من تشابه ولا من اختلاف بل من طريقة تبادل افكار محددة . اعجاب بنمط تفكير . بالنهاية لا أحد يريد نسخة منه ولا يريد شخص ضده في كل شئ. هناك شئ محدد يجذب الناس لبعضها بعيد عن نظريات التشابه والاختلاف.
أنا أفضل من يرتاح له قلبي و نمط تفكيره غير جامد و افضل اصحاب العقول المنفتحة ولكن قد يحصل انجذاب مع شخص بعيد كل البعد عما افضل لذا اقول ان التفضيل شئ والواقع شئ آخر.

[حالة حب]

كاتب النص الأصلي : باشق مجروح

الشبه المطلق يولد الملل .. والاختلاف المطلق يولد النفور.
أنا مؤمن بإنو الاعجاب لا يولد لا من تشابه ولا من اختلاف بل من طريقة تبادل افكار محددة . اعجاب بنمط تفكير . بالنهاية لا أحد يريد نسخة منه ولا يريد شخص ضده في كل شئ. هناك شئ محدد يجذب الناس لبعضها بعيد عن نظريات التشابه والاختلاف.
أنا أفضل من يرتاح له قلبي و نمط تفكيره غير جامد و افضل اصحاب العقول المنفتحة ولكن قد يحصل انجذاب مع شخص بعيد كل البعد عما افضل لذا اقول ان التفضيل شئ والواقع شئ آخر.

باشق تاني مره بتفقك معك بشغله
انا معك بكل كلمة قلتها يعني هاد رأيي انا كمان

[حـلا]

مساؤكم رائق

بالاجمال يجذبوني المختلفين عني

اريد من يكملني

لا من يشبهني

أحيانا اتوق لكل ما هو غريب في اطار المعقول

واحيانا يتعبني الاختلاف

وألجأ مجددا الى من يشبهونني

يسلمو للموضوع

[Odell]

برتاح مع يلي بشبهني ومن نفس تفكيري وتربيتي

نفس اخلاقي و نفس نظرتي للامور وان كان يحيد قليلا لاجل تبادل الافكار والخبرات


مو من قليل طلع المثل



" يلي متلنا تعو لعنا " و "يلي مابياخد من ملته بيموت بعلته"

[سوا ربينا]

هلأ اكيد بفضل الناس اللي بيشبهوني لانو عالاقل مش راح نخانق لانو اللي ما بيشبهوني وخاصة بتفكيري رح قضيها كل يوم خناقات ,,,,,,وبرضو شغلة انو يكون الواحد بيشبهني كتييييير ما بفضلها كتير لانو مع مرور الزمن يعني ما رح يصير ف مناقشات بشي مواضيع ما رح يصير اي حوار بيني وبين الناس اللي بتشبهني وغير انو رح صير اعرف شو الكلام اللي ممكن يحكيلي اياه وهو رح يصير يعرف شو الكلام اللي بدي احكيلو اياه,,,, ان شالله تكونو فهمتو علي ,,,,

[Nawaraa]

كاتب النص الأصلي : saba n

في علاقاتك الانسانية هل تفضل الاشخاص الذين يشبهونك..ام المختلفين عنك..؟
سواءا في اهتماماتهم او خياراتهم او اشكالهم..الخ

طبعا أفضل الأشخاص الذين يشبهوني يعني نفس الأهتمامات والأفكار لأنو هاد بيفتح طريق للتفاهم

يعني مو معقول مثلا أنو واحد مزوحي يرافق واحد جدي جداً ما بظن أنو بتظبط

[بلاك 1]

عنجد السؤال حيرني كتير مابعرف شو بدي اجاوب بس انا بحب اني اتعامل مع ناس بيشبهوني وبنفس الوقت مابطيق الناس اللي بيشبهو بعض عنننجد مابعرف لك لعما شو هاد السؤال فوتني بالحيط

[boy freind]

بحب يكونو مختلفين بالأشكال يعني ما بحب بيشبهوني بالشكل

بس بالتصرفات بحب يشبهوني كتير

[saba n]

انا ابحث عن الاختلاف ..واؤمن به ..وبحب احاكي الاخرين والتفاهم مع اختلافهم..

[المصروايه]

انا مبحبش حد يكون زيي ابدا never ومعرفش ليه

[nanoosh rose]

انو بشبهني بس بلافكار

[جيداء]

افضل اللى بيشبهونى
لانهم نادرين الوجود

ما فى حدا بيشبهنى

[بـحــر]

مارح تفرق اذا الانسان بيشبهني أو بيختلف عني .. المهم انو يكون قادر على التجاوب معي و يتفهم طريقة حياتي و اسلوب تفكيري ..
الإنسان المتفهم .. بيقدر يتخطى جميع حواجز الإختلاف ..و بيقدر يتكيف ويتعايش .. مع الأشخاص الآخرين
وهادا هو المهم

[Purple Rose]

اكيد بفضل يلي بشبهني
بس ما حلو يكون نسخة مني
يعني حلو يكون في شوية اختلاق بالافكار و الآراء
بس طبعا ازا كان مختلف عني رح يكون في نفور من الطرفين
فيلي بيشبهني رح يفهمني اكتر من غيرو
يسلمو

[saba n]

شرفتموني..اسعدتموني..
شكرا لمروركم الكريم..
تحية اردودكم ..