يسعدلي ربكون واحد واحد .. و وحدة وحدة
وهي :Dلكل واحد فيكون دون استثناء ابداً ..

المهم .. هي المقلاية قدامكون .. بحلة متغيرة شوي و غريبة .. خلونا نقول متميزة

في شوية قوانين منتمى تلتزمو فيها ..

1- بلا بياخة يا شباب رجاءً .. وخصوصي من الجداد .. يعني في عدد كبير منون واصلتو موجة البياخة

وفي قدام كمان .. بس صرنا متعودين عليهم .. وصارو منا وفينا

2- وحدون المستشارين و المشرفين القدام و المنسقين القدام هنن يلي رح ينقلو بـ المقلاية .. وطبعاً في أعضاء كان ألون أثر كبير بـ أخوية .. كمان رح نقليون .. لأنو ما مستغني شبيبة :D

3- يرجى من الأشخاص يلي يملكو عدد مشاركات اقل من 1000 .. ألا يطرحو أسئلتهم .. ألا أذا كانو على معرفة وطيدة بـ العضو:deal:

كنت حابب بلش من الأقدم و المستمر بـ الأخوية .. بس انو ما عرفت مين الأقدم .. فـ قررت بلش بـ شخص كتير غالي علينا كلتنا

المهم اذا العضو الي عم ينقلي حس حب يختار شخص من ما هو مشرف أو شخص ما عنده صفة المستشار

ياريت يراجع قبل مشرفين الصالون وياخد رأيون

واكيد المشرفين ما رح يخذلوكون ... ( بعدين أنا اول مرا بنتبه أنو مشرفين الصالون ريمي و مرام .. لك ولله يلي حطكون مشرفين بـ الصالون .. عندو بعد نظر )

المهم .. الشخص يلي رح نستضيفو .. زلمة حباب كتير .. ما بظن في حدا بـ الأخوية ما بيحبو

محمد أبراهيم و المعروف بـ مولانا

محمد .. كيفك .. وكيف الحياة أجمالاً معك ؟

صرلك بـ أخوية تقريب الـ 3 سنين و شهر .. احكيلنا كيف غيرت اخوية بـ حياتك

وكيف أثرت بـ حياتك .. كيف أثرو أعضاء أخوية فيك ؟

من 3 سنين و لـ هل لحظة .. شو تغير بـ حياتك

اعطيني اسماء 5 أعضاء ( أن وجودو ) أثرو فيك أكبر تأثير من خلال احتكاك بهم

و 5 اشخاص حابب تشوفهم على الواقع بـعد تجربة الأخوية
___________

شو سبب أسم مولانا؟

المعبد بـ كل اختصار هو ...

___________

دراستك لـ الأقتصاد كانت رغبة أو لا ؟

شو رح تعمل بس تخلص دراسة ؟

تفكر بـ الهجرة ؟

___________

بـ كل وضوح .. ومن هل منبر .. أعطي رئيك بـ

القضية الفلسطينية

حماس

أسرائيل

العرب

الأخوان المسلمين

حسني مبارك

اولمرت

محمود عباس

نصر الله

:D

مرحبا مسيو محمد

بس سؤال واحد لاغير

شو سبب انك حطيت صورة عمر المختار كصورة شخصية الك ؟؟

محمد .. كيفك .. وكيف الحياة أجمالاً معك ؟

بخلاف الانفلونزا تمام يعني الحمد لله على كل حال

اما عن الحياة معي فبعتقد متل ما مع اغلب البشر يوم تعطيك اللي بدك و10 تعطيك بجزمة منتظر العراقي بس الجزمة تلبس براسك تمام مو متل مع بوش ابن المحظوظه .
صرلك بـ أخوية تقريب الـ 3 سنين و شهر .. احكيلنا كيف غيرت اخوية بـ حياتك
وكيف أثرت بـ حياتك ..

أخوية ،
كانت سبب في التقائي بحبي الاول والوحيد هاد بينقلك كانسان من مرحلة عاطفية بدائية بسيطة لمرحلة عاطفية متأججه، فيك تقول انتقال لمرحلة ناضجة ,

قبل الاخوية كنت مفكر حالي صرت متفتح على الاراء الاخرى وقادر على نقاش كتير اشياء بهدوء ولما
(هلاء بتجيك لما "جدو" وتقول ليش كتبت اسمي )دخلت الاخوية لاقيت عالم مختلف عن الواقع يعني بالواقع الناس تحب تظهر عدم اختلافها لضمان عدم حدوث مشكلات الا جماعة خالف تعرف بيكون مافيك تتناقش مع اي منون الا كم واحد بس تحس انون مختلفين وجايز ما تلاقيون لفترات طويلة لانو هالاشخاص بيكونو منبوذين مجتمعيا او ارائون غير شعبية (طبعا لانها مخالفة للغالبية) بالاخوية الوضع مختلف لما نلاقي فكرة مطروحة بتلاقي بعض الاشخاص بتناقش هالفكرة بعضهم بموضوعية وبعضهم بلا والمميز انك بتلاقي فرق (عالم مع وعالم ضد) هاد ابرز تأثيرات الاخوية ،

خلاصة القول : صرت باسلوب فعال وواضح معظم الاوقات "متفهم ومتقبل " الشخص المخالف لرأيي لما نتناقش في فكرة او قضية ، بعتقد ما كنت هيك قبل دخول الاخوية بهالدرجة أبدا .

الاخوية خلتني استخدم الماسينجر ( خلتني اجتماعي على الانترنت بصورة اكثر)

كيف أثرو أعضاء أخوية فيك ؟

أما عن اعضاء اخوية
انا مؤمن بأن كل انسان متميز او موهوب في شغلة او اكتر بس هو ممكن يكتشف هالموهبة او ما يكتشفها لحالو او بمساعدة حدا وعلى هذا الاساس انا متقبل تميز الجميع عني او مواهبون وبالتالي عندي قابلية للتعلم والاستفادة من الجميع مهما كان العضو ودرجة تأثيرو بالاخوية او رأي العالم عنو او عن فكرو ،
فيك تقول من الاحتكاك باعضاء اخوية اكتسبت ايجابيات ومارح احكي عن السلبيات لاني اعتقد الايجابيات اكتر،

خلاصة القول : من عضو تاخد فكرة ومن عضو تاخد معلومة ومن عضو تتعلم شغلة بيصير تراكم معلومات وافكار وشغلات متعلمها ،
اعتقد كنت منفتح على اغلب التيارات من هذا المنطلق اكيد رح استفيد من معرفة اي انسان والاحتكاك معو

من 3 سنين و لـ هل لحظة .. شو تغير بـ حياتك

بعتقد جواب هالسؤال كان ضمن اجابتي فوق

اعطيني اسماء 5 أعضاء ( أن وجودو ) أثرو فيك أكبر تأثير من خلال احتكاك بهم


كما قلت من قبل كل شخص احتكيت فيه تأثرت به بس طبعا بيختلف التأثير
في مجموعات بحسا قريبة على بعضها بتكون شخص ممكن تتأثر فيه
مثلا " ابو وليم بارليب ابو جوزيف كابي واللي قريب على نمطون" بالنسبة الي كيان واحد او شخص واحد مع اني مدرك ان كل شخص مختلف عن الاخر بس كلون معا بيكونو شخص أثر فيني من ناحية . هاد شخص مثلا
عندك "وائل ومسطول عباس حسان مازن طارق هاني جاد مرسيل علي ريم مرام ديما غزلان احمد امراة من ورق " هادول شخص واحد هو روح الاخوية القديمة وعذرا ان لم اذكر البقية ولكن مذكورون طالما ذكرنا روح الاخوية غصبا عني وان لم اكتبها .

في شخص أحترمه احترام هائل وله بقلبي معزة كبيرة تأثرت فيه ،هو كريم عربجي
في بعض النواحي كان تأثيرو الاقوى على الاطلاق .

و 5 اشخاص حابب تشوفهم على الواقع بـعد تجربة الأخوية

بهاللحظة مافي حدا
___________

شو سبب أسم مولانا؟

اعتقد طلع باحد الحوارات على الماسينجر مع الجماعة اللي بتعرفون وانت منون بس ما متذكر شو السبب بركي احدى الافكار تبعوت انصهار شعوب الشمال مع الجنوب

المعبد بـ كل اختصار هو ...

المعبد هو كيان افتراضي بيسع المؤمن والملحد والمسلم والمسيحي تحت اي مذهب يعني يسع الانسان بغض النظر عن دينه ومذهبه ، هتقول الي المعبد علماني وفق هالحكي.
لاء هو الغرض تقبل الاخر كما هو يعني مش محاولة لتنميط العالم ولكن مرحبا بكل شخص بدينو بتفكيرو متل ماهو ومرحبا بالشخص المختلف عنو بالدين والتفكير .
___________

دراستك لـ الأقتصاد كانت رغبة أو لا ؟

اولا دراستي الجامعية مش متخصصة بالاقتصاد بس هننى ضلو يعطونا بعض مقررات اقتصادية لمدة 3 سنوات مع مقررات سياسة وقانون ومحاسبة بالاضافة الى مقررات ادارة الاعمال وبعدين صار التركيز على ادارة الاعمال لانو هاد التخصص (انا ما اخترت ادرس اقتصاد ) اخترت ادارة الاعمال بس بمرحلة الماجستير اخترت البورصة وهاد مسموح النا يعني بيعتبرونا قادرين علميا على الدخول بهالمجال وفق لدراستنا .

شو رح تعمل بس تخلص دراسة ؟
صارلي فترة متل مابتعرف خسران بالبورصة :lol: وبعتقد مكمل فيها
مارح اعمل شيئ مكمل بالبورصة شغل ودراسة (الدراسة مارح تنتهي بالنسبة الي)

تفكر بـ الهجرة ؟

هجرة لاء شغل مؤقت بالخارج اي (افضل المانيا او اميركا)

Barleb

بـ كل وضوح .. ومن هل منبر .. أعطي رئيك بـ

القضية الفلسطينية

قضية عادلة شريفة يهملها العرب بطريقة ملفتة للانتباه

حماس
حركة دينية انا معها 100% كحركة مقاومة ولكن لما بيتحول الوضع لسياسة وسلطة بيكون بدي ضمانات معينه لصالح المجتمع ككل بكل ابنائه المختلفين في الدين وفي المذهب وفي التوجه السياسي .

أسرائيل
بحترم فيون قدرتون العالية على التخطيط الاستراتيجي (يعني تحقيق اهداف بعيدة المدى جدا) وكفائتون على دراسة العرب والتعامل معون ، لكنها كيان استعماري متعصب ارهابي دموي أشبه بالسرطان

العرب
من أسوأ القوميات لان النزعة القبلية بتظهر على السطح بسرعة عندون وبيتلاشى معها مصطلح عرب ولكن عنهم طاقات جبارة واذا اتعاونو بيحققو معجزات لايمكن غيرون يحققها .

الأخوان المسلمين
حركة دينية عالمية و حماس اخوان مسلمين بالمناسبة ، انا مش ضد التنظيمات الدينية بصفة عامة بس عندي بعض المخاوف حول الحكم الديني اذا وصل للسلطة بفكر متعصب ، يعني فيك تقول انا مختلف معون سياسيا مع ملاحظة انون ابناء هالمجتمعات يعني لازم يكون الون وجود ومساحة للتعبير لانو اذا ما تم التعامل معون على هالاساس رح يكون المجتمع بيشعل فتيل قنبلة.

حسني مبارك
مبارك العسكري كان اكثر شرفا اكثر شجاعة اكثر عطائا وبالدليل دوره كقائد للقوات الجوية المصرية بحرب تشرين ، حاليا افضل ان يترك السلطة ويتنحى ويترك الحكم وقبل ما يترك يوفر ادوات واليات نشر مزيد من الديموقراطية للشعب المصري حتى يختار الشعب الرئيس اللي بعدو بكامل الحرية وهاد افضل لمصر لو بدو مصلحة مصر
ومش بس لمصر هاد افضل للدول العربية كلها لانو الديموقراطية عدوى رح تنتقل لباقي الدول العربية .

اولمرت
قادة اسرائيل كلون بيتميزو بالولاء لاسرائيل واحترام الشعب الاسرائيلي وياريت قادتنا يكونو متلون بس على الجانب الاخر سفاحين قتلة للاطفال والنساء والشيوخ والعجائز عبارة عن ارهابين بالنسبة للشعوب العربية .

محمود عباس
مهندس اوسلو المفروض على ياسر عرفات لا اذكر له اي حسنات ومساوئه تحتاج لصفحات وصفحات

نصر الله
قائد لحزب ديني انا معه 100% كمقاوم واحترمه كثيرا ولكن عندما يتعلق الامر بالسلطة والحكم فموقفي كما هو مع الاخوان وحماس تماما.


