اه يعني ما عرفت:lol:

حزازيرك صايرين حلوين..كتر من البيروني:p...

حزازيري من الأول حلوين :pos:

:shock:يعني طلع معي انو درهم واحد فقط لا غير..

ازا صح بقول الحل!!

هاتي حلك ت نشوف

مم اوكي:gem:

15------>10 درهم
15*2=30
30------>5درهم
هلأ 15+30=45..45 /2=22.5
هلأ صار عنا:

15سنه ---------10د.
22.5--------x
5----------30

يعني 10+5=15
15/2=7.5 درهم ( ل 22.5 سنه)

حنزيد العمر 7.5:

15----------10 د.
22.5---------7.5
30-----------5
37.5--------y
z---------45

هلأ بعمر ل 45 حيكون صفر درهم:o
بما انو عم ننزل 2.5 د. كل 7.5 سنه

ف 37.5 سنه-------2.5 درهم
45--------0 درهم

بقي عنا 38---------2 د.
39-------1.5
40-----1درهم

:shock:شو؟؟
ما بعرف ليش حاسه انو:jakoush:

مم اوكي:gem:

15------>10 درهم
15*2=30
30------>5درهم
هلأ 15+30=45..45 /2=22.5
هلأ صار عنا:

15سنه ---------10د.
22.5--------x
5----------30

يعني 10+5=15
15/2=7.5 درهم ( ل 22.5 سنه)

حنزيد العمر 7.5:

15----------10 د.
22.5---------7.5
30-----------5
37.5--------y
z---------45

هلأ بعمر ل 45 حيكون صفر درهم:o
بما انو عم ننزل 2.5 د. كل 7.5 سنه

ف 37.5 سنه-------2.5 درهم
45--------0 درهم

بقي عنا 38---------2 د.
39-------1.5
40-----1درهم

:shock:شو؟؟
ما بعرف ليش حاسه انو:jakoush:



هع

غلط.. يا تسلميلي غلط (الطريقة والجواب طبعاً) :p

يا حسرتي عليك يا يمان!! بعدك بغو

لك حبيبي.. في شي اسمو "خبرة".. وهالخبرة حقها مصاري.. مو شلون مانكان!!

40 سنة شايفها كبيرة؟!!

بتعرف جوليا روبرتس قديش عمرها دخلك؟ أنجلينا جولي؟

ولك إذا أسكسس مخلوقة بالدنية مونيكا بيلوتشي (ربي يسعد أوقاتها) رح تدق بالأربعين إذا الله ما خيّبني

قال ما بيدفع ولا فرنك قال!! هه


بس بزمانات البيروني.. يمكن كانوا بيحبوا الأطافيل!! مشان هيك كانوا يدفع بالصغار أكتر

والله يا معليم .. الخبرة .. ما بدا 15 سنة لتصير الخبرة ..

عكلن ما لح نطلع برا الموضوع .. الدنيا صيام شنو :p

هع

غلط.. يا تسلميلي غلط (الطريقة والجواب طبعاً) :p

حسيت هيك لانو في غلط بحساب السنين اخر شي...
بس فات الاوان..:p

انو ما بعرف ليش نزلت بلدرهم نص بنص..

بسيطه..:?

اذا مشينا على النسبة و التناسب ...

رح يطلع معنا ... 10 *15 = 40d

و بالنتيجة .. 3.57 ==> 4 درهم

برافو يا (لحظة ت إتهجّى الإسم).. يا سوريويو (هيك مزبوط؟ سوريويو؟ شو هالاسم؟ ياباني؟)


بس في عندك خطأة مطبعية (3.75 مو 3.57)

الفكرة قلتها من الأول.. نسبة وتناسب.. راشيكات

في نوعين تناسب:

فيه تناسب طردي.. وفيه تناسب عكسي (بظن هيدول بيدرسوهن التلاميذ برياضيات صف السادس)

آجار المخلوقة هون بيتناسب عكساً مع زيادة عمرها

فـ هون بالمسعلة:

منضرب الأول بالتاني (10 × 15 = 150)

ومنقسّم النتيجة على التالت (40)

فـ بيطلع معنا الأجار 3.75 (تلات دراهم وتلات رباع)



هلق إذا كان بدنا ناخد "الخبرة" بعين الاعتبار (اللي ما تبلى بالعمى)
فـ بتتحوّل المسألة لـ تناسب طردي

وقتها بسهولة منلاقي إنو أجار المخلوقة بعمر الأربعين رح ينط عن الـ 25 درهم

الصراحه اول حل (غير لهون) بين معي انو ع 45 سنه بتاخد 2.5 درهم
صح؟؟
لحظه كيف يعني تناسب عكسي طردي؟!!

الصراحه اول حل (غير لهون) بين معي انو ع 45 سنه بتاخد 2.5 درهم
صح؟؟


هـء

إم الـ 45 بتاخد 3.33 درهم

كيف؟

بتضربي 10 بـ 15 وبتقسميهن ع 45

بس إنتي طلع معك 2.5 لإنك حسبتي أجارها بالـ 30 خمسة.. بعدين ضفتي للعمر 15 ت صار 45 وقسمتي أجار إم التلاتين ع النص.. فـ طلع تنين ونص لإم الخمسو أربعين

إي شو هالدوّيخة؟

برافو يا (لحظة ت إتهجّى الإسم).. يا سوريويو (هيك مزبوط؟ سوريويو؟ شو هالاسم؟ ياباني؟)


اسم ارامي :lol:


هلق إذا كان بدنا ناخد "الخبرة" بعين الاعتبار (اللي ما تبلى بالعمى)
فـ بتتحوّل المسألة لـ تناسب طردي

وقتها بسهولة منلاقي إنو أجار المخلوقة بعمر الأربعين رح ينط عن الـ 25 درهم

25 درهم امارتي ... الا 25 دراخما :larg:

وحدة جديدة (بعيداً عن سيدنا البيروني)


قال في حلزونة عم تتعمشق على حيط.. طول هالحيط متر واحد

بالنهار بتقدر تطلع 7 سانتي متر.. بس بالليل بتغفى وبتقشط لتحت 2 سانتي

إذا افترضنا إنو هالحلزونة بلشت رحلة العمشقة على الحيط نهاراً..


فـ السؤال.. كام نهار وكام ليلة رح تاكل معها القصة حتى توصل لآخرة الحيط؟

بدها 48 يوم ...

باعتبار كل يوم تطلع لل 7 و ترجع لل 2 .... بس بنهار اليوم 48 رح تصعد من 94 سم الى نهاية الحبل و ما رح تلحق ترجع :larg:

20 يوم :?

وحدة جديدة (بعيداً عن سيدنا البيروني)


قال في حلزونة عم تتعمشق على حيط.. طول هالحيط متر واحد

بالنهار بتقدر تطلع 7 سانتي متر.. بس بالليل بتغفى وبتقشط لتحت 2 سانتي

إذا افترضنا إنو هالحلزونة بلشت رحلة العمشقة على الحيط نهاراً..


فـ السؤال.. كام نهار وكام ليلة رح تاكل معها القصة حتى توصل لآخرة الحيط؟
بدا 20 نهارو 19 ليلة .. يووب ..:sly:

بدها 48 يوم ...

باعتبار كل يوم تطلع لل 7 و ترجع لل 2 .... بس بنهار اليوم 48 رح تصعد من 94 سم الى نهاية الحبل و ما رح تلحق ترجع :larg:

غلط يا آرامي..

هي ما عم تطلع للـ 7 وترجع للـ 2

هـء

هي عم تطلع 7 سانتي.. وترجع تزحط لتحت 2 (يعني 5 سانتي نتيجة كل يوم)

20 يوم :?

كمان غلط..

ما في داعي للعشرين يوم (يعني عشرين نهار وعشرين ليلة)

شنو لإنو هي بالنهار العشرين بتوصل لآخرة الحيط.. فـ متل ما قال الآرامي.. ما رح تلحق ترجع.. خلص وصلت)

بدا 20 نهارو 19 ليلة .. يووب ..:sly:

ع راسي يوب

كمان وحدة جديدة (مشهورة بظن)


قال عنا عشر كياس.. بكل كيس فيه عشر طابات

وزن كل طابة منها 100 غرام، ما عدا كيس واحد الطابات فيه وزن كل واحدة منهن 90 غرام.


المطلوب إنو:

بوزنة وحدة (بميزان ذو كفتين يا ماري بيل :) ) بدنا نعرف أي كيس فيه الطابات الأقل وزن

مم اي
اول شي منحط كيس بكفه و كيس بلتانيه..ازا توازو منخليهون و منزيد عكل كفه كيس و ازا توازنو منعمل نفس الشي..وهيك لحتا بلاخر بقي كيسين..منحط كمان واحد هون و واحد هونيك.. الميله يلي حتكون اخف و رح تنزل بكون من الكيس يلي حطيني اخر شي و بكون هوي الغير!!
:D؟

مم اي
اول شي منحط كيس بكفه و كيس بلتانيه..ازا توازو منخليهون و منزيد عكل كفه كيس و ازا توازنو منعمل نفس الشي..وهيك لحتا بلاخر بقي كيسين..منحط كمان واحد هون و واحد هونيك.. الميله يلي حتكون اخف و رح تنزل بكون من الكيس يلي حطيني اخر شي و بكون هوي الغير!!
:D؟

هـء

هيئتك مو صحبة بنوب مع الموازين.. لإنو رجعتي غلطي غلطة كنت قايلك عليها قبل

تذكري معي لما قلتلك: كمان ما زمّر.. أول باشتان: لما حطيتي (بالوزنة التانية) تنين بتنين.. ثم شلتي وحدة.. هيك صاروا تلات حركات.. ثم شلتي وحدة.. صاروا أربعة.. رجعتي حطيتي.. صاروا خمسة.. مو؟..

إذن..

الحل اللي قدمتيه فوق.. يـُـعتبر إنك استخدمتي الميزان خمس مرات (بكل مرّة كيسين)

لإنو كل عملية تغيير لما هو موجود بالكفتين.. هاي تعتبر وزنة

والمطلوب شو؟

وزنة وحدة فقط


فـ صوري.. غلط

:D

لإنو كل عملية تغيير لما هو موجود بالكفتين.. هاي تعتبر وزنة

والمطلوب شو؟

وزنة وحدة فقط


فـ صوري.. غلط

:D


لأ انا ما قلت بشيل يللي عالميزان..
انا قلت انو منضل نحط كياس ..يعني بأخر شي حيكون في بكل كفه خمس كياس

انو انا ما وزنت تنين و شلتن نووو انا زدت عليهن..!!

يعني هيك!:D

هلئ معلم مافهمت عليك زيادة ... ازا حطيتهن فرد مرة ( بغض النظر عن الترتيب يعني .. بس عمافهم منك كيف تعتبر الوزنة والتنين والتلاتة ... لانو ما كنت من اول الموضوع .. وشلشة انو يقرأ الواحد من الاول وهيك ) فـ ازا حطينا الكل بغض النظر عن التراتبية .. وشلنا بعدين كيس من كفة لتانية أو أحطنالو لبرا ..

بهالحالة تعتبر وزنة ولا تنين ؟


وازا حطيت مو الكل ( يعني لنفترض حطيت 9 اكياس... وضل واحد برا ) ...

وبعدين رجعت ضفتو .. تعتبر وزنتين ولا كيف ؟

ملحوظة:

بهالمسألة فيكي تستخدمي "أوزان" قد ما بدك

بس مرة تانية.. كام وزنة؟

وزنة وحدة فقط

هلئ معلم مافهمت عليك زيادة ... ازا حطيتهن فرد مرة ( بغض النظر عن الترتيب يعني .. بس عمافهم منك كيف تعتبر الوزنة والتنين والتلاتة ... لانو ما كنت من اول الموضوع .. وشلشة انو يقرأ الواحد من الاول وهيك ) فـ ازا حطينا الكل بغض النظر عن التراتبية .. وشلنا بعدين كيس من كفة لتانية

بهالحالة تعتبر وزنة ولا تنين ؟


وازا حطيت مو الكل ( يعني لنفترض حطيت 9 اكياس... وضل واحد برا ) ...

وبعدين رجعت ضفتو .. تعتبر وزنتين ولا كيف ؟

وزنتين نعم

قلت من شوي:

"كل عملية تغيير لما هو موجود بالكفتين.. تعتبر وزنة"

يالله.. هات لنشوف

وزنتين نعم

قلت من شوي:

"كل عملية تغيير لما هو موجود بالكفتين.. تعتبر وزنة"

يالله.. هات لنشوف


طيب .. سوال اخير

فينا نفتح هالكياس ... وناخد منهن طابات ونزينها ؟

لأ انا ما قلت بشيل يللي عالميزان..
انا قلت انو منضل نحط كياس ..يعني بأخر شي حيكون في بكل كفه خمس كياس

انو انا ما وزنت تنين و شلتن نووو انا زدت عليهن..!!

يعني هيك!:D

نفش السي.. وحياة الله

كل عملية حط أو عملية شيل ع الميزان.. هاي وزنة

يا ريت بقدر إخدمك.. بس ما بقدر إحسبلك ياهن غير هيك..

سدقيني راس مالها أكتر من هيك :)

طيب .. سوال اخير

فينا نفتح هالكياس ... وناخد منهن طابات ونزينها ؟

هو اسمو كيس.. ليش حتى ما يكون فيك تفتحو؟



بيني وبينك (وما تخلّي ماري بيل تسمع) قرّبت ع الجواب يا صديقي :)

هو اسمو كيس.. ليش حتى ما يكون فيك تفتحو؟



بيني وبينك (وما تخلّي ماري بيل تسمع) قرّبت ع الجواب يا آرامي :)


يا تسلملي انا ما سمعت شي.:o.
بس جربت و ما زبطت معي ,,بركي مع شنو لانو بتزبط و برتاح:p

يا تسلملي انا ما سمعت شي.:o.
بس جربت و ما زبطت معي ,,بركي مع شنو لانو بتزبط و برتاح:p

بدك ترتاحي ع كتاف غيرك يا ماري؟


هاد بيسمّوه "تواكل" :p

اتكلنا عالله .. وشمرنا وفتحنا هالكياس يا معلم

منشيل من اول كيس طابة
ومن التاني طابتين
ومن التالت 3 طابات
ومن الرابع 4 طابات
ومن الخامس 5 طابات
ومن السادس 6 طابات
ومن السابع 7 طابات
ومن التامن 8 طابات
ومن التاسع 9 طابات
ومن العاشر 10 طابات

بيصير عنا مجموع طابات عدده 55 طابة منحطهن بالميزان
وهلئ ورح نغض نظر شوي ونفترض انو كل طابة وزنها 100
بالتالي لازم يكون الوزن 5500 غرام

بس هوي ما رح يطلع هيك ...

بالتالي

في عنا الاحتمالات التالية

الوزن رح يطلع
5490 = الكيس الأول هوي الأنقص
5480 = الكيس التاني هوي الأنقص
5470 = الكيس التالت....
5460 = الكيس الرابع
5450 = الكيس الخامس
5440 = الكيس السادس
5430 = الكيس السابع
5420 = الكيس التامن
5410 = الكيس التاسع
5400 = الكيس العاشر


مزبوطة هيك ما ؟ :)

اتكلنا عالله .. وشمرنا وفتحنا هالكياس يا معلم

منشيل من اول كيس طابة
ومن التاني طابتين
ومن التالت 3 طابات
ومن الرابع 4 طابات
ومن الخامس 5 طابات
ومن السادس 6 طابات
ومن السابع 7 طابات
ومن التامن 8 طابات
ومن التاسع 9 طابات
ومن العاشر 10 طابات

بيصير عنا مجموع طابات عدده 55 طابة منحطهن بالميزان
وهلئ ورح نغض نظر شوي ونفترض انو كل طابة وزنها 100
بالتالي لازم يكون الوزن 5500 غرام

بس هوي ما رح يطلع هيك ...

بالتالي

في عنا الاحتمالات التالية

الوزن رح يطلع
5490 = الكيس الأول هوي الأنقص
5480 = الكيس التاني هوي الأنقص
5470 = الكيس التالت....
5460 = الكيس الرابع
5450 = الكيس الخامس
5440 = الكيس السادس
5430 = الكيس السابع
5420 = الكيس التامن
5410 = الكيس التاسع
5400 = الكيس العاشر


مزبوطة هيك ما ؟ :)

صوح يابا صوح



ارتاحت ماري بيل! :pos:

ميرسي "شنو لأنو" ريحتني نفسيا:p

فتحت القريحة


مافي غيرها ؟ :lol:

فتحت القريحة


مافي غيرها ؟ :lol:

كان غيرك قبلك ناطر!!
بس اجا مين تشاطر عليه;)

خليك للأشيا الصعبه هيك اشيا ما بتمشي بدنا شي اتقل:p

كان غيرك قبلك ناطر!!
بس اجا مين تشاطر عليه;)

خليك للأشيا الصعبه هيك اشيا ما بتمشي بدنا شي اتقل:p


قال هدول اجدادنا الأولين كانو قولو انو الأرض مسطحة متل رغيف البيتزا
بعدين سمعنا انو صارت مدورة

وبعد ما عرفو انو تكعبلت بهالشكل ... انطمزو الجماعة فوق ... ورجعو قالو انو الارض ثابتة ...

فـ خوزقتهن ورجعت دارت ..

كمان سمعت مرة انو .. البني آدم بيستخدم 10 بالمية من عقلو بأحسن حالاتو

وبرواية تانية قال انو العمليات الحسابية لحالها بتستهلك 7 بالمية من المخ كمان

هالبشرية من قد مانهن مبذرين ... دمجو التنين ببعض .. وصارو يستهلكو هال 7 بالمية من ال 10 بالمية

ما تستبعدي يعني بيوم من الأيام يجي حدا ( وليكن انا :p ) انو يستخدم هال 7 بالمية من برات ال 10 بالمية .. ويضيف هال 10 بعدين ويصيرو 17

والله كارثة :lol:

فتحت القريحة


مافي غيرها ؟ :lol:

طالما فتحت القريحة.. فـ خود ت قلك وحدة جديدة:

قال يا سيدي.. إذا كان مكعب البناء (بلوكة يعني.. ) بيوزن 4 كيلو غرام

فـ إذا بدنا نعمل نموذج لهالبلوكة خاص بلعب الأطفال.. ومصنوع من نفس المادة اللي انصنع منها المكعب الفوقاني.. بس رح تكون مقاييسو أصغر منو بأربع مرات

فـ السؤال:

قديش رح يكون وزن هالمكعب الصغير؟

62.5 غرام :p

62.5 غرام :p

طبعاً..

وطبعاً ما كان بيصير نقول إنو وزن مكعب الأطفال 1 كغ بحجة أنه أصغر بـ 4 مرات من المكعب الحقيقي!!

خوش لإنو هالمكعب الصغير طولو أصغر بـ 4 مرات، وعرضو أصغر بـ 4 مرات، وارتفاعو شرحو..

لذااااا رح يكون حجمو أصغر بـ 64 مرة، وبالتالي وزنو كمان أصغر بـ 64 مرة

أي.. متل ما قال الشيخ يمان (فقط 62.5 غرام)



تصحبو ع حزورة جديدة.. صار ترم نومي هلق

اي يا زلمة براء اخي حللي ياها مو انا :o

قال حزورة قال عم فكر ارجع شغل الموضوع فوق ..

تبع حرك مخك ..ها .. يا اما هات شي تقيل ..:gem:

شي تقيل؟


حطيت مسألة وحدة بدها نتفة هز كتاف.. إي ما حدا استرجى يسعل قدامها!!


في كام وحدة جيدين.. بس بدهن إرفاق صور (وهذا ما لا طاقة لي به.. شنو لإنو عم فوت ع المنتدى بطريقة "إدني اليسار من تحت إجري اليمين" فـ مو شغالة لوحة تنسيق الرد وإرفاق الصور وهالكماليات التانية)

طيب وحدة جديدة


خود رقعة شطرنج.. اللي فيها 64 مربع.. مقسومين على 8 تسطر و 8 أعمدة


قال احذف منها المربعين الصغار الموجودين بزاويتين متقابلتين (يعني مثلاً.. المربعين البيض اللي بالزوايا)


وخود قطعة دومينو (هاي اللي شكلها مستطيل.. مقسوم لمربعين.. واحد عليه نقطة.. والتاني نقطتين)

هلق النقط مو مهمة..

اللي بيهمنا هون.. إنو قطعة الدومينو هاي سطحها بيعادل ضعف سطح مربع قطعة الشطرنج..

يعني قطعة الدومينو الوحدة بتغطي مربعين وقت نحطها ع الرقعة



هلق السؤال:

هل يمكن تغطية رقعة الشطرنج (بعد ما شلنا منها المربعين البيض) بواسطة قطع الدومينو بحيث تغطيها تماماً و لا تزيد؟

هاي:o
نوو بيبقى في شي فاضي ..

هاي:o
نوو بيبقى في شي فاضي ..


هاي وشقفة.. بس واي؟

يعني اشرحيلي

يعني صح؟
عشان ما بدي اكتب و تقلي غلط..
"انو متل ديمن:p!"

يعني صح؟
عشان ما بدي اكتب و تقلي غلط..
"انو متل ديمن:p!"

لا تحرجيني!


اكتبي.. وبعدين منحكي

طيب وحدة جديدة


خود رقعة شطرنج.. اللي فيها 64 مربع.. مقسومين على 8 تسطر و 8 أعمدة


قال احذف منها المربعين الصغار الموجودين بزاويتين متقابلتين (يعني مثلاً.. المربعين البيض اللي بالزوايا)


وخود قطعة دومينو (هاي اللي شكلها مستطيل.. مقسوم لمربعين.. واحد عليه نقطة.. والتاني نقطتين)

هلق النقط مو مهمة..

اللي بيهمنا هون.. إنو قطعة الدومينو هاي سطحها بيعادل ضعف سطح مربع قطعة الشطرنج..

يعني قطعة الدومينو الوحدة بتغطي مربعين وقت نحطها ع الرقعة



هلق السؤال:

هل يمكن تغطية رقعة الشطرنج (بعد ما شلنا منها المربعين البيض) بواسطة قطع الدومينو بحيث تغطيها تماماً و لا تزيد؟

لا يا سيدي ما بتزبط ...

بدك احكي ليش ولا اتركها لـ ماري بيل ؟ :lol:

لا يا سيدي ما بتزبط ...

بدك احكي ليش ولا اتركها لـ ماري بيل ؟ :lol:

:o
هلأ انو الحل مش كتير واو..
انو في 64 و راح منن 2 يعني بقي 62:gem:
انو اوكي:

قطعة الشطرنج =x
الدومينو: 2x

62=2x
x=31
31 قطعة دومينو..بدها

بقي عنا 6سطور فيهن كل واحد 6طول و 8 عرض هيدول 48 قطعه بدن:24 قطعة دومينو..
بيبقى في السطرين 1 و 8 هيدول كل واحد فيون 7 قطع..فنحنا بالدومينو منقدر نغطي 6 قطع ب 3 دومينو ..
و بما انو كل عمود بميله فبيبقى بكل واحد قطعه فاضيه!!!!!!!!!

صحي حل طويل بس احلا!:p

ماري حلها اسهل من هيك بكتير ترى كلمتين بتخلص يعني ;)


:D

لا يا سيدي ما بتزبط ...

بدك احكي ليش ولا اتركها لـ ماري بيل ؟ :lol:

لا طوّل بالك شوي..



ماري بيل.. تعي لهون

جوابك صح.. منيح هيك؟


يالله.. افردي وراقك ت نشوفها

ماري حلها اسهل من هيك بكتير ترى كلمتين بتخلص يعني ;)


:D


يس بس انا قلت انو هيك اطول و احلا..!!:oops:
اكيد متل حضرتك بتستوعب اوام:o بس بركي حدا حب يعرف الطريقه:deal: