انا من جهتي راح بلش أطرس اسئلتي
بداية كيفك حبيب القلب

مية هلا ابو الزوز انا تمام كيفك انتي

الأسئلة

1- هاني بدي اسئلك انو بامريكا كيف بتكون صورة أحداث غزة اعلاميا يعني الاشخاص بامريكا بيعرفوا هالشغلات؟
أنا عم شوف ال cnn واخبارها شوي ببكي ع الاسرائيلين ؟:jakoush:
الاشخاص هممممممممممم
رح احكيلك عن الاشخاص اللي عايش معاهن ان كان بالستور او بالشركة او بالجامعة
الاشخاص بامريكا اخر همهن شو عم يصير بالولاية اللي حدنا لحتى يهتمو بشو عم يصير برات اميركا
الشعب الاميركي شعب شغيل بيهتم انو يشتغل مشان يأمن مصاري مشان يغطي الدفعات اللي علي ( دفعات بيت وسيارة وكريديت كاردس ....) وباخر الاسبوع اذا ضل معو مصاري بيروح بيشتري شوية بيرة او شوية الكحول يستأجر فلم مع شوية بوشار ويروح يقعد مع العيلة تبعيتو او يعملو شي حفلة مشاوي ويعزم اصحابو عليها
اللي منهن بيهتمو بالاخبار وبيشكلو نسبة ١ بالمية من الشعب اللي بتعامل معو كلهن بيتعاطفو مع اهل غزة لانو اللي عم ينعرض بالجرايد (اللي هيي اكبر وسيلة اعلامية هون ) هوي صور للمجازر اللي عم تصير وصور للولاد اللي عم تنقتل

العالم اللي ما بتعامل معاها ما بعرف شو رأيهن لانو صعب انك تفتح هيك مواضيع معاهن خاصة انو معظم المواضيع اللي عم تنفتح هالايام هيي مواضيع الاقتصاد الاميركي اكتر من اي موضوع تاني




2- أمريكا أو الحلم الأمريكي اللي انت عايش في بنظر البعض شو بيعنيلك ؟
ما بعرف ليش بس انت بحب اسئلك عن أمريكا ....

هادا من الاسئلة اللي بدي خليها للاخير

3- هلق بالنسبة الك حسن نصر الله شخصية أممية ؟ انو مرة حكيت مع واحد فرنسي سألتوا عن حسن نصر الله قلي انو في ناس كتير بتعتبروا انو غيفارا الوقت الحالي ؟:?
كل يوم عن يوم بسمع عالم جديدة بتحكي عن حسن نصر الله وبتفاجأ بالهقصة
متل مبارح عم احكي مع استاذ المادة اللي اخدها بهالفصل فعم يسالني من وين انا اجيت قلتلو من سوريا المهم صار يسالني عن حسن نصر الله وحافظ وبشار الاسد وعن حرب تشرين و دخول سوريا على لبنان
العالم بعد الحرب اللي صارت السنة الماضية صارو يقرو عن تاريخ المنطقة اكتر
وبعتقد انو حسن نصرالله والحرب اللي صارت السنة الماضية معروفين اكتر من اللي عم يصير بغزة حاليا
يعني
١% من العالم هون متل ما قلتلك بالسؤال الماضي بيهتمو بموضوع غزة
ممكن بموضوع حسن نصرالله ١.٥ % او ٢ % بيعرفو مين حسن نصر الله


4- انت برأئيك الوضع الداخلي بسوريا بلدنا راح يتصلح شي وعم تشوف شي تقدم ، والسؤال الو شق تاني انت بتقدر تفرقا بين سياسة سوريا الخارجية ومواقفها وسياستها الداخلية يعني برأيك المانو كويس جوا مانو كويس برا ولا ممكن انو يكون في مواقف ايجابية وسياسة منيحة بالخارج وفيتة بالحيط بالداخل و العكس صحيح ولا انت بتعتبر السياسية الخارجية لبلدنا متل ما بيقولوا انو الرياح جاية متل مابدو القبطان ؟:shock::shock:
سؤاااال طويل شو دخلني انت بدك تنقلي (انو لا تخبيلي بدالوا اذا اجى دوري)

بتعرف زين من وقت ما طلعت من سوريا لهلأ
ما بعرف كيف الوضع الداخلي بسوريا "بسمع سمع" انو الاسعار غالية كتير وبنفس الوقت بسمع انو العالم عم تشتري سيارات ومعاها مصاري وعايشة منيح فبتحتار هون مين بدك تصدق
بس الشي الاكيد انو ما تغير انو الرشاوي والتعامل مع الاوراق الرسمية بالدولة اسعتها متل ما هيي وما رح تتغير بالوقت القريب متلها متل القانون العرفي والاعتقالات اللي عم تصير كل فترة
السياسة الخارجية بقدر قلك انو بعرف شغلتين
١) مفاوضات توقيع السلام مع اسرائيل وانا مع هالشي كليا
٢) الغاء التعامل بالدولار وبدء التعامل باليورو بالعقود الدولية وهالشي بعتقد ساعد سوريا كتير بالازمة الاقتصادي الحالية فكان قرار منيح جدا جزيلا
انو ما بعرف كتير قصص شو عم يصير بالداخل او بالخارج لهيك ما بقدر احكم اذا السياسة صحيحة او لاء وشو كويس وشو ما كويس

5- بحموش بحموش هل هية اختصار لشي كلمة ؟ جاوب ثم علل جوابك ؟;)
جاوبت على هالسؤال باسئلة محمد


6- باينك عشقااان وحدة حلوة وحبابة شو غير الحب بحياتك وانت بالوقت الحالي يعني ممكن تخون أو ما تاخد الكلمة بالمعني الكبير إلها يعني انو بتحكي مع بنت تانية على اساس الحب مشان غايات الله مولاها يعني ملذات شخصية ؟وهي بتصير كتير
وينها تجي تشوفو للجواب :p
غير الحب بحياتي كتير
انا حبيت تلت مرات بحياتي بس هالمرة هاي حاسسها انها القاضية يعني بحياتي ما حسيت اني مرتاح مع بنت حبيتها متل ماني مرتاح مع مريومة وبحياتي ما حسيت متل ما عم حس معاها حاسس انها راحت ابدية مريومة بتجنن وانا بحبها كتير

تعى لنحكي بصراحة وهيي رح تشوف الجواب اكيد (يمكن هيي حبت الاسئلة بسبب هالسؤال ههههههههههه)
من تلت شهور رحت على فريزنو كان عنا احتفالية بالشركة اللي بشتغل فيها وتعرفت على بنت هنيك يابانية بس عايشة بلاس فيغاس (شباب الفيس بوك يمكن شافو الصور) الشباب اللي معي بالمكتب علقو عليي انو احكي معاها و"طبقها"
المهم بعد بكم اسبوع بتصرلي روحة على فيغاس دقيتلا للبنت وطلعنا سوا المسا ومشان ما اوقع بالسؤال اللي سالتني يا قلتلها القصة كلها قلتلها انو انا مرتبط والشباب بالمكتب هيك عم يحكو وهيك بكون ضمنت انو انا اذا وقعت بهالقصة وقررت انو ارتبط فيها مشان مصالح شخصية هيي ما رح تقبل
طبعا وهالقصة صارت مرة تانية مع بنت تانية
وهيك بضمنلك انو انا ما رح ارتبط بوحدة تانية باسم الحب لتحقيق مصالح شخصية

7- السؤال الاخير ممكن ترتبط ببنت الها ماضي صاخب جدا ؟؟
هاد السؤال الأخير بونز
:lol::lol::lol::lol::lol::lol::lol:

شو بتعني بالماضي الصاخب ؟ يعني صاخب موسيقيا صاخب علميا صاخب جنسيا
كل شخص او شخصاية بالحياة في عندهن ماضي صاخب بمجال من المجالات
كل شخص او شخصاية ساوو شي غلط بحياتهن بيوم من الايام
كل شخص او شخصاية عندهن شي منيح وشي مو منيح
لما بدك ترتبط بشخص بدك تنسى كل الاشيا الغلط وكل الماضي الصاخب وكل الاشيا المو منيحة
بشرط انو هالشخص يكون بيحبك بيوثق فيك وصريح معك

بحموش بحموش
.......next :D

محمد .. بدي قوصك .. هاني ولله ولله محمد هوي يلي حرضني نزل تاني وتالت قسم من الأسئلة

محمد .. بدي قوصك .. هاني ولله ولله محمد هوي يلي حرضني نزل تاني وتالت قسم من الأسئلة

مين قلك ليش انو انا مزعوج ;)

كيفك خيي هاني

أنو سؤال واحد بس

إذا استلمت هلأ صلاحيات حسام ( بهالوقت تحديداً )
شو أول عشرطعشر شغلة بتعملهم بأخوية ..؟؟

مرحبا ابو الهن ..

ازا صحتلك رجعة سريعة .. على حمص يا دار السلام ..

خلينا نقول ..
بنفس شغلتك ..

وبنص راتبك ..

بترجع ؟

وليش؟

------

انا ما بعرف اسئل كتير ..
وما بحكي كتير ..

بس في سؤال ..

انو ازا هاني قرر يستقر ويتجوز ومن كل هدول الشغلات ..
وين بيستقر .. ؟

وبس ..

كيفك اليوم هاني...خالص تحياتي

سؤال 1- حبيت مريومة عن طريق النت ولا كان في معرفة شخصية قبل؟
2-اذا كان جوابك (نعم عن طريق النت )ياريت تحكيلنا عن هالتجربة يلي بيوصفوها الاكثرية على انها كذب بكذب

وسلامي لك ولمريومة:D

هاني ابن الدواغر :

اجاك المدري شئسمو يا تارك النوم :sly:


قبل ما تزعبر متل عوايدكوتضربا عونطا

في اسئلة فين اكتر من شق .. فلا اتجاوب على شق وتترك التاني ...