مرحبا مسيو محمد

بس سؤال واحد لاغير

شو سبب انك حطيت صورة عمر المختار كصورة شخصية الك ؟؟
مرحبا
باختصار يتجمع لهالشخص داخلي
الاحترام والحب والاعجاب والمثل الصالح

ابو حميد حبيبنا

كيفك اول شي؟

خيو كيف بتنظر لمصر هلق؟وبتتوقع بكل الاشكاليات الموجودة هل من الممكن تحقيق اصلاح؟وبرايك هاد الاصلاح من وين رح يجي؟

سؤال تاني
انا بالنسبة الي شبه متاكد انو جمال مبارك رح يمسك بعد ابوه..وانت؟

كيفك خي حمودة

أول شي بقلوا لبارليب ميرسي على النسخة الإيديشن فكرة ظريفة وحلوة
اي هلق منجي على الأسئلة

1- بدي أسئلك عن مصر يعني بما انو انت بمصر وبدي قلك انت برأيك ليش مصر أخدت هيك قرارات يعني في شي بيبرر برأئيك ؟
2- أخوبة كيف بتشوفها قبل سنتين وكيف بتشوفها هلق ؟أحسن أو أسواء ؟
3- شخصية العصر مين بالنسبة ألك وفيك تشرحلنا ليش ؟
4- انت مع فصل الدين عن الدولة ؟
5- أي أكتر بلد بتحب تزورها ؟

وميرسي
:D

مرحبا محمد
كيف بتتوقع يكون عمل وتاصير البورصة السورية بالمستقبل يا ترى ممكن فعلا تكون فعالة بالاقتصاد ؟؟
حسب ما فهمت انت بمصر او كنت هونيك .. كيف بتشوف المجتمع هوينك قريب من محتمعك ام بتلاخظ انو في اختلافات جذرية موجودة ؟
شو رايك بواقعية وجود وحدة عربية ؟؟ع الاقل باعتبارك عايش ضمن مجتمعين عربيين يمكن قادر اتكون فكرة عن تقارب المجتمعات
انت مرتبط لم لا.. سؤال تقليدي من النساء:o....اذا لا ليش .. وشو تصورك عنها اذا صار وارتبطت ... واذا اي .. ما عاد في كلام ...:D

محمد كيفك؟ وسلام لباريلب
خيو في كوشة اسئلة بدي اعطيك ياهون مع انو كل يوم بنحكي سوا
1- حرف الكاف اللي بتحطه كنت عالمسنجر يرمز لكريم حسب ما قلتلي كريم شو بتحمل منه لليوم.؟
2- طرحت مؤخرا فكرة الدفاع العسكري هل تعتقد بفعاليتها في ظل الانقسام العربي
3-تجربة خالد يوسف الاخراجية كيف بتشوفا؟
4 - كوميديا احمد حلمي كيف بتلاقيها؟
5- حركة التدوين شو رايك فيها ؟ وفكرت شي نهار بتعمل مدونة؟
6- عمرك تمنيت الموت لنفسك؟
7- اخر مرة بكيت ايمتى؟
8- عشقان هلأ انت؟
9- مع ام ضد
المحكمة الدولية
رفع دعوى مصرية ضد السيد حسن نصر الله
انفصال الالناء عن اهلون بسن معينة
حركة كفاية وشايفينكون
التسلح النووي الايراني
10-كم تقدر قيمة ثقافتك؟
11- لو اجا ا حد اعضاء الاخوية وقلك انت مخابرات وعم تكتب تقارير بالعالم شو بتقله؟
12- لو اجا احد العضوات وقالتلك انها معجبة فيك شو بتقلا؟
13-اخر مظاهرة طلعت فيها ايمتى؟

هدول مبدئيا

مايسترو


ابو حميد حبيبنا

كيفك اول شي؟

الحمد لله تمام كيفك انت حبيب

خيو كيف بتنظر لمصر هلق؟
متل ما كنت بنظر قبل هلق تقريبا "التغيرات بسيطة"

وبتتوقع بكل الاشكاليات الموجودة هل من الممكن تحقيق اصلاح؟
من الممكن تحقيق اصلاح بس بدو وقت ومجهود مشترك من الشعب و السياسيين ولكن الحقيقة ان تحقيق الاصلاح صعب جدا في ظل مقاومة المنتفعين من بقاء الاوضاع على ماهي عليها وخصوصا انهم اصحاب مراكز عالية وكبيرة .




وبرايك هاد الاصلاح من وين رح يجي؟

كان في شغلة لازم نحكي عنها بالاول ،اذا كنا بنحكي عن اصلاح فلازم نفرق بين انواع الاصلاح ،
اهم نوع هو الاصلاح الاجتماعي وممكن يتفرع عنو الاصلاح الديني او يكون نوع مستقل ، اعتقد ان الاصلاح الاجتماعي واالديني هما ركائز تحقيق الاصلاح الشامل وثم الاصلاح الاقتصادي واخيرا الاصلاح السياسي ،

-كل هاد بيجي من المجتمع بكافة اطيافه بيجي من الشعب اولا واخيرا وبيجي من التغلب على مقاومة المنتفعين من بقاء الاوضاع بلا اصلاح ، الحكي عن الفاسدين .


سؤال تاني
انا بالنسبة الي شبه متاكد انو جمال مبارك رح يمسك بعد ابوه..وانت؟


سؤال متميز كتير وبيفتح ابواب مسكرة كتير

في تشابه كبير جدا بين الشعبين السوري والمصري ، تحديدا ريف سوريا بيشبه ريف مصر ومدن سوريا الساحلية بتشبه مدن مصر الساحلية والعاصمة بتشبه العاصمة وطبعا مع بعض مظاهر التفرد والاختلاف وهاد طبيعي، ومن ضمن التشابه بيقع الواقع السياسي والحياة السياسية ولكن حجم الاختلاف بيكون اكبر شوي،
ولكن الاهم حزب البعث في سوريا اقوى في إحكامه على المواطن السوري من الحزب الوطني في مصر يعني تقدر تقول ان سياسيات الحزب الوطني فشلت في الإحكام على المواطن المصري بفاعلية مماثلة لحزب البعث ولكن الحزب الوطني مسيطر سياسيا بفاعلية كبيرة جدا ولكن فقط على مستوى المواطن فاقد جزء مهم من السيطرة على عكس حزب البعث ، هاي نقطة اولى
النقطة الثانية : مبارك ذكي جدا جدا ومسيطر على الاوضاع السياسية بمصر وبالجيش المصري ولكن حافظ الاسد بيتفوق عليه بالذكاء وبالسيطرة الكاملة على سوريا في كل شيئ عبر حزب قوي جدا بشكل ملفت للانتباه ليس له مثيل الا سيطرة الحزب الحاكم بعهد جمال عبد الناصر هذا على مستوى الدول العربية خلال 100 سنة ، من هون اقدر اتوقع ان مبارك قادر سياسيا على توريث جمال مبارك الحكم بمنتهى السهولة لان مبارك مسيطرة سيطرة كاملة على الحياة السياسية بمصر ولكن الشعب المصري هو اللي ممكن يحدث تغيير في المعادلة لان الحزب الوطني فاشل في احكام السيطرة عليه ،
من هون اقدر اقول انو توريث الحكم لجمال مبارك ممكن سياسيا بسهولة اما على المستوى الشعبي قد لايكون الامر سهلا ابدا،
الاحتمال الاكبر لاء ولذلك اتوقع انو مارح يقدر يمسك بعد ابوه و كمان لان في أكتر من حوت طامع بهالكرسي بس منتظرين اللحظة المناسبة .

zen

كيفك خي حمودة

أهلا بزين الغالي
الحمد لله تمام كيفك انت

أول شي بقلوا لبارليب ميرسي على النسخة الإيديشن فكرة ظريفة وحلوة
اي هلق منجي على الأسئلة

1- بدي أسئلك عن مصر يعني بما انو انت بمصر وبدي قلك انت برأيك ليش مصر أخدت هيك قرارات يعني في شي بيبرر برأئيك ؟
أعتقد انك بتحكي عن القرارات الاخيرة تجاه حصار غزة مزبوط ؟ انا رح احكي على هالاساس لو غير هيك ابقى وضح برد تالي
اولا في مصر مصرين
مصر السياسية وبيمثلها النظام السياسي والحكومة
ومصر الشعبية ومابيمثلها حدا (هادول الشعب)

اهداف النظام السياسي المصري هو الحفاظ على كرسي الحكم والسيطرة على الاوضاع السياسية والامنية في مصر ، لذلك النظام السياسي المصري بيتحالف مع الاطراف اللي بتحقق اهدافه وغالبا بتكون الاطراف الاقوى حسب قاعدة بتقول القوي بيبحث عن حليف قوي يزيدو قوة مش حليف ضعيف يزيدو ضعف من هالتحالفات بتنبع قرارات النظام السياسي المصري بما يحقق مصالحه الشخصية + مصالح حلفائه
رح احاول ارسم لوحة سياسية هلاء
جماعة الاخوان المسلمين بمصر بتنافس النظام الحاكم سياسيا على الوصول للحكم عبر الطرق الديموقراطية وصار للاخوان 20% من مقاعد مجلس الشعب المصري وبعض المراقبين للانتخابات التشريعية قالو لولا تدخل الحزب الحاكم لتزويير نتائج الانتخابات كان الاخوان سيطرو على مجلس الشعب المصري
اول عنصرين باللوحة هننى الحزب الحاكم بمصر ومنافسه الاخوان المسلمين على السلطة والحكم .
على الجانب الاخر حماس بتحاول تنشئ دولة اسلامية وفق الشريعة الاسلامية وحماس امتداد للاخوان المسلمين في غزة ، اذا النظام المصري مهدد بين الاخوان المسلمين بالداخل وبين الاخوان المسلمين على حدودو الشرقية بالخارج ، وهاد اكبر مصدر قلق للنظام السياسي الحاكم المصري لانه مهدد لاستمراره
فما كان من النظام السياسي المصري الا انه يستغل اسرائيل عسكريا للتخلص من الاخوان المسلمين في غزة وهاد هدف مشترك لصالح اسرائيل ولصالح النظام السياسي الحاكم بمصر
عنا هلاء 4 اطراف باللوحة السياسية
اسرائيل وحماس "ممثل الاخوان المسلمين" بغزة والنظام السياسي الحاكم بمصر والاخوان بمصر
(وهاد الصراع مارح ينتهي الا بوصول الاخوان للحكم او نجاح الانظمة الحاكمة حاليا بالقضاء عليهم ).
بالنهاية بدي قول المصالح هي لغة السياسة والغاية تبرر الوسيلة ولهالسبب اقذر وأحط وأسفل مهنة ممكن تقابلها هي مهنة السياسي .



2- أخوبة كيف بتشوفها قبل سنتين وكيف بتشوفها هلق ؟أحسن أو أسواء ؟

بالنسبة الي قبل سنتين كانت احسن طبعا كان في ود و روح افضل وعلاقات افضل ومشاعر افضل .
بفقدان عدد كبير من الاعضاء فقدنا لمساتون وارائون بالاخوية وبالمقابل اجى اعضاء كتير جدا مستواهون الفكري والثقافي ضعيف بس الجيد انو لازال بيجي بعض الاعضاء من الجدد متميزين فكريا وثقافيا

3- شخصية العصر مين بالنسبة ألك وفيك تشرحلنا ليش ؟
سؤال صعب كتير
لا جواب حاليا

4- انت مع فصل الدين عن الدولة ؟
موضوع ضخم جدا ما بمشي حالو باي او لاء
عندي نظرة مختلفة حول هالموضوع تحديدا
عندي اقتراح بديل غير اي ولاء اذا بدك بوضحو برد قادم

5- أي أكتر بلد بتحب تزورها ؟
من اوربا فرنسا ومن الدول العربية سوريا ولبنان
وميرسي


:D

بنسوار مولانا .. أنت بتعرف شو قصة بنسوار :lol:

حابب أسألك كم سؤال ويمكن أتابع حسب شَهيتك وَ بعرفك شهواني جداً للأسئلة الدسمة

- ماذا تتوقع بعدَ هذا الغليان الشعبي في مصر بعد مواقف وتصريحات حكومة مصر الرسمية

من إغلاق المعابر في غزة ؟

- ما رأيك بالإنسان العربي وتطور تفكيره أو بشكل أصح أدلجة تفكيره

وانعكاس تلكَ الأفكار على الواقع القريب في تصرفاته وحياته اليومية

بل في عقيدته على اختلافها , فهل فِكرُ الإنسان العربي بخير أم أنهُ يَصعدُ إلى الهاوية ؟

- هل صناعة الخوف التي يُربى عَليها مُعظم شباب أمتنا تجعل منهم عبيداً للدعاة وَ أصحاب الذقون

الذين لا نعرف ماهيَ مرجعيتهم الدينية و الثقافية بل و لا نعرف ما مصدر فتواهم ؟

- هل العلمانية تجعل من الإنسان آلة و روتين ملل وتدعو للرذيلة و لا تناسب الأعراف والتقاليد السائدة

وهل نستطيع أن نأخذ من تركيا مثالا ً كونها الأقرب مع أن تركيا أفشل مثال للعلمانية ؟

- كيفَ للإنسان أن يكون حُرا ً وَ هوَ مُقيد في أعراف وَ تقاليد وَ معتقدات وَ سجون كلمة وَ رأي

وَ هل الإنسانُ مُقيد بـِ طبيعته وَ يجبُ علينا أن نعتادَ على قيدنا الذي أدمى الرؤى ؟

خمسة ُ أسئلة خفيفة نظيفة على ما أعتقد مولانا , لا تغضب أرجوك أكادُ أراك :lol:

هل تريد أن أعود ؟

مَحبتي لك

:D

إنــــو أنا ما بقدر إسأل .. ! :(





.

إلا إذا بتعطيني غرين كارت مولانـــا
.





.

... مرحبا محمد
كيف بتتوقع يكون عمل وتاصير البورصة السورية بالمستقبل يا ترى ممكن فعلا تكون فعالة بالاقتصاد ؟؟

مرحبا sona
من خلال متابعتي للبورصة المصرية واهم شركاتها لاحظت اهتمام بالبورصة السورية بالفترة الاخيرة ، من اسبوعين كان في مؤتمر بين البورصتين السورية والمصرية ، وشركة بايونيير (احدى الشركات الكبيرة) المدرجة بالبورصة المصرية حصلت على 6 اكتتابات خلال ال6 شهور القادمة بالبورصة السورية ورح تبلش ببنك عوده سوريا بادارة زيادة راسماله بقيمة 250 مليار ليرة سورية وهالشركة سبق وادارت اكتتاب اسمنت البادية اعتقد ! وسمعت معلومه انو الحكومه السورية عندها 14 اكتتاب بس لاول السنة وفي قانون بيمنح اعفاء ضريبي لمدة 6 شهور كتشجيع للشركات المساهمه،
بعتقد الحكومه السورية عن طريق وزارة الاقتصاد ووزيرها قطعو اول خطوات تطوير اقتصاد سوريا لصالح المستثمرين الافراد من الشعب وهاد بصالح الشعب ، انا من زمان بحترم وزير الاقتصاد السوري جدا ومتفهم لحجم مجهوداتو الكبيرة وفكرو المتميز وهاد لان طبعا في عالم كتير بتحاول توقف اعمالو وتمنعو عن تحقيق اهدافو لانها ببتعارض مع مصالحون داخل سوريا .


نروح لفائدة اقتصاد سوريا

البورصة بتتيح للافراد اللي ماعندون علم او خبرة بالانشطة الصناعية او التجارية انو يتملكو حصص من شركات بتعمل بهالمجالات يعني هننى بيمولو انشاء هالشركات او بيمولو توسعات شركات قائمة وبيصيرو ملاك الها حسب نصيبون من راس المال اللي دفعوه وهاد معناه مزيد من النمو لشركات سوريا وتزايد عددها وانتجاها وتوسع ونمو الموجود منها بالفعل وهاد معناه مزيد من الوظائف للشعب ويعني مزيد من الدخل القومي لسوريا ويعني زيادة لحجم الضرائب اللي بتاخدها الحكومة من ارباح هالشركات وهاي رح تعود على خدمات يستفيد منها الجميع وهكذا .


حسب ما فهمت انت بمصر او كنت هونيك .. كيف بتشوف المجتمع هوينك قريب من محتمعك ام بتلاخظ انو في اختلافات جذرية موجودة ؟
السؤال عن التشابه والاختلاف بين مصر وسوريا جاوبتو لزين


شو رايك بواقعية وجود وحدة عربية ؟؟ع الاقل باعتبارك عايش ضمن مجتمعين عربيين يمكن قادر اتكون فكرة عن تقارب المجتمعات
السؤال عن الوحدة العربية !
مستحيلة طبقا لواقع اليوم وقابلة للتحقق مستقبلا بصعوبة .
طبعا الشعوب متقاربة واحلامها متشابهة كتير ومن هون الوحدة سهلة كتير لولا التالي :

اذا صار حكي بين الزعماء على الوحدة بتلاقي اكتر من شخص طامع بانو يكون زعيم الوحدة حتى الجبان والخائن والمتهور بدون يصيرو الزعيم !!!
كمان في تخوفات من الدول الصغيرة بانو الكبيرة رح تبلعها وتسيطر على مواردها
الطمع والجشع من الدول الافقر او الاقل بالموارد المادية والاكثر بشريا في استغلال الدول الاغنى بالموارد وذات عدد السكان القليل .
كل هاد وغيرو بيخلي توافق الحكام حول الوحدة مستحيل حاليا الى ان تزول هذه الاسباب وغيرها.

انا الي مدخل بتبناه لتحقيق هالوحدة من خلال مفهوم نظري بعتقد قابل للتحقيق على ارض الواقع بس في انتظار التجربة .
كنت عبرت عنو باحد اللقاءات الثقافية باليمن بين عدد من طلاب جامعات بعض الدول العربية
بشوف ان الوحدة الثقافية هي الدعامة الرئيسية الاولى لتحقيق وحدة شاملة او للوصول لوحدة سياسية
والوحدة الاقتصادية هي الدعامة الرئيسية الثانية وعلى ارض الواقع اعتقد الفكرتين قابلتين للتحقيق
لدينا ثقافة عربية بلغة مشتركة وتراث فكري وادبي عربي اعتقد لدينا بهذا الصدد ما ليس لدى اوربا واتحادها الاوربي وانا اتعجب لماذا لا ننطلق !!
اما عن الوحدة الاقتصادية فهي مفيدة لكل الدول العربية ولكن للاسف تخشى الدول الصغيرة الغنية من طمع الدول الكبيرة الافقر كما ضغوط اوربا والقوى الغربية لمنع اي تكتل اقتصادي عربي حقيقي لانه سوف يضر بمصالحهم الاقتصادية وللاسف لم تتحقق الوحدة الاقتصادية حتى الان على الرغم من اهميتها وفوائدها الكبيرة لكل الدول العربية !!
اذا تواجدت الدعامتين امكن تحقيق وحدة سياسية على رأسهم بمنتهى السهولة .


انت مرتبط لم لا.. سؤال تقليدي من النساء...اذا لا ليش .. وشو تصورك عنها اذا صار وارتبطت ... واذا اي .. ما عاد في كلام

اما عن ارتباطي
لاء غير مرتبط

اما عن تصوري عنها اذا صار ارتباط
اللي بيحب انسان بيشوفو الاجمل والاروع والالطف والارق و .......
اما عن تصوري قبل ما اشوفها يعني عن كيف بدي تكون الانسانة اللي رح ارتبط فيها

تكون ذكية (بحب الانسان الذكي بصفة عامة) جريئه بأدب ، متعاونه وتكون مقبولة الشكل ، هو يعني الاول كنت بدي اتزوج ملكة جمال ههههههه بس الانسان لما بينضج بيهتم بالجوهر اكتر من المظهر واهم شغلة تقدر تحتملني .

شكرا كتير الك على اسئلتك المتميزة :D

في شوية قوانين منتمى تلتزمو فيها ..

3- يرجى من الأشخاص يلي يملكو عدد مشاركات اقل من 1000 .. ألا يطرحو أسئلتهم .. ألا أذا كانو على معرفة وطيدة بـ العضو:deal:


إنــــو أنا ما بقدر إسأل .. ! :(


إلا إذا بتعطيني غرين كارت مولانـــا .

ان ما عطيت الغرين كارد الك يبقى مارح اعطيه لحدا !
اسئلي كيف مابدك وبالعدد اللي بدك

بناءا على القانون التالت بيحق الي ولغيري من الساداة المقليين :lol: استثناء الاعضاء اللي منعرفون وأعتقد أن السيد بارليب كان يقصد بكلمة وطيدة ان الشخص على معرفة"جيدة" بالمقلي وذلك للسماح بالاعضاء المميزين بانون يسألو مع الحفاظ على مستوى المقلاية كما يجب ان تكون وكما كانت باولى اصداراتها ، شيئ يفتخر فيه كل الاعضاء .
وهي دعوة لجميع من يعرفوني بانون يسألو :D
وهاد شيئ بيسعدني حتى لو كانت مشاركاتو 10 (بس المهم يكون بيعرفني عالاقل من خلال ردودي بالاخوية )
والا رح يسأل اسئلة عامة مالا دخل بشخص المقلي .

محمد كيفك؟ وسلام لباريلب


منيح الحمد لله ، وانشالله تكون منيح انت كمان

خيو في كوشة اسئلة بدي اعطيك ياهون مع انو كل يوم بنحكي سوا
1- حرف الكاف اللي بتحطه كنت عالمسنجر يرمز لكريم حسب ما قلتلي كريم شو بتحمل منه لليوم.؟


أكتر سؤال ما كنت حب شوفو
بخصوص حرف الكاف مبدئيا هالموضوع مابيعرفو الا 4 اشخاص 3 منون ماعرفوه الا بعد اكتر من سنة وبعد ما سألوني عن هالموضوع اكتر من مرة وانت منون لان الموضوع بالنسبة الي مش اظهار تأثري بكريم للعالم هاد مابيهمني وبالعكس كنت حريص على عدم جواب هالسؤال لكتير عالم والوحيد اللي بيعرفو من الاول هو جاد وهاد لاكتر من سبب اولا جاد بيوم اجى قالي انو كريم بدو ايميلك وسألني اذا بدي اعطي الايميل او لاء فرحبت طبعا لذلك بيرجع الفضل لجاد بهالموضوع ،و لان جاد هو السبب في تحويل علاقتي مع كريم من علاقة رسمية غير وديه لعلاقة صداقة وديه وبيعرف اديش بحترم كريم والو معزة كبيرة وتقديربقلبي وبالنسبة لكريم حتى كنت باخد رئيو بالفترة الاخيرة بمواضيع شخصية وكنا بنحكي في النواحي الانسانية وهو بيتميز بانو انسان رائع على المستوى الشخصي وفاجاني بانو دمو خفيف وبيمزح ما متل ما كنا واخدين عنو فكرة من المنبر وكان هو اخر شخص حكيت معو عالماسينجر قبل ما اترك الاخوية منشان اختبارات الفاينال للماستر ب2007 ولما رجعت لما خلصت الاختبارات كان موضوع اعتقالو صدمة بالنسبة الي ، ربما تكون الفكرة اول لما بفتح الماسينجر بيطلع بوشي حرف الكاف وهاد عبارة عن تقدير دائم مني لكريم كل مرة بفتح فيها الماسينجر كما توقيعي بالاخوية تقدير الو في كل موضوع بشارك فيه .

اما عن اللي بحملو منو فهو لايمكن مقارنتو بالمصدر الاصلي "كريم" يعني اذا قلت أخدت شيئ من اصراره وشجاعتو فرح يكون جزء ضئيل كتير مقارنة بشجاعة شخص رفض الاستجابة وتنفيذ تعليمات اللي اتسببو باعتقالو وهو مدرك تماما لانو ممكن يتعرض للاعتقال وبيعرف شو تبعات قرارو ولو في حدا مفكر انو الموضوع صار فجاة وانو كريم ما كان مدرك لتبعات قرارو بيكون مخطئ ، للي مابيعرف اللي صار ، كريم تم استدعاؤه اكتر من مرة والاعتقال مش هيك فجاة مرة وحدة يعني كان عندو وقت يتوقف ويستجيب لهالطلبات واذا مابدون يعبر عن رأيو كان ممكن يتوقف عن التعبير واذا بدون يكبت اراء رواد المنبر ، فهو كان قادر على كبتون واذا كان بدون الاي بي لهالاعضاء فهو كان قادر على اعطائون ومع ذلك هو رفض والنتيجة كانت اعتقالو ، مين فينا ممكن يكون بيحمل جزء من هالشجاعة الكبيرة وجزء من هالكرامه الكبيرة ؟؟؟


2- طرحت مؤخرا فكرة الدفاع العسكري هل تعتقد بفعاليتها في ظل الانقسام العربي
لاء غير فعالة وبدها توحد بالموقف ولكنها مطلوبة وبشدة في اتفاقية كتير عالم بيتناسوها وهي الدفاع المشترك

3-تجربة خالد يوسف الاخراجية كيف بتشوفا؟
تجربة بتحمل كثير من الايجابيات قليل من السلبيات
4 - كوميديا احمد حلمي كيف بتلاقيها؟
احمد حلمي ممثل متوسط وارتقى فقط باخر فيلمين " كده رضا" و "أسف عالازعاج" مستواه كان راقي فقط بهالفيلمين

5- حركة التدوين شو رايك فيها ؟ وفكرت شي نهار بتعمل مدونة؟
حركة التدوين رئيي فيها انها ضعيفه وغير مقنعة الي "وقد اكون مخطئ"

فكرت عمليا لاء انما الفكرة خطرت عبالي بس ما مقتنع انو ممكن تحقق المدونة شيئ مهم .

6- عمرك تمنيت الموت لنفسك؟


بعض الاحيان بتمنى اني ما كنت جيت عالدنيا من الاصل لان موضوع موتنا رح يسبب الم وحزن للي بيحبونا
الموت رح يكون شيئ اناني .

7- اخر مرة بكيت ايمتى؟
بكاء يمكن من شي 8 سنين بحادث وفاة انسان من الاسرة
اما عن الدمع فكتير بيصير لما بشوف انسان مظلوم وهاد كتير هالايام من الاحداث اللي بنشوفها باستمرار .

8- عشقان هلأ انت؟
لاء مش عشقان

9- مع ام ضدالمحكمة الدولية
مع "في حالات "
رفع دعوى مصرية ضد السيد حسن نصر الله
ضد لصالح التوحد العربي ضد اسرائيل

انفصال الالناء عن اهلون بسن معينة
مع انفصال مادي او بتحمل المسئوليات لكن مش انفصال كامل
حركة كفاية وشايفينكون
مع مطالبات حركة كفاية بتنحي مبارك عن الحكم ولكن مش الحركة نفسها
شايفينكون لسا غير مؤثرة

التسلح النووي الايراني


طول ما اسرائيل معها نووي انا مع تسلح ايران بالنووي لعمل توازن استراتيجي
بالاساس انا مع اخلاء الشرق الاوسط والعالم من النووي (هاد سلاح بشع اجرامي)

10-كم تقدر قيمة ثقافتك؟


حجم ثقافتي صغير بعيني لايرضيني



ا ا حد اعضاء الاخوية وقلك انت مخابرات وعم تكتب تقارير بالعالم شو بتقله؟
من مصلحتك انك ما تنشر هالخبر بين الاعضاء والا رح نستضفيك فترة عنا بالفرع :larg:هيك رح قول الو

في عالم بتفكر حالا ذكية وافضل اسلوب للتعامل معو هو انك تسايرو وتعطي ايحاء انو صح وذكي وبهالحالة هو بيعيش نشوة التفوق وانو وصل للي ما قدر حدا يوصلو حدا :lol:
12- لو اجا احد العضوات وقالتلك انها معجبة فيك شو بتقلا؟
لو بتقصد اعجاب من ناحية العاطفة بيختلف حسب مشاعري تجاه العضوه رح يكون الرد

اما لو اعجاب عام بطريقة الكتابة او بالاسلوب او بفكر فهون الوضع مختلف فرح اشكرها كتير واعبرلها عن سعادتي واهتمامي باعجابها وهكذا .

13-اخر مظاهرة طلعت فيها ايمتى؟
Error
نتيجة ادخال السؤال بالكمبيوتر خرج النا خطا

ما اتظاهرت بحياتي ولامرة كمظاهرة وشعارات وهكذا

انا عن نفسي ولنفسي ما من ثقافتي التظاهر ولابيناسبني ومن حق الجميع التظاهر،
انا مؤمن بان فعل رجل بالف رجل اقوى من قول الف رجل في رجل

هدول مبدئيا
مرحبا بعودتك

وشكرا جزيلا على اسئلتك

بس هي انو تحت 1000 مشاركة ماحبيتا منك ...
كان أحسن إذا بتقول القديمين ... لأان في أعضاء كتير قديمين وماعندن 300 مشاركة ..
>

بالنسبة لأبو حميد ...
- شو أهم تطلعاتك لعام 2009 ...
- شو أهم انجازات عام 2008 بنظرك ... وشو أكتر شي زعجك فيها ...
- رأيك باللي عم يصير بغزة بكلمتين ...
- كيف بتشوف مستقبل ولاية أوباما ... وهل رح يغير شي من سياسة بلدو ..
- شو تقديرك للأوضاع بعد 50 سنة
- شو هيي أصعب لحظة بحياتك ...
- شغلة غريبة صارت معك .. ومافهمتها .. بقصد غريبة بمعنى (خارج عن الطبيعة .. )
- بتتمنا تعيش بالقرن التاسع عشر ؟
- كلمة للبشر ... !
- تغييرات بتحب تعملها بأخوية ..
- شو أكتر شي بتخاف منو .. وبصدق ..
- لو كان بإيدك تطلع عالفضاء .. مين بتاخد معك من أخوية ..
- انت شو ب3 كلمات ... !؟
- هل انت راضي عن الكرة الأرضية بوضعها الحالي ... شو نظرتك للأمور التالية : بيئة - فقر - نكبات - ثروات طبيعية موارد غير متجددة - مستقبل السيارات - ..
- لو رجع الزمن لورا .. شو كنت بتحب يصير ..
- بتآمن بالقضاء والقدر , بالسحر , وجود كائنات غريبة ع الأرض أو ع غير كواكب ..
- شعور بتكرهو ..
- شغلات بتفتقدها بهالإيام ..
- شعور صرلك زمان ماحسيت فيه ...
- هل في أعضاء تغيرو بنظرك بعد ما حكيت معهن مباشر (نت او لقاء مباشر .. ) ؟
- كلمة بتوجهها لأعضاء .. هني بيعرفو حالهن .. بس بدون ماتسميهن ...
- هل انتي من جماعة التحشيش (دخان أو أركيلة .. ) وإذا لأ .. شو موقفك منهن ..
- كيف بتشوف أخوية بهالأيام .. وبالأيام الجايي ...
- شو حلمك بهالحياة .. وهل حققتو وللا لسا ...
- عروس الأحلام تبعك ... شو مواصفاتا... هل هيي حقيقة ام حلم ..
- هل انتا حر بقراراتك .. وشو هيي القرارات اللي ندمت عليها بحياتك ...
.
.
وتحياتي ...
THE,unforgiven ... " :D

هلا محمد بما انو انا مشاركاتي مو كتيره رح تكون اسئلتي قصيرة
بما انك بمصر شو رأيك ب
عمروخالد , محمدمنير , مفيد فوزي ؟؟

اكيد في هالحياة بنلتقي في ناس كتير مين منهم حسيت انك التقيتو بالمكان الغلط او الزمان الغلط (يعني التقيتو بغير مكان او بغير زمان اللي بتتمنى تلاقيه فيه)

مرحبا حموده الغالي كلن 100 سؤال لاتخاف :lol:
طبعا الاجابه اجباريه
هيك يعني بدنا رأيك بهالكم شغله :
أيهما أذكى ؟ التفاح أم الخوخ؟
جيفارا
الغدر او الخيانه ايهما اصعب مع السبب
الزندقه (زنديق) بقاموسك طبعا
اكتر شي سلبي بشخصيتك وحابب تغيرو
قرار اتخذتو بحياتك وندمان عليه
لك حاجتك هدول مبدئيا لنا عوده

سلام

شلونك ابو حميد خيو ناوي اقليك شوي على نار هادية فلا تتعجل بالاجابة مشان نتلذذ فيك متل عادة يعني نستمتع :


1 - اذا بتتذكر أول لقاء النا كان عبارة عن طحبشة بقصيدة اصبح عندي بندقية ، محمد ابراهيم اليوم شو بشوف الانسب لفلسطين ؟! الاستمرار بالمقاومة مشان طرد المستعمر ولا خلص يسلموا امرن انه هاد موجود بكل الاحوال ويحاولوا يعملوا سلام شامل حتى لو كان الحساب تحويل فلسطين لمنطقة دولية .

2 - بما انك هون المصري المناضل بالاراضي الاخوية السورية ، وصلت لمرحلة تقدر تفرّق الهجات السورية عن بعضا ولا ما ببين معك ؟! يعني انا مثلا بالنسبة الي المصريين كلن بيحكوا نفس اللغة ما فيني فرقن ، انت بتقدر تفرق اللهجات السورية ولا تسؤ :adal:؟!

3 - بعد جلسة المسنجر المطولة لاسترجاع حق ( المؤخرة ) في بتشوف مكمن الاهانة بفعل اللحس ولا بذكر اسم المكان الملحوس :larg: ؟!

4 - هل بتعتبر نفسك عربي ؟! (( علل اجابتك :p ))
اذا كانت الاجابة بنعم : ايهما اقوى انتمائك المصري ولا الانتماء العربي ؟!
اذا كانت الاجابة كلا : لكن شو بتعتبر حالك ؟

5 - الشباب عما يتدايقنوا من الدخنة الطالعة من السقيفة وكونك انسان مسقف بتشوف السقيفة بالاخوية مفيدة ولا تسؤ :jakoush:؟!

6 - الاعلان العام بينقل عن مصر صورة الطائفية ( إلى حد ما ) وكوني بعرفك انسان جدا محايد وبعيد عن الطائفية بدي ياك تتجرد معي بتحيز حتى نفلش المؤامرة لوجيك تك تك تك :larg:
هل فعلا في طائفية مصرية ؟! شو سببها وليش ما منشوفها ببقية الدول العربية / هل العلة من الاقباط اللي عما يتحسسوا من ايا حركة ام انن فعلا مستهدفين من قبل بقية الطوائف !؟

7 - اذا كان عندك خيار تغيير جنسك وتعمله انثى ( مع اعادة الولادة من جديد ) هل بتستغل هاد الخيار ولا عاجبك وضعك هيك :o؟!

8 - سمعت انك بتحب حلب وبتدافع عليها ضد ايا مسيء ، بتعرف فين بتوقع حلب على الخريطة ؟! (( ترا انا مراقبك لا تستعمل الغوغل ولا برجع بكبسك 10 اسئلة جداد :sly: ))

9 - السينما المصرية حاليا من اقوى دور السينما العربية ، شو رأيك بالسينما العربية بشكل عام :?؟!

10 - اذا التقيت ببنت كانت هية الفتاة المنشودة ( سعدو يبعتلك ياها بعلبة مختومة ) بس وجودك معها بيتطلب منك تضحية بعاداتك وتقاليدك وبعض من افكارك هل بتضحي مشانها ولا مانك مستعد تغير من حالك كرمال انسان على سطح الكرة الارضية :gem:؟!

واخير سؤال :
سمعت انه في عندك وجهة نظر متوسطة بين الانظمة الدينية والانظمة العلمانية ، انا من جهتي مقتنع انه مستحيل يلقتوا وينخلطوا بنظام واحد ، لهيك صار عندي كتير فضول لشوف نظريتك ، ممكن تلخصلي ياها بـ كام سطر (( الرجاء الانتباه إلى الهمزة الشمسية والقمرية مشان ما يجي القرصان يعلق علينا ، وبنصحك ما تخليه يجي لان اذا اجا هاد بعرفه واحد كتير لئيم وايده ماكنة بالكتابة وبده ينتعك كل سؤال ابشع من التاني ;)))

ابو حميد معلش اسف بس تذكرت سؤالين مهمين

اول شي:ابراهيم عيسى تبع جريدة الدستور..بترعفوا؟اكيد..المه م شو رايك فيو؟

تغلغل الاخوان الاجتماعي شو رايك فيو؟
وبتتوقع انو ممكن يمسكوا الاخاون بعد مبارك؟واذا لا..مين بتتوقع كمرشح اساسي؟

عطيني اسم من هالاسماء بتنتحبوا اذا صار انتخابات:
ابراهيم عيسى
ايمن نور
جمال مبارك
الاخوان المسلمين

اللامنتمي



بنسوار مولانا .. أنت بتعرف شو قصة بنسوار

بنسوار هههههههههههه قلبك اسود ومابتحب المزح


حابب أسألك كم سؤال ويمكن أتابع حسب شَهيتك وَ بعرفك شهواني جداً للأسئلة الدسمة

**********************************
- ماذا تتوقع بعدَ هذا الغليان الشعبي في مصر بعد مواقف وتصريحات حكومة مصر الرسمية

من إغلاق المعابر في غزة ؟



تصريحات الحكومة المصرية الرسمية وافعالها بتتحرك نحو الشد والجذب لما يكون في غضب جماهيري كبير بيفتحو المعبر تحت شعارات مثل فتح المعبر للدواعي الانسانية مثلا تمرير حجاج نقل مرضى وحاليا بعد الحرب على غزة لما الغضب بيزيد بيمتصوه عبر فتح المعبر للجرحى وادخال المساعدات والطبية والغذائية وهكذا في اطار وضع الشد والجذب لضمان عدم حدوث انفلات امني من الشعب لانو لو حدث الانفلات ، محاولة الاستعادة للامن رح تتحقق عبر احداث دامية واعتقلات كنير (النظام في غنى عن كل هاد)

وأتوقع تعديل استراتيجيات إعلام الحكومه والحزب الحاكم لتحقيق استقطاب لقطاع واسع مستهدف من الشعب للتاثير عليه واقناعه برؤية النظام الرسمي والحكومة حتى يتخلصو من الضغط الجماهيري بوسيلة سلمية غير مكلفة وبدون اثارة مشاكل .


- ما رأيك بالإنسان العربي وتطور تفكيره أو بشكل أصح أدلجة تفكيره

وانعكاس تلكَ الأفكار على الواقع القريب في تصرفاته وحياته اليومية

ما حددت المرحلة الزمنية !!

سيبك من تطور تفكيره بدك الادلجه اوك

طالما حكينا عن الادلجه بالنسبة للعربي يبقى بترمي بحكيك الى أدلجة الدين تمام ؟

من حوالي سنة كنت بحكي بموضوع عن الايديولوجية بس ما تطرقت للادلجة على كل حال الايديولوجية

مرتبطة بادلجة الدين لانها عبارة عن عمل ايديولوجية للدين ، العربي بصفة عامة الدين بيأثر على تفكيره

أنا ضد الادلجه لان بعتقد ان الدين بلا ايديولوجية واي محاولة للادلجة رح تكون بمثابة السيطرة من الاشخاص اللي بيهدفو بعمل ادلجه للدين على عقول العالم وتسخريهم لتحقيق مصالحهم الشخصية (مصالح العالم اللي بتهدف لعمل الادلجه) وللاسف هاد نجح فيه بعض الاشخاص والجماعات والتنظيمات الدينية بس على نطاق محدود جماهيريا . ومشان العالم تتابع معنا الادلجه ، بنوصل لمجموعة من الافكار بالنهاية بتخدم مصالح الهادفين للادلجة

و انعكاس تلك الافكار بيؤدي الى انو

بيصير موجه او مبرمج لخدمة اهداف ومصالح المجموعة اللي كانت بترغب في تحقيق الادلجة وبالفعل وصلت .




بل في عقيدته على اختلافها , فهل فِكرُ الإنسان العربي بخير أم أنهُ يَصعدُ إلى الهاوية ؟

هو انا كنت بحكي عن العقيدة لاني حسيتك بدك العقيدة والدين اكتر من اي شيئ

صعود الانسان العربي بحد ذاته الى الهاوية مصطلح ضخم لان لازال في عالم منتبهة وبالمناسبة الادلجة في الاحزاب الحاكمة اي يعني بيتم استخدامها لغسل عقول الشباب بنفس الدرجة اللي بتعملها الحركات الدنينية المتطرفة والغير متطرفة ، هي مرحلة خطيرة بيمر فيها فكر الانسان العربي بصفة عامة .




- هل صناعة الخوف التي يُربى عَليها مُعظم شباب أمتنا تجعل منهم عبيداً للدعاة وَ أصحاب الذقون الذين لا نعرف ماهيَ مرجعيتهم الدينية و الثقافية بل و لا نعرف ما مصدر فتواهم ؟


الخوف اصبح جزء من ثقافة المجتمع (شباب ورجال وكهول) بدءا من البيت والخوف من الاب والام ثم المدرسة والخوف من المعلم والمعلمة ثم بالجامعة والخوف من الاستاذ ثم بالعمل والخوف من المدير وصاحب العمل وبالشارع والخوف من الشرطي وبمكان العبادة وبكل محل رح يطلع الك عفريت تخاف منو انا شايف ان الموضوع ثقافة ومش صناعة ورح تاخد وقت طويل كتير للتخلص منها ولكن لو صناعة بيكون هدمها سهل

ومع ذلك مابشوف مصطلح عبيد مناسب ، بس بشوف مصطلح ترهيب افضل وبيكونو فريسة سهلة الون




- هل العلمانية تجعل من الإنسان آلة و روتين ملل وتدعو للرذيلة و لا تناسب الأعراف والتقاليد السائدة


الة وروتين وملل اي

دعوة للرزيلة مش شرط مش معنى انك علماني انك انسان منحل خلقيا تمارس كل الرزائل والاخطاء والجرائم

اما عن مناسبتها للاعراف والتقاليد فيعني مش بكل شيئ




وهل نستطيع أن نأخذ من تركيا مثالا ً كونها الأقرب مع أن تركيا أفشل مثال للعلمانية ؟

علمانية تركيا مع اتتاورك غير علمانية هلاء ومع ذلك ممكن تاخدها كمثل علماني علمانية غير كاملة .




- كيفَ للإنسان أن يكون حُرا ً وَ هوَ مُقيد في أعراف وَ تقاليد وَ معتقدات وَ سجون كلمة وَ رأي

وَ هل الإنسانُ مُقيد بـِ طبيعته وَ يجبُ علينا أن نعتادَ على قيدنا الذي أدمى الرؤى ؟



حقيقة الامر ان الانسان مش حر ولكنه مخلوق يسعى للحرية وكسر القيود اللي ذكرتها

اوقات بينجح واوقات بيفشل وهيك الدنيا سواء اعتدنا او لم نعتد .

**********************************




خمسة ُ أسئلة خفيفة نظيفة على ما أعتقد مولانا , لا تغضب أرجوك أكادُ أراك

هل تريد أن أعود ؟

مَحبتي لك


عد بكل الود

THE unforgiven


بالنسبة لأبو حميد ...
- شو أهم تطلعاتك لعام 2009 ...


الاقتصاد العالمي يتحسن او عالاقل الشرق الاوسط يستغل هالازمة لصالحو لانو عندو فائض سيولة جبار (يعتبر برا الازمة المالية)

بدي اوضاع المنطقة تتحسن كتير على كل الاصعدة

وبدي ارتبط بانسانة احبها وتحبني وياسلام لو يجي بيبي على اخر السنة اسبو بابوه ههههههههههه

بتمنى اشوف عالم مقربين الي محققين اهم احلامون

بدي اتوفق بالماستر

وبس هيك على 2009 منيح

- شو أهم انجازات عام 2008 بنظرك ... وشو أكتر شي زعجك فيها ...


معدل درجاتي كان الاعلى بمشواري بالتعليم العالي كان هالسنة وبنفس الوقت خلصت التمهيدي ب2008


زعجني ارهاب اسرائيل في غزة والوحشية في قتل الاطفال .



رأيك باللي عم يصير بغزة بكلمتين


ارهاب ووحشية

- كيف بتشوف مستقبل ولاية أوباما ...


وهل رح يغير شي من سياسة بلدو ..
اوباما بالاول والاخر رئيس اميركا اللي هي حليف اسرئيل الاستراتيجي فيهني رح يحقق اهداف اميركا ويساعد اسرائيل على تحقيق اهدافها ولكن الرجل عندو حكمة وميل لاستخدام الطرق السلمية والدبلوماسية والبعد عن الدم والحروب ولكن طبعا اميركا دولة مؤسسات فما رح يتغير كتير بسياسيات اميركا منشان ما حدا يعلق امال كبيرة على اوباما (ولكن في تغيرات سياسية اكيد ايجابية)

-

شو تقديرك للأوضاع بعد 50 سنة

50 كتير اعتقد اميركا تكون سقطت والصين صارت قوة عظمى ودول جنوب شرق اسيا تكون قوية متل دول اوربا مثلا بعض الدول العربية رح ترجع للجمال لانو النفط رح ينتهي بعض الدول متل تونس ربما توصل لمرحلة متقدمة .


شو هيي أصعب لحظة بحياتك


بأواخر صيف السنة التالته الي بالجامعة عملت مشروع واستلفت مصاري لتكملة التمويل واتعرض المشروع قبل الافتتاح لظروف عجيبه وسوء حظ مبالغ فيه وصرت كل لما احاول من جهة تخرب من جهة تانية ومن كثرة المحاولات والفشل حسيت ان الموضوع اكبر مني واكبر من كل الدنيا كانت هاي اصعب لحظات لانو اصلا مابقبل بالفشل بثقافتي وثانيا لازم اسدد التزاماتي ومافي مجال للفشل .


- شغلة غريبة صارت معك .. ومافهمتها .. بقصد غريبة بمعنى (خارج عن الطبيعة .. )


معي ما صارت خارج الطبيعة بس مع عالم بعرفون صار


- بتتمنا تعيش بالقرن التاسع عشر ؟

لاء
- كلمة للبشر ... !

رويدا
- تغييرات بتحب تعملها بأخوية ..

مافي
- شو أكتر شي بتخاف منو .. وبصدق ..

الاستسلام
- لو كان بإيدك تطلع عالفضاء .. مين بتاخد معك من أخوية ..

نشوف مين بيحب يطلع معي هالرحلة لانو مافي حدا معين .
-
انت شو ب3 كلمات ... !؟

كائن حي متعايش

- هل انت راضي عن الكرة الأرضية بوضعها الحالي ...




شبو الوضع الحالي ؟ والا منشان مايله شوي حول محورها:lol: !! اي راضي



شو نظرتك للأمورالتالية :

بيئة – نظام متوازن يعتمد على المدخلات والعمليات والمخرجات قام الانسان بالتاثير عليه سلبا

فقر – شيئ سلبي بس طبيعي لانو طالما في اغنيتء لازم يكون في فقر ومنشان يكون في صحة لازم يكون مرض ولكل شيئ ضد اعتقد



نكبات – امور طبيعية بهالكون




ثروات طبيعية موارد غير متجددة – يجب التعامل معها بحرص وباعتدال وحكمة وعدم اهدارها .

مستقبلالسيارات - ..اسعارها رح تنزل بالفترة الجاية القريبة اما على المستقبل البعيد مارح يتم استخدامها ورح نرجع للوسائل البدائية (الحمار والحصان والجمل)


- لو رجع الزمن لورا .. شو كنت بتحب يصير
..

على حسب اديش بدو يرجع ، بفضل كون فارس او تاجر او رجل علم (بينفع اختار ال3؟)
- بتآمن بالقضاء والقدر , بالسحر ,

اي بامن بس السحر علم مش ايمان ولاايمان مع العلم ، الايمان مع الغيبيات

الفراعنة استخدمو السحر ولازال في قلة قليلة بيقدرو يستخدمو السحر بعيدا عن الدجل والنصب وانا شخصيا اعرف شخص الله يرحمو كان قريب علي ومتعلم لهالعلم بس ما كان بيستغلو او بيستخدمو لسنوات طويلة باستثاء فترة لما كان شاب .




وجود كائنات غريبة ع الأرض أو ع غير كواكب


على الارض في ملايين الكائنات ما كنا ندركها ، وبواسطة الميكرسكوبات بانواعها قدرنا ندركها فلذلك قد يكون في كائنات غريبة على الارض ونحنا عاجزين عن ادراكها ووممكن يكون في كائنات على كواكب اخرى (العلم ممكن يثبت وجودها) انا ما بؤمن بس هاد موضوع علمي مش غيبي طالما انها كائنات .
شعور بتكرهو
الخوف

- شغلات بتفتقدها بهالإيام ..
خروجات شلة البكالوريا وايامها

- شعور صرلك زمان ماحسيت فيه

... انو عندي واجب مدرسي لو ما عملتو رح انعاقب بالضرب ههههههه

- هل في أعضاء تغيرو بنظرك بعد ما حكيت معهن مباشر (نت او لقاء مباشر .. )



كتير وطبيعي هاد ، بتعرف الانسان اكتر عن قرب وبنسبة 90% تغيرت النظره للاحسن بس طبعا لازم تلاقي كم واحد تنخدع فيون وهاد عادي .

- كلمة بتوجهها لأعضاء .. هني بيعرفو حالهن .. بس بدون ماتسميهن ...

مافي
- هل انتي من جماعة التحشيش (دخان أو أركيلة .. ) وإذا لأ .. شو موقفك منهن
..


لاء ماني مدخن بالاساس ولا من جماعة التحشيش ، التدخين انتحار بطيئ وضار جدا بصحة الانسان وصحة اللي بيعيشو من حولو ولكن بحب اقعد مع العالم بعد التحشيش (قمة الروئان)


- كيف بتشوف أخوية بهالأيام .. وبالأيام الجايي
...

كعادتها بالفترة الاخيرة مكملة انحدار وبالايام الجاية رح توصل لوضع اقل .
-

شو حلمك بهالحياة .. وهل حققتو وللا لسا ...


الواقع ان الانسان كل لما بيكبر او بيحقق حلم بينولد جواه حلم اكبر والحمد لله بعتبر حالي محظوظ بتحقيق كتير احلام بس لانو احلامي ما الا حدود بشوف ببعض الاحيان حظي سيئ (على حسب نظرتي الى ، يعني لو بنظر الى اللي حققتو ولا الى اللي لسى ما حققتو)


- عروس الأحلام تبعك ... شو مواصفاتا... هل هيي حقيقة ام حلم ..

لا تعليق الماسينجر صار عليه 182 ايميل مضاف غير المحذوفين

مابمصلحتي قول ذات العيون السوداء والشعر الاسود بلاقي الماسينجر بكرا عليه 1820 ايميل


خيو هالمقاييس بتتحطم ادام الحب ، سواء الشكلية او المتعلقة بالثقافة والعلم او اي مقاييس ومع ذلك انا حكيت بنقطة سابقة عن هالموضوع ، الجوهر اهم من المظهر لانو باقي ومستمر



- هل انتا حر بقراراتك .. وشو هيي القرارات اللي ندمت عليها بحياتك ...
.

من سن صغير وانا بطمح للاستقلالية وسببت مشاكل كتير منشان هالموضوع فبعتقد حالي كنت حر من القيود العائلية بكتيرمن قراراتي حتى وانا بسن صغير ولكن الحياة علمتني فيما بعد انك ممكن تفكر حالك حر ، ولكن بالواقع انت مش فاهم انو كان في حدود حريتك محجوزة بينها ، بس انت ما كنت بتتجاوز هالحدود لانك ماحاولت تقرب الون لذلك فكرت حالك حر بس لو كنت قربت من هالحدود كنت عرفت ان حريتك الها حدود متقيدة فيها (وهاد موضوع دمو تئيل سيبك منو ) .
وتحياتي ...




تحياتي الك واسئلتك كانت مميزة كتير وغريبة وغير متوقعة

شكرا الك

نور
هلا محمد بما انو انا مشاركاتي مو كتيره رح تكون اسئلتي قصيرةبما انك بمصر شو رأيك بعمروخالد , محمدمنير , مفيد فوزي ؟؟

عمرو خالد : يروح يدرس علوم اللغة والشريعة ويترك شغلة مصلح اجتماعي هاي لانو المصلح الاجتماعي مابيفوت ببرامج دينية ولا بيروي قصص سيرة ولا بيفتي ( ماني من جمهورو) .



محمد منير ظاهرة فنية جميله عمل نمط ولون غنائي خاص ، عمل شيئ مميز خاص فيه لحالو (مع ذلك ماني من جمهورو)



مفيد فوزي كائن مخلوق من مادة الاستفزاز الخام ولكنه من اروع المحاوين والمزيعين المصريين باخر 20 سنة .




اكيد في هالحياة بنلتقي في ناس كتيرمين منهم حسيت انك التقيتو بالمكان الغلط او الزمان الغلط (يعني التقيتوبغير مكان او بغير زمان اللي بتتمنى تلاقيه فيه)



سؤال صعب كتير

فكرت كتير بس ماعندي جواب هلاء

*****

satoman
مرحبا حموده الغالي كلن 100 سؤال لاتخاف
طبعا الاجابه اجباريه
هيك يعني بدنا رأيك بهالكم شغله :
أيهما أذكى ؟ التفاح أم الخوخ؟



على قولة عادل امام "هو اللي بنعملو في العالم هيطلع علينا والا ايه !!)

هاد سؤال كانت حطيتو عالماسينجر كم يوم ، اعتقد التفاح
جيفارا

احترمو جدا انا بحترم كل المناضلين ضد الظلم والاستعمار من اجل الحرية بصفة عامة


الغدر او الخيانه ايهما اصعب مع السبب


شو هالسؤال الانباطاحي ؟

التنين ولاد حرام اصعب من بعض


الزندقه (زنديق) بقاموسك طبعا

شو هالاسئلة ؟؟!!
ممكن نقول اللي يخرج على المعبد ؟
اكتر شي سلبي بشخصيتك وحابب تغيرو


الثقة الزايدة بتقلب لغرور احيانا (بجاهد للتغلب على هالشغلة)


قرار اتخذتو بحياتك وندمان عليه


مابندم ابدا مهما عملت من مصائب واخطاء


لك حاجتك هدول مبدئيا لنا عوده

سلام

لو هتسأل بهالطريقة لا تعود الله يخليك هاي اسئلة انتحارية اللي بالاول !!

ابو حميد معلش اسف بس تذكرت سؤالين مهمين

ولايهمك يا غالي ترجع باي وقت لانو انت من اكتر العالم اللي ممكن تسألني اسئلة اجتماعية سياسية عميقة وانت بتعرف ليش هههه

اول شي:ابراهيم عيسى تبع جريدة الدستور..بتعرفوا؟اكيد..المه م شو رايك فيو؟

كيف مابعرفو وانا كنت بشتري الدستور لحتى اقرا مقاله تحديدا وكنت اوقات بشتري صوت الامة ايضا منشانو
عالمستوى الشخصي بحبو ومعجب باسلوبو في الكتابة كتير وهو شجاع كتير كما يجب ان يتسم الكاتب الصحفي السياسي بس بعيب عليه استخامع لالفاظ غير لائقة ببعض الاحيان كونو بيكتب بصحف بيقراها كتير من طبقات المجتمع .

تغلغل الاخوان الاجتماعي شو رايك فيو؟

الحزب الحاكم من ايام السادات ومن بعدو مبارك همش باقي الاحزاب وما عطاها فرصة تكون قاعدة جماهيرية او عالاقل يكون الها دور بالمجتمع والحزب الحاكم اصلا فشل في ملئ الفراغ السياسي والاجتماعي للشعب المصري من وجهة نظري ، طبيعي انو تيجي تيارات اخرى تملأ هالفراغ من ناحية فيني قول الحمد لله انو التيارات الارهابية ما قدرت تملاه والفضل بيرجع لمثقفين المجتمع وللامن ومع ذلك المجتمع عانى بالتسعينات من ارهاب الجماعات والتيارات المتطرفة دينيا ، للانصاف الاخوان المسلمين مش تيار ارهابي عالاقل بالنسبة للشعب المصري فهم لا قامو بقتل ولا سرقة ولاترهيب المواطنين ولكن انا افضل ان الاخوان للدين ويتركو السياسة لاهلها وللاسف الحزب الحاكم السبب في اضعاف الاحزاب ، اتمنى الاحزاب اليسارية واليمينية يزداد دورها وقاعدتها الشعبية بالمجتمع

وبتتوقع انو ممكن يمسكوا الاخاون بعد مبارك؟واذا لا..مين بتتوقع كمرشح اساسي؟

الاخوان حاليا صعب كتير لا قدرو يسيطرو شعبيا ولا يقدرو يقفو بوجه الحزب الحاكم
بيضل احد كبار رجالات الحزب الحاكم او مفاجاة

عطيني اسم من هالاسماء بتنتحبوا اذا صار انتخابات:
ابراهيم عيسى
ايمن نور
جمال مبارك
الاخوان المسلمين

ايمن نور

سلام حموده... زمان هالقمر ما بان:

سؤال واحد بس.... إذا خيروك بين إستمرار إغلاق معبر رفح أو فتحو على حساب ضربة عسكرية إسرائيلية لمصر وتدهور الأمور... شو بتختار؟

في شغلة لازم قولها

عنجد مستوى الاسئلة بهالمقلاية كتير فاجأني يعني مستوى عالي وقوي ومتنوع من الجميع وحتى في اسئلة كتير كنت اقف افكر قبل ما اجاوب ،

عنجد شكرا كتير الكون على مستوى الاسئلة اعتقد انكم كنتم متميزين جدا باسئلتكم واتمنى تكون اجوبتي بنصف تميز اسئلتكون :D

* ابو طوني بجاوب عليك بكرا لانو انت كمان فاجاتني باسئلتك أكتر من اي حدا ، جيبت كم واحد يساعدوك بصياغة وتصميم هالاسئلة !!! مستحيل اجاوب هلاء وانا رح انام على هالاسئلة .




فادي
*******
سلام حموده... زمان هالقمر ما بان:

القمر هو انت

سؤال واحد بس.... إذا خيروك بين إستمرار إغلاق معبر رفح أو فتحو على حساب ضربة عسكرية إسرائيلية لمصر وتدهور الأمور... شو بتختار؟

على فرض اني حاكم يعني ؟
رح فكر ب85 مليون اكتر مارح فكر بمليون ونص

يعني ماحب كون بهالموقف (اصلا ما كنت رح وصل الامور لهون ) بس على فرض اني مبلش من هون

رح ابقي المعبر مسكر لتلافي الضربة العسكرية
واسير بالمسارات الدبلوماسية خلال 14 يوم
وامر برفع استعدادات الجيش واطلب باستدعاء الاحتياط بتكتم وسرية
ونهاية اليوم ال 14 افتح المعبر فتح كامل
وكلي شوق انو يقومو بضربة عسكرية
ساعتها بكون مستعد ومامن الاهداف الاستراتيجية ومجهز اكتر من خطة عسكرية دفاعية وهجومية
الدفاعية لتقليل حجم الخسائر بصربة اسرائيل والهجومية للرد على هجمتهم وتكبيدهم خسائر (وبهالوقت هننى اللي بلشو )

شلونك ابو حميد خيو ناوي اقليك شوي على نار هادية فلا تتعجل بالاجابة مشان نتلذذ فيك متل عادة يعني نستمتع :

تمام ابو شريك

1 - اذا بتتذكر أول لقاء النا كان عبارة عن طحبشة بقصيدة اصبح عندي بندقية ، محمد ابراهيم اليوم شو بشوف الانسب لفلسطين ؟! الاستمرار بالمقاومة مشان طرد المستعمر ولا خلص يسلموا امرن انه هاد موجود بكل الاحوال ويحاولوا يعملوا سلام شامل حتى لو كان الحساب تحويل فلسطين لمنطقة دولية .

هههه لا بتنسى ولا انا بنسى
بعيدا عن "الحكي" اللي بوجهو الك لما بنفتح هالموضوع :lol:
هلاء انا على قناعة ان في اجزاء من وجهة نظرك واقعية ومع ذلك
لازلت عند رأيي السابق ، ان المقاومة هي الحل الوحيد لاسترجاع فلسطين ، موضوع اتفاقيات السلام بصفة عامة كنت سمعتو باحد محاضرات رئيس قسم السياسة بكليتنا ، هو بيشوف ان السلام بيحدث عندما يقوم الطرف الاقوى او المنتصر بارغام الطرف الاضعف او المهزوم على قبول شروطه ، وهاد معناه انو طالما اسرائيل الطرف الاقوى وفلسطين الاضعف يبقى مارح يستجيبو لشروط فلسطين (شو فايدة السلام بهالحالة ؟!)
نحنا عايشين بعالم "الضعيف فيه ضايع حقو " والقوي واكل كل شيئ ، حتى الشرعية والقانون صارو مع الاقوى ومش مع صاحب الحق لذلك المقاومة هي الحل الوحيد حاليا .

- ولكن تغير داخلي من الماضي للحاضر شغلة مهمة ، للمقاومة وقت مناسب وعليك كمقاوم انك تحدده بنفسك لما تكون مستعد ، يعني لاتفوت بحرب عنترية وانت غير مستعد وكمان لما يكون اهلك وشعبك مستعد يعني ماتورط اهلك وشعبك مع العدو وهننى غير مستعدين وتتركون يدفعو تمن اندفاعك ،
واهم شيئ انو المقاوم لا يقرب عالسلطة ، لانو اذا قرب عليها رح يستخدم سلاح المقاومة بالداخل ضد منافسيه على السلطة من ابناء وطنو .


2 - بما انك هون المصري المناضل بالاراضي الاخوية السورية ، وصلت لمرحلة تقدر تفرّق الهجات السورية عن بعضا ولا ما ببين معك ؟! يعني انا مثلا بالنسبة الي المصريين كلن بيحكوا نفس اللغة ما فيني فرقن ، انت بتقدر تفرق اللهجات السورية ولا تسؤ :adal:؟!

مش كل اللهجات (بعرف شوي حمصي وشوي شامي ) بحكم اني بعرف حماصنه وشوام كتير .

3 - بعد جلسة المسنجر المطولة لاسترجاع حق ( المؤخرة ) في بتشوف مكمن الاهانة بفعل اللحس ولا بذكر اسم المكان الملحوس :larg: ؟!
كما قلتلك من قبل (التنين سوا) واحد لحالو تمام

4 - هل بتعتبر نفسك عربي ؟! (( علل اجابتك :p ))
اذا كانت الاجابة بنعم : ايهما اقوى انتمائك المصري ولا الانتماء العربي ؟!
اذا كانت الاجابة كلا : لكن شو بتعتبر حالك ؟

اي بعتبر حالي عربي ، أحد اعظم المفكرين المصريين "جمال حمدان" قال انو مصر ابوها عربي وجدها فرعوني .
خليني علل
هلاء في ثقافة عربي وفي تاريخ عربي اندمج لمدة 14 قرن وساهم بصنع هالتاريخ وهالثقافة كل شعوب المنطقة اللي بيطلق عليون هلاء شعوب عربية بكافة اداينهم وطوائفهم ، هلاء مافينا نقتطع 14 قرن من الثقافة والتاريخ منشان ننفصل عنون !! ومافي مبرر للفصل .
ايران وتركيا دخلو تحت الحكم الاسلامي 14 قرن وماصارو عرب !!!
في اوربا واسيا اكتر من 20 دولة دخلو تحت الحكم الاسلامي لقرون وماصارو عرب !!
اذا الفكرة مش بالدين يعني مش بالاسلام ،
الفكرة انو خلال 14 قرن صار في ثقافة عربية مشتركة شعوب بتحكي عربي وبتكتب علومها بالعربي والادب بالعربي وفنونها عربية وتاريخها بالعربي فصار امتزاج ، صرنا ل 14 قرن نحكي ونسمع ونعبر ونكتب ونحس ونتعلم ونفكر ونعبر عن تفكيرنا بالعربي .
اما عن الانتماء ، بكل بساطة لو صارت كل الدول العربية دولة واحدة رح يكون انتمائي الها متفوق على انتمائي لمصر (وانا مع وجود هالدولة )
اما في ظل وجود اكتر من دولة بيكون انتمائي الاول لمصر .

5 - الشباب عما يتدايقنوا من الدخنة الطالعة من السقيفة وكونك انسان مسقف بتشوف السقيفة بالاخوية مفيدة ولا تسؤ :jakoush:؟!
كل المسقفين بيشوفو السقيفة مفيدة وبعدين لما السقيفة بترتقي بيرتقي معها الاخوية لانو باقي الاقسام كمان بتكون راقية والمستوى بيرتفع بشكل متوازي .
6 - الاعلان العام بينقل عن مصر صورة الطائفية ( إلى حد ما ) وكوني بعرفك انسان جدا محايد وبعيد عن الطائفية بدي ياك تتجرد معي بتحيز حتى نفلش المؤامرة لوجيك تك تك تك :larg:
هل فعلا في طائفية مصرية ؟! شو سببها وليش ما منشوفها ببقية الدول العربية / هل العلة من الاقباط اللي عما يتحسسوا من ايا حركة ام انن فعلا مستهدفين من قبل بقية الطوائف !؟
اي في طائفية في مصر بس مش بالصورة المقلقة
وموجودة بباقي الدول العربية بس بدرجات في دول بيكون الطائفية فيها اقل وممكن تلاقيها بكم دولة اقوى من مصر ولكن في شغلة مهمة بدي قولها المشكلة ممكن تكون غير ظاهرة ولكنها بتكون موجودة او درجة ظهورها بيكون غير معبر عن حجمها الحقيقي ، على كل حال خلينا نرجع لمصر .
مافي سبب واحد في عدة اسباب ، اهمها عالاطلاق
* أحد اسباب قوة مصر وغيرها من الدول العربية ، هو قوة نسيج ابناء الشعوب بمختلف طوائفهم واديانهم ،حتى باخر العهود لدرجة ان محاولات الانجليز بتقديم امتيازات للمسيحيين بمصر ومناصب قيادية وهامة على حساب المسلمين في مقابل تسهيل وجودهم بمصر وتعاونهم التام ، باءت بالفشل وهاد بيوضح كيف كانت العلاقة تاريخيا .
(لحد عهد قريب كانت العلاقات ودية كتير ) يمكن أخر 40 سنة صارت هالمشاكل ، القوى الغربية بدها تضعف الامم باثارة فتن طائفية وللاسف بعض المسئولين العرب اتعلمو هالطريقة وصارو يثبتو اقدامهم على كراسي الحكم لعشرات السنوات عبر اضعاف شعوبهم عن طريق بث روح الكراهية والطائفية بين ابناء الشعب الواحد (ويظهر هالمسئولين في دور حامي الوطن وحامي كافة الطوائف بالايحاء لكل طائفة بانو النظام معها وهكذا )
- كمان في بعض المتطرفين دينيا من الجهتين ولو انهم قلة بس بيساعدو على زيادة روح الكراهية بتكبير المشاكل والاحداث وللاسف بيلاقو احيانا استجابة .

* انا مابلقي اللوم على اي حدا من ابناء الشعب لانو مش متاثر بدرجة مقلقة بهالمخططات وكل اللوم بيروح عالمخطيين والعالم اللي بتساعدهم بتنفيذ مخططاتهم .

7 - اذا كان عندك خيار تغيير جنسك وتعمله انثى ( مع اعادة الولادة من جديد ) هل بتستغل هاد الخيار ولا عاجبك وضعك هيك :o؟!
لاء ابدا هيك تمام والحمد لله .

8 - سمعت انك بتحب حلب وبتدافع عليها ضد ايا مسيء ، بتعرف فين بتوقع حلب على الخريطة ؟! (( ترا انا مراقبك لا تستعمل الغوغل ولا برجع بكبسك 10 اسئلة جداد :sly: ))
حلب فوق يامعلم اقرب المدن الكبرى والهامة لتركيا .

9 - السينما المصرية حاليا من اقوى دور السينما العربية ، شو رأيك بالسينما العربية بشكل عام :?؟!

السينما العربية ضعيفة المستوى والسينما المصرية كمان صارت اضعف كتير من حقبة الخمسينات والستينات
- انا مؤمن بان السينما الها ادوار متعددة هامة كتير في حياة الشعوب ، منها
اعادة سرد احداث التاريخ للاجيال الحالية بالاضافة الى عمل تأريخ لاحداث ومظاهر حياة الشعوب الحالية للاجيتال المستقبلية .
ممكن تنقل قيم الجمال والخير والحق للمجتمع والنشئ تحديدا
ممكن تظهر مشاكل المجتمع للسادة المسئولين حتى يحلوها
ممكن تكون وسيلة لنقل الفكر الانساني و التعبير عن هالفكر
وادوار اخرى كتير
10 - اذا التقيت ببنت كانت هية الفتاة المنشودة ( سعدو يبعتلك ياها بعلبة مختومة ) بس وجودك معها بيتطلب منك تضحية بعاداتك وتقاليدك وبعض من افكارك هل بتضحي مشانها ولا مانك مستعد تغير من حالك كرمال انسان على سطح الكرة الارضية :gem:؟!

في عادات وتقاليد بيقدر الانسان يتخلى عنها ويضحي فيها كرمال العالم اللي بيحبون بس في بعضها مابيقدر يتخلى عنو ،
على ارض الواقع منشان الحب الاول حاولت اتغير بقوة ،
بس متاكد اني مستعد أضحي بحياتي منشان الانسان يللي بيحبني بلا وبلا شيئ .

واخير سؤال :
سمعت انه في عندك وجهة نظر متوسطة بين الانظمة الدينية والانظمة العلمانية ، انا من جهتي مقتنع انه مستحيل يلقتوا وينخلطوا بنظام واحد ، لهيك صار عندي كتير فضول لشوف نظريتك ، ممكن تلخصلي ياها بـ كام سطر

(( الرجاء الانتباه إلى الهمزة الشمسية والقمرية مشان ما يجي القرصان يعلق علينا ، وبنصحك ما تخليه يجي لان اذا اجا هاد بعرفه واحد كتير لئيم وايده ماكنة بالكتابة وبده ينتعك كل سؤال ابشع من التاني ;)))

* اللي بدو يسأل سؤال اخير او يستفسر عن شغلة ، اهلا وسهلا لانو بكرا رح نختار السيد او السيدة المقلية
*لو في حدا بدو ينقلي ؟ يقول

كيفك أبو حميد :

بصراحة كَشو الأسئلة .. كتير أسئلة مرت من هون كنت حابة إسألك إياها .. لكني إكتشفت إني قرفانة السياسة ..
بس عندي كم إقتباس من ردود مرة كتبتها بأخوية بدي منك تعلق عليهون ..

1 _ كيف ترى الله ؟

2_
وهاد شيء بيخلي الشخص اللي بيسب الله في نظري يكون نكرة وتافه

الي بعرفو أنو أكتر صحابك بأخوية بيسبو عادي .. فهل هني بنظرك تافهين .. و لا لأنك عرفتهون بشكل أعمق فتكونت عندك نظرة شمولية عن شخصيتهون .. ! و هل هاد الشي بيخلينا نحكم عن الناس بسبب ألفاظ معينة بيلفظو فيها ..

3_
اشباح الماضي يثيرون قلقي في الوقت الحاضر

هلّ مازالو يثيرون قلقلك .. و لا إقدرت " تشفى " من الموضوع و كيف ؟


_أول ما سجلت بأخوية كنت حسك أنت واحد من حزب ثلاثي / محمد , حسام , و وائل / كنت سميكون " الثلاثي المرح "

شو الشي الرئيسي الي جمعكون ببعض .. ؟

_ رأيك بكل من الأعضاء :

مرسيل
The morning (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////),
أبو طوني
ليندا*
كريم
marioma alghzayala (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
أبو جوزيف
VivaSyria (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
BL@CK (BL@CK)
hanny dagher (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
اللامنتمي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
AHMAD
MadMax (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
إمرأة من ورق
ربيع أنثى
ماتيا
حسون
مايا*
الموسيقار
وائل 76
سكايبي :lol:
ريمي
ياسين
أممي
بنفسجة


:D


.

كيفك أبو حميد :

تمام يا ام نجمه وانشالله تكوني تمام بالفترات الجايه

بصراحة كَشو الأسئلة .. كتير أسئلة مرت من هون كنت حابة إسألك إياها .. لكني إكتشفت إني قرفانة السياسة ..
بس عندي كم إقتباس من ردود مرة كتبتها بأخوية بدي منك تعلق عليهون ..

كيف ترى الله

اعتقد ان ادراك ذات الله بالحواس ال 5 شيئ غير ممكن للبشر العاديين وحتى للانبياء العاديين ، موسى سمع الله ولكن كم نبي قد سمعه ؟ من رأى الله من الانبياء ؟ من لمس الله ؟ ومن شم رائحة الله ؟ من تذوق الله ؟

أغلب الظن ان الغالبية العظمى ستعتقد اني ملحد واروج لمفهوم ان لا اله ، لان لم يدركه احد ! خاصة اذا قلت انه لم يذهب اي شخص مع موسى حينما كان يتحدث مع الله .
من هنا اريد ان اقول ان اسئلتك البسيطة كادت ان تخرجني من حالة الهدوء الفكري التي اعيشها مؤخرا وحتى كتابة هذا السطر اعتقد اني مسيطر .


لدي سؤال ، لنفترض وجودك خارج المنزل وحين عودتك وجدتي قلم على منضدة لديكي وقبل ان تغادري المنزل لم يكن موجود عليها شيئ ، السؤال هو ، ماذا ستعتقدين بهذه اللحظة بخصوص الموضوع ؟

هل تستطيعي قبول فكرة ان القلم جاء الى المنضده بنفسه او بالصدفة ولايوجد شيئ قام بتحريكه او نقله الى المنضده او حتى قام بصناعته وانشائه على المنضده ؟

السؤال الان يتوجه للقراء ماذا ترون ؟
هل القلم يمكن اين يحرك نفسه او ان يصنع نفسه ؟ هل يمكن للصدفة ان تصنع قلم ؟
هل رأيتم يوما او سمعتم او باي حاسة عرفتم ان قلما قد قام بتحريك نفسه بنفسه او قام بصنع نفسه بنفسه ؟ هل قامت الصدفة بصناعته ؟ دائما الات تصنع الاقلام او يصنعها الانسان على الشكل البدائي ولكن الصدفة لا تقوم بصنع اقلام اليس كذلك ؟ !

أنا أرى الله في مخلوقاته ارى الله في عظمة خلقه لمخلوقاته ، ارى الله في الكون البديع اراه اعظم المهندسين المبدعين ، كل شيئ في الكون له حساب دقيق عجيب .
أرى الله في استجابته لدعائي ارى الله في لحظات نادرة في خشوعي حينما اصلي وانا انفصل عن الدنيا وكل من فيها .
بخصوص الكون اعجبني ما قاله العالم اينشتاين حول هذا الامر وسانقله لداخل الاخوية لاول مرة

هو عن كتاب out of my later years سنة 1950
انا ماني متذكر النص ولذلك رح اكتب معنى تقريبي من اللي باقي بالذاكرة عندي
، يقول اينشتاين
" ان أعظم خاطرة يمكن ان تجول في النفس البشرية لهي تلك الخاطرة الناتجة عن تأمل الكون وابعاده وظلامه فانك تستطيع ان ترى من وراء هذا الظلام جمالا مابعده جمال وكمالا ما بعده كمال وعظمة مابعدها عظمة وحكمة مابعدها حكمة وان وان هذا الموقف عندي هو موقف التعبد عند المخلوقات وان شخصا لم يرى هذا المنظر لهو حي ميت لم يرى عظمة خلق الله "

اذا فشلت الصدفة في خلق قلم فهل تنجح مع كون بكل مافيه من كواكب ونجوم ومجرات و و وو و

حتما اذا نظرنا الى الكون كما نظر اينشتاين فاننا سنرى الله سنرى عظيم صنعه وابداعه .

2-
الي بعرفو أنو أكتر صحابك بأخوية بيسبو عادي .. فهل هني بنظرك تافهين .. و لا لأنك عرفتهون بشكل أعمق فتكونت عندك نظرة شمولية عن شخصيتهون .. ! و هل هاد الشي بيخلينا نحكم عن الناس بسبب ألفاظ معينة بيلفظو فيها ..

اولا: لاء معرفتك ليست دقيقة على الاطلاق فلا اكتر اصدقائي بيسبو ولا حتى القليل منهم وعلى اقل تقدير منذ لحظة الصداقة هذا اذا كان احدهم قد سب فيما سبق والافضل للمجتمع وللاخوية هي النظر من بعد صداقتي له ، هل سب الله مرة اخرى ؟
ثانيا : لي صديق من الاخوية من المجاهدين اللي سافرو للجهاد في العراق ضد قوات التحالف بالمناسبة :o
من اصدقائي استطيع عد 50 شخص لايسبون الله لمرة واحدة وان كانت بالخطأ عن دون قصد ،
قد يكون هناك من غير ال 50 من سب قبل ان نصبح اصدقاء ولكن لا اتذكر ذلك والحكم على الشخص من لحظة الصداقة افضل ، الماضي غير مهم طالما ان الانسان تغير .

- أما عن رأيي فانا لا اتذكر الموقف الذي قلت فيه ذلك ولكن على الارجح ان هناك موقف تم بناء عليه هذا الرأي وكان من الافضل ادراج الموقف حتى يكون الرأي واضح .
ساحاول تحليل الموقف بصورة مختلفة الان عما سبق، من يسب الله
اذا كان غير مؤمنا بوجوده ، فلماذا يسبه ؟ هل هذا مقبول عقلا ؟ هل هناك عاقل يسب شيئا غير موجودا اصلا ؟

ام انه يسب الله ليؤذي مشاعر المؤمنيين بوجوده ؟

لايوجد لدي اية اصدقاء لايؤمنون بوجود الله على الاطلاق بل اعرف 3 اشخاص لديهم شك حول وجود الله (لا هم في حالة تأكد بوجوده او عدم تاكد ) هذا طوال مدة وجودي بالاخوية ولم الحظ اي مسبة من اي منهم بل على العكس منهم شخصان قمة في الاحترام والرقي والفكر .
الاعضاء هنا ياخذون بظاهر ما يرون ،مثلا
ابو وليم ليس ملحدا ويؤمن بالله وصام معنا رمضان الماضي :o
كابي ابو طوني ليس ملحدا ويؤمن بالله (وله انشطة دينية في مساعدة المجتمع ايجابيا )
اذا سب الله سارسل المسبات للاب .
بارليب ليس ملحدا
وغيرهم الكثير ليسو ملحدين

* هل لأحد كان موجودا بالاخوية ب2006 أن يعقد مقارنة بين كابي 2006 وكابي 2009 ؟
بين بارليب 2006 وبارليب 2009 وبين ابو وليم 2006 وابو وليم 2009 ؟

كل شخص منهم دخل 2009 وهو يحمل فكرا اكثر ايجابية وبنائية للمجتمع
كل شخص اعرفه داخل الاخوية او خارجها او على الاقل معظمهم " اشعر انه يتحسن للافضل "
ربما انا اتراجع للاسوأ فأرى الباقيين متجهين للافضل :lol:
ولكن لنكن عند حسن الظن وبعيدا عن سوء النية في انفسنا وفيمن نعرفهم (هم يتحسنون يوما بعد يوم للافضل )

3_ اما عن اشباح الماضي


هلّ مازالو يثيرون قلقلك .. و لا إقدرت " تشفى " من الموضوع و كيف ؟


ما عدت اهتم بتلك الاشباح والافضل ان ينصرفو لشيئ مجدي لهم ولا يهمني معرفة كيف شفيت .


_أول ما سجلت بأخوية كنت حسك أنت واحد من حزب ثلاثي / محمد , حسام , و وائل / كنت سميكون " الثلاثي المرح "

شو الشي الرئيسي الي جمعكون ببعض .. ؟


تشارك مجموعة من الافكار


_ رأيك بكل من الأعضاء :

سؤال رأيك بالاعضاء مابجاوب عليه لانو الطبيعي انو كل انسان الو ايجابيات وسلبيات ومافيني اذكر سلبيات ، لانو ثبت بالدليل القاطع انو مجتمعنا بيعشق ذكر الايجابيات واحيانا "تمسيح الجوخ " بس نيجي على السلبيات بيتحسس ومابيتقبلها وبيعتبرها هجوم



* كابي له سؤال غير مرقم حول وجهة نظري المتوسطة بين الانظمة الدينية والانظمة العلمانية

الان الانظمة العربية تجسد وجهة النظر المتوسطة بين الدين و العلمانية ولكن لا احد يلاحظ .
لكن ما اطرحه ليس فكرا متوسطا

ساتحدث عن الاسلام وذلك لان بالمسيحية المسيح قال " اعطو ما لقيصر لقيصر وما لله لله "

وعلى ذلك يرى كثير من المسيجيين بل ورجال الدين يقبلون بالعلمانية وليس من العقل ان اتحدث بعد ذلك في هذا الامر .
اما عن الاسلام وان كنت ارى ان هناك بعض التشابه مع المسيحية واليهودية ولكن كما قلت ليس من العقل ان اتحدث الا عن الاسلام .

المسلم يترك اسلامه حين يتمسك بالعلمانية منهجا، اقولها صراحة واضحة قاطعة ، كيف اذا قال الله " من اجل ذلك كتبنا على بني اسرائيل انه من قتل نفسا بغير نفس او فسادا في الارض فكانما قتل الناس جميعا ومن احياها فكانما احيا الناس جميعا "

ويقول ايضا
" وكتبنا عليهم فيها ان النفس بالنفس والعين بالعين والانف بالانف والاذن بالاذن والسن بالسن والجروح قصاص فمن تصدق به ومن تصدق به فهو كفارة له ومن لم يحكم بما انزل الله فاولئك هم الظالمون "
كيف بعد ذلك ياتي العلماني يريد مني ان اترك مايقوله ديني والغي حكم الاعدام في حق من قام بقتل رجل او امرأة ؟!!

* فيما يتعلق بالجنس
اغلب العلمانين يرون ان الجنس حرية شخصية فالعاهرة التي تاخذ اجرا مقابل ممارسة الجنس هي حرة تماما في ذلك والقانون يحميها وكل شخصين من حقهم ان يمارسو الجنس بكامل حريتهم وان لم يكونا متزوجين ! والقانون يحميهم ايضا !

البعض يقول ان الزوجة التي تمارس الجنس مع زوجها وهي غير مستعدة او راغبة ولكنها تفعل ذلك تحت اي ظرف خوفا من التشهير او غضب زوجها او غضب الاهل او المعاملة السيئة فيما بعد او حوفا من حدوث اي مشاكل او زعل ، فان ذلك يعد اغتصاب ويجب محاكمة الزوج عليه !!! لانه لم يراعي رغبة الزوجة !! وعلى الجانب الاخر
ممارسة الزوجة للجنس مع عشيقها او جارها لايعطي الحق للزوج بطلب محاكمتها لان ذلك حدث وفق ارادة متبادلة من العشيقين !!!

اي خلل مجتمعي يمكن الترويج له بعد ذلك ؟

بصفة عامة الشرائع السماوية اعطت الانسان مايحتاج ليعيش في مجتمع صحي وايجابي
وبصفة خاصة كوني مسلم ساتحدث عن الاسلام
المسلم لديه كل مايحتاجه لتنظيم اساسيات مجتمعه في "القرءان" وليس له حاجة لا بالعلمانية ولا غيرها ولكن هناك بعض الاشخاص محسوبون على رجال الدين واعتقد ان قديما ان كل الرجال للدين وليس مجموعة ، المهم بعض من هؤلاء الرجال يسخرون الدين لتحقيق مصالحهم وبدأو يتحكمون في كل صغيرة وكبيرة بحياة المجتمع بفتواهم العجيبة في مناطق لا علم لهم بها اساسا ، انا هنا اقبل بان يتم فصل هؤلاء العلماءالدينيين عن الدولة حتى يتطور المجتمع ويرتقي ويتوفر له الحرية الفكرية ويتركه المجتمع ليفكر ويتخلص من تاثيراتهم السلبية والتي كانت احد الاسباب الرئيسية في تأخرنا وتراجعنا عبر عشرات السنين واكثر .

ماذا يمكن ان تقدم الدولة العلمانية ؟
جيش صلاح الدين كان به عدة الاف من المسيحيين العرب الذين اختلطت دمائهم مع دماء المسلمين ، وكان ذلك ضد من ؟ ضد المسيحي الغربي !
يعني المسيحي لم يقف مع المسيحي بحربه بل وقف مع المسلم ابن وطنه ،

هل كانت دولة صلاح الدين دولة علمانية ؟

خلاصة القول
الاسلام يعطي لغير المسلمين حقوقا والتزامات متساوية مع المسلمين ولكن بعض رجال الدين المحسوبين على الاسلام يستكثرون هذه الحقوق عليهم ويقومون بحرمانهم من بعضها عبر فتواهم عبر مختلف العصور ويجب فصل هؤلاء رجال الدين عن الدولة (هذا ما اريد ان اقوله )
ليس كل ما تطلبه العلمانية صواب وليس كله خطأ علينا الاستماع لهم (العلمانيين )لنعرف اين اخطائنا لنقوم بمعالجتها ، اما عن الاشياء السلبية التي يريدون نقلها الى المجتمع فليس لنا حاجة بها من وجهة نظري .



اختار مايا * لتنقلي بعدي
واذا مامشي الحال منشان المشاركات بختار بارليب واذا مامشي الحال ورفض
بارليب بيختار اللي بعدي (قلبتو راسي ) خلونا نركز بانهيار البورصات العالمية شوي :sick:
معدلات الانتحار للعالم اللي بتتعامل بالبورصة ارتفعت بشكل ملحوظ والواحد صار يقلق :cry:


* شكرا لكم على اسئلتكم المتميزة حقيقة والمتنوعة وفعلا حملتني قدر كبير من المسئولية في الرد حتى ارتقي لنفس مستوى اسئلتكم واتمنى اني اكون وصلت لمستوى مقارب من مستوى اسئلتكم ،
سعدت بجميع الاسئلة وبجميع المشاركات وبوجودكم جميعا

عام سعيد عليكم واتمنى تتحقق كل امنياتكم والدعوة لكل اخوية وكل مقلاية وانتم بخير :D

يلاااااااااا يلا مين بدو ينقلى

اختار مايا * لتنقلي بعدي
واذا مامشي الحال منشان المشاركات بختار بارليب واذا مامشي الحال ورفض
بارليب بيختار اللي بعدي (قلبتو راسي ) خلونا نركز بانهيار البورصات العالمية شوي :sick:
معدلات الانتحار للعالم اللي بتتعامل بالبورصة ارتفعت بشكل ملحوظ والواحد صار يقلق :cry:


اكيد أذا بدك تختار مايا ما عندي مانع .. بس بفضل أنو الأنسة مايا تتأجل لـ وقت لاحق

كمان أنا ما عدي حق أرفض أنو انقلي .. بس برضو بفضل بعدين .. على راحتك

بـ النهاية .. نحنا مـ ندعم حرية الأرداة و التعبير :D

بـ نهاية مشوار المقلاية لـ السيد محمد أبراهيم ..

كيف رضائك عن الأسئلة .. في سؤال حبيت تنسئل عنو و ما انسئلت ؟

في شغلة لازم قولها

عنجد مستوى الاسئلة بهالمقلاية كتير فاجأني يعني مستوى عالي وقوي ومتنوع من الجميع وحتى في اسئلة كتير كنت اقف افكر قبل ما اجاوب ،

عنجد شكرا كتير الكون على مستوى الاسئلة اعتقد انكم كنتم متميزين جدا باسئلتكم واتمنى تكون اجوبتي بنصف تميز اسئلتكون :D


شكلك قرأت منيح بارليب;)

بـ نهاية مشوار المقلاية لـ السيد محمد أبراهيم ..

كيف رضائك عن الأسئلة .. في سؤال حبيت تنسئل عنو و ما انسئلت ؟
راضي بنسبة كبيرة جدا
المقلاية هالمرة مختلفة عالاقل بالنسبة الي والفضل بيرجع لهالاسئلة واصحابها طبعا " كون الاسئلة مش جايه من الفراغ"
انا مابحب الاسئلة السطحية او التافهة واعتقد اني ما قابلت اسئلة سطحية او تافهة من بين كمّ هالاسئلة الكبير وهاد شيئ مميز وربما كانت شروط المقلاية هي السبب
بالنهاية حابب اشكرك شكر خاص على هالمقلاية المميزة :D
بخصوص الشق الاخر من سؤالك

ما كنت حابب انسئل عن سؤال معين بس اعتقد كنت مستعد للجواب بصفة عامه.

اكيد أذا بدك تختار مايا ما عندي مانع .. بس بفضل أنو الأنسة مايا تتأجل لـ وقت لاحق

كمان أنا ما عدي حق أرفض أنو انقلي .. بس برضو بفضل بعدين .. على راحتك

بـ النهاية .. نحنا مـ ندعم حرية الأرداة و التعبير :D

مارح أنزع هالمقلاية ، خليها تمشي متل ما انت تفضل وحسب قوانينك وبتتحمل مسئوليات وتبعات القرارات واذا ما تم اختيار مايا بالطرق السلمية قبل 6 اختيارات قادمة "رح اتدخل عسكريا " وقد اعذر من أنزر :lol:

" اوافق على اختيار هاني الداغر " للمقلاية وأرحب بوجوده بشده


مرحبا ابو الهن "سؤال استكشافي "
احكيلنا عن تجربتك مع ال3 ايميلات الشهيرة الك وموقفك من هالحدث ؟

عرفتك وانت بسوريا وهلاء صرت باميركا "بهالفترة" شو التغيرات اللي صارت لهاني ؟

بدك تاخد الجنسية الاميركية ؟ ، و ليش؟

"بحموشك بحموشك " ليش بحموشك ؟ وشو معناها وهل عندك شجاعة تقول لمين بتقصد قدام العالم هون ؟

لي عودة اخرى

وينو هاني
:?
لسا ما شفنا أبدى الموافقة
:pos:
يلا يلا
ناطرين ليجي لنشوي مو بس نقلي
:gem:

go for it
سيد زين حضرتك ناطر موافقتي ؟ هممممممممم اي و كمان هممممممممم

نبدا نخرطش اسئلة ولا في عند المتهم اقوال اخرى !؟
:larg:

انا من جهتي راح بلش أطرس اسئلتي
بداية كيفك حبيب القلب
الأسئلة

1- هاني بدي اسئلك انو بامريكا كيف بتكون صورة أحداث غزة اعلاميا يعني الاشخاص بامريكا بيعرفوا هالشغلات؟
أنا عم شوف ال cnn واخبارها شوي ببكي ع الاسرائيلين ؟:jakoush:

2- أمريكا أو الحلم الأمريكي اللي انت عايش في بنظر البعض شو بيعنيلك ؟
ما بعرف ليش بس انت بحب اسئلك عن أمريكا ....

3- هلق بالنسبة الك حسن نصر الله شخصية أممية ؟ انو مرة حكيت مع واحد فرنسي سألتوا عن حسن نصر الله قلي انو في ناس كتير بتعتبروا انو غيفارا الوقت الحالي ؟:?

4- انت برأئيك الوضع الداخلي بسوريا بلدنا راح يتصلح شي وعم تشوف شي تقدم ، والسؤال الو شق تاني انت بتقدر تفرقا بين سياسة سوريا الخارجية ومواقفها وسياستها الداخلية يعني برأيك المانو كويس جوا مانو كويس برا ولا ممكن انو يكون في مواقف ايجابية وسياسة منيحة بالخارج وفيتة بالحيط بالداخل و العكس صحيح ولا انت بتعتبر السياسية الخارجية لبلدنا متل ما بيقولوا انو الرياح جاية متل مابدو القبطان ؟:shock::shock:
سؤاااال طويل شو دخلني انت بدك تنقلي (انو لا تخبيلي بدالوا اذا اجى دوري)

5- بحموش بحموش هل هية اختصار لشي كلمة ؟ جاوب ثم علل جوابك ؟;)

6- باينك عشقااان وحدة حلوة وحبابة شو غير الحب بحياتك وانت بالوقت الحالي يعني ممكن تخون أو ما تاخد الكلمة بالمعني الكبير إلها يعني انو بتحكي مع بنت تانية على اساس الحب مشان غايات الله مولاها يعني ملذات شخصية ؟وهي بتصير كتير
وينها تجي تشوفو للجواب :p

7- السؤال الاخير ممكن ترتبط ببنت الها ماضي صاخب جدا ؟؟
هاد السؤال الأخير بونز
:lol::lol::lol::lol::lol::lol::lol:

بحموش بحموش

أبو الهين هنا يا هلا يا هلا
أسئلتي خفيفة و نظيفة

هاني سوريا بماذا يختلف عن هاني أميركا ؟؟؟
ما تقييم هاني لنفسه و لسيره على طريق تحقيق حلمه الكبير في عام 2008 ؟؟
ما الشيء الذي كان موجودا في سوريا و لم يجده هاني في أميركا ؟؟؟
هل كان لأخوية فضل على هاني ؟؟؟؟ وان كان نعم فما حجمه ؟؟؟و بأي مجال كان أكثر ؟؟؟
هل ينظر هاني لأخوية كأنها مصدر فقط ؟؟؟و لماذا لا يلعب دورا فعالا في متابعة أخوية لمسيرتها ؟؟؟
هل يشعر هاني بأنه أكبر من أخوية ؟؟؟و هل من طبع هاني أن يترك الاخرين عندما يحتاجون مساندته و دعمه ؟؟؟
من أكثر الأعضاء ازعاجا لك في أخوية ؟؟اذا وجد شخصيا أو حتى فكريا يعني مين ما بتوالف معو أكثر الشي ؟؟؟
هاني لو كان بسوريا ممكن يعللم أخوه أو يشجعوا على دخول أخوية ؟؟؟
من أكثر الأعضاء برأيك ساهم باغناء أخوية فكريا ؟؟؟
هل هاني يفكر بالارتباط الجدي حاليا؟؟؟
و هل يحبذ فكرة الارتباط غير الجدي ؟؟؟

دمت صديقي
أسألتي فجي شوي بعرف
سامحني

هاني

ابحث بالمواضيع الاتية بما لا يزيد عن سطر


الأخوية

هاني

سوريا

أمريكا

فلسطين

غزة

المقاومة

مصر , سعودية

الدين

الحب

المال




________________________

السؤال الأخير : الأخوية هلق دخلت بسن اليأس و لا بحالة الاحتضار و لا لسعتها صبية و ست الصبايا ؟

هنهووون هووون ؟
اهلين عمي،


إنو رح إسألك سؤال مافي غيرو ..

صرلي ساعة بتلفت حواليي، انو شو متغير ، شو متغير يابنت ؟؟
ما طلع معي شي ..

بعد شي ساعتين تأمل انتبهت انك فاقد شي كتير كان كتير عزيزعليك ، حالق السكسوكة ، ويعني صغران بالعمر شويتين ..

انو ليش ؟ شو عدا ما بدا ؟ :p

هلا هاني ..

اول شي أنت ابو شو .. يعني بينادولك ابو شي ولا ما بتحب هل حركات ؟

هاني لو بيطلع بأيدك تقضي عـ شعب كامل .. على مين رح تقضي ؟

انا مين ؟ و كيف ؟

شو رأي هاني بـ القامشلي و الجزيرة عموماً

في احتمال تتجوز وحدة أميركية ولا لا ؟

في احتمال ترجع تسكن بـ حمص و تستقر فيها ؟

شو اكتر مشروب بتحب تشربو أجمالاً ؟

بتتعاطى شي من اللي بالي بالك ؟

اذا شب أو صبية ألتقو عـ النت .. و شافو بعض و تبادلو الصور وهيك .. و الشب قال لـ البنت بحبك .. أو العكس يعني

برأييك هاد شي صح ولا لا ؟

و تحياتي يعني هيك .. و احلا ابو الهن و انت عـ الراس و من هل حكي الزين

حريموس

هاني ..

اول ما بتشوف بنت .. شو اول شي بيلفت انتباهك فيها .. وشو تاني شي .. و شو تالت شي

اذا حبيت تلطش بنت بـ حمص .. شو ممكن تقلا ؟؟

و اذا حبيت تتحركش بـ وحدة بـ أميركا .. شو ممكن تقلا ؟

اذا حبيت وحدة كتير كتير يعني .. و الوالد الكريم قالك انو اذا انت اخدت هل بنت رح اتبرى منك .. و عطاك سبب انو سمعة مو خوش سمعة

المهم انت بتحب هل بنت كتير .. و بتعرف أنو سمعتها متل المسك ...

اضطريت تاخد قرار .. يا عيلتك يا هذه الفتاة .. كيف بتتوقع يكون رأيك ؟

و هلا ولله

خموراتو

يعني سبق و سألتك عن المشروب وشو أكتر مشروب بتحبو ..

بس انت ممكن تشرب الصبح ؟ و شو رح يكون المشروب ؟

الضهر شو بتفضل تشرب ؟

المسا ؟

اخر السهرة ؟

مع الغدا .. مع العشا .

مع الأركيلة .. مع الدخان

في عرق بـ أميركا .. غير يلي بياخدوه معون جماعتنا من هون ؟

شو رأيك بـ الويسكي ؟

سمعان بـ Take me home ؟ و شو رئيك فيه .. وصحيح متل ما بيقولو انو أقوى شي بالعالم .. اقوى من سوبرمان كمان

اذا عم تلعب بوكر أو اي لعبة قمار .. بتشرب .. و شو بتفضل تشرب ؟

مرحبا ابو الهن
مراحب

"سؤال استكشافي "
حكيلنا عن تجربتك مع ال3 ايميلات الشهيرة الك وموقفك من هالحدث ؟
الايميلات هههههههههههههه
كان عندي تلت ايميلات ايميل مخصص للمسنجر وايميل مخصص للمواقع اللي بشترك فيها وللجامعة ولهيك قصص وايميل مخصص لموقع الضيعة اللي صممتو واللي كانو يبعتولي اهل الضيعة صور علي مشان حملهن عالموقع كان الهن نفس كلمة السر
بيوم من الايام تهكر الكمبيوتر تبعي وحساب اخوية كمان (كمان اخوية كانت نفس سر الايميلات وبعتقد ياسين وساندرا بيتزكرو الحادثة) المهم ياسين بيوقف حساب الاخوية تبعي وانا بفرمت الكمبيوتر وعلى اساس انو مرقت القصة تاني نهار ما قدرت فوت على ايميلاتي
انو ما كان في شي خطير غير بعض الصور الشخصية اللي كانت خايف كتير انو تطلع لبرا


عرفتك وانت بسوريا وهلاء صرت باميركا "بهالفترة" شو التغيرات اللي صارت لهاني ؟
هادا بدك تأجلي يا للاخير

بدك تاخد الجنسية الاميركية ؟ ، و ليش؟
اي طبعا بدي اخد الجنسية الاميركية
اول الشي في امتيازات زيادة شوي بتصير وقت باخد الجنسية الاميركية اهم شي بقدر اطلع من اميركا وادخل برياحة اكتر وهالشي رح يساعدني بشوية مخططات براسي
وتاني الشي مشان اقدر ادفع بدل خدمة العلم بسوريا مشان اقدر انزل على سوريا ايمت ما بدي وما كون محكوم بتلت شهور بالسنة


"بحموشك بحموشك " ليش بحموشك ؟ وشو معناها وهل عندك شجاعة تقول لمين بتقصد قدام العالم هون ؟
هههههههههههههههههههههه بحموشك اخدت ضجة وصارت مثل شعبي هالكلمة
بحموشك بكل بساطة هيي عبارة عن دمج تلت كلمات ببعض
بحموشك = بح + مو + شك
بح = بحبك
مو = بموت فيكي
شك = بعشقك

انو طلعت مرة كنا عم نحكي انا ومريومة الغزيالة (هيي المقصودة بكلمة بحموشك :sosweet:) اي قلتلها هالتلت كلمات بعدين قعدنا نفكر كيف فينا ندمجهن بكلمة وحدة مشان ما نضل نقولهن على طول (ما في اكسل مننا :o ) اي وطلعت كلمة بحموشك

لي عودة اخرى
ناطرك


next :lol:

اووووف ريحتني لك هاني بالبحموووش
شيتك
هلق بقلها لحبيبتي
بحموش
ولمرتي بحموش
وعلى البحموش البحموش
ويا عيني ع البحموش
:D

بما انو كنا نثبت المقالي الماضيه .. فالسبيشال اديشن كمان مثبت .. :D

يه في مقلاية ومالنا عرفانين :shock:
وحمادة كان بينقى كمان حلو ..


بشرفكن شي حدا ينط يجبلنا الاسئلة تبعت رأيك بالاعضاء وسؤال المقارنات التاني لانو مالي مروة انط اجيبن صراحة من اخر مقلاية :oops:

يه في مقلاية ومالنا عرفانين :shock:
وحمادة كان بينقى كمان حلو ..


بشرفكن شي حدا ينط يجبلنا الاسئلة تبعت رأيك بالاعضاء وسؤال المقارنات التاني لانو مالي مروة انط اجيبن صراحة من اخر مقلاية :oops:
من هلق
اذا بدك تجيبوا لنأحط