احسن ما اني ..




ارجع اسئلك من اول لجديد:larg:


1- بكل فترة بتطل اعضاء بقولوا انه الاخوية ما عادت متل قبل .. انت من هالجماعة شي اللي بحسوا انها ما عادت متل قبل !؟
اذا كنت منن فايا عصر بتقدر تسميه (( الذهبي )) بتاريخ الاخوية

2 - بحمشتك .. قصدي علاقتك مع البنت اللي مرتبط فيها شو هية الاشياء اللي بتخليك تستمر فيها ؟!
خيو على مبدا البرمجة والحلقات كونك زميل مبرمج .. في شي صفة بالبنت او تصرف ممكن تعمله بخليك تعمل امر break1 من العلاقة ;)

3 - هاني داغر ابن الدواغر فينك تحددلي بشكل تقريبي التاريخ اللي بلحظته بدك تفكر تصير فيه بني آدم ؟! :sly:

4 - الدرس شقد بياخد اهمية بسلم حياتك وهلق نظرتك للشخص القدامك (( تقييمك لثقافته ووعيه وحديثه )) بأثر عليه عامل الدرس وهل بحمشنتك الخاصة بأثر عليها الواقع الدراسي للبحموشة شيتك (( نوعية شهادتا ))


5 - بعيدا عن البحمشة والبحموشات :sosweet: اغلبية العالم وهية صغيرة بتحط تصورات او احلام لمستقبلا .. هل انت من هالجماعة ؟! اذا كنت منن هل وصلت لشي من احلامك ؟! شو هوي وشو الشي اللي لسع ما وصلتله وهل عبتشتغل لحتى توصله ؟!

6 - وانت باميركا عانيت بشي مرحلة من المراحل من جنسيتك السورية ؟! ووقت بتوقع بهيك نوع من المشاكل ؟!

7 - سؤال (( شو دينك )) يعتبر احد طرق التعارف بسوريا وبيندرج تحت خانة العادي كتير .. شو رأيك فيه كسؤال ؟! وهل جوابه صعب باالنسبة الك ؟! وباميركا يعتبر اهانة او كمان من اساليب التعارف ؟!

8 - بتحلم شي بمنامات سيكس :o

9 - شو اكتر شي بتحترمه بالشعب الامريكي واللي بتحس انه فيه بيتميز عن الشعب السوري باشواط

10 - الملثية قضية اجتماعية بتحمل بعض الجوانب الاخلاقية .. هل انت معها اولا ؟! وشو برأيك التصرف المثالي اللي ممكن الاهل يتبعوه وقت بدهم يعرفوا انه ابنن\ او بنتن مثلي (ة) جنسيا

حاجتك اول عشرة تحماية نار :p

سوري اضطريت اقطع شوية اسئلة بسبب ضيق الوقت بس رح ارجع عليهن انشالله بعد كم ساعة اذا لحقت

هنهووون هووون ؟
اي والله هيك عم اسمع شايفة انتي طلعت هون وما الي خبر هههههههه


اهلين عمي،

اهلين فيكي مروش بيك


إنو رح إسألك سؤال مافي غيرو ..

سؤال بالمقلاية خير من عشرة بغير مطرح


صرلي ساعة بتلفت حواليي، انو شو متغير ، شو متغير يابنت ؟؟
ما طلع معي شي ..
انا مو متغير بس انتي لازملك نضارات هههههههههههه

بعد شي ساعتين تأمل انتبهت انك فاقد شي كتير كان كتير عزيزعليك ، حالق السكسوكة ، ويعني صغران بالعمر شويتين ..

انو ليش ؟ شو عدا ما بدا ؟ :p

اي والله هاي المديرة تبعيتي بالشغل مرة كنا عم نتعشى هيك غروب عالم وفي تلت صبايا منهن المديرة تبعيتي اي طلعت بهالفكرة والصبايا وافقوها انو اذا حلقت السكسوكة بطلع شغلة قلت منجرب اي والعالم حبتها اكتر قمت ضليت هيك :D

هلا هاني ..
اهلين عمي بارليبوف القامشلوني هههههه
اول شي أنت ابو شو .. يعني بينادولك ابو شي ولا ما بتحب هل حركات ؟
انا ابو وجد
هيك كانو ينادولي بالضيعة وهيك بينادولو بالجامعة

هاني لو بيطلع بأيدك تقضي عـ شعب كامل .. على مين رح تقضي ؟
ساعود لهذا السؤال

انا مين ؟ و كيف ؟
انت متل ما بتفكر حالك شو انت
كيف حسب شو عقلك بيقلك
شو رأي هاني بـ القامشلي و الجزيرة عموماً
على عيني الديرة الشرقية كلها لعيونك وعيون الحج ياسين والله
احلى عالم انا ما عندي رفقات عالواقع من المناطق الشرقية بس وقت تعرفت عليكن يا شباب انو اخدت فكرة لا بأس بها انشالله اذا نزلت على سوريا هالصيف بزور القامشلي وباقي مدن الفرات وبشوفها على ارض الواقع

في احتمال تتجوز وحدة أميركية ولا لا ؟

انا شخصيا ماني ضد الفكرة ابدا اذا لقيت البنت الاميركية اللي بتطبق وهني قلال كتير طبعا بس للصدفة لقيت تنتين وصرنا كتير رفقات بس المشكلة بتبقي الاهل طبعا اللي مستحيل يتقبلو هيك شي فبعتبر علاقتي ببنت اميركية رح توصل لنهاية مسدودة فما ببلش بعلاقة بنوب
العلاقات اللي ما الها مستقبل بفضل ما فوت فيها
في احتمال ترجع تسكن بـ حمص و تستقر فيها ؟
صعب جدا جزيلا
ممكن ارجع زيارات اي بس استقر ما بعتقد
شو اكتر مشروب بتحب تشربو أجمالاً ؟
عصير البندورة والشنينة (العيران )
بتتعاطى شي من اللي بالي بالك ؟
بتعاطى قلة نوم (او بمصطلح حكيماوي بتعاطى كبسة ونص )


اذا شب أو صبية ألتقو عـ النت .. و شافو بعض و تبادلو الصور وهيك .. و الشب قال لـ البنت بحبك .. أو العكس يعني

برأييك هاد شي صح ولا لا ؟
ليش لحتى ما يكون صح
اذا عنجد مستعدين انو يكفو مع بعض ويحبو بعض ويحترمو بعض ويكونو صريحين ومتفاهمين ما بعتقد هالشي غلط

و تحياتي يعني هيك .. و احلا ابو الهن و انت عـ الراس و من هل حكي الزين
اهلين بارليبو على راصي والله راجعلك هههههههههه :D

حريموس

هاني ..

اول ما بتشوف بنت .. شو اول شي بيلفت انتباهك فيها .. وشو تاني شي .. و شو تالت شي

بدك تحددلي نوع البنت
اذا مثلا بنت ماشية بالشارع وهيك كانت نظرة خاطفة عالسريع فبنتبه على الوجه وعلى شغلة في عند البنات منها تنتين ونحنا ما عنا منها وعلى شغلة مشتركة عنا وعندهن وفهام لحالك ههههههههههههههه
اذا مثلا بنت عم اتعرف عليها لاول مرة عن طريق رفيق وفي احتمال انو نصير رفقات على المدى البعيد فبركز على طريقة الحكي على نوعية المواضيع اللي بتحب تحكي فيها على طريقة القعدة ممكن التياب وهيك قصص
اذا مثلا بنت في امل علاقة بالمستقبل فالله وكيلك بفليها تفلاية بركز بكل شي شكلا ومضمونا وتصرفاتا وعقلية و و و و
يلعن سماك بهدلتنا هههههههههههه
اذا حبيت تلطش بنت بـ حمص .. شو ممكن تقلا ؟؟

تضبضبي يا حرمة هههههههههههه
لاء اكيد عم امزح
انا ما بلطش
و اذا حبيت تتحركش بـ وحدة بـ أميركا .. شو ممكن تقلا ؟
يي فيك تقول هيك شغلات هون ممكن توصلك لنتائج هههههههههه
خصوصي انو شغلي بمحل مشروبات كحولية ومجبورين نسال عن هوية مشان نتاكد انو العالم فوق ال٢١ مشان نبيعهن فمعظم الاحيان ممكن نترازل ونسال عن هوية مع انو البنت مبينة انو اكبر من ٢١ بس البنات هون بيحبو هالسؤال
او مثلا اذا اجت اشترت شي شغلة تقلها انا معزوم مهيك اي وهيك بيصير في فرصة للحكي


اذا حبيت وحدة كتير كتير يعني .. و الوالد الكريم قالك انو اذا انت اخدت هل بنت رح اتبرى منك .. و عطاك سبب انو سمعة مو خوش سمعة

المهم انت بتحب هل بنت كتير .. و بتعرف أنو سمعتها متل المسك ...

اضطريت تاخد قرار .. يا عيلتك يا هذه الفتاة .. كيف بتتوقع يكون رأيك ؟

ليك السؤال صعب
ما بعتقد انو وصل لهيك مرحلة لانو بيي علمني كيف ميز بين البنت اللي سمعتها منيحة والبنت اللي سمعتها مو كل ولا بد لهيك بعتقد ما رح ارتبط ببنت يقدر بيي قول عنها انو سمعتها مو منيحة
وبنفس الوقت اذا صار وارتبطت بيي ما رح يوقف بوجهي لانو هاي حياتي وهادا القرار بالذات انا المسؤول عنو وانا اللي لازم عيش معو بالعشرين خمسا وعشرين خمسين مية سنة الجايات وبيي الله يطول بعمرو بجوز ما يعيش معي كل هالسنين فانا اللي بتحمل تبعات هالقرار ما بعتقد انو رح نختلف على هالنقطة

و هلا ولله
كمان راجعلك ههههههه :D

مرحبا ابو الهن ..

ازا صحتلك رجعة سريعة .. على حمص يا دار السلام ..

خلينا نقول ..
بنفس شغلتك ..

وبنص راتبك ..

بترجع ؟

وليش؟

طبعا لاء
الشغلة مو بس شغلة مصاري الشغلة قصة عدة معطيات متوفرة هون غير متوفرة هنيك
------

انا ما بعرف اسئل كتير ..
وما بحكي كتير ..

بس في سؤال ..

انو ازا هاني قرر يستقر ويتجوز ومن كل هدول الشغلات ..
وين بيستقر .. ؟
باميركا طبعا او باي محل بلاقي في الي مستقبل
وبس ..

قطعنا اسئلة بارليب عن الخموراتو بس سوف نعود ونجاوب

:D

كيفك خيي هاني

أنو سؤال واحد بس

إذا استلمت هلأ صلاحيات حسام ( بهالوقت تحديداً )
شو أول عشرطعشر شغلة بتعملهم بأخوية ..؟؟


هممممممممم
اول شي بغير تشكيلة المشرفين كلياتها
وبشكل مجموعة تانية من اشخاص بيقدّرو شو معنات اخوية وعندهن وقت يشتغلو لاخوية ويكونو بيحبو بعضهن
تاني شي :
بسكر التسجيل الا عن طريق الدعوات (متل ما صار بفترة من الفترات )
تالت شي:
ممكن تابع شوي هالمواضيع اللي عم تنزل حاليا وشوف طريقة لحل المشاكل اللي عم تتسبب من وراها

انو في ممكن كتير شغلات تنعمل بس بدك تحطني تحت ضغط المسؤولية لتبلش مكنات راسي تشتغل هيك عالمرتاح اقعد قلك شو بقدر اشتغل صعبة شوي
بس تغيير الاداريين هاي اكيد من اول الشغلات اللي بعملا

:D

خموراتو

يعني سبق و سألتك عن المشروب وشو أكتر مشروب بتحبو ..

بس انت ممكن تشرب الصبح ؟ و شو رح يكون المشروب ؟
اي تلاتة بواحد
الضهر شو بتفضل تشرب ؟
كاسة لبن عيران
المسا ؟
عصير بندورة
اخر السهرة ؟
تلاتة بواحد
مع الغدا .. مع العشا .
مع الغدا كاسة لبن عيران مع العشا كاسة شاي او قنينة كولا
مع الأركيلة .. مع الدخان
مع الاركيلة تلاتة بواحد
في عرق بـ أميركا .. غير يلي بياخدوه معون جماعتنا من هون ؟
لاء نفس العرق الميماس وحق القنينة يا سيدنا ١٦ دولار يعني اذا اعتبرنا الدولار خمسين ليرة سوريا انت حسبهن بقى قديش بيطلعو
شو رأيك بـ الويسكي ؟
مو بطالة
سمعان بـ Take me home ؟ و شو رئيك فيه .. وصحيح متل ما بيقولو انو أقوى شي بالعالم .. اقوى من سوبرمان كمان
حقيقة ما سمعت في بس حاولت اعمل بحث على غوغل مشان اعرف اذا شايفو ما طلعلي غير صور بنات ربي كما خلقتني ومكتوب تحت الصورة take me home فاذا هادا اللي قصدك عنو فانو اي اقوى من سوبر مان هههههههههه
اذا عم تلعب بوكر أو اي لعبة قمار .. بتشرب .. و شو بتفضل تشرب ؟
ما بلعب قمار


بالنسبة للمشروبات الكحولية انا بشرب نوع واحد (انو بشرب بقية انواع بس هادا المفضل عندي ) واللي هوي كابتن مورغان رم مع دايت كولا وهادا بشربو فقط بالمناسبات او بفيغاس

على عيني بارليبو :D

ابو الهن يا ابو الهن

والله بدي اسألك وحابة كتير اسال بس هالطنجرة يللي على رقبتي ما عم تشتغل بنوب

بس خد لقلك

هاني,,,شو رح يقدم للبشرية او شو حاطط ببالو انو رح يقدم,,,يعني وين الانسان بيقع ضمن قائمة اهداف هاني؟

لو كانت سوريا(بعيد الشر)مكان فلسطين واليهود حاطينها وطن قومي الهن وكل الوضع اعملو نسخ لصق هالشي ممكن يغير من هاني او يغير من اسلوبو وحياتو؟


بتحب انو اولادك لما يكبروا يكونوا متلك ؟وشو في شي ما بتحبو بهاني ونفسك يتغير بس ما عم يطلع بيدك؟

لك والله ما عم يطلع شي بس قلبي معك بمقلاتك (رح يجيك الموت من مريومة:lol:)

رح يجيك الموت من مريومة


لا والله مو صح :lol:

في ديموقراطيي عيني :p

بعدين انا مابسخى بهنهنات ...:oops:

شؤال طارق (طارء)عندكون تلاتة بواحد بامريكا

بس تغيير الاداريين هاي اكيد من اول الشغلات اللي بعملا

حلو .....
و انا معك بهالشي
بس يا ريت تكفي .. و تحطلنا تشكيلة افتراضية
و يا ترى هالأعضاء للي بحبوا بعضهون .... رح يضلوا يحبو بعضهون ..... لما بصيروا إداريين

مادووووو قولتك السلطة بتغير الناس
له له له مو خبرية
هاموووش

هلق المشرفين المتقاعدين بتغيرووون هاني
:o

مادووووو قولتك السلطة بتغير الناس
له له له مو خبرية

:o
السلطة ولا السَلَطة ..؟؟




شنو الامور صايرة سَلَطة هالايام

السلطة ولا السَلَطة ..؟؟




شنو الامور صايرة سَلَطة هالايام
انو اذا فيا مازة وهيك شغلات اكيد السلطة بتكون غير
;)

السلطة ولا السَلَطة ..؟؟




شنو الامور صايرة سَلَطة هالايام

أنا سمعت أنها صايرة شوربة :p

هناهين ... كيفك هالأيام مع التفكير الايجابي ... خاصة وأنك مارر بفترة شوي صعبة وفيها ضغوط؟

لو طُلب منك هلا ترجع للإشراف بتوافق ؟؟
وإذا وافقت أو ما وافقت قالولك خلص رح نرجعك تصير مشرف وهذا قرار عسكري نفذ ثم اعترض :pos: ... شو بتاخد أقسام وشو بتعمل فيها

ذكرت أنك بتفضل البقاء بأميركا ....هيك انشالله نفرح فيك قريبا ونشوفك عريس وبعد فترة عندك قبيلة ولاد بيجننوا ....سؤالي شو الشي يلي رح تاخدو من العادات الشرقية وشو رح تاخد من العادات "الأميركية" بتربية ابنائك
وهل رح تعطي حرية لبناتك متل ما رح تعطيها لابناءك بما يخص العلاقات مع الجنس الآخر ... أم في عندك تحفظات ؟

ذكرت أنك بتفضل البقاء بأميركا ....هيك انشالله نفرح فيك قريبا ونشوفك عريس وبعد فترة عندك قبيلة ولاد بيجننوا ....سؤالي شو الشي يلي رح تاخدو من العادات الشرقية وشو رح تاخد من العادات "الأميركية" بتربية ابنائك
وهل رح تعطي حرية لبناتك متل ما رح تعطيها لابناءك بما يخص العلاقات مع الجنس الآخر ... أم في عندك تحفظات ؟

حلو حلو حلو
سؤال رائع أنا كمان ناطر الجواب

هاني السؤال الأخير :

ركزت كتير عـ شراب اللبن .. و يلي بيسموه عيران .. عندك فكرة منين أجت هل تسمية الأخيرة ( العيران) ..؟!!

انا رح ارجع بكرا جاوب عالمقلاي بس لاخلص من هالفحص اللي عندي فانطروني وسوري عالتاخير :D

ناطرين
:p

شؤال طارق (طارء)عندكون تلاتة بواحد بامريكا
هوي مو تلاتة بواحد تلاتة بواحد هوي نوع من القهوة الاميركية بينخلط مع نوع من الكريمات بيعطي شي بيشبه تلاتة بواحد بس اطيب بكم درجة

حلو .....
و انا معك بهالشي
بس يا ريت تكفي .. و تحطلنا تشكيلة افتراضية
و يا ترى هالأعضاء للي بحبوا بعضهون .... رح يضلوا يحبو بعضهون ..... لما بصيروا إداريين
ما بقدر حطلك تشكيلة افتراضية حالية في عالم كتير ما بعرفها ممكن تكون عم تعمل شي حلو بقسم من الاقسام (بيكون هالقسم مانو باولويات اهتمامي حاليا ) فالشغلة بدها قعدة ومراقبة فترة معينة لتعرف مين ممكن يكون الشخص المناسب للمكان المناسب
بس معظم الاداريين القديمين رح يطلعو تقاعد
بالنسبة اذا بيضلو يحبو بعضن او لاء
فنحنا منتأمل الاحسن ومنتوقع الاسوء
صارت من قبل انو ضلو يحبو بعضهن فممكن تصير مرة تانية
بس طبعا بيضل في مراقبة دائمة بحيث اذا صار في بلبلة بينعرف السبب من وين وبيتم التصرف على اساسو


مادووووو قولتك السلطة بتغير الناس
له له له مو خبرية
هاموووش

هلق المشرفين المتقاعدين بتغيرووون هاني
:o
المشرفين المتقاعدين بخليهن بس رح يلعبو دور اشرافي بسيط بحكم قدمهن باخوية ومعرفتهن بامور ممكن الاداريين الجداد ما يعرفوها


هاني السؤال الأخير :

ركزت كتير عـ شراب اللبن .. و يلي بيسموه عيران .. عندك فكرة منين أجت هل تسمية الأخيرة ( العيران) ..؟!!

ما بعرف بارليبو من وين اجت التسمية اصلا انا ما بستخدمها كتير
انو المستخدمة عنا شنينة بس ذكرت كلمة العيران لانو في عالم بتعرفها بهالتسمية بس

الله يخلينا ياك ويدمك زخر لشلمة المتقاعدين
بيضلنا وجهنا هاني
:lol:

هاني


ابحث بالمواضيع الاتية بما لا يزيد عن سطر


الأخوية
الاخوية مجتمع الكتروني بيحوي كل انواع الاشخاص (دينيا تفكيريا اجتماعيا ثقافيا تصرفاتيا .... )
الاخوية موسوعة الكترونية شاملة (مكتباتيا موسيقيا تصويريا كاريكاتيريا ترفيهيا وتعليميا ...... )
الاخوية ربيت معاها وصار وقت الولد يترك بيت اهلو

هاني
شخص لحق طموحو لما وراء البحار واسعتو عم يلاحقو ورح يوصل بطريقة او باخرى (بضم الالف )
سوريا
سوريا فيها شغلات حلوة وشغلات ما حلوة بس للاسف الشغلات الما حلوة اكتر من الحلوة بس ما بقدر ما حبها وما حن لايامها ولعالمها
أمريكا
كمان فيها اشيا حلوة واشيا ما حلوة بس بشكل متساوي نوعا ما
بس المستقبل فيها اوضح شوي كمان بحبها

فلسطين
همممممممممم بعتقد صارت قضية فلسطين قضية تجارية اكتر من اي شي تاني (منعمل كل شي باسم فلسطين مشان نوصل لبعض المصالح يعني منطلع مظاهرات باسم فلسطين منعمل برامج تلفزيون باسم فلسطين مناهجنا باسم فلسطين بس بالنهاية كلو بيكون حكي )

غزة
بتأسف على اطفالها انو خلقو بالمحل الغلط بالوقت الغلط

المقاومة
غير مرئية
مصر , سعودية
مصر من الدول اللي بحب زورها (في الي زيارة بيوم من الايام للاهرام وللنيل )
السعودية لا تعليق
الدين
بدك تسيطر على شي حدا وتخلي يعمل اللي بدك يا ضحاك علي بموضوع الدين

الحب
احلى شي بالعالم وخصوصي وقت بيكون مع الشخص الصح بتحس حياتك كلها شي تاني حياتك كلها مرتبطة بهالشخص اللي بتحبو
المال

اذا منستخدمو صح كتير شغلة كبيرة


________________________


السؤال الأخير : الأخوية هلق دخلت بسن اليأس و لا بحالة الاحتضار و لا لسعتها صبية و ست الصبايا ؟


اخوية فيها دم جديد كل نهار بس على ما يبدو من الاعراض انو زمرة الدم مو موافقة فعم تسبب عرقلة بسير الدم في شرايين الاخوية
بدها عمل جراحي لتنضيف هالشرايين والاوردة وبعدها بتضخ دم جديد وبتنوضع تحت المراقبة

:D

ابو الهن يا ابو الهن

والله بدي اسألك وحابة كتير اسال بس هالطنجرة يللي على رقبتي ما عم تشتغل بنوب

بس خد لقلك

هاني,,,شو رح يقدم للبشرية او شو حاطط ببالو انو رح يقدم,,,يعني وين الانسان بيقع ضمن قائمة اهداف هاني؟
هاني حاطط هدف براسو بدو يوصلو
حكيت مرة مع stormmaker و amey و سوريويو مرة عن هالحلم اللي يعتبر حلم جنان اذا العالم بتسمعو بس هادا الحلم حاططو براسي انو يتحقق وقت بيصير عمري تلاتين سنة لما سالوني ليش حطيت هالحلم مع انو ما رح احتاج كل هالمصاري (ما رح قول المبلغ اللي قلتلهن يا ) بس قلتلهن انو في ولاد كتير صغار ما عم يلاقو شي ياكلو بتلاقيهن ماشيين بالشوارع وعم يدورو بالزبالة هدول الولاد بيحرقولي قلبي فبدي حاول ساعدهن قد ما اقدر

لو كانت سوريا(بعيد الشر)مكان فلسطين واليهود حاطينها وطن قومي الهن وكل الوضع اعملو نسخ لصق هالشي ممكن يغير من هاني او يغير من اسلوبو وحياتو؟
انو ممكن ما كنت عايش لاحكي معاكن هلأ بس في حال كنت عايش اي طبعا في تغيير رح يكون ما بقدر قلك تغيير شو بس اكيد الظروف المحيطة رح تغير من شخصيتي

بتحب انو اولادك لما يكبروا يكونوا متلك ؟وشو في شي ما بتحبو بهاني ونفسك يتغير بس ما عم يطلع بيدك؟
ما حدا بيطلع متل حدا تاني
انا رح علم ولادي الشي اللي تعلمتو بحياتي انا وربيهن على هالاساس ورح شجعهن انو كل واحد يكون عندو شخصية مستقلة
بس الشغلة الوحيدة اللي فيني وما بحب تطلع بولادي او بدي حاول بعدهن عنها هيي نوبات الكسل اللي بتصيبني كل فترة بس عم اشتغل على تغييرها بحالي انو اسا في وقت لاتغير ههههه
لك والله ما عم يطلع شي بس قلبي معك بمقلاتك (رح يجيك الموت من مريومة:lol:)
الموت بايدين مريومة حياة تانية :sosweet:



اشتقنالك سراب :D

هاني ابن الدواغر :
اهلين حج مالك الحزين
اجاك المدري شئسمو يا تارك النوم :sly:


قبل ما تزعبر متل عوايدكوتضربا عونطا
صعب ما زعبر
في اسئلة فين اكتر من شق .. فلا اتجاوب على شق وتترك التاني ...





احسن ما اني ..




ارجع اسئلك من اول لجديد:larg:


1- بكل فترة بتطل اعضاء بقولوا انه الاخوية ما عادت متل قبل .. انت من هالجماعة شي اللي بحسوا انها ما عادت متل قبل !؟
اذا كنت منن فايا عصر بتقدر تسميه (( الذهبي )) بتاريخ الاخوية
اي طبعا حاسسها انو ما عادت متل قبل
بيجوز لانو العالم اللي ربينا معاها باخوية راحت وتركت وعم تدخل عالم جديدة ما عم نعرفها (لسبب او لاخر مو بصدد تعداد الاسباب هلأ ) اضافة انو في كتير مواضيع مرقت على راسنا من زمان وتناقشنا فيها كتير وما في خلق لنرجع نحكي فيها مرة تانية فبيصير في نوع من الملل
طبعا اي واحد بتسالو ايمت العصر الذهبي رح يقلك العصر اللي كان في هوي
انا عشت فترة مع الشباب المعتقلين عشت بفترة كانو المشرفين المتقاعدين نصهن اعضاء والنص التاني مشرفين اسعتهن
عشت فترة الستايل القديم تبع الاخوية
عشت فترات كتير مرقت على اخوية رح يصيرو اربع سنين بآب مانها كلمة سهلة


2 - بحمشتك .. قصدي علاقتك مع البنت اللي مرتبط فيها شو هية الاشياء اللي بتخليك تستمر فيها ؟!
خيو على مبدا البرمجة والحلقات كونك زميل مبرمج .. في شي صفة بالبنت او تصرف ممكن تعمله بخليك تعمل امر break1 من العلاقة ;)
هههههههههههه حقيقة شغلة وحدة اذا بدها تشوف حالها عليي
غير هيك الحب انك تحب الاشيا المنيحة والمو منيحة بحبيبك


3 - هاني داغر ابن الدواغر فينك تحددلي بشكل تقريبي التاريخ اللي بلحظته بدك تفكر تصير فيه بني آدم ؟! :sly:
وقت بيصير عمرك سنة
4 - الدرس شقد بياخد اهمية بسلم حياتك وهلق نظرتك للشخص القدامك (( تقييمك لثقافته ووعيه وحديثه )) بأثر عليه عامل الدرس وهل بحمشنتك الخاصة بأثر عليها الواقع الدراسي للبحموشة شيتك (( نوعية شهادتا ))
الدرس هوي الشي الوحيد اللي ما بتسغني عنو بحياتي اجيت على امريكا مشان كفي دراسة ومستحيل اتخلى عنها
بالنسبة للشخص اللي قدامي في كتير اشخاص بيكونو متعلمين واخدين شهادات عالية بس ما بيعرفو يحكو كلمتين على بعضهن وفي اشخاص مو مكفايين تعليم وبتلاقيهن فهمانين الحياة صح ما بيهمني كتير التعليم يعني ما كتير بسال عن مستوى التعليم اذا الشخص اللي قدامي عجبني بتفكيرو بنقاشو (او حتى اذا ما عجبني )
لاء حقيقة ما كتير بهتم بهالموضوع اللي بيهمني ببحموشتي هوي قديش فهمها للحياة وللتعامل مع الصعوبات اللي بتواجهها بالحياة اكتر من الشهادات اللي حاملتها
5 - بعيدا عن البحمشة والبحموشات :sosweet: اغلبية العالم وهية صغيرة بتحط تصورات او احلام لمستقبلا .. هل انت من هالجماعة ؟! اذا كنت منن هل وصلت لشي من احلامك ؟! شو هوي وشو الشي اللي لسع ما وصلتله وهل عبتشتغل لحتى توصله ؟!
انا من الجماعة اللي عندها احلام كتير وعم تشتغل على تحقيقها في اشيا منها رح تتحقق قريبا وفي اشيا منها على المدى البعيد بس الحلم الكبير رح اوصلو بعمر التلاتين وعم اشتغل علي
اللي بيحط حلم براسو وبيشتغل علي وبيصمم انو يوصلو بيقدر يوصلو

6 - وانت باميركا عانيت بشي مرحلة من المراحل من جنسيتك السورية ؟! ووقت بتوقع بهيك نوع من المشاكل ؟!
ابدا ابدا ابدا

7 - سؤال (( شو دينك )) يعتبر احد طرق التعارف بسوريا وبيندرج تحت خانة العادي كتير .. شو رأيك فيه كسؤال ؟! وهل جوابه صعب باالنسبة الك ؟! وباميركا يعتبر اهانة او كمان من اساليب التعارف ؟!
انا ما بعارض اذا انسالت بس انا ما بسالو
قليل كتير لينسال بامريكا


8 - بتحلم شي بمنامات سيكس :o
طبعا اللي ما بيحلم بيكون عم يكزب عليك
9 - شو اكتر شي بتحترمه بالشعب الامريكي واللي بتحس انه فيه بيتميز عن الشعب السوري باشواط

الحرية وعدم الاهتمام باشيا تلهيهن عن حياتهن وعن علاقاتهن بالاشخاص اللي حواليهن
10 - الملثية قضية اجتماعية بتحمل بعض الجوانب الاخلاقية .. هل انت معها اولا ؟! وشو برأيك التصرف المثالي اللي ممكن الاهل يتبعوه وقت بدهم يعرفوا انه ابنن\ او بنتن مثلي (ة) جنسيا
المثلية قضية مرضية (حتى لو ما تم اثباتها بس تعامل معاها على هالاساس بيصير عندك وجهة نظر مختلفة على هالقصة)
انا ماني ضد المثلية بالعكس المثلي ما رح يتعرضلي وقت بيعرف انو انا ماني مثلي ورح يتعامل معي كشخص عادي عم يتعامل مع شخص عادي وهادا اكتر شي بيهمني
الحياة الجنسية لكل شخص هيي امر بيخصو الو
(العالم بدها تتدخل بالحياة الدينية الجنسية للعالم التانية وهادا الشي مو صح )
التصرف الصح هوي الدعم اذا بيقدرو يطالعوهن من هالحالة بيكون كتير منيح اذا لاء فيوقفو جنبهن

حاجتك اول عشرة تحماية نار :p

اي رح خلص وما رح تلحق ترجع هههههه :D

اسا في اسئلة ساندرا ونسرين وكرم وشوية اسئلة بقية تركتهن للاخير رح ارجع عليهن بعد كم ساعة :D

وأنا وأنا وأنا ،
تزرت سؤال مصيري ..
انو ، بظل الأجواء السائدة بالمنتدى .. شو رأيك بتامر حسني ؟؟ :o






* هنهون لو سمحت ، جاوب بـ موضوعية !!

وأنا وأنا وأنا ،
تزرت سؤال مصيري ..
انو ، بظل الأجواء السائدة بالمنتدى .. شو رأيك بتامر حسني ؟؟ :o






* هنهون لو سمحت ، جاوب بـ موضوعية !!

مينو هاد ؟ :shock: :p

مينو هاد ؟ :shock: :p
لك هاني هاد أب تمرة
تيمو
هيما
حبيب الملايين
:lol::lol::lol::lol::lol::lol::lol:
سؤالوش ع الهاموش
مين عم تسمع بها الأيام ميوزك عربي و أجنبي طبعا غير فيروز ؟
;)

مرحبا عمي هاني ...
بدي اسألك كم سؤال بشكل عام .. شنو مابعرفك شخصياً ...
.
.
- إذا سؤلت سؤال مصيري ... وفيه شي من الكرامة .. ومن الخطر ع حياتك ..... شو بتجاوب : أي أم لأ ؟
يعني بقصد بتفضل تعيش من ورا الإي .. او بتموت من ورا ال لأ ؟
- شو رأيك بالمجتمع بهالأيام ...
- رأيك بالشغلات التالية : الدخان , الجنس , الموت , السياسة , غزة , اوباما , بوش , ...
- كيف بتشوف الشباب العربي اليوم !؟ والسوري بشكل خاص ؟!
- كيف بتشوف التعليم بسوريا ؟
- الإنترنت .... بسورية ... عم يفيد أم عم يضر ؟!
واكيد أسئلتي المعتادة :
شو أهم تطلعاتك لعام 2009 ...
- شو أهم انجازات عام 2008 بنظرك ... وشو أكتر شي زعجك فيها ...
- رأيك باللي عم يصير بغزة بكلمتين ...
- كيف بتشوف مستقبل ولاية أوباما ... وهل رح يغير شي من سياسة بلدو ..
- شو تقديرك للأوضاع بعد 50 سنة
- شو هيي أصعب لحظة بحياتك ...
- شغلة غريبة صارت معك .. ومافهمتها .. بقصد غريبة بمعنى (خارج عن الطبيعة .. )
- بتتمنا تعيش بالقرن التاسع عشر ؟
- كلمة للبشر ... !
- تغييرات بتحب تعملها بأخوية ..
- شو أكتر شي بتخاف منو .. وبصدق ..
- لو كان بإيدك تطلع عالفضاء .. مين بتاخد معك من أخوية ..
- انت شو ب3 كلمات ... !؟
- هل انت راضي عن الكرة الأرضية بوضعها الحالي ... شو نظرتك للأمور التالية : بيئة - فقر - نكبات - ثروات طبيعية موارد غير متجددة - مستقبل السيارات - ..
- لو رجع الزمن لورا .. شو كنت بتحب يصير ..
- بتآمن بالقضاء والقدر , بالسحر , وجود كائنات غريبة ع الأرض أو ع غير كواكب ..
- شعور بتكرهو ..
- شغلات بتفتقدها بهالإيام ..
- شعور صرلك زمان ماحسيت فيه ...
- هل في أعضاء تغيرو بنظرك بعد ما حكيت معهن مباشر (نت او لقاء مباشر .. ) ؟
- كلمة بتوجهها لأعضاء .. هني بيعرفو حالهن .. بس بدون ماتسميهن ...
- هل انتي من جماعة التحشيش (دخان أو أركيلة .. ) وإذا لأ .. شو موقفك منهن ..
- كيف بتشوف أخوية بهالأيام .. وبالأيام الجايي ...
- شو حلمك بهالحياة .. وهل حققتو وللا لسا ...
- عروس الأحلام تبعك ... شو مواصفاتا... هل هيي حقيقة ام حلم ..
- هل انتا حر بقراراتك .. وشو هيي القرارات اللي ندمت عليها بحياتك ...
.
.
وتحياتي ...
THE,unforgiven ... ":D

أبو الهين هنا يا هلا يا هلا
اهلين عمي كرم
أسئلتي خفيفة و نظيفة

هاني سوريا بماذا يختلف عن هاني أميركا ؟؟؟
ما في فرق انو ما تغير شي الوزن هوي هوي والطول هوي هوي :p
والافكار ما تغيرت كلها نفسها (طبعا في افكار جديدة بتنضاف بس كافكار قديمة اسعتها نفسها )
الشي الوحيد اللي بقدر قول انو تغير انو انحطيت بموضع مسؤولية وصار في عالم عم تعتمد عليي فلازم اطلع من قد هالمسؤولية
الاحلام كبرت ولازم قاتل مشانا

ما تقييم هاني لنفسه و لسيره على طريق تحقيق حلمه الكبير في عام 2008 ؟؟
بسنة ال ٢٠٠٨ رجعت احلم من جديد وحطيت احلام جديدة وهالشي بعتبرو شي كتير منيح
انك تحط حلم وتسعى لتحققو خطوة كتير كبيرة باتجاه تحقيقو
شو المخططات لل ٢٠٠٩؟
بكل بساطة الفشل مرفوض الحلم لازم يتحقق
ما الشيء الذي كان موجودا في سوريا و لم يجده هاني في أميركا ؟؟؟
ما في شي غير بسكوتة الفاخر وبطاطا ديربي وشوية مأكولات
اي ورفقات ١٥ سنة من حياتي
هل كان لأخوية فضل على هاني ؟؟؟؟ وان كان نعم فما حجمه ؟؟؟و بأي مجال كان أكثر ؟؟؟
طبعا
اول اول فضل عرفتني على مريومة اللي بحبها كتير وبدي كفي حياتي معاها
تاني الشي الافكار وطريقة التعامل مع العالم وطريقة التعامل مع المشاكل الرفقات اللي بعتز بكل واحد فيهن كتير شغلات تحققتلي عن طريق اخوية بكل المجالات بس اكتر شي مجال التعامل مع العالم
هل ينظر هاني لأخوية كأنها مصدر فقط ؟؟؟و لماذا لا يلعب دورا فعالا في متابعة أخوية لمسيرتها ؟؟؟
لاء معد نظرتلا هالنظرة من وقت ما وقفت اعطاء بالمقابل
وليش ما عم شارك لانو ما فيك تقول لختيار مرق على راسو كتير ليش ما بترجع بتعيش نفس القصص اللي عشتها من اول مرة تانية لانو رح يشعر بالملل وبنفس الوقت ما بتقدر تقلو رجاع تسلى مع الشباب لانو عقليتين وعصرين مختلفين ما كتير رح يتفقو (متل الاهل والولاد ) الشي الوحيد اللي بيقدر الواحد يعملو انو ينصح ويوجه ويساعد اللي بدهن مساعدة
وهادا اللي صاير معي عشنا كتير قصص كتير باخوية (زين بيعرف وكتير عالم بيعرفو ) اذا بدنا نرجع نعيشها مرة تانية ما رح تكون بنفس الحماسة وما رح نكون بنفس التآلف اللي كان بين الختايرة اللي من جيلنا بس نحنا هون للمساعدة وقت اللي العالم بتحتاجها
هل يشعر هاني بأنه أكبر من أخوية ؟؟؟و هل من طبع هاني أن يترك الاخرين عندما يحتاجون مساندته و دعمه ؟؟؟
بعتقد السؤال اكبر من اعضاء اخوية
لاء بالعكس
وطبعا ما بترك
ما بعرف مين فيكن بيآمن بشي اسمو KARMA اللي بتقول
what goes around comes around
ما بعرف كيف قولها بالعربي بس خليني قولها بطريقة جاوب على سؤالك
اللي بتعملو بالعالم العالم بيعملو فيك
من أكثر الأعضاء ازعاجا لك في أخوية ؟؟اذا وجد شخصيا أو حتى فكريا يعني مين ما بتوالف معو أكثر الشي ؟؟؟
في عدد لا بأس به مو بس بهالوقت بكل فترة من الفترات اللي مرقت على اخوية كان في اعضاء مزعجين
بس معظم الاحيان ما بوالف مع المتعصبين دينيا
هاني لو كان بسوريا ممكن يعللم أخوه أو يشجعوا على دخول أخوية ؟؟؟
اخي كان بالاخوية فترة وبعد ما اجى على امريكا دبق الماي سبيس
انا ما بقلو لاء اذا بدو يفوت على اخوية

من أكثر الأعضاء برأيك ساهم باغناء أخوية فكريا ؟؟؟
كتير في اعضاء بمجالات مختلفة اغنو اخوية بكل شي
توت مكعب وكاكابودا وميمو بالخواطر
كريم بالمنبر
امرأة من ورق بكتير مجالات
نيرفانا بكتير مجالات
هل هاني يفكر بالارتباط الجدي حاليا؟؟؟
الارتباط الجدي قصدك خطبة وزواج وهيك قصص
حاليا لاء لانو اسا ما في اساس اقدر استند علي لارتبط بشكل جدي
عم اشتغل على بناء هالاساس وقت بيكون جاهز طبعا بتصير الشغلة ما بدها تأجيل والارتباط رح يصير جدي
اذا قصدك ارتباط جدي بمعنى الارتباط ببنت والاخلاص الها اي انا مرتبط بمريومة حاليا ولحد الان مخلص الها وما بشوف حالي غير هيك
و هل يحبذ فكرة الارتباط غير الجدي ؟؟؟
لاء الارتباط اللي ما الو مستقبل لقدام ما بحبذو (الارتباط غير الجدي ارتباط بدون مستقبل )

دمت صديقي
أسألتي فجي شوي بعرف
سامحني
نو كرم ما في داعي تعتزر
الاسئلة عادية :D

كيفك اليوم هاني...خالص تحياتي

سؤال 1- حبيت مريومة عن طريق النت ولا كان في معرفة شخصية قبل؟
2-اذا كان جوابك (نعم عن طريق النت )ياريت تحكيلنا عن هالتجربة يلي بيوصفوها الاكثرية على انها كذب بكذب

وسلامي لك ولمريومة:D

حبيت مريومة عن طريق النت ما في معرفة شخصية
انا ومريومة منعرف بعضنا من تلت سنين يمكن من وقت ما دخلت هيي على اخوية تعرفنا على بعض بحكم ستي من عندهن من الضيعة وصرنا صحبة وكبرت علاقتنا كتير عاشت معي علاقة الحب السابقة اللي كنت عايشها وبتعرف بكل شي مرقت في وبيوم من الايام بيي بدو ينزل على سوريا وانا عم احكي مع مريومة اي وعم قلهن لاهلي هيك انو رفيقتي اسمها هيك هيك اي وبلشو يقلولي سالها بتعرف فلان سالها بتعرف فلانة طلعت عيلتنا وعيلتها بترجع لعصور تاريخية قديمة من المعرفة انو طلع الجدود بيعرفو بعضهن والخالات والعمات و لما نزل بيي على سوريا راح زارهن بالبيت ولما اجت امها على امريكا انا رحت زرتها وزرت ابوها وبهالوقت نفسو كانت علاقتي بمريومة عم تكبر اكتر وصلنا لمرحلة انو منحس ببعضنا بشكل رهيب ومتفاهمين بشكل رهيب وبلشت تتطور مشاعر واحاسيس
اللي بيقول انو هالعلاقة كذب بجوز لانو ما عاشها او عاش علاقة وفشلت معو
هالنوع من العلاقات اصعب من العلاقات العادية بحكم البعد بين الطرفين بس في اسس وضوابط لازم تنبنى عليها هيك علاقات اذا توفرت كل هالاسس وهالضوابط بالطرفين (مو بطرف واحد ) العلاقة بتمشي صح وبتوصل لنهاية
وعلاقتي انا ومريومة انبنت على ضوابط واسس صح واسعتها ماشية على هالاساس

أنا سمعت أنها صايرة شوربة :p

هناهين ... كيفك هالأيام مع التفكير الايجابي ... خاصة وأنك مارر بفترة شوي صعبة وفيها ضغوط؟

يعني ايجابي ببعض النواحي وسلبي بنواحي تانية
بعرف ما لازم كون هيك بس في بوادر تغيير قريبة


لو طُلب منك هلا ترجع للإشراف بتوافق ؟؟
وإذا وافقت أو ما وافقت قالولك خلص رح نرجعك تصير مشرف وهذا قرار عسكري نفذ ثم اعترض :pos: ... شو بتاخد أقسام وشو بتعمل فيها
لاء ما بوافق
باخد الاقسام اللي خارج اخوية ووقتها خليني شوف شو بيقدرو يعملو معي ههههههه


ذكرت أنك بتفضل البقاء بأميركا ....هيك انشالله نفرح فيك قريبا ونشوفك عريس وبعد فترة عندك قبيلة ولاد بيجننوا ....سؤالي شو الشي يلي رح تاخدو من العادات الشرقية وشو رح تاخد من العادات "الأميركية" بتربية ابنائك
وهل رح تعطي حرية لبناتك متل ما رح تعطيها لابناءك بما يخص العلاقات مع الجنس الآخر ... أم في عندك تحفظات ؟

تربية الولاد ما رح تتعلق عليي انا رح تتعلق عليي وعلى المدام
انا من جهتي رح اخد الحسنات من كل نوع من التربية بما انو عاصرت التنتين يعني في حسنات بالتربية الشرقية (محبة الاهل والاخلاص الهن ... ) وفي حسنات بالتربية الاميركية (الصراحة والحرية ...)
بالنسبة للعلاقة بالجنس الاخر انا من ايام سوريا وفي عندي حرية علاقة مع الجنس الاخر (كانت شلتنا شلة مميزة بالضيعة لانو كنا نوعا ما ضد التقاليد الضيعوية اللي بتحد من علاقة الشب بالبنت )
اول الشي رح كون صريح مع ولادي بناحية العلاقة بين البنت والشب ووضحلهن كل شي بتيعلق فيها وخليهن هني ياخدو قراراتهن على كيف بيحبو هالعلاقة تكون
تاني الشي رح يكون عندي تحفظات نوعا ما على العلاقات غير الجدية فقط







:D سندورة

مرحبا عمي هاني ...
بدي اسألك كم سؤال بشكل عام .. شنو مابعرفك شخصياً ...
.
.
- إذا سؤلت سؤال مصيري ... وفيه شي من الكرامة .. ومن الخطر ع حياتك ..... شو بتجاوب : أي أم لأ ؟
يعني بقصد بتفضل تعيش من ورا الإي .. او بتموت من ورا ال لأ ؟
حدد شو السؤال في اسئلة اذا كان الجواب لاء بتعيش واذا كان اي بتموت وفي اسئلة بالعكس فشو السؤال
- شو رأيك بالمجتمع بهالأيام ...
كمان حدد نوع المجتمع اذا قصدك المجتمع السوري ما عندي اطلاع عليي حاليا اذا قصدك المجتمع الاميركي فهوي مجتمع مرعوب ومتأمل حاليا
- رأيك بالشغلات التالية : الدخان , الجنس , الموت , السياسة , غزة , اوباما , بوش , ...
الدخان: تعباية وقت
الجنس: حلو بوقتو
الموت: الحقيقة الاكيدة الوحيدة بحياة الانسان
السياسة: لعبة قد ما تحاول تلعبها بدك تضل خسران
غزة: اطفال منكوبين
اوباما : مدري نو مدري عو
بوش : ما عندي شي شخصي ضدو

- كيف بتشوف الشباب العربي اليوم !؟ والسوري بشكل خاص ؟!
الشباب العربي بدو خبرية من عند الله يقعد يطق حنك فيها شاطر بالحكي بس ما بيطلع بايدو شي
الشباب السوري بيطلع معو بس ظروفو اقوى منو اذا بتغيرلو الظروف بتشوف ابداع ونجاح وتفوق
- كيف بتشوف التعليم بسوريا ؟
لازملو تغيير من شرشو التعليم بسوريا بيهدم ما بيبني
- الإنترنت .... بسورية ... عم يفيد أم عم يضر ؟!
عم يضر طبعا مو بسبب شي بسبب الضغوط اللي عم تنفرض علي واللي عم تمنع استخدامو باغراض تعليمية تثقيفية
واكيد أسئلتي المعتادة :
شو أهم تطلعاتك لعام 2009 ...
تحقيق جزء بسيط من حلمي الكبير وشوية احلام تانية
وتنفيذ جزء بسيط من قائمة الاشيا اللي بدي اعملها bucket list اذا حدا سمعان فيها او بيعرف شو معناتها
- شو أهم انجازات عام 2008 بنظرك ... وشو أكتر شي زعجك فيها ...
شخصيا بدء المسير على تحقيق الحلم الكبير
غير شخصيا ما كتير بيهم
اكتر شي زعجني شخصيا بعض المواقف اللي عملتها وما كنت مبسوط منها
غير شخصيا كمان ما بيهم
- رأيك باللي عم يصير بغزة بكلمتين ...
كلمتين
١- لا
٢ - تعليق
- كيف بتشوف مستقبل ولاية أوباما ... وهل رح يغير شي من سياسة بلدو ..
في امل كبير
تأمل الافضل وتوقع الاسوء
- شو تقديرك للأوضاع بعد 50 سنة
قلي شو رح يصير بكرا بقلك شو رح يصير بعد خمسين سنة
- شو هيي أصعب لحظة بحياتك ...
لحظة وداع رفقاتي بسوريا
- شغلة غريبة صارت معك .. ومافهمتها .. بقصد غريبة بمعنى (خارج عن الطبيعة .. )
معي انا ما كتير بتصير بس بتصير بعيلتنا بشكل عام انو اكتر من حادثة صارت كان ممكن تصير كارثة من وراها بس مشي الحال ومرقت علي خير وهلأ كل البيت عنا بيآمن انو بيتنا محروس بملائكة هههههههههه (ما حدا يضحك ) انو الحوادث كانت خطيرة لدرجة كبيرة
- بتتمنا تعيش بالقرن التاسع عشر ؟
لاء مبسوط بالقرن الواحد وعشرين
- كلمة للبشر ... !
DREAM
FAITH, FAMILY , BUSINESS
- تغييرات بتحب تعملها بأخوية ..
تسكير التسجيل
- شو أكتر شي بتخاف منو .. وبصدق ..
الفشل وزعل رفقاتي المقربين مني
- لو كان بإيدك تطلع عالفضاء .. مين بتاخد معك من أخوية ..
حبيبتي مريومة
- انت شو ب3 كلمات ... !؟
حالم - عاشق - عامل
- هل انت راضي عن الكرة الأرضية بوضعها الحالي ... شو نظرتك للأمور التالية : بيئة - فقر - نكبات - ثروات طبيعية موارد غير متجددة - مستقبل السيارات - ..
بلشو فكرو بحلول لهالمشاكل لانو اجا وقتها
- لو رجع الزمن لورا .. شو كنت بتحب يصير ..
بحب ضل متل ما انا
- بتآمن بالقضاء والقدر , بالسحر , وجود كائنات غريبة ع الأرض أو ع غير كواكب ..
لاء - شعور بتكرهو ..
الكسل
- شغلات بتفتقدها بهالإيام ..
النوم
- شعور صرلك زمان ماحسيت فيه ...
الفراغ العاطفي
- هل في أعضاء تغيرو بنظرك بعد ما حكيت معهن مباشر (نت او لقاء مباشر .. ) ؟
ابدا
- كلمة بتوجهها لأعضاء .. هني بيعرفو حالهن .. بس بدون ماتسميهن ...
بعتز فيكن
- هل انتي من جماعة التحشيش (دخان أو أركيلة .. ) وإذا لأ .. شو موقفك منهن ..
اركيلة
- كيف بتشوف أخوية بهالأيام .. وبالأيام الجايي ...
قطار واصل على محطة
- شو حلمك بهالحياة .. وهل حققتو وللا لسا ...
احلام كتير معظمها تحقق ومعظمها لاء
بس الحلم الكبير اسا ما تحقق
- عروس الأحلام تبعك ... شو مواصفاتا... هل هيي حقيقة ام حلم ..
عروسة احلامي رقيقة مهضومة طيبة حبابة مزوقة حساسة صوتها حلو وجهها حلو كل شي فيها حلو
حلوة من برا ومن جوا
طبعا حقيقة
- هل انتا حر بقراراتك .. وشو هيي القرارات اللي ندمت عليها بحياتك ...
.اي معظم الاوقات انا حر بقراراتي
انو ما في قرارات حقيقة ندمت عليها لقول انو والله نادم وبتمنى ما كون عملتها
.
وتحياتي ...
THE,unforgiven ... ":D


اهلين حج :D

لك هاني هاد أب تمرة
تيمو
هيما
حبيب الملايين
:lol::lol::lol::lol::lol::lol::lol:
سؤالوش ع الهاموش
مين عم تسمع بها الأيام ميوزك عربي و أجنبي طبعا غير فيروز ؟
;)
ما عم اسمع اغاني عم اسمع موسيقى
وتحديدا ياني

بعض الاسئلة اللي تركتها للاخير

عرفتك وانت بسوريا وهلاء صرت باميركا "بهالفترة" شو التغيرات اللي صارت لهاني ؟


محمد ما بعرف شو التغيرات اللي صارت عليي انو ممكن اكتر شي صرت مشغول اكتر مستعجل على طول ما معي وقت احكي مع حدا وعلى صعيد شخصي بعتقد انو صرت اكبر انو تلت سنين فرق كل سنة في تجارب جديدة في عالم جديدة في تعاملات جديدة كلو هادا بيعطيك خبرة جديدة بحياتك بتخليك تطور شغلات كتير بطريقة تفكيرك بطريقة حكيك بطريقة تعاملك مع العالم
اذا في شغلات تغيرت هيي افكار وطريقة حكي وطريقة تعامل مع العالم طبعا هاي اشيا تعلمت معظمها من اخوية بس كان لحياتي الشخصية بعدة مجالات بامريكا (شغل وجامعة واصدقاء ) تأثير كبير عليها



أمريكا أو الحلم الأمريكي اللي انت عايش في بنظر البعض شو بيعنيلك

امريكا هيي وسيلة لوصل للي بدي يا بحياتي عاطيتني الفرصة انو امشي على طريق تحقيق اهدافي واحلامي هالفرصة كنت مفتقدا بمحل تاني
امريكا غيرت افكاري كتير من ناحية الاهداف والاحلام وكيف اشتغل لحتى اوصلهن
اللي بدو يجي على امريكا ويضل بالعقلية اللي اجا فيها رح يتعزب كتير وهالحلم الاميركي اللي بيحكو عنو رح يشوفو كابوس
في عزاب ما بقول لاء بس العزاب هون اريح من غير محلات


هاني لو بيطلع بأيدك تقضي عـ شعب كامل .. على مين رح تقضي


ما في شعب سيء بالمطلق وبيستاهل انو ينقضى علي
كل شعب في اشخاص سيئين وفي اشخاص مناح
وبفضل وقت اتعامل مع العالم ما اخلط السيء بالجيد وما حاسب حدا على حساب حدا
ممكن معظم العالم يجاوبو على هالسؤال انو بقضي على اسرائيل انو انا عندي رفقات اسرائيلين كتير هون بحياتهن ما اذوني وبحياتهن ما عاملوني انو انا عدو او شي مع انو بيعرفو انو انا من سوريا بس لانو انا بنفس الوقت ما اذيتهن
برجع بقول مرة تانية
اللي بتعملو بالعالم العالم بدها تعملو فيك

بعتقد خلصت كل اسئلة المقلاية اللي انسالتا
انا كنت معتكف عن الكتابة باخوية وما زلت ولولا ما قالولي الشباب عن المقلاية ما كنت رح اكتب باخوية
وهلا بعد ما خلصت المقلاية رح ارجع للاعتكاف عن الردود باخوية مع المتابعة في طريق ترك اخوية قريبا جدا
شكر لكل اللي سالو :D


بارليب زتلك حدا تاني :D

طريق ترك اخوية قريبا جدا
شكر لكل اللي سالو :D


بارليب زتلك حدا تاني :D
:shock:
:?
أنو شو !!!!
:jakoush:
:cry:

بعتقد خلصت كل اسئلة المقلاية اللي انسالتا
انا كنت معتكف عن الكتابة باخوية وما زلت ولولا ما قالولي الشباب عن المقلاية ما كنت رح اكتب باخوية
وهلا بعد ما خلصت المقلاية رح ارجع للاعتكاف عن الردود باخوية مع المتابعة في طريق ترك اخوية قريبا جدا
شكر لكل اللي سالو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


بارليب زتلك حدا تاني ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


سؤالي بالمقلاية معلش ولو تاخرت شوي

بقدر اعرف ليش؟

ايه ما تحكولنا انو عاملين مقلاية جديدة

طار من ايدنا محمد براهيم صق صق راحت ل ابصر كم سنة تانية لنقليه صق صق :frown:

طيب هلا هاني شو وضعو خلص ولا لساتو عم تطبخوه

وهلا .. بدنا نطلب من الأنسة مرام ( بحموشة هاني ) انو تتفضل عـ المقلاي .. مشكورة .

ايوا يعني مريومة الطبخة اليوم

طيب لنحط هلإسئلة القديمة ماغيرا تحسباً انو ما رح نفوت لكم يوم


تفضلي مرامو


هات لنشوف عطيني رأيك بالتالي :
-----------------
الحيوان

الجراثيم

الإنسان

الله


-------------------
الدين

الطائفية

الإلحاد

العلمانية
---------------------------
السياسة

الحروب الإقتصادية

امريكا

روسيا

سوريا

العراق

الجولان

كوبا
--------------
شخصيات
---------------
فيديل كاسترو

فلاديمير بوتين

بيل كلنتون

صدام حسين

حافظ الأسد

موسيليني

-----------------



مين اقرب واحد الك هون

مين ابعد واحد

معك 5 وردات لمين بتهديهون

وخمس شوكات لمين


شو سيارتك

وكم حادث سويت ( بعيد الشر يعني )

شو اول سيارة كانت عندك

-------------------


كلمتين منك لاخوية

شو عطتك اخوية

شو اخدت منك ( غير الوقت )

-------------
تكنولوجيا:
_________
شو نوع موبايلك

شو اخر رقم بموبايلك

كمبيوترك مواصفاتو عالماشي

شو سرعة النت عندك

--------------
عالماشي
__________
شو نظريتك بالحياة او القاعدة يلي ماشي ع اساسا بهل دني

شو بتعنيلك الحياة

شلون بتحبي يكون الشب سواء يلي ببالك او غيرو يعني هيك شغل ابو علي كسار الاركيل مثلا او شيك ورسمي او طنط الخ...

قديش معك بالبنك

شو أحلا اغنية للتالي :: لفيروز , ام كلثوم , عبد الحليم , وديع الصافي , جورج وسوف , ابوجوزيف
مممم

بس بيكفوكي هدول راجعلك

رجعت

مقارناتتت.
‏
شاي أخضر ولا أحمر‏

قهوة ولا نسكافه

ميلو ولا كاكاو

عرق ولافودكا

نبيد مز ولا حلو

فوكس ولا هنكن

ريد لابل ولابلاك لابل

ويسكي ولا كونياك

وينستون ولا لوكي

مرسيدس ولا بي ام

لوس انجلس ولا لاس فيغاس

ماي سبيس ولا فيس بوك

دودج ولا فورد

انا ولا هوي

لاب توب ولا كمبيوتر مكتب

نوكيا ولا سوني اركسون

كيا ولا هونداي

فورد ولا جمس

سبور ولا رسمي

باريس ولا روما

سوفييت ولا أمريكا

:pos: او :frown:

:gem: أو :adal:

:hashish: أو :larg:


انا مساويلك شي؟
انت بتكرهني شي؟
ليش آخر مرة تخانقنا؟:?
‏
شو بتقرأ أكتر شي بأخوية
‏
كم تغيير ب اخوية من وجهة نظرك لازم يصيرو

وإزا طلع في جنةونار
وقالولك لازم تاخد معك7 من أخوية
مين بتاخد
إزا عالنار مين وإزا عالجنة مين

هل صحيح هالحكي التالي :

إبن العز بيضل إبن عز لو جار عليه الزمان وصار بحالو تعبان بس يلي ما ببيت أهلو شبعان و من مبارح صار أمير الزمان بيضل شلون بدو يعيش حيران .
‏
ما مدى صحة هالقاعدة == The Enemy Of My Enemy Is My Enemy Too ,, Trust No One

شو تعريف الروح؟
‏
إزا صرلك شي وماعاد تفوت ع أخوية بعيد الشر يعني شو بتوصينا
‏
شوتعريف الحشيش :larg:
وكيف يتم تمييز النظامي عن المروكب

إزا شي يوم ندق باب بيتك وقلت مين ونقال انا علاء شو بتكون ردة فعلك


وبس ... عزبناكي

:D

وهلا .. بدنا نطلب من الأنسة مرام ( بحموشة هاني ) انو تتفضل عـ المقلاي .. مشكورة .
اي لا يقوم خايفة منك ها :p

على عيني بارليبووووس ...يلا جايي :larg:

ايوا يعني مريومة الطبخة اليوم
طبخة :?

طيب لنحط هلإسئلة القديمة ماغيرا تحسباً انو ما رح نفوت لكم يوم


تفضلي مرامو


الله يزيد فضلك الهي :lol:


هات لنشوف عطيني رأيك بالتالي :
-----------------
الحيوان

كائن حي ...


الجراثيم

بدا مجهر :?



الإنسان

انسان؟ بوقتنا الحالي؟...في بس صار صعبة انك تلاقي انسان بالمعنى الكامل


الله

رفيقي


-------------------
الدين
معاملة

الطائفية
ضدا


الإلحاد

قناعة


العلمانية

وجهات نظر واراء ..
---------------------------
السياسة
وجع راس


الحروب الإقتصادية

حروب و اقتصاديي؟؟ اي كارثي :lol:


امريكا

مجتمع كبير كتير ... بكرها شوي ...لانو بعيدي وفيا اشخاص بحبن كتير :cry:

روسيا
بدي اطلع عليها اتعلم روسي :larg:

سوريا
حلوة يابلدي ...وحومص احلى شي :sosweet:

العراق
جارنا الشقيق

الجولان
الله يخليه لاهلو ....:?

كوبا
فيا رقاصين بيرقصوا كتير منيح :p

--------------
شخصيات
---------------
فيديل كاسترو

فلاديمير بوتين

بيل كلنتون

صدام حسين

حافظ الأسد

موسيليني

باااااااااااااااااااااااص ...
-----------------



مين اقرب واحد الك هون
هنهناتي حياتي :oops:


مين ابعد واحد
واللهي شو بدي عدّلك لعدّلك :lol:

معك 5 وردات لمين بتهديهون
ماما وبابا ....ناصر ومنار ...هاني ....ع باب الكنيسة .. وقدام المدفن

وخمس شوكات لمين
انو مو حدا محدد ...للحساد :lol:



شو سيارتك


وكم حادث سويت ( بعيد الشر يعني )

شو اول سيارة كانت عندك


مابسوق ولسا ما اشتريت سيارة ....:lol:
-------------------

كلمتين منك لاخوية
شكرا كتير

شو عطتك اخوية
عطتني كتير شغلات ...عرفتني ع اشخاص صاروا من اولويات حياتي ...اولن هاني ... بعدين رفقات عنجد كانوا الي كتف ... وسند وكل شي ... عشت معن واكلنا وشربنا سوا ... لك ضحكنا وبكينا سوا .... واللي بقلك اخوية مجتمع افتراضي ... ممكن تكون لبعض الاشخاص افتراضيي ...بس انا الاشخاص اللي بعرفن ب اخوية بعرفن ع ارض الواقع واخوية عم تضل صلة وصل بيني وبينن ...منضحك منتناقش منمزح منلعب مسمع منغني ...يعني الي عيلي تانيي هون ...

شو اخدت منك ( غير الوقت )
اممم انو انا يمكن من الاشخاص اللي مو كتير قدمت لاخوية ... عملت اللي بقدر عليه ..بحسب وقتي .. انا ب اغلب الاحيان بضل عشر ساعات اونلاين...[س يمكن ما اقرا 3 مواضيع فين ...


-------------
تكنولوجيا:
_________
شو نوع موبايلك
نوكيا 5200 رح غيرو قريبا ...يعني القريبا الها شي كم شهر ..ايمتا ما بعرف :lol:

شو اخر رقم بموبايلك
رفيقتي بالشركي

كمبيوترك مواصفاتو عالماشي
اسوس مدري شو رقمو امس قلتلو ياه ليامن ...
بس انو 80 غيغا ...وفيو بلوتوث ووايرلس وكامرا بتتحرك من فوق ومدري شو كمان ...بحبو كتير اللع يعينو عليي :lol:

شو سرعة النت عندك
انو بالشركي عنا وايرلس :?

--------------
عالماشي
__________
شو نظريتك بالحياة او القاعدة يلي ماشي ع اساسا بهل دني
ابعد عن الشر وغنيلو :larg:

شو بتعنيلك الحياة
الحياة بدنا نعيشا كيف ما كانت ...وعش عمرك كيف يانيال المصيف ... حاليا حابة حياتي جدا جزيلا انا :sosweet:


شلون بتحبي يكون الشب سواء يلي ببالك او غيرو يعني هيك شغل ابو علي كسار الاركيل مثلا او شيك ورسمي او طنط الخ...

هلأ لا ابو علي ولا طنط ...ومابحب الرسميي ...بحب الشب العادي يا عمي ... انو يتصرف عادي ...يكون راكز ...يفكر منيح ...ويعرف يتصرف بكل الاوقات ...

قديش معك بالبنك

سوري مابقدر قول ...

شو أحلا اغنية للتالي :: لفيروز , ام كلثوم , عبد الحليم , وديع الصافي , جورج وسوف , ابوجوزيف
مممم

فيروز: اول غنية غنيتلا ياها اعطني الناي وغني ... كنت بصف التاني .. فبقلبي لساتا
ام كلثوم : الاوة في الغرام ..بحبا بابا كتير مشان هيك انا بحبا ...
عبد الحليم: يي ليش مادريت انو هوي غنالي اسمر ياسمراني الي ؟ :lol:
وديع الصافي : رح حلفك بالغصن ياعصفور..وياليل شو تعبان من كتر السهر ..
جورج وسوف : سهرت الليل
ابو جوزيف :شو ماغنى بيطلع حلو ...وكل اللي فوق كوم وابو جوزيف كوم تاني ...:larg:

بس بيكفوكي هدول راجعلك

رجعت


اف شو سريع

مقارناتتت.
‏
شاي أخضر ولا أحمر‏
احمر

قهوة ولا نسكافه

مع انو مع التنين مو كتير صحبي بس نسكافيه ...
ميلو ولا كاكاو

عرق ولافودكا

عرق

نبيد مز ولا حلو

شو ماكان طيب كتير ...

فوكس ولا هنكن

هنكن

ريد لابل ولابلاك لابل

بلاك ...

ويسكي ولا كونياك

ويسكي ..


وينستون ولا لوكي
اللي بدك ياه ...:lol:

مرسيدس ولا بي ام

بي ام ..

لوس انجلس ولا لاس فيغاس

لوس انجلوس :cry:

ماي سبيس ولا فيس بوك
فيس بوك

دودج ولا فورد
فورد مشان مااهر بس :larg:

انا ولا هوي
لا انت ولاهوي ..:o

لاب توب ولا كمبيوتر مكتب
بشتغل عالتنين بنفس الوقت :?

نوكيا ولا سوني اركسون

سامسونغ :sosweet:


كيا ولا هونداي

تنيناتن ...:p

فورد ولا جمس
فورد يوه :?

سبور ولا رسمي
سبور شيك ...

باريس ولا روما

بما انو رح روح ع باغي ..ف بقول روما :p

سوفييت ولا أمريكا

اميركا :cry